#قلب_فاضي
الحلقه { 52 و 54 }
بقلم هند محمد
نجوى : بقولك ايه يا سليمان كنت عاوزه اطلب منك طلب كدا
سليمان : خير طلب ايه عاوزه فلوس ؟
نجوى : لا لا حاجه تانيه
سيده : طب اتعشى وانتى بتتكلمى يلا بسم الله
نجوى : حاضر انا كنت عاوزه تدورلى على شقه محندقه كدا حتى لو اوضه وصاله وأجار مش تمليك
سليمان : ماشى حاضر ادورلك بس هنا مش هتلاقى عشان غالى عليكى
نجوى : لا انا عاوزه حاجه ابات فيها زهقة من تحكم امى واخويا فيه عاوزه اعيش بدماغى انا بقى
سيده : لا يا نجوى غلطانه هى الواحده مننا ليها غير اهلها
نجوى : ملهاش غير اهلها اه بس لو اهلها دول شيفين ان المستقبل جواز وبس يبقى لا البعد احسن
سليمان : خلاص هدولك على حاجه كدا على قدك
نجوى : شكرا يا سليمان
صحيح هو انتو عيالكم فين ؟
( سيده و سليمان باصو لبعض )
سليمان : لا احنا مخلفناش
نجوى : انا اسفه ربنا يرزقكم ان شاء الله
سيده : لا احنا قرارنا منخلفش
نجوى : ليه ؟
سليمان :اصل ولا حاجه كملى اكلك
نجوى : لا بجد فى ايه انتو تعرفو عنى كل حاجه قولو بقى
سيده : اصل سليمان عليه طار
نجوى : نهار اسود طار
سليمان : اه جيت هنا مصر بقى هربان انا وسيده
سيده : واتفقنا منخلفش عشان لو خلفنا وسليمان حصلو حاجه ابننا هو اللى بيشيل الطار ده
نجوى : يا جماعه احنا فى 2016 طار ايه اللى بتقولو عليه هو لسه فى الكلام ده ؟
سليمان : اه فيه وفى ناس كتير فى الصعيد بتتقتل بالطار بس مش بيقولو اللى يقول حدثه واللى يقول حد طلعلو سرقو وطخو عشان يكملو وياخدو بطارهم
انا بقى يوم جوازى من سيده كانو هيموتونى فا هربت انا وهى بعد كتب الكاتب
نجوى : الدنيا مليانا فعلا اللى يشوف بلوت غيرو تهون عليه بلوتو
غيرو الموضوع طيب هو اليوم ده من اولو جر شكل ومشاكل ليه
كنت عوزاك تدور على اكتر من محل عشان نوزعلهم البضاعه
سليمان : ما هما عاوزين بثمن رخيص وانتى مش بترضى
نجوى : الوسط يا سليمان مش غالى اوى ولا رخيص اوى بين البينين
( وتانى يوم سافرت نجوى البلد )
شوقيه :لا زعلانه كدا برضو تسبينى ده كلو
نجوى : اعمل ايه بس اول ما خلاصت العده جيت اهو وهفضل عنكم كتير
شوقيه : تنورى يا بنت عمى والله بتملى عليا البيت كدا من غيرك بحس انى لوحدى كدا وواحيده
نجوى : لا انا معاكى اهو قوليلى بقى الشغل اخبارو ايه ؟
شوقيه : من ساعت ما قولتى مش هاجى وانا مش باخد حاجه من الستات هحطها فين
وكل يوم والتانى الستات تيجى تسئل اقولهم انك مش بتيجى
نجوى : كلو هيرجع زى الاول ان شاء الله وكمان هنبيع بشكل قانونى تبع الشركه الجديده
شوقيه : اه ما سراج قالى ايوه بقى يبقى لينا اسم كدا وماركه ولوجو
نجوى : ههههههه ايه لوجو ؟
شوقيه : اه يعنى علامه تجاريه انتى محو اميه ولا ايه
نجوى : لا مش محو اميه بس عجبتنى اوى لوجو دى ماشى نشوف
والولاد اللى جبتهم اخبارهم ايه ؟
شوقيه : البنات كويسين ومسلينى اوى بس الولاد بقى شقوة الدنيا فيهم وبيكلو اكل انا مش ملحقه عليهم
نجوى : معلش غلابه يا شوقيه
انا اسيبك بقى واروح الارض اشوفهم عملو ايه
شوقيه : طب لو حد من الستات سئلو على الشغل
نجوى : اقولك اعمليلى معاهم بكرا اجتماع نقعد كدا ونشوف ونقسم الشغل
شوقيه : ماشى هقولهم
نجوى : طيب انا راحه الارض السلام عليكم
ام حمزه : خلاصى بقى يا تقى كل ده بترضعيه انا تعبت من القعده دى
تقى : والله انا كمان تعبت هتيه اشيلو حلو وانتى اقعدى حلو بدل الوضع اللى احنا فيه ده
ام حمزه : اه يا ضهرى طب خودى شيليه بس هخدو تانى منك خلاصى بقى
تقى : ( كانت اول مره تقى تشيلو فى حضنها لوحدو من 11 يوم الولاده اول ما شالتو حضنتو وباستو )
ام حمزه : بلاش بوس رضعيه عشان اخدو
تقى : حاضر
{ ياربى اعمل ايه فى الست دى ازوقها من البلكونه واخلص منها
استغفر الله العظيم
اه انا جاتلى فكره انا احطلها منوم اللى معايا فى اى عصير واخد الواد انا }
ام حمزه : كدا خلاص هاتى بقى
تقى : طب انا عاوزه اشرب عصير تشربى معايا ؟
ام حمزه : ماشى اعملى
( داخلت تقى جابت المنوم من اوضتها وعملت عصير وحطت لها نص قرص خافت يحصلها حاجه )
تقى : اتفضلى العصير
ام حمزه : الله حلو اوى تسلم اديكى
هو حمزه ونبيل اتاخرو كدا ليه ؟
تقى : الجامع اللى بيروحوه دا بيطول شويه فى الخطبه اشربى اشربى
ام حمزه : اشرب
نجوى : ايه دا يا عمى فين المزرعه وفين الحاجات اللى جابوها للمجزر وفين معمل اللبن
كل اللى اتعمل السوق بس وكمان مش متقسم لالا دا شغل سوق الكانتو ده
عربى : محدش بعت حاجه لا شفنا مجزر ولا شوفنا حاجه
نجوى : الله اومال 3 شهور اللى فاتو كان بيحصل ايه ؟
ربيع : شويت مهندسين يجو يحطو علامات ومعاهم ورق يفضلو يلفو فى الارض وخلاص ويمشو
نجوى : حمزه قالى ان مكن المجزر هيركبوه ، معنى كدا انكم بانيتو المجزر وانا لا شايفه طوبه واحده اتبانت ولا حتى الارض لسه زى ما هى
سراج : كل ما نيجى نقرب للارض المهندس يمناعونا وقولولنا لا لسه بنقسم الارض
نجوى : فين المهندسين دول
سراج : انهاردا الجمعه نزلو اجازه
نجوى : طب استنو
الو ايوه يا عمى ازيك حضرتك
ابو حمزه : اهلا يا نجوى ازيك
نجوى : تمام عمى انا جيت البلد مالقتش حاجه اتعاملة لا مكن ولا مجزر ولا مزرعه ولا اى حاجه
ابو حمزه : اه ما اصل انا عندى ازمه ماليه فا كام يوم كدا بس وهدفع لشركت الانشئات وهيجو يشتغلو
