#قلب_فاضي
الحلقه { 44 }
نجوى : حاضر طب همشى بقى وابقى اجلهم وقت تانى
ابو حمزه : لا استنى كنت عاوزك فى شغل
انا عاوز اشركك
نجوى : تشاركنى فى ايه ؟
ابو حمزه : فى مشروع كوكو واوا هههههههه
نجوى : بس يا عمى انا مشروعى صغير ورأس مالو يا دوب ميكملش 10 الاف جنيه وكمان انا مش شغاله لوحدى فى سلمى وكمان شوقيه وعمى وولاد عمى دا غير كمان الستات اللى بيربو الحاجه
ابو حمزه : وايه المشكله ؟
نجوى: المشكله ان حضرتك ماشاء الله انا داخلت على النت وشوفت الشركه بتاعتكم اللى فى الامارات عملت مشروعات ضخمه قرى سياحيه ومدن سكانيه دا غير المصانع
لاكن انا دا كوكو واوا يعنى تشاركنى فى ايه هتربى كتاكيت ؟
ابو حازم : طب تعالى معايا على المكتب ( وسابها فى الصالون ودخل المكتب )
نجوى : { ادخول يا خويا مدخولش ليه هخاف }
ادينى جيت خير يا عمى
ابو حمزه : المشروع اللى بكلمك عليه اهو دول ال 20 فدان بتوع ولدك الله يرحمو وعمك وانا راسمهم كمربعات جنب بعض
نجوى : اه تمام 20 مربع اه
ابو حمزه : هناخد 5 فدان من دول ونعملهم مزرعه للحوم الحمرا
و 2 فدان للطيور بكل انوعها
و10 فدان هنزرعهم اكل للتربية الحيونات دى
نجوى : طب ما فاضل 3 فدان هنعمل بيهم ايه ؟
2 هنعملهم زى مجزر دبح وحاجات دى مجزر من أ الى ى البقرا تدخل من باب تخرج من الباب التانى لحمه ومنتجات وكمان هنعمل معمل للالبان
والفدان اللى فاضل هنعملو زى سوق اسبوعى اى حد عاوز يشترى او يبيع او حتى يدخل يدبح الحيوان اللى معاه اهو يبقى فى مكان
نجوى: تعرف يا عمى انا كنت بفكر فى كدا بس مش معايا امكنيات غير كده انا صعبان عليا الارض الزراعيه كده هيبوظ منها 10 فدان
ابو حمزه : لا هو ممكن يبظ منها كا زراعه 5 فدان بتوع المجزر ومزعت الطيور والسوق
لاكن المزرعة اللحوم هنستفيد من مخلفات الحيونات للاسمده الطبيعيه وكمان ممكن نبيعو لباقى الفلاحين
بصى يا نجوى كدا كدا الارض مع الوقت للاسف اصحبها بيسبوها تبور وبيبنو عليها انتى مش هتبنى عشان تسكنى انتى هتعملى مشروع وتشغلى ناس
نجوى : ناس مين يا عمى هو فى حد راضى يشتغل غير الارامل والمطلقات عشان يصرفو على عيالهم
دا عمى عربى كان عاوز 15 نفر عشان ينظفو الارض محدش رضى يروح معاها اللى يقولو انا معايا دبلوم واللى يقولو انا خاريج جامعه
ابو حمزه : طب وهتعملو ايه ؟
نجوى : ولا حاجه انا فكرت واتصرفت اصل انا اعرف واد كدا من بتوع اطفال الشوارع اتفقت معاه هو واصحابو اخودم هيشتغلو هما وهيباتو فى البيت عند عمى وهو وعيالو هيتكفلو بأكلهم وشربهم وكده وكمان هيديهم حق الشغل يوميه يعنى
ابو حمزه : انتى هيله يا نجوى بجد انتى مفيش منك اتنين
تعرفى انا كنت بفكر ان مصر قلبها فاضى لاكن لا طلع قلبها مليان
نجوى : مصر ههههههه ازاى هى مصر ليها قلب ؟
