#قلب_فاضي
الحلقه { 31 و32}
( وجه وقت صلاة العيد )
ابو حمزه : ( خبط على اوضت حمزه ) اصحى يا حمزه هنتاخر
حمزه : ( وهو مغمض عينو ) حاضر يا بابا قايم اهو ( اتقلب النحيه التانيه وهو لسه مغمض عينو وراح حاضن امو وفاكرها تقى ) ايه يا بت يا تقى انتى كلبظتى كده ليه ( فتح عينو ) هااااااااا ماما
انتى ايه جابك هنا ؟
ام حمزه : صباح الخير يا حموزه
حمزه : انتى نايمه جنبى ليه وتقى فين ؟
ام حمزه : واحشنى يا حمزه قولت اجى انام جنبك فى ايه انته محستش بيه لما داخلت ؟
حمزه : لا هى تقى طب راحت فين ؟
ام حمزه : الله كل شويه تقى تقى هتكون راحت فين يعنى تلقيها هنا او هنا
حمزه : ( قام يدور على تقى لقاها نايمه على الارض ) تقى حببتى قومى يا روحى
تقى : صباح الخير ( وباستو فى خدو )
حمزه : صبح النور يا عمرى ايه نيمك هنا على الارض ؟
تقى : طب هنام فين ماما جات وانمت جنبك والسرير صغير قولت انام على الارض وخلاص هعمل ايه ؟
ام حمزه : مانمتيش على الكنبه ليه طيب ؟
تقى : ما الكنبه فى وش الشباك افرضى حد بص هيشوفنى وانا نايمه
حمزه : اه صح طب معلش قومى نامى على السرير
تقى : لا انا هروح اصلى العيد معاك
حمزه : ماشى قومى
انا هروح اتوضى فى الحمام اللى باره والبس عقبال ما تلبسى انتى
تقى : حاضر
( كل ده وام حمزه لسه قاعدلهم على السرير وعماله ترقبها وغيرانه )
( وبعد صلاة العيد روح حمزه وابوه وتقى على البيت )
ابو حمزه : كل سنه وانته طيب يا حمزه خود اليعديه
حمزه : وانته طيب يا بابا بس انا كبرت على العيديه دى
ابو حمزه : اثبتلى انك كبرت هتلى حفيد وانا مش هديك هدى ابنك
حمزه : شفتى عاوز حفيد اتصرفى
تقى : يا رب ان شاء الله
ابو حمزه : خودى انتى كمان كل سنه وانتى طيبه
تقى : ( مكسوفه تاخد منه كتابلو على الموبيل ) لا شكرا
ابو حمزه : انتى مكسوفه انا زى باباكى خودى يا تقى
حمزه : يا بنتى خودى حد يقول للرزق لا
تقى : ( اخدت منو اليعديه ) شكرا يا عمى
ابو حمزه : بابا مش عمى
ام حمزه : ايه وانا ايه ؟
ابو حمزه : انتى كمان عاوزه عيديه ولا ايه ؟
ام حمزه : مش المفروض ولا ايه ؟
ابو حمزه : بس كده خودى يا ستى ولا تزعلى
ام حمزه : اهو كده تستهلو الفطار اللى عملتهولكم قومى عشان تفطرو
تقى : حمزه انا عاوزه اروح لماما وبابا
حمزه : ماشى بس نفطر ونقعد شويه معاهم وبعد كده تبقى نشوف
هما هنا فى القاهره ولا البلد
تقى : البلد
حمزه : ماشى بعد الغدا اوديكى مبسوطه يا حياتى ؟
تقى : ربنا يخليك ليا
فارس : تسلم اديكى يا ماما الكعك حلو اوى
ام فارس : متكولش منو كتير عشان تعرف شويه تتغدى
فارس : متقلقيش هاكل برضو
ام فارس : احمرلكم اللحمه ولا تكلوها مشويه ؟
هدى : اى حاجه يا ماما مش فارق كلو حلو
ام فارس : عشان تكليها ؟
هدى : لا عادى باقيت اكول كل حاجه دلوقتى دا حتى الفراخ البلدى باقت اكولها
ام فارس : طب الحمدلله
فارس : انا مش عارف ايه حصلها باقت تاكل كل حاجه
هدى : متجوزه فانبير عاوزنى اعمل ايه ؟
فارس : ههههههههه انا فانبير ماشى يا وانتى شبه امنا الغوله كده
هدى : هههههههه
ابو فارس : ايه بابييفر ده
فارس : دا اسم كده مطلعاه عليا ما هدى هههههههههه
