رواية قلب فاضي
الفصل الخامس عشر والسادس عشر والسابع عشر
#قلب_فاضي
الحلقه { 15 }
ام منير : راجع ايد ورا وايد قدام مستعنتكش ورجعت معاك احسن
محمود : لا يا ماما انا اللى داخل الم هدومى عشان هروح اعيش معاها عند امها
ام منير : ( بعلو حسها ) يا لــــــــهـــــــوــــى
( ابو منير كان فى الحمام طلع يجرى واحمد كان ناييم قام منطور من السرير هو وسومه )
ابو منير: فى ايه يا رزقه حصلك ايه ؟
احمد : فى ايه ؟
سومه : مالك يا ماما فى ايه ؟
ام منير: اتوكست فى خلفتى العيال مسحورين يا رزق مسحورين
ابو منير: اعوزو بالله
محمود : ماما افهمى بس
ام منير: افهم افهم ايه دانته رايح تجبها معاك او تطلقها راجع انته اللى تروح تقعد عندهم طب اعمل ايه انته معملك عمل والوزه اللى كانت رسماها دى هى الجن اللى ركبك
منير: يطلق ايه بس ان ابغض الحلال عند الله الطلاق اوعى تعمل كده
ام منير: هو يقدر يطلقها دا كان الجن اللى عليه يمرمتو فى الارض كده زى البنات اللى جابتهم ريهام سعيد قبل كده
احمد : ماما انتى بتقولى كلام مالوش لازمه جن ايه وبتاع ايه بس اسكتى لما نفهم محمود هيقول ايه
محمود : هى هتشتغل مع نجوى فى الفراخ ولا مش عارف فى ايه ولازم تفضل هناك اتفقت معاها هتيجى نبات هنا خميس وجمعه والسبت الصبح نمشى ونرجع تانى الخميس بس هو ده كل اللى حصل
سومه : طب وانته ليه تخليها تشتغل هى ناقصها ايه ما بتاكل وبتشرب
ام منير: طبعا عاوزه يكون معاها فلوس عشان تجيب طلبات الاسياد
محمود : يا ماما حرام عليكى اسياد ايه وهى سلمى بتاعت كده ولا نجوى
بص يا بابا انته تعرف بالموضوع بتاع المشروع ولا لا ؟
ابو منير : اه اعرف اخوك قالى
محمود : نجوى كانت هتعمل المشروع ده فوق السطوح وعملو اوضه وعشش بس لقو المكان مش هينفع ومش هيكفى فا
ام منير : اه وانا اقول عملو ليه اوضه فوق السطوح اتارى عشان يعملو الاعمال منهم للسما ويكون الجن اللى مسخرينو على راحتو طب والله لنا مبلغه عنهم البوليس
ابو منير : انا مش عارف انا عملت ايه فى دنيتى عشان اتباليت بيكى يا بنت الناس بطلى تتكلمى على حد وتتهميهم بالباطل جن ايه اللى مسخرينو وهو لو نجوى مسخره جن هتتجوز ابنك المفلس
ام منير: اه هى تلاقى ضفرو السوده المقشفه
احمد : انا داخل جوا
محمود : وانا كمان
ام منير: استنى هنا انته لما روحت هناك شربت ايه ؟
محمود : شاى هشرب ايه كافيه لاتيه
ام منير : بتتريق يا واد دانته مالبوس حطولك العمل فى الشاى
سومه : انته لازم تروح للشيخ يطلعو منك على فكره
ابو منير : يطلع مين من مين وايه اللى انتى لبساه ده يا بت ايه الشورت ده وكمان البتاعه الحملات اللى لبسها دى
سومه : انا كنت فى اوضتى وسمعت ماما بتصوت فا جيت جارى
ابو منير : اخر مره اشوفك كده فهمه ولا لا
ام منير: يا خويه انته بتتخانق مع القلعه وسايب الملبوس ابنك ملبوس يا رزق
ابو منير : لا مش ملبوس يا رزقه
ام منير: ورحمة امى ملبوس
ابو منير : ورحمة ابويا مش ملبوس
محمود : خلاص خلاص انا داخل الم هدومى
ام منير : هتروح تعيش معاها وحيات امك هتشوف ايام سوده هتبعد عنى يا ولاه ؟
محمود : ابعد عنك ايه دا الكفر جنبنا تنزلى من كبرى بنها تدخلى يمين هتلاقى الكفر هناك 15 دقيقه بالعربيه
ام منير: لا انا عوزاك تكون جنبى هنا فى حضن امك مش حضن المخفيه شفيقه
محمود : ماما انا هروح لمراتى مش لحماتى وبعدين ما منير كمان عايش مع حماتو اشمعنى وكمان فارس ما عايش مع حماتو فى نفس العماره الشقه فى وش الشقه
ام منير: تصدق وتأمن بالله انا دلوقتى فهمت
المخفيه نجات عشان ابنها سابها وراح عاش مع حماتو فا راحت عمله عمل لاخوك عشان تنتقم
محمود : ربى لا اسألك رد القضاء ولاكن اسألك اللطف فيه ( وراح داخل وسابهم )
ام منير : رزق انته راجل حافظ كتاب ربنا ارقى محمود ولا اعملو حاجه الواد هيضيع
ابو منير : مش انا بتاع كتاب ربنا ؟
ام منير : اه يا اخويا
ابو منير: اللهم اسئلك بكل اسم هو لك تشفيها من ما اوبتلي به
منير : كلمتى اختك ؟
نجوى : اه هتطلع تتعشا معاهم مع انى قولتلها ماتكولش معاهم
منير كنت عاوزه اعمل انا وانته حاجه كده
منير :ايه يا حبى
نجوى : مش انته بتقول ان حمزه ده كويس ؟
منير : اه دا زى البنات فى ادبو واخلاقو بس البنات البنات مش البنات المسترجله زى واحده اعرفها
نجوى : مسترجله ؟ ماشى يا منير ليك زنقه
انا بقول يعنى لو تحاول تقربو من تقى بطريقه غير مباشره
منير : ازاى ؟
نجوى : مش حمزه عندك على الفيس ؟
منير : اه عندى
نجوى : وتقى كمان ايه رئيك لو تكلمو عن تقى فى اى موضوع عام وتجيب سيرت تقى وبعدين لو هو معجب بيها هيسئلك عليها فانته بقى تديلو حسبها على الفيس يتعرفو ببعض
منير: مخابرات دماغك دى مخابرات بس يعنى تقى متزعليش
الاعاقه اللى عندها
نجوى : هى مش ناقصها حاجه وكمان بتفهم اى حد بيكلمها من حركة شفايفو وهو فعلا لو حبها هيتعلم الاشاره وربنا يكرمهم
وبعدين دى ست بيت هيله وطيبه وحنينه ورومانسيه اوى وكمان بتطبخ احلى منى
منير: بتطبخ اه صحيح احنا من ساعت ما اتجوزنا مطبختيش انتى ليه ولا مره ؟
نجوى: ومالو يا مونى اطبخلك انا عندى اغلى منك بس عشان خاطر نوجى كلم حموزه
منير : ماشى هكلمو بس مش دلوقتى عشان هو قفل الفيس
نجوى : لا انا جاتلى فكره وبكده نكون احنا ماقولناش حاجه لحمزه
بص مش هو مره سئل على اسمها ؟
منير: اه ليه ؟
نجوى : بس حبيبى بص احنا نحط صور فراحنا انا وانته وهى فى الكوشه وتكتب على الصوره انا وحببتى نوجى ووتعمل منشان لحمزه وتقى فى نفس الكمنت هو بقى هيلاقى اسم تقى هيكلمها
منير: حماره قولى ليه ؟
نجوى : ليه ؟
منير : عشان تقى اسمها على الفيس قلب فاضى مش تقى
نجوى : بسيطه اكتب فى المنشان بتاع تقى ايه رئيك فيه يا تقى وانا عاريس
هو بقى هيفهم ان قلب فاضى هى تقى
منير: اه كده ممكن مش سهله انتى سوسه
قومى هتيلى الموبيل طيب
نجوى : خود يخليك لينا يا رب
حمزه: يادى نوجى بتعتك دى مش حلوه يعنى ايه ده دى تقى وقفه جنبهم
منير كاتب ايه رئيك فيه يا تقى وانا عاريس وممنشن لها معقول تكون هى قلب فاضى
طب ادخل على الصفحه بتاعتها كده
ايه ده 5 اصدقاء بس معقول ومفهمش غير 2 رجاله