نجوى : بس حمزه قالى ان انكم اشتاريتو المكن
ابو حمزه : لا هو فهم غلط انا بس ورتهولو الكتالوج لاكن ماشترتش لسه
نجوى : اه طيب ازمه ماليه دى يعنى مشكله ولا حاجه بسيطه ؟
ابو حمزه : لالا دا الشريك الاماراتى هيبعتلى فلوس بس مستنى لما هو يدرس المشروع
نجوى : اه طيب ماشى يا عمى
ابو حمزه : السلام عليكم
نجوى : عليكم السلام
ههههه وانا اللى كنت فاكره انك ياما هنا يا ما هناك
ربيع : ايه فى ايه ؟
نجوى : بسلمتو مستنى شريكو الاماراتى يبعتلو فلوس
عربى : ايه شريكو لا انا كدا اخاف على الارض
نجوى : لا يا عمى انا شكلى كدا هفركش معاه اصلا
سراج : ليه بس ؟
نجوى : بيقولك شريكو وكل شويه بقى هيقرفنا
طب انتو كنتو بتعملو ايه الفتره اللى فاتت ؟
عربى : ولا حاجه قعدين
وربيع وسراج والعيال اللى انتى جبتيهم بيشتغلو على التكاتك
نجوى : تكاتك اه طيب
ولا حاجه خالص يا ده هوووو
طب السوق مش المفروض يشتغل انهاردا مفيش حد جه ليه ؟
ربيع : وهو السوق ده هيشتغل كدا لوحدو مش المفروض نقول الناس
نجوى : نهار اسود انتو ماقولتوش للناس ؟
ربيع : لا
نجوى : طب يلا نرجع البيت هما العيال فين ؟
سراج : تلقيهم هنا ولا هنا بيلعبو
نجوى : هو انا جيباهم يشتغلو ولا يلعبو
ماشى انا عارفه انها كانت هتخرب من غيرى قدامي
حمزه : ماما
ماما انتى نايمه كدا ليه على الانتريه ؟
ام حمزه : مش عارفه حاسه كدا الدنيا بتلف بيه قولت ارتاح كدا شويه مصطفى فين ؟
ابو حمزه : تلاقيه مع تقى جوا
ام حمزه : طب حد يجيبو تقى خادتو منى وانا نايمه
ابو حمزه : ادخلى نامى دانتى شكلك نعسانه على الاخر
ام حمزه : اه مش قادره افتح عينى
حمزه : طب قومى ارتاحى
ام حمزه : عشان مصطفى كان عاوز يغير هقوم اغيرلو ( جات تقوم راحت نامت مكانها )
ابو حمزه : هى مالها ؟
حمزه : مش عارف ماما مالك انتى تعبانه ؟
ام حمزه : خلى تقى تغير للولد بس قولها تلبسو بسرعه عشان مايبردش
حمزه : حاضر قومى يا حبيبى نامى جوا
ام حمزه : ولو هترضعو خليها تغسل مكان الرضاعه قبل ما ترضعو
حمزه : حاضر يا ماما
( ابو حمزه وحمزه داخلو كنزى الاوضه )
حمزه : هى مالها يا بابا ؟
ابو حمزه : من البارم طول النهار صاحيه بدرى وبقالها 11 يوم شايله الواد وقعده تلاقيها تعبت
حمزه : دماغها ناشفه غطيها حلو بس
ابو حمزه : طيب انا كمان هريح شويه عقبال الغدا روح انتى ارتاح
حمزه صحيح طب مشروع نجوى المتعطل ده ما تكلم فيصل قولو يستعجل نجوى عصابيه ومش بتصبر
حمزه : حاضر هكلمو
ارتاح انته بس وبعدين متخفش احنا مش ماضيين على حاجه واتفقنا مع نجوى مجرد كلام حتى لو معملناش حاجه عادى
ابو حمزه :انا عارف انك مش عاوز المشروع بس بجد خساره
حمزه : حاضر يا بابا هكلم فيصل حاضر ( وخرج وقفل الباب وراه)
ام منير : غطى دماغ الواد كدا غلط عليه
صابرين : الجو حر لحسن يسخن
ام منير: لما يسخن احسن ما يبرد
صابرين : حاضر
ام منير: قوليلى منير مش بيكلم المخفيه ؟
صابرين : لا مش بيكلمها
ام منير: وانتى ايه عرفك
صابرين : ساعات باخد التليفون وهو نايم اشوف بيكلم مين بلاقى رقمها بس هى مش بترد
ام منير : ردت المايه فى زورها ما تبات يا رب اشوف فيها يوم يا رب برد نارى
سلمى : هو انتى بتكرهيها كدا ليه حرام عليكى
ام منير: حرمت عليكى عيشتك طبعا ما هى اللى بتصرف عليكى انتى وامك لولها كنتو زمانكو عايشين على العدس والفول والجبنه القديمه
سلمى : طب والله ما انا راده عليكى وهخليكى كدا انا مش عاوزه مشاكل
صابرين : خلاص يا ماما هى راحت لحالها
ام منير: ماما كاتك مو دانتى اصغر منى ب 7 سنين دانتى اللى ماما
صابرين : انتى هتسيبى سلمى همتسكى فيه ؟
سلمى : اه ما هى فاضيه مورهاش غير الكلام على الناس
لعلمك زى ما بتدعى على نجوى هتلاقى من وراكى ناس بتدعى عليكى
ام منير: والله ما فى ناس بتدعى عليا غيرك انتى يا حربايه انتى والوليه الحيزابون دى
( وصالو الرجاله من الصلى وسامعين المعركه من على السلم )
ابو منير : فى ايه مالكم صوتكم سامعه من تحت ليه ؟
ام منير : مرتات ولادك بيتخانقو معايا وبدافعو عن الحربايه بنت العقربه بنت نجات اللهى وانته جاهى تنامى ما تقومى يا نجوى احضر خارجتها يا رب
سلمى : يا شيخه اتقى الله حرام عليكى كفايه انها سترت على بنتك
محمود : سلمى اخرسى
سلمى : بلاش دى دى اتجوزت من غير اى حاجه ولا فستان ولا فرح دا حتى لما سقطت ماحدش راح وساها ووقف جنبها ولما اطلقت حتى المؤخر ماخدتوش البت ساحبة نفسها وبعدت عنكم ورغم كدا بتدعى عليها ليه
محمود : خلاص قولتى اللى عندك اخرسى بقى
منير: سلمى اللى بينى وبين نجوى خلاص انتهى انتو ليه بتجيبو سيرتها تانى كل واحد راح لحالو
صابرين : امك هى اللى بتجيب سيرتها وفضلت تدعى عليها وشاتمتنى
ابو منير: انتى مش هتبطلى بقى اعمل فيكى ايه
ام منير: طب سلمى بتدافع عنها عشان بتشتغل عندها لاكن انتى بتدافعى عنها ليه
صابرين : عشان ماشفتش منها حاجه وحشه
سلمى : والله اصيله يا صابرين مش زى ناس تاكل وتنكر
محمود : بقى كدا طيب ويمين الله يمين طلاق بالتلاته لو اشتاغلتى مع نجوى تانى هتكونى طالق بالتلاته
سلمى : انته بتقول ايه انا مقدرش اسيب الشغل مع نجوى دى شركتى
محمود : اديها فلوسها واشتغلى لوحدك وكلمه تانى والله مافيش شغل خالص
سلمى : دى هى اللى بتوزع لو هى مش هتوزع مين هيوزع
