#قلب_فاضي
الحلقه { 38 و39 }
بس انا مش عاوزه اعيش انته اكيد يا رب كاتبلى اموت غرقانه اكيد ( طلعت على السور)
( وفجئه حد خطف منها الشنطه وجرى )
نجوى : ( اتخضت وفضلت تجرى وراه عشان تاخد شنطتها ) ولاه هجيبك ولاه اقف يلا ( فضل الولد يجرى ونجوى تجرى وراه لحد ما وصلو لتحت الكبرى وراحت مسكاه من قفاه ) انته بتجرى منى قدينى جبتك
الولد : طب سبينى طيب سيبنى
نجوى : هسيبك بس هات الشنطه
الولد : خودى
نجوى : انا هوديك للبوليس ياحرامى
الولد : انااسف يا ابله والله غصب عنى انا جعان والله ما كالت من امبارح والله جعان
نجوى : جعان تسرق
الولد : طب اعمل ايه يا ابله انا اسف والله جعان
نجوى : ( قعدة على حجر جنب الكبرى وهى مسكه الولد ) انته عندك كام سنه
الولد : سبينى طيب
نجوى : اهو سبتك اسمك ايه وعندك كام سنه
الولد : اسمى ناجى وعندى 13 سنه
نجوى : وليه بتسرق
الولد : جعان يا ابله اعمل ايه
نجوى : ابوك وامك فين ؟
ناجى : ابويا وامى مطلقين وكل واحد متجوز وسايبنى عند ستى ومرات خالى بعد ما ستى ماتت طردتنى من البيت وكلما اروح لامى او ابويه ميردوش يخلونى عندهم امى خايفه من جوزها وابويا مش عاوز يزعل مراتو وانا بقالى سناتين فى الشارع
نجوى : بقالك سناتين فى الشارع
ناجى : اه بنام هنا انا واصحابى
نجوى : مفكرتش تموت مفكرتش تنتحر ؟
ناجى : لا ستى الله يرحمها قالتلى اللى بيموت نفسو بيموت كافر وبيدخل جهنم عوزانى انتحر ويبقى جهنم دنيا واخره يا ابله اهو الواحد عايش وخلاص
نجوى : تعرف انا كنت هرمى نفسى فى النيل لولا انك اخدت منى الشنطه
ناجى : ليه كده يا ابله بس ( وقعد قدمها على الارض ) شكلك يعنى بنت ناس ومبسوطه
نجوى : ابويا عيان وانا اللى بصرف عليه وجوزى اتجوز عليا ومراتو حامل واختى كمان حامل وانا لا
ناجى : طب نفرض انك كنتى موتى كان مين هيصرف على ابوكى ؟
نجوى : ايه ؟ مش عارفه بس
ناجى : بصى يا ابله انتى غلطانه ابوكى عيان المفروض تديلو عنيكى وجوزك بقى اتجوز عليكى خليكى على قلبو مش تروحى تموتى طب دانتى كده ريحتيه منك لا غلطانه يا ابله
نجوى : انته بتنصحنى انا طب روح انصح نفسك دانته حرامى
ناجى : انا بسرق عشان اكل تعرفى انا لو لقيت شغل والله اشتغل
نجوى : هو انته ليه مش فى مدرسه ؟
ناجى : انا مش بحب التعليم انا بعرف اقرا واكتب بس مش بحب اذاكر اصلى هبقى ايه يعنى بعد ما اتعلم
نجوى : تبقى حد محترم
ناجى : وهو المتعلمين كلهم محترمين يا ابله ؟
نجوى : تصدق لا فى متعلمين كتير ولاد جزمه
انا هقوم بقى اروح خود خلى دول معاك وجيب اكل وحاول تشتغل ان شاالله امسح عربيات فى الاشرات
ناجى : حاضر يا ابله وانتى لو عوزتينى تعاليلى انا على طول هنا
نجوى : ماشى سلام
( مشيت نجوى وهى بتستغفر ربنا ازاى كانت هتنتحر وتموت نفسها وهى بتركب عربيتها )
؟5 : السلام عليكم
نجوى : عليكم السلام مين حضرتك
؟5 : مش انتى كوكو واوا
نجوى : هههههه اه انا كوكو واوا انتى مين ؟
؟5: انا اللى اشتاريت منك الوزه من يومين عملتها امبارح على محشى كرنب والله جوزى والعيال اكلو الحله كلها كانت سكر
انا عرفتك من العربيه على فكره بصى انا سكنه هنا معاكيش بضاعه ؟
نجوى : لا والله بس هجيب على يوم السبت
؟5 : ماشى وانا هستناكى بس هتيجى عند المدرسه ؟
نجوى : اه
؟5 : بس السبت اجازة
نجوى : خلاص هجلكم الاتنين زى المره اللى فاتت
؟5 : ماشى بس هتيلى بقى وزتين وبطايه عشان حماتى وامى
نجوى : حاضر هجبلك
؟5: تاخدى عربون ؟
نجوى : لا لما اجيب الحاجه
؟5: طب انتى المحل بتاعك فين ؟
نجوى : لا انا لسه مفتحتش محل انا لسه بدئه المشروع من قريب
؟5 : اه طب ماتدينى رقم تيفونك ولا معندكيش دليفرى ؟
نجوى : { ايه الست الرغايه دى } لا مش عندى دليفرى والله
؟5: طب هاتى رقم تليفونك
نجوى : طب بقولك ايه متعرفيش هنا محل قريب اشترى منه خط عشان الخط اللى معايا خاص بجوزى واخواتى وكده
؟5 : اه اعرف تعالى معايا والله انا حبيتك يا كوكو واوا
نجوى : ههههههه
( الست اخدتها وراحويشترو خط )
لو سمحت عاوزه خط بس يكون رقمو وحش اوى ومش شبه بعضو
؟5: ليه ماتجيبى رقم حلو عشان يتحفظ
نجوى : لا الارقام السهله ممكن اى حد يروح ضارب اى رقم ويعاكس لاكن الارقام الصعبه محدش بيعاكسها
؟5: يا سلام وانا اقول رقمى كل يوم معاكسات ليه ؟
نجوى : ليه انتى رقمك كام؟
؟5: 012312378945
نجوى : شفتى بقى كلامى صح
البياع : اتفضلى
نجوى: بتبيع موبيلات
البياع : اه
نجوى: هاتلى موبيل ويكون سعرو حلو
البياع : اتفضلى ده بلتوث وكميرا وكمان كارت ذاكره 2 جيجا
نجوى : اه ماشى ايه ده دا صينى لا انا عاوزه حاجه اصلى ؟
البياع : ده اصلى بس ب 200 برضو بس الكميرا مش حلوه
نجوى : مش مهم
البياع : الحساب الموبيل والخط والكرت ب 25 الحساب 240
نجوى : اتفضل
البياع : شكرا