البنت دى شكلها مؤدبه اوى انا نفسى اكلمها
لا عيب
اشوف كاتبه على الفيس ايه ؟
ايه ده دى مش كاتبه حاجه
دى رادت على منير
** انته دائما قمر يا منير انته ونوجى **
انا عاوز اكلمها
لالا عيب
فارس : اكلتى يا تقى ؟
تقى : اه هروح اتفرج على التلفزيون
فارس : ماشى
هدى : هى مش هتساعدنى فى غسيل الاطباق
فارس : الاطباق اللى هى ايه دا جبنه وزيتون ومربى
هدى : على الاقل تدخلهم معايا المطبخ
فارس : دا اول يوم اتلمى عشان متفهمش ان كلام نجوى صح
هدى : ماشى امرى لله
فارس : اعمليلنا شاى بلبن بقى
هدى : كمان شاى بلبن احضرلك شيشه بالمره
فارس : ( بسخريه ) شيشه تفاح مش بحب الكريز
( قام فارس وراح يتفرج على التلفزيون هو وتقى وهدى فى المطبخ )
فارس : فيلم ايه ده ؟
تقى : اجنبى
فارس : ايه دا مالهم الناس دى ؟
تقى : زومبى
( وتانى يوم راحت نجوى عند سليمان واشتغلت زى كل يوم وراحت راحه لتقى عند فارس )
هدى : منوره يا نجوى
نجوى : بنورك يلا يا تقى ندخل جوا بعد ازنك يا طنط
هدى معلش مصدعه اعمليلى قهوه مظبوط
هدى : انا اعملك قهوه مظبوط ؟
نجوى : امممممممممم ( وسابتها هى وتقى وداخلو جوى )
هدى : شايفه يا ماما وانتى تقوليلى خلى تقى تيجى تريحك دانا ناقص اعملها مونيكير وباديكير
ام هدى : بجد بتعرفى طب تعالى اعمليلى ضوفرى بدل ما اروح للكوافير
هدى : يا مرارتى يابا
سومه : كفايا بقى يا يوسف مش كل مره
يوسف : الله مش انتى قولتيلى انك بتبقى مبسوته واحنا بنعمل كده وبعدين اهو كلام بنكتبو
سومه : لا عيب وحرام كمان انا خايفه اللى احنا بنكتبو ده يكون زنى
يوسف : زنى ليه بقى هو انا لمستك ولا جيت جنبك دا مجرد كلام مكتوب
سومه : لا انا مش عاوزه كده وكمان انته مسحت الصوره بتعتى ولا لا
يوسف : لا وهمسحها ليه انا كل شويه باجبها وبتفرج عليها بجد كل حتى فيكى تجنن
سومه : امسحه لو سمحت بجد امسحها
يوسف : لا مش همسحها وبطلى سخافه بقى واتكلمى حلو زى ما كنتى بتتكلمى معايا
سومه : مش هتكلم معاك وامسح الصوره
يوسف : لو معملتيش اللى انا عاوزو هبعت الصوره لمنير ولمحمود
سومه :ايه لا انته مش بتحبنى وقولتلى هتتقدملى
يوسف : اه قولت بس مش دلوقتى لما يجيلى مذاجى ولما يبقى يجيلى مذاجى تعملى اللى اقول عليه وتخلينى اتكلم معاكى زى مانا عاوز ولو قولتى لا انا كمان هبعت المحادثه بتاعتى انا وانتى لمنير عشان يعرفو ان اختهم خبره
خليكى حلوه بقى وبطلى نكد
سومه : انته ممكن تعمل فيه كده
يوسف : ما قولنا خليكى حلوه يلا بقى انتى لبسه ايه؟
نجوى : حد زعلك ؟
تقى : لا بس هدى على اخرها منى
نجوى : مش مهم خودى خلى 100 جنيه دى معاكل لو عوزتى حاجه جبيها ولو خلصتى رصيد الموبيل قوليلى انا متطلبيش من فارس حاجه كفايه طلبات هدى وامها
انتى متعرفيش امها اسمها ايه ؟
تقى : لا معرفش
نجوى : عاوزه اعرف عشان لما ادعى عليها الدعوه تستجاب
تقى : شكلك تعبانه يا نجوى تحت عينك اسود
نجوى : الشغل انهاردا كان متعب اوى غسلت سجاجيد ومسحت الارض وصبنت حيطان
بس قريب مش هشتغل كده تانى جايلى طلبات كتير الحمد لله
تقى : سلمى دى جاتلنا من السما
نجوى :اه الحمد لله
بقولك تعالى نطلع نقعد معاهم بدل ما يقولو بنتودود
تقى : طب استنى البس النقاب ليكون خالها هيثم جه
نجوى : هههههه هيثم نايتى هو هنا ؟
تقى : اه هنا دا فرسنى امبارح داخل عليا انا وفارس كنت بنتفرج على فيلم زومبى اترعب وخاف وصمم نقلب الفيلم مش عارفه ليه
نجوى : ههههههههههه دلوعت ماما رشا هههههههههه
( خرجو هما الانتنين لقوام هدى وام هدى وهيثم )
نجوى : اهلا هيثم ازيك
هيثم : فاين
نجوى : فين القهوه يا هدى
هدى : هقوم اعملك
اعملك يا خالو ؟
هيثم : لا انا عاوز لبن خالى الدسم
نجوى : خالى الدسم ايه هتيلو من اللبن اللى جيباه لتقى
جيبه بقى يا هيثم لبن معيز يستاهل بوئك
هيثم : اووو يع لا انا مقدرش اشرب لبن مش معقم
نجوى : لا مانا غاليه فى الكزارونه ههههههههههه
هيثم : نونونو انا مش بشرب ده هتيلى التانى يا هدى
نجوى : خلاص برحتك
دا فارس جه كمان اهو حمدالله على السلامه
فارس : الله يسلمك
جايه من امته ؟
نجوى : ساعه كده شويه وهمشى قبل الضلمه
فارس : طب اتغدى معانا الاول
نجوى : لا ماما طبخه مومبار وكوارع هروح اتغدى هناك
هيثم : انتو ازاى بتكلو القرف ده
نجوى : قرف ايه دا جميل تمسك الممبار كده الله يا سلام ولا الكوارع تصدقو جوعت
تقى : انا نفسى فيهم
نجوى : اجبلك بكره وانا جايه مانا جايا بكرا
هدى : لالا انا مش بدخل الاكل ده البيت
نجوى: هو انتى اللى هتكلى دى تقى اللى هتاكل
فارس : طب وانا اعملى حسابى انا كمان
ام هدى : بجد اكل مش عارفه بطيقو تكلوه ازاى
نجوى : ( يا بنت الصرمه ماشى ) دا اكل حلو اوى طب انتى عارفه الكوارع دى ايه ؟
هيثم : لا بس حاجه كده مظفلطه
نجوى : مانته لو تعرف الكوارع دى روكب الجمل والمومبار دى مصارينو
هيثم : لا متكمليش
نجوى : ليه بس اومال لو كلت الكرشه بقى تعمل ايه
هيثم : ( قام جارى على الحمام يرجع )
ام هدى : بس بقى يا نجوى قلبتى بطنى
هدى : فارس لو هتاكل الحاجات دى متكولهاش فى البيت انا مش بحبها
نجوى : الله هو عاوز ياكل انتى زعلانه ليه ؟
انتى بس عشان لسه والده دائما قرفانه ما حد يدخل يشوف هيثم ليكون اغمى عليه ولا حاجه
هو صحيح اتجوز ولا لسه ؟
ام هدى : لا كل ما يتقدم لوحده الموضوع ميكملش
نجوى : انا هدعيلو وانا لما بدعى لحد خلاص اللهى ربنا يكرمك يا هيثم يا ابن ؟
هى امك ايها ايه ؟
ام هدى : شوشت
نجوى : يا هيثم يابن شوشت يا رب
ويكرمك يا هدى يا بنت
هو حضرتك اسمك ايه ؟
ام هدى: بوسى
نجوى : يا هدى يا بنت بوسى
ويصبرك على ما بلاك يا فارس يابن نجات
فارس : ( ومن جواه ) امين
هيثم : ( وهو فى الحمام ) حد يلحقنى بطنى مش قادر
نجوى : اديلو نص لمونه يمصها يا هدى
انا همشى بقى باى
( نجوى بعد ماروحت )
ام فارس : ها شفتى اختك ؟
نجوى : اه كويسه
ام فارس : ربنا ماكرمش لسه ؟
نجوى : لا الحمد لله كتب الكتاب الخميس الجاى
ام فارس : هاااااا بجد ونبى جالها عريس
نجوى : بابا انا داخله انام رد انته بقى
ابو فارس : انتى مش هتكبرى دماغك شويه ربنا هيكرم من يوم
