#قلب_فاضي
الحلقه { 12 }
نجوى : هااااااااااا الحق
الباب بيخبط اكيد امك
منير: يانهار اسود امى انتى السبب انتى السبب
نجوى : اى واحده فى مكانى هتعمل ايه لو جوزها نام وسبها ليلة الدخله يا اناس ؟
منير : نهارك اسود انته هتشرديلى وكمان عاوزه تاخدى رئى الناس انتى هوس خالص
نجوى : طب اهدى خلاص انا اسفه
( نجوى راحت نحية الباب لقت اخوات منير كلهم وامو وابوه )
هااااااا دا كلهم جوم حتى سومه وسلمى
منير : يفضحتى يفضحتى
نجوى : ولا فصيحه ولا حاجه يلا
منير: يلا يلا ايه دلوقتى وهما باره
نجوى : اه هنعمل ايه
منير: لا مينفعش
نجوى: هو فعلا مينفعش خلاص جاتلى فكره حلوه اوى وامك هتفرح بيك كده وتظغرطلك هات ودنك
ام منير : مبروك يا ام فارس هما العرسان لسه نايمين ؟
ام فارس : ( بارتباك ) ايه اه لسه نايمين
ابو منير: معلش جينا بدرى ام محمود صممة تيجى عشان تتطمن على منير
محمود : طب احنا نمشى ونيجى كمان شويه قومى يا سلمى
ام فارس : لا انا هروح اصحيهم
دا هما صحيو اهو
( خارج منير ونجوى من الاوضه وشكلهم كأنهم متخنقين )
ام منير : مبروك يا منير مبروك يا عروسه
نجوى : الله يبارك فيكى ازيك يا عمى ( ومدت ادها وسلمت عليه )
ام فارس : انا هقوم اجبلكم حاجه تشربوها واصحى ابو فارس بعد ازنكم
نجوى : ماما هى تقى لسه نايمه ؟
ام فارس : اه هصحيها دلوقتى
نجوى : لا سبيها نايمه دى تعبت اوى اليومين اللى فاتو انا هقوم اسعدك بعد ازنكم
سلمى : طب اروح اساعدها انا انا زى تقى ونجوى
ام منير: مش بتسعدينى انا فى البيت هتسعدى ام فارس تتحسدى
نجوى : لا يا سلمى خليكى انتى انا هروح مع ماما
( وداخلت نجوى مع مامتها المطبخ )
ام منير : فى ايه يا منير انتو اتخانقتو ولا ايه ؟
منير : اه ادتها على دمغها امبارح ونيمتها متنكده ومقربتلهاش طول الليل مديها ظهرى ونايم
ابو منير : ايه ازاى تعمل كده دى عروسه
محمود: ليه كده دانته كنت هتموت على الجواز
منير : انا مراتى تطول لسنها على امى واسكوتلهالا لازم اعلمها الادب
سومه : يا سلام مانته كنت فرحان انته واصحابك وبترقصو مابنش عليك يعنى الادب
منير : وهو انا لازم افضح الدنيا قدام الناس انا فضلت مرقد لها لحد ما داخلنا الاوضه ومعملتش حاجه
ابو منير : بس كده كسرت بخطرها امها وابوها يقولو عليك ايه ؟
منير : ميهمنيش
ام منير: حبيب امك راجل يخليك ليه اول مره تعمل حسابى فى حياتك لا بجد جبتلى حقى
شايف يا محمود اخوك من اول ليله علم مراتو الادب
ابو منير : طب خلاص اسكوتو ابو فارس صحى
ابو فارس : صباح الخير يا رزق ازيك يا ام محمود
ام منير: ( بانشكاح ) الحمد لله يا ابو فارس الحمد لله هههههه
ابو فارس : الواحد نام امبارح متقلبش
منير: بجد يا عمى انته لسه صاحى دلوقتى ؟
ابو فارس : اه يابنى باخد الدوى وبينايمنى دا انا حتى متقلبتش
منير : ( وهو بيكلم نفسو ) { طب الحمد لله معرفش حاجه المشكله فى امها} سلمتك يا عمى
ابو فارس : الله يسلمك بعد ازنكم ادخل الحمام