نجوى : اتفضلى ده الرقم وزاعيه بقى ولو عرفتى تجبيلى طلبات كتير هاجى اوزع عندكم فى المنطقه
؟5: ماشى يا كوكو واوا
نجوى : هههههههه
ام حمزه : السلام عليكم ورحمة الله وبركاته السلام عليكم ورحمة الله
تقى : السلام عليكم ورحمة الله وبركاته السلام عليكم ورحمة الله
ام حمزه : الحمد لله يا رب
تقى : احسن حاجه ان احنا صالينا جماعه ركعتين نشكر ربنا على الحمل
ام حمزه : انا يوم ما عرفت انى حامل فى حمزه حماتى ام نبيل هى وعمى راحو عملو عمره شكر لربنا ولما انا ولدة حمزه وقدرت اقف على رجلى روحت عملت عمره وحمزه كان معانا
تقى : انا نفسى برضو اعمل عمره وماما وبابا يبقو معايا
ام حمزه : بسيطه هقول لنبيل ونروح كلنا بعد ما تولدى
تقى : اه بس العمره محتاجه فلوس وبابا يعنى
ام حمزه : دى اقل حاجه تعملها لابوكى وامك وبعدين فلوس حمزه فلوسك متعمليش فرق احنا واحد
تقى : انتى طيبه اوى بجد تعرفى مفيش حد زيك ابدا
ام حمزه : انتى اللى قمر بصى انا عاوزه اعمل مفجئه لحموزه واقول كده انك حامل
تقى : طب نعمل ايه ؟
ام حمزه : تعالى نفكر
ام فارس : لحقت جايت من الصلاه ؟
ابو فارس : يعنى هنام فى الجامع دا حتى ابو منير كان هناك صلينا جنب بعض واتفنا كل صلاه يعدى عليا نروح سوى
ام فارس : احسن برضو مشى رجلك القعده وحشه
ابو فارس : اه انا فعلا عاوز اشتغل زهقت من القاعده
ام فارس : بس هتشتغل ايه ؟
ابو فارس : مش عارف
بقولك ايه تقى موحشتكيش ؟
ام فارس : اه وحشتنى اوى
ابو فارس : تعالى نروح لالهام ونخليها تكلمها على التليفون ونشوفها على النت
ام فارس : ماشى انا عملت الغدا هروح البس ونروح
ولا نستنى نجوى ؟
ابو فارس : بلاش عشان منتعبهاش هى بتبقى تعبانا تعالى احنا نتمشى واحده واحده كدا
ام فارس : ماشى روح احط العبايا عليا
نجوى : ايه ده انتى راحه فين ؟
صابرين : راحه اجيب حاجات للبيت
نجوى : طب عاوزه ايه اروح اجبهولك انا ارتاحى انتى
صابرين : انا مش هجيب حاجه انا كنت هشترى بيض اصل بعمل كيك وملقتش عندى وكمان اجيب دقيق
نجوى : طب خليكى انا عندى ادخولى ( داخلت نجوى وطلعت طبق بيض وكيس دقيق ) خودى وده دقيق
صابرين : متشكره بكام
نجوى: لا اعمليلى كيكايه اخودها معايا وانا راحه لماما عشان مش قدرهاعمل حاجه
صابرين : خلاص اعملك كيكايه انتى كنتى فين ؟
نجوى : روحت انتحر
صابرين : يا لهوى تنتحرى وبعدين ؟
نجوى : اتسرقت
صابرين : اتسراقتى ازاى
نجوى : لا منا جريت ورا الواد وقفشتو
صابرين : قفشتيه ؟ وحصل ايه ؟
نجوى : لا جات سليمه الحمدلله مش قابلت الست اللى اشترت منى الوزه
صابرين : وزه ؟
نجوى : فكك بقولك ايه متعرفيش اغنية كوكو واوا انزلها من موقع ايه انا قلبت جوجل عليا مش لقياها ؟
صابرين : كوكو واوا دى مجنونه يا خوانا
( وطلعت جارى )
نجوى : مجنونه ايه عرفك انتى
الحمد لله كوكو واوا لقتها تحميل
الهام : الو ازيك يا تقى ؟
تقى : الحمد لله وحشانى انتى عملتى فيس امته ؟
الهام : تامر عملى الاسبوع اللى فات وفين وفين بقى لما فهمت فيه بقولك شغلى اسكاى بي عشان ماما وبابا عوزين يكلموكى
تقى : حاضر
الهام : تامر بيقولك هو بعتلك اضافه هو ووائل وانا طبعا
تقى : خلاص هعملكو اضافه انا شغلت اسكاى بى اهو
الهام : ماشى هكلمك عليه
ام حمزه : تقى متقوليش دلوقتى انك حامل استنى شويه
تقى : ليه ؟ عشان يفرحو !
ام حمزه : استنى بس شويه انتى فى الشهر الاول اصبرى بلاش تقولى دلوقتى انتى لسه متجوزه والعين وحشه
تقى : بس دى اختى وماما وبابا
ام حمزه : ماشى ماقولتش حاجه بس بلاش تقولى
تقى : طيب
اهو بيتصلو ( فتحت الكميرا وبدؤ يتكلمو سوى والحمد لله اطمنوعليها وبعد ما خلصو كلام )
ام حمزه : برافو عليكى شطره انك مقولتيش
تقى : عشان بسمع كلامك
ام حمزه : (مسكتها باستها ) حببتى انتى حببتى تعالى بقى عشان نعمل المفجئه لحموزه
منير : جهزه يا نوجى ؟
انا جيت يلا بينا
نجوى : مش نتغدى طيب الاول
منير : ماشى انا قولت لتكونى مستعجله
نجوى : لا انا الحمد لله
منير: تليفون مين ده يا نوجى اللى على السرير ده
نجوى : بتاعى جبتو جديد هخلى ده للشغل واللى معايا بقى شخصى عشان انته عارف مقدرش اقفل بتاعى عشان تقى وماما وانته
منير: اه جبتيه بكام ده ؟
نجوى : التليفون بالخط بالكرت 240 جنيه
منير : امممم حلو رقمو كام بقى ؟
نجوى : رن على نفسك وسجلو معاك
منير: تليفونك بيرن يا نجوى ام هدى
نجوى: رد عليها طيب
منير: الو
ام هدى: نجوى معايا ؟
منير : لاانا منير
ام هدى : اه ازيك المهم حد يجى ياخد هيثم عشان انا مسفره ومش عارفه احطو فين
منير: طب ماحنا كمان مسفرين
ام هدى : طب انا اعمل ايه انا هسافر سانت كترين ولازم اروح ومش هقدر اخدو معايا
منير: طب ماتوديه لتقى
ام هدى : لا انا مش فاضيه اوديه بصو انا هسيبو مع بتاع الامن فى العماره وحد يجى ياخدو سلام يا منير
منير : الو الو
الحقينى يا نجوى
نجوى : فى ايه ؟