ام فارس : ما ام هدى هى اللى قلتلى
ابو فارس : ربنا هقول ايه يا رب انته دارى بحالى والغنى عن سؤالى
حمزه : دى اونلين انا هكلمها وخلاص ردت ردت مردتش خلاص
السلام عليكم
ممكن نتكلم انا حمزه وعندى 26 سنه
تقى : وانا تقى 22 سنه
حمزه : على فكره انا صاحب منير اوى
تقى : انا عارفه هو قالى ولو مكنتش اعرف انك صاحب منير انا مكنتش رديت عليك
حمزه : طب موفقه نتكلم ولا مش عاوزه ؟
تقى : هنتكلم فى ايه ؟
حمزه : خلاص انا اسف ازعجتك ( وقفل اللاب )
ايه ده انا مالى متلج كده ليه
فيها ايه ما اكلمها عادى لا لحسن منير يزعل دى اخت مراتو برضو
حمزه : انا عاوز اكلمها انا غبى وجبان
ام حمزه : مالك يا حموزه
حمزه : متقوليش حموزه دى تانى
ام حمزه : طب اقولك ايه ؟
حمزه : حمزه بس ماشى انا داخل انام
( داخل ينام ام حمزه وراه )
حمزه : ايه يا ماما فى ايه ؟
ام حمزه : هغطيك يا حبيبى متخفش
حمزه : والله هعيط
سومه : اعمل ايه فى المصيبه دى انا ازاى عملت كده وبعتلو صورتى وانا مش لبسه حاجه انا ازى عملت كده كان عقلى فين
طب ما هو كمان بعتلى صورتو الاول
بس هو راجل منير ومحمود لو عرفو هيدبحونى
( داخلت ام منير )
ام منير: مالك يا بت بتعيطى ليه ؟
سومه : مفيش مخنوقه
ام منير: من ايه ؟
سومه : مش عارفه
ام منير: اه ما تلاقى العقارب مرتات اخواتك عملنلك عمل انتى كمان والله لهبلغ هنهم
( تانى يوم لبست ام منير وراحت قسم الشرطه ولقت امين شرطه واقف قصاد القسم )
ام منير: السلام عليكم يابنى
امين الشرطه : عليكم السلام يا امى فى حاجه
ام منير: اه فى واحده اعرفها هى وبنتها بيعملو اعمال وسحر فى بيتهم
امين الشرطه : طب ادخلى اعملى محضر بالكلام ده
ام منير: انا برضو هدخل قسم انا زى امك انا جايه ابلغ بس بص الست الكبيره اسمها نجات وبنتها اسمها نجوى دى بقى بتجيب الفراخ وتقدمها للجن دى سحره 2 قدام عينى الواحد من دول يبقى هيطلق مراتو خلاص
تعملو العمل من هنا يصالح مراتو وكمان يروحو يعيشو عند امها
امين الشرطه : بجد يعنى بتصالح المتجوزين لو متخنقين ؟
ام منير: اه بقولك بتسحرلهم
امين الشرطه : طب قدينى عنونهم بسرعه
ام منير: فعلا الشرطه فى خدمت الشعب ربنا يخليكم لينا صحيح شرطه وشعب وجيش ايد وحده
بص انته تروح تجرجرهم على الامن الوطنى وخليهم يعترفو
امين الشرطه : بصى اوعدك لو عرفو يعملولى عمل ارجع لمرات والله تانى يوم هقبض عليهم
ام منير: هو انته ومراتك متخنقين ؟
امين الشرطه : اه مراتى اتحنقت مع امى وسابتلى البيت يا ريت تدينى العنوان عشان اروحلها بدل هى وصله كده وسحره اتنين ؟
ام منير : يوكسك ربنا انا ماشيه
امين الشرطه : ايه الست الخولل دى ناقصها انا
طب ادينى العنوان طيب انا زى ابنك
حمزه : ماما بصى
ام حمزه : مين دول ؟
حمزه : دى صور فرح صاحبى منير دى بقى تقى شوفى حلوه ازاى ؟
ام حمزه : فين حلوه دى هى باين فيها حاجه
حمزه : عنيها يا ماما
ام حمزه : شيل البنت دى من دماغك انا مش موفقه وابوك كمان مش موافق
( بعد ما نجوى خلصت شغلها راحت لتقى )
نجوى : بس قالك كده بس ؟
تقى : ما الشات قدامك اهو
نجوى : خلاص كلميه انتى
تقى : لا لا انا اتكسف
نجوى : طب خلاص سبيها عليا انا انا هتصرف
انا ماشيه بقى والاكل ابقى لما فارس يجى ابقى اغرفيلو انتى
تقى : حاضر مع السلامه
( بعد ما نجوى مشيت )
تقى : يا رب لو خير ليه قربهولى واكتبهولى ولو شر ليه ابعدو عنى يا رب
( ويوم ورا يوم الطلبات على مشروع نجوى بتزيد وبتكتر وبدئ يكون فى مكسب صافى والحال اتظبظ )
منير : ماشيه معاك يا عم
نجوى : الحمد لله شفت بقى دماغى
منير: دماغ متكلفه
نجوى : شفت صحبك الخيبه ده حموزه مكلمش تقى غير مره واحده من 20 يوم
منير: مانا بقولك خيبه زى البنات
نجوى : طب ايه مش هتعمل حاجه ؟
منير : اعمل ايه يعنى
نجوى : انا طبعا فكرت وعندى فكره بس انته بقى تعملها
منير: ايه هى الفكره ؟
نجوى : "
#قلب_فاضي
الحلقه { 16 }
منير : اعمل ايه يعنى
نجوى : انا طبعا فكرت وعندى فكره بس انته بقى تعملها
منير : ايه هى الفكره ؟
نجوى : احنا نعمل الخطه رقم 66
منير : 66 اللى هى ايه ؟
نجوى : اقولك انته تتصل بحمزه بس المرادى تليفون مش شات وتقولو ان البيت فيه مشاكل هو بقى هيسئلك ليه حصل ايه
انته تقولو فى عريس متقدم لتقى وهى رفضاه وامها وابوه غصبين عليها
منير : خطه قديمه وهبله اوى وافرضى بقى سمع كده وقال خلاص هى هتتجوز وصرف نظر عن التفكير فيها دا اذا كان بيفكر فيها اصلا
نجوى : طب ايه هنفضل كده الصراحه انا عاوزه اجوز تقى نفسى تفرح يكون ليها بيت وراجل وعيال
يا خراشى دى ولاد تقى هيبقو قمر وخصوص لو اتجوزة حموزه وهو امور وحلو
منير : ايه انتى كمان مشوفتيش امو امو بقى قمر
نجوى : بس يارب تكون كويسه وطيبه
منير : هههههههه
نجوى : بتضحك ليه ؟
منير : اصل حمزه كان بيجيب معاه سندوتشات فى الجامعه مره بقى كنا خلصنا المحضرات وكنا وقفين باره الجامعه مستنين امو عشان تيجى تاخدو وانا كنت واقف معاه وهو بياكل عزم عليا بسنداوتش كان زبده بالمربى هى بقى جات يا لهوى على اللى حصل هههههه
نجوى : ههههه ايه حصل ؟
منير : ركبت حمزه العربيه وهى ركبت وفضلت تجرى ورايا بالعربيه وتقولى بتاكل اكل حمزه انا هدوسك ههههههههه
وياعينى وحمزه يقولها خلاص يا ماما انا اللى اديتو انا اللى اديتو وهى مصممه تدوسنى وبتجرى ورايه بالعربيه
نجوى : دى مجنونه ههههههه لا دى تقى هتعمل معاها ايه دى امك مره ضربتنى وكانت هتموتنى انا وسلمى اومال دى هتعمل مع تقى ايه ؟
منير : لا بس ست حنينه تانى يوم حمزه جه معاه سندوتشات ذياده امو قالتلو ليك واصحابك
نجوى : لا فيها الخير طب وهى بتجرى وراك بالعربيه انته عملت ايه ؟
منير : جريت
نجوى : طب فكك من امو خلينا فيه هو هنعمل ايه ؟
منير : بصى ده صاحبى وانا عارف مفاتيحو سبينى انا هظبطو
نجوى : يا رب يكتبلك الخير يا تقى يا رب
منير انا كنت عاوزه اعمل دفتارين توفير واحد ليه وواحد لتقى اعملهم ازاى ؟
منير : بتروحى البريد وتملى استماره وهما بيفتحولك حساب بس ليه لتقى انتى اللى بتشتغلى وتتعبى وبعدين كل فلوسك متزعليش بتصرفيها على عمى وعلى البيت
