#قلب_فاضي
الحلقه { 51 }
بقلم هند محمد
الهام : انتى بتعملى ايه ؟
نجوى : الهام كنت هجيلك ازايك ؟
الهام : الحمد لله ايه اللى انتى جايبه ده
نجوى : دا ديب فريزر على شان اخزن فيه الحاجه فى الاوضتين دول
الهام : بس انا كنت عاوزه الشقه دى
نجوى : عاوزها فى ايه ؟
الهام : كنت هدي فيها دروس انا وفكرى
نجوى : فكرى ودروس هو مش فكرى بيشتغل فى السعوديه ؟
الهام : اه بس انا قولتلو ينزل بقى انا تعبت من الوحده دى على طول لوحدى
قولتلو يجى والشقه دى نفتحها ندى فيها دروس خصوصيه دى بتكسب اوى يا نجوى دا تامر بس بديلو درس حساب وانجليزى بدفع 200 حنيه فى الشهر
نجوى : طب انا محتاجه الشقه كنت هعملها مخزن وكمان دى اوضتين وصاله وصغيره هتدو دروس فيها ازاى ؟
الهام : هقولك بصى الاوض هنخليها للدروس كل اوضه 20 كرسى وصبوره وخلاص والصاله بقى زى استقبال كدا لو حد جه بدرى او حد جه يحجز لابنو او بنتو
نجوى بجد انا محتاجه الشقه
نجوى : بس انتى بعتى نصيبك وانا اشتاريتو يعنى البيت من حقى انا
الهام : بلاش نتكلم فى الحقوق قدام الناس يا نجوى وبعدين ربنا اداكى من وسع ارض ومزرعه ومجزر مستخسره فيه شقه متجيش 40 متر
وبعدين اه انتى اشتاريتى نصيبى بس لسه فى نصيب تقى وماما وانا لو قولت لماما اخودها هتقول خوديها
نجوى : بس دى بتعتى وبجد محتاجاها
الهام : دى شقه متنفعش مخزن روحى اجرى مكان تانى
وكمان النور بيقطع هنا كتير ممكن النور يقطع ويبوظ الحاجات اللى انتى مخزنها
نجوى : ما هو ماينفعش يبقى عندى بيت وشقه واروح اأجر باره
الهام : بقى كدا ماشى يا نجوى شكرا ياختى ( وسابتها ومشيت )
عمرو : ينفع اقول حاجه يا ابله ؟
نجوى : نعم قول
عمرو : الشقه كدا دى انبص فيها ومادام العين عليها مش هتنفع ادلها الشقه
نجوى : دى بتعتى وانا محتاجاها
ناجى : خادتى بالك يا ابله بتقولك النور بيقطع كتير يعنى ممكن تحطى الفراخ والحاجات بتعتك فيها وتمشى ترجعى تلايها بايظه
عمرو : اه صح ممكن تيجى يومين تلاته تقطع النور وتبوظلك الحاجه
نجوى : انتو بتقولو ايه دى اختى متعملش كدا
عمرو : يا ابله احنا كنا سكنين فى بيت مع عمتى فى بيت جدى ابويا لما تعب بعنا ناصبنا لعمتى وباقينا ندفعلها ايجار والشهر اللى مندفعش تفضحنا فى الشارع
نجوى : انتو هتخوفونى ليه ؟
طب لو سبتلها الشقه هودى الحاجات دى فين 8 ديب فريزر
بقولكم ايه يلا نركب الحاجه هى مش هتعمل حاجه
ناجى : خلاص يا ابله زى ما تحبى
( وبعد ما ركبو الديب فريزر )
نجوى : كدا تمام الحمد لله عمرو خود حاسب السواق اللى باره بتاع النقل
عمرو : حاضر يا ابله
ناجى : ابله انا بقالى 3 سنين متمرمرت فى الشارع اسمعى كلامى هنرص الحاجه وهنمشى من هنا هى هتيجى تقطع النور
نجوى : طب اعمل ايه انا دلوقتى انا اشتارية الحاجه خلاص
وبعدين البيت بتاعى انا وتقى وامى مش بتعها ولا بتاع فارس هما باعولى ناصبهم هما الاتنين فى البيت وفى الارض ومدياهم حسابهم كاش والله يا ناجى دانا مستلفه من سليمان حوالى 110 الف جنيه وسددت منهم شويه ولسه باقى 70 الف كمان