ابو حمزه : طبعا مصر هى الام اللى طول عمرها قلبها فاضى ومحدش عاوز يحبها كلوبيقول انو بيحبها لاكن محدش فكر يعملها حاجه
نجوى : وهو انا عملت حاجه
ابو حمزه : اه مش بتحولى تشغلى الناس
حتى اطفال الشوارع فكرتى فيهم وبدل ما ترملهم حسنه ولا تدفعى تبرعات لاى جمعيه خيرية لاكن انتى لا فكرتى تخليهم يشتغلو ويتعبو
نجوى : عمى انا اخدت العيال دى يشتغلو بس مكنش فى دماغى اللى حضرتك بتقولو ده
ابو حمزه : كتير بنعمل حاجات ومبنبقاش قصدين بس لما بنركذ بنلاقى ان احنا عمالنا حاجه حلوه اوى
نجوى : بس يا عمى تعرف انا لولا ان ابويا تعب واحتاجنا فلوس انا مكنتش نزلت اشتغالت اصلا
ابوحمزه : نجوى انتى كام سنه ؟
نجوى : انا 22 بس الشهر اللى جاى هكون 23
ابو حمزه : بكرا لما تكبرى هتفهمى انا اقصد ايه
المهم ها ايه رئيك فى المشروع
نجوى : هو تمام بس محتاج فلوس كتير اوى
ابو حمزه : ملكيش داعوه بالفلوس انا بس عاوز مجهودك
نجوى : بس الارض انته ممكن تاخودها منى كدا
ابو حمزه : المشروع دا هيتكلف 20 مليون جنيه
لو دراسة الجدوال اللى انا عاملها دى مشينا عليها المشروع دا فى 6 سنين هيجيب حقو انا هاخد 20 مليون وفقيهم مكسب الشركه اللى هو 10% وانتى تبقى لوحدك صحبت المشروع
نجوى : طب انتى كده هتستفيد ايه ؟
ابو حمزه : 1 ـ اسم شركتى هو اللى خطط ومول المشروع
2 ـ 10% من الفلوس اللى هدفعاها مكسب
3 ـ اضافه للشركه انها ساهمة فى مشروع من مشاريع الشباب
نجوى : طب اشمعنى 10 % من المكسب ؟
ابو حمزه : بصى ربنا حلل التجاره وحرم الربا صح ؟
نجوى : صح
ابو حمزه : انتى معاكيش تتاجرى وانا معايا فلوس انا هديكى الفلوس تعملى بيها المشروع واخد المكسب الشرعى 10% هو دا حقى
اكتر من كدا يبقى ربا
اللى بيشتغلو وبياخدو مكسب 40 و 50 % ويقولك التجاره شطاره لا دى مش شطاره دا استغلال وجشع والنتيجه ايه اسعار مرتفعه على منتجات غير تصلح للاستخدام الادامى
نجوى : تعرف يا عمى انا دلوقتى بس احترمتك بجد
ابو حمزه : دلوقتى بس وقبل كدا ايه ؟
نجوى : لا كنت بحترمك برضو بس كا عمى ابو جوز اختى بس دلوقتى احترمة دماغك جدا
ابو حمزه : هههه ماشى يا نجوى نتكلم فى التفاصيل بقى
نجوى : نتكلم فى التفاصيل
صابرين : هى نجوى اتأخرت كدا ليه الساعه 9
منير : معرفش زمانها جايه تلاقيها عند تقى
صابرين : تلاقيها انته كمان مش عارف هى فين ؟
منير: كبرى دماغك يعنى هتروح فين يعنى كباريه هههه
حلو اوى الفشار ده ابقى اعمليلى منو كتير
صابرين : حاضر يا حبيبى
قولى بقى هتسمى النونو ايه ؟
منير: مش عارف مفكرتش لما تيجى نوجى نبقى نفكر سوى على العشا
صابرين : ونجوى مالها دا ابنى انا وانته هى ملهاش داعوه ولا هو الكلمه كلمت نجوى
منير: فى ايه يا صابرين ما تروقى كدا