نجوى : هو انته شايفنى هحوش الالوفات انا بس قولت قرش كده او كده احط نصو ليه ونصو ليها عشان لما ربنا يكرمها يكون معاها فلوس تتجهز
منير : اعملى اللى انتى عوزاه
نجوى : طب ومالك زعلان ؟
منير : مزعلتش تصبحى على خير
نجوى : وانته من اهل الخير
فارس : مالك قاعده كده ليه ؟
هدى : هطق من جنابى من تقى
فارس : ليه عملتلك ايه ؟
هدى : مبتعملش حاجه اول ما ارجع من العياده ترميلى الواد وتدخل الاوضه وتقفل عليها اخبط مهما اخبط ارن التليفون ولا هى هنا
والبيت زى مانته شايف لو انا معملتش بالمكنسه ووضبتو هى مش بتعمل حاجه المطبخ مش بتغسل كبايا
فارس : هدى كفايا انها بتاخد بالها من هيثم واحنا باره
هدى : يا سلام طب مانا ممكن اخدو معايا ؟
فارس : خلاص خوديه معاكى وهى ترجع البلد
هدى : انته هتفرسنى ادخل دلوقتى قولها تساعدنى فى شغل البيت انا تعبت
واديها الواد تشيلو انا مهدوده طول النهار من المستشفى للعياده كمان هرجع اسهر بيه ؟
فارس : الله مش ابنك
هدى : طب ما هو ابنك انته كمان خلاص خود شيلو انته
فارس : انا تعبان وعاوز انام
هدى : قوم كلم تقى بجد انا مش قادره
فارس : اكلمها فى ايه فكك بقى وقومى اعمليلى عشا انا جعان
هدى : كمان عشا لا انا مش هستحمل انا هسيب البيت واروح عند امى
فارس : جنان انا مش عاوز
هدى : طب انا بس هسئلك سؤال احنا جايبين تقى تعيش معانا ليه ؟
فارس : عشان تاخد بالها من هيثم
هدى : حلو اوى انا بقى اول ما برجع من باره بتدهونى وانا بكون تعبانه وعاوزه انام انا بروح الشغل من 8 وبرجع البيت 10
فارس : هى من 8 الصبح لحد 10 بليل شايله الواد مش من حقها ترتاح شويه
هدى : طب انا مش من حقى ارتاح
فارس : دماغك بقى ولو مش مستحمله احنا لسه فيها ارجع تقى البلد وانتى اقعدى خدى بالك من الواد
وقومى اعمليلى عشا
هدى : الواد نام انا مش عامله حاجه انا هنام اعمل لنفسك
( وسابتو ونامت )
فارس : ( وهو بيكلم نفسو ) { اكيد هتبقى زى امك هتطلعى زى مين يعنى }
( خارج فارس ودخل المطبخ عمل سندوتش وشاى واكل ودخل نام )
( تانى يوم الصبح فارس داخل الاوضه على تقى لقها صحيه وشكلها زعلانه فضل يكلمها)
فارس : صباح الخير يا تقى
تقى : صباح النور
فارس : مالك زعلانه كده ليه ؟
تقى : انتو بتخرجو وبتسبونى طول النهار فى البيت وام هدى بتخرج وبتسبنى وانا لوحدى بازهق
فارس : معلش طب اتسلى فى شغل البيت ،ادخلى المطبخ اعملى اكله حلوه
اطلعى فى البلكونه شويه شمى هوا ،اتفرجى على التلفزيون ،ادخلى على النت ، فى حاجات كتير ممكن تعمليها عشان تتسلى
تقى : انا ماليش داعوه بشغل البيت وكمان المطبخ انا لما باكل فى طبق بغسلو ولو شربت حاجه بغسل الكبايا والاوضه بتعتى انا بنضفها وكمان لو قاعدة قدام التلفزيون بوضب مكان ما كنت قعده لاكن اوضب الشقه كلها لا
فارس : ليه يا حببتى دى مش بيتك
تقى : لا مش بيتى دا بيتك انته
فارس : بيتى هو بيتك
تقى : بقولك ايه هقولك على فكره انا هاخد هيثم وارجع البيت عند بابا وانته خميس وجمعه تعالو عندنا
فارس : لا مينفعش عشان الولد بس صغير ينفع يبعد عن امو يرضيكى
تقى : الله طب ما هو كده كده بعيد عنها دى بتخرج 8 مش بترجع غير 10 وبتبقى عاوزه تنام كمان
انا زهقت من القعده كده يا فارس
فارس : طب بصى خودى اللاب بتاعى العبى عليه
تقى اعملى اى حاجه هتتخلى عنى ؟
تقى : مقدرش اتخلى عنك بس
فارس : تقى حببتى عشان خطرى خليكى بقى انا همشى بقى اروح المستشفى عاوزه حاجه اجبهالك
تقى : انته فطرت ؟
فارس : لا هفطر فى المستشفى
تقى : وهدى فين ؟
فارس : قمت لقتها بتلبس بتقول عندا تفتيش
تقى : طب انا هعملك فطار خليك
فارس : مش عاوز اتعبك
تقى : لا يا حبيبى تعبك راحه شوف بس هيثم يكون بيعيط
فارس : لا مش بيعيط
تقى : طب انا هروح افطرك
( قامت تقى عملت فطار لفارس وفطرو سوى وهو نزل راح المستشفى وهى فضلت شايله هيثم وقاعده قدام التلفزيون)
سومه : ماما انا عاوزه اخرج
ام منير : هتروحى فين ؟
سومه : هتمشى هروح السوق اشوف لبس جديد
ام منير : لبس ايه دانتى الدولاب بتاعك هيقع من كتر الهدوم
سومه : طب هروح عند اى حد من اصحابى
ام منير : مفيش خروج لوحدك
سومه : طب اروح عند منير
ام منير : يابت انتى مبتفهميش مش قولتلك مفيش خروج لوحدك
سومه : يا ماما المدارس هتبتدى وانا مخرجتش
ام منير : وهو انتى لما تروحى المدرسه كل يوم راحه جايه ده مش خروج
سومه : لا مش خروج ده تعليم
ام منير : مفيش خروج وبعدين هتروحى لمنير تقعدى مع مين تقى راحت عند اخوها ونجوى مش فاضيه هترحى تقعدى مع امها
سومه : يوووو بقى انا عاوزه اخرج طب نص ساعه وراجعه تانى
ام منير : لا مفيش خروج عاوزه تخرجى استنى حد من اخواتك يخرجوكى
سومه : يووو بقى انا داخله انام
ام منير: تعالى اعملى معايا الاكل اتسلى مرات اخوكى ماجاتش انهارد مع ان انهارده الخميس
سومه : لا انا هدخل انام
( داخلت سومه الاوضه بتاعتها )
ام منير : منك لله يا نجوى انا مش عارفه البت كمان مسلمتش منك
سومه : قولتلك مش عارفه اخرج ماما مش عاوزه تخرجنى
يوسف : خلاص برحتك انا بس قولت نتهوى شويه تعرفى لو كنتى جيتى كنتى هتبقى مبسوطه اوى
سومه : يوسف وحياتى عندك تعالى اتقدملى بقى نتخطب بس حتى
يوسف : لا مش دلوقتى لسه بدرى وبعدين انا مش معايا اجيب شقه
سومه : مش مهم ممكن نعيش عندنا فى اوضتى زى نجوى ومنير
يوسف : لا طبعا انا عاوز اكون برحتى فى بيتى طب مانا ممكن اتجوزك فى شقت امى لاكن انا مش عاوز
سومه : طب بص بقى انا مش هقدر انزل
يوسف : ماشى برحتك بس الصوره اللى معايا بقى ههه
سومه : انته هتذلنى اعمل اللى انته عاوزو وبعدين انا ديتها هخد علقه من ابويا لاكن انته هتتجوزنى غصب عنك
يوسف : لما نشوف سلام يا خبره
( بعد ما خلاصت الشات مع يوسف )
سومه : انا هعمل ايه دلوقتى انا لازم اخد امسح الصوره دى منه بس هاخد موبيلو ازاى ولا هعمل ايه
يارب اعمل ايه يا رب
نجوى : كده حسبنا كام ؟
سليمان : 1000 جنيه بس انا ليه 20%
نجوى : ماشى خود 200 جنيه بس حاول المره الجايه تجبلى طلبات اكتر الحمد لله الانتاج كتير
سليمان : مفيش ديوك رومى ؟