ام فارس : اللى هو ايه يعنى ؟
فارس : فى مسلسل اجنبى كده واحد شكلو حلو بيصاحب بنات بيعلقهم ويقرب منهم يجى يبوسهم يروح ماصص دمهم ومموتهم
ام فارس : اه دى تقى كانت بتتفرج عليها هى نجوى دا كان واد حلو اوى امور
فارس : هى فين نجوى صحيح ؟
ام فارس : نايمه داخلت عليها من شويه لقتها غرقانه فى النوم
نجوى : بقالك نص ساعه عمال تقول كلام ملاوش لازم انته عاوز ايه فى الاخر
منير: عاوز ارجعلك يا نوجى
نجوى : منير انته غلط فيه كتير اهانه وخيانه وكدب
منير : انا عملت كل ده
نجوى : اه كنت بتهنى وتقولى انى خدامه فى البيوت ويوم فرح تقى تقولى روحى خدمى على المعازيم
وخنتنى بجوازك من صابرين
وكدبت عليا فى موضوع الشغل والمرتب وحاجات كتير اوى
منير : انا كنت بقولك خدامه وكده عشان تغضبى وتسيبى البيت عشان هى كانت بتطلب منى اعرفك انى اتجوزتها وبتهددنى انها تقولك لما عرفت ان انا كدبت عليها وانى مش مخلف فا قولت ادايقك عشان تسيبى البيت ومتعرفيش انى متجوز
وكدبى عليكى فى موضوع الشغل عشان افرحك واريحك مش اكتر
نجوى طب ادينى فرصه تانيه والله هبقى من اديكى دى لايدك دى نجوى انا بحبك بنام احلم بيكى
مش لاقى طعم لحاجه فى حياتى نجوى انتى الحاجه اللى عايش عشانها لو مش هتعيشى معايا طب اعيش لمين
نجوى : لمراتك التانيه
منير : صابرين مش مراتى انا بحس معاها كأنى بابقى مع ابله الناظره هى مش فهمانى ولا انا فاهمها انا معاها وخلاص
نجوى دى والله ملهاش حد ليها 3 اخوات زى قلتهم طمعانين فيها اخوها من كام يوم جه ياخد حقو فى الشقه بتاعت ابوها محدش بيسأل عليها مستنينها تموت عشان يورثوها
هى كل اللى طالبه منى اكون قريب منها احميها
نجوى : يعنى مش هتقرب لها ؟ كا زوج وزوجه ؟
منير : متفكريش فى كده
وحتى لو عملت كده من غير احساس غصب عنى هو حقها لاكن من جوايا انا مش عاوز
نجوى : طب لو رجعت موقفك ايه من شغلى ؟ خصوصا ان انا هروح نجع حمادى على الاقل مره فى الاسبوع
منير: برحتك ولو عوزانى اجى معاكى هاجى
وحتى شغلك مع سليمان والله ما هقول حاجه بس ارجعيلى انا بحبك
انا بموت من غيرك يا نجوى بموت
نجوى : طب سبنى افكر تانى
منير : حرام عليكى اعمل ايه اكتر من كده والله بحبك
نجوى : برضو هفكر وهكلمك
منير : ماشى هستنى مكلمتك يا حببتى يا حب عمرى
( نجوى قفلت المكلمه وقامت تشوفهم باره )
نجوى : صباح الخير
ام فارس : صباح النور ادخولى صوبيلك كبايت شاى بلبن وتعالى كلى معانا
نجوى : بقولكم ايه هو انا لو رجعت لمنير اكون كده بقلل من كرمتى
فارس : اه طبعا اوعى ترجعيلو
ام فارس : اسكوت انته خالص
لا مش بتقللى من كرمتك ولا حاجه انتى بتحفظى على بيتك
ابو فارس : هو بيحبك وانتى بتحبيه واللى بيحب بيسامح
فارس : وهى بقى لو كانت خانتو كان هيسمحها
ابو فارس : بعدين معاك بقى
هدى : بصى يا نجوى جربى ارجعيلو والله الحياه عجبتك كملى مقدرتيش انفصلو لاكن انتى مجربتيش تعيشى معاه على الوضع ده
وبعدين تعالى نتكلم كلام عقل كل الناس لما تعرف انك اطلقتى بعد الجواز ب 5 شهور بس وهو اتجوز عليكى هيقولو العيب فيكى انتى
ام فارس : يسلم بؤك صح كلامك يا هدى