محمود : انا قولتها كلمه مفيش شغل مع نجوى التليفون فين اهو خودى اتصلى بيها وقوليلها انكم هتفضو الشراكه دى
منير : محمود متهدش كل حاجه الشغل حاجه واللى بينا حاجه
صابرين : بلاش لو على شان نجوى او سلمى الستات الغلابه اللى بتسترزق من الشغل ده زنبهم ايه ؟
سلمى : وانا مش هسيب الشغل اصلا
محمود : خلاص هتبقى طالق
ابو منير: والله كلكم اتجننتم زى امكم
ام منير: اه انا مجنونه وعيالى بقى اجن منى ها يا حلوت الملامح هتختارى نجوى وتروحتى تلزقى فى وش امك ولا تعششى كدا على بيتك
محمود : ولو على الشغل انا موافق انك تشتغلى بس لوحدك
سلمى : لا بقى دى تمثليه عشان اسيب نجوى ؟
محمود : انا حلفت بالطلاق وانتى حره التليفون اهو كلمى نجوى واديها ناصبها واشتغلى لوحدك
سلمى : طب مين هيوزع بس ؟
احمد : انا خلاصة جيش هروح اشترى عربيه واشتغل معاكى
صابرين : سلمى متبعيش نجوى
ام منير: ما هو انته لو راجل زى اخوك كنت شاكمت مراتك بس نقول ايه السن بيحكم بقى قد امك
صابرين : الله يسمحك مش هرد عليكى
ابو منير : طب اعمل فيكى ايه انا غلبت انا هسيبك وادخل انام يا رب انام ما اقمش
محمود : خودى يا سلمى كلمى نجوى
نجوى : يا محمود دى هى صاحبت المشروع دا حتى الاكياس والحاجات مكتوب عليهم كوكو واوا
محمود : انا هجبلك اكيس وازايز تانيه مكتوب علها الاسم اللى انتى عوزاه
منير : اه هى فعلا تمثليه
زى التمثليه اللى عملتيها انتى وريهام يوم ما صابرين ولدت
محمود : انته مش مره قولتلى انك مش حابب الشغل ده انا كمان مش عاوز مراتى تشتغل مع نجوى دى دى ملهاش كبير كبيرها دمغها
خودى التليفون وكلمى نجوى وقوليلها انك هتفضى الشركه دى
سلمى : بس هى ليها فلوس عندى اخر مره ادتنى 4 الف جنيه اجبلها بضاعه
محمود : وجبتى ؟
سلمى : لا ملحقتش
محمود : حلو اوى نرجع لها الفلوس وكل واحد بقى اولى بمجهودو
هتخدى تكلميها ولا انزل اطلاقك انا حلفت يمين تلاته ؟
سلمى : ( اخدت التليفون ) الو ازيك يا نجوى
نجوى : الحمد لله على كل حال ازيك انتى ؟
سلمى : الحمد لله بس فى حاجه كدا
نجوى : ايه فى ايه ؟
سلمى : محمود حلف عليا بالطلاق تلاته لازم اسيب الشغل معاكى
نجوى : اضرب فى عقلو ده ولا ايه ليه وهو مالو اصلا
سلمى : انا مش عارفه اقولك ايه يا نجوى انا لو قولتلو لا هطلق وانا لسه والده الواد مكملش 6 شهور
نجوى : طب والمطلوب منى ؟
سلمى : انتى لكى فلوس عندى 4 الف جنيه انا هحولهملك فى حساب الكاش دلوقتى
نجوى : اه طيب ماشى يا سلمى بس انتى كمان ليكى حساب حوالى 1800 جنيه ابعاتيلى بس 2200
سلمى : حاضر
نجوى : وكمان لو عندك اكياس او ازايز من بتوع كوكو واوا انا هبعتلك عمرو ياخودهم بكرا
سلمى : اه فى ابقى ابعاتيه ياخودهم
نجوى : ماشى يا سلمى متشكره اوى سلام
سلمى : منكم لله قفلت السكه فى وشى وهتبعت تاخد كل الاكياس والازايز بتاعت كوكو واوا
محمود : احسن ابدئى انتى المشروع لوحدك وانا معاكى
احمد : وانا كمان يلا بقى روقى كدا وفكرى هتسمى مشروعنا ايه ؟
ام منير: انتو لسه هتفكرو انا فكرت خلاص ايه رئيكم فى دجاج رزقه ؟
سلمى : حسبى الله ونعم الوكيل
صابرين : ربنا على المفترى
نجوى : الو ايوه يا ناجى
ناجى : معاكى يا ابله
نجوى : بص انته خود عمرو وروحو عند سلمى بكرا
تاخدو كل الازايز والاكياس والطبقان اللى مكتوب عليها كوكو واوا
ناجى : حاضر يا ابله
نجوى: وكمان البنات نوسه والتانيه دى اسمها ايه ؟
ناجى : دينا
نجوى : اه دول
ناجى : طب بعد ما اخودهم هعمل بيهم ايه ؟
نجوى : اقولك انته الاكياس والحاجات دى اه وكمان فى ميزان تاخدو وتحطهم فى الشقه اللى فى بنها هتروح لالهام اختى وهى هتفتحلكم الشقه حط فيها الحاجه والبنات احجزلهم فى القطار وخليهم يجولى
ناجى : حاضر يا ابله بكره ان شاء الله
نجوى : لو مارضيتش تديك الحاجه اتصل بيا ماشى ؟
ناجى : حاضر
نجوى : ماشى يا ناجى وحساب المشوار بعد ما تخلصوه هبعتلكم الحساب
ناجى : ماشى يا ابله سلام
عربى : استهدى بالله يا نجوى متبقيش عصابيه كدا
نجوى : هى رزقه مفيش غيرها اللهى اشوفك مفرفره يا رب خربتى بيتى وخربتى شغلى
بس انا مش هستسلم تغور سلمى انا اللى بعمل الشغل انا اللى بماشيه
ربيع : طب اهدى كدا اهدى
شوقيه : انا السبب ربنا يسامحنى
نجوى : انتى السبب ليه ان شاء الله
شوقيه : مانا حكيالك يا نجوى اللى عليا ده هو اللى خلاكى تطلقى وباوظ الشغل
نجوى : بطلى هبل يا شوقيه انتى لو عليكى عفريت انا بقى عليا 10 وبعدين هى رزقه دى هى اه يا نارى لو يسبونى معاها فى اوضه واحده ربع ساعه بس
عربى : هتعملى فيها ايه ؟
نجوى : هقطعها حتت وارميها لديابة الجبل
سراج : ههههه ديابة الجبل دانتى كدا من نجع حمادى صعيدية اصيلة
حمزه : تسلم اديكى يا تقتوقتى الغدا يجنن
ابو حمزه : لا بجد حلو اوى
تقى : بالهنا والشفا تشربو شاى ؟
حمزه : اه اشرب شاى تشرب يا بابا ؟
ابو حمزه : اه بس هتهولى على المكتب
حمزه : حاضر هشيل بس مع تقى
هى ماما هتفضل نايمه كدا
ابو حمزه :انا جيت اصحيها تتغدا لقتها بتقولى شوف مصطفى عاوز يغير البفيتا ولا لا
حمزه : مش ممكن حتى وهى نايمه بتفكر فيه
تقى : لالا انا هشيل خليك انته
حمزه : باسعدك
تقى : لا انتى حبيبى ترتاح وانا اعمل كل حاجه
حمزه : ( مسك اديها ) تسلملى اجمل ايدين
