#قلب_فاضي
الحلقه { 30 }
ابو فارس : مالك يا نجوى قاعده كده ليه ؟
نجوى : الحمد لله يا بابا الشغل ماشى زى الفل بس الانتاج قليل
وكمان الستات بدئو يطمعو اللى كانت مش لقيه حد ياخد منها بيضه مش عاجبها 50 قرش فى البيضايه
ابو فارس : ما دى طبع الناس يا بنتى الطمع
ام فارس : وهتعملى ايه ؟
نجوى : انا بفكر فكره كده بس للاسف محتاجه معايا راجل
لا مش راجل بلطجى
ام فارس : يا مصبتى بلطجى ليه ؟
نجوى : انا بفكرافتح فرع تانى للمشروع بتاعى
ابو فارس : ازاى ؟
نجوى : بس اقولكم انا بلاش بلطجى نبدئ بالادب الاول والحيله واللى مايجيش بالحيله يبقى بقلت الادب والبلطجه
مهو على رئى المثل لو مفيش ادب يبقى نتربى
عربى : انتى جايبلى بنتك وجاى عشان تبيعو ارض ابوك يا مصطفى
ابو فارس : لا مش عشان ابيع الارض بس عشان كل واحد ياخد حقو انا مش هبيع بس محتاجها
عربى : وهو انته اللى هتشتغل فى الارض ؟
ابو فارس : لا نجوى هى اللى هتشتغل فيها
عربى : وهو من امتى الستات بتزرع وتقلع
نجوى : ليه يا عمى ما الستات طول عمرها اديها بايد الراجل فى كل حاجه
عربى : وهو انتى بقى هتنزلى وتزرعى الارض ؟
نجوى : ومزرعهاش ليه يعنى انته شايفتى خريجة سياحه وفنادق انا متخرجه من كلية زراعه
سراج : والناس فى البلد يقولو علينا ايه لما انتى تنزلى تزرعى واحنا كدا دى الناس تاكل وشنا
نجوى : انا عاوزه ال 10 فدادين بتوع بابا ماليش داعوه بال 10 فدادين بتعكلم
ربيع : وجوزك موافق على كده
ابو فارس : نجوى اطلقت
سراج : هى لحقت اتجوزت لما تطلقى دى مكملتش 4 ولا 5شهور لحق طفش منك
نجوى : اه طفشتو لاخلصو بقى الارض هتدوهالنا ولا لا
عربى : هتعملى بيها ايه وانتى مطلقه كده ؟
نجوى : وانته مالك وبعدين ايه داخل الجواز والطلاق فى الشغل
عربى : شايف بنتك يا مصطفى بتقول لاخوك الكبير انته مالك هى دى التربيه
ابو فارس : مانته برضو بتقول كلام مالوش لازمه ايه هتعمل ايه بالارض وهى مطلقه
عربى : طب بص بقى الارض متتقسمش هما 20 فدان وهيفضلو 20 فدان لو عاوزه تشتغلى فى الارض اشتغلى فيها كلها لاكن متخديش حته وتسيبى حته
نجوى : يعنى انته مش موافق تدينى 10 فدادين وموافق تدينى ال 20 كلهم ؟
عربى : ارض ابويا متتقسمش
نجوى : ( قربت من ابوها وبوشوشه ) دماغ زى الفل صعيدى صعيدى يعنى مفيش كلام
سراج : انتى بتقولى ايه متسمعينا
نجوى : انا بقول قشطه سبولى الارض وانا هظبطها كلها
عربى : بس خلى بالك هى باقلها 3 سنين مش بتتزرع
ابو فارس : ومش بتزرعوها ليه ؟
عربى : نعمل ايه نزرع ونجيب سماد وتقاوى والزرع يطلع ومش بنلاقى حد يشتريه دا غير ان الحكومه منعانا نزرع قصب او رز او قمح او قطن عشان المايه
نجوى : مش مهم انا هزرعها حاجات متستهلكش مايه