منير : ام هدى سابت الواد مع بتاع امن العماره وبتقولى حد يروح ياخدو عشان هى مسفره سانت كترين
نجوى : بنت المروشه طب وحيات ابويا لهوريها هى وبنتها واخويا عشان ربنا اقدهم نعمه ومش حسين بيها
الباب بيخبط روح افتح انا هروح البس
منير: طيب
صابرين خير فى ايه ؟
صابرين : الكيكه
منير: انتى عاوزه مشاكل انا مصدقت نجوى الحمد لله كويسه بلاش نكد يا صابرين
صابرين : لا والله دى هى اللى قالتلى اعملها كيكايه انامش بعمل مشاكل
منير : ايه هى اللى قالتلك ازاى
صابرين : منير انا شكه انها مش طبيعيه خلى بالك من نفسك دى بتقولى انها قبلت الست اللى باعت ليها الوزه
منير: ههههههه وزه هههههه وزة ايه ؟
صابرين : انا ايه عرفنى بجد انا خايفه منها انا هطلع بقى
نجوى : انتى جيتى بقولك ايه تيجى معنا البلد ؟
صابرين : البلد ليه ؟
نجوى : عادى بدل مانتى لوحدك كده تعالى معنا
صابرين : اجى يا منير
نجوى : انابقولك تعالى انتى هتخدى ازن منير اطلعى البسى واعملى حسابك هنقعد لحد يوم السبت بليل
صابرين : { والله ما هى طبيعيه دى مجنونه }
نجوى : انتو بتبصولى كده ليه
منير : مفيش
نجوى : انتى مش عندك عربيه ؟
صابرين : اه
نجوى : قشطه عليكى اطلعى والبسى وتعالى
منير: وهنسافر بعربيتين ؟
نجوى : اسمعو الكلام انا هخلى صابرين تسرق الواد ؟
صابرين : واد مين اللى هسرقو ؟
نجوى : صابرين قصرى انا بتخنق بسرعه يلا
( نجوى اخدت عربيتها وصابرين اخدة عربيتها وراحو لعمارت فارس وركنوالعربيات بعيد )
نجوى : فهمتى هتعملى ايه ؟
صابرين : فهمت بس ده اخوكى حرام عليكى تدوخيه على ابنو كده
نجوى : ملكيش داعوه اعملى زى ما قولتلك
صابرين : حاضر
( داخلت صابرين العماره )
صابرين : السلام عليكم
امن العماره : عليكم السلام
صابرين : انا جايه اخد الولد مدام بوسى كلمتنى وقلتلى اجى اخدو
امن العماره : طب حضرتك اسمك ايه ؟
صابرين : انا شوشو صحبت بوسى
امن العماره : اوك اتفضلى
( صابرين اخدت الواد ومشيت )
(وفى الطريق منير كلم نجوى فى التليفون )
منير : ايوه يا نوجى الواد بيعيط نعمل ايه ؟
نجوى : اعمل اي حاجه غنيلو لعبو هشكو اتصرف
منير اغنيلو ايه ؟ دا عاوز يغير
نجوى : خلى صابرين تغيرلو
منير : صابرين نجوى انتى بتعملى فينا كده ليه ؟
نجوى: بعمل فيكم ايه ما تنشف كده انته حمزه كرف عليك ولا ايه
( وصل حمزه وابوه البيت )
حمزه : ايه ده يا بابا
ابو حمزه : اناعارف هو فى ايه ايه الاسهم اللى على الارض دى
حمزه : انا عارف امشى على الاسهم طيب
ابو حمزه : ايه ده كوتشى عيل صغير ايه جاب ده هنا ؟
حمزه : ليكون بتاع هيثم
ابو حمزه : ايه ده كمان كفوله وقميص طفل
حمزه : الاسهم وصله لحد الاوضه بتعتى هى ماما وتقى فين ؟
ابو حمزه : لتكون تقى حامل ؟
حمزه : حامل هو انا لحقت انا مكملتش شهر وكام يوم
( حمزه فتح الباب عندو وابوه واقف وره )
ام حمزه وتقى : طاطا
ام حمزه : مبروك يا حموزه هتبقى بابا
حمزه : بجد ( جرى على تقى واخدها فى حضنو) يا حببتى
ام حمزه : مبروك يا نبيل هتبقى جدو
ابو حمزه : الحمد لله
حمزه : انا فرحان اوى اوى شكرا يا تقى انك هتخلينى بابا شكرا
ام حمزه : ايه كلو تقى انا اللى قولتلك مفيش حاجه لماما
حمزه : انتى ست الكل كلهم انتى قمريتى
شفت يا بابا اثبت رجولتى اهو
ابو حمزه : جدع
ام حمزه : انا هروح اعملكم العشا
ابو حمزه : تعالى نعمل سوى
( وسابو حمزه وتقى لوحدهم )
حمزه : انتى عرفتى ازاى انك حامل
تقى : عرفت شكيت انى حامل ونزلت انا وماما ونجوى عمالنا تحليل والتحليل قال انى حامل فى الشهر الاول
حمزه : نزلتى من غير ازنى ؟
تقى : ماما كانت معايا ونجوى كمان
حمزه : انا مالى بماما ونجوى المفروض تستأذنى منى انا
تقى : انا كنت عاوزه أتاكد الاول قبل ما اقولك عشان تفرح
حمزه : تقومى تنزلى من غير ازن
تقى : ماما ونجوى
حمزه : ( قام وسابها وخرج باره )
ام حمزه : مالك يا حموزه حصل ايه ؟
حمزه : انتى نزلتى انتى وتقى من غير ما تقولولى ليه ؟
ام حمزه : عشان نعمل التحليل
حمزه : ماما تقى متنزلش من البيت غير بأذنى او معايا الموضوع ده ميتقرارش تانى
ابو حمزه : عادى يا حمزه يعنى هما راحو فين
ام حمزه : والله ما روحنا فى حته احنا روحنا المعمل ورجعنا على طول
حمزه : ماما لو تقى خرجت من باب الشقه تانى وانا معرفش انا هتخانق معاكى انتى ماشى عشان انا راجل مسمحش ان مراتى تدور على حل شعرها فى الشوارع وانا معرفش هى فين
تقى : انا يا حمزه بدور على حل شعرى كدا برضو
حمزه : كمان بتتكلمى طب مفيش مرواح لمامتك بكرا
تقى : دى مبروك اللى بتفرحنى بيها انا دلوقتى عرفت انك مش بتحبنى انته عاوز تسيطر عليا وخلاص انا داخله اوضتى وزعلانه منك
ام حمزه : كده زعلتها
حمزه : انتى السبب كان المفروض تخدو ازنى الاول
ابو حمزه : طب مانا سايب امك تروح وتيجى برحتها هيحصل ايه يعنى وبعدين امك ونجوى كانو معاها