ناجى : طب اقولك تعالى نجرب واهو لو حصل حاجه نبقى مطمنين
عمرو : انا حاسبت السواق يا ابله واخد العربيه ومشى
نجوى : ماشى نجرب ايه يا ناجى قول ؟
ناجى : احنا نحط كام فرخه بس 8 مثلا فى كل واحد ونقفل عليهم بالمفتاح ونمشى وكمان وكام يوم نرجع والله لقيناهم سلام يبقى تمام لقيناهم بيظين يبقى مخسرناش كتير
عمرو : كلامك صح يا ناجى اسمعى كلامنا يا ابله وكمان بلاش نشغل التلاجات دى كلها نشغل واحد بس لما نشوف لحسن دى ممكن تعملك قفله فى الكهربه وتبوظهملك
نجوى : انتو ايه هى مش رئيسة عصابه على فكره
ناجى : والله احنا بننصحك لوجه الله وانتى حره
نجوى: طيب ماشى هروح اجيب كام فرخه واجلكم ونجرب
عمرو : طب احنا هنبات فين يا ابله
نجوى : هنا فى فوق مرتبه سافنج هنزلهالكم تباتو عليها ماشى ؟
ناجى : ماشى بس احنا جعانين اوى
نجوى : هجبلكم اكل خليكم هنا شويه وجايلكم هقفل عليكم بالمفتاح ماشى ؟
ناجى : ماشى حاضر
( راحت نجوى اشتارت 3 كشارى وجابت 3 فرخات من اللى معاها فى العربيه )
نجوى : خودو الكشارى ده عقبال ما احط الحاجه
الهام : واقولها يا تقى انا محتاجه الشقه تقولى دى شقتى انا
تقى : معلش يا الهام ما برضو الحاجه تبقى بتاعتها وتأجر برا ينفع يعنى وبعدين دروس خصوصية ايه بس السفر احسن هيكسب كام لما فكرى يرجع ويشتغل فى الدروس دى
الهام : مش مهم نكسب كام المهم يبقى جنبى ومعايا
تقى : انتى فكره لما يبقى جنبك هترتاحى انتى هتجيبى وجع الدماغ لنفسك
انا من رئيى لا خلى فكرى فى السعوديه احسن
الهام : تقى انا زهقت من اللى انا فيه تخيالى كدا حمزه بعيد عنك 11 شهر هتقدرى تستحملى
تقى : لا بس دا شغلو
الهام : كدا برضو يا تقى طيب ماشى انا زعلانه منك سلام ( وقفلت الشات )
تقى : يووو بقى
حمزه : انتى معاكى التاب بتاعى وانا بدور عليه
تقى :اعمل ايه مش لقيه موبيلى داورت عليه مش لقياه
حمزه : ليه راح فين ؟
تقى : مش عارفه من امبارح وانا مش لقياه
حمزه : طب انا عاوز التاب
تقى : معاك الاب توب سبلى التاب بقى اتسلى فيه
حمزه : هبعت منو ميل بس
تقى : لا لو خاتو منى تقى هتزعل
حمزه : هههه خلاص طب انتى دورتى على الموبيل ؟
تقى : اه دورت فى الشقه كلها ملقتوش وكمان خليت ماما ترن عليه مش بيرن
حمزه : خلاص هجبلك واحد تانى
بخط جديد كمان
تقى : لا هتلى تابلت فى خط تليفون عشان اسبلك التبلت بتاعك
حمزه : بس كدا عيونى لتقى حبيبتى
هو مصطفى فين ؟
تقى : هيكون فين ؟ بص انا بفكر شهر كدا واحمل فى التانى ناخدو احنا مصطفى خلاص مامتك مسيطره عليه
حمزه : مش جدتو وبتحبو
تقى : بس هو ابنى نفسى اشيلو كدا والعبو انا من ساعت ما ولتو من 10 ايام مشلتوش لوحدى لازم هى جنبى
حمزه : معلش استحمليها
تقى : مانا مستحمله انا قولت حاجه بقولك ايه فرصه ومامتك مشغوله فى مصطفى اقوم اعملك عشا من ايدى انا
حمزه : ايوه بقى دلعينى تقتوقتى
تقى : ههههههه عشان تقتوقتى دى خود التاب ابعت الميل بس هاخدو منك تانى