عربى : وكمان مافيش سماد ولا تقاوى فى الجامعيه الزراعيه
نجوى : قشطه برضو انا مش عاوزه الكلام ده
ربيع : اومال هتسمدى الارض ازاى ؟
نجوى : بالنسكافيه والايس كريم يا خفيف
فارس : هو هيثم فين يا هدى ؟
هدى :هيثم مع ماما
فارس : كل يوم كده تاخدو الصبح وترجع بيه 11 و12 بليل كده غلط عليه
هدى : طب اعمل ايه انا مش هقدراخدو معايا ممكن اخدو العياده بس المستشفى مش هقدر
فارس : انابفكر اقول لنجوى تيجى تقعد معانا تاخد بالها منو
هدى : نجوى وهى هتقبل ؟
فارس : وهى وراها ايه ؟
هدى : شغلها
فارس : ما هى بتشتغل مش كل يوم
انا صعبان عليا الولد كده رايح جاى مع مامتك
هدى : طب اعمل ايه بقولك ايه ما تقول لابوك وامك يجو يعيشو معانا ؟
فارس : فكره بس تفتكرى هيوفقو ؟
هدى : اهو نجرب بص بعد بكرا وقفت عرفه احنا ناخد ماما ونروح نفطر عندهم ونقضى العيد هناك ونحاول نقنعهم
فارس : وامك هتوافق تعيد فى بنها ؟
هدى : والله نقولها وهى حره
ام فارس : وهيدكو الارض ؟
نجوى : الحمد لله اه وكمان اتفقت معاه هيدينى اوضتين من البيت بتوع الضيوف قولت برضو اوضه انام فيها والتانيه اعملها اقابل فيها الناس
ام فارس : وانتى فهمتى عمك هتعملى ايه بالارض ؟
نجوى : هو فاكر انى هزرعها كلها بس انا بقى بفكر اقسمها 4
ربع للطيور
وربع للمعيز والخرفان والحيونات
والباقى ازرعو
ام فارس : طب والحاجات دى بقى هتبيتيها فين ولا هتربيها فين ؟
نجوى : ماما انا هبدء واحده واحده مش هفتح على الرابع وبعدين اعمليلى اكل بقى عشان انا مش قادره هموت من التاعب سايقه 5 ساعات رايح و 5جاى
ام فارس : مخلتيش ابوكى يسوق ليه ؟
نجوى : خليتو يسوق ماشى على قشر بيض ماشى على 100 فى الساعه
ام فارس : اومال انتى ماشيه على كام ؟
نجوى : 140 انا عاوزه انجز
ام فارس : طيب اخوكى هيفطر معانا بعد بكرا فى واقفة عرفه
نجوى : هو بكرا ايه ؟
ام فارس : الثلاثاء ؟
نجوى : طيب ماشى يعنى بابا هيغسل بكرا
اعمليلى عشا بقى عشان عاوزه انام
منير : مالك يا بت قاعده كده ليه ؟
صابرين : بت ؟ ما تتكلم بأدب
منير: انا بهزر معاكى انا كنت بقول كدا لنجوى عادى خلاص متنطحيش يا ساتر ههههههه
صابرين : هزار وانطح لا انا محبش حد يكلمنى كدا فى حدود احترام بينى وبينك
منير: ماشى اكيد بس احنا لوحدنا وانا بقولك بهزر
صابرين : انا مبفهمش الهزار ده
منير : اسف انا بس قولت اشيل الحاجز اللى بينى وبينك بس خلاص اسف ( وقام ودخل البلكونه )
صابرين : ( قامت وراه ) منير
منير : نعم
صابرين : اسفه انا معرفش ان ده هزار متزعلش والله انا عمر ما حد هزر معايا كده ولا اتكلم معايا كده
منير: كل ما حاول اقرب منك وانسى الفرق اللى بنا تروحى بعدانى عنك
صابرين : معلش انا ماختش على كده متزعلش
