مالكة قلبي..♡
"الفصل السادس"
بقلم المصور ايمان الرمسيزي
في لحظه كانت ملاك واقعه في نص الطريق و غرقانه في دمها وكله
واقف مصدوم من اللي حصل..
مالك جري عليها بسرعه
وزعق فيهم يتصلوا بالاسعاف بسرعه وسهي قعدت جنبها وبتعبط وبتأنب
نفسها انها سابت ايدها..
وخلال دقائق جات عربيه الاسعاف وخادوها وسهي ركبت معاها وهادي خد
مالك بعربيته وراحوا على المستشفي وراهم وسهي بلغت اهلها وكلهم راحوا
على هناك وهيا دخلت علي اوضه العمليات...
والد ملاك وهو بيحاول يتمالك اعصابه:اي اللي حصل بنتي مالها في اي؟!
مالك وسهي في حاله مش عارفين يتكلموا..
هادي:بنت حضرتك كانت
هتتعرض لحاله خطف ولولا انها رجعت لورا فعملت حادثه وجبناها على
هنا بسرعه وهيا دخلت العمليات ومستنين حد يطمنا..
قعد والد ملاك جنب والدتها وبيهديها لانها كانت منهارة..
بعد حوالي 4ساعات في اوضه العمليات طلع الدكتور
مالك جري على الدكتور بخوف:حصلها اي يادكتور طمنا بالله عليك هيا كويسه..ص..صح
الدكتور بتنهيدة:للأسف هيا جالها نزيف داخلي احنا قدرنا نوقفه وعدت
مرحله الخطر بس دخلت في غيبوبه وهتفضل تحت الملاحظه 48 ساعه
وبعدين تتنقل اوضه عاديه..
هادي:تمام شكرا يادكتور..
كلهم في حاله صمت وحاله انهيار وسهي بتأنب نفسها ومامت ملاك جالها
انهيار وفقدت الوعي ووضعوها في غرفه ومالك مش مستوعب كل اللي
حصل لحد دلوقتي...
ابو ملاك:بشكركم ياشباب علي وقفتكم جنبنا
هادي:العفو ياعمي
علي اي دا واجبنا..نستأذن احنا بقي وهنبقي نيجي تاني ان شاء الله..
ابو ملاك:شكرا يابني دعواتكم...وانتي ياسهي يابنتي روحي وابقي تعالي الصبح..
سهي بعياط :لا لا ياعمي هفضل معاها انا انا السبب انا سيبت ايديها انا السبب..
ابو ملاك:لا يابنتي متقوليش كدا دا قدر ومكتوبلها ملكيش ذنب في حاجه
قومي روحي ارتاحي وابقي تعاليلها بكرة الصبح يلا يابنتي..
سهي بحزن:حاضر ياعمو
هادي:اتفضلي معانا يا انسه سهي نوصلك
سهي:لا شكرا هاخد تاكسي متشكرة لحضرتك..
ابو ملاك: طمنيني لما توصلي يابنتي..
سهي:حاضر ياعمي
ومشوا كلهم وفضل والد ملاك معاها...
............................
هادي وصل مالك البيت ومالك ساكت طول الطريق مش بيتكلم وهادي
بيحاول يطلعه من حاله سكوته ومش عارف ونزل مالك ودخل البيت..
هاجر والدة مالك بخضه :في اي يابني مالك شكلك عامل كدا ليه..
مالك:....
هاجر بخوف:يابني طمني في اي مالك..
مالك بدأ ينهار:هتروح
ياماما..هت..هتروح مني انا لسه حتي مقولتلهاش اني بحبها..هتروح ياماما..
هاجر:هيا مين يابني وفي اي اللي حصل..
مالك بعياط:م..ملاك ياماما ملاك عملت حادثه ودخلت في غيبوبه..
وحكي مالك كل ماحدث لوالدته ومن اول مرة رأي ملاك بها..
هاجر:خلاص يابني
ان شاء الله خير وهتبقي كويسه ان شاء الله هتفوق وهنروحوا بكرة
نشوفوها ادخل انت ارتاح شويه..
مالك بتنهيدة: حاضر
...................................
في مكان اخر...
مجهول 1 بزعيق:اغبيه اغبيييييه كنت عارف انكم اغبيييه قولت اخطفوها
خليتوهااا عملت حادثه...لو حصلها حاااجه هندمكم..
مجهول 2:ياباشا والله ملناش ذنب هو في واحد نادي عليهم وهيا رجعت
لورا عملت حادثه واحنا هربنا..
مجهول1:غووور من وشي ولو مبقتش كويسه هندمكم كلكم..
.................................
تاني يوم راحوا كلهم
عند ملاك ومالك والدته راحت معاه علشان يطمنوا عليها والدكتور بلغهم
ان حالتها لحد الان مستقرة وكمان 24 ساعه هتتنقل اوضه عاديه لو مكنش
في خطورة عليها وهنضطر نبلغ الشرطه لان حسب الشهود ان كان
هيحصل حاله خطف واتحول لحادثه
والد ملاك:تمام يادكتور متشكر لحضرتك
الدكتور:العفو دا واجبي..سلام عليكم.
وسابهم الدكتور وخرج...
.........................................
بعد مرور يومين اتنقلت ملاك اوضه عاديه بس لسه في الغيبوبه..
الدكتور:الحمدلله هيا حالتها بقت مستقره بس الله اعلم هتفوق من
الغيبوبه امتي كله بأيد ربنا ادعولها..وحضرة الظابط برة عاوز يستجوب
اللي كانوا شاهدين على الحادثه..
والد ملاك:تمام خليه يتفضل
دخل حضرة الظابط زين:السلام عليكم
جميع من في الغرفه:وعليكم السلام ورحمة الله وبركاته
الظابط زين: انا
عرفت بالحادثه اللي حصلت وحابب اعرف كل حاجه بالتفصيل...
حكي مالك وهادي كل اللي شافوه..
زين: اممم تمام مين اقرب حد للانسه ملاك..
سهي بحزن:انا ياحضرة الباشا
زين:تمام الانسه ملاك عندها عداوة مع اي حد علشان يحاول يخطفها..
سهي:لا يا حضرة الظابط ملاك طييه وملهاش عداوة مع حد والكل بيحبها..
زين:طيب اتخانقت مع اي حد قبل كدا...
سهي: هيا كانت خناقات كليه عادي يعني خناقات بين البنات منافسه وكدا
واتخانقت مع شاب من خمس شهور وهانته قدام الكليه كلها....سهي
بتذكر:ايوة ايوة صح هو وهو هددها انه هيندمها اكيد هو السبب في اللي
حصلها اكيد وبدات تعيط...
زين: طيب اهدي يا انسه هو اسمه اي طيب واحنا هنحاول نوصل لحاجه...
سهي بتذكر:اسمه فريد العامري