نجوى : ادورلك عاوز ايه تانى ؟
سليمان : بصى السكان هنا مش بيفكرو غير فى الاكل اى حاجه بتتعضعض هتيه
نجوى : ماشى ايه ده سومه بتتكلم ؟
بقولك هرد عليها عقبال ما تطلع تحاسب مدام ايفون وتنزل تحسبنى انا غسلتلها الستاير ومسحتلها الشقه وكمان صبنتلها المطبخ اطلع حسبها بقى
سليمان : ماشى انا طالع وانتى خليكى هنا
نجوى : ماشى
الو ايوه يا سومه ؟
سومه : نجوى انا فى مصيبه ومش عارفه اعمل ايه ؟
نجوى : قولى لماما وهى هتتصرف مش انا صايعه وبتمدى ايدك عليا ؟
سومه : انا اسفه سمحينى ارجوكى تعالى خودينى من البيت انا عاوزه اتكلم معاكى انا بقولك انا وقعه فى مصيبه
نجوى : طب انا هجيلك بس انا فى الشغل دلوقتى
سومه : لازم تجيلى انهارده وتخدينى من البيت
نجوى : ليه مالك ؟
سومه : هقولك بس متقوليش لمنير ونبى
نجوى : طيب ماشى شويه كده كام ساعه كده جيالك
سومه : طب سلام
سليمان : خودى 120
نجوى : ماشى سلام
سليمان : جايه بكرا ؟
نجوى : لا بكرا الجمعه اجازه
انا هروح لأختى وهروح بقى سلام
سليمان : طب خودى دى الطلبات
نجوى : ماشى هات سلام
تقى : انا زهقت يا نجوى طول الوقت قعده كده وام هدى مش بتيجى طول الوقت فى النادى وانا لوحدى
نجوى : طب ما تروحى معاها
تقى : مش عارفه بقى انا زهقت
نجوى : طب اعمل ايه طيب والله انا كمان دايخه ويوم مع بابا وارجع اساعد ماما فى شغل البيت وكمان انضف الحاجه وبسافر لسلمى انا حياتى مقلوبه
تقى : طب خلاص انا اسفه انى بشكيلك متزعليش
نجوى : لا يا حببتى انا مش زعلانه انا همشى بقى عاوزه حاجه معاكى فلوس ؟
تقى : اه انا مصرفتش لسه 100 جنيه معملتش بيها حاجه
نجوى : طيب انا همشى سلام
ام منير: اهلا ايه جابك
نجوى : عادى جايه ازوركم ازيك يا عمى
ابو منير : اهلا يا نجوى ازاى ابوكى عامل ايه ؟
نجوى : الحمد لله نشكر ربنا
ام منير : ايه لسه مفيش حاجه جايه فى السكه انتو بقلكم شهر
نجوى : لا مفيش هى سومه فين ؟
ابو منير: فى اوضتها ادخوليلها
نجوى : بعد ازنك
ام منير : استنى هاتى الشنطه دى ؟
نجوى : ليه هتمشيها على السير هو احنا فى المطار ولا ايه ههههههه ؟
ام منير: مش يمكن فيها حاجه ؟
نجوى : عمى الشنطه اها امانه عندك
وكمان بصى البنطلون مفهوش جيوب تمام كده ؟
انا داخله لسومه
( وداخلت نجوى لسومه )
ابو منير: انتى مش هتبطلى حركاتك دى ؟
ام منير : مش يمكن تكون الشنطه دى فيها عمل ولا حجاب ترميه للبت فى اوضتها هات افتشها
ابو منير :لا دى امانه اوعى مش هتفتحيها
ام منير : امانه هو انا هقلبها انا هفتشها
ابو منير: قولت لا دى امانه
نجوى : انتى ازاى تعملى كده ؟
سومه : كنت فكره انو بيحبنى
نجوى : بيحبك ايه يا متخلفه دا عرفك مصلحه عشان يشوف تقى وانتى زى الهبله عملتى اللى هو عاوزو
سومه : طب اعمل ايه دلوقتى ؟
نجوى : وانا ايه عرفنى ولا هعمل ايه ممكن ناخد منو الموبيل بس هناخدو منو ازاى ؟
سومه : ما المشكله ان الصوره على الواتس وحتى لو اخدنا الموبيل لو فتح من اى موبيل تانى نفس الرقم المحدثه والصور موجوده فى السجل لازم السجل يتمسح من التليفون وكمان ممكن الصوره تتمسح من المومرى
نجوى : وانتى عارفه كده ورغم كده بعتيلو صورتك
طب متعيطيش انا هتصرف
سومه : هتعملى ايه ؟
نجوى : مش عارفه بس هفكر
انا همشى بقى عشان أتئخرت
سومه : نجوى اقفى جنبى انا زى اختك
نجوى : متخفيش بس انتى غلطى
سومه : عارفه بس كنت فكره انو بيحبنى
نجوى : مفيش حد بيحب حد بيعريه او بيخليه يقول كلام يغضب ربنا اخوكى فضل خطبنى سنه ونص ممسكش ايدى
سومه : انا غلط بس اعمل ايه ضحك عليا
هتقولى لحد هتقولى لمنير ؟
نجوى : لا طبعا
خلاص انا بقى انا همشى وهتصرف متخفيش
ابو فارس : مالك يا نجوى بتفكرى فى ايه ؟
نجوى : ولا حاجه يا بابا
منير : عمى التاكسى انا كنت عاوز اغيرلو الزيت
ابو فارس : ماشى غيرلو بس قولى الحمد لله شغال ؟
منير: الحمد لله رضى
ابو فارس : الحمد لله
منير: انا كنت عاوز انزل اشتغل فى القاهره احسن من هنا
ابو فارس : هتسافر بالتاكسى كل يوم هتستهلك بنزين كتير
منير: بس الشغل هناك اكتر دا اليوم اللى نجوى بتروح فيه القاهره وترجع بشتغل فيه ب يومين من لما اشتغل هنا
ام فارس : اه ما اصل القاهره كبيره والناس فيها كتير
منير : اه والله يا ماما
نجوى انتى شكللك فى حاجه كبيره ؟
نجوى : لا مفيش بفكر بس فى حاجه كده بقولكم ايه هو يوسف بيشتغل فى ايه ؟
ام فارس : يوسف ابن ام يوسف ؟
نجوى : اومال ابن ام حسين ؟
ام فارس : يا ساتر عليكى
منير: بيشتغل موظف فى بنك
نجوى : امممم طيب
منير : بتسئلى عليه ليه ؟
نجوى : لا ابدا اصلى شوفتو وانا جايه فا بسئل
اكلتو اشيل بقى
ابو فارس : انا الحمد لله
منير : وانا كمان
ام فارس : قومى سعدينى ياختى بلا يوسف بلا قرف
( قامت نجوى تدخل الطبقات المطبخ وتغسل الطبقان )
ام فارس : ها عامله ايه مع جوزك ؟
نجوى : الحمد لله كويسين
ام فارس : مش تعبانه ولا حاجه مش حسه انك حامل ؟
نجوى : هو انا لحقت حامل ايه دا لسه شهر
ام فارس : وهو شهر قليل دا كتير اوى لا شدى حيلك كده عاوزه افرح بيكى
نجوى : شدى حيلك وادخلى الجامعه عشان افرح بيكى
شدى حيلك عشان تتخطبى وافرح بيكى
شدى حيلك عشان تخلصى الجامعه وافرح بيكى
شدى حيلك عشان تتجوزى وافرح بيكى
شدى حيلك عشان تخلفى وافرح بيكى
هو فى ايه هفضل اشد لحد امته انا زهقت اغسلى الطبقان لوحدك حسى بيه بقى
( وسابتها وداخلت الاوضه وقفلت الباب )
ابو فارس : هى مالها يا منير انته مزعلها ؟
منير : لا والله يا عمى طب هقوم اشوفها
( ودخل منير يشوفها )
ابو فارس : هى مالها عملتلها ايه ؟
ام فارس : مانته عارفها مجنونه وقللت الادب بقولها مش حسه انك حامل قالتلى لا فا بقولها شدى حيلك عاوزه افرح بيكى بس قولت ايه انا غلط ؟
ابو فارس : البنت مضغوط حرام عليكى اتجوزت ومفرحتش ولا اتفسحت زى باقى الناس وبتنزل تشتغل وبتصرف على البيت وكل ده مش حسه بيها
ام فارس : يعنى هى لما تحمل وتشتغل هيحصل ايه ؟
ابو فارس : وهو بأديها دى حاجه بتاعت ربنا ادعلها انتي بس
منير : مالك فى ايه ؟
نجوى : مفيش متعصبه شويه
منير : بصى انا فكرت فى موضوع حمزه وتقى