احمد: اسند حضرتك
ابو فارس : انته فكرنى عجزت ولا ايه دانا اصغر من ابوك
ابو منير: العيال فكرنا هكعنا خلاص دانا بفكر اتجوز على امك
ام منير: ابقى اعملها والله اولع فيك انته وهى
ام فارس : يا خيبه كده ركبتى نفسك الغلط
نجوى : طب كنا نقولهم ايه اى حاجه وخلاص
ام فارس : يبقى العيب فى ابنهم وتجبيها فيكى ؟
نجوى : ماما العيب مش فى منير دا يا حبيبى فضل 4 ايام مش بينام ويشيل ويحط فا تعب ونام عادى
ام فارس : ماشى يا نجوى بس حطى المثل اللى هقولهولك ده فى ودناك
اللى يقول لمراتو يا عورا اهلو بيلعبو بيها الكوره
نجوى : محدش يقدر يعمل معايا كده المهم هو فارس فين ؟
ام فارس : فى شقتو اللى هنا خاد مراتو وحماتو ومشيو ليه بتسألى ؟
نجوى : ههههههه ابدا بسأل
فارس : يلا يا هدى تعالى بقى
هدى : مين جهز الفطار ؟
ام هدى : انا طبعا
هدى : طب مالك زعلانه ليه ؟
ام هدى : عشان قولت لفارس قبل ما ينزل يجيب الفطار قوتلو يجيب توست دايت وجبنه بارميزان ماجبش
فارس : انا ملقتش الجبنه دى بقول للبياع عاوز جبنه بارميزان قالى اللى هى ايه اللى هى الرومى
وبعدين انا جبت فينو بدل التوست افتحيه كده هيبقى زى التوست
ام هدى : لا التوست بحطو فى التوستر وبيكون مع الجبنه البارميزان اوووو واو تجانن
هدى : بس هنا مفيش توستر
ام هدى : كمان مافيش توستر لا البلد دى بجد ممله ومش حلوه احنا نبارك لاختك ونرجع القاهره
فارس : احسن برضو
هدى : فارس ممكن تجبلى الشنطه اجيب الكالسيوم
فارس : حاضر ( قام فارس وجبلها الشنطه )انا مش عارف شنطه دى ولا مخله هى كبيره كده ليه ؟
هدى : عشان تشيل كل حاجه ( داخلت اديها جوا الشنطه لقت حاجه غريبه مسكتها ) ايه ده
ام هدى : مالك ؟
هدى : ( خراجت اديها من الشنطه وهى ماسكه الشئ الغريب ده لقتها راس فرخه )ااااااااااااا
اااااااااااااااا
اااااااااااااااااااااااا
ام هدى : ( بتبص فى ايد هدى اللى عماله تصرخ ) ااااااااااااااا ااااااااااااااااااا اااااااااااااا
فارس : هااااااا ايه ده ارمى ارمى
هدى : ااااااااااااااا
فارس : بطلو صريخ انتو الاتنين خلاص متخفوش
هدى : اه اه الحقنى يا فارس ااااااااااا بولد بولد
ام هدى : تولدى ايه دانتى فى نص الثامن
فارس : ( اخد هدى فى حضنو ) اهدى كدا انسى اللى كنتى مسكاه اهدى
هدى : مين حط القرف ده فى شنطتى
فارس : اهدى بس كده احدى متخفيش
ام هدى : شيل القرف ده طيب من وشنا
فارس : طيب هشيلو اهدو بس متخفوش
هدى : انا كنت ماسكه راس فرخه فى ايدى
ام هدى : مين اللى حط الراس دى فى الشنطه ؟
هدى : اكيد نجوى عشان ترودل حركة الفستان اكيد هى
فارس : طب اهدى لسه تعبانه ؟
هدى : اه عندى مغص ودايخه وكمان عاوزه ارجع ( وقامت جريت على الحمام )
فارس : يومك زفت معايا يا نجوي
( وبعد شويه اهل منير مشيو ومنير ونجوى داخلو يرتاحو شويه بعد ما فطرو كلهم سوى )
منير : مامتك شكلها ماقلش لعمى على حاجه
