مالكة قلبي..♡
"الفصل الرابع"
بقلم المصور ايمان الرمسيزي
صحوا كلهم علي صوت صرخه هزت المكان وجري مالك وهادي وبعض الطلاب اللي في الاوض اللي جنبهم على اوضه ملاك
ورؤي وفتحوا الباب بسرعه وانصدموا وقفلوا الباب تاني بسرعه علشان كانت
ملاك بشعرها ((ملاك شعرها بني وطويل وعينها واسعه ورموشها كثيفه
ولون عنيها بني فاتح في عسلي وهيا بيضه وعندها غمازة فهي ملاك فعلا))
رؤي: اهدي ياملاك بالله عليكي كان كابوس خلاص انا معاكي اهدي بقي
انتي ملاك اللي الكليه كلها تشهد بقوتها اهدي كدا مفيش حاجه..
ملاك: ان.. انا..انا عندي فوبيا من الضلمه متطفيش النور..
رؤي: حاضر حاضر مش هطفيه خلاص نامي متخافيش..
هدت ملاك ونامت تاني ورؤي طلعت للطلاب برة وطمنتهم ان هيا شافت
بكابوس وصحت مخضوضه مفيش حاجه ورجعوا اوضهم تاني..
...........................................
هادي: مالك فوق بقي في اييي انت مكنتش كدا من امتي وانت بتتأثر بحد كدا من امتي وانت بتهمك البنات فووق كدا كله
خد باله من حالتك دي بقي انت اللي قولتلي هنبدأوا نلتزموا فين غض البصر فين كلامك فوووق بقي
مالك: هيا كانت منهارة معرفش اعمل ايي انا سكيت الباب بسرعه لما لقيتها
بشعرها بس مش عارف مالي من ساعه ما شوفتها وانا بقيت تايه كل ما بشوفها بتوه فيها
هادي: هيا نفسها خدت
بالها من نظراتك حاول تغض بصرك وتعاملها بحدود علشان محدش يحس
مالك بتنهيدة: حاضر
.............................
صحوا تاني يوم من الساعه 6 والدكتور مراد وزع كل 5 مع بعض وكان بيلف عليهم في المعمل بتاع المستشفي يشوف توصلوا لايه كانوا بيشتغلوا بهمه عاليه وكان مالك بيحاول ميبصش علي ملاك وهيا كانت كل ما بتشوفه تتوتر وحاولت انها تداري توترها بحسها الفكاهي..
ملاك:تخيلي كدا لو حطيت المادة دي علي المادة هيحصل اي
رؤي:المعمل هينفجر
ملاك بصوت عالي :اشطااااا ونخلصوا من المعمل والدكتور ومننا هعهعهعهعه😂
كلهم بصوا لملاك وثواني وكلهم وقعوا من الضحك عليها وهيا لاحظت انها اتكلمت بصوت عالي وانحرجت وفضلت ساكته لحد ما خلصوا..
ورجعوا بليل لبيوتهم بعد يوم طويل من ضحك وزعل وشغل وبهدله..
ملاك وهيا داخله البيت وبتطبل علي الباب كالعادة وبتغني بصوت عالي وصلوا اااه وصلو...وقبل ما تكمل لقت حاجه لبست في وشها كان باباها رماها بالمخده في وشها
محمد:يابنتي ارحمينا بقي من صداعك دااا ياختي عليكي بقي الواحد كان ارتاح من هبدك دا..
ملاك بتمثل الحزن:ياعيني عليكي يابنتي يالي محدش عاوزك انا كنت شاكه انكم لاقيني عند باب جامع مش اهلي اااه مش اهلي اهلي ولا زمالك هعهعهعه😂
كوثر:انا قولتلك ياحج البت دي مفيش فايدة منها مش هتعقل ابدا ادخلي اطفحي الاكل في المطبخ جاتك الهم..
سابتهم ملاك وهيا بتضحك ودخلت كلت وصلت ونامت....
.............................................
تاني يوم راحت الجامعه وقابلت سهي وخادتها ياكلوا شاورما..
سهي:انا مش عارفه انتي بتودي الاكل دا كله فين ياختي
ملاك:بوديه معدتي هعهعه
سهي:لا خفه يابت خفه بطلي طفح واحكيلي عملتي اي امبارح بقي
بدات ملاك تحكيلها كل اللي حصل معاها وحكتلها انها من ساعه ما بتشوف مالك وهيا بقت تتوتر من نظراته..
سهي وهيا بتغمزلها:اه بتتوتري قولتيلي يعني مش بداتي تحبيه مثلا..
ملاك:لا طبعا يابنتي اي الكلام الفارغ دا انا اصلا مبصتلهوش غير مرة واحدة بس مش معني انه شعرة اسود ومسبسب وعينه خضراء وعندة عضلات وجنتل في نفسه اني هحبه يعني لا طبعا..
سهي:ماشاء الله كل دا وانتي بتقولي مبصتلهوش غير مرة واحدة اومال لو كنتي بصيتي اكتر من مرة كنتي عملتي اي..
ملاك:عملت شاورما هعهعهعه واحد شاورما لحمه معاك يا اخ لو سمحت اصل الاربعه دول مشابعونيش😂🤦🏻♀️
سهي:انا مش عارفه انا صابرة عليكي ليه واهلك صابرين عليكي ازاي هتجننيني..
ملاك وهيا بتضحك:ربنا يكرمك اصل عرفت انهم اهلي فلازم يصبروا عليا وانتي صاحبتي من 6 سنين فلازم تستحمليني بردو
سهي:يلا يازفته عندنا محاضرة جاتك القرف🤦🏻♀️
وراحوا المحاضرة هما الاتنين واول ما دخلوا ملاك انصدمت من اللي شافته...