منير: خلى الكلام بينى وبينك كده يبقى فى رحراحه بلاش بتقى مديره عليا فى البيت كمان
صابرين : خلاص حاضر
منير: بقولك ايه يا بت
صابرين : هههههه ايه ؟
منير : ايوه كده بعد بكرا وقفة عرفه هتفطرى فين ؟
صابرين : فى البيت هنا معاك طبعا هفطر فين يعنى
منير : لا اصل انا هفطر مع ابويا واخواتى وهعيد معاهم كمان
صابرين : طب خلاص سافر انته
منير : طب وانتى ؟ ما تروحى تفطرى عند حد من اخواتك
صابرين : اخواتى كل واحد فيهم هيفطر عن حماتو مع ولادو ومراتو مش هينفع اروح لهم ، عادى هفطر واعيد لوحدى زى كل سنه عادى انا واخده على كده
منير : انتى ممكن تيجى معايا بس ماما حولى تتلاشيها
صابرين : خلاص مش مهم معلش يا منير انا مش عاوزه مشاكل وبعدين مامتك شكلها صعب اوى
منير : طب انا هسافر وهرجع تانى يوم العيد بس هبقى اكلمك اطمن عليكى
صابرين : برحتك وانا هستنى تليفونك
( وتانى يوم راحت نجوى هى وابو فارس عشان يغسل )
ابو فارس : ها فكرتى هتعملى ايه بالارض دى كلها
نجوى : بصراحه يا بابا انا مكنتش اتصور ان اكون مسؤله على ارض بالمساحه دى بجد كتير اوى
بس بفكر ازرعها برسيم عشان اقوى التربه
ابو فارس : هتزرعى ال 20 فدان برسيم ؟
نجوى : لا طبعا بس انا بفكر بس الفكره لسه مكملتش
ابو فارس : طب قول نفكر سوى وبعدين انتى اصلا راحه البلد عشان تاخدى طيور وحاجات من الستات اللى هناك مش تزرعى
نجوى : ماعشان اخد حاجات من الستات دى لازم يكون ليه ارض وكمان مكان اقبلهم فيه بص انا هعمل عرض ايه بقى ؟
انا هزرع الارض او جزء منها برسيم واديه للناس ببلاش بس بشرط اللى تاخد منى برسيم ببلاش اخد منها الانتاج بتعها ليه انا بس
وكمان اى حد عندو سماد طبيعى بقايا حيونات يعنى يجبهولى وياخد مكانو مثلا اى منتجات بسعر اقل بدل ما اجيب سماد كميائى لا ده يبقى طبيعى
وكمان ممكن اعمل زى مزرعه او سوق
ابو فارس : حيلك حيلك كل ده هتعمليه ازاى انتى محتاجه فلوس للكلام ده ؟
نجوى : انا هبيع الشبكه بتعتى والدهب غيلى وكمان المؤخر بتاعى 10 الف جنيه
وكمان ممكن اضحك على عمى وعيالو وممكن اخليه يشاركنى داشكلو على قلبو قد كده
ابو فارس : بس خلى بالك متديش لحد الامان
نجوى : لا انا خلاص مباقتش اثق فى حد
تقى : انا جهزت الشنط جبت التذاكر
حمزه : اه الطياره بكرا الساعه 12 الظهر
تقى : طب زعلان ليه وبعدين مامتك هتزعل اول عيد اضحى وانته مش معاها وهتزعل منى انا هتفتكر انى اختك منها
حمزه : مانا لما ارجع مصر هروح الشغل وهبعد عنك
تقى : لا يا عمرى مش هتبعد طول النهار هفتح الواتس نتكلم عليه واول بقى ماتيجى من الشغل اجرى عليك واخدك فى حضنى
حمزه : كل يوم تجرى عليا ؟
تقى : طبعا بس نفسى فى حاجه لو ترضى لو مش راضى خلاص
حمزه : ايه ؟
تقى : تخلينى اروح لماما وبابا وحشونى اوى
