الفصل السابع والثامن والتاسع
بقلم منه وائل
ادهم :وبس يا ستي عشان كدا دخلت كليه الشرطه
اسيل :حاجه حلوه اوي انك تدخل كليه الشرطه عشان ترفع راس والدك
دب دب
ادهم :ادخل
ابراهيم :أدهم انت فاضي
ادهم :ليه في أي
فيروز وهي تزيح الباب بقوه:الحقني يا أدهم عصام اخد يوسف
ادهم :نعم، انتي بتقولي اي؟
فيروز ببكاء:عصام يا أدهم اخد يوسف مني
ادهم :قولتلك دا كلب ولازم يتسجن لكن انتي ما سمعتيش كلامي
فيروز :كنت فكراه هيتعدل لكن طلع حيوان
ادهم :اخده منك ازاي
فيروز:روحت اخده من الحضانه لاقت المدرسه بتقول راح مع ابوه
ادهم:يعني اي دا انا هطربق الحضانه دي على دماغهم كلهم ازاي يدولوا الولد من غير اذن هما مايعرفوش
فيروز ببكاء:انا عاوزه ابني يا أدهم ماليش دعوه
ادهم وهو يربط على كتفيها :اهدي يا حبيبتي ماتخافيش ان شاء الله خير انا مش هسيبه هخليه يسف التراب
ابراهيم :اهدي يا مدام ماتقلقيش هنتصرف
ادهم :معلش يا ابراهيم هطلب منك طلب
ابراهيم :اؤمرني يا حبيبي
ادهم :معلش خد فيروز رجعها البيت على ما اتصرف انا
فيروز:لا يا أدهم مش هروح غير بابني
ادهم :بطلي عناد بقا يلا قومي
ابراهيم :اتفضلي يا مدام
اسيل :مراتك دي؟
ادهم :ها، لا دي بنت عمي أكبر مني وكانت متجوزه وعندها يوسف
اسيل :وجوزها اللي خطفه
ادهم:اه
اسيل :مفيش اب بيخطف ابنه ولازم تكون متأكد ان الولد في امان مع ابوه هو ممكن يكون كان عاوز يقعد معاه شويه ولا حاجه
ادهم :انتي مش عارفه حاجه ابوه دا كان السبب في انه يدخل المستشفى بسبب ان هو وقعه وهو بيتخانق مع أمه
اسيل :ولو بردو، هو صحيح مش كل الابهات عندها رحمه ولا كل الأمهات، بس في الأول والآخر دا ابوه وهتشوف، يلا مش هرجع الحجز
ادهم وهو ينظر لها بتأمل :اكيد مش انتي اللي قتلتي انتي اللي ذيك عمره مايقتل، لو اعرف بس مين اللي لبسك في الموضوع دا بس هيظهر اكيد هيظهر
اسيل :باءذن الله، يلا انده على العسكري
ادهم :تمم، يا عسكري
العسكري :تمم يافندم
ادهم :نزل اسيل الحجز ونبه عليهم أن مفيش حد يلمس شعره منها مفهوم
العسكري :مفهوم يافندم
ادهم :الو ايوا يا سيد اه اسمه عصام يوسف عبدالباقي، ايوا تجبهولي هنا، ماشي سلام، انا هوريك يا عصام الكلب
بقلمي منه وائل
💗💗💗💗💗💗💗💗
في منزل مصطفي
جومانه:هو في حد يعمل كدا ياخالو
مصطفي :مش عارف بقا يا جومانه اومال انا اي اللي خلاني اقولك، بصي هي جميله اوي وانا حبيتها
جومانه :طب هو في حد بيحب حد يعمل فيه كدا بص تعالي هات ودنك
مصطفي :اي يا مغعوصه
جومانه :باللي انت عملته دا خليتها مش هتيجي هنا تاني ومش هتشوفها تاني
مصطفي :غبي انا صح؟
جومانه :للاسف
مصطفي :اممم، انتي كام سنه يا جومانه
جومانه :٧ سنين
مصطفي :لا مااصدقش ان وليه شلق زيك ٧ سنين
جومانه :انا شلق يا خالو
مصطفي :لا خالو اي بقا ما خلاص، المهم دلوقتي، انا اعمل اي
جومانه :ولا حاجه حط راسك في التراب زي النعامه
مصطفي :نعم يا روح امك نعامه مين يا بت فوقي
جومانه :خلاص خلاص، هقولك تعمل اي تعالي
ام مصطفى :يا مصطفى، واد يا مصطفى
مصطفي بنفاذ صبر: خير يا ماما.