حمزه : انته حر فى مراتك وانا حر فى مراتى
ابو حمزه : متنكدش على نفسك وعلى تقى لسبب تافه ادخلى انتى كمان حضرى العشا عيشه زفّت
( داخل حمزه الاوضه لقى تقى بتعيط قاعد قدمها )
حمزه : بتعيطى ليه دلوقتى انا كلمتك ؟
تقى : "
"
"
حمزه : متزعليش طيب وبطلى عياط
تقى : انا كنت فرحانه ليه تعمل كده
انا من ساعت اخر مره روحنا فيها الجنينه فى العيد مخرجناش ومش بطلب منك تخرجنى وسكته ليه كده بقى
حمزه : يا سلام مش مره اخدتك غديتك باره
تقى : طيب من ساعتها مخرجناش وبقالى كتير اقولك نروح لماما تقولى لا طب ما نجوى بتروح وتيجى
والهام كمان
وهدى
حمزه : انا بخاف عليكى
تقى : بتخاف ولا فرحان باللعبه اللى جبتها البيت وعاوزها تفضل تتحكم فيها
حمزه : لا يا ستى انتى مش لعبه بس مش بحبك تخرجى من غيرى
تقى : خلاص عرفنا ولعلمك انا لو مروحتش لماما بكرا هنكد عليك ومش هعملك حاجه انته عاوزها
حمزه : بقى كده
تقى : اه ماهو شغل عيال بقى
( ام حمزه من باره )
ام حمزه : الاكل يا حمزه هات تقى وتعالى
حمزه : ماما عملت الاكل مش هتكلى
تقى : لا مش جعانه روح كل انته انا هنام
حمزه : براحتك
ابو حمزه : تقى فين ؟
حمزه : مقموصه ونايمه
ام حمزه : مابسوط للنكد ده فرحان انته
حمزه : ما يا ماما
ابو حمزه : ادخل صالحها وهتها تاكل معانا
حمزه : بابا انا مغلطش
ابو حمزه : وهى كمان مغلطتش هى نزلت مع امك وكانو عملنها مفجئه كانت ممكن تقولك انا منزلتش كانت تقولك عرفت وخلاص او تجدب عليك اى كدبه
خليها تتعود تقول الحقيقه بدل ما هتقولك بعد كده الكدب عشان تتلاشى الخناق
حمزه : طيب هقوم اصالحها
حمزه : حببتى انتى ها خلاص بقى متزعليش
تقى : لا تقى زعلانه
حمزه : هههههههههه تقى زعلانه
ماشى وتقى بقى عاوزه ايه عشان تسمحنى ؟
تقى : متشخطش فيه تانى ،وتثق فيه ،ومتتعملش معايا على انى حاجه انته تمتلكها انا مراتك انسانه مش لعبه او تمثال بتحركو من هنا لهنا
حمزه : حاضر وبكرا كمان هوديكى لمامتك
تقى : لا مش عاوزه اروح انا كلمتهم على اسكيب انهاردا
حمزه : طب ليه مقموصه طيب مانتى كلمتيهم اهو ؟
تقى : عشان بتشخط فيه
حمزه : اسف مش هعمل كده تانى
تقى : حمزه انته مجربتش قلبتى فا امشى معايا بما يرضى الله عشان نعيش كويس وخليك فاكر اتقى شر الحليم اذا غضب
ام فارس: احلى حاجه عملتيها انك جبتى الواد
نجوى : كده برضو بحسبك تقولى نورتى البيت يا نوجه وحشتينى يا نوجتى
ابو فارس : والله يا نوجه ما بفرح غير وانتى هنا عامله ايه
نجوى : الحمد لله كويسه
ابو فارس : فارس ماقلكيش هيجى بكرا ولا لا
نجوى : دا واطى مش بيكلمنى خالص
ام فارس: اتربى شويه يا نجوى ايه واطى دى
نجوى : واطى ايه رأيك بقى انو واطى وحماتو اوطى منو
ام فارس : ليه بس ؟
نجوى : دى راحت سانت كترين وسابت الواد
ابو فارس : وهتعمل ايه فى سانت كترين دى ؟
نجوى : انا اعرف شوف انته بقى
ام فارس : هو منير فين ؟
نجوى : منير مع صابرين
ابو فارس: معلش يا بنتى ما هى مراتو برضو
نجوى : اه يا بابا دى هى اللى عامله الكيكه دى حلوه اوى
ام فارس: هو منير سابك تيجى لوحدك ؟
نجوى : لا جه معايا
ابو فارس : انتى مش بتقولى مع صابرين يبقى ازاى جه معاكى
نجوى : ماصابرين جات معانا ههههههههه انا بقى بعتها لأمو هههههههههه
ام فارس : بعتى صابرين لام منير ؟
نجوى : ههههههههه اه ليه هو فى حاجه
هدى : الواد فين يا فارس
فارس : انتى بتسألينى انا اسئلى امك
امن العماره : مدام بوسى قالتلى خلى الولد معاك فى ست اخدتو وقالتلى انها صحبتها
فارس : قالتلك اسمها ايه ؟
امن العماره : شوشو
فارس: كلمى امك شوفى مين شوشو دى
هدى : ايوه يا ماما انتى فين ؟
ام هدى : فى سانت كترين والجو تحفه يا هدى
هدى : ماما هو هيثم مين صاحبتك اللى جات واخدتو
ام هدى : صحبتى لا انا كل صحباتى معايا انا كلمت منير عشان هو ونوجى يروحو ياخدوه وسبتو مع امن العماره
هدى : امن العماره بيقول ان فى واحده صحبتك اسمها شوشو جات واخدتو
ام هدى : شوشو معرفش حد اسمها شوشو
هدى : ازاى اومال مين اللى خدت الواد ؟
ام هدى: معرفش كلمى منير ولا نجوى واسأليهم
هدى : طيب ماشى
فارس : انا اللى يحكمتى على امك دلوقتى امسكها كده وافضل اعضها من رقبتها الطويله دى
ضيعت الواد
وانته ازاى تسلم الولد لاى واحده كده
امن العماره : وانا مالى انا مسؤل على امن العماره مش بسلم عيال واقعد بيهم انا
هدى : خلاص يا فارس كلم انته منير وانا هكلم نجوى
نجوى : ازيك يا قمر وحشانى
هدى : وانتى كمان يا نجوى قوليلى هو هيثم معاكى؟
نجوى : لا معايا فين ؟
هدى : مش ماما كلمت منير وقالتلو ان هيثم لوحدو روحو خدوه
نجوى : اه هو قالى ان طنط اتكلمت بس كان الصوت بيقطع مفهمش هى قالت ايه وحتى جرب كلمها تانى هى مارضتش
هدى : يعنى انتى مستلمتيش الولد ؟
نجوى : لا
منير : لا يا فارس انا فى البلد
فارس : يعنى الواد مش معاك ؟