هيقولو انو هو اللى سابك وراح لغيرك
هدى : كل كلامنا دا مجرد اراء انتى فكرى وشوفى بتحبيه ولا لا
نجوى : انا بحبو بحبو اوى
هدى : خلاص ارجعى
وبرضو هيكون ليكى شغلك وحياتك
ابو فارس : اديلو فرصه تانيه معلش خليها عليكى انتى
وبعدين زى ما هو بيقول دى ست كبيره اكسبو فيها ثواب وخلوها معاكم
ام فارس : وكمان دى سايبالكم شقه ومفروشه ومش عاوزه حاجه وكل واحده منكم فى شقه متتبطريش على النعمه يا نجوى
مش هو دى منير اللى رضيتى تتجوزيه بشبكه صينى ومن غير فرح ومن غير فستان اتنازلتى عن كل ده عشان تكونى معاه وعشان بس اتجوز عليكى عاوزه تسبيه
نجوى : طب خلاص
فارس : خلاص ايه ؟ انا مش موافق
نجوى : خلاص بقى يا فارس خلاص
صابرين : صباح الخير
منير: صباح النور ازيك
صابرين : الحمدلله استنيتك تكلمنى زى ما قولت امبارح متكلمتش نستنى ولا ايه ؟
منير : لا بس اتشاغلت شويه
صابرين : دبحتو وكده عشان كده انشاغلت ؟
منير: لا انا ماليش داعوه بابا ومحمود واحمد هما اللى بيدبحو انا ماليش فى كده بخاف من الدم
صابرين : هههه بتخاف دانا تعرف انا ممكن ادبح خروف وعل كمان عادى مش بخاف
منير : انا مقدرش بيصعب عليا
صابرين : رومانسى اوى انته ههههههه
منير: عندك شك ؟
صابرين : هو من شويه انا كلمتك كنت بتتكلم مع مين ساعه
منير : اااااااا عادى بكلم اصحابى
صابرين : يعنى مش نجوى ؟
منير : "
"
"
صابرين : هترجعو لبعض ؟
منير : بحاول بس هى زعلانه منى واخده الموضوع على كرمتها
صابرين : طيب يا منير ربنا يكتبلك الخير
منير : صابرين انتى عارفه نجوى عندى ايه وانتى اتجوزتينى وهى معايا
صابرين : خلاص يا منير انا مقولتش حاجه بس المهم متسبنيش
منير : لا مش هسيبك بس متعمليش مشاكل لانى لو هختار بينك وبين نجوى فا هختار نجوى
صابرين : طبعا مانته قطعت الشيك بيع واشترى فيه برحتك
منير : مش بابيع واشترى فيكى بس
صابرين : لا خلاص مش عاوز اى تبريرات
سلام بقى
منير: طب استنى انتى هتعملى ايه ولا هتروحى فين انهارده ؟
صابرين : فى البيت يعنى هروح فين
منير : طب متزعليش منى لما ارجع هفسحك
صابرين : لا شكرا مش ناقصنى فسحتك خليها للعيله بتعتك سلام
منير: والله برحتك سلام ( وقفل ورما الموبيل قدامو على السرير )
ناقص نكد امك انتى كمان
ام منير: انته لسه صاحى دلوقتى ؟
منير: لا صاحى من شويه
محمود : وانا معدى من قدام الباب كنت سمعك بتكلم الحريم بتوعك ههههههههه
منير : ها ها ها
ام منير: كلمت انهى مخفيه فيهم ؟
منير: المخفيتين كلمتهم
ابومنير: يا رزقه اتقى الله كلامك ده بيخليهم ياخدو من حسناتك
ولو حسناتك خلصو انتى بتاخدى من سيئتهم
ام منير: بقولك ايه خليك فى نفسك الجزار خلص ولا لسه ؟
ابو منير : اه خلاص قرب احمد واقف معاه تحت
ام منير: ما تسيب التليفون ده وتكلمنى
منير: ايه يا ماما فى ايه ؟
ام منير: هتعمل ايه هطلق مين فيهم ؟
منير : ماما وحياتى سبينى فى حالى وقومى اعمليلى فطار
ام منير : فطار خلى المخافى اللى متجنزهم يعملولك هو انا الخدامه اللى ابوك جبهالك
( موبيل منير رن )
منير : حموزه صباح الخير
حمزه : صباح النور يا والله ما عارف اقولك ايه انته ايه اللى عملتو ده