ام مصطفى :جنبي يا بني وجعني اوي
مصطفي برعب:مالك يا ماما بس فيكي اي
ام مصطفى :جنبي يا بني تعبانه اوي مش قادره
مصطفي :طب يلا نروح المستشفى
ام مصطفى :مش قادره اقوم والله يابني
مصطفي :انا هجبلك الدكتور ماتخافيش يا ماما
بقلمي منه وائل
💗💗💗💗💗💗💗💗
في المستشفى
فلاش باك
اسر:اي في أي
:هموتك واخلص منك
:لا لا لااااااا، اااااه
باك
تيت تيت تيت
نهى :هو ماله يا دكتور.
الدكتور:حقيقي اول مره اشوف كدا، هو في حاجه مأثره عليه هو بيتذكر حاجه مش معلومه، أو مش قادر يفتكر اللي حصل كامل، بس تفكيره دا هيساعدنا كتير انه يفوق من حالته دي
نهى :طب هو دلوقتي حالته اي
الدكتور:بصي هو حالته ماتطمنش لان الغيبوبه دي يعتبر موت اصلا بس يمكن تحصل معجزه من عند ربنا
نهى بخيبه امل :يارب استر
بقلمي منه وائل
💗💗💗💗💗💗💗💗
في لندن
(الحديث مترجم)
دكتور1:ان حالتها تتحسن كثيرا
دكتور2:وماذا عن اشعه المخ؟
دكتور1:لقد فحصتها جيدا ومفعول الدواء سريع جدا
دكتور2:حسنا، الان جميع الخلايا السرطانية انتهت من جسدها
الممرضه :سيدي سيدي
دكتور 2:ماذا بيكي مرونيا؟
الممرضه :لقد استيقظت المريضه
دكتور1 باءندهاش:ماذا؟
دكتور2:هيا لنراها
فتحت مريم عينيها وأخذت تستعيد ذاكرتها وتنظر للجميع :انا فين؟
بقلمي منه وائل
💗💗💗💗💗💗💗💗
في مديريه الامن
دب دب
ادهم :ادخل
العسكري : سيد باشا برا يا بيه
ادهم :دخلوا بسرعه
سيد :اي يا ريس عامل اي
ادهم :حبيبي، انت اخبارك اي
سيد :فل الحمدلله، جبتوا
ادهم :بجد
سيد :بجد، بس عاوز اقولك حاجه هو مكنش خطفوا ولا حاجه كان بيفسحوا ورجعوا البيت
يوسف وهو يقفز على أدهم :خاااالو
ادهم :جو، وحشتني اوي
يوسف :وانت كمان يا خالو، بص بابا جبلي اي
ادهم :اه ماشي يا حبيبي، ابراهيم خد يوسف.
ابرهيم :تعالي يا حبيبي
ادهم :عارف يا عصام اللي حيشك عني بس هو يوسف، ماهو انا لو اتصرفت معاك بطريقتي يوسف هيكرهني وانا مش عاوز كدا
عصام :اولا انا ما خطفتهوش دا ابني ومن حقي اخرج معاه وبعدين هو بقا حرام الواد يقعد مع ابوه
ادهم :ماقولتش كدا بس انك تاخد الواد من ورا امه كدا، دا الغلط، بص يا عصام مفيش كلام تاني، ابنك ولك ايام معينه تشوفوا فيها غير كدا لو جيت للواد تاني عند الحضانه هتزعل تمم يلا اتفضل
عصام:ماشي يا أدهم ماشي
ابراهيم :اسمك اي يا برنس
يوسف :يوسف، وانت.
ابرهيم :وانا ابراهيم، ممكن نبقا صحاب
يوسف :مفيش مشكله
ابراهيم :يا ولد هههههه ماشي يا عم بقنا صحاب
..................