نجوى : منير انا مش عاوزه اسمع حاجه معلش انا بفكر فى حاجه
خود كلم سلمى على الواتس وابعتها الطلبات دى وقولها هروحلها بكرا اخودها
منير: بس انا مش هقدر اوصلك بكرا التاكسى هوديه الصيانه
نجوى : انا لزم اشترى عربيه
منير: بس العربيات غاليا ؟
نجوى : انته عبقرى يا منير عبقرى
منير : انا ليه انا عملت حاجه ؟
نجوى : العربيه عاوزه فلوس والفلوس فى البنك والبنك مين بيشتغل فيه ؟
منير : مين ؟
نجوى : انا هنام تصبح على خير
منير : تنامى ايه انهارده الخميس
نجوى : لا بقولك ايه فكك انا تعبانه
منير : طب موضوع حمزه
نجوى : لا مش وقت حمزه دلوقتى
تصبح على خير
حمزه : هاى ممكن نتكلم ؟
تقى : هاى ازيك
حمزه : الحمد لله انتى مشغوله ؟
تقى : لا قاعده بهيثم
حمزه : مين هيثم ؟
تقى : هيثم ابن اخويا هو صغير لسه مولود فا انا قاعده بيه
حمزه : وامو فين ؟
تقى : بتشتغل لسه ماجاتش من العياده اصلها دكتوره
حمزه : وازاى تسيب ابنها كده تعرفى انا ماما كانت بتشتغل فى وزارة الخارجيه وكانت ممكن تبقى ملحق دبلوماسى بس اول ما خلفتنى سابت شغلها وفضلت معايا
تقى : مامتك دى حنينه اوى انا برضو لو فى يوم اتجوزت وخلفت مش هسيب ولادى ابدا
حمزه: هو انتى دارسه ايه ؟
تقى : زراعه وانته ؟
حمزه: انا تجاره ادارة اعمل وبشتغل فى الامارات عندى شركة تخطيط
تقى : يعنى بتخطط ايه ؟
حمزه: بفكر فى مشروعات وبحط البلان بتعتها وازاى تتنفذ وكده
تقى : امممم ربنا يوفقك
حمزه: هو انتى مرتبطه ؟
تقى : لا وانته ؟
حمزه: انا كمان لا
طب حبيتى قبل كده ؟
تقى : لا والله عمرى ولا حتى اتخطبت
حمزه: معقول طب ليه ؟
تقى : عاوز الحقيقه ولا حاجه تانيه ؟
حمزه: لا الحقيقه
تقى : عشان انا عندى اعاقه
حمزه: ازاى انا شفتك بتمشى وبتتحركى وبتشوفى
تقى : انا مش بسمع ومش بتكلم
حمزه: ايه اه طب ده من ايه ؟
تقى : انا مولوده كده
حمزه: اممم طب تمام استأزن بقى عشان عندى شغل الصبح
تقى : بكرا الجمعه
حمزه: اه بس عندى شغل برضو
تقى : طيب سلام
( ركنت الموبيل جنبها )
اكيد انته زى كل الناس مش معقول هتفكر فيه وانا كده
اول ما عرفت انى مش بتكلم غيرت رئيك طبعا مانته مش ناقصك حاجه
حمزه : ايه يا رب الحظ الزفت ده
اللى حبتها تطلع خرسه وطرشه
والله حرام طب وايه يعنى احسن ما تكون رغايه وتصدعنى
لالا ماما مش هترضى وكمان بابا
( مسك الموبيل وطلع صورتها )
بس دى عنيها حلوه اوى
الله هو بجمال العنين ما ممكن تكون وحشه وعنيها هى اللى حلوه
طب انا عاوزه اعرف شكلها ايه اعمل ايه دلوقتي
( تانى يوم بعد ما منير نزل يصلى الجمعه وراح يصلح التاكسى نجوى كلمت يوسف فى التليفون )
نجوى : "
#قلب_فاضي
الحلقه { 17 }
( تانى يوم بعد ما منير نزل يصلى الجمعه وراح يصلح التاكسى نجوى كلمت يوسف فى التليفون )
نجوى : الو السلام عليكم
يوسف : عليكم السلام مين معايا ؟
نجوى : انا نجوى مرات منير رزق
يوسف : اه ازيك يا نجوى عامله ايه وازاى عمى ومرات عمى وتقى
نجوى : الحمد لله تمام انته اخبارك ايه وخالتى عامله ايه فكت الجبس ولا لسه
يوسف : اه فكتو باقلها كتير حوالى 15 يوم
نجوى : طب الحمد لله
ااااااااا بصراحه يا يوسف انا كنت عاوزه اقبلك عشان فى موضوع كده عاوزاك تساعدنى فيه
يوسف : موضوع ايه ؟
نجوى : شغل انا عرفت انك شغال فى بنك فا بقول لو تقدر تساعدنى هكون متشكره اوى
يوسف : اسعدك فى ايه ؟
نجوى : بص لو فاضى هاعدى عليك ونروح نتكلم فى اى مكان
يوسف : طب ومنير يعرف انك هتقبلينى ؟
نجوى : اه طبعا مانا باقولو على كل حاجه دا حتى بابا هيجى معايا
يوسف : عمى طيب ماشى
نجوى : انا هجيب بابا ونجيلك اهو
يوسف : ماشى
نجوى : ماشى السلام عليكم
ايه يا بابا انته لسه ملبستش ؟
ابو فارس : يا بنتى انا مش فاهم حاجه قرض ايه وعربية ايه اللى عاوزه تجبيها البنك عشان يديكى قرض لازم يكون عندك اصول ملكيه عشان يدوكى القرض بضمنهاانتى عندك اصول ؟
نجوى : مش مهم بس قوم معايا عشان خطرى ومتنساش زى ما فهمتك تقول ايه ليوسف
ابو فارس : ماشى يا نجوى لما اشوف اخرتها معاكى هقوم البس
هدى : انا راحه العياده يا تقى عاوزه حاجه ؟
يوووو كل مره انسى ( قربت منها وهزتها ) تقى
تقى : ( انتبهت لها ) نعم
هدى : انا نزله راحه العياده عاوزه اجبلك حاجه وانا جايه ؟
تقى : لا
هدى : انتى مالك زعلانه ليه ؟
تقى : ( عنيها مليانا دموع محبوسه مسكت موبايلها وكتبت عليه ) مفيش حاجه
هدى : طيب انا هاجى بدرى على 8 هكون هنا ماشى
تقى : طيب
هدى : سلام
( وهدى نازله على السلم )
هى مالها انا والله ما زعلتها ليكون زهقت من القعده لوحدها اه ما اكيد بتزهق طب انا اعمل ايه انا هخبط على ماما اقولها تاخودها معاها النادى )
ام هدى : انتى بتخبطى مش معاكى المفتاح لازم تقومينى
هدى : معلش اصلى مستعجله انتى راحه النادى انهاردا ؟
ام هدى : اه راحه عندى تمرين تنس
هدى : طب خودى تقى معاكى عشان زهقت من القعده
ام هدى : مش هيرضو يدخلوها النادى عشان منقبه
هدى : يووو بقى اتصرفى
ام هدى : يعنى اتصرف ازاى اخليها تنط من فوق اسور ؟
هدى : معرفش المهم خوديها معاكى
ام هدى : طيب انا هروح التمرين وارجع اخودها نروح المول نشترى شويت حاجات
هدى : ماشى بس المهم هويها شويه ومتنسيش لما تعوزى تخبطى عليها الشقه كلميها على الواتس او الفيس لو فضلتى ترنى الجرس مش هترد
ام هدى : والله حفظنا انتى بقيتى زنانه
هدى : طيب انا ماشيه سلام
يوسف : اهلا يا عمى اهلا يا نجوى
نجوى : اهلا بيك
يوسف : طب هنتكلم على الباب اتفضلو
ابو فارس : لا تعالى انته نتكلم فى اى مكان
يوسف : ماشى يا عمى بس مش خير يعنى ؟
ابو فارس : اه طبعا
يوسف : طب عربيتى هنا نركبها ولا نتمشى
ابو فارس : اه هاتها انا خلاص مابقتش اقدر امشى خلاص عجزة يا يوسف هههههه
يوسف : ربنا يديك الصحه طب تعالو اركبو اتفضلى يا نجوى
( بعد ما وصلو كفاتريا فضلو قعدين فيها )
المتر : تشربو ايه ؟
يوسف : انا قهوه مظبوط
ابو فارس : انا ليمون
نجوى : انا شاى
المتر : حاضر
نجوى : بص يا يوسف انا كنت محتاجه عربيه نقل بس مش كبيره يعنى وفى نفس الوقت تكون عربيه تنفع انقل فيها حاجات وكمان نركبها كلنا بص زى الصوره دى