نجوى : اه ما انا قولتلها متقولوش وبعدين مفيهاش حاجه
منير : بس المفروض مكنتيش تقومى من جنبى
نجوى : بصراحه انا كنت
"
"
"
منير : ايه هتخبى عليا من اولها يا حياتى تعالى نتكلم بصراحه واحنا جنب بعض تعالى جنبى
نجوى : اهو جنبك
منير: نمسك الادين برحتنا بقى اتجوزنا
ها قوليلى ليه خرجتى
نجوى : اسباب كتير اولها خفت منك اول مره انام جنب راجل غريب
منير : غريب ايه يا هبله انا جوزك
نجوى : اهو بقى وتانى حاجه تقى صعبت عليا انى انا اتجوز وهى لا انا افضل جنبك وهى تفضل لوحدها خفت تزعل
وفعلا اول ما دخلت عليها لقتها سرحانه وعنيها مدمعه
منير : حببتى انتى متعلقه بتقى اوى وكده مينفعش
نجوى : مش توئمتى ؟
منير : بس برضو يعنى مش اوى
نجوى : يا منير انا لو جبت اى حاجه اى حاجه وهى مئكلتش منها او مشاركتنيش فيها والله بفضل اهرى وانكوت فى نفسى طب اضحكك
انا مره سليمان جبلى سندواتشات 2فول و2طعميه والله اكلت 1فول وواحد طعميه وجبتلها الباقى وانا راجعه اكلتهم هنا
منير : انا مكنتش اعرف انك حنينه كده
نجوى : اومال انته فاكر ايه يابنى
منير : ابنك طب تعالى بقى
نجوى : لا مش دلوقتى بليل بليل
اهو موبيلك بيرن شوفو
منير : ماشى الموبيل نجدك من ايدى
الو
حمزه : الو ازيك يا عريس مبروك
منير: حبيبى الله يبارك فيك مشيت على طول ليه امبارح
حمزه : مانته عارف عشان ماما وباباعقبال ما رجعت القاهره كانت 11 وانا طيرتى كمان ساعتين
منير : تروح وترجع بالسلامه متنسناش بقى
حمزه : انا انسى اخويا وحبيبى برضو بس انا كنت عاوز اسئلك على حاجه كده
منير: حاجة ايه ؟
حمزه : كان فى بنت كده واقفه جنب عروستك منقبه نقاب ابيض كده وعنيها ملونه هى مين دى ؟
منير : دى تقى اخت نجوى مراتى
حمزه : اه هى اختها الصغيره ؟
منير : لا دى التوئم
حمزه : اه طب هى مخطوبه ؟
منير : لا مش مخطوبه
نجوى : فى ايه ؟
حمزه : اه طب ماشى
منير : هو ايه يا فلنتينو هههههه وقعت من اول نظره
حمزه : لا مش وقعت بس بجد عنيها حلوه اوى
منير : امممم طب ايه ؟
حمزه : ايه بقولك طيرتى كمان ساعتين ربنا يسهل
منير : ماشى يا حموزه هههههه
حمزه : بلاش حموزه دى انته لسه فاكر
منير: انا مش ممكن انسى مستحيل
حمزه : طب اقفل يا رخم انا غلطان انى كلمتك سلام
منير: هههههههه سلام
نجوى : ايه دا مين ؟
منير: دا صاحبى من ايام الجامعه اولى تجاره كنا داخلين وهو وحيد امو وابوه فا هو من القاهره فا ماجبش مجموع فا داخل تجاره بنها ابو وامو بقى وصالوه اول يوم الجامعه احنا داخلين وامو بصوت عالى تقولو حموزه ركذ مع الدكتور واكتب وراه وكل السندوتشات لو رجعت بيها ماما هتزعل
نجوى : هههههههههههه ماما هتزعل هههههههه
منير : اه والله الواد يا عينى 4 سنين مش عارف يرفع عينو فى بنت كل البنات راحه جايه تقولو سلملى على ماما يا حموزه كلت السندوتشات ولا لا هههههههههه
وطول الاربع سنين امو او ابوه الفاضى يعنى يجبوه ويودوه الجامعه
نجوى : يا عينى
طب هو بيسئلك على تقى ليه ؟