منير : لا هى ام هدى كلمتنى والخط فضل يقطع وبعد كدا قفلت انا جيت اكلمهاعشان افهم منها مرضتش
فارس : طب انته تعرف واحده اسمها شوشو
منير : شوشو لا انته عاوز اختك تدبحنى شوشو ايه
فارس : طيب اقفل
صابرين : كده غلط حرام عليكم ام الولد
منير: احسن عشان يتعلمو الادب خصوصا فارس
دا لماعرف انتى اتجوزتك ضربنى ضرب
صابرين : ضربك وانته عملت ايه ؟
منير: ولا حاجه المسامح كريم
صابرين : طب احنا هنفضل كدا فى العربيه ما نطلع
منير: بصراحه انا خايف من امى
صابرين : طب وبعدين
منير : خلاص انزلى وتعالي نطلعوخلاص
ام منير: اهلا يا بيه انته شرفت
منير : ماماانا معايا
ام منير : نجوى انا قولتلك متدخولش بيتى ولا لسنها يجى على لسانى
منير: لا انامعايا صابرين
ام منير : "
#قلب_فاضي
الحلقه {39 }
ام منير: اهلا يا بيه انته شرفت
منير : ماماانا معايا
ام منير : نجوى انا قولتلك متدخولش بيتى ولا لسنها يجى على لسانى
منير: لا انامعايا صابرين
ام منير : بت يا سومه هو ابوكى هنا ؟
سومه : لاراح يصلى
ام منير : طب كويس
يالـــــــــــــهــــــــوى ؟
منير : ايه فى ايه بتصوتى ليه ؟
ام منير : عشان الم الناس عليا عشان يشوفو وكست ابنى ومراتو الحيزابون اللى متجوزها
منير : ماما ارجوكى متفضحنيش قدمها ادخلى يا صابرين
صابرين : لا انا همشى ( وسابتو ونزلت على السلم )
ابو منير: مين اللى بيصوت فوق وانتى مين ؟
صابرين : ( باصتلو بكسوف واحراج وسابتو ونزلت )
منير: ( نزل وراها جارى ) صابرين استنى براحه طيب انتى حامل
ام منير: ( مكانتش شافت ابو منير لسه ) كمان حامل يالهوى الحقونى يا ناس الوليه ضحكت على الواد
ابو منير: ( طلعلها ) انا مش قولتلك لو صواتى تانى هتبقى طالق ؟
ام منير : رزق انته جيت ؟
منير : صابرين استنى راحه فين
صابرين : ابعد عنى انا غلطانه اصلا انى سمعت كلامك انته والمجنونه نجوى دى انا كنت فى بيتى قاعده محترمه معززه مكرمه انته امك هزقتنى
منير: هى لحقت عملت حاجه دا دا العادى بتعها على فكره
محمود : ( وصل هو وسلمى ) ايه ده مين دى يا منير
منير: انته جيت انته كمان
سلمى : مين دى يا منير ؟
منير : دى صابرين مراتى نستيها مانتى شوفتيه لما نجوى سقطت
سلمى : اه افتكرة ازيك يا مدام
محمود : فى ايه فوق ؟ ايه الزعيق ده ؟
منير: مش عارف
محمود : تعالى نطلع نشوف فى ايه ( جرى محمود ومنير على فوق وسلمى وصابرين وقفين لسه فى الشارع )
سلمى : هتفضلى وقفه كدا
صابرين : انا هرجع بيتى
سلمى : الساعه 10 هترجعى دلوقتى الطريق وحش تعالى اطلعى وخلاص
صابرين : ام منير اول ما شفتنى راحت رقعه بالصوت خلت عمى يا عينى يطلع جارى على السلم
سلمى : بجد صوتت ؟
صابرين : اه والله
سلمى : الوليه اطلقة تعالى تعالى نتفرج دا عمى رزق هينفخها دلوقتى
صابرين : ينفخها { ايه يا ربى العيله الضربه دى } ؟
سلمى : انتى مبحلقالى كده ليه تعالى بس تعالى ( وساحبتها من اديها وطلعو فوق )
ابو منير : خربتى على نفسك اطلقتى افرحى بصوتك بقى
سومه : ما يا بابا غصب عنها
محمود : مش قادره تسيطرى على نفسك شويه استفدتى ايه لما صوتك طلع كدا
ام منير : اعمل ايه من فرستى دا دخلى بيها ويقولى معايا مراتى عاوزنى اعمل ايه ؟
ابو منير: ترحبى بالضيفه وتدخليها تقدمها واجب الضيافه
منير: ( جرس الباب فتح الباب داخلت سلمى وصابرين )ادخلو
منير : خلاص يا بابا انا السبب معلش حصل خير
محمود : خير ايه امك اطلقت بسببك بابا حالف عليها يمين طلاق لو صوتت هتبقى طالق
ام منير : غصب عنى مقدرتش امسك نفسى
صابرين : خلاص اعملو كفارة يمين وخلاص دانتو عشرت عمر معلش انا السبب
ابو منير: وانا زنبى ايه اصوم 3 ايام عشان واحده شيطانها هواللى ممشيه
محمود : خلاص اطعم 10 مساكين
ابو منير: وهو انا اللى صووت ولا هى انا خلاص طلقتها خودودها بقى معاكم انا مرتاح كده
سلمى : { ههههههههه الراجل ما صدق والله عندو حق }
ام منير: ماشى يا سوسه شمتانه فيها
انا هأكل ال10 من مصروف البيت ما هى فلوسك برضو
ابو منير: ماشى يا رزقه انتى اطعمى ال 10 بس ويمين الله لو اتكرر الموضوع ده تانى وصوتى لاهروح اطلاقك بجد وابعتك عند ابنك تعيشى معاه فى مصر
ام منير: توبه ان صوتى يطلع تانى توبه
ابو منير: بكرا تعملى اكل ل10 وهنزل افرقو
ام منير : حاضر انته تأمر
ابو منير: منوره يا مدام
صابرين : بنور حضرتك والله انا ما كنت جايه دى نجوى هى اللى اصارت انى اجى والله حتى اسئل منير
سلمى : { يابنت الايه يا لعبه ههههه }
محمود : مالك عماله تضحكى كده ليه ؟
سلمى : هقولك بعدين
ابو فارس : ( داخل ابو فارس من باب الشقه ) نجوى اتصلى بمنير شوفى فى ايه ؟
نجوى : ( شايله هيثم وبتلعبو )ليه يا بابا فى ايه
ابو فارس : كنت بصلى انا وابو منير وهو رايح البيت شفتو بيجرى وقفت شويه كده استنى لقيت محمود كمان جه وقف مع منير ومنير لقيتو طلعو البيت كده بسئل العيال فى الشارع قالولى ان ام منير كانت بتصوت اتصلى شوفى لو فى حاجه