سكره:بصي احنا ظبطنا كل حاجه اهم حاجه انتي بقا انك تنفذي كل حاجه بالحرف، فهمتي صاحبك دا
اسيل :اه فهمته
سكره :تمم، بكرا الصبح يكون موجود
اسيل:تمم
سكره :توكلنا عليك يارب
بقلمي منه وائل
💗💗💗💗💗💗💗💗💗
في منزل محمود
ام محمود:يابني انت اي اللي بتعمله دا، كدا غلط عليك وعليها
محمود:اسيل لو فضلت في السجن ياأمي كدا هيلف حبل المشنقه حولين رقبتها
ام محمود:ويعني هروبها من السجن اللي مش هيلف حيل المشنقه على رقبتها، يابني بلاش تعملوا حاجه تندموا عليها
محمود:ان شاء الله مفيش ندم، بس أنا مش هسيب اسيل تقعد دقيقه كمان في السجن دا
ام محمود:يعني انت بردو راكب دماغك
محمود:ايوا
نظرت له ثم ذهبت إلى غرفتها أخرجت هاتفها وضغط على الازرار
ام محمود :الو ايو يا محسن، تعالي الحقني، ابني هيضبع مني
محسني :في أي بس يا عايده ماله محمود
ام محمود:محمود شاغل دماغه بقضيه البيت صاحبته دي اللي اسمها اسيل، ويحاول يخربها بكره وهي معروضه على النيابه الصبح تعالي الحقوا ونبي، انت بردوا خاله وهو بيسمع كلامك.
محسن:طيب اهدي انا جاي حالا
ام محمود:يارب استر
بقلمي منه وائل
💗💗💗💗💗💗💗💗
في منزل رضا
رضا:اسيل هتتعرض على النيابه الصبح، واحنا لحد دلوقتي مجبناش ولا دليل والمحامي الزفت دا ولا عارف يتصرف
سعاد:يعني اي بنتي ضاعت مني خلاص، ااااااه يابنتي بل خرقه قلبي عليكي يابنتي
رضا:اهدي يا سعاد بلاش كدا، انا هتصرف ماتقلقيش
تن تن
سعاد :يارب استر
الشغاله :في واحد عاوز حضرتك اسمه منصور
رضا بدهشه :اي منصور!!
بقلمي منه وائل
💗💗💗💗💗💗💗💗💗
في الجريده
فريده :كنت في مشوار وخلصته وجيت على هنا
رئيس التحرير:طيب كتبتي عن قضيه اسيل منصور العميد
فريده :لا بس انا ممكن اكتب عنها مباشر اصل زي ما انت عارف بابا لواء وكدا يقدر يتصرف
رئيس التحرير :تمم يا فريده
...............
عبد الرحمن :دي بقا بنت اللوا عثمان مسعود
دينا:ايوا بت تنكه اوي في نفسها فاكره ان مفيش حد في قدها ولا في شغلها
عبد الرحمن :امممم، عينيا اكسرلك مناخيرها
دينا :ايوا بس خالي بالك عشان هي ممكن اللي تكسرلك مناخيرك دي بت مش سهله.
عبد الرحمن :هههههههههه لا ماتخافيش عليا يا ختي
فريده :ايوا يعني راح فين، اموت واعرف
سندس:هتلاقي هنا والا هنا يا فريده اهدي اومال
فريده :هو فار يا سندس دا ملف، اوف بقا
دب دب
فريده :ادخل
عبد الرحمن :السلام عليكم
سندس :عليكم السلام
فريده :افندم؟
عبد الرحمن :هو حضرتك بتدوري على أي؟
فريده :نعم، وانت مالك انت داخل مخصوص المكتب عشان تقولي بدور على أي
عبد الرحمن :مش يمكن اللي بتدوري عليه معايا
فريده:معاك انت ههههههه، ليه أن شاء الله
عبد الرحمن :مش معايا بظبط بس اكيد لو دورت هلاقي
فريده :انت عايز يا حضرت انت
عبد الرحمن :قوليلي بس انتي بتدوري على أي
سندس:الله في أي يا جدع انت؟
عبد الرحمن :العموم براحتكم كان بودي اساعدكم ز ي ما ساعدت ناس كتير بس انتوا مش عاوزين تمم عن اءذنكم
نظرت فريده لسندس ثم قالت:طب استنا، يا.... انت
عبد الرحمن :عبد الرحمن اسمي عبد الرحمن
فريده :طب يا عبد الرحمن انا بدور على ملف مهم اوي في الشغل ومش لاقيه من امبارح كان هنا على المكتب
عبد الرحمن :تمم عن اءذنك كده
فريده :اهو
اخرج عبد الرحمن الملف من أسفل المكتب واعطاه لفريده وكادا انا يخرج نظرت له فريده بصدمه ثم قالت :يا... ياعبد الرحمن انت، استنا بس انت لاقته ازاي انا لسه مدوره هنا ٤ مرات
عبد الرحمن :قدرت الله
فريده :طب هو انت شغال هنا معانا