صابرين : لا بصراحه انا شايفه انها فرضه شخصيتها عليك وانته بتخاف منها
منير: هو ليه كل ما اقعد معاكى تجبيلى سيرت نجوى وتفضلى تتكلمى عليها بطريقه مش حلوه
صابرين : طب نتكلم فى ايه هو فى حياتى حد غيرك انته ونجوى
منير: افتحى موضوع فكرى
صابرين : طب انا عاوزه انزل اجيب حاجات المولود
منير: ما تنزلى هو انا ماسكك
صابرين : ما انا عاوزه فلوس هو مش ابنك وانته المفروض تدفع
منير: ماشى انزلى اشترى اللى انتى عوزاه وبعد كدا نتحاسب
صابرين : هو انته فاكرنى بعرف اروح والف وادور على حل شعرى زى نجوى لا ان معرفش لازم تكون معايا
منير: نجوى مش بتلف على حل شعرها بلاش تتكلمى عليها كدا
صابرين : والله انته واخد فيها مقلب ماشيه من صبحيت ربنا تقدر تقولى كل ده بتعمل ايه ؟
منير: هتكون بتعمل ايه فى الشغل او عند اهلها
صابرين : هههه اه اهلها صح
وبعدين شغل ايه هى مش خلاص ابوها مات تشتغل تانى ليه ناقصها ايه ؟
منير: يا سلام مش انتى اللى خلتيها تخرج من حالت الاكتأب وقولتلها الشغل بيقوى
صابرين : طبعا وهى ما صدقت مانته مش مكفيها
منير: اه انتى شكلك عاوزه تتخانقى انا بقى مش طالب معايا خناق انا هنام تصبحى على حرقت الدم قولى امين يا نكديه ( وسابها ودخل ينام بعد ما خلص طبق الفشار )
صابرين : { الله هو فى ايه دى ريهام قالتلى اول ما اقولو كده هيقلب على نجوى هى بتوقعنى فى الغلط ولا ايه ؟}
**** ( بقلم هند محمد @isis Mohamed ) ****
ام حمزه : ايه دا انتى هنا يا نوجى
نجوى : اه جيت من شويه عمى قالى استناكم
تقى : عامله ايه وحشانى
نجوى : وانتى كمان عملتو ايه عند الدكتور
ام حمزه : الحمدلله تمام
نجوى : اه قالكم ايه يعنى
حمزه : الحمد لله الجانين حالتو
ام حمزه : ما تبطلو رغى بقى قولنا الحمد لله وخلاص تشربى ايه يا نوجى
نجوى : ( فهمت ان ام حمزه مش عاوزه تقول ) لا شكرا انا جبتلك اللبن يا تقى
تقى : ربنا يخليكى ليه يا نوجى دانا والله مش عارفه اشرب التانى ده خالص
نجوى : انا جيبالك 5 كيلو اول ما يقرب يخلص قوليلى اجبلك
تقى : حاضر
حمزه : طب كام اللبن يا نوجى
نجوى : كام لا مش هتقدر تدفع تمنو عشان انا بابيعو غالى
حمزه : ليه يعنى الكيلو بكام ههههه
نجوى : شوف انته كيلو اللبن اللى تقى بتحبو وبتشربو يساوى كام نقول الكيلو بمليون حلو
حمزه : لا انتى كده داخله على طمع هههههههههه
نجوى : هى ماما فين يا تقى ؟
تقى : روحت
نجوى : طيب انا ماشيه بقى عشان مسفره لعمى عربى بكرا
تقى : هتروحى لبابا ؟
نجوى : اه اكيد هروحلو
تقى : ممكن تبقى تتصلى بيه وتشغلى الاسكايب كاميرا عشان اقرالو الفتحه
نجوى : حاضر يلا اشوف وشك بخير
ام حمزه : طب اشربى حاجه طيب
نجوى : لا شكرا مره تانيه ( وسابتهم ومشيت )
تقى : هو ليه حضرتك احرجتى نجوى لما سئلت على كلام الدكتور