نجوى : ههههههه الحمد لله اطلقت
ام فارس : مين دى اللى اطلقت ؟
نجوى : ام منير اصل ابو منير حالف عليها لو صوتت هتكون طالق والحمد لله هى اللى صوتت
اكيد اول ما شافت صابرين راحت مصوته
خطتى نجحت احسن
ام فارس : يعنى انتى جبتى صابرين معاكى عشان ام منير تطلق ؟
نجوى : اه
ابو فارس: طب ليه كده يا بنتى
نجوى : عشان انا لما كنت طالق قالتلى فى الشارع اديكى اطلقتى ابقى قبلينى لو حد بص فى وشك انا بقى ردتلها الالم
ابو فارس: يا سلام ما ابو منير ممكن يكفر عن اليمين ده ؟
نجوى : عادى بس المهم تتحسبلها طلقه وانا عرفت من منير ان زمان ابوه طلق امو يبقى كده ايه ؟
ام فارس : ايه يا شرانيه ؟
نجوى : هههههه يبقى فضلها ظلطه وتطلع باره هههههههههه
هدى : ابنى اطخف يا رب الواد دا مكملش 7 شهور يا حبيبى يابنى
فارس : انتى هتفضلى تندبى اسكتى عشان اعرف افكر
هدى : هتلى ابنى يا فارس انا عاوزه هيثم
فارس : طب اسكتى انا هروح اعمل بلاغ فى القسم
هدى : طب اروح معاك
فارس : هتدخلى القسم لا خليكى انتى يمكن حد يتكلم فى التليفون
( نزل فارس وراح القسم وعمل بلاغ ورجع )
هدى : ها عملت ايه ؟
فارس : ( وهو كلو يئس وحزن على ابنو) عملت بلاغ
هدى : طب وبعدين ؟
فارس : حطو المحضر فى الدرج قالولى هندور عليه سئلونى ليك اعداء قولتلهم لا قالولى بتشك فى حدقولتلهم لا قالولى طيب احنا هندور ونبقى نكلمك
هدى : يا حبيبى يابنى
فارس : انا ملحقتش اسمع كلمت بابا
كنت بدايق لما بيعيط يا رب يرجع بس وانا هشيلو وهفضل الف بيه
هدى : انا دماغى هتنفجر من التفكير
فارس : طب احنا هنفضل قاعدين كده حطين ادينا على خدنا ؟
هدى : فارس انا خايفه تكون نجوى عامله فينا مقلب ؟
فارس : نجوى ؟
هدى : اصل مين هيخطفو وبعدين اللى هيخطفو هيقول انا صحبت بوسى واسمى شوشو
فارس : بس انا كلمت منير وقالى انو ماجاش خد الواد
تعرفى لو نجوى بتشتغلنا انا هعمل فيها ايه ؟
هدى : ايه ؟
فارس : هعلقها
تقى : مالك
حمزه : مش مصدق ان فى بطنك نونو انتى حسه بيه
تقى : مش فهمه ؟
حمزه : يعنى حسه ان فى حاجه فى بطنك مش طبيعيه ؟
تقى : لا مش حسه
حمزه : طب استنى كده اسمع ( وطى على بطنها يسمع ) مفيش حاجه
تقى : اكيد يعنى مفيش حاجه يعنى هيكون بيتكلم فى التليفون جوا هههههههههه
حمزه : موبيلك بيرن
تقى : يووو بقى بيتصلو ليه ما الواتس مفتوح
حمزه : دا فارس استنى ارد عليه
الو
فارس : ازيك يا حمزه عامل ايه وازى تقى ؟
حمزه : تمام الحمد لله تقى اهو مرتاحه على الاخر وبأكلها عنب بأيدى
فارس : ماشى يا حبيبى ربنا يسعدكم بس هو هيثم عندكم ؟
حمزه : لا مش عندنا
فارس : طب اسئل تقى كده هى نجوى جاتلها انهاردا ؟
حمزه :اه جات ما هى راحت هى وماما عملت التحليل
فارس : تحليل تحليل ايه ؟
حمزه : تحليل الحمل انته معرفتش ان تقى حامل
فارس : تقى حامل ؟ طيب يا حمزه هكلمك تانى ( وقفل )
تقى : ليه قولت انى حامل امك قالتلى ماقولش لحد
حمزه : ليه ؟
تقى : عشان العين وحشه مفيش فيده اوف
حمزه : طب وسعى كده اما اسمع ( ونزل يسمع بطنها تانى )
( وهما بيتعشو سوى )
ابو منير : مبروك يا منير مبروك يا مدام
منير: مدام ايه ما تقولها صابرين عادى كده
ام منير: مبروك يا صابرين ربنا يكملك بخير
صابرين : الله يبارك فيكم
سلمى : انتى فى الشهر الكام ؟
صابرين : اول التانى
سلمى : انا كمان حامل بس فى الرابع
صابرين : طب الحمد لله يبقو يلعبومع بعض ان شاء الله
محمود : منير لو انته جبت بنت وانا جبت ولد اعمل حسابك يتجوزو بعض ؟
ام منير : طب لو انته يا محمود جبت بنات ومنير جاب ولد ؟
محمود : هيتجوزو برضو اهو كل واحد اولى ببنت عمو
ام منير: بس كده بنتك هتبقى اكبر من ابن منير يلا اهو يتجوز واحده اكبر منو زى ابوه
صابرين : لو سمحتى تتكلمى بأدب
ام منير: يعنى انا قليلت الادب
صابرين : منير شوف امك
منير: ماما لزمتو ايه الكلام ده
ابو منير : محصلش حاجه يا صابرين اقعدى كملى اكلك
صابرين : لا انا هنزل القاهره وانا غلطانه انى جيت اصلا ( اخدت شنطتها ونزلت )
منير: ( نزل وراها تانى ) لا بقى ما هو مش جنان كل شويه
صابرين : شوف كلام امك انا ماحبش حد يتكلم معايا كده
منير: طب دى ست كبيره متخديش على كلامها
صابرين : بقولك ايه انا مش طالعه تانى انا همشى
منير : طب استنى نجوى بتتكلم الو
نجوى : ها ايه الاخبار
منير : زفت الاخبار زفت وانتى السبب
نجوى : هههههه ليه بس يا مونى حصل ايه
منير: امى لحد دلوقتى مرتين تغضب صابرين وانزل اجبها وصابرين مصممه تنزل القاهره
نجوى : هاتها وتعاله
منير: نعم ياختى اجيب مين ؟
نجوى : هات صابرين وتعالى باتو عندنا
منير: انتى عوزانى اجيب صابرين مراتى التانيه وادخل بيها كده على ابوكى وامك ؟
صابرين : دى مجنونه انا هرجع بيتى وسع