منير : شكل سهم الكيوبيد رشق
نجوى : اخرتها تتجوز حموزه
منير : خلينا فى نفسنا احنا يا جميل
نجوى : قولت بليل مش دلوقتى
منير: ودلوقتى نعمل ايه ؟
نجوى : تقوم تلبس عشان خلاص الجمعه هتدن
منير : ماشى خليها بليل نادى حد يلحقك منى
ام فارس : تقى تقى بت يا تقى ( هزتها ) ايه سرحانه فى ايه ؟
تقى : ولا حاجه كنتى عاوزانى اعملك حاجه ؟
ام فارس : اه اختك واخوكى بيحبو الكريم كرامل خودى اعمليه انتى انا مش بعرف اعملو
تقى : حاضر هى البولات فين ؟
ام فارس : هتلقيها فى المطبخ من فوق
تقى : ( وهى بتكلم نفسها وبتكسر البيض ) { هو كان بيبصلى اوى وكمان سلم عليا بشكل غريب اوى
طب انا ليه مديت ايدى وسلمت عليه انا اول مره افكر فى حد كده يا ترى مين ده
هو انا مشغوله بيه ليه ما يوسف كمان كان عمال يبص عليا وكمان كتير من الجيران
لا بس ده حاجه تانيه دا شيك اوى وامور دا شبه كريم جوز فاطمه لا دا احلى منه كمان طب اسئل مين عليه هيكون مين ده بس }
ام فارس : بت يا تقى ايه كل ده انتى كسرتى البيض دا كلو ليه ؟
تقى : انا ماختش بالى معلش
ام فارس : خلاص مش مهم اعملى كتير عشان لو حد جالنا يبارك نبقى نقدملو بدل الشاى حاجه تشرف باردك
ايه ده اخوكى بيتصل
الو ايوه يا فارس ماجتش ليه ؟
فارس : نجوى فين ؟
ام فارس : مع عارسها فى الاوضه
فارس : هدى بتولد خليها تيجى وتجيب التاكسى انا مش لاقى عربيه وكمان الاسعاف ماجاتش بقالها ساعه
ام فارس : بتولد ازاى هى مش فى نص الثامن
فارس : انا مش عارف حاجه خالى نجوى تيجى ويومها اسود معايا
ام فارس : ليه هى مالها ؟
فارس : ما هى اللى حطت لها راس الفرخه
ام فارس : راس الفرخه مش فهمه
فارس : يا ماما البت بتولد خلى الزفته اللى عندك تيجى وتجيب التاكسى
ام فارس : طيب حاضر ( قفلت المكلمه وجريت على الاوضه )
تقى : وهى مسهمه وطبعا ماتعرفش اى حاجه حصلت لانها مكنتش باصه لام فارس ) يا ترى اسمك ايه
يا رب اشوفو تانى
منير : فرهدتينى اخلصى بقى بوسه واحده
نجوى : قولت بليل سبنى بقى
ام فارس : ( خبطت على الباب ) نجوى الحقى هدى بتولد
نجوى : ههههههه على يادى ( ناطت من على السرير وراحت فتحت الباب )
انتى متأكده ؟
ام فارس : اه اخوكى بيقولك تعالى وروحيلو بالتاكسى
منير : هى دخله مبصوص فيها
ام فارس : معلش يا منير مكسوفه منك
منير : لا انا عارف انى نحس البسى يلا عشان نروح لفارس
ام فارس : ماشى هروح البس
نجوى : انا هاخاف اروح يا منير
منير : ليه ؟
نجوى : اصل انا عشان ارد لهدى حركت الفستان حطتلها راس فرخه فى الشنطه وانا عارفه انها جبانه وبتخاف
منير: دانى فارس هينفخك ههههههههه
ولدتيها قبل معادها يا مفتريه هههههههههه
نجوى : طارى وخادتو وبعدين انا فى حماك هتسيبو ينفخنى ؟
منير : اتنفخلك انا يا نوجى
ام حمزه : مالك يا حموزه ؟
حمزه : ماما بلاش حموزه دى ارجوكى
ام حمزه : الله مش انته ابنى الوحيد هو انا ليه غيرك يا حبيبى