ام حمزه : انا قولتلك قبل كدا ان العين وحشه
تقى : بس دى اختى ومستحيل هتحسدنى
ام حمزه : برضو الواحد يعمل حسابو الله اعلم بضمير الناس
ابو حمزه : كنزى بتخاف من الحسد عشان زمان هى حملت اكتر من مره وكان كل مره الحمل بينزل لما كان حد بيعرف
تقى : بس انا اختى بتحبنى
حمزه : تقى مش قولنا مناقش ونسمع الكلام
تقى : انتو كدا احرجتوها وهتتكسف بعد كدا تسئل على حاجه
ام حمزه : خلاص معلش بس انا بخاف من الحسد
تقى : خافى من الحسد من الناس اللى بتقر علينا مش اللى بيحبنا
ابوحمزه : ومين بس بيقر علينا
تقى : شوفو مين اللى بيتكلم من وراكم بعد ازنكم انا هقوم اغير
ام حمزه : اه قومى عقبال ما اعملك العشا
هو اللبن بتاع نجوى دا بيتغلى ؟
تقى : ايوه
ام حمزه : طيب
( تقى داخلت اوضتها وام حمزه داخلت المطبخ )
حمزه : هى ماما مزوداها الصراحه نجوى كويسه ومش حسوده
ابو حمزه : انا وامك شفنا ياما زمان الحمل كان يبيقى فى الشهور الاولى حد يعرف او حد يزورنا يحصل اجهاض
حمزه : بس تقى ليها حق تزعل على اختها
انا لو ليه اخ وحماتى عملت كده هزعل
ابو حمزه : اومال شاخط فيها ليه واخدت صف امك ؟
حمزه : عشان هى امى مقدرش ازعلها لاكن مراتى لو حصل ايه بينى وبينها كلمتين حلوين وخلاص نتصالح
ابوحمزه : طب نتكلم فى الشغل قبل ما امك تخلص
**** ( ب
منير : مين نور النور
نجوى : انا يا منير انته نايم بدرى كده ليه الساعه 11
منير: 11 وبدرى اه طيب انتى ايه اخرك لده كلو
نجوى : كنت عند تقى وهى كانت عند الكتور استنتها عشان اطمن عليها لما جات ومشيت جيت على هنا
منير : انتى مكلمانى لما رجعتى من عند سلمى 7 من 7 ل11 عند تقى
نجوى : روحت وديت الحاجات لسليمان وروحت البنات لتحت الكبرى وروحت عند تقى ودتلها اللبن وابو حمزه لقيتو هناك وفضلت اتكلم معاه فى الشغل
منير : اممم وعملتى ايه
نجوى : ( قاعدت جنبو على السرير وفتحت الورق المشروع ) بص يا سيدى دى مشروع كوكو واوا
ام فارس : هدى هى امك فين ؟
هدى : راحت المطار خالو هيثم راجع انهاردا
فارس : ليه جاى ؟
هدى : عادى عشان شغلو
ام فارس : هو بيشتغل ايه دا اصلا
هدى : فى الاستراد والتصدير وكمان السياحه
ام فارس : وبيستورد ويصدر ايه ؟
هدى : والله يا ماما مش عارفه اهو بقى انا بكبر دماغى
ام فارس : طيب خودو هيثم بقى انا هدخل انام
فارس : معرفتيش نجوى هتعمل ايه فى موضوع الترشح ده ؟
ام فارس : ما يابنى قولنا صغيره متنفعش
فارس : طب كنت عاوز اقولك حاجه البيت اللى فى بنها وكمان شقتى اللى هناك انا بفكر ابيعهم
ام فارس : هتبيع بيت ابوك ؟
فارس : بيت ايه يا ماما دا حوالى 60 متر ودورين مش حاجه يعنى
ام فارس : عاوز تبيع شقتك انته بيعها لاكن البيت لا افرض حد من اخواتك اجوزهم زعلوهم هيروحو فين ؟
فارس : البيت اهو عندى مفتوح