يوسف : تمام
نجوى : اكيد انته بتقول من جواك طب انا مالى انا هقولك
انا مش معايا فلوس الصراحه اجيبها بس انا شغلى محتجلها اوى فا فكرت انته شغال فى بنك ( موبيل نجوى رن ) طب معلش ثوانى ارد دا فارس
الو ايوه يا فارس مالك صوتك فى ايه ؟
ايه ضربتها ليه ؟
الو الو يا دى النيله الموبيل فصل بابا موبيلك فين ؟
ابو فارس : موبيلى انا نسيت اجيبو باين هو فى ايه ؟
نجوى : فارس اتخانق مع مراتو وضربها وراح التليفون فصل
يوسف : طب خودى موبيلى انا اتفضلى
نجوى : شكرا يا يوسف معلش هروح اتكلم يا بابا هناك عشان الاغانى مش هسمع التليفون
يوسف : روحى انا قاعد مع عمى
( قامت نجوى واخدةالتليفون معاها )
يوسف : عمى اللى فهمتو ان نجوى عاوزه عربيه بس مش معاها فلوس يعنى هى عوزاها بالقسط والبنك هى اللى يشتريهلها ؟
ابو فارس : اه انا قولتلها لازم يكون عندك مرتب او حاجه تضمنى حق البنك
يوسف : بالظبط انا كنت هقولك كده
ابو فارس : مش عارف والله يابنى نجوى دى اصلها مش بتصدق غير لو سمعت الكلام من اكتر من حد
( راحت نجوى على جنب بعيد عن عنين يوسف وبابها )
الواتس اسمها ايه على الواتس يخربيتك يا يوسف دول كلهم بنات طب انا هعرفها منين دى
اه ادور على الاسم برقم التليفون صح
اهو 01122515 اهو الخبره مسمسها الخبره كاتبين ايه بقى
( فتحت المحادثه اللى بين يوسف وسومه ) هااااااااا نهار اسود ايه الكلام ده
هاااااا
مش ممكن يخرب بيتك يا سومه انتى ازاى بتقولى كده
ينيلك يا منير دانته طلعت فوله شمعه منوره على اللى اخوتك فيه ده
الحق امسح المحدثه اهو خيارات مسح المحدثه تم
الصوره بقى فين ؟
كل دول صور
منك لله يا مخفى انتى
هااااااااااااا ايه الصور دى استغفر الله سمحنى يا رب انا مش قصدى ابص استغفر الله
هااااااا يخربيتك انتى متصوره كد ازاى يا بنات الصرمه لو امك شافتك هتكلك
دانا اللى متجوزه عمرى ما قعدت كده قدام جوزى
انا همسحها لا انا هبعتها بلتوث عشان لو طولت لسنها عليا اطلعها واهددها اه صح ( بعتت الصوره لموبايلها وراحت مسحت الصوره )
بس كده الحمد لله ( ورجعت قاعدت تانى مع يوسف وابوها )
نجوى : معلش اتئخرت عليكم موبيلك يا يوسف ؟
ابو فارس : فارس مالو ضرب مراتو ؟
نجوى : لا مش ضربها ضربها اتخانق معاها رجع البيت ملقاش اكل بتقولو ما تقى موجوده متبخطش ليه كلمو منو على منها راح زقها امها بقى عملتلو مشكله بس خالها صالحهم دلوقتى
ابو فارس : اخوكى دا هيروح فى دهيه بسبب العصابيه دى
نجوى : المهم سيبك منه خلينا فى حالنا
زى ما قولتلك يا يوسف البنك بقى ممكن يشتريلنا عربيه ونقسطلو حقها
يوسف : هو ممكن بس لازم يكون فى ضمان
نجوى : ضمان زى ايه ؟
يوسف : شقه او مثلا مرتب ثابت كل شهر بحيث البنك بيخصم على طول من المرتب مش منك كا فرد فهمه
نجوى : اه طب عربيه زى اللى وريتك صورها دى تساوى كام ؟
يوسف : بحوالى 120 الف
نجوى : لا كتير اوى
يوسف : دى لو جديده ممكن تروحى سوق السيارات هتلاقى حاجات مستعمله وسعرها اقل بس دى هتبقى كاش
ابو فارس : شفتى زى ما قولتلك عشان دماغك ناشفه
نجوى : طب مانته شغال فى بنك متقدرش تعملنا اى حاجه يعنى
يوسف : انا لو فى ايدى حاجه انا متأخرش يا نجوى
نجوى : طيب خلاص بقى
ابو فارس : عطلناك يا يوسف معلش
يوسف : متقولش كده يا عمى انته زى ابويا ونجوى اختى والله
ابو فارس : ربنا يكرمك يابنى
نجوى : طب نمشى بقى عشان لسه ورايا اكتر من حاجه
يوسف : ماشى نحاسب بس
ابو فارس : عيب ابقى انا موجود وانته تحط ايدك فى جيبك انا زى ابوك انته مش قولت كده
يوسف : بس يا عمى
ابو فارس : لا مابسش هو المتر فين
( وصالت نجوى بابها على البيت وراحت هى عند سومه البيت )
ام منير : انتى فى حاجه يا نجوى ؟
نجوى : لا بتوحشينى فا باجى اشوفك ازيك يا احمد
احمد : الحمد لله يا نجوى انتى عامله ايه ؟
نجوى : الحمد لله ها الجيش فاضل قد ايه ؟
احمد : فاضل شهر هسلم اخر 9 ان شاء الله
نجوى : ان شاء الله
هى سومه جوا ؟
ام منير : اه جوا
نجوى : طب انا دخلالها
ام منير: استنى هنا ؟
نجوى : ايه فى حاجه ؟
ام منير : مش مرتحالك هى الشنطه بتعتك فين ؟
نجوى : شنطتى فى البيت هاجبها ليه هنا البيت خطوتين من هنا ، معلش بعد ازنكم عشان مستعجله
( وداخلت لسومه )
سومه : يعنى متئكده انك مسحتى كل حاجه ؟
نجوى : بصى انا داخلت على اسمك على الواتس وعملت خيرات ومسحت المحادثه مش كده صح ؟
سومه : اه برافو عليكى طب والفيس مسحتيه ؟
نجوى : فيس لا انتى مقولتيش فيس انتى قولتى الواتس بس والصوره
سومه : يا مصبتى طب ليه ما داخلتيش على الفيس
نجوى : انتى مقولتليش الفيس انتى قولتى الواتس بس والصوره كمان داخلت جوا الصور عندو ومسحتها
سومه : انا كنت مكلمها على الفيس وبعتالو صور برضو عليه
نجوى : صور وكمان مش صوره يعنى فى صور غير اللى شوفتها ومسحتها فى حد يعمل كده طب نعمل ايه دلوقتى انا عملت قرد عشان اخد موبيلو وبابا جه معايا عشان اضحك عليه واخد موبيلو وفى الاخر يا جزمه تقوليلى لسه الفيس وكمان صور ؟
سومه : طب اعمل ايه دلوقتى
نجوى : عملك اسودانتى بعد اللى عملتيه جايه تقولى اعمل ايه
بصى يا سومه انتى متكلمهوش تانى وغيرى رقم تليفونك واوعى تكلميه
سومه : طب ما ممكن يكلمنى على الفيس
نجوى : اقفلى الفيس الغى الحساب ده
سومه : الغيه لا مقدرش
نجوى : ليه ان شاء الله ؟
سومه : انا كندى كراش المستوى 154 والمزرعه المستوى 90
نجوى : 90 عفريت ينطاطوكى انتى يا بت معندكيش دم مفيش تفكير دانتى عامله مصيبه
بطلى عياط
سومه : حاضر هقفل الفيس ومش هكلمو حاضر
نجوى : انا همشى وانتى خلى احمد ينزل يجبلك خط جديد والخط اللى معاكى ده احرقيه
سومه : حاضر
نجوى : سلام
( بتفتح الباب لقت ام منير فى وشها )
نجوى : هااااااا بسم الله الرحمن الرحيم
فى ايه يا ماما وقفه كده ليه ؟
ام منير : هو فى ايه ؟
بتتودودو فى ايه ؟
نجوى : ولا حاجه مفيش سلام بقى ( واخدت دلها فى سنانها ومشيت )
ام منير: فى ايه يا سومه الحربايه دى كانت بتقول لك ايه ؟
سومه : ماما متقوليش عليها كده نجوى كويسه وطيبه وبتحبنى
ام منير : يـــــلاهــــــــوى
