مالكة قلبي..♡
"الفصل الاول" والثاني
بقلم المصور ايمان الرمسيزي
_ماتحاسب ياعم مش تفتح دا اي البلاوي اللي بتتحدف علينا دي..
-.......
_ماشاء الله واخرس كمان ما تفتح يا استاذ في اي
-معلش يا انسه مخدتش بالي
_لا ابقي خد بالك يابا
((اعرفكم بنفسي انا ملاك 22سنه كليه علوم عايشه في قريه عاديه وانا طبيعتي هاديه
بس دبش وعصبيه شويه ميكس غريب كدا عندي اخت 9سنين اسمها تسنيم وولد 12سنه اسمه احمد وكنت رايحه اخدهم من المدرسه وخبطت فيه))
_دخلت المدرسه وانا متعصبه من اللي حصل وانه كان باصصلي وساكت
وانا بتوتر فبداري توتري في عصبيتي..وخدت اخواتي ومشيت وانا لسه فاكرة نظرته ليا..
-في مكان تاني كان ماشي تايه من ساعه ما خبط فيها شكلها جنيه مش معقول
الجمال دا خطفته من اول نظرة..
((البطل اسمه مالك 25 سنه كليه علوم وعنده اخ اصغر منه 11 سنه اسمه سالم هو بردو من قريه عاديه بس بيبني في شركته لانه بيحب مجال
الاعمال وبيحاول يكون نفسه وخبطت في ملاك وهو داخل وخطفته بعيونها البنيه بجد هيا ملاك فريد))
-راح مالك لصاحبه وهو بيدعي انه يشوفها تاني..
هادي صاحب مالك: اي مالك ياعم سرحان ليه من ساعه ماجيت ومش معانا
مالك: هاا لا مفيش بس شكلي وقعت
هادي: وقعت اي يابني مش فاهم حاجه
مالك؛: لا يابني فكك هفهمك بعدين انا ماشي علشان عندي شغل بقي هبقي اعدي عليك تاني
راح مالك الشركه وهيا مفارقتش تفكيرة... وروح بليل ونام
صحي تاني يوم راح الكليه
وبالصدفه وهو ماشي خبطتفي واحدة رفع عينه اتفاجأ بيها واقفه مع اللي خبطها ودي
كانت سهي صاحبه ملاك
مالك: معلش يا انسه انا اسف
سهي: ولا يهمك
ملاك: ولا يهمك اي يا ماما
دا واحد ماشي يخبط في خلق الله ما تفتح يا استاذ الله
وخدت ايد سهي ومشت....
مالكة قلبي..♡
"الفصل الثاني"
بقلم المصور ايمان الرمسيزي
سهي: ليه يابنتي اتكلمتي كدا دا حتي اعتذر
ملاك: ياستي اسكتي امبارح خبط فيا وفضل ساكت وباصصلي ولا كأن مكتوب علي وشي
حاجه دي بلاوي وبتتحدف علينا.
سهي: خلاص فكك روقي كدا تعالي نروح ناكل شاورما دي الوحيدة اللي بتروقلك مزاجك
ملاك بطريقه دراميه: دي العشق يابنتي دا حب تخطي الحدود ياااااه جيالك ياغاليه.
سهي: امشي ياماما امشي كل دا علشان شاورما جاتك وكسه..
روحت انا وسهي ناكل شاورما فعلا دي الحاجه الوحيدة اللي بتغيرلي مزاجي في اي وقت..
عند مالك كان لسه واقف مكانه وفضل ماشي وهو مش عارف حاجه ولا عارف هو رايح
فين ومش مصدق انه شافها تاني...
هادي: اي ياعم هو كل ما اشوف وشك الاقيك سرحاان في اي
مالك: شوفتها تاني انا شوفتها تانيييي
هادي: هيا مين دي يابني
اللي شوفتها تاني
مالك: معرفش اسمها بس بس هيا حاجه نادرة وجميله اويي..
هادي: امشي ياعم الله يهديك عندنا محاضرة وراحوا يحضروا المحاضرة..
دخل عليهم الدكتور مراد دكتور الكيمياء:
احم السلام عليكم انا دكتور مراد مدرس مادة الكيمياء اللي هديلكم جديد وبدا يتعرف
عليهم وشرح المحاضرة وبعد المحاضرة دخل عميد الكليه
وبلغهم ان في رحلن استكشافيه لمستشفي.... هتروحوا تستكشفوا
المعامل اللي في المستشفي دي وتحليلوا المواد الكيميائيه اللي فيها وطبعا هيتم اختيار 3طلاب من كل دفعه من
الدفعات في الكليه وهتم الرحله بكرة ان شاء الله وهيكون من الدفعه دي مالك وهادي وشروق وان شاء الله تيجوا جاهزين بكرة
وخرج العميد وراح العميد الدفعات التانيه واختار 3 طلاب من كل دفعه وكان من ضمنهم ملاك ورؤي وفريد من دفعتهم..
سهي: يابنتي طيب انتي زعلانه ليه دلوقتي
ملاك: مكنتش عاوزة اروح لوحدي انا معرفش حد من اللي معايا وانتي مختاروكيش
وانا زعلانه اني كدا هروح لوحدي
سهي: يابنتي دي فرصتك انك تثبتي نفسك مينفعش كدا واحنا بقالنا سنتين في الكليه
ومجاتلناش فرصه كدا فلازم تروحي
ملاك: طيب ياسهي هروح اصلي استخارة وابلغ اهلي وابقي اكلمك واشوف..
روحت ملاك وبلغت اهلها
ووافقوا ودخلت صلت استخارة وكلمت سهي ونامت وعزمت انها هتروح بقي...