حمزه : طبعا ونجوى مش وحشتك ؟
تقى : نجوى انا لو اقولك والله انا حسه ان فى حاجه جوايا نقصانى
انا حسه من غير نجوى زى موبيل من غير بطريه
يعنى مالوش لازمه
حمزه : لالا اوعى تقولى كده انتى حياتى
( وتانى يوم قبل الفطار بساعتين )
( ام حمزه فى اوضت نومها بتعيط وابو حمزه جنبها بيحاول يواسيها )
ابو حمزه : وحدى الله فى ايه ؟
ام حمزه : هونت عليه اكلمو يقولى انا مش هنزل واقطع شهر العسل انا مع مراتى
ابو حمزه : هو قالك كده مستحيل
ام حمزه : انا كنت خايفه اجوزو عشان كده اهى اخدتو منى
ابو حمزه : طب انتى عامله فطار ايه ؟
ام حمزه : معملتش مليش نفس
ابو حمزه : طب انا ذنبى ايه انا وانتى نفطر ايه دا خلاص فاضل ساعتين
ام حمزه : انا مش هعمل حاجه
ابوحمزه : خلاص انا هطلب اكل بالتليفون
ايه ده فى حد بيفتح الباب باره ؟
ام حمزه : اه صوت الباب
حمزه : ( داخل يتسحب هو وتقى ) تقى تعالى معايا نخضهم هما شكلهم جوا
تقى : اوك
حمزه : ( راح ناحيت الاوضه بتاعت مامتو وفتح الباب مره واحده ) انا جيت
ام حمزه : يا حبيبى ( قامت جارى عليه واخدتو بالحضن وهات يا بوس واحضان ) وحشتن اوى اوى اوى
حمزه : وانتى كمان يا حبيبتى سبينى بس اسلم على بابا
ام حمزه : لا هتفضل فى حضنى كده مش هسيبك وحشتنى اوى اوى
حمزه : وانتى كمان يا امى وحشتينى
وانته كمان يا بابا اعزرنى والله ما عارف افلفس من حضن ماما
ابو حمزه : لا يا حمزه عزرك يا حبيبى حمدالله على السلامه انا اسلم على تقى
ازيك يا تقى ؟
تقى : ( مسكت موبيلها ) الحمد لله يا عمى
ابو حمزه : ( بص على الموبيل ) طب الحمد لله
اتبسطى فى دبى ؟
تقى : اوى اوى البلد هناك حلوه اوى اوى
ابو حمزه : طب الحمد لله
ام حمزه : انته مش قولتلى انك مش جاى ؟
حمزه : كنت بضحك عليكى انا برضو يهون عليا يجى العيد وماكنش جنبكم
ابو حمزه : والله امك كانت زعلانه اوى
حمزه : كنت بضحك عليكى
ام حمزه : انته نوتى على فكره اوعى تعمل كده تانى
ابو حمزه : طب قومى بقى اعملى فطار عشان نفطر خلاص باقى ساعه ونص
ام حمزه : لا حمزه واحشنى مش هسيبو
ابو حمزه : مش قدام مراتو كده
ام حمزه : ميهمنيش
تقى : ممكن انا اعمل الفطار ؟
ابو حمزه : هى بتقول ايه يا حمزه ؟
حمزه : بتقول هى تعمل الفطار
ام حمزه : بس يا حبيبتى انتى لسه راجعه من باره وتعبانه ارتاحى نجيب اكل من باره وخلاص
تقى : لا مش تعبانه قولو بس عاوزين تاكلو ايه وانا اعملو
حمزه : طب بصى المطبخ عندك عيشى انتى
تقى : ماشى انا هعملكم اكل حلو اوى هدخل اغير بس
حمزه : ماشى يا قلبى
ام حمزه : ( خبطتو ) متقولهاش كده قدامى
حمزه : بتغيرى يا كنزى انته اللى فى القلب يا جميل
ابو حمزه : ربنا يكون فى عونك يابنى هههههه
انا هروح اقرا شويت قرءان والواحد صايم كده