ام فارس : لا البيت مش هيتباع اتصرف فى شقتك
كمان نجوى هتروح تقعد هناك
فارس : ليه ان شاء الله ؟
ام فارس : عشان جوزها مراتو نزلت قعدت فى الشقه معاهم وباعو الشقه اللى فوق هى بقى هتروح تقعد هناك
فارس : بس انا كنت عاوز فلوس والبيت يساوى حوالى 80 الف
ام فارس : عاوز تبيع بيع شقتك بيت ابوك لاخواتك البنات
انا داخله انام
( منير ونجوى قدام التلفزيون فى الصاله )
منير : احلى ساندوتشات لاحلى سيدت اعمال فى مصر والسودان
نجوى : هههههههه حبيبى يا مونى كمان جايبلى خيار شرايح
منير: بدلعك قوليلى بقى المشروع ده مضمون ؟
نجوى : طبعا واحتمال يشغل نص اهل البلد عندنا وكمان بقى 4 سنين اكون كبرت وادخل الانتخابات بقلب جامد
منير: فكك يا بنتى دى مجلس فاكس
نجوى : اه فاكس بس برستيج
صابرين : (خارجت من اوضتها ) دى ساندوتشات ايه دى مغرفتيش باميا ورز ليه دانا عملاهم حلوين اوى ؟
منير : ما دول ساندوتشات رز وباميا ؟
صابرين : ايه ازاى ؟ هو الباميه بتتعمل ساندوتش ؟
نجوى : اه طبعا عادى عمرك ما كالتى ساندوتش طبيخ قبل كدا ؟
صابرين : لا ماليش فى العك
نجوى : امممم طيب على شويه التلفزيون يا منير الفيلم ده تحفه
صابرين : دا فيلم ايه ده ؟
منير: بوحه
صابرين : دا فيلم وحش انتو بتتفرجو على الاسفاف دا ليه ؟
نجوى : اسفاف بوحه اسفاف
صابرين : اه اسفاف اومال ايه من روئع السينما
نجوى : هههههه غلبانه والله
منير: مش بتعرفى انتى الحاجات اللى بين السطور يا صابرين
صابرين : لا يا راجل هو كمان الفيلم ده فيه عمق وحاجات بين السطور ؟
نجوى : اه طبعا معقول مش فهمه ؟
صابرين : انتو بتتكلمو بجد ؟
نجوى : ورحمة ابويا بتكلم بجد
صابرين : طب ايه ؟
منير: الفيلم ده بيكلم الناس على الناس اللى بتبيع اللحوم البايظه وبيستغلو اللى زى بوحه دول انهم يجيبو بضاعا مستوردا بأسمهم ويخلوهم كبش فدا
نجوى : وكمان الاهل اعمامو اللى سراقوه فى اول الفيلم واخدو حقو وميراثو
منير: اه بس اخر مشهد بقى اللى هو مستر سين ؟
صابرين : كمان مستر سين ؟
انتو بتفهمو الكلام ده ازاى ؟
نجوى : عشان الافلام دى معموله للناس اللى دماغها شغاله مش اللى دمغهم مركونه
صابرين : يعنى انا دماغى مركونه
نجوى : مانتى مفهمتيش فيلم جميل زى ده
دا ليه هدف
منير: خلاص هتتخنقو على فيلم
انا هقلب
اه حلو ده
نجوى : الله دا تحفه حلاوة روح انا بموت فى هيفاء
منير : احلى حاجه فى الفيلم ده الاغنيه بتاعت حكيم
نجوى : اه فعلا
صابرين : طب بصى انا داخله انام عشان دماغى ما تضربش ( وسابتهم وداخلت )
نجوى : كاتك نيله وانتى شبه مدام عنيات شباك 3 كده
منير: هههههههههه مفيش فيده فيكى يا بنتى احترمى الناس شويه
نجوى : بزمتك مش شبه الموظافين اللى لما تروح تعمل ورق تقولك روح لمدام عنيات شباك 3
منير: انتى مسخره