منير : نجوى هكلمك تانى سلام دلوقتى
صابرين استهدى بالله ويلا نطلع
صابرين : لا وهمشى يعنى همشى
منير: اعمل ايه يا رب فى اللى انا فيه ده
طب اركبى انا هرجعك
صابرين : هترجع معايا ؟
منير: طب اعمل ايه اسيبك تسوقى لوحدك هرجعك
فارس : ( سافر عندهم البلد ومعاه هدى وفتح الباب براحه ودخل لقى ابوه وامو نايمين و نجوى فى اوضتها شايله الواد وبتغنيلو )
(
نجوى : (كوكو واوا كوكو واوا كوكو كوكو وا عشة الطيور في كتكوت قمور ريشه اخضر في ابيض في اصفر يا سلام عليه بس النني في عينه البني مش بيغني ليه )
هيثم : هههههه
فارس : ( فتح الباب هو وهدى ) مش بيغنى ليه انا دلوقتى هوريكى مش بيغنى ليه ؟
نجوى : يالهوى بابا الحقنى ( قامت نطت من السرير جريت بعيد ) فارس اعقل يا فارس
هدى : نعقل داحنا هننفخك
نجوى : ( حطت الواد على السرير عشان تعرف تجرى من فارس ) خلاص يا فارس كنت بهزر
فارس : تهزرى دانا كنت هموت انا روحت عملت بلاغ فى القسم
نجوى : طب خلاص بهزر مكنش قصدى
هدى : ( شايله هيثم ) انا كنت هموت
ابو فارس : فى ايه يابنى حصل ايه ؟
فارس : الهانم اخدت الواد وقالتلى انى مأخدتوش خلتنى الف حولين نفسى وهو معاها
هدى: انا كنت هموت من الخوف على هيثم كده برضو يا نجوى
ام فارس : والله دى من ساعت ما جات وهى شيلاه
فارس : طب قولى انو معاكى ليه تخوفينى عليه كدا ؟
نجوى : عشان انتو ربنا اداكم نعمه ورمينها كنت عوزاكم تحسو ان هو ممكن يروح من اديكم
فارس : تقومى تخطفيه ؟
نجوى : عشان تخلو بالكم منه
ابو فارس : ليه كده يا نجوى حرام عليكى
نجوى : يا بابا دى ام هدى سابتو لبتاع الامن دا لو كلب ولا قطه ام هدى كانت حطتو فى مكان امن شويه
هدى : متتكلميش على ماما كده
نجوى : انا مقولش حاجه اناقولت ان المفروض مترميش ابن بنتها لامن العماره ابنكم معاكم انا داخله انام
فارس : انتى عشان اجهضتى هطلعى عقدك علينا وتعلمينى الادب ؟
نجوى : انا معقده ؟ شكرا يا دكتور
فارس : دكتور غصب عنك شوفى عشان انتى نيتك وضميرك وحش تقى حامل وصابرين حامل وانتى لا
ابو فارس : فارس اسكت متقولش لاختك كدا
هدى : خلاص يا فارس المهم الولد كويس
نجوى : انا هدخل انام تصبحو على خير
وعلى فكره الحمل ده حاجه بتاعت ربنا مش بتعتى ( وداخلت اوضتها وقفلت عليها )
ام فارس : ليه كده يابنى زعلتها
فارس : ماما انا كنت هتجنن على الواد انا روحت بلغت فى القسم انو اتخطف
ام فارس : بس برضو انته جرحتها اوى كدا
ابو فارس : هى يعنى بأدها انها متحملش
وبعدين انته عرفت منين ان تقى حامل
فارس : من حمزه كلمتو من شويه وهو اللى قالى
ام فارس : يعنى ماحنا كلمنها ليه ماقالتش
هدى : يمكن لما كلمتوها ماكنتش عرفت لسه
ام فارس : يمكن
ابو فارس: ( خبط على نجوى )افتحى يا نجوى
نجوى : بابا انا نمت معلش مش قادره اقوم
فارس : طب افتحى انا اسف متزعليش
نجوى : اسف على ايه عادى كلو بقى عادى دلوقتى تصبحو على خير بقى
هدى : باقولك ايه يا ماما ماتيجى انتى وبابا تقعدو عندنا
ام فارس : وهسيب البيت هنا
هدى : انا بشتغل وفارس وماما زى مانتى شايفه
والولد بنسيبو وماما مش عارفه تاخد بالها
ابو فارس : بس انا باروح اغسل فى المستشفى هنا
فارس : ومالو يا بابا تغسل هناك ونجوى بدل ما تاخدك من هنا تروحو تغسلو تاخدك من بيتى
ام فارس : بس الهام اختك تبقى لوحدها هنا
هدى : معلش عشان خاطر هيثم
ام فارس : قولت ايه يا ابو فارس ؟
ابو فارس : خلاص نروح عشان خاطر الواد
( وتانى يوم الصبح )
نجوى : ايه ده انتو بتعملو ايه ؟
ام فارس : بالم حاجتنا هنروح نقعد عند فارس
نجوى : امممم طب وبابا؟
ام فارس : هنروح احنا الاتنين
نجوى : طب لو بابا راح عندك يا فارس انته هتروح توديه وتجيبو يغسل ؟
فارس : لا انتى وبعدين اهو هيكون اقرب بدل ما تيجى بنها اهو هيكون حنبك فى القاهره
نجوى : ماشى اعملو اللى انتو عوزينو
ام فارس : ليه لما كنتى عارفه ان اختك حامل مقولتيش ؟
نجوى : صحبت الشأن هى الى تقول انا مالى
صبرى : صابرين خلصينا من اللى بتعمليه ده
صابرين : طب عاوزنى اعمل ايه انا قاعده فى الشقه هنا ومنير ومراتو تحت
صبرى : هو اللى مفروض يجيب شقه لمراتو وليك انتى كمان
صابرين : انتو بتعملو فيه كده ليه انا فين وفين لما لقيت حد يرضى بيه انا لو نزلت قاعدت تحت منير هيطقنى لانو مش بيحبنى دا وصلنى بليل ونزل بات تحت لوحدو يا صبرى حس بيه انا كبرت
صبرى : طب لازم نوصل لحل
صابرين : انسو انى ابيع الشقه
انا معايا 90 الف جنيه خودوهم وانا كل ما يكون معايا فلوس هديكم
صبرى : لا ريهام وشريف مش هيقبلو
صابرين : ( جرس الباب رن ) دا تلاقى منير ارجوك ما تتكلمش قدامو
( قامت فتحت الباب ) ادخل مفتحتش بالمفتاح ليه ؟
منير: شوفت صبرى طالع من شويه قولت تكونو بتتكلمو فى حاجه خاصه
صبرى : لا ابدا انا اصلا كنت نازل
ومبروك يا صابرين على الحمل