منير: انته عرفت ايه ؟
حمزه : كل حاجه ماما كلمت طنط بوسى فا حكتلها ليه كده تتجوز وكمان تطلق نجوى
منير: غلطه يا حمزه والله غلطه
حمزه : طب انته هتعمل ايه دلوقتى ؟
منير : انا بحاول اصالح نجوى ادعيلى
حمزه : طيب انا شويه وجايلكم البلد وتقى معايا انا هقول لتقى تحاول تقنع نجوى وترجعلك
منير: بجد طب اه حل كويس
حمزه : متقلقش نجوى بتحب تقى وهتسمع كلامها وكمان انته تيجى وتعتزر
منير: والله اعتزرت بدل المره 10 وهى دمغها جزمه
حمزه : معلش هى برضو عندها حق كفايها انها اجهضت بسببك
منير : هى ام هدى دى قالت كل حاجه ؟
حمزه : اه ما ماما وطنط بوسى انتيم
منير: هههههههه انتيم ماشى يا حمزه حاول الله يخليك
حمزه : حاضر انا على 5 كده هنجلكم لما اوصل هكلمك
منير: ماشى مستنيك سلام
ام منير: اتفضحت يا حليتها
منير : انا قايم من قدامك خالص
حمزه : خلاص اتفقنا هتقوليلها ايه ؟
تقى : حاضر بس على فكره والله هو ما يستاهله عشان هى ضاحت كتير على شانو
ام حمزه : انا مش فهمه ازاى يقدر يتجوز كده وواحده فوق ووحده تحت ومراتوالتانيه دى ترضى على نفسها تتجوز كده ليه ؟
وتسيب شقتها لست تانيه
ابو حمزه : مش بوسى بتقولك كبيره وعاوزه تتجوز
ام حمزه : لا برضو ولو منير بجد غلط ونجوى عندها حق
حمزه : يعنى تخرب البيت يا ماما وهو منير ندمان
تقى : يا حبيبتى يا نجوى كل ده شافتو وانا بعيد اكيد كانت محتاجانى
حمزه : نجوى قويه وجمده واللى شافتو ده اكيد زودها قوه متزعليش
تقى : طب هنروح على امته ؟
حمزه : 5 كده
ام حمزه : هتروحو انتو الاتنين بس خودونى معاكم
حمزه : ما يا ماما مش هنتاخر هنروح ونيجى على طول
ام حمزه : ماليش داعوه خودونى معاكم
ابو حمزه : اه خودوها
حمزه : وحضرتك هتفضل لوحدك ؟
ابوحمزه : انا هشوف شويت شغل كده عقبال ما تيجو
( نجوى عملت الاكل مع مامتها واتغدو وبعد الغدى وداخلت اوضتها ترتاح وتفكر وهى بتقلب فى الموبيل بتاعتها شغلت الاغنيه دى وهى بتتفرج على صورها هى ومنير ايام الخطوبهوفرحهم وبعد جوازهم )
وحشني ايده تلمسنى طريقة نطقه لإسمى
ده روحى و غايبه عن جسمى انا عايشه و السلام
هزاره و هو باله رايق و شكله لما يضايق
وحشنى كلامنا طول الليل على صوته كنت بنام
وحشنى سؤاله عني أنا ببكي مش بغني
وروحى رايحه منى بتبعتله السلام
أنا اللى فى بعده بشقى عشان من قلبى عاشقه
و نفسي فى حضني يبقى و أصحى جنبه وأنام
بعيد عنى لكن شايفاه و لحظه بلحظه عايشه معاه
حياتى إبتدت وياه و متكملش الا بيه
وحيده ضعيفه منسيّه و حبه احلى ما فيا
هتسوى ايه الحياه ديا لو مش عايشه بيه
ام فارس : ( من باره الاوضه ) يا نجوى اختك تقى جات
نجوى : تقى يا حببتى ( رامت الموبيل من اديه وجريت على الصاله )
تقى حببتى وحشتينى
تقى : وانتى كمان وحشانى اوى اوى
ام فارس : اتفضلى يا ام حمزه نورتينا
ام حمزه : دا نورك كل سنه وانتم طيبين
ابو فارس : وانتى طيبه هو ابو حمزه فين ؟
ام حمزه : عندو شغل قال بقى يشتغل فانا قولت اجى عشان اروقلو البيت ويشتغل فى الهدوء
هدى : مروحتيش مع ماما ليه الحفله
ام حمزه : لا انا ماليش فى الحفلات
ام فارس: حفلت ايه ؟
هدى : حفله فى برتو السخنه