احمد : ( جرى يشوف مالهم ) فى ايه مالك يا ماما
ابو منير : فى ايه انا قمت مفزوع من النوم مالكم
ام منير: نجوى سحرت البت نجوى سحرتها هى كمان
سومه : بطلى بقى انا زهقت من الكلام بتاعك ده مفيش حاجه اسمها سحر ونجوى بجد كويسه وسلمى كمان بس انتى اللى مش عاوزه تشوفى كده
ابو منير: عمرى ما عملتها فى حياتى بس يمين طلاق تلاته لو صوطى تانى ولا صوتك طلع وقولتى موضوع السحر ده تانى هتكونى طالق فهمه ولا لا
ام هدى : عجبك المول يا تقى ؟
تقى : ( كتبتلها على الموبيل ) اه حلو اوى وكبير انا اول مره ادخل مكان زى كده
ام هدى : تعرفى لو انتى مش منقبه كنتى جيتى معايا النادى الصبح
ما تقلعى النقاب ده والبسى طرحه وخلاص
تقى : لا مش عاوزه حد يشوفنى
ام هدى : ليه ؟ دانتى حلوه جميله دانتى احلى من هدى بنتى ههههههه
تقى : اكلمك بصراحه ؟
ام هدى : يا ريت ؟
تقى : انا وانا صغيره كل اللى يشوفنى كان يعجب بيه بس اول ما يعرف انتى مش بتكلم ومش بسمع يبعد عنى فا كده كده الناس بتبعد فا خلاص شكلى اللى بيقربهم منى دى هديت ربنا ليه انا بقى مش هخلى حد يشوفنى
ام هدى : بس ممكن حد يحبك وانتى كده والكلام والسمع ده مش مشكله
تقى : لا صدقينى مشكله محدش هيرضى بيه ولو حد رضى امو واهلو مش هيرضو خلينى كده احسن وبعدين انا وانا تحت النقاب لو حد كلمنى ومرضتش شئ طبيعى بيفكرو انى مش عاوزه اطلع صوتى عشان عوره انا كده مرتاحه
طب تعرفى انا بفكر اجيب نظاره سوده عشان عينى متبنش
ام هدى : لا مش للدرجادى
اقولك قومى نشوف نشترى حاجه
مين بيكلمك ؟
تقى : دى واحده صحبتى بتقولى النتيجه ظهرت ؟
ام هدى : اه وعملتى ايه ؟
تقى : ثوانى بس
"
"
"
الحمد لله انا ونجوى نجحنا
ام هدى : طب الحمد لله ليكى عندى هديه كبيره
تقى : متشكره اوى لا مش عاوزه
ام هدى : انتى زى بنتى قومى انا هروقك بس خودى شيلى الواد انتى انا تعبانه
تقى : ( اخدتو من اديها وفضلو يلفو على المحلات لحد 11 بليل)
فارس : امك اتأخرت اوى انا خايف على تقى
هدى : خايف على تقى ومش خايف على هيثم
فارس : كلمى امك طيب شوفيهم فين ؟
هدى : كلمتها مش بترد اعمل ايه ؟
اهو الجرس بيرن روح افتح
فارس : ( جرى على الباب ) كنتى فين يا تقى ؟
تقى : ( داخلت هى وام هدى وقعدو على الكنبه يرتاحو )
ام هدى : فى المول وجبنا شويت حاجات جميله شوف
هدى : الله حلو اوى الجيب دى بس قصيره
ام هدى : ما دى بتتلبس فوق البنطلون ده
فارس : وهو حضرتك هتلبسى اللبس ده ؟
ام هدى : اه ايه رئيك فى اللون ؟
فارس : مش موضوع لون بس حضرتك يعنى كبيره اللبس ده عاوز بنات فى سن تقى
ام هدى : كنت هجبلها هى قالتلى انها منقبه ومينفعش
فارس : هو بصراحه مينفعش اى سن اساسا
ام هدى : اسكت انته مش بتعرف فى الشياكه
متعرفوش هيثم جه ولا لا ؟
هدى : لا لسه
انا هقوم احضر العشا بقى عقبال ما هو يجى هو راح فينيا ماما ؟
ام هدى : راح تمرين ايروبكس
فارس : يا ضغط امى اللى مجانانى يامه
هو هيثم مش ناوى يشتغل ؟
ام هدى : اه ان شاء الله هيفتح شركة سياحه
ام فارس : بسم الله الرحمن الرحيم اللهم صلى على النبى ايه الحاجه دى كلها يا نجوى ؟
نجوى : دول شويت فراخ على بط على حمام على ارانب شغل
اه ياماما دراعاتى من الشيل مش قدره تعبت
منير: طب مكلمتنيش ليه كنت جيت اخدك ؟
نجوى : مانا ماجبتش كل الحاجه الباقى بكرا بعد ما ارجع من المستشفى هروح اجيب الباقى
ام فارس : طب احطلك الحاجات دى فى الفليزر ؟
نجوى : اه يا ماما ربنا يخليكى لحسن مش قادره انهاردا كان يوم طويل اوى
انا داخله انام
ابو فارس : مش هتتعشى ؟ داحنا مستنينك ؟
نجوى : لا اكلت مع سلمى ومحمود مسكو فيه
منير: ماشى ادخلى ارتاحى
نجوى : طيب تصبحو على خير
( وتانى يوم )
سومه : دا بيتصل ليه دلوقتى نصيبه يكون خد بالو من الواتس انو اتمسح
الو
يوسف : اهلا ازيك يا خبره ؟
سومه : بتكلمنى ليه عاوز منى ايه تانى ؟
يوسف : عاوز اقولك انك انتى ونجوى اغبيه لعبتو لعبه وانتو اغبيه فكرين انكم ازكياء وانتو اهبل من الهبل نفسو
انتى بعتى نجوى تضحك عليا وتمسح الواتس
اهى يا حلوه نسيت تمسح الصور اللى معايا وكمان الحاجات اللى على الفيس
سومه : بص انا بقولك اهو اوعى تكلمنى تانى انا مش عاوزه اعرف حشره زيك ؟
يوسف : صح انا فعلا حشره انى رضيت اكلم زباله زيك
بس انا عاوزه اقولك حاجه انا محبتكيش اصلا
سومه : يعنى ضحكت عليا منك لله
يوسف : يختى ظغنونه ههههه ضحكت عليكى وانتى ايه مكنتيش بتضحكى عليا تعرفى انا ممكن اعمل ايه بالصور اللى معايا ؟
سومه : لو حد شاف الصور دى انا هقتلك يا يوسف
يوسف : بيعجبنى اوى انك واخده الموضوع بدرامه بجد لازم تدخلى معهد تمثيل ونصيحه منى تخدى كل ادوار الاغراء بيجد هتقعدى كتير فى بيوتهم لان كل الادور اللى فيها مشاهد قبيحه المخرجين مش هيلاقو اقبح منك يديلو الدور
سومه : انته قليل الادب
ولو هتفضحنى خلى بالك انا مش هتفضح لوحدى
يوسف : ههههههه وانا مستحيل اقبل انى الوسخ سمعتى بوحده رخيصه زيك من اول كلمت حب عملت معايا كل حاجه فى الخيال بجد خيالك حلو اوى
سومه : انا رخيصه يا حقير
يوسف : امممم اومال تسمى ايه واحده تكلمو واحد فى التليفون على انو جوزها وتتصور فى اوضاع تجنن وكمان شقيه زيك تسميها ايه ؟
على العموم هى خلصت على كده انتى برضو اخت صاحبى انا مش هكلمك تانى والصور اللى ليكى عندى انا همسحها والفيس انا برضو همسح كل المحداثات بتعتو وبكده انا عملت معاكى الواجب بذياده
ونصيحه منى خليكى زى تقى محترمه
مره واحده قولتلها ممكن نتعرف عملتلى حظر
سومه : انا وثقة فيك وحبيتك
يوسف : نصيحه منى يا بنت الناس مفيش راجل ممكن يتجوز واحده عملت معاه اللى انتى عملتيه
سومه : طب انته عملت معايا كده ليه وانته عارف انك مش هتتجوزنى ؟
يوسف : واحده راضيه على نفسها كده اقول لا دا حتى ابقى غبى
سومه : انته بجد كلب
يوسف : وانتى رخيصه والرخيص لا يتبكى عليه ولا حتى الواحد يفتكرو سلام يا خبره وامسحى رقمى من عندك عشان انا هعملك بلكد ( وقفل المكلمه )
سومه : انا الى غلطانه انى سلمت نفسى لكلب زيك يا واطى
( وفجئه ام منير فتحت الباب )
ام منير : سلمتى نفسك لمين يا سومه