حمزه : انتى بتعملى بيه ايه اصلا ؟
تقى : مستنيه الحلقه تنزل الساعه 10 ولسه منزلتش
حمزه : حلقة ايه ؟
تقى : حلقة ازيس واحده كدا بنوته بتنزل قصص بس حلوه اوى يا حمزه كل يوم حلقه بس للاسف بتتأخر
حمزه : وايه بيأخرها بقى ؟ المحور واقف هههههههههههه
تقى : ههههه سكر لا اصلها بتكتب طاظا بطاظا كل يوم حلقه عقبال ما تكتب بقى
حمزه : ماشى يا تقى اصلك فاضيه روحى اعملى العشا
تقى : طب وانته قاعد كدا دور تانى على الموبيل بتاعى
حمزه : ماشى
( فضل حمزه يدور على الموبيل لحد ما تقى جابتلو العشا فى الاوضه )
تقى : ها لقيت الموبيل ؟
حمزه : لا ممكن يكون هيثم خادو ورماه او حاجه
تقى : يمكن تعالى كل بقى ورينى كدا الحلقه نزلت
يووووو لسه
حمزه : تعالى كلى طيب معايا الاول هما اتعشو باره ؟
تقى : عمى نايم ومامتك قالتلى مش جعانا
حمزه : اوك
ام فارس : طب وهو السنتر دا يا الهام مضمون
الهام : اه طبعا مضمون هو فى حد دلوقتى مش بياخد دروس
ام فارس : خلاص لو عوزاها خوديها يا بنتى انا هعمل بيها ايه
الهام : ما يا ماما بقولك نجوى مرضيتش وحطت فيها حوالى 8 ديب فريزر وهتخزن فيه الحاجات بتاعتها
ام فارس : انا عن نفسى مش عوزاها تشتغل الست مننا ملهاش غير بيتها وجوزها وعيالها
طب انتى عرفتى انها جالها عارسين امبارح وهى مرضيتش عشان الشغل
الهام : مين العارسين دول
ام فارس : الدكتور اللى ولد تقى طلع صاحب اخوكى فارس ودفعه واحده لما شفها يوم الولاده عجبتو وجه شفها وقعدو مع بعض وفى الاخر قال ايه دى معصعصه
الهام : هو قاعد يعنى واتكلم معاها ؟
ام فارس : اه واتعشا كمان وفضل يتكلمو شويه
الهام : طب والتانى مين ؟
ام فارس : ابن خالت حمزه وايه بقى راجل اعمال بس دا بقى هى اللى مش عوزاه بتقول مش مرتاحالو
الهام : خليها كدا تتبطر على النعمه لحد ما تزول من وشها
ام فارس : بقولك ايه يا بت انت عاوزه الشقه دى ضرورى اوى يعنى ؟
الهام : ايوه يا ماما بقولك فكرى هينزل من السفر
ام فارس : خلاص هى لما تمشى روحى افصلى الكهربا هى لما تلاقى الحاجه باظت هتخاف تخزن حاجه وتنتبه لنفسها بقى وتتجوز
الهام : كهربة ايه يا ماما ما كدا باينه اوى انى انا اللى عملت كدا وبعدين دى حاجات بفلوس لالا حرام ابوظلها حاجه
ام فارس : دا فى مصلحتها يا خايبه
الهام : لا معملش كدا انا فى نجوى خلاص مش مهم هدور على شقه تانيه
ام فارس : خيبه زى امك والله
الهام : مش خايبه بس كدا هيحصل مشاكل والبضاعه دى عليها فلوس لما ابوظهلها هى هتجيب ثمنها منين هو عشان مصلحتى اجى على مصلاحت اختى
ام فارس : ما هى جات على مصلحتك اهو
الهام : لا يا ماما انا معملش كدا
ام فارس : الحمد لله يا رب انتى كدا اثبتيلى انى عرفت اربى بجد ربنا يخليكم لبعض يا رب
الهام : الله انتى كنتى بتوقعينى ولا ايه ؟
ام فارس : انا لا والله بس نفسى اطمن على نجوى فى بيتها كدا قلبى واكلنى عليها
هو بالساهل مرواحها ومجيها كدا
الهام : ربنا يصلح لها الحال