ام فارس : والله امك دى رايقه هههههههه
ام حمزه : المفروض كانت تخالى بالها من هيثم ومنك مش راحه جايه كده
هدى : لا انا مرتاحه كده
مش انته مرتاح يا فارس ؟
فارس : اه اوى ربنا يكتر حفلتها يا رب
ام حمزه : هو حمزه راح فين ؟
حمزه : والله دا بيحبك
نجوى : عارف وانا كمان بحبو بس
حمزه : مابسش انا هكلمو يجى وتتصلحو كفايا نكد بقى وكمان عشان نفضى لشغلنا
نجوى : شغلنا ؟
تقى : اه انا حاكيت لحمزه على فكرت المشروع بتاعك وهو هيشاركك
نجوى : بجد ؟ بس انا مش عاوزه شريك
حمزه : ولا انا بحب الشراكه انا شركتى مجرد طخطيط اعتبرينى بنك هتستلفى منو بدون فوائد وبعد كده رجعيلى الفلوس اللى اخدتيها
نجوى : طب انته كده استفادت ايه ؟
حمزه : لا طبعا مستافيد كفايا ان اسم الشركه بتعتى انوخطط للمشروع وكمان مولناه انا عندى افكار كتير اوى
تقى : عشان خطرى يا نجوى خلاص انا عاوزه نخرج انا وانتى وحمزه ومنير ونفرح وحياتى
نجوى : انا هكون متجوزه نص راجل
حمزه : بقولك ايه انا هطلع اكلم منير بلاش الكلام الاهبل ده نص ولا ربع المهم لما يكون معاكى يبقى ليكى ( وسابهم وخرج )
تقى : خليكى عقله انتى تنسحبى وتسيبى لضرتك جوزك كده بالساهل لازم ترجعيلو وتفضلى على قلبها
نجوى : انتى مجربتيش انك تحسى ان جوزك مع غيرك انك يكون عندك ضره
تقى : اومال ام حمزه دى ايه ما هى ضرتى دى امبارح نايمه فى امان الله لقتها داخلت ولقيت حاجه بتشدنى بابص كده لقته تقولى وسعى
وراحت نطه ونايمه وسطنا
وكل شويه تزق فيه منا بعتلك الصور امبارح
نجوى : ماشى بس دى امو مش مراتو فى فرق
تقى : لعلمك بقى امو انيل من ضرتك عارفه ليه ؟
لان ضرتك ممكن تجبيها من شعرها تمسحى بيها البلاط لاكن امو لا لو قولتى كلمه هتتقلب ضدك
عشان فى الاخر دى امو
نجوى خلينى افرح كده ونخرج ونتفسح سوى
نجوى : ماشى يا تقى حاضر هرجعلو
احكيلى بقى عملتى ايه فى دبى
تقى : مش قادره اقولك انا عشت 10 ايام اسعد من السعاده دلع وحب
وجابلى حاجات كتير اوى لبس ومكياج واكسسوار واتفسحنا فى اماكن كتير اوى بصى الصور
نجوى : فرجينى
حمزه : انته فين يا صاحبى ؟
منير: فى اوضتى نايم
حمزه : طب تعالى مراتك مستنياك
منير: وكتاب الله ؟
حمزه : ههههههه وكتاب الله
منير : انا جاى حلا ( نط منير فتح الباب وجرى على باب الشقه )
ام منير: واد يا منير انته رايح فين ؟
منير: نجوى يا ماما وافقت انها ترجعلى رايحلها
من منير: بالفنله والشرط وكمان من غير شبشب ينايلك من دون الرجاله
( داخل منير لبس وراح لنجوى )
منير : السلام عليكم
حمزه : ادخل انته لسه هتتنحنح ادخل بقى بوس ادياه
منير: اديها بس اديها وراسها ورجليها لو عازت
نجوى : انا هسمحك بس عشان تقى بس والله لو كنت جبتلى مين ما كنت هسمحك ابدا
منير: ربنا يخليكى يا تقى
ابو فارس : يعنى صافى يا لبن ؟
نجوى: خلاص يا بابا بس لازم تعرف انى ليه شورط والشروط قدمهم كلهم
#قلب_فاضي
الحلقه { 32 }
نجوى : انا هسمحك بس عشان تقى بس والله لو كنت جبتلى مين ما كنت هسمحك ابدا
منير: ربنا يخليكى يا تقى
ابو فارس : يعنى صافى يا لبن ؟
نجوى: خلاص يا بابا بس لازم تعرف انى ليه شورط والشروط قدمهم كلهم
