#جرسونه
(البارت السابع)
شاهد كان قاعد بيقرا في التليفون الاخبار و بيشرب من فنجان القهوة علشان يقوم يروح الشركة ولقى اوضة دارلين بتتفتح بصلها و مهتمش بس رجع بص ثاني عليها بصدمه
شاهد :ايه الي انتي عملاه داااا😡😳
دارلين بصت على نفسها: ايه مالك 🤨
دارلين كانت لابسه جيبه قصيره لحد تحت الركبة لونها اسود بس ضيقة شويه وقميص ابيض وعليه حمالتين نظام سلوبيت
شاهد: انتي كنتي بتروحي كدا قبل ما نتجوز😳😡😡
دارلين: اه مالك في ايه 😃
شاهد: انتي مش شايفه القصر او الضيق
دارلين: لا مش شايفه و ملكش فيه بقا يلا تشاو
شاهد مسكها من دراعها و خبطها في الحيطه جامد: انا حذرتك كثير بقا كدا
شدها جامد دخلها الاوضه و زقها على السرير وقالها بصوت يخوف 😰: تغيري الزفت الي انتي لابساه دا انتي فاهمه وحسك عينك تطلعي بحاجه زباله زي دي ثاني والا صدقيني هتندمي 😡
طلع من الاوضه وسط عياط دارلين الي طلعت وراه على طول: يعني عايزني البس ايه انا هاه دا لبس الشغل بتاعي ولازم اروح بيه و مفيهوش اي مشكله
شاهد راحلها ثاني: اللبس دا مش هيتلبس و ان كان على ان دا لبس شغلك فانا ببشرك مش هتروحي الشغل دة ثاني يا دارلين
دارلين: يعني ايه بقا الكلام دا ان شاء الله
شاهد: زي ما سمعتي كدا مش هتنزلي الشغل
دارلين: لا انت مش هتنفعني في حاجه بعد ما اتطلق ومش هلاقي شغل انا ما صدقت لاقيت وبعدين مش بعرف اقعد من غير شغل انا😡
شاهد دخل الاوضه بتاعت دارلين من غير ما يرد وهي راحت وراه
داراين: بكلمك يا بني ادم
شاهد لسه ساكت متكلمش وفتح الدولاب طلع هدوم معينه وحطها على السرير وراح مسك القميص من عند الكتف: القرف دا تغيريه و تلبسي الي طلعتهولك دا
دارلين بصت للهدوم باستغراب: ليه البس ده
شاهد طلع: قدامك ٥ دقايق انجزي من غير اسأله
دارلين: يووووه بقا انا مني لله 😡😤
********************
دارلين واقفه قدام المرايه وفتحه عينيها بدهشة:ذوقه حلو 😁والله قمر يا بت يا دوده
شاهد ابتسم لما سمع كلامها من برا : خلصتي ؟
دارلين: احم اه
كانت بدلة اوفوايت بنطلون طويل ونفس الجاكت بتاع البدلة و قميص مايل للذهبي شويه و عملت شعرها كحكه😂ونزلت خصلتين من الجنب مع شوز بكعب شويه
طلعت وشاهد فتح عينيه بصدمه
دارلين: يا قوووم نحن هنا وبعدين يعني اديني لبست
شاهد فاق و لف وشه الناحية الثانيه: اه اكيد انتي من هنا ورايح هتشتغلي معايا في الشركه (كانت لسه هتتكلم على صوته)و مش عايز اي اعتراض على الاقل هتبقي تحت عيني و محدش يقدر يبصلك
اتكسفت شويه و بعدين حاول يصلح كلامه: علشان مراتي و الناس دي كلها عارفه كدا مش اكثر
رجعت ثاني : يلا و النبي انا متحمسه اوي
شاهد ابتسم وهو ماشي: طيب يلا علشان نروح
نزلو وركبو العربيه و بداو يتحركو اتجاه الشركه
*******************
رايح جاي في الاوضة قدام الشنطه: فيين الشنننطه فييين المستندات و شنطة مين دي الله يخربيتك هي ناقصه مصايب قرب من الشنطه علشان يلاقي اي حاجه ولقى في بطاقة تعريف في الشنطه من ورا طلعها بسرعه وبدأ يقرا
الاسم: امال سعد
رقم التليفون:012.......