ام حمزه : اه روح انا هفضل مع ابنى حبيبى
احكيلى عملت ايه فى دبى طول الل 10 ايام
ام منير : ايه ده ايه جابك ؟
منير : الله جاى افطر واعيد معاكم
ام منير : والمخفيه فين ؟
منير : فى البيت ماجبتهاش
ام منير : وهى بقى هتفطر مع مين ؟
منير : لوحدها
ابو منير : كان المفروض تجبها معاك
منير: انا كنت هجبها بس خفت من ماما
ام منير : لا يا واد وش خوف اوى صحيح انا مش بحب المخفيه بنت نجات بس برضو هى معملتش حاجه وحشه معاك عشان تتجوز عليها
منير : اللى حصل بقى
ام منير : وهى بقى بتفطر لوحدها ليه فين اهلها
منير: ابوها وامها ماتو واخواتها كل واحد مع مراتو وعيالو وهيفطرو عند حمواتهم
ابو منير : لا غلطان كنت المفروض تجبها
منير: مش مهم بقى وبعدين انا قولت فرصه نروح لابو نجوى ونحاول نرجع لبعض
محمود : وهى مراتك الجديده موافقه ؟
منير : اه موفقه
سلمى : بس نجوى مش هتوافق وبعدين دى بتحاول توسع شغلنا دى هتروح تجيب حاجات من عند عمها فى ابلد
ام منير: اللهى تتهدى عشان متروحش ولا تيجى
ابو منير : استغفر الله حرام عليكى ليه كده
سلمى : { اللهى تتهدى انتى يا شيخه عشان نرتاح منك }
ام منير : انتى بتقولى ايه فى سرك يا سلمى ؟
سلمى : بسابح يا ماما بسابح
فارس : هى راحت فين يا ماما دى أتئخرت اوى ؟
ام فارس :زمانهم جايين هما ماشيين من 2 زمانهم جايين
هدى : وهو بابا رايح جاى معاها كده على طول
ام فارس : اه مش المفروض انها فى العده عشان كلام الناس
اهم جم روح افتح
فارس : ايه يا نجوى كنتم فين ؟
نجوى : سليمان كلمنى وقالى لازم اجبلو حاجات وكان الحمد لله عندى الطلبات روحت ادتهالو وجينا دا يا دوب ساعه رايح وساعه جاى ونص ساعه هى الساعه كام دلوقتى ؟
هدى : 4 ونص
فارس : تعبت يا بابا ؟
ابو فارس : لا وانا ايه هيتعبنى اهو الواحد بيتهوى هو الريموت فين ؟
هدى: اهو يا عمى ؟
ابو فارس: هو مين بيتفرج على الكرتون ده ؟
هدى : هيثم
ابو فارس : هاتلنا الحجاج نشفهم وهما نزلين من عرفه اوعدنا يا رب
هدى : حاضر ( اول ما قلبت القناه هيثم عيط )
ابو فارس :ايه مالو ؟
هدى :عاوز الكرتون
ابو فارس : باقيت تفهم انا مفكرك عبيط
فارس : مين ده اللى عبيط دانا اللى عبيط
ابو فارس : خلاص هتيلو الكرتون
نجوى : تقى جات مصر بتكلمنى على الواتس
فارس : طب ماتقوليلها تيجى ؟
نجوى : ام حمزه مش هترضى دى ماسكه حمزه من ساعت ما جه مسابتهوش هتخليه يجبها ويجى بكرا او شويه كده نروحلها
فارس : لا خليها بكرا احسن
نجوى : ماشى هى طنط ماجاتش ؟
هدى : ماما عندها فطار جماعى فى النادى
نجوى : اممم ربنا يقويه
فارس : بابا بقولك ايه ما تيجو تعيشو معيا بدل هنا
ابو فارس :ونجوى لا مقدرش اسيبها دانا رايح جاى معاها
فارس : ما بلاها الشغل ده يا نجوى
