الحلقه السادسه و العشرون
رواية
قلوب تنزف عشقاً
بقلم :عبير سليم
❤️❤️❤️❤️❤️❤️
تشرق شمس يوم جديد تمنح الأمل والتفاؤل للجميع
يتوجها للتقدم للعمل
بتلك الشركه التي تطلب من هم ذوي خبرة يتقدم من الاستقبال فيوجهونه
للمكان الذي سيتقدم فيه بطلب التقدم للعمل
يستقل المصعد ويسأل عن مكتب المسئول عن ذاك الأمر فيرشدونه
تتقدم السكرتيرة لتعلن لها عن تواجد شخص جديد للتقدم للعمل فتاذن له بالدخول
يدخل ويلقي التحيه :صباح الخير
صوفيا :صباح النور اتفضل استريح
يجلس أمامها حتى تنتهي بما بيدها ويبدأ معها الحديث
صوفيا :ثواني وحكون معاك
كانت تعمل بكل جد بينما هو يحدث نفسه :يخرببيت جمال أمك ايه القمر
دي شركة إيه دي اللي بتشتغل فيها دي المفروض تبقى ملكه
صوفيا وقد رفعت السماعه:ايوة يامحمد من فضلك تعالى خد الأوراق انا خلصتها
تغلق الهاتف لتجده مسلطا بصره عليها
صوفيا :معاك
حازم:...........
صوفيا :يااستاذ
حازم:ايه اه بصي حضرتك هو انا جاي اتقدم للوظيفه اللي حضرتك أعلنتم عنها
صوفيا :عندك خبرة في المجالات اللي وضحناها
حازم :ايوة واتفضلي حضرتك ده السيفي وفيه كل الشهادات اللي تعرف حضرتك كل حاجه
تأخذها منه وتتفحص مابداخل السيفي بينما هو يتفحصها بدقه منبهرا بجمالها واناقتها
صوفيا :تمام أوي بس انت فعلاً كنت بتشتغل في الشركة دي
حازم :اه والمصحف
صوفيا :هههههه من غير حلفان مصدقاك والله
حازم لنفسه :يادين النبي ايه الضحكه اللي تسيب الأعصاب دي
صوفيا :هو حضرتك بتسرح كتير ليه
حازم :لا انا معاكي اهوه
صوفيا :انا مستغربه ازاي تكون اشتغلت في شركة زي دي ومتكملش فيها لاء وواضح كمان من شهادات الخبرة انك كنت شاطر أوي كمان وده شئ صعب انك تحصل عليه من شركه زي دي
حازم:تعبت من الغربه وأهلي وحشوني أوي كنت مفتقد طعم الحياة وانا بعيد عنهم
صوفيا:نادر أوي لما بسمع كلام زي ده المعروف ان اي شاب بيسافر وبتتوفرله فرصة عمل كويسه مبيفكرش يرجع تاني وبيكون كل هدفه مستقبله اما للعلاقات الاسريه والترابط الأسري مبيكونش ليه اي اعتبار
حازم :ايوة فعلا كلامك صح مع ناس كتير وانا شفت ناس بقالها سنين طويله ومش عاوزين يرجعوا لكن انا معرفتش أكون زيهم فقري بقى
صوفيا :لا بالعكس انت نموذج مشرف للشاب المحب لبلده ولأهله عالعموم السيفي ممتاز وتقدر تكون معانا من أول الاسبوع ان شاء الله
حازم :يعني انتوا وافقتوا اشتغل هنا
صوفيا :ههههههه ايوة ان شاء الله بس أهم شئ انك تكون اد المسئوليه المطلوبه منك
حازم :ان شاء الله حشرفكم والله
صوفيا :دمك خفيف أوي
حازم:والله حضرتك اللي زي القمر
تشعر صوفيا بالخجل
بص يا استاذ حازم في الأول حيكون المطلوب منك انك تشترك مع مجموعه من الموظفين في تدريب الشباب الخريجين على الشغل وبعد كده حتبدا تمارس وظيفتك
حازم :ان شاء الله
صوفيا :احنا حيسعدنا انك تشتغل معانا
حازم:الشرف لية انا وربنا يقدرني واكون عند حسن ظنكم
صوفيا :وانا متأكده من ده
حازم :هو انا حقابل صاحب الشركه واللا مليش علاقه بيه
صوفيا :صاحب الشركه بشمهندس جابر مريض في المستشفى ربنا يشفيه
سنيور حمزة النائب عنه وهو رئيس مجلس الإدارة
والمسئول عن الشركه
حازم: حمزة الله يمسيك بالخير ياصاحبي
صوفيا :في حاجه
حازم:لا بس لما قلتي اسم حمزة فكرتيني بحمزة صاحبي مسافر ومشوفتوش من زمان
صوفيا :ربنا يجمعكم ان شاء سنيور حمزة مسافر بردو وراجع الأسبوع الجاي ان شاء الله وبمجرد مايرجع حيجتمع بيكم
حازم:ان شاء الله
صوفيا :طبعاً انت مش محتاج اكلمك عن الالتزام ولا عن المواعيد
حازم :ده انا حبات على باب الشركه انا دلوقتى حروح ااجر شقه
صوفيا :تأجر شقه ليه مش فاهمه
حازم :أصلي أنا مش عايش فالقاهرة انا عايش في اسكندريه
صوفيا :الله اسكندريه انا بحبها أوي
حازم :وهي كمان والله لو شافتك حتحبك أوي
صوفيا :مين اللي حتحبني
حازم:اسكندريه
صوفيا :والله انت شكلك مشكله
حازم بينه وبين نفسه :والله انتي اللي جمالك ينطق الحجر
يخرج حازم من الشركه وهو في قمة سعادته لالتحاقه بالعمل في هذا المكان وسعادته الأكبر بتلك الجميله التي التقى بها
لا يصدق أنه جلس يتحدث إليها كل هذا الوقت
ثم انتبه لما هو فيه :يخرببيتك فوق يابني انت اتهبلت ياللا يافالح عشان تلحق تدور على شقه
❤️❤️❤️❤️❤️❤️❤️❤️
زغاريد تعلو المكان وأصوات اغاني شعبيه تهز المنطقه تشعر الجميع بمدى السعاده التي سيعيشها الجميع تلك الليله
يتم الاستعداد على قدم وساق شباب المنطقه يزينون الشارع ويعلقون الأنوار على المنزل بكل حب وسعاده
الله ينور ياشباب عقبال مانخدمكم في الأفراح ان شاء الله
محمود:عقبال مانفرح بيك انت ياكابتن المنطقه وانت بتدرب المنتخب
سعيد :يدرب المنتخب بلاخيبه اللا ماعرف يدرب العيال اللي لاممهم وبيلعب معاهم حيدرب المنتخب
سامي :يالهوي عالفضايح معلش جماعه ده والدي العزيز الغالي بيهزر بيهزر
بابا الله يخليك ارجوك عللي من كرامتي قدام العيال دول
سعيد :نيله عليك وعلى صحابك كلكم اخيب من بعض وبعدين مين ده اللي يقول عليك حاجه ده انا ابهدله اه حتى جرب كده
سامح:سامي ايه رايك نحط الكوشه الجنب ده واللا هناك احسن
سامي :لا خليها هنا احسن
محمود :سامي تعالى شوف البالون
شكله خيال حيعجبك أوي
سامي :إيه ده ياليلتنا السوده دي الخطوبه بالمنظر ده مش حتكمل
إيه اللي انتوا مهببينه ده
محمود:ليه يابني في إيه ماله مش عاجبك ليه
سامي :اللي مش عاجبني المكتوب عليه يا فالح
محمود:مش فاهم هو إيه اللي مكتوب ده مش مكتوب غير الف مبروك للعروسين سعد وسميرة فين الغلط
سامي:الغلط في سميرة دي ليلتنا حتبقى هم ان شاء الله
محمود :ليه يازفت انت هي مش سميرة هي العروسه واللا انتوا غيرتوها واحنا منعرفش
سامي :غيرناها إيه انت كمان وده اقولله ايه دلوقتي على بال ماحكيله الحكايه حيكون اليوم خلص
بقولك ايه ياحوده خلاصة الكلام غير اسم العروسه خليه سمورة سمرة سوسو اقولك شيل اسمها خالص او ارمزله برمز الطائر الحزين المهم تعدي الليله دي بأي شكل
محمود :بص مع اني مش فاهم حاجه بس حريحك انا حشيل اسمها خالص واكتب s تمام كده
سامي :تمام التمام يامعلم
❤️❤️❤️❤️❤️❤️❤️
يتحدث إليه عبر الهاتف :معلش ياخالد انا عارف اني بتعبك
خالد:بتتعبني ده إيه ياباشا لاطبعا ده من صميم شغلي
حمزة:انا بجد بحسد نفسي ان بيشتغل معايا شخصيه محترمه وكوفء في شغلها زيك
خالد :الشرف لية يااستاذ حمزة حاضر انا حروحلهم بالليل ان شاء الله واطمن عليهم وحطمن حضرتك أن شاء الله
حمزة :تمام بس متتاخرش علية انا حكون منتظر ردك
يغلق معه الهاتف ليحدث نفسه :اما اشوف بقى خطوبة مين دي اللي النهارده ياست هانم
لا مش ممكن تكون خطوبتها ابدا استحاله
قلبه :طب وانت مالك مش انت قلت انك كرهتها ومش عاوزها خلاص وانك كل هدفك تنتقم منها وتعذبها على غدرها بيك
هو:مين اللي قال اني كرهتها انت اللي بتقول كده وانت عارف ان حبها جواك عايش فيك وان استحاله حد غيرها ياخد مكانها فقلبك
انا بس زعلان منها اوي قلبي واجعني منها أوي لكن انا مش حقدر استحمل انها تكون لغيري المرة التانيه
وفجأة تأتي في رأسه اغنية تامر حسني لسه بحبك ويبدا يدندن بكلماتها
لسه بحبك لسه بحسك انا محتاجلك نفسي اضمك
بس انا قلبي شايل منك مش قادر يسامحك كل ما اجي اصالحك الاقي قصادي جرحك
نفسي احكيلك نفسي اشكيلك عاللي تاعبني منك ليك
قلت انا حبعد مش قادر ابعد نفسي ارتاح فحضن عنيك
بس انا قلبي شايل منك مش قادر يسامحك كل مااجي اصالحك الاقي قصادي جرحك
دموع تنزل على خديه يمسحها بيديه كالاطفال ويعود بذاكرته للحظات جميله كانا يعيشان فيها
ضحكات عاليه تنبع من قلوب عاشقين جمعهم القدر
ياسمين :بس بقى ياحمزة حد يسمعنا
حمزة :هو مين ده اللي حيسمعنا مفيش حد سامعنا غير قلوبنا وبحرنا اللي شاهد على حبنا من يوم مااتولد جوانا
صح يابحر مش انت الشاهد على حبنا وانت اكتر حد عارف اد ايه بنحب بعض وحنفضل نحب بعض طول العمر
كلم الهبله دي ده انت اللي ائتمناك على حبنا وعاهدنا نفسنا ان قلوبنا حتفضل على عهدها طول العمر
تقف ياسمين وباعلى صوتها:بحببببببك ياحمزة بموت فيك يامجنون
حمزة :مجنون بحبك ياقلب حمزة عارفه ياياسمين يوم مانتجوز حعملك حتة فرح تحكي عنه اسكندريه كلها
ياسمين :انا ميهمنيش اعمل فرح ولا عاوزة حد يتكلم عنه انت فرحتي ياحبيبي انت الفرحه اللي قلبي مستني يفرحها فرحة عمري كله يوم مانكون مع بعض ونكون لبعض وتشهد الدنيا كلها على اننا وفينا بوعدنا ووفت قلوبنا بعهدها
يومها مش حكون محتاجه حد يفرحلنا غير البحر ده هو اللي ليه الحق ده محدش اتوجع عشانا ولا عاش معانا احزاننا وافراحنا غيره هو الشاهد الأول على العشق اللي جوة قلوبنا
ثم تمسك بيديه:وده ياحمزة هو اللي لايمكن حد يفرحلنا اده ياحبيبي
😢ده ده مين ياياسمين :قلبي ياسميرة قلبي اللي واجعني أوي منه قلبي اللي لسه لحد دلوقتي مش مصدق ان اللي بشوفه وبتكلم معاه ده يبقى حمزة
لاء قلبي بيقوللي ان ده لايمكن يكون حمزة حبيبي ده واحد تاني غيروه علموه ينسى ويقسى ازاي قلبه صدق اني ممكن اكون غدرت بيه وخنت عهده ده لو الدنيا كلها كانت قالتله ياسمين خاينه هو يقول لاء ياسمين حبيبتي بتحبني ياسمين استحاله تبيعني استحاله تخون عهدها لية
سميرة :ياسمين عشان خاطري اهدي شويه انا والله حسه بيكي وعارفه انتي اد ايه بتتعذبي
ياسمين :لا ياسميرة لاء انا مفيش حد في الدنيا دي كلها ممكن يحس باللي انا حاسه بيه النار اللي بتاكل فقلبي وبتنهش فيه محدش بيتكوى بيها غيري
انا مش قادرة اقتنع ازاي بشوفه وبتكلم معاه وانا بالقوة دي ازاي بنقف قصاد بعض ونتكلم مع بعض عادي كده واحنا اللي بينا عمره ماكان عادي
تعبت ياسميرة تعبت من تمثيلي ادامه بالقوة وانا أضعف منه مليون مرة
كل مرة بيكون فيها ادامي ببقى عاوزة اخطفه من الدنيا كلها ببقى عاوزة اصرخ بأعلى صوتي واقوله حرام عليك فاللي بتعمله فية ده انا مستاهلش منك كده أبدا قلبي ميستاهلش منك تعمل فيه كده
كل مااتخيل انه قدر ياخد حد تاني فحضنه غيري احس اني حتجنن حمزة لية انا لايمكن لحد غيري انا بس اللي صاحبة الحق فالحضن ده
وحشني اوي ياسميرة وحشنى اوي نفسي اروحله واشكيله من اللي بيعمله فية
اشكيله من قسوته علية اقوله رجعلي حبيبي اللي اخدته مني انا سلمتك الامانه وانت بدلتها غيرتها ازاي هنت عليك تعمل كده فية
سميرة :انتي بتتكلمي عن مين ياياسمين ياحبيبتي مين ده اللي انتي عاوزة تروحيله
ياسمين :البحر ياسميرة بحرنا الشاهد علينا وعلى الوعد اللي فقلوبنا محدش حيجيب لقلبي حقي منه غيره
تحتضنها سميرة فتنهمر ياسمين في البكاء بكاء قلب يتقطع على فراق حبيبه
بكاء قلب غير مصدق ان من انتظرت عودته لسنوات يتبدل لشخص لم تعرفه من قبل
ااااه ياسميرة ااااه على وجع قلبي
سميرة :حبيبتي عشان خاطري ممكن تهدي بقى واللا انا مليش خاطر عندك
ياسمين :حقك علية انتي ياسمورة عكننت عليكي فيوم زي ده انا اسفه
سميرة :اخس عليكي ياياسمين هو احنا لو مكناش نفضفض ونطلع اللي جوانا لبعض يبقى لزمتنا إيه
ياسمين :انا والله العظيم بحمد ربنا وبشكر فضله ان القدر جمعنا بيكم مش عارفه من غيركم كان حيحصلنا إيه
سميرة :والله ياياسمين انتوا اللي احلى حاجه حصلتلنا ده انتي ومامتك عندنا اغلى من اللي من لحمنا ودمنا
ياسمين :صحيح مقولتليش عجبتك الهديه اللي جبتهالك
سميرة :يالهوي تحفه طبعا يابنتي انا اصلا كنت ناويه اشتريها وفرتيها علية عقبال مااردهالك يارب
ياسمين :حبيبتي تتهني بيها يارب احنا مفيش بيننا الكلام ده ياسميرة ده احنا اخوات
سميرة :واكتر من الأخوات والله بس بقولك ايه بصي انا مقدرة حالتك اللي زي الزفت وسايباكي من الصبح ومش عاوزة ازعلك عشان انتي مش ناقصه هم بس متسوقيش فيها بقى عشان انتي زودتيها اوي وانتي لو مكنتيش غاليه عندي وربنا كنت جيبتك من شعرك
ياسمين :الله مالك ياسميرةفي ايه يابنتي مالك اتحولتي كده ليه انا زعلتك فايه
سميرة :من الصبح وانتي سميرة سميرة سميرة سميرة وانا كاتمه فقلبي وساكته وبقول يابت مش حتبقي انتي وحمزة عليها لكن للصبر حدود يااختي فاتلمي بقى وخللي الليله الهم دي تعدي على خير
ياسمين :ههههههههه وربنا فصلتيني يخرب عقلك والله ماحد مهون علية غير دمك العسل شوفي برغم انك كئيبه كئابة السنين بس عليكي كلام يموت من الضحك وبعدين يعني انتي و سعد مكتبتوش أسماء بعض عالدبل
سميرة :لا وربنا مارضيت قطيعه تقطع اسمه على اسمي من حلاوتهم حكتبهم من سعد لسميرة ياقلبي ماتحزن
انا قلتله اخرك معايا نكتب اول حرف وخلاص اكتر من كده لاء
تفتح عليهم الباب فجاة :ياسلام انتوا حابسين نفسكم هنا والميكب ارتيست برة متلقحه وعاوز تخلص شغلها
سميرة :يانهارك اسود هو ده الفستان اللي حتلبسيه ده انتي ناويه على عكننه بقى وشكلك عاوزة تبوظيلي الليله انا عارفه انها خطوبه نحس
سحر :ليه ان شاء الله لابسه بدلة رقص
ياسمين : والله لو بدلة رقص كان حيبقى أهون عشان كده يالئيمه مرضيتيش توريهولنا وقلتلنا مفاجأة بس حتبقى مفاجئه سوده على دماغك ان شاء الله
سحر :ليه ده كله ماهو فستان عادي اهوه ماله فيه ايه ده حتى واسع اهوه غيرش بس قصير شويه مش حوار يعني وبعدين دي خطوبة اختي ولازم اظهر انا اخت العروسه
سميرة :هو حد فهمك ان الخطوبه فالشيراتون دي تحت في الشارع يعني الشارع كله حيشوفك ياهانم وسامي حيولع فيكي وربنا وحيخللي ليلتنا سوده ان شاء الله روحي ياحبيبتي الله يهديكي غيريه والبسيلك حاجه محترمه شويه
سحر :اغير ايه انتي كمان ده انا ماجراه مخصوص انتي هبله وبعدين ملكيش دعوة بسامي انا حثبته وحلهيه عني مش حياخد باله مني أصلا
سميرة :ازاي ان شاء الله حتشربيه منوم
سحر :حاجه زي كده المهم ياللا بقى البسوا عاوزين نبدأ الميكب
لوووووولي لوووووولي والليله ليلتك ياسمورتي
يادبلة الخطوبه عقبالنا كلنا ونبني طوبه طوبه فعش حبنا
سميرة :والله شكلك انتي اللي حتتنشي طوبه فدماغك النهارده
ياسمين :ههههههه هههههههه
سميرة :بركه يااختي انك ضحكتي
تدخل صفاء على صوت سحر وبيدها سيلا :عقبالك ياسحورة
سحر :لاعقبالي ايه انا لسه صغيرة عاوزة اعيش وانبسط وبعد كده ابقى افكر في الكلام ده
عقبال القمر بتاعنا الأول
صفاء :يارب ياسحر يارب
سيلا وهي ترى سميرة بفستان الخطوبه :انتي عروسه
سميرة :اه انا عروسه إيه رايك بقى يابونبونايه انتي فستاني حلو
سيلا :اه حلو حلو جميل يويو يويو عاوزة فستان زيه
ياسمين :هههههههه حاضر يا قمر انتي
ياسمين :صحيح انتي مين حيعملك شعرك يااستاذه
سحر :اتفقت مع البت وفاء اللي شغاله فالكوافير اللي على اول الشارع حتجيلي بعد شويه تعمللي شعري
صفاء :يااختي ماتتحجبي وتريحي نفسك من التعب ده حتجيبي اجل شعرك من البلاوي اللي بتعمليها فيه سيبيهم شوية الشعر يستروا راسك
سحر :يستروا راسي ليه يعني ايه ياخالتي الكلام العجيب اللي بتقوليه ده وبعدين الله يخليكي بلاش السيرة دي ادامهم عشان هما مابيصدقوا وانا مبصدق ينسوا
صفاء :طب انا نفسي افهم انتي كارهه الحجاب ليه
سحر :انا مش كارهاه وان شاء الله حتحجب بس بعدين مش دلوقتي خالص عاوزه اعيش حياتي وانبسط شويه
صفاء :وهو الحجاب اللي حيمنعك
سحر :اه حيمنعني اصلي بصي ياخالتي انا عندي مبدأ مينفعش البس حجاب والبس عليه بناطيل ضيقه او قصير الحجاب ليه احترامه يوم ماقرر البسه لازم اغير لبسي واحترم نفسي
صفاء:وانتي ايه اللى مانعك ماتغيري لبسك وتحترمي نفسك
سحر:لا مانا اصلي بحب لبسي ده اصلي بصراحه مش محترمه هههههههه
صفاء:لا ياحبيبتي ده انتي ست البنات انتي بس اللي لسعه شويتين
سحر :اعمل ايه بس يامزتي مش بايدي ياصفصف مبحبش الاحترام بحب الرذيله بموت فيها مستنيه ربنا يكرمني ويبعتلي توبه من عنده
صفاء: ربنا يتوب علينا جميعا يارب روحي ياحبيبتي بفستانك ده اللي حيلم علينا الشارع كله الليلادي
يمر الوقت سريعا وتصبح سميرة في أبهى حلتها
يدخل عليها سامي ليراها:الله اكبر من دي ياياسمين
ياسمين :هههههههه ايه رأيك فعروستنا بقى
سامي :رأينا ده إيه هي دي محتاجه رأي يخرب عقلك يا سميرة ايه الطعامه دي كنتي مخبيه الحلاوة دي كلها فين يابت سعاد
سميرة :طول عمري ياحبيبي بس انتوا اللي مش مقدرين القمر اللي عندك وبعدين ايه سميرة دي
سامي :اه معلش جيت عالوجيعه ياغاليه امال فين البت سحر هي فين عاوز اشوفها مهببه إيه
تلف سحر نفسها بملايه وتخرج إليه :بسم الله الرحمن الرحيم انتي مالك عامله فنفسك كده ليه وايه الملايه دي هو انتي جايه مع بوليس الآداب والا ايه
سحر :اعملك ايه مانت اللي داخل فوقت مش مناسب وانا لسه ملبستش
سامي:نعم يااختي ده سعد طالع ياخد اختك خلاص وانتي كل ده ولسه ملبستيش امال حتلبسي امتى وبعدين مانا شايفك اهوه ضاربه وشك بجردل بويه وعاملالنا شعرك شبه برج ايفل اهوه يبقى ليه ملبستيش
بت انتي انا بحذرك اهوه قدام الكل وربنا لو شفتك لابسه حاجه ولا كده بصي حضرب كرسي فالكلوب وحجيبك من شعرك اه وقد اعذر من انذر
سحر :ماتهدى كده وبلاش تبقى قفوش ياسامي وخليك حلو كده عاوزين نفرح بسميرة عشان نفرح بيك بعديها مع جميلة الجميلات
على فكرة بقى هي تحت مع البنات عاوزاك بقى تعرفها بابوك اللي فاكر اسمها سهير واللا تحب اقولله على اسمها الحقيقي واقوله على الكذبه اللي كذبتها عليه واللي حتخليه يطردك من البيت
سامي :بقى كده طب ماشي ياسحر الكلب ليكي معايا حساب بس اشوفك تحت وانا حفرمك
سحر :حبيبي يااخويا عقبالك ياقلب اختك لوووووولي
طبعا زي مانتوا عارفين بقى طلع سعد واخد سميرة ونزلوا عشان الشارع كله يحتفل بيهم كل الناس كانت مشاركاهم فرحتهم وفرحانين ليهم اوي اما بالنسبه لصفاء كانت قاعده فالبلكونه مقدرتش تنزل تحت
وياسمين طبعا ماسكه سيلا فايدها وخايفه عليها جدا مش امانه عندهاخايفه تسيبها ثانيه
وها قد سقطت العباءة وصعدت بجانب اختها لتلتقط معها الصور وترقص معها
بينما ياخذ سامي جميله من يدها ليعرفها على ابيه الذي كان جالسا بين الرجال
بابا عاوز اعرفك بسهير
حميله:سهير سهير مين
سامي:انتي يامتخلفه انتي نسيتي اسمك
جميله:اه نسيت وربنا
سامي :ركزي معايا انتي كمان الله يخربيتك حنتكشف
سعيد :منورة ياسهير يابنتي عقبال ماافرح بيكم كده ان شاء الله
جميله :شكرا ياعمي ربنا يخليك يارب
سعيد :انتي متعرفيش فرحتي اد ايه ان اسمك سهير
جميله :ليه ياعمي هو حضرتك كنت بتحب واحده اسمها سهير وانا فكرتك بيها
سعيد :هههههههه لا ياسهير ياعسل انتي انا بس كل اللي يهمني ان العيله دي كل اللي فيها اسمهم يبدا بحرف السين
جميله :ليه ياعمي هي الدوله واعداك بحاجه لو عملت كده
سامي :ماتبطلي لك بقى تعالي اتلقحي مع البنات
جميله :اصل انتوا عيله تشل الصراحه
شويه كده وييجي صاحبه يحي اللي اول مايشوف ياسمين يبقى حيتجنن عشان يكلمها ويسلم عليها لكن طبعا سامي فهمه ان خلاص الموضوع انتهى وانها رافضاه تماما وينساها خالص عشان مفيش فايده
يحي طبعا مكنش عاوز يخطب ياسمين عشان بيحبها او قلبه متعلق بيها كل الحكايه انه معجب بادبها واخلاقها وجمالها الهادي وبساطتها مش اكتر لكن بمجرد ما سامي فهمه احترم نفسه ووقف مع صاحبه
يلتف الشباب حول العروسين ليشاركوهم فرحتهم فيرى سامي سحر وهي بفستانها عاري الصدر القصير الذي يظهر ساقيها
ياليلتك السوده ياسحر يقوم بشدها من ذراعيها:ليلتك سوده ايه اللى انتي لابساه ده انا كان قلبي حاسس من ساعة ماخرجتيلي بملاية بوليس الآداب انك مخبيه وراه مصيبه
سحر:سامي حبيبي الليله خطوبة اختك بلاش تعكنن عليها خللي الليله تعدي على خير معلش حبيبي الليله كل شئ، مباح عشان خاطري وحياة جميلة الجميلات بتاعتك ده انا حخللي ابوك بكرة يروح يتقدم لها
سامي :ماشي ياسحر الكلب والله لولا اني مش عاوز اعكنن علي الغلابه دول كنت مسحت ليكي الأرض امشي غوري من قدامي وحسابنا بعدين
يحي :مين دي ياسامي اللي كنت واقف معاها مشوفتهاش قبل كده
سامي :انت بجد مش عارف دي مين
يحي :لا والله مش واخد بالي
سامي :دي سحر اختي يابرنس
يحي :مش معقوله دي سحر البنت الصغيرة اللي كنت بشوفها بتلعب فالشارع مع الولاد وانت تزعقلها وتضربها
سامي :اه أصلها طول عمرها عندنا ميول انحرافيه
يجي :ههههههه لا بس ماشاء الله كبرت وبقت عروسه جميله
سامي :اتفضلها يا اخويا دي قرفانا فعيشتنا خلفتها خلفه سوده بس الصراحه حبيبتي بحسها بنتي الصغيرة وبخاف عليها ربنا يهديها المجنونه دي
يحي :ربنا يخليكم لبعض ياسامي
يجلس يحي وعينه مسلطه على تلك الصغيرة التي كبرت واصبحت شابه جميله في مقتبل العمر كانت تتحرك بين الناس كالفراشه الرقيقه ترقص مع اختها والضحات العاليه لم تغادر وجهها وزغاريدها تنزين فمها
(ملحوظه بس صغيرة)
يحي وحازم صحاب من وهما صغيرين جد وجدة يحي ساكنين قريب من السيده زينب ويحي برغم انه اكبر من سامي بشويه بس هو بيحبه اوي وحب الكورة جمعهم ومع الوقت بقوا أصحاب اوي لكن اهل يحي باباه ومامته ساكنين في الدقي
وزي ماسامي اتربى ان صاحبي وصاحبك عالقهوة بعيد عن البيت يعني يحي مكنش بيدخل بيت سامي غير نادر فمناسبه او وقت قليل اوي فبالتالي ماشفش سحر من زمان لكن بالنسبه لياسمين عشان هي بتشتغل وبتخرج مع مامتها واكتر من مرة يشوف سامي وهو راجع معاهم من المستشفى فهو بيشوفها كتير وعارفها
نرجع تاني للفرح اللي مشعلل باغاني الأفراح الجميله اللي تخللي الحجر ينطق فرحه جميله تجمع بين كل شباب المنطقه وهما بيحتفلوا بخطوبة بنت حتتهم
سيلا الجميله كانت فرحانه أوي وياسمين ماسكاها وبترقصها وهي عماله تضحك وفرحانه أوي
يوصل خالد لمكان الفرح وهو مش عارف يدخل البيت اللي وصل فيه ياسمين
يبحث عن أي وسيله لدخول البيت حيث كانت الزينه تحول دون الدخول
يبحث بعينيه عن شئ، يستدل به
فتلاحظ ياسمين وجوده فتذهب اليه
خالد ازيك انت هنا
خالد :ازيك يا ياسمين عامله ايه اسف جيت من غير ميعاد بس عاوز اطمن على القمر بتاعنا
يأتي إليهم سامي ليرى الى من تتحدث ياسمين
ياسمين :اعرفك بكابتن خالد مسئول الحراسه فالفيلا اللي بشتغل فيها
سامي جاري وزي اخويا والنهارده خطوبة اخته
خالد :ألف مبروك ربنا يتمم على خير ويديم عليكم الفرح
سامي :الله يبارك فيك انت نورتنا والله اتفضل شرفنا
ياسمين :تعالى ياخالد اتفضل حتنبسط أوي
سيلا :خالد خالد ازيك
يحملها خالد ويقبلها:سيلا حبيبتي وحشتينى اوى عامله ايه
سيلا :كويسه تعالى شوف عروسه
يجلس خالد ويضع الصغيرة على قدمه ويهدهدها
يحضر له سامي طبقا مليئا بقطع الجاتوه والحلويات
توشك الخطبه على الانتهاء بينما يجد الصغيرة نامت على قدميه
ياخبر دي نامت
ياسمين :هاتها عنك ياخالد
خالد :لا مينفعش انا حطلعها لكم