منير: وانا موافق
نجوى : تسبنى اشتغل زى ما انا عاوزه
منير: برحتك خالص
نجوى : وطول ما انا فى البيت تفضل معايا انا متطلعلهاش خالص ولا كأنك متجوزها اصلا
منير: حاضر مش هطلع لها طول مانتى موجوده
نجوى : ولو قولتلك انا عاوزاك نخرج او نبات هنا توافق ومتقولش منسبهاش لوحدها والصعبنيات دى
منير : موافق
نجوى : طب خلاص
فارس : خلاص ايه
ومصروف البيت تديها هى كل شهر مصروف البيت دا غير مصروف اديه هى ملزومه منك
منير : انا مستعد اخد مرتبى ادهولها
فارس : كلام على فكره وانا بتكلم بجد
يكفيكى كام يا نجوى مصروف البيت ؟
نجوى : مش عارفه
هدى : انا عن تجربه مش اقل من 1300 وكمان تبقى ماشيه على قدك
منير: هديها 2000
نجوى : المشكله مش فلوس يا منير
فارس : انتى تسكتى عشان لما اتجوزتى انتى وبابا اتساهلتو واتنازلتو كتير وفى الاخر النتيجه ايه ؟
منير : فارس اللى حصل حصل بقى
فارس : بص لو فى يوم جات واشتاكت منك والله هتشوف منى اللى عمرك ما شوفتو
والكلام ليك انته كمان تقى تزعلها تعمل فيها حاجه والله ما هتلوم غير نفسك
ام حمزه : ليه هتعمل فى حموزه ايه اوعى تقرب منو
فارس : متخفيش حموزه مش هعملو حاجه يا دوب هزعقلو
حمزه : بتتريق ماشى يا فارس بس هو كده المحترم اللى ماشى فى حالو الناس بتتريق عليه
ام فارس : بلاش نكد بقى
منير ردها يلا
منير: انا رديتك لزمتى موفقه ولا لا يا بت
نجوى : موفقه يا غلس
منير: بحبك يابت والله بحبك
هدى : اقوم اعملكم بقى حاجه تشربوها حد ياخد الواد
ام حمزه : هتيه انا
تامر : مالك يا ماما
الهام : مفيش روح العب مع اخواتك
وائل : انتى زعلانه ليه ؟
الهام : مفيش روحو العبو ومتعملوش داوشه
وائل : ما تيجى نروح لتيته
الهام : لا هو حد سئل علينا ولا حد قالنا نروح
تامر : ما تلاقيهم زعلانين عشان خالتو نجوى
الهام : ستكم وجدكم كل تفكرهم فى نجوى وتقى انا لا المفروض جدكم كان يجى يبص علينا
تامر : مش مهم نروح احنا
الهام : لا مش هنفرض نفسنا على حد
وائل : طب عاوز نخرج نتفسح
الهام : انزلو الشارع العبومع اصحبكم بس خلو بالكم من بعض
تامر : حاضر يا ماما يلا يا وائل يلا يا محمد
( وبعد ما الولاد نزلو )
الهام : الو متكلمتش يعنى انهارده
فكرى : كنت هكلمك انا لسه صاحى دلوقتى
الهام : نايم من الصبح ؟
فكرى : اه الولاد اخبرهم ايه ؟
الهام : الحمد لله
فكرى : طب الحمد لله مال صوتك كده ؟
الهام : زهقت على طول لوحدى او مع العيال او مع امك
فكرى : طب وايه الجديد يعنى ما دا العادى
الهام : ما عشان مفيش جديد انا زهقت
فكرى ما تحاول تاخودنا عندك انا تعبت من الوضع ده
فكرى : هنتكلم فى كده تانى مانا قولتلك مينفعش
الهام : خلاص انزل واشتغل فى مصر
فكرى : هشتغل ايه فى مصر
الهام : زى ما بتشتغل فى السعوديه مدرس
فكرى : وهاخد كام ملاليم هكفى على 4 عيال وعليكى وعلى امى منين ؟
الهام : طب مانا زهقت انا على طول لوحدى
فكرى : طب مانا كمان لوحدى
الهام : يعنى مش حرام عليك كده العيد يجى وافضل لوحدى انا والعيال دا يرضى مين ؟
فكرى : يوووو بقى ( وراح قفل المكلمه )
الهام : الو الو فكرى
يا رب انا زهقت وتعبت بقى
شفتى يا كركر بيحصلى ايه