حمزه : طب بس بلاش حموزه عشان خطرى انا دلوقتى 26 سنه
ام حمزه : ماشى بس احنا فى البيت يعنى ادلعك برحتى انا وابوك يلا عشان ننزل
حمزه : بابا جهز ؟
ام حمزه : اه وسبقنا على تحت مالك بتفكر فى ايه ؟
حمزه : فى بنت شفتها لا مش شفتها شفت عنيها بس من ساعتها مش عارف جرالى ايه
ام حمزه : وشفتها فين ؟
حمزه : فى فرح منير صاحبى فى بنها
ام حمزه : هااااا انته روحت برضو انا مش قولتلك متسفرش لوحدك افرض حصلك حاجه انا اعمل ايه ؟
حمزه : ماما انا كبير شايفه انا راجل مش لسه عيل صغير انا مدير تخطيطى فى شركه فى الامارات مش صغير
ام حمزه : انا معنديش غيرك
حمزه : طب خلاص يلا بينا عشان الطياره
سومه : ممكن اعرف تفسر للى حصل ؟
يوسف : تفسير ايه ؟
سومه : عينك امبارح منلتش من على تقى ليه عجباك ؟
يوسف : مش موضوع عجبانى بس شكلها بتسمع الكلام مش اقولها ورين صورتك تدينى مسئلت جبر
سومه : حلتها ولا لا ؟
يوسف : لا طبعا محلتهاش انا مش فاهم ايه دى اصلا
سومه : احلهالك انا ؟
يوسف : قولى ؟
سومه : الارقام دى لو رتبتها وحطتها جنب بعض وشلت نص الارقام من فوق هيطلع I love you شفت بقى ؟
يوسف : يعنى انتى بتحبينى ؟
سومه : انته شايف ايه ؟
يوسف : خلاص ابعتيلى صورتك
سومه : مقدرش مقدرش اتصور كده
يوسف : يبقى انتى مش بتحبينى وبعدين احنا هنتجوز فيها ايه لما اشوفك
سومه :هنتجوز ؟
يوسف : اه طبعا وهنعمل حاجات كتير مع بعض
سومه : ههههههه حاجات ايه ؟
يوسف : يعنى مش عارفه ؟
سومه : لا
يوسف : حاجات كده زى منير ونجوى امبارح
سومه : عيب يا يوسف بجد انا كده بخاف منك
( داخلت ام منير على سومه لقتها نايمه على السرير وماسكه الموبيل )
ام منير : انتى ياللى تتخفى حسك مسمعش صوتك
سومه : ( اتخضت وراحت فقلت الجراب بتاع الموبيل ) فى ايه يا ماما
ام منير : هو انا الخدامه اللى ابوكى جبهالكو مفيش حد بيساعدنى قومى يا بت سيبى الزفت ده وقومى اعمل الغدا معايا
سومه :انا مش فاضيه يا ماما
ام منير: وانتى وراكى ايه يا حليتها يا بت دانتى تقومى من على الكمبيوتر تمسكى الموبيل انتى بتعملى حاجه
سومه : اشمعنى انا ما تقولى لسلمى
سلمى : ( داخلت عليهم الاوضه ) انا غسلت موعين الفطار وكمان عملت الشقه بالمكنسه قومى اعملى حاجه
سومه : يوووو انا فى ثانوى يعنى الاجازه المفروض معملش حاجه
ام منير: ( مسكتها من قفاها ) قومى يا حوساله قومى
( داخلت فيها المطبخ ) الرز يتنقى الملوخيه تتقطف وتتغسل
وانتى تخرطى الموخيه وتغسلى الفراخ
سلمى : وحضرتك هتعملى ايه ؟
ام منير: هتش الملوخيه وهسلق الفراخ واعمل الرز مانتو لو بتعرف تطبخو كنت خلتكو عملتو كل حاجه لاكن للاسف اكلكو زى الزفت
( منير اخد ام فارس وابو فارس ونجوى وتقى فى التاكسى وراحو لفارس الشقى وهما نازلين يركبو التاكسى مكفاش ابو فارس اخد التاكسى هو ساق وام فارس جانبو وام هدى وهدى وفارس ورا ومنير وقف تاكسى تانى وراحو المستشفى )
فارس : والله يا نجوى لو حصلهم حاجه هوريكى