عبد الرحمن :ايوا لسه جاي الجريده مبقاليش ساعه
سندس :نورتنا يا استاذ عبد الرحمن
عبد الرحمن :شكرا، لو احتجتوا اي حاجه انا مكتبي جنبك على فكره، باي
سندس :باي، شوفتي الواد قمر وحليوه ازاي، بت، يا فريدة، فريدة
فريده :اي يا سندس في اي
سندس:بقا مركزه في ام الملف اللي في ايدك دا وسايبه الموز ابو لبن ده واللي عملوا
فريده :اي اللي عملوا يعني؟ عشان لقى الملف، هههه طب ما اي عيل صغير ممكن يلاقي
سندس:كنتي لاقيتي انتي يا فلحوسه
فريده:بصي انا اتفجئت زي زيك بظبط واتصدمت كمان، بس مش عارفه حاسه انه عادي يعني مااخترعش الذره، المهم سيبك منه ياا تعالي بقا نشوف موضوع قضيه بنت منصور العميد دي
سندس :مش دي تبقا بنت اخو رضا العميد
فريده:ايوا هي بظبط
سندس:تمم يلا
بقلمي منه وائل
💗💗💗💗💗💗💗 💗💗
في منزل أدهم
فيروز وهي تقبل يوسف :يا حبيبي كنت هتروح مني يا حبيبي
يوسف :اروح فين يا مامي انا كنت في الملاهي مع بابي، مامي انتي ماجتيش معانا ليه يا مامي
فيروز وهي تمسح دموعها:معلش يا حبيبي اصل كنت عيانه شويه
ادهم :ما الواد في ايدك اهو بتعيطي ليه، حقيقي يا اخي النسوان دول نكد في كل وقت عياط
ابراهيم :ههههههه، ما اسمهمش نكد يا أدهم اسمهم كائنات حساسه
ادهم :يا ولد اي العقل دا كله ياض، طب وانت بقا اللي خلاك طلقت الكائنات الحساسه، اي طلعت احاسيسها منفسه
ابراهيم:هههههههههه يااخي انت كل حاجه كدا تقلبها بتريقه، منا وانت عارفين انا طلقتها ليه
فيروز:هو حضرتك كنت متجوز؟
ابراهيم :اه كنت متجوز وعند بنت اسمها جوليا وعايشه مع مامتها في ألمانيا
فيروز :وانت مش بتشوفها خالص
ابراهيم :كنت بسافرلها كل شهر بقعد معاها ١٠ ايام بس انا طلبت انها تيجي تعيش معايا هنا لأن مامتها اتجوزت فإن شاء الله هي جايه يوم الخميس
فيروز:تيجي بالسلامه المهم ان شاء الله اول ماتوصل، ابقا اعزمهم يا أدهم على الغدي عشان عاوزه اشوف القمرايه اللي جايه ان شاء الله
ادهم :ان شاء الله، المهم اي مفيش غدي والا اي الراجل عصافير بطنه بتصوت
ابراهيم :مين انا، لا طبعا انا اصلا ماشي
ادهم :ياجدع بطل هبل بقا واتنيل اقعد مفيش خروج
ابراهيم :بس يا أدهم
ادهم :مابسش اقعد
ابراهيم :حاضر
بقلمي منه وائل
💗💗💗💗💗💗💗💗💗
في منزل مصطفي
مصطفي :ها يادكتور امي عامله اي
الدكتور:هي محتاجه شويه فحوصات وتحاليل عشان نتأكد اذا كان الألم دا أملاح والا حصاوي على الكلى، وهنعمل فحوصات شامله على الكبد اصل في شك ١٪َ اعوذوا بالله ان يكون في نسبه تليف
مصطفي بصدمه :اي؟
الدكتور :ماتقلقش انا بقول نسبه ١٪ودي نسبه ضئيله جدا بس ياريت متتاخروش في الفحوصات
مصطفي :ماشي يا دكتور شكرا جدا تعبناك معانا
الدكتور:لا ماتقولش كدا انا تحت أمركم ، عن اءذنك
مصطفي :مع السلامه
ام مصطفى :يا مصطفى واد يا مصطفى
مصطفي :ايوا ياحبيبتي اؤمريني
ام مصطفى :انا عاوزه عسليه
مصطفي :هههههههههههههههههه،ونبي انتي اللي مصبراني على الدنيا دي، ربنا يخليكي ليا يا غاليه
ثم قام باءحتضانها والبكاء، خوفا من ان ترحل وتتركه فلم يعد لديه احد غيرها هي من بقيت له
بقلمي منه وائل
💗💗💗💗💗💗💗💗💗
في الصباح في النيابه العامه
سكره :ماتقلقيش كل حاجه جاهزه كدا كدا هما يحبسوكي لحد اما أسر دا يفوق او حد يجي بدليل قطعي
اسيل:انتي عارفه الكلام دا كله منين
سكره:ياست وهو دا وقته، المهم فين ابن خالتك والا صاحبك دا
اسيل:مش عارفه بس هو قالي هيكون هنا قبلينا
سكره:ربنا يستر
.......................................