تقى : ما تيجو نروح لالهام وحشانى ؟
نجوى : انا زعلانه منها اصلا عرفت اللى حصلى ورغم كده مسئلتش
فارس : معلش ما هى اللى شايله العيال وكمان ام فكرى
ام فارس : كلموها تيجى
ام حمزه : هى ساكنه بعيد ؟
ابو فارس: لا اول الشارع
ام حمزه : تروح يا حموزه ؟
حمزه : عادى نروح بس وحيات اغلى حاجه عندك بلاش حموزه الهام عنها عيال هيقولولى عمو حموزه ماينفعش
منير: لا وعيال الهام ايه ما هيصدقو
فارس: طب يلا ننزل نروحلها
نجوى : اقولكم خليكم انتو وانا ومنير وحمزه وتقى نروحلهم
ابو فارس: انا بصراحه مش قادر
فارس : خلاص روحو انتو وهتوها
نجوى : يلا طيب
( نجوى اخدت منير وتقى اخدت حمزه وطبعا امو ونزلو يروحو لالهام وهما فى الشارع )
فكره يا تقى لما كنا بناخد الطريق ده جارى واحنا صغيرين ؟
تقى : اه فكره
منير: اه وانتى اللى كنتى بتكسبى كل مره
نجوى : وانته عرفت منين ؟
منير: مانا كنت بتفرج عليكم وانتو بتجرو اومال انا حبيتك ليه ؟
حمزه : وانتى يا هانم كنتى بتجرى كده فى الشارع ؟
تقى : مش قولتلك طفوله مشرده هههههههه
حمزه : ههههه
نجوى : ما تيجو نجرى زى زمان ونشوف مين هيسبق
حمزه : لا طبعا تقى متجريش وكمان ماما مش هتقدر تجرى
ام حمزه : انتى فيجر اوى با نجوى
نجوى : فيجر ؟ تجرى يا منير ؟
منير: لحسن اسبقك ؟
نجوى : نشوف 1 2 3
نجوى : كل سنه وانتى طيبه
كده يا وحشه متسئليش
الهام : ما انتو كمان مش بتسئلو ولا كأنى اختكم
نجوى : انتى عرفتى ايه جرالى اصلا ؟
الهام : اه ماما قالتلى
نجوى : قالتلك وماجتيش ولا سئلتى عليا ماشى
انتى الكبيره برضو
الهام : المهم عملتى ايه ؟
نجوى : رجعتلو هعمل ايه يعنى
وزمانو جاى قولنا نيجى نشرب معاكى حاجه وناخدك انتى والعيال نتعشى سوى هناك
الهام : طيب ايه الصوت ده ؟
( منير طالع جرى على السلم )
منير: انتى سبقتينى برضو
نجوى : يا خسران
منير: ازيك يا الهام
الهام : الحمد لله تمام انته بتنهج ليه كده
منير: كنت بتسابق انا ونوجى بس برضو سباقتنى
الهام : هو فى حد جاى تانى
نجوى : اه تقى وجوزها وامو
الهام : امو وامو جايه ليه ؟
نجوى : ما هو العرض كان كده تقى تتجوز حمزه وتاخد امو عليه هديه هههههههههه
الهام : لسانك ده
اهلا اتفضلى
ام حمزه : السلام عليكم
الهام : عليكم السلام
نجوى : مش كنت تجرى ونتسابق
حمزه : اجرى فى الشارع انا يوم ما اعوز اجرى الف التراك
الهام : التراك هههههههه
ام حمزه : دى بنتك ؟
الهام : اه كركر سناتين
ام حمزه : هاتيها شويه
الهام : اتفضلى تشربو ايه ؟
نجوى : انا اى حاجه
ام حمزه : شاى او اى حاجه متتعبيش نفسك
( بعد ما الهام عملت الشاى وهما بيشربوه )
الهام : دوقو الكعك بتاعى بقى انا اللى عملاه
ام حمزه : حلو اوى ما شاء الله انا زمان كنت بعمل الكعك بس دلوقتى مابقتش اقدر
الهام : انتو فى مصر بتجبوه جاهز
ام حمزه : اه بس بتاع البيت برضو احلى
حمزه :حلو اوى بجد
الهام : بالهنا يا رب
منير: برنامجكم ايه بكرا ؟
الهام : انا مفيش حاجه فى البيت
حمزه : وانا مفيش برضو
منير : طب ايه رئيكم نروح مكان كده كلنا نتفسح ونهوى العيال
نجوى : اه يا ريت انا نفسى اخرج
حمزه : طب نروح فين ؟