نجوى : ازاى يعنى والحاجات اللى عندنا وبعدين انا ما صدقت الحمد لله ان المشروع اشتغل والناس عرفتنى
فارس : انتى تاعبه بابا معاكى
نجوى : العده تخلص بس وانا اروح واجى لوحدى
انا هقوم احضر الفطار الادان هيدن
( وبعد المغرب )
تقى : حلو الاكل ؟
حمزه : تحفه تحفه
ايه رئيك يا بابا
ابو حمزه : جميل الاكل تسلم ايدك يا تقى
ام حمزه : تقى غسلتى اديكى والادوات قبل ما تشتغلى بيها ؟
تقى : اه طبعا كولى متقلقيش
ام حمزه : هى الفته حلوه اوى
ابو حمزه : بس هناك هناكل انهاردا فته وبكره فتها كنت عملتى حاجه تانيه
تقى : مانا مش عارفه عملت اللى كان قدامى
ابو حمزه: ايه ؟
حمزه : بتقولك عملت الاكل اللى قدمها ايه يا ماما كلى بقى انا جيتلك اهو
ام حمزه : تعرف لو مكنتش جيت كان ممكن يحصلى حاجه
حمزه : بعد الشر عنك يا حبيبتى
منير: عامله ايه ؟
صابرين : الحمد لله تمام
منير: فطرتى ايه انهاردا ؟
صابرين : اكلت زى امبارح باقى البطاطس وسخنت الرز واكلت
منير : طب ليه معملتيش اكل تانى ؟
صابرين : عادى يا منير يوم زى اى يوم
منير : ماشى بتعملى ايه دلوقتى ؟
صابرين : ولا حاجه قدام التلفزيون
منير : اه طيب شويه وهكلمك تانى
صابرين : ماشى
ابو منير : انا لبست يلا نروح
منير : محمود فين ؟
ابو منير : مش عاوز يجى تعالى انا وانته بس وخلاص
( جرس الباب رن )
نجوى : خليكم انا هفتح
يا ترى مين
ام فارس : تلاقى الهام جايه تشرب معانا الشاى
نجوى : ( فتحت الباب ) عمى اتفضل
ابو منير: ازيك يا نجوى
نجوى : الحمد لله اتفضل
ابو منير : ابوكى هنا ؟
نجوى : اه يا عمى بابا عمى رزق جه
ابو فارس : اهلا اتفضل ( وداخلو الصالون )
فارس : ايه جابو ده
ابو فارس : بقولك ايه الدنيا مخروبه ودول فى بيتنا نشوف هما عوزين ايه يمكن ربنا يصالح بينهم
( داخل ابو فارس وام فارس وفارس وطبعا منير وابوه فى الصالون )
ابو منير : انا مش جاى اتكلم فى الى فات اللى حصل حصل
نجوى انت زى بنتى ومنير غلط بس هو مكنش يقصد
ابو فارس : طب يعنى المطلوب ايه ؟
منير : نرجع لبعض انا مش قادر اعيش من غيرها
نجوى : انته اللى خونت مش انا
منير : انا ماخونتش اه انا غلط بس مش خونت انا من حقى اتجوز واحده واتنين وتلاته واربعه كمان
فارس : منير انته طول عمرك هتفضل كده كل ما تيجى تصلحها تبوظها
زى المره اللى فاتت لما قوتلى انك متجوزها عرفى ؟ كنت هموتها ؟
ابو منير : اعزروه هو بيحبها ومتمسك بيها
نجوى : لو عاوزنى يروح يطلق صابرين
منير : مش هقدر هى معملتش حاجه عشان اطلقها وبعدين اعتبريها حاله انسانيه
دى ست كبيره
نجوى : خلاص خليك جنبها جيالى ليه ؟
ابو منير : يا بنتى استهدى بالله خراب البيوت مش بالساهل وهى الست مش طالبه انو يعدل بينكم انتى هتكونى الكل فى الكل
نجوى : عمى انا هقولك حاجه