وفارس عامل ايه فتح العياده ولا لسه ؟
ام فارس : لا اشترها اه بس لسه مفتحهاش لما ياخد الماجستير الاول
الهام : ربنا معاه يا رب
انا كلمتك من كام يوم كنتى فين
ام فارس : امتى ؟
الهام : يوم الاثنين كانت 3 العصر كدا
ام فارس : اه كنتى فى النادى مع بوسى هى كان عندها تمرين وانا روحت معاها
الهام : احسن اتسلى
ام فارس : اه والله من ساعت ما بقيت اروح واجى معاها كدا وانا الخشونه اللى فى رجلى راحت
الهام : الخشونه راحت من جريك ورا هيثم يا ماما مش النادى
( وتانى يوم الصبح نجوى اخدت عمرو وناجى ومشيو راحو على سلمى )
نجوى : معلش يا خالتى جينا بدرى
ام سلمى : متقوليش كدا دا بيتك يا نجوى
نجوى : الله يخليكى قوليلى البنات بيسمعو الكلام ولا لا
ام سلمى : لا بيسمعو الكلام وام شاء الله علهم بقى اشطر من سلمى
نجوى : شاطرين يا بنات ايوه كدا ارفعو راسى
نوسه : ابله سلمى والحجه بيعلمونا والحمد لله اتعلمنا بسرعه اوى
نجوى : شطرين
هى سلمى فين عشان لسه هنزل القاهره
ام سلمى : جايه حاضر مين ده يا نجوى ؟
نجوى : اهى سلمى جات بالمره اقولكم ازيك
سلمى : الحمدلله مين ده
نجوى : دا عمرو اللى هيجى يستلم منك البضاعه بعد كدا ويوديها لسليمان
سلمى : بس دا شكلو صغير
عمرو : انا 19 سنه ومعايا رخص وكمان معايا عربيه زى بتاعة الابله
سلمى : وانته جبت العربيه دى منين ؟
عمرو : دى بتاعة ابويا كان اشتراها كان بينقل بيها حاجات سمك ولحمه لسوق العبور بس لما تعب بقى باقيت اشتغل عليها انا
سلمى : طب يا نجوى خلاص
نجوى : بص يا عمرو انته هتاخد الحاجه زى ما هنعمل دلوقتى والحاجه فى كشف بالعدد شوف اهو
عمرو : تمام يا ابله
نجوى : وانتى بتستلم من سلمى تعدهم وتحطهم فى العربيه وكمان وانتى بتديهم لسليمان تعد خد كام واتبقى كام وخلى بالك كل حاجه مكتوب عليها اسمها وسعرها عشان لو اتبقى حاجه هتروح تخزنو فى الشقه اللى عملنها مخزن
عمرو : والفلوس استلمها من مين واسلمها لمين ؟
نجوى : لا مش هتستلم ولا تسلم
سلمى : اومال هاخد منك الفلوس ازاى او انتى هتاخدى من سليمان الفلوس ازاى ؟
نجوى : خودى دا خط تليفون فى ميزة حساب الكاش انا هحولك عليه الفلوس اللى هاخدها من سليمان وانتى تروحى تاخديها من اى فرع قريب
سلمى : اه دا فى واحد قريب هنا وفى واحد كمان عند البيت اللى فيه ام قويق
نجوى : اه مانا عارف
يعنى انته يا عمرو تاخد بضاعه وهتسلم بضاعه وابقى اعمل تليفونك انته كمان كاش
عمرو : وهاخد فى النقله كام بس خلى بالك دا كدا سفر
نجوى : هديك كل مره 150 جنيه فوق البنزين بس كل ما اقولك تعالى او روح تقول امين قشطه ؟
عمرو : قشطه
نجوى : ها معاكى بضاعه ؟
سلمى : معايا لبن وبيض بس
نجوى : طب تمام
( اخدت نجوى البضاعه وراحت القاهره لسليمان )
خلاص يا سليمان اتفقنا ؟
سليمان : ماشى خلاص فهمت دى اسهل من لما اديكى الفلوس كدا
نجوى : خلاص تمام شفت يا عمرو اهو اخد 150 بيضه كتبتهم اهو سعرهم 105 جنيه تمام