عند محمود
محمود:يا خالو ابوس ايدك سبني امشي بقا اسيل محتاجاني
محسن:انت لو بتخاف عليها فعلا مش هتعمل كدا، انت كدا بتئذيها وبتئذي نفسك افهم بقا
محمود:محدش فيكم فاهم حاجه يبقا سبونا بقا نتصرف انا لايمكن اسيبها تقعد دقيقه تانيه في السجن اسيل مش وش بهدله يا خالي، ابوس ايدك سبني بقا فاضل ساعتين ويئمروا بتجديد حبسها
محسن :وانا قولت لا يعني لا ودا اخر كلام
وأثناء ما التفت محسن بظهره اخذ محمود مفتاح السياره وقام بالجري بكل ما أوتي من قوه
ام محمود :الحق يا محسن دا جري
محسن :خد يا محمود، يا محمووووووود
..........................
سكره :قالولك اي جوا
اسيل :جددوا حبسي لحد اما يفوق أسر ولو مات هيتحكم عليا بالإعدام
سكره :يا ساتر يا رب لا ان شاء الله خير
ادهم :ماتخافيش يا اسيل انا متأكد انك بريئه، صحيح معرفكيش بس اليومين اللي كنت بشوفك فيهم فعلا بأن انك مش كده انت جنبك ماتخافيش، ثم وضع يده على يديها لكي يحثها الطمأنينه
سكره وهي تبرم شفتاها : أحيه بقا قمر زي دا يحط ايده على أيدي واسيبه واهرب دا كفايا انه كل يوم بيقعد معاكي شويه
اسيل :بس بقا الله يخربيتك وطي صوتك
سكره :طب يلا يااختي عشان العيال وصلت
اسيل :وانتي هتعملي اي
سكره :لا ياختي انا خارجه دي كانت جنحه ضرب مش اكتر ضربت صاحب الشغل بتاعي وهو اتنازل النهارده
اسيل :يعني هتجيلي
سكره :يا بت اه هجيلك على العنوان اللي انا ادتهولك في الورقه تمم
اسيل :تمم، محمود اهو
محمود وهو يلتقط أنفاسه بصعوبه : انا..... انا اسف يا اسيل والله خالي السبب
سكره :مش وقته يلا، جهزت العربيه اللي من غير نمر
محمود :جاهزه
سكره :تمم استعنا على الشقا بالله
وأثناء ركوب اسيل وسكره السياره لنقلهم الي المديريه، حدث ضرب نار في كل مكان وعبئت الفوضى في كل مكان، استغل محمود هذه الفرصه ثم قام بضرب العسكري الذي يمسك اسيل، ثم قام احد الرجال الذين قاموا بهذه الفوضى بطلق قنبله مسيله للدموع حتى لا تجعل احد يري
ادهم:كح كح، اوعي حد من المسجونين يهرب، فين اسيل، اسيييييييل
🤍عشقت مسجوناتي🤍
🤍البارت الثامن🤍
ادهم :كج كح، اوعي حد من المسجونين يهرب، فين اسيل اسيييييل
........................