نجوى : الله يا فارس قولتلك مكنش اقصد
ابو فارس : خلاص يابنى بقى حصل خير
ام هدى : دى البنت اول ما مسكت الراس حست بالولاده على طول ليه كدا يا نجوى هى مش زى اختك
نجوى : انا كنت برضلها مقلب الفستان
فارس : طب اسكوتى بدل ما همد ايدى عليكى
نجوى : بص انا مش هحسبك على اللى انته بقولو عشان هى مراتك بس يا دكتور اختك دموعها نزلت بسبب مراتك يوم فرحها اتجوزت بعبايا بدل فستان
الفستان اللى بتتمناه كل بنت
ام هدى : الله مش لازم على فكره
نجوى : ومادام هو مش لازم خليتو بابا وفارس اشترى لهدى فستان ب 4000 جنيه ليه ؟
فارس : تعرفى تسكتى بقى انتى مش بتسكتى ليه
ام هدى : يا ريتك انتى زى تقى مش بتنطق حتى لو حد زعلها
نجوى : لو حد زعل تقى انا باخد بطرها منه
ام يوسف يا ماما عارفه مين كسر رجلها
ام فارس : مين ؟
نجوى : انا
فارس : انتى ؟ طب ليه؟
نجوى : اللى تكون سبب فى نزول دمعه واحده من اختى يومها اسود
ام هدى : خلاص المهم ادعو لهدى ربنا يقومها بالسلامه
منير : ان شاء الله
( شويه وخارج الدكتور )
الدكتور : مبروك ولد
فارس : طب وهى حالتها ايه ؟
الدكتور : ممتازه
فارس : طب الولد هتحطوه فى الحضانه ولا هتعملو ايه فى المصيبه دى ؟
الدكتور : مصيبة ايه ؟
فارس : هدى فى نص الشهر الثامن
الدكتور : لا مستحيل هى ممكن تكونو حسبتو غلط هى فى اول الاسبوع الاول من التاسع لا الولاده طبيعيه جدا
نجوى : الحمد لله مش انا السبب
ام فارس : انتى اسكتى خالص
يعنى يا دكتور هما كويسين ؟
الدكتور : اه الحمد لله وهننقلهم اوضه عاديه كمان مبروك
فارس : الله يبارك فيك
منير : مبروك يا ابو النسب بقى كده انا اتجوز امبارح وانته تخلف انهارده ههههههه
فارس : اتجدعن انته وان شاء الله ولادت نجوى على ايدى بس انا مش هحطلك راس فرخه
نجوى : اومال هتحطلى ايه ؟
فارس : قنبله تريح البشاريه منك
منير : هاااااا وتحرمنى من نوجه لا مقدرش انا اموت
نجوى : بعد الشر يا مونى
( شويه وداخلو الاوضه عند هدى )
فارس : حببتى حمدلله على السلامه
هدى : الله يسلمك يا حبيبى
انتى ليكى عين تيجى ؟
نجوى : ما تتهدى بقى دانا سبب انك ولدتى
هدى : ماشى يا نجوى ماشى هردهالك
نجوى : مانتى رضتيها امبارح وانتى اللى بدئتى
هدى : ليه عملت ايه ؟
نجوى : خلينا سكتين احسن
ابو فارس : فى ايه يا بنتى
نجوى : اقول قولتى ايه لمامتك عن الفستان ولا خلينى ساكته احسن ؟
هدى : ايه ؟
نجوى : ان الله حليم ستار
هدى : ( بثقه ) لا قولى
نجوى : انتى مش قولتى لمامتك ان الفستان موجود فى البيت وانك ماتبرعتيش بيه او حاجه
ومرضيتيش تجبيها وخفتى انو يحصلو حاجه ؟ قولتى ولا مقولتيش ؟
ام هدى : مين قالك كده ؟
نجوى : اللى قالى قالى بقى مش مهم
فارس : بجد الكلام ده يا هدى ؟
هدى : ( ساكته ومش بتتكلم )
ام هدى : حتى لو هى غلطة مش المفروض كنتى تعملى كده
نجوى : انا مش بسيب حقى
وكمان ماشيه يلا يا تقى
فارس : لا سيبى تقى هى هتيجى معايا