عمرو :اه يا ابله تمام فهمت طب لو اتبقى حاجه اعمل بيها ايه ارجع بيها بنها المشوار ده كلو ؟
ناجى : ههههههه معلش يا ابله لسه تلميذ
عمرو : على اساس انك معلم
نجوى: باس ماتتخنقوش استنو بس احاسب سليمان
صحيح فين الشيكات الاقساط
سليمان : اهو اتفضلى وكمان اللبن هاخدو
نجوى: ماشى خود يا عمرو الحسب انته سعر اللبن عشان هتكتب كل حاجه فى الكاشف وتصورهولى على الموبيل وتبعتهولى واتس
عمرو : حاضر اللبن ب 10 وهو اخد 30 ازازه يبقى 300 جنيه
نجوى : برافو عليك
الفراخ بقى والحاجات دى برضو ها
عمرو : ماشى
بس الباقى هنعمل بيه ايه ؟
نجوى : اصبر بس
الباقى يا سليمان
سليمان : خودى اهوم 4000 جنيه تمام كدا دا الحساب القديم ؟
نجوى : تمام
يلا اركب يا ناجى اركب يا عمرو
( ركبو العربيه وراحو وزعو باقى الحاجه على المدارس زى ما بتعمل )
عمرو : طب ما كدا الفلوس دى هتبقى معايا لو انا اللى وزعتها
نجوى : تمام بس برضو انا محددالك تبيعها بكام والكشف مكتوب فيه كام حاجه معاك اللى هتبيعو هتاخد منو عمولتك 5% وتبعتلى الفلوس على حساب الكاش فهمت
عمرو : يعنى اروح احط الفلوس بأسمى واحولهالك ؟
نجوى : ايوه
انا اليومين الجايين هسافر الصعيد ناجى انته تفضل معاها وتشوف شغلكم تمام ولا ايه ؟
ناجى : ماشى يا ابله
نجوى : ماشى كل واحد خاد حسابو ؟
ناجى : اه
نجوى : مرضيين ؟
عمرو : اه الحمد لله
نجوى : طيب سلام استنو منى تليفون بقى
حمزه : اتفضلى يا جميل
تقى : هااااا الله دى حلو اوى وكمان الجراب دا تحفه
ربنا يخليك ليا يا حبيبى
حمزه : ويخلكى ليها يا عيونى
تقى : رقمو كام الخط ده بقى ؟
حمزه:اهو
تقى : ماشى خود بقى عشان انا معرفش نزلى الابلكيشن الفيس واسكايب ووو الماسنجر بتاع الفيس والواتس والفيبر وكمان كاندى كراش وزوما عشان بحبهم
حمزه : ماشى هاتى
ميل الجى ميل بتاعك ايه ؟
تقى : تقى .111222 ات جى ميل دوت كوم
حمزه :اوك هعملهملك
تقى : وكمان ابلكيشن الواتباد عشان القصص والحلقات
حمزه : ماشى
جرس الباب بيرن هقوم افتح
( حمزه راح يفتح الباب لقى امه بتفتح )
ام حمزه : نوجى
نجوى : ازيك
ام حمزه : الحمد لله بس مهدوده كنت مسفره بنها وروحت وجيت على اخرى
تقى : وحشتينى
نجوى : وانتى كمان هاتى مصطفى اشيلو شويه
ام حمزه : لا انتى جايه من باره كلك ميكرويات
نجوى : طب اغسل ايدى ووشى وتسبينى اشيلو
ام حمزه : لا تبوسى ايدو بس
نجوى: ابوس ايدو طب على ايه خلكى شيلاه بقى
خودو صحيح شويت حاجات كدا واللبن بتاعك يا تقى
وكمان لبن معيز لمصطفى
ام حمزه : لا لحسن يتعبو
نجوى : لا متخفيش جربى شويه لو متعابوش خلاص
حمزه :شوفى جبت ايه لتقى
نجوى : الله تعيش وتجبلها انتو برضو ملقتيش الموبيل ؟
ام حمزه : دى قلبت عليه البيت مش لقينو
نجوى : غريبه
حمزه : انا جبتلها رقم جديد عشان تكلميها واتس
نجوى : ماشى رن عليا
ليكون هيثم رماه من البلكونه
تقى : انا وحمزه برضو بنفكر كدا
نجوى : يمكن طيب انا اطمنت عليكى اقوم بقى اروح لفارس وهروح الصعيد بكرا