( داخلت تقى المطبخ وهى بتغسل الطبقان )
تقى : { ايوه بقى اول مره احس ان ده بيتى ومطبخى اه لو تفضلى نايمه يومين تلاته اسبوع كدا استمتع شويه }
( تقى عاملت 3 شاى داخلت 2 شاى لحمزه وابوه واخدت كبايت الشاى بتاعتها وشالت مصطفى فى حضنها وفضلت تشرب الشاى قصاد التلفزيون بكل ثقه ما هى ضمنه بقى ان ام حمزه نايمه )
تقى : حبيب ماما يا رب تكبر بسرعه عشان اللعب معاك انتى احلى من هيثم انته عارف انك كنت فى بطنى يا حبيبى انا بحبك اوى
فكرى : انا خلاص فسخت العقد واالطياره يوم الجمعه الجايه
الهام : طيب الحمد لله
فكرى : انا نازل بس غصب عنى
الهام : بكرا وانته فى وسطنا كدا
فكرى : ماشى يا الهام ربنا يدبرها من عندو سلام بقى عشان فى حاجات لازم اعملها
الهام : ماشى سلام
ام هدى : انتى هتفضلى قاعده كده ما تقوى اتمشى
ام فارس: هو انا فيه رجلين انا قاعده فى الهوا وخلاص مع الواد
ام هدى : لا لا قومى لفى معايا التراك عشان تخسى شويه
ام فارس : هو انا طخينه فين ده
ام هدى : اومال ده كلو ايه
ام فارس : لا دانا بس خشبى عريض ؟
ام هدى : خشبك عريض قومى لفى التراك يا نجات معايا قومى كدا يمكن نلاقى اتنين عرسان ولا حاجه
ام فارس : هههههه عرسان والله انتى رايقه انا عاوزه اجوز نجوى
ام هدى : ومالو اتجوزى انتى كمان دانتى صغيره انتى كام سنه ؟
ام فارس : 54 بس متقوليش لحد
ام هدى : معقول شكلك صغيره
قومى طيب نلف كدا بدل القعده قومى جربى
ام فارس : ماشى تعالى
حمزه : ماما اصحى بقى
ام حمزه : هو رضع ولا لا
حمزه : رضع يا ماما بس قومى فوقى
ام حمزه : عاوزه انام
حمزه : انا جايبلك فنجان قهوه يصحصك اشربى
ابو حمزه : لا امك شكلها واخده حاجه
حمزه : ههههههه هتكون واخده ايه يعنى
ابو حمزه : انتى اكلتى ايه ولا شربتى ايه ؟
ام حمزه : ( وهى سانده راسها على كتف حمزه ) شربت عصير برتقال
ابو حمزه : طب مالك كدا فوقى انتى نايمه من 3 دلوقتى 10
حمزه : انتى تعبانه يا ماما اجبلك دكتور ؟
ام حمزه : لا مش تعبانه بس دايخه
تقى : ( واقفه جنبهم وشايله مصطفى ){ الحمد لله انى حطتلها نص قرص لو كنت حطيت كلو يمكن كان جرالها حاجه }
حمزه : اكلم فارس يجى يشوفها ؟
ام حمزه : لا انا تمام بس عاوزه انام وسع بقى شويه ( وراحت نايمه )
ابو حمزه : خلاص سبوها تنام
( حمزه داخل هو وتقى اوضتهم عشان ينامو )
حمزه : بتعملى ايه ؟
تقى : على الفيس
حمزه : بتقرى الحلقه برضو ؟
تقى : اه انهاردا الجمعه حلقتين نزلت واحده لسه التانيه
حمزه : اممم طيب تعرفى انك وحشتينى
تقى : وانته كمان
حمزه : ابننا امور اوى شبهى صح ؟
تقى : اه حلو زيك بس كان نفسى عينه تبقى ملونه زيى
حمزه : البنوته اللى جايه ان شاء الله
تقى : انا عاوزه انام بقى مش قادره بص انا هسيب التاب هنا لو جالى رساله تبقى صحينى وكمان لو مصطفى عيط صحينى ؟
حمزه : ليه يعنى هيجيلك رساله ؟
تقى : ما هى بتبعت لينك الحلقه فى شات جماعى بدل ما تعمل تاج او شير
حمزه : يا رايقه ههههههه
ماشى لو سمعتو هبقى اقولك
نامى يا حبى
( وتانى يوم الصبح سافر عمرو وناجى عشان ياخدو كل الحاجات اللى نجوى قالت عليها )
ام سلمى : ايوه يا سلمى يعنى اديهم الحاجه ؟
سلمى : اه يا ماما خليهم ياخدوها ؟
ام سلمى : طب ليه يا بنتى ؟
سلمى : هفهمك يا ماما بعدين
ام سلمى : ماشى بس دول كمان عاوزين ياخدو البنات
سلمى : اكيد نجوى قالت لهم كدا
ام سلمى : طيب يا سلمى ماشى سلام
ادخلو خودو الحاجه هنا اها
( ناجى وعمرو اخدو كل الحاجات والبنات وراحو على البيت )
الهام : نجوى اللى قالت لكم كدا ؟
عمرو : اه يا ابله
الهام : طب انا بكلمها مش بترد
بس ماشى هفتح لكم الشقه
تامر تعالى معايا
تامر : حاضر يا ماما
( نزلت الهام تفتح لهم الشقه وهما هناك اتصلت بيها نجوى )
نجوى : ايوه يا الهام معلش الشبكه وحشه اوى
الهام : لا ولا يهمك انتى قولتى للولدين دول يجيبو حاجات على هنا ؟
نجوى : اه يا الهام هما راحولك ؟
الهام :اه بس قولت اتاكد منك
نجوى : لا انا اللى بعتاهم
الهام : ماشى يا نجوى انتى عامله ايه ؟
نجوى : تمام الحمد لله
( حمزه وتقى نايمين وبينهم مصطفى )
ام حمزه : ( فتحت باب الاوضه مره واحده ) مصطفى حبيبى هو فين مش فى سريرو ليه؟
حمزه : ( قام مخضوض ) ايه فى ايه ماما خضتينى حرام عليكى
ام حمزه : حبيب تيته هو فين ؟
حمزه : اهو نايم جنبنا اهو
ام حمزه : ( ناطة على السرير بينهم واخدت الولد ) حبيب قلبى وحشتنى اوى اوى اوى
تقى : ( قامت مخضوضه من حركت السرير ) فى ايه ؟
{ انتى صحيتى ليه }
حمزه : تقى قومى يا حبيبتى اعملى الفطار
تقى : حاضر
( قامت تقى تعمل الفطار وام حمزه ماسكه الولد مش عاوزه تسيبه وبعد ما فطرو )
حمزه : خلاصتى فطار وطيران على الفيس طب شوفى الواد
تقى : الواد مع ستو وهى مش هتدهونى مانته عارف سبنى بقى اقرا الحلقه
ايه ده ؟
( بان اوى الانزعاج على تقى وحمزه اخد بالو )
حمزه : تقى فى ايه ؟
تقى : ( بخوف ) لا مفيش
حمزه : لا فى ورينى
تقى : لا
حمزه : فى ايه ورينى ( واخد منها التاب بالعفيه )
ياترى ايه الحاجه اللى خالت تقى تخاف كدا؟
#قلب_فاضي
الحلقه { 53 }
حمزه : تقى فى ايه ؟
تقى : ( بخوف ) لا مفيش
حمزه : لا فى ورينى
تقى : لا
حمزه : فى ايه ورينى ( واخد منها التاب بالعفيه )
ايه دا يا تقى ؟ مين الراجل ده وازاى يبعتلك كلام زى كدا ؟