ربنا سبحانه وتعالى خلى الراجل له الحق انو يتجوز اكتر من واحده بس لاسباب
انى مثلا اكون مش بخلف
او عيانه او فيه حاجه
ابو منير : بس برضو لو قادر وعاوز يتجوز خلاص
نجوى : ماشى لو قادر
هو بقى قادر ؟
منير : اه انا مرتبى الحمد لله
نجوى : طب ممكن نفكر بشكل مقلوب
تفتكرو لو ربنا هو اللى كان مدى للست حق ان هى اللى تتجوز انته يا منير كنت هتقبل انى اتجوز عليك ؟
انتو كلكم رجاله اهو ترضو ان ستتكم تتجوز عليكم ؟
ابو منير : ازاى يعنى ؟
نجوى : عمى انا بقولك نفرض تقبل ان ماما ام منير تتجوز عليك ؟
ابو منير : لا طبعا
نجوى : تقبل يا بابا ؟
ابو فارس : لا
نجوى : تقبل يا فارس هدى تتجوز عليك ؟
فارس : عشان كنت دبحتها هى وهو
نجوى : تقبل يا منير لو كان حقى اتجوز عليك انى اتجوز عليك ؟
منير : لا بس انا مش فى فيلم خيال دلوقتى
انا فى مشكلتى نجوى انا بحبك
نجوى : خلاص يا منير بجد ماعدش ينفع ابعد وانسانى
( وسابتهم نجوى وداخلت اوضتها )
ابو فارس : معلش هى واخده على خاطرها
ابو منير : طب هنعمل ايه ؟
ابو فارس : انت عاوزها بجد يا منير ؟
منير : طبعا يا عمى
ابو فارس : طب سبوهالى وانا هتكلم معاها تانى
ام فارس : انا ساكته من الصبح بس بجد البت كتر خيرها انها مستحمله كده انته غلط اوى يا منير
منير : مكنتش اعرف ان هوصل لكل ده
( وشويه مشى منير وابوه )
هدى : انتى لسه صاحيه يا نجوى ؟
نجوى : بكلم تقى
هدى : وهى تقى بتكلمك الساعه 2 بليل حمزه فين ؟
نجوى : امو نايمه وسطهم هههههه وهى ياعينى نايمه على طرف السرير ههههههه بصى الصوره ؟
هدى : هههههههه كنزى دى مش ممكن
نجوى : انتى بتحبى هيثم زى ام حمزه وحمزه كده ؟
هدى : هو انا بحبو اه بس مش اوى كده
نجوى : ييييييي
هدى : فى ايه ؟
نجوى : منير باعتلى اغنيه على الواتس ؟
هدى : باعتلك ايه يا اوختشى سماعينى
نجوى : ماشى اسمعك
بعد الحب ده كله يا غالي
قوللى ازاى ابعد و انساك
و ابعد ليه و انا قلبي و بالي
و كل ما فيا بيتمناك
انا مش ممكن مهما جرالى
حقبل اعيش غير بس معاك
انت الحب اللي اتمنيته
و اللى عرفت الدنيا معاه
حلم حياتي اللي استنيته
و اللي ما عيشتش قبله حياه
قرب مني
حتعرف انى
بدوب في غرامك
و بموت فيك
قرب
و انت لوحدك تعرف انى ماليش احلام بعديك
هدى : والله قشعرت
يا بت دا بيحبك
نجوى : بس كرمتى فين وانا بسيبو يروح لغيى
هدى : بصى لو بصينا لكرامه فى حاجات كتير فى حياتنا مش هنعملها
بس الحب ميعرفش الكرامه لازم حد فيكم يتنازل شويه
نجوى : ياعنى ارجعلو ولا لا
هدى : اقولك فكرى كويس ولو عاوزه ترجعيلو ابعتيلو اغنيه حلوه كده رومانسيه
ولو مش عاوزه ابعتيلو اغنيه من بتوع مصطفى كامل تجبلو سكته قلبيه ونخلص منه
نجوى : ههههههههه
انا محتاره ارجعلو ولا لا
محتاجه حد ينصحنى ؟