حمزه : انتى عرفتى ان السوق هيشتغل بكرا ؟
نجوى : هااااااا لا بجد ؟
حمزه : اه والله وكمان جبنا المكن اللى هيحلب البقر والجاموس وهنركبو الاسبوع الجاى
نجوى : طب حلو اوى دا كدا لازم بكرا اسافر بقى انا كنت متردد
تقى : هتاخدى ناجى معاكى ؟
نجوى : لا هروح لوحدى بفكر اروح بالقطار بس بقول عشان وانا راجعه اخد معايا شويت حاجات
حمزه : حولى تشوفى حد من البلد عشان هما اللى يوزعو
نجوى : ماشى هشوف
بس المهم نلاقى حد نوزعلو هنا
حمزه : اه كتير
سبيها علينا خرجى بس انتى شغل وانا هوزعلك
نجوى : ماشى يا حموزه
حمزه : ههههه
نجوى : اخود منه بوسه بس
ام حمزه : لا
نجوى : طب ابوس رجلو
ام حمزه : ماشى بس من بعيد
ام فارس : اهلا بابنتى المتربيه المعصعصه شرفتى
نجوى : مساء جر الشكل على المساء
ام فارس : فارس تعالى شوف البت دى اكسر رقبتها
نجوى : ماما انا جايه ربنا عالم بايه وتعبانه مش نقصه قرف
فارس : ردى على ماما حلو يا نجوى
نجوى : حاضر ممكن بقى تسبونى فى حالى
ام فارس : كنتى فين من امبارح
نجوى : كنت عند سلمى وروحت بيت ابويا نمت هناك والصبح روحت تانى لسلمى وجيت على سليمان وبعتلو الحاجه ورحت لتقى ولسه راجعه وكل ده دى وجايه تزعقى وتتخانقى
ام فارس : بقى اختك تقولك محتاجه الشقه تقوليلها لا كدا برضو هانت عليكى اختك الكبيره
نجوى : هى باعة نصيبها عاوزه تانى تاخد الشقه ليه استخسار واستغلال دى حاجتى انا
ام فارس : وحاجتى انا كمان وانا بقى حره فى نصيبى
نجوى : امممم والمطلوب
ام فارس : سيبى الشقه لاختك
نجوى : مش هسيب حاجتى لحد هى عاوزها تشتريا منى او تأجرها منى هى عاوزه كل حاجه سفلقه
ام فارس : اخص عليكى كدا برضو طب افتكرى الموبيل اللى انتى مسكاه مش دا اللى جابهولك فكرى
وكمان فى فرحك مين جابلك الكوشه مش فكرى
ولا مفرش السرير والدى جى مين عملهولك مش فكرى
وكمان لبس ليلة الدخله مش الهام ؟
نجوى : السلام عليكم ( واخدت شنطتها ونزلت )
فارس : نجوى راحه فين نجوى طب استنى انتى يا بت
ام فارس : والله انا ما عرفت اربى
فارس : ( لبس القاميص والبنطالون ونزل ) انا هنزلها
هدى : مش كدا يا ماما انتى جيتى عليها اوى
ام فارس : مانا حاكتلك كل حاجه انا عوزاهم يحبو بعض كدا يدو بعض
هدى : بس دا شغلها
فارس : ( داخل الشقه ) ملحقتهاش مشيت
لازم تفكريها بيوم جوازها
ام فارس : اه عشان تشوف مستقبلها وتتجوز شغل ايه وزفت ايه
فارس : ( مش عجبو كلام امو ) طيب
ام فارس : ايه مش عجبك كلامى على فكرا نجوى مش هتكسب وتديك حاجه دى حتت شقه مستخسراها فى اختك انا مش عارفه هى باقت بخيله كدا ليه ؟
نجوى : معلش بقى يا سليمان انته وسيده هبات عندك
سيده : تنورى البيت والله احنا اصلا كنا بنتكلم عليكى
نجوى : يا رب بالخير
سليمان : اه طبعا
نجوى : بقولك ايه يا سليمان كنت عاوزه اطلب منك طلب كدا
سليمان : خير طلب ايه عاوزه فلوس ؟
نجوى : لا لا حاجه تانيه
سيده : طب اتعشى وانتى بتتكلمى يلا بسم الله
نجوى : حاضر انا كنت عاوزه "