تقى : ( بخوف ) مش عارفه والله
حمزه : انتى كمان كلمتيه ايه الكلام ده كله ردى ؟
تقى : مش عارفه والله معرفوش انا مكلمتش حد والله
حمزه : دانتى يومك اسود
( حدف التاب على السرير و مسكها من كفوف اديها الاتنين ودخل صوابعو بين صوابعها وضغط عليهم )
تقى : اه اه اه
حمزه : مين دا بتكلمى رجاله يا واطيه يا سفله وكمان بتقولو كلام قزر زيك
تقى : اه اه اه اهاااااااا
حمزه : ( وهو عينو فى عينها ولسه ماسك كفوف اديها وبيضغط عليهم وهو مش حاسس من الغيظ ) مش كفايا راضى بيكى وانتى خارسه وطارشه
تقى : ( بتحاول تسحب اديها من بين ايدو ) اه اه
حمزه : ( اول ما قدرت تخليه يسيب اديها راح مديها الم قوى خلها تقع تتخبط فى التسريحه جنب ودنها فا الحلق اتنتش من ودنها ودنها اتفتحت )
قومى انتى هتعمليلى فيها مظلومه مين ده وبتكلميه فى قلت الادب ليه
ابو حمزه : ايه الصوت ده ؟
ام حمزه : مش عارفه دا حمزه ده
ابو حمزه : اه صوتو فى حد كمان بيقول اه
ام حمزه : ليكون بيتخنق مع تقى ؟
ابو حمزه : اتجنن ده ولا ايه تعالى نشوف فى ايه
حمزه : ( ماسك شعرها وبيلطش لها ) قولى مين ده حرمك من ايه ولا قصارت معاكى فى ايه عشان تخونينى
ابو حمزه : حمزه انته اتجننت سيبها حرام عليك
حمزه : اوعى يا بابا انا هقتلها الكلبه دى
ام حمزه : حرام عليك سيبها عملت ايه
حمزه : بتكلم الرجاله فى الجنس على النت وبتبعتلهم صورها وهى عريانه الكلبه
ابوحمزه : ( وهو بيحاول يخلصها من ايدو وهى مش بتقاوم ولا طالع من غير صوت غير اه اه ) سيبها يا حمزه دى مش بتتحرك هتودى نفسك فى داهيه
ام حمزه : تقى متعملش كدا
حمزه : اهو الفيس بتعها اهو هو انا مش بتبلى عليها اهو
ام حمزه : ( مسكت التاب ) ايه ده استغفر الله
ابو حمزه : طب سيبها ليها اخ راجل نروحلو وهو يتصرف لاكن انته متوديش نفسك فى داهيه
ام حمزه : امسكو يا نبيل البت هتموت فى ايدو حرام عليك
حمزه : ( مسكها من شعرها وهدمها وخرجها بره باب الشقه ) باره اطلعى باره ملكيش عيال عندى يا واطيه
ام حمزه : ايه اللى انته عملتو ده حرام عليك دى لسه والده وكمان هى متعملش كدا
حمزه : بقولك رده عليهم ومش وكلام واطى زيها
ام حمزه : انا هفتحلها الباب وادخلها
حمزه : اقسم بالله لو داخلتيها هرميهالك من البلكونه
ابو حمزه : حمزه انا مش بفهم فى الحاجات دى بس يمكن زى ما بيقولو فيرس ولا هكر ولا حاجه زى دى
حمزه : لا لا هى خنتنى الفتره اللى فاتت ليل نهار ماسكه الموبيل ولما الموبيل بتعها ضاع مستحملتش خلتنى اجبلها تاب مكانو
كانت تفضل من اول الساعه 8 لحد 12 بليل ماسكه الموبيل واقولها فى ايه مالك تقولى مستنيه الحلقه اتريها مستنيه عشقها بنت الكلب
ابو حمزه : متشتمش الله يرحمو ابوها انا مش مصدق انها تعمل كدا
حمزه : انتى راحه فين ؟
ام حمزه :هداخلها احنا 8 الصبح هتروح فين يابنى
حمزه : تروح لاخوها اهو ساكن جنبنا
ام حمزه :طب اديها لبس حتى اديها جزمه دى مش لبسه غير البجامه
حمزه : لو ادتيها اى حاجه والله همشيها عريانه فى الشارع انا اللى جايبلها البيجامه دى 90 % من الحاجات اللى عندها انا اللى جايبهالها
ابو حمزه :انته راجل انته طب انا هدخلها ووارينى انته هتعمل ايه ابقى المسها يا حمزه ( فتح الباب ملقاش حدا على السلم )
ام حمزه : هى راحت فين ؟
ابو حمزه : تلاقيها مشيت
ام حمزه : هتمشى ازاى وهى حفيه وشعرها عريان انزل الحقها يا نبيل فى الشارع روح بسرعه
ابو حمزه : انزل شوف مراتك هتسبها كدا
حمزه : من انهاردا هى مش مراتى وهسيبها كدا مش هطلقها
ابو حمزه : شفتى اخرت الدلع اخرت تربيتك
شوقيه : مالك فى ايه
نجوى : مش عارفه حسه ان صوابعى وجعانى وودنى كده نغزه جمده فيها
شوقيه : من الهريه والنكته بتاعة امبارح على حماتك
نجوى : مش عارفه يا شوقيه فى حاجه كدا على قلبى انا حسه انى مش قادره اخد نفسى
شوقيه : طب روحى انتى شمى هوا باره وانا هكمل الفطار
نجوى : طيب دا ناجى بيتصل
الو
ناجى : ايوه يا ابله انا ركبت البنات وهما هيجولك بس انا ركبتهم مكروباص عشان القطار لقيتو هيتأخر
نجوى : طيب هيوصلو على امته يعنى ؟
ناجى : كمان 6 او 5 ساعات كدا
نجوى : طيب ماشى يا ناجى انا هحولك دلوقتى 300 جنيه انته 100 وعمرو 200 ماشى
ناجى : ماشى يا ابله شكرا ربنا يخليكى لينا
نجوى : ويخليكم ليا
( وهما بيفطرو )
منير : مالك يا بابا فى ايه ؟
ابو منير : شفت كابوس كدا ومش عرف مدايقنى
ام منير: خير اللهم ما اجعلو خير ؟
ابو منير: شفت تقى اخت نجوى واقفه وشعرها عمال يقع والهوا عمال يوديها ويجبها وهى مش عارفه تعمل حاجه
منير : غريبه بس ليه
ابو منير: لتكون تعبانه
صابرين : هى اصلا مش انته قولتيلى يا منير انها مش بتتكلم
منير : اه انته كدا يا بابا قلقتنى
سلمى : ربنا يستر لتكون تعبانه
ام منير: ولا تعبانه ولا حاجه تلاقيك بس تقلت فى العشا ولا مكنتش متغطى كويس امبارح
ابو منير : ابقى اتصل اسئل عليهم يا منير مش هى متجوزه حمزه صاحبك ؟
منير : اه يا بابا بس من ساعت ما طالقة نجوى هو مكلمنيش
ابو منير : ابقى كلمو اسئل عليهم
منير : حاضر يا بابا
ام هدى : ايه ده فى حاجه خبطت فى الباب صح ؟
ام فارس : تلاقى قطه ولا حاجه
ام هدى : اه ممكن برضو خلاصى البس بقى عشان نروح النادى