تقى : هاجى معاك فين ؟
فارس : القاهره هتقعدى معايا
ام فارس : ليه ؟
فارس : عشان تكون على راحتها منير دلوقتى فى البيت وكمان تقى تفضل مع الولد طول ماحنا باره
ابو فارس : بس يابنى تقى مش متعوده تبات باره
فارس : هو بيتى بقى باره يا بابا وبعدين هتكون فى اوضه لوحدها محدش هيدايقها وانا وهدى طول النهار باره
نجوى : اه انته بقى عاوز بيبى سيتر
فارس : انتى بتتكلمى ليه انتى مالك انا كل كلامى على تقى
تقى : وانا مقدرش اسيب نجوى وكمان الشغل اللى بنعملو وماما انا بساعدها فى المطبخ لا انا همشى مع نجوى يلا بينا يا نجوى
منير : حد هيجى معانا ؟
ابو فارس : لا يابنى روح انته انا هنا انا وام فارس تاخد التاكسى ؟
منير : لا انا هاخد تاكسى خليه يمكن تحتاجوه السلام عليكم
( روح منير ونجوى وتقى نجوى ومنير داخلو اوضتهم وتقى فضلت تتفرج على التلفزيون )
منير : اختك دى هتجنانى
نجوى : تقى ؟
منير : اه بتتفرج على التلفزيون وكمان فيلم اجنبى طب ازاى بتفهمهم ؟
نجوى : انته عبيط يا منير ؟
منير : ايه احترمى نفسك ، انتى مش بتقولى مش بتسمع وكمان مش بتعرف انجليزى طبعا يبقى ازاى بتقرا الشفايف ؟
نجوى : بتقرا الترجمه يا حبيبى
منير : ترجمه ؟ اه صح هههههههه
نجوى : انا خايفه هدى وفارس ياخدو تقى
منير : طب ما يخدوها عشان نبقى على راحتنا ؟
نجوى : مقدرش اعيش بعيد عن تقى"
"
"
منير : بتفكرى فى ايه ؟
نجوى : فى الشغل وفى بابا بكره المفروض يروح يغسل والحاجات اللى فوق السطوح مش مكفيه الطلبات اللى عاوزها سليمان
حاجه رخمه اوى لما تعمل مشروع ومتبقاش معاك امكنيات
منير : انتى للدرجادى معندكيش دم
امبارح كانت دخلتنا وانتى تقوليلى بابا يغسل والشغل وسليمان
نجوى : هههههههه منير بطل منير
منير: بس بقى
محمود : مالك
سلمى : زهقت عاوزه امشى من هنا نفسى يكون عندى بيت ليه
محمود : وايه اللى جاد
سلمى : امك بقت لا تطاق انا زهقت والله لو حصلت نروح نقعد عند امى زى نجوى ومنير
محمود : ومين قالك انى هوافق
سلمى : طب انا بقى عاوزه شقه
محمود : وانا هجبلك شقه منين قدينى بنبنى البيت وربنا يسهل انا شغال موضف على قدى
سلمى : طب انا هنزل اشتغل
محمود : هتشتغلى ايه ؟
سلمى : اهو اى حاجه المهم اجيب فلوس ونسيب البيت
محمود : اعملى اللى انت عوزاه
انا هنام
سلمى : هتنم من دلوقتى الساعه 10
محمود : طب اعمل ايه ؟
سلمى : ماتيجى نروح لمنير ؟
محمود : تانى لا خليها بكرا
( ام منير خبطت )
ام منير : قوم يا محمود عشان نروح لاخوك ابوك مش راضى يجى معايا
( قام محمود وهو متنرفز وفتح الباب )
محمود : تانى انتى مستعجله كده ليه خليها بكرا
ام منير : لا دلوقتى يلا تعالى معايا
منير : منوره يا ماما
ام منير: بنورك يا حبيبى هى امك فين يا نجوى ؟
نجوى : فى المستشفى عند فارس اصل هدى ولدت
ام منير : اه طب انا كنت جايه اطمن عليكم
محمود : خلاص يا ماما نمشى دلوقتى ولما خالتى تيجى نبقى نيجى