( وتانى يوم نجوى راحت وصالت امها عند تقى وراحت على الكبرى تاخد العيال )
ناجى : بس العربيه صغيره هنركب ازاى ؟
نجوى : خلاص نجيب مكروباص او اقولكم اركبكم القطار
زكى : اه عشان نولع فيه لا والله مش هركب قطار انا
نجوى: طب هتركبو فين العربيه صغير انا يا دوب جنبى 4 وكمان هتبقى متزنقين
سحر : نركب فى الصندوق ورا
نجوى : ايوه بس
زكى : اه صح خودى البنات جنبك وحنا الرجاله ورا
نجوى : بس الطريق طويل
ناجى : مش مهم يا ابله اتكلى على الله بس يلا
نجوى : خلاص اركبو
( الولاد ركبو فى التلاجه ورا والبنات جنب نجوى وسافرو)
عربى : اهلا وسهلا حمدالله على السلامه
نجوى : الله يسلمك يا عمى
عربى : جدعه يا نجوى انتى قولتى هتجيبى عيال دول رجاله اهو
زكى : احنا نعجبك اوى يا حج بس يعنى هنشتغل امته
عربى : لو تحبو دلوقتى
رجب : طب يا حج هتدينا كام ؟
نجوى : بصو احنا زى ما قولتلك لسه بنبتدى هديكم فى اليوم 20 جنيه وهتكلو وتشربو وتنامو ببلاش قولتو ايه
سيد : ماشى موافق
عربى : وانا اعتبرونى زى ابوكم
زكى : وهنبات فين ؟
نجوى : فى اوضتين تحت كل اوضه فيها اكتر من سرير
رجب : ماشى
بس لو عاوزنا ننزل نشوف اهلنا ؟
عربى : برحتك روح بس قولى الاول عشان اطمن
نجوى : هو سراج وربيع فين ؟
عربى : بيشوفو الخرفان اللى فى الزريبه ورا
نجوى : انتو جبتو ؟
عربى : اه اومال ايه وكمان معيز وشوقيه عملالك حوالى 80 ازاز لبن خوديها وانتى ماشيه
نجوى : ماشاء الله طب ومخزناهم فين ؟
عربى : عند الجيران كل واحده عندها شويه
نجوى : اه ماشى طب يا عمى نتغدا عشان جيبالك مشروع بقى اوعى وشك
عربى : ادخلى لشوقيه خلصو الغدا وانا هقعد اتعرف على الرجاله
شوقيه : كدا بردو تروحى وتقولى عدولى ؟
نجوى : معلش متزعليش بس الحمد لله انا رجعت وجيبالكم بقى مشروع جامد اخر حاجه
شوقيه : مش انا جالى عريس
نجوى : هااااا بجد طب مبروك
شوقيه : لا ما خلاص
نجوى : خلاص ايه مات ؟
شوقيه : لا طفش
نجوى : ليه ؟
شوقيه : اهل البلد خوفوه منى فا راح ماجاش
نجوى: بقولك ايه بلا جواز ولا قرف ركزى معايا
( وبعد الغدا )
نجوى : ها يا عمى ايه الاخبار عجبك المشروع ؟
عربى : طبعا دا يا ريت بس انا اخاف ياخدو الارض
نجوى : لا متخفش انا عامله حسابى وكل حاجه تبقى بأسمى واسمك طبعا
بس انا عشان ابدء محتاجه على الاقل الارض تبقى بئسمى عشان الاجرئات والتصاريح
ربيع : بصى يا بنت عمى احنا صحيح اهل بس الفلوس حاجه تانيه
نجوى : اكيد
سراج : احنا لينا نص الارض يعنى 50% من المشروع
نجوى : المشروع مفهوش نص ونص عشان هو كل حاجه بتكمل التانيه
ربيع : طب كده فى مشكله لو انتى عملتى المجزر والمزرعه والمعمل والسوق على ال 10 فدادين بتوعكم
ال 10 فدادين بتوعنا هيبقو ملهمش لازمه فا ايه الحل ؟
نجوى : اه ايه الحل ؟
ربيع : "