ام فارس : وبعد ما نخلص التمرين بتاعك نروح لتقى وبعدها نروح نلفلف شويه فى المول
ام هدى : ههههههه بقيتى غاويه لفلفه
ام فارس : البركه فيكى روحى لبسى هيثم الجزمه
ام هدى : يلا يا هيثم هنمشى باى
لا فى حاجه بتخبط فى الباب
ام فارس : طب تعالى نفتح بسم الله الرحمن الرحيم
ام هدى : هاااااااااااا تقى انتى ايه عمل فيكى كدا
تقى : ( قاعده على الارض ومش عارفه تحرك اديها ومش بتعمل اى حركه غير انها بتقول ) اه اه
ام فارس : مالك حمزه فين ؟ مين عمل فيكى كدا ؟
تقى : ( عماله تعيط وفى دم نازل من ودنها واديها بدأت تورم ) اه
ام فارس: يالهوى مين يا بت اللى مرمتك كدا
ام هدى : احنا لازم نوديها المستشفى دا فى دم خارج من جوا ودانها وكمان ايديها الاتنين وارمين
ام فارس : ( قاعده جنبها على الارض قدام باب الشقه ) اروح فين ولا اجى منين يا رب
ام هدى : الو فارس انته فين ؟
فارس : فى المستشفى يا ماما فى حاجه
ام هدى : اه اصل تقى تعبانه شويه ومش عارفين نتصرف انا وامك
فارس : تعبانه مالها ؟
ام فارس : اختك بتموت يا فارس الحاقنى يابنى
ام هدى : بس اسكوتى انتى
قولى بس يا فارس المستشفى عندك كويسه ولا نروح مستشفى تانيه ؟
فارس : فهمونى بس مالها ؟
ام هدى : ايديها وارمه وكمان فى دم خارج من ودنها
فارس : ليه حد عمل فيها حاجه وحمزه فين ؟
ام هدى : انته هتفضل تسأل نعمل ايه ولا انته هتيجى
فارس : حتيها فى عربيتك وتعالى بسرعه فى داكتره هنا كويسين
ام هدى : طيب انا جايالك
نجات اهدى كدا انا هدخل اصحى هيثم عشان يسندها معانا وانتى شوفيلها حاجه تلبسها غير البيجامه دى فوقى كدا وبطلى عياط
ام فارس : حاضر داخليها معايا طيب مين يا حببتى عمل فيكى كدا قوليلى
( بعد ما دخلوها الشقه جريت ام هدى على هيثم الشقه التانيه )
ام هدى : اصحى يا هيثم تقى تعبانى
هيثم : طب وبتصحينى ليه ؟ انا عاوز انام
ام هدى : قوم البنت شكلها مضروبه ولا مش عارفه فى ايه قوم شيلها انا وامها مش هنقدر
هيثم : اشيل مين يا بوسى انا مقدرش
ام هدى : انته هتقوم ولا اخلى نجوى تحبسك فى اوضت الفراخ
هيثم : انتى بتهزرى انتى شيفانى عيل ؟
ام هدى : قوم يا هيثم البنت تقريبا بتموت
هيثم : وانتو عاوزانى اشيلها وهى بتموت لا اخاف
ام هدى : بقولك قوم يعنى قوم يلا
هيثم : قايم حاضر
( قام هيثم لبس وداخل عند فارس )
هيثم : هى مالها ايه عمل فيها كدا ؟
ام هدى : مغطيتيش وشها ليه ؟
ام فارس : انتى لسه هتتكلمى يلا البت تعبانه
ام هدى : شيلها يا هيثم
هيثم :طيب هشيل انزلى طيب افتحى العربيه
ام فارس: انتى بتكلمى مين تانى ؟
ام هدى : بكلم نبيل بس مش بيرد
وحمزه وكنزى كمان مش بيردو
ام فارس : هيكون حصل ايه ؟ يالهوى ليكون حرميه هجموعليهم
قولى يا تقى شورى طيب مين عمل فيكى كدا ؟
تقى : ( مش قادره تحرك اديها ومن كتر الوجع اغمى عليها )
ام فارس: تقى ردى يا تقى اصحى يا حبيبتى
هيثم :وسعى ننقلها المستشفى
ام هدى : شيلى انتى هيثم انا هنزل اشوف العربيه
( نزلو هما التلاته وهما مش عارفين فى ايه وراحو لفارس فى المستشفى وشويه هدى هى كمان جات )
هدى : فى ايه حصل ايه ؟
ام فارس : مش عارفه والله مانا عارفه
هدى : فارس فين ؟
ام هدى : جوا معاها بيعملو اشاعه على ايديها
هيثم :انا شاكك ان جوزها ضربها
ام فارس : حمزه طب وهيضربها ليه
هيثم : اومال اللى فى وشها دا ايه ولا اللى فى ودنها دا ايه ؟
ام هدى : انا بكلم كنزى وحمزه ونبيل محدش بيرد
هدى : طب مصطفى فين ؟
ام فارس : مصطفى "
"
" مش عارفه انا مش عارفه حاجه استر يا رب
( خرج فارس من غرفت الاشاعه وتقى على كرسى بعجل)
هدى : فى ايه يا فارس مالها ؟
فارس : تمزق فى الاربطه الصوابع وفى شرخ عضمه كدا جنب الودن فى من من عند الجمجمه من ورا
ام فارس : وهى دى اللى منزله الدم من ودنها ؟
فارس : الحمد لله مفيش نزيف الدم نازل مكان الحلق ودنها بس
هدى : يعنى هتجبس اديها وراسه ؟
فارس : اه
انا هروح لغرفة التجبيس عشان اكون معاها
هدى : طيب انا جايه معاك
ام هدى : تليفونك بيرن يا نجات
ام فارس : دى نجوى الو الحقينى يا نجوى اختك بتموت
نجوى : اختى اختى مين الهام ؟
ام فارس : تقى ايدها الاتنين هتتجبس وراسها كمان
نجوى : ازاى حصلها ايه ؟
ام فارس: مش عارفه حاجه تعالى يا نجوى اقفى جنب اختك احنا فى المستشفى اللى اخوكى بيشتغل فيها
نجوى : حاضر يا ماما انا جايه دلوقتى
عربى : فى ايه يا بنتى مالك
نجوى : تقى فى المستشفى انا هنزل القاهره دلوقتى
عربى : طب استنى نيجى معاكى
نجوى : لا انا مش هصبر انا هروح دلوقتى
سراج فى بنتين جايين كمان شويه فى موقف المكروبصات خد زكى وروح جبهم هو يعرفهم
سراج : طيب ماشى
عربى : انا لبست اهو انا جاى معاكى
شوقيه : وانا كمان خودينى معاكى
نجوى: خليكى انتى عشان البنات
عربى : بس انا هاجى معاكى مش هسيبك
نجوى : طب يلا بسرعه
منير : الو ازيك يا حموزه
حمزه : بتتكلم ليه انا مش عاوز اعرفك كفايا اللى حصلى منك ومن نسايبك الزباله
منير: نعم انته بتقول ايه فى ايه يا حمزه ؟
حمزه : الزفتها اللى انا اتجوزتها بتكلم راجل على الفيس وبت
مش قادر اقول على وسختها
منير : وساخت مين تقى مستحيل اللى انته بتقولو ده
حمزه :بقولك ايه انا مش عاوز اشوفها تانى اتصل بنجوى ولا بفارس وقولو اختك واطيه
منير: طب هى تقى فين دلوقتى ولا انته عملت فيها ايه ؟