في منزل محمود
التلفزيون :أمام النيابه العامه أثناء خروج بعض المساجين من النيابه العامه قاموا مجموعه من المسلحين بضرب النار غلي رجال الشرطه وهرب مجموعه من المساجين ومن ضمن هؤلاء، اسيل منصور احمد العميد التي قام بالحكم عليها بتجديد حبسها حين الوصول إلى دليل في قضيتها، وأثناء ترحيلهم بسياره الشرطه الي المديريه قاموا الجماعه المسلحين بضرب النار وإلقاء قنابل مسيله للدموع وبعد ذلك اختفت المتهمه اسيل منصور العميد
ام محمود:شوفت شوفت يا محسن جالك كلامي اهو عملها
محسن :طلما اسمه مش موجود في الموضوع اطمني
ام محمود :هما يعني هيسكتوا، دا الشرطه هتنطلنا كل يوم هنا هيفتكروها هنا عشان عارفين ان محمود معاها على طول
محسن :ولو افتكروها هنا محدش اخد باله اصلا ان محمود كان معاها يومها
ام محمود :ربنا يستر
بقلمي منه وائل
💗💗💗💗💗💗💗💗💗
في مديريه الأمن
ادهم :يا سلام يعني هتكون الأرض انشقت وبلعتها
العسكري:في واحد يا باشا ضربني علي دماغي واخدها مني
ادهم :ايوا شكله اي دا بقا وش امه اي
العسكري :ماشفتهوش يا بيه
ادهم :يعني اي ماشفتهوش بهايم انتوا يلا غور من وشي، ها وانت يا استاذ رضا ماتعرفش بردو
رضا :يابني وانا هعرف منين منا كنت زي زيك واقف وفجئت لاقت اللي حصل دا هخدها اخبيها فين انا بس
سعاد ببكاء:كان مستخبيلك دا كله فين بس يا بنتي يا حول الله يارب
دب دب
مصطفي :أدهم اي اللي حصل دا صحيح اسيل هربت
ادهم :انا مش عارف اي اللي حصل دا
مصطفي :تفتكر مين اللي ساعدها في كدا والا هي مكنتش عارفه انها هتهرب والا اي، يك مش اتخطفت؟
ادهم:اللي هيخطفها، هيخطفها ليه دلوقتي يعني؟
مصطفي :مش عارف بقا انا دماغي وقفت.
ادهم :خلاص يا حاج رضا روح انت وكدا كدا هبعتلك تاني انت والمدام
رضا :يلا يا سعاد
مصطفي :انت مالك متعصب كدا ليه، ياسيدي هتلاقيها، ماتقلقش ترقيتك مش هتروح
ادهم :ترقيه اي بس
مصطفي :اومال مالك يا أدهم بس
ادهم :مفيش حاجه انا هروح
مصطفي :طب استنا بس مش هنخرج
ادهم :لا
مصطفي :ماله دا؟
بقلمي منه وائل
💗💗💗💗💗💗💗💗💗
في المستشفى
نهى :يا دكتور، هو حالته مستقره حاليا على الاجهزه، بس هو سامعني
الدكتور:بصي هو دلوقتي في عالم تاني، مابين الرجوع الاستسلام بس الاستسلام هو اللي مسيطر عليه ادعي ربنا انه يفوق من الحاله دي
نهى :يارب
دب دب
مني :أسر حبيبي اي بس اللي حصلك ياروحي، اي عاوز تسبني انا وابنك والا اي، انا عارفه انك زعلان مني من آخر مره اتكلمنا فيها بس َوالله انا بحبك
نهى :اي دا اي دا انتي مين؟
مني:انتي اللي مين؟
نهى :انا اللي بسألك وداخله كدا كانك داخله زريبه
مني :ياي اي دا بيئه، انا مراته ام ابنه
نهى :انتي بتقولي اي انتي اتجننتي
مني :احترمي نفسك احسن لك، اومال انتي اللي مين
نهي:انا....... انا خطبته
مني :نعم، انتي هبله يابت والا اي، اه شكلك من اللي بيقضي معاهم يومين وبعدين بيرملهم قرشين
نهى :انتي قليله الأدب وانا بقا هعرف اربيكي
مني :عاااااااااااااا، اوعي ايدك دي
نهي:تعالي هنا دا انا نعلمك الادب يا قليله الربايا
مني :مفيش قليل ربايا غيرك
نهي:عاااااااااااااا
الدكتور :اهدي يا مدام والا يا انسه انتي وهي بقا مايصحش احنا في مستشفى وغلط كدا على المرضى
نهي:وربنا منا سيباكي
مني :اوعي بقا عااااااا
الممرضه :الحق يا دكتور استاذ أسر قطع النفس
نهى بصراخ:اسررررررررر
بقلمي منه وائل
💗💗💗💗💗💗💗💗💗
في منزل رضا
فلاش باك
رضا :منصور
منصور :حبيبي يا اخويا وحشتني اوي
رضا:ههههه اخوك، عايز اي يا منصور
منصور:الفلوس اللي كنت مدهالي خلصت
رضا :اه وطبعا جاي عايز غيرها، طب بص بقا يا منصور انا مش هديك حاجه تاني تمم، وأن كان على اسيل فهي خلاص كرهتك لانك اب مادي وحقير انا لحد دلوقتي ماقولتلهاش انك هنا في مصر لسه وبتاخد مني كل شهر فلوس لان انا متأكد لو انا قولتلها صدقني هي بنفسها اللي هتيجي تطردك
منصور:