ام حمزه : نروح النادى
منير : لا طبعا مينفعش نادى ايه اقولك تعالو نروح جنينه
حمزه : جنينه ؟
الهام : اه حتى العيال يلعبو براحتهم
نجوى : ماشى بس ناخد اكل معانا ايه ؟
منير: لا سيبو الاكل ده عليا انا انا هأكلكم اكله بقى ضمار
ام حمزه : ماشى بس خلى بالك ان تكون دايت
منير: دايت اه ان شاء الله
نجوى : طب شربنا الشاى تعالو بقى نروح لماما
حمزه : لا انا يا دوب الساعه 9 لازم امشى
تقى : خلينا شويه
حمزه : ما هنتقابل بكرا بس عشان الطريق
نجوى :طب سيب تقى معايا
حمزه : مقدرش حد يسيب روحو ينفع
الهام : ربنا يخليكم لبعض
ام حمزه : يا رب
خلاص اتفقنا بكرا نقضيه مع بعض
( مشى حمزه وامو وتقى ونجوى رواحت مع منير عند امها فى اوضتهم )
منير : وحشتينى اوى
نجوى : يا سلام ؟
منير: والله وحشتينى اكتر من روحى
نجوى : وانته كمان وحشتنى اوى
منير : طب ايه ؟
نجوى : ايه ؟ه ههههههه
منير: متبعديش عنى تانى يا نوجى انتى حياتى
نجوى : وانته روحى وحبيبى
( تليفون منير رن )
نجوى : التليفون بيرن ؟
منير: مش مهم انتى اهم
نجوى : هتجيب اكل ايه بكرا فى الرحله ؟
منير: اكله حمزه بيحبها اوى بس امو مش بترضى تأكلهالو
نجوى : شكلك ناوى تعمل معركه مع كنزى
منير : بصى احنا نخلص المعركه اللى بينى وبينك الاول بعدين افضى لكنزى وابنها حموزه معايا يا رب
نادى حد يحوشك
ام منير: الواطى اكلمو ميردش خلاص
سومه : تلاقيه رجعلها هو هيعبرنا من هنا ورايح
هيفضل كده من نجوى لصابرين
ام منير: اه صح مهو اصل اقولك ايه بس هو فى الجوازتين يا رب حظو زفت
سومه : هى صابرين دى شكلها ايه ؟
ام منير: شبه مين اقولك عارفه الممثله اللى فى تمثليت فاطمه التركى اللى هى ام كريم بقى بس دى كانت تركيه لاكن دى بقى على مصرى وكمان لبسه نظاره ومحجبه
سومه : نهار اسود
دا وقع على بوزو
ام منير: اه عندك حق يا سومه
ايه دا انتى قاعده تتسيرى معايا ؟
سومه : يا ماما مانا خلصت نضفت المومبار والكرشه واللحمه حطتها فى اكياس ودخلتها التلاجه وشطبت المطبخ وعشتكم هعمل ايه تانى
ام منير: ادخولى ذاكرى
سومه : احنا فى عيد خلينا ارتاح شويه
ام منير: ماشى انهاردا وبكره بعد بكرا ذاكرى
سومه : حاضر
ماما حببتى
ام منير: عاوزه ايه ؟
سومه : عاوزه الموبيل بتاعى العب بيه شويه
ام منير: لا
سومه : شويه صغيرين عشان خطرى دانا بنوتك الوحيده
ام منير: ماشى هدهولك بس تفضلى جنبى وهو معاكى
سومه : ماشى
ام منير: هقوم اجبهولك
( وتانى يوم الصبح اتلمو كلهم وراحو جنينه فى القاهره )
نجوى : اول مره اجى الجنينه دى حلوه اوى
هدى : انا وفارس جينا هنا كتير واحنا مخطوبين فاكر يا فارس ؟
فارس : اه كانت ايام ياما زوغنا من الجامعه وجينا هنا
ام فارس: مالك يا ام حمزه
ام حمزه : الشمس حميه خايفه على حموزه
وائل : حموزه مين يا طنط ؟
ام حمزه : دا يا حبيبى
وائل : هههههههه اسمك حموزه هههههههههه
حمزه : لا اسمى عمو حمزه
ابو فارس: مش هتفرشو الاكل بقى انا مفطرتش
منير: حاضر يا عمى
خودى يا بت افرشى معايا
نجوى : هات
منير: شوف يا حمزه جايبلك اكل ايه ؟
حمزه : هااااااااااااا الله
ام حمزه : لا يع اوى تاكل منو ده
حمزه : لا هاكل