مسك التليفون بسرعه و رن على الرقم
*********************
رن تليفونها فتحت بنص عين ومسكته لقته رقم غريب فتحت وردت عليه
امال: احم الو
زاهد بلهفة: الو الو مين معايا انت معاك شنطتي
امال: ايييه ايييه اهدى شويه داخل عليا كدا ليه
زاهد: هو ايه الي ليه انتي عارفه الشنطه دي مهمه قد ايه اياكي تضيعي منها حاجه انتي فاهمه
امال: يا استاذ ما هي الشنطه الي معاك دي كمان مهمه جدا بس اعمل ايه يعني دلوقتي انا عايزه شنطتي
زاهد: و انا كمان عايز شنطتي و بأسرع وقت 😰
امال: طيب نتقابل فين
زاهد:هنتقابل في*&& بكرا الساعه ٧ تمام؟
امال: تمام جدا اوكاي اتفقنا
زاهد: سجلي الرقم عندك علشان لو عوزنا بعض ثاني
امال: طيب مع السلامه
زاهد طلع زفير كانه ارتاح: باي
قفلو الخط و زاهد راح ينام شويه من التعب اما امال صحيت و خدت شاور و قعدت مع مامتها شويه☺
******************
شاهد و دارلين وصلو الشركة مسك ايديها و هي بصتله بصدمه : انت بتعمل ايه
شاهد: انتي مراتي قدام كل دول اياكي تبيني اي حاجه
دارلين لسه باصه على ايديهم 😗
دخلو وكل الناس حرفيا عنيهم عليهم و على مستر شاهد كانهم كانو عايزين يشوفوه هيعمل ايه بعد الي حصل في الفرح بس اول ما شافوه داخل مع دارلين و الفرحة ماليا وشه عرفو اجابتهم
شاهد: احب اعرفكو بمراتي وحبيبة قلبي دارلين و هتشتغل معانا من النهارده ☺حابب ترحبو بيها
دارلين بصتله بصدمه وفي نفسها: ايييي 😃يا راجل صدقتك
كل الناس جم سلمو عليها لحد ما جيه موظف علشان يباركلهم مد ايده علشان يسلم عليها شاهد مد ايده بسرعه وسلم عليه : الله يبارك فيك شكرا جدا يا حبيبي😄🤨
حس بالاحراج شويه: طيب عن اذنكو
كل دا حصل بنظرات دارلين الغريبه ليه ولتصرفاته و نظرات موظف ثاني ليها من ساعة ما دخلت من الباب وشاهد بيضحك مع كل الموظفين و بيتكلم معاهم لحد ما لاحظ انه مدقق معاها جدا 🤨سحب ايديها من ما بينهم ودخل مكتبه
دارلين: اقسم بالله انا لو انبوبة بوتجاز مكونتش سحبتني كدا حرام عليك يا اخي ايه في ايه
شاهد بص من الازاز على الموظف بعصبيه الي عينه على باب شاهد بعد ما دخلو
شاهد مسك دراعها :على اساس مشوفتيش ام الولا الزبله الي عمال يبصلك دا مشوفتيهموش
دارلين بوجع : ولا مين انا مشوفتش حد سيب ايدي ايدك بتوجع ارجوك
شاهد: كلكو زباله زي بعض بس مش عليا لما نسيب بعض اعملي الي انتي عايزاه 😡طول ما انتي معايا تتعاملي باحترام
دارلين نسيت وجعها و كلمته بتحذير: انا مش زي الزباله الي تعرفهم تمام انا محترمة غصب بن عن عينك و عين اي حد 🤨وانا مشوفتش حد ولا بعمل زي حد(رفعت صباعها قدام عينيه) و مسمحلكش تتكلم معايا كدا ابدا انت فاااااهم 😡ولو ايه حصل حتى مسم...حلك...ششش
شدت ايديها جامد منه علشان يسيبها و هو سابها من صدمته من طريقة كلمها علشان اول مره حد يكلمه كدا 😳
دارلين: اشرحلي هعمل ايه في الشركه دي
شاهد: هتبقي سكرتيرتي الثانيه عادي جدا هتشوفيني عايز ايه و تجيبهولي لحد هنا اول ما اجي تعلقيلي الجاكت و تلبسهولي اول ما اجي امشي و تشليلي الشنطه و تشوفي عايز ايه بالظبط و تعمليه
دارلين بسخريه: انجغاااا يا قلبي انجغااا انجغا يا قلبي انجغااا 💃ايه يا بطه مش بتعرفي تعملي الحاجات دي لوحدك ايه الشغلانه دي ان شاء الله 🤨
شاهد: انتي مش بتحبي تشتغلي شغلانتك قولت محرمكيش منها الله 😏
دارلين: تمام اوي كدا عايز اي حاجه يا فندم
شاهد: اه عايز كوباية عصير بسرعه بليز
دارلين في سرها(ابتدينا): احم حاضر يا فندم
اول ما طلعت شاهد ضحك عليها و هي جابتله العصير
_عدى اليوم وسط منقرات دارلين و شاهد الي مش بيشيل عينه من عليها و بيحاول يلمح تصرفاتها المجنونه😂لحد ما جيه الليل و كل الموظفين مشيو كلهم
دارلين قاعده حاطه ايديها على خدها و باصه لشاهد و الي بيعملو : بملل خلصت؟
شاهد: سالتي السوال دا لحد دلوقتي ٥٠ مره وبرضه لا شكلك فاضيه قومي اعمليلي قهوة يلا
دارلين بحماس: ايه دا بجد طلع فيه حاجه تتعمل بجد 😃هروح فوررريررره
شاهد ضحك غصب بن عنه: طيب روحي يلا بسرعه
دارلين لمحت غمازته و ضيق عينه و بيظهر شوية تجاعيد على خدوده اول ما بيضحك قالت تلقائيا: يخرببت حلاوتك
شاهد: احم القهوة🙄
دارلين خدت بالها فركت في شعرها بأحراج: اه صح معاك حق
طلعت و شاهد لسه مبتسم اما هي راحت لاوضة بيكون فيها المشروبات و شوية اكل بسيط للموظفين ودخلت شغلت الة القهوة وهي بتدندن: انا مش قادره اصدق لسه ان انت سايبني...
قاطع صوتها رزعة الباب جامد اوي و لقت حد واقف و شكله مبيطمنش للخير ابدا 😰وبيبصلها بخبث
دارلين:........