مبروك يا منير
منير: الله يبارك فيك
صبرى :استأزن انا
( مشى صبرى )
صابرين : ها فطرت ؟
منير: لا
صابرين : فى كيك من امبارح اعمل شاى وناكل ولا تحب حاجه تانيه
منير: اخوكى كان عاوز ايه ومتخبيش ؟
صابرين : عاوزنى ابيع الشقه او اديلو حقو هو واخواتى
منير: خلاص بيعى الشقه
صابرين : طب وانته ونجوى
منير: انا هحاول اجيب شقه لنجوى المهم نخلص من زن اخواتك
صابرين : بس دا مش اتفقنا
وبعدين انته كده هتفضل عند نجوى وهتبعد عنى
منير: انا فى الشركه كل يوم وهحاول اجيلك وابات عندك كمان ونجوى عند ابوها
صابرين : يعنى انته رئيك كدا؟
منير: ايوه مفيش حل تانى
نجوى : الو ايوه يا سلمى اخبار الحاجه ايه ؟
سلمى : تمام انا مجهزه شويت حاجات كده
نجوى : طيب هى مامتك فى البلد ؟
سلمى : اه ليه ؟
نجوى : اصلى هروح اخد الحاجه اصلى نازله القاهره انهاردا
سلمى : ماشى ماما عارفه الحاجه هكلمها تدهالك
نجوى : انا معايا 1900 جنيه فلوسك تنزلى تاخديها ولا اعمل ايه ؟
سلمى : لا لحسن ام قويق تبص فيهم اقولك اديهم لماما
نجوى : ماشى سلام بقى انا راحه عندكم البلد
فارس : انتى فين بقالك ساعه احنا مستنينك
نجوى : انا فى البلد عند سلمى
فارس : وبتعملى ايه ؟
نجوى : بجيب بضاعه كنت مستنينى ليه ؟
فارس : عشان نرجع مصر هنرجع ازاى من غير عربيه ؟
نجوى : ماينفعش لانى معايا بضاعه هنقعد احنا الاربعه فى العربيه ازاى ؟
فارس : وانتى مش تفكرى طب انا هرجع القاهره ازاى دلوقتى
نجوى : والله معرفش مش انا نيتى وحشه اتصرف انته بقى سلام عشان مش فاضيه ( وقفلت فى وشو )
ايوه يا طنط دا فلوس حق سلمى 1900 جنيه
ام سلمى : ما شاء الله الله اكبر
نجوى : ودول بقى 1000 جنيه تشترى بيه بضاعه ليه من الناس وخليها تكتر فى اللبن والبيض المرادى
ام سلمى : ماشى
خودى ده كشف فيه كل البضاعه
نجوى : ماشى تمام ايدك معايا بقى احملهم على العربيه
ام سلمى : طب متجبيلك حد يسعدك بدل انتى اللى بتشيلى وتحطى كده
نجوى : حد هجيب مين ؟
انا كنت عامله حسابى ان تقى تيجى وتروح معايا بس اهو اتجوزت
ام سلمى : تقى ايه لا هتيلك بنت كده ولا واد صغير يروح ويجى معاكى يشيل ويحط والاسم يبقى معاكى فى الطريق
نجوى : افكر متعرفيش حد طيب
ام سلمى : لا بس ادورلك
نجوى : ماشى تعالى بقى نحمل
( ونجوى فى الطريق كلمها عربى )
عربى : ازيك يا نجوى
نجوى : اهلايا عمى اخبارك ايه
عربى : الحمد لله يا بنتى انتى اخبارك ايه ؟
نجوى : تمام يا عمى معلش اصلى سايقه هو فى حاجه ؟
عربى : اه انا نزلت اتفق مع انفار ملقتش ومش عارف اعمل ايه ؟
نجوى : طب انا اعمل ايه يا عمى ما تتصرف
عربى : مانا مش لاقى ولما لقيت انفار الواحد عاوز 50 جنيه فى الورديه
نجوى : والله يا عمى انا مش بعرف فى كده اتصرف المهم جبتو فراخ وحاجات ؟
عربى : اه شوقيه جابت حاحات بس مش كتير
نجوى : كام يعنى ؟
عربى : بتاع 300 بيضه و100 فرخه و40 وزه 50 بطه مسح زور يعنى
نجوى : نهار اسود كل ده مسح زور
على العموم تمام انا هجلكم يوم الحد ان شاء لله
عربى : لا لازم تيجى بكرا او انهاردا الحاجه احنا دبحنها ومش عارفين نحطها فين لحسن تبوظ
نجوى : طيب يا عمى انا هجيلك انهاردا بس متأخر يعنى على 6 كده
عربى ماشى وانا هستناكى سلام
نجوى : دبحتو كل ده وانتو معندكوش تلاجات انا شكلى هتعب اوى مع الناس دى
( نجوى راحت لسليمان )
ها يا سليمان تمام ؟
سليمان : باقيتى تتأخرى
السكان بيشتكو
نجوى : قولهم يحمدو ربنا قاعدين ومرتاحين وانا اللى من هنا لهنا ولسه هروح عند عمى كمان شويه
سليمان : فى الصعيد ؟
نجوى : اه بقولك ايه متعرفش مكتب بريد قريب عشان عاوزه احط فلوس
سليمان : اه تانى شارع يمين ؟
نجوى : ماشى اطلع وزع الحاجه وانزل حاسبنى اكون روحت حطيت الفلوس
سلميان : ما بلاش دفتر التوفير ده وحطى فى البنك احسن
نجوى : بنك
سليمان : اه بدل ما تشيلى دفتر توفير تشيلى فيزا atm
نجوى : لا يا راجل تصدق فكره بس انهارده الجمعه
سليمان : طب ما البسطه قفله برضو
هترحى تشيلى فلوس ازاى ؟
نجوى : اه صح خلاص بقى
سليمان : اول الشهر جاى جهزه لدفع اول شيك من قسط العربيه ؟
نجوى : اه طبعا
اطلع بقى ووزع الحاجه اساعه 2 عاوزه الحق اسافر
سليمان : ماشى انا طالع
نجوى : اجيب مين يساعدنى ويروح ويجى انا معرفش حد
عاوز ايه يا منير بتكلمنى ليه دلوقتى
الو
منير: انتى فين ؟
نجوى : عند سليمان روحت لسلمى اخادت الحاجه وجيت
منير: اصل فى حاجات حصلت كنت عاوز اتكلم معاكى
نجوى : انا كمان فى حاجات حصلت انا اصلى مسفره لعمى دلوقتى
منير: ليه مش يوم الحد
نجوى : شوقيه ربنا يسامحها جلها بضاعه دباحتها ومعندهاش تلاجات تشيلها لازم اروح اخودهم لحسن يبوظو
منير : يعنى من بنها لعند سلمى للقاهره لنجع حمادى يابنتى انتى بتنتقمى من نفسك ؟
انتى بتنتحرى كدا
نجوى : بنتحر طب والله فكره ليه لا
منير: فكرة ايه ؟