نجوى : طب وليه تعالى يا ماما لما اطمنك بعينك تعالى يا سلمى
سلمى : طب كلمى اختك الهام تكون معانا ؟
نجوى : ليه هتعمل ايه ملهمش لزمه قومى عشان اطمنك
( نجوى داخلت اوضتها وطمنت ام منير وكانت سلمى معاها )
محمود : يا اخى امك دى حاجه صعبه
منير : هنعمل ايه امنا لازم نستحمل
( وصل ابو فارس وام فارس وكان معاهم الهام وفكرى والعيال )
ام فارس : انته هنا يا محمود ؟
محمود : اه يا خالتى وامى كمان وسلمه
تقى : ( داخلت ومعاها 6 كريم كرامل ) انتو جيتو طب كويس هجبلكم انتو كمان
فكرى : لا انا مش بحب البتاع ده اعمليلى شاى
الهام : وانا كمان يا تقى
تقى : حاضر وانته يا بابا وماما ؟
ابو فارس : لا هتيلى كريم كرامل انا بحبو انا وامك
تقى : حاضر وطبعا الولاد ؟
تامر : اه يا خالتو
تقى : حاضر
( تقى داخلت المطبخ تانى )
ام فارس : هى امك فين ؟
منير: مع نجوى فى الاوضه
ام منير : مش قادره تصبر لما اجى تعالى يا بنتى نشوف اختك
( داخلت ام فارس هى والهام )
ابو فارس : منورنا يا محمود رزق فين ؟
محمود : فى الجامع صلى العشا وكان فى درس انته عارف بيدى دروس
ابو فارس : ربنا يجعلو فى ميزان حسناتو
ام فارس : كده برضو يا رزقه تستفردى بالبت مش قادره تستنى لما اجى انا والهام مستعجله على ايه ؟
ام منير: الله نجوى اللى مستعجله حتى اسئلى سلمى مش انا يا سلمى قولتلها استنى لما امك تيجى
سلمى : اه والله يا خالتى
نجوى : ماما عادى وبعدين اصلا ولا اقولك خلاص مفيش فايده الكلام
ام منير: على العموم مبروك يا مرات ابنى يلا شدى حيلك وهتيلى حفيد نفسى اشيل عيل كده افرح بيه
نجوى : ان شاء الله كلو بأيد ربنا
ام منير: انا هروح اكل اللى تقى قالت عليه حلو ده
( خارجت ام منير وام فارس والهام من الاوضه )
سلمى : نجوى انا قصداكى فى خدمه ؟
نجوى : خير ؟
سلمى : بصى انا وانتى دلوقتى مصلحه واحده فا نحط ادينا فى ايد بعض وانتى عرفانى لا بتاعت مقالب ولا الخيانه والكدب طبعى
نجوى : خير يا سلمى فى ايه ؟
سلمى : انا عاوزه اشتغل معاكى فى موضوع الفراخ ده
هدى : هو فارس فين ؟
ام هدى : باعتو يجبلى اوف عشان الناموس
هدى : هو ده وقت اوف يا ماما
انا هعمل ايه فى تقى اللى مش عاوزه تيجى دى انا هسيب الوالد مع مين دلوقتى ؟
ام هدى : خلى بالك انا ماليش داعوه انا مش باشيل عيال وكمان خالك جاى بكرا ولازم هسافر معاه عشان شغلو
هدى : طب الولد هسيبو مع مين ؟
ام هدى : تقى طبعا
هدى : الله طب ما هى رفضه
ام هدى : انا عندى فكره هتخليها تيجى وندي نجوى بالجزمه بس انتى فتحى دماغك وافهمى
( وصل فارس )
خودى يا ماما ملقتش اوف جبتلك فلت
ام هدى : فلت انا كنت عاوزه اوف
هحط على بشرتى فلت ؟
فارس : هو انتى عاوزه تحطى على بشرتك موبيد حشرى ؟
ام هدى : لا دا اسبراى بيترش على البشره يمنع الناموس يوصل للجسم
فارس : هدى انا طالع باره
ام هدى : فارس فارس
عجبك جوزك جابلى فلت اعمل بيه ايه ده
هدى : سيبك من الفلت هنعمل ايه مع تقى
ام هدى : "