حمزه :انا ضربتها علقه ورامتها فى الشارع
متكلمنيش تانى لانى مش هرد عليك ( وقفل فى وشو )
صابرين : ايه اللى انته قولتو ده ؟
منير : انا مش فاهم حاجه دا بيقولى ان تقى بتكلم راجل وهو ضربها ورماها فى الشارع وكلام غريب كدا
صابرين : لا مش ممكن وازاى يضربها اتجنن ده ؟
منير: بقولك ايه يلا لمى الحاجه وننزل القاهره ومتقوليش لامى حاجه
صابرين : حاضر هقوم استر يا رب
( وفى اقل من 4 ساعات )
نجوى : الو ايوه يا فارس انتو فين انا فى المستشفى
فارس : انتى لحقتى جيتى ازاى ؟
نجوى: مش مهم انتو فين ؟
فارس : فى الدور الرابع اطلعى انا هستناكى على السلم
نجوى : الدور الرابع يا عمى يلا
( طلعت نجوى سابقة عربى على السلم )
نجوى : ايه يا فارس مالها ؟
فارس : متخفيش هى عندها تمزق فى الربطة الصوابع وشرخ فى عظمه جنب ودنها بس متقلقيش هتبقى كويسه
نجوى : طب هى فى انهى اوضه
فارس : هو عمى معاكى اتفضل يا عمى
عربى : انتى يا بنتى طلعتى كدا وسبتينى مش تستنى
فارس : معلش يا عمى اتفضل
( اخادهم على الاوضه بتاعة تقى )
نجوى : ( قاعدت جنبها وواطة عليه تبوسها ) تقى حبيبتى مين عمل فيكى كدا ؟
تقى : ( واخده منوم ونايمه )
نجوى : هى مالها مش بتقول هتبقى كويسه ؟
ايه ده منير وصابرين انتو ايه جابكم هنا ؟
منير: انا جيت كنت عاوز فارس فى موضوع روحتلو العماره الامن قالى ان تقى هيثم كان شايلها وروحتو على المستشفى هنا فاجينا نطمن
ام فارس : كتر خيرك يابنى
نجوى : حمزه فين ومصطفى وام حمزه ؟
ام هدى : مش عارفه
فارس : انا رايحلهم دلوقتى خليكى انتى هنا
نجوى : لا انا جايه معاك
فارس : هتيجى تعملى ايه ؟
نجوى : فارس هاجى معاك يعنى هاجى معاك
منير : وانا كمان جاى معاكم
فارس : ليه ان شاء الله
منير : ممكن طب نتكلم باره ؟
نجوى : فى ايه يا منير ما تقول
صابرين : روحى باره بس وهو هيقولكم منير متسبهمش
ومتقلقيش انا مع الحجه وتقى مش هسيبهم غير لما تيجو
نجوى : انا مش فهمه حاجه
منير : تعالو بس وانا هشرحلكم
( خارج فارس ومنير ونجوى باره )
ام هدى : انتو ازاى جيتو بسرعه كدا ؟
عربى : والله يا مدام مش عارف نجوى كانت طايره بالعربيه بس اهو بقى الحمد لله ربنا ستارها
ام فارس : الحمد لله على كل حاجه
فارس : انته بتقول ايه يا منير اختى انا تقى تعمل كدا مستحيل
منير: هو دا الكلام اللى قالهولى والله
نجوى : يقوم يضربها بالتوحش ده دانا هموتو هقتلو
فارس : وانا روحت فين اخر يوم فى حياتو انهاردا
منير: اهدى بس يا فارس مش عاوزين فضايح وبعد ما تقتلو هتدخل السجن انته عندك عيل صغير محتاجلك
نجوى : وانا بقى معنديش موتو على ايدى ابن كنزى دا
فارس : خليكى انتى انا رايحلو
منير: اهدو انتو الاتنين وفكرو بالعقل لو بجد لازم تروحو لازم تهدو كدا العصبيها دى مش بتحل حاجه
فارس: طيب طيب انا هادى اهو انا رايحلو
نجوى: وانا كمان
فارس : خليكى انتى
نجوى : لا مش هسيب حق اختى
منير: خلاص انا جاى معاكم
( راحو هما التلاته لبيت حمزه )
ابو حمزه : اتفضلو
نجوى : حمزه فين ؟
ام حمزه : ( شايله الولد ) اهلا يا نجوى اتفضلى اتفضل يا فارس اهلا يا منير تعالو
فارس : تقى جاتلى البيت مضروبه وبالبجامه ومن غير جزمه ممكن اعرف لو دى بنتكم كنتم عملتو ايه ؟
انا مش هزعق ولا اتعصب ولا همد ايدى بس انا عاوز حق ضرب اختى
ابو حمزه : انا فتحت الباب عشان ادخالها ملقتهاش هى اللى مشيت
نجوى : مشيت بعد ما ابنك كسر اديها
ام حمزه : ايه ؟
منير: استهدو بالله اهدو بس اهدا يا فارس
نجوى : حمزه فين ؟ مستخبى ؟
حمزه : لا يا ست الفتوى مش مستخبى انا هنا
فارس : ( قام يهجم عليه مسكو منير ) اهدى يا فارس خلاص اهدى زى ما اتفقنا نسمع منه
حمزه :انا ضربت اختك عشان وسخه مش مصدقنى اهو اتفضل التاب بتعها
خود اقرا بتكلم الرجاله تقولهم ايه
فارس : ( اخد التاب يشوف وقربت منه نجوى كمان تشوف معاه ) مش ممكن تقى مستحيل تقول الكلام ده
حمزه : التاب ده انا جايبهولها من يومين يعنى محدش قاعد عليه غيرها وكمان حساب الفيس بتعها اهو قلب فاضى بتعها دا ولا مش بتعها يا نجوى
نجوى : بتعها بس مش ممكن هى متقولش كدا
حمزه :طول النهار ماسكه التاب وقبلها الموبيل ليل نهار مسكاه واول ما ضاع جبتلها دا
منير: يمكن هكر يا حمزه
حمزه : هكر ليه هى مين عشان يهكرو عليها وبعدين اهو اكتر من مره كتبين اسمها فى الشات اقرو
اه انا ضربتها علقت موت ولو شفتها قدامى هضربها تانى
نجوى: ( من الصدمه قعدة على الكنبه وحطت التاب جنبها ) مش ممكن تقى مش بتكلم حد ولما بتكلم حد بتكلمنى انا او الهام او فارس
حمزه : خمتكم كلكم الملاك اللى اتخداعنا فيه كلنا وهى شيطان انا بقى هزلها مش هوريها ابنها
فارس : يرضيك الكلام ده يا عمى ؟
ابو حمزه : انا يابنى مش عارف ربنا يظهر الحق
فارس : بس الولد من حق امو وهنخدو بالمحكمه
حمزه : روح خودو بالمحكمه
وانتى يا بتاعة الفراخ مشروعك انسيه مش هتخدى مننا قرش واحد
نجوى : فلوس ايه يا بو فلوس انته نسيت نفسك يا حموزه مالك انته فاكر نفسك راجل يلا دانا ارجل منك ياابن كنزى
عليا النعمه اجبلك رجاله يخلوك ما تساوى فى سوق الرجاله باريزه
منير : نجوى مش كدا
نجوى: اسكوت انته مانته
فارس : يلا نمشى
نجوى : نمشى فين انا مش ماشيه من هنا غير وابن اختى معايا
فارس : كفايا فضايح تقى هى اللى تستاهل خليها تشرب بقى
نجوى : متقولش كدا تقى انظف منو ومنك انته شخصيا
ام حمزه حاتى الواد
ام حمزه : لا مش هدهولك
نجوى : هخدو منك غصب عنك
( وهجمت عليها عشان تاخد الولد )
نجوى: هاتى الواد دا ابن اختى انا
حمزه : دا ابنى انا
نجوى: والله مش انته بتقول ان تقى وسخه وبتكلم رجاله مين قالك بقى انو ابنك
فارس : انتى بتقولى ايه يا مجنونه ؟
نجوى: بقول الكلام العقل ده مش ابنك
ام حمزه :ازاى مش ابنو
حمزه : لا يا نجوى دا ابنى تقى طول ال10 شهور اللى اتجوتها فيها مخرجتش من باب البيت من غير ما اكون معاها متعرفش رجاله غيرى الواد ده ابن انا
نجوى : وهى فعلا متعرفش رجاله غيرك وعمرها ما كلمت رجاله اصلا
حمزه : اومال ده ايه اللى على الفيس ده ايه ؟
فارس : اعتبرها غلطه ما كلنا بنغلط
نجوى : بس بس بس انا فهمت
ابو حمزه : فهمتى ايه ؟
نجوى : تليفون تقى ضاع من يومين او 3 ايام صح ؟
ام حمزه : اه صح
نجوى : واحنا فكرنا ان هيثم اخدو وضيعو او رماه صح
حمزه : قصرى يا نجوى
نجوى : التليفون ماضعش التليفون اتسرق
اه صح كدا واللى سارقو جيجي وبنتها
ام حمزه : اخرسى انا اختى مش حرميه
نجوى : لا دى حرميه وواطيه كمان
بس هى كدا بانت اخدو التليفون واتكلمو على الفيس منه عشان انته يا حموزه يا راجل تشوفها وتعمل اللى انته عملتو
ام حمزه : وهما هيعملو كدا ليه ؟
نجوى : عشان كانو عاوزين حمزه يتجوز جنى
ابو حمزه : بطلى تخريف يا نجوى
نجوى : انا مش بخرف وهسبتلكم الموبيل فين ( طالعة الموبيل من جيبها وسماعتلهم الحوار اللى دار بين جيجي وجنى اللى هى سجلتو قبل كدا )
ها سمعتو صوتهم دا ولا مش صوتهم
حمزه : مينفعش اللى انتى بتقوليه دا الفيس اول ما بتفتحيه من الموبيل بيفصل من كمان تانى كمبيوتر او تاب يعنى لو هما فتحو من الموبيل هيفصل عند تقى هنا
نجوى : لا مش بيفصل وهسبتلك افتح التاب بتاعك واللاب وانا هكلمك وشوف هيفصل ولا لا
( داخل حمزه جاب اللاب والتاب بتاعو وكمان الموبيل وفاتحهم ونجوى كلمتو على الفيس والحمد لله مفصالش )
ها فصل ؟
حمزه : لا
بس
فارس : بس ايه ما اهو مفصالش
حمزه : تقى طول الوقت كانت على الفيس
نجوى : ايوه عارف ليه لان هى حسه انها غريبه تيجى تقوم تشرب ولا تعمل اى حاجه فى المطبخ تلاقى طنط فى وشها مترداش تخليها تعمل حاجه
حتى لما ولدة كل ما تيجى تاخد ابنها فى حضنها طنط ترفض
كانت تعمل ايه غير انها تقعد على الفيس تقرا شويت قصص عشان تقتل الملل انتى حبسها فيه ؟
ادخل على الفيس بتعها وشوف وهنروح بعيد ليه
اهو الكلام الزباله ده وقت تاريخ المحادثه من امبارح بليل
استنو استنو انا اكتشفت حاجه
منير : ايه ؟
نجوى : الرسايل مبعوته امبارح بليل اساعه 4 الصبح وكمان الشخص ده اهو تم قبول الصداقه امبارح اساعه 4 الا خمسه
ابو حمزه : انا مش فاهم حاجه ما تفهمينا يا بنتى
نجوى : تقى كانت فين يا حمزه الساعه 4
حمزه : كانت نايمه جنبى
نجوى : يعنى الكلام دا والمحادثه دى تمت وتقى اصلا نايمه يبقى ازاى ؟
عفريتها ؟
حمزه : يعنى تقى ظلومه ؟
نجوى : وانته لسه بتشك فيها ؟
ياه عليكم يا رجاله انتو طلعتم بجد فى منتهى الانانيه ومنتهى الغباء
شفت يا منير لمجرد ان حمزه شك ان تقى خاينه كسر اديها وعملها شرخ فى عظمة الجمجمه
وانتى مش بس خنت لا انته كمان اتجوزت عليا
منير : احنا وضعنا مختلف
نجوى : صح وضعنا مختلف
يلا يا فارس الحمد لله اختى متلعطش وسخه زى ما قال
وانته هطلقها وهناخد الولد منك وابقى قبلنى لو شفتو تانى
هاتى الولد
ام حمزه : لا مش هديكى الواد
ابو حمزه :احنا جايين معاكى نشوف تقى ادخلى يا كنزى البسى يلا
نجوى : لا مش عاوزين نشوفكم تانى وهاخد الواد ( واخدت الواد غصب عنها
ابو حمزه : خلاص ادهولها واحنا هنسبأكو على المستشفى
( ونجوى اخدت فارس ومصطفى ونزلو )
منير: انته غلط يا حمزه مكنش المفروض تمد ايدك
حمزه : اول ما شوفت الكلام ده مقدرتش امسك نفسى ماكنتش دريان
ابو حمزه : نجوى مش هتسكت تقى مستحيل تسمحك
حمزه : بس تقى بتحبنى ؟
منير: وانته صدمتها انا شوفتها نايمه ومش قادره تحرك صوابعها ومش قادره تعبر على اللى حسه بيه
حمزه : انا هقوم البس واروحلها
منير: استنى استنى بص
دى الشات اشتغل
حمزه : ( مسك التاب ) الكلاب
معقول بنت خالتى وخالتى يعملو كدا يخربو بيتى
منير : عادى ما انا امى خربت بيتى مع نجوى
نجوى : تقى حبيبتى انا جبتلك مصطفى
تقى : ( بتعيط وزعلانه اوى )
نجوى : متزعليش الحمد لله ربنا ظهر الحق انتى معملتيش حاجه وحمزه وامه وابوه عرفو انك اطهر بنوتها واخدت منهم الواد
تقى : اه اه
نجوى : متتعبيش نفسك ارتاحى
تقى : ( عاوزه تقول حاجه بس مش عارفه )
نجوى : اجبلك الموبيل ؟
اهو خودى يا هدى امسكى الواد
انا جيتلك اهو
( قرابة الموبيل من ايد تقى وكان صوبعها الصغير هو اللى بيتحرك )
تقى : ( كاتبة لنجوى ) ضربنى اوى يا نجوى وجعنى ومصعبتش عليه
خلصينى منه انا مش عاوزه ارجعلو تانى طلقينى منه
نجوى : ( اخدت التليفون تشوف كاتبة ايه وقارت اللى كتابتو بصوت عالى )
حاضر هطلاقك منه
ام فارس : طلاق ايه لا مفيش طلاق
نجوى : دا ضربها وبهدلها
فارس : ماما الطلاق ده اقل حاجه عشان الى عملو
( حمزه داخل هو وامه وابوه )
ابو حمزه : السلام عليكم
ام فارس : عليكم السلام
حمزه : ( قرب من تقى ووقف جنب سريرها ) انا اسف