رواية لأجل حبك
الفصل الثالث
بقلم رحمة جمال
مغفرة بذهول :رحمه بصي كده
التفت رحمه اتجاه السلم أتراه محمود وكان في كامل أناقته يسحر كل من يراها أيعقل
يكون هو نفس الشاب الذي كان امامها منذ قليل
رحمه في نفسها :يانهار اسود عليه هو ده هيبقي جوزي ده انا أحسد نفسي بقي
افاقتها مغفره من شرودها
مغفرة : بقولك لو مش عايز تتجوزيه انا موجوده
رحمه بغضب : لمي نفسك بدل مايكون اخر يوم في عمرك
مغفرة بخوف : خلاص انتي اتحولتي ليه هسكت
علي : يلا يا بنتي
رحمه : يلا
وبعد دقائق قال المأذون جملته الشهيره
رحمه موجه كلامها لمحمود : مبروك
محمود :الله يبارك فيكي هو مبروك لينا احنا الاتنين
مغفرة بهمس ل رحمه : انا شايفه أن عقده لسانه اتفكت
رحمه بنفس الهمس : اها وانا كمان
علي : مبروك يا رحمه مبروك يا محمود
رحمه : الله يبارك فيك يا عم علي بس الموضوع ده ياريت محدش يعرفه واضح يا محمود
محمود : واضح حضرتك
علي بضحك : حضرتك ايه يا بني بقي دي مراتك
محمود بتلقائيه : ايوه بس ع الورق
علي : تعاله معايا يا محمود عايزك
علي اخذ محمود ليتكلم معه ع انفراد وبعد دقائق عادة مره اخري
علي : طيب انا لازم امشي بقي يا رحمه
رحمه :ليه بس خليك معانا كمان يومين
علي : لا كفايه كده لازم ارجع ورايا شغل
رحمه : ماشي ياعم علي بس المره دي متتحسبش
علي : ماشي هبقي اجي مره تانيه ، زي ما قولتلك يا محمود
محمود : حاضر يا عمي
ودع علي الجميع قبل رحيله
رحمه :هو عم علي قالك ايه
محمود : قالي اسمع كلامك ومزعلكيش
رحمه:امممممم وانت بقي هتسمع كلام عم علي
محمود :اها هسمع كلامه
رحمه : بس انت مزعلني
محمود : ليه طب انا اسف والله مكنش قصدي طب عملت ايه انا.............
رحمه :محمود اهدي اهدي انت مزعلني منك عشان مش راضي تروح الكليه
محمود : هو مهم عندك الموضوع ده
رحمه : اها مهم
محمود : حاضر بس هو ممكن تيجي معايا يا رحمه
رحمه بتفاجاه لسماع اسمها
منه بدون ألقاب : ماشي هاجي معاكوبس دلوقت لازم تنام عشان في نظام جديد هامشي عليه من بكره
محمود : حاضر
صعد محمود الي الجناح وعندما دقت الساعه العاشره
رحمه : داده كفايه شغل لحد كده انا هطلع انام تصبحي ع خير
انتصار : وانتي من اهل الخير يا بنتي
صعدت رحمه لجناحها لتنال قسط من الراحه دلفت الي الداخل وجدت محمود نائم ابدلت ملابسها وتسطحت بجواره
قام محمود مفزوع من نومه
محمود بفزع : رحمه
رحمه : ايوه ف ايه مالك
محمود : ابدا اتخضيت بس
رحمه : طيب نام بقي عشان يومنا طويل بكره
محمود : حاضر ، تصبحي ع خير
رحمه : وانت من اهل الخير
استيقظت رحمه علي صوت اله التنبيه في السادسه صباحا وحاولت استيقاظ محمود
رحمه :محمود محمود
محمود بنعاس : مممم ايوه
رحمه : يلا قوم
محمود: هي الساعه كام
رحمه : الساعه 6
محمود : طيب بتصحني بدري ليه هنبيع لبن
رحمه بابتسامة : لا هنقوم نجري
محمود وقد انتفض من ع الفراش : نجري نجري من مين
رحمه بضحك : هو انا مش قولتلك في نظام جديد هامشي عليه
محمود : ايوه بس هنجري ليه
رحمه : انت ليه أسئلتك كتير يلا قوم بسرعه جهز نفسك وانزل انا هستناك تحت
نهض محمود من علي الفراش ودلف الي المرحاض وبعد دقائق خرج ورأي ملابس رياضية رجالي أرادها وخرج من الجناج نزل إلي الأسفل ليراه رحمه جالسه ع مائده الطعام بانتظاره وبدأو في تناول الطعام وعندما انتهو
رحمه : يلا
محمود : يلا
خرجو الي الحديقه وظلو يمشو مره تلو الأخري ثم بداو في الجري
محمود : هو احنا ليه صاحين من بدري وليه بنجري
رحمه : من النهارده ده هيبقي نظام حياتك كل يوم تنام من الساعه 10 تقوم الساعه 6 تفطر
وتجري وكمان شويه هندخل اوضه فيها احدث الاجهزه
الرياضيه وتروح كليتك وبعد الكليه هتيجي الشركه تشتغل معايا وتعرف كل حاجه عن الشغل ايه رايك
توقف محمود عن الجري وظل ينظر ل رحمه
رحمه : ايه اللي حصل وقفت ليه
محمود : ليه بتعملي كده
رحمه : عشان انا مراتك وواجب عليه اني اساعدك ده حقك عليه وعم علي وصاني
عليك وبعدين يلا عشان ورانا حاجات كتير النهارده
محمود : حاجات ايه
رحمه :حاجات زي نشتريلك هدوم وفي مشوار للبنك وبعدين انا عايزك تقص شعرك
محمود : شعري
رحمه : اها في راجل شعره يبقي واصل لحد كتفه كده
محمود : اها في رجاله كده
رحمه : بس انا بقي مش بحب الرجاله دي ع الاقل يكون في حدود المعقول
محمود : ماشي بس ليه هنروح البنك
رحمه : هتعرف بعدين ، يلا بس نكمل اللي بنعمله
وبعد مده من التمارين صعدو للجناح ليجهزو أنفسهم وبعد مده صعد محمود الي سياره
رحمه التي كانت تقودها فري محمود سيارات كتيره من الحراسه خلفهم مما زاد فضوله
محمود : هو ليه كل الحراسه دي
رحمه : انت ليه هنا معايا
التزم محمود الصمت
رحمه : عشان احميك وهحميك من مين من عمتك اللي في بني سويف اللي هي في
محافظة وانت في محافظة تانيه ما بالك بقي انا ليا اعداء كتير
جدا اكتر من عدد شعر راسك وفي نفس البلد يبقي مش لازم يكون معايا حراسه
محمود في نفسه : كله ده ما كان ممكن تقول عشان يحموني وخلاص
رحمه : عارفه اني طولت عليك بس لازم يا محمود تكون فاكر أعدائك طول الوقت
محمود : بس مش انتي قولتلي أن أنساه كل حاجه
رحمه : أنساه الأيام والمواقف
والظروف اللي عشتها بس مش معني كده انك تنساه أن في ناس بتكرهك وعايزينك
تموت انا قولت تنساه اللي حصلك مش تنساه اعدائك
فاهمني
محمود : فاهم
بعد مده رحمه أوقفت السياره أمام مول كبير نزل محمود من السياره ليري راجل في
الثلاثين من عمره يتحدث مع رحمه باللغه الفرنسيه
(الحوار مترجم )
كريس : اوووووه رحمه كالعاده انيقه لا تخبرني انا سأقول هل هذا هو الشاب
نظرت رحمه ل محمود وامسكت بيده
رحمه : نعم كريس هذا هو زوجي
كريس : أنه وسيم للغايهة
نظرت رحمه ل محمود مره اخري وقالت: للغايه
اقترب محمود من رحمه قليلا
محمود : مين الراجل اللي شكله غريب ده
رحمه بتحاول كتم ضحكاتها : ده كريس اشهر مصمين ازياء في فرنسا طلبته مخصوص
عشان يساعدك في اختيار هدومك
محمود : طب ليه ما كنتي تختارلي انتي انا بثق فيكي
رحمه : قولت ايه
قاطعهم كريس : مستعدون لجولتنا
محمود : نعم مستعدون كريس
رحمه باستغراب : انت بتعرف تتكلم فرنساوي
محمود : وألماني لو تحبي
دلفو جميعا الي المول ظلو يشترون الكثير والكثير من الملابس
محمود : مش كفايه كده احنا من الساعه 8 واحنا هنا بقينا الظهر
رحمه : معاك حق انا تعبت ، كريس يكفي اليوم
كريس : حسنا كما تشأئين سأغادر الان
رحمه : حسنا
محمود : انا جوعت
رحمه : وانا كمان تيجي ناكل كشري
محمود بصدمه : نعم ناكل ايه
رحمه :كشري مش بتحبو ولا ايه
محمود : هو في حد مش بيحب الكشري ، بس انتي بتتكلمي كشري
رحمه : اها مكنتش بروح انا واصحابي الكليه ونروح ناكل كشري عشان كان ممنوع أنه بتعمل ف البيت
محمود : ماشي يلا
صعدو للسياره وبعد مده ليست بقصيره
محمود : لا لحظه واحده هتاكلي كشري ماشي لكن هنالك من ع العربيه
رحمه : اها يا بني انا من بره سيده اعمال لكن اديني يوم واحد أعيشه ع مزاجي هتقطع علاقتك بيه بعدها
محمود :وهو انتي ليه مش عايشه علي مزاجك
رحمه : المسؤولية لما تكون مسئول عن إمبراطورية زي دي ومسؤول عن اكتر من 7000 موظف
في جميع أنحاء العالم مش هتعرف تعيش الحياه
اللي علي مزاجك ، يلا كمل اكلك بس عشان تلحق البنك
وبعد مده ذهبوا للبنك راي محمود كيف يتعامل الناس مع زوجته باحترام
الموظف : ممكن توقيعك يا فندم
محمود : اتفضل
خرجو من البنك اقترب أحد الحراس من رحمه واعطاها ورقه رأتها ومن ثم أعطتها ل محمود
رحمه : اتفضل ده جدول محاضراتك ولو مش فاهم اي حاجه قولي وانا هساعدك فيها
محمود :شكرا ، بس هو ليه عملتلي حساب والفلوس اللي فيها كمان........
قاطعته رحمه :اعتبره اول مرتب ليك ، ودلوقتي نروح عشان تجهز لبكره
محمود : اول يوم شغل وكليه
رحمه : بالضبط
ذهبوا الي القصر ومن ثم صعدوا الي الجناح
وضع محمود الاكياس الذي
كان يحملها واستدار ليري أمامه رجل في أواخر العشرينات
محمود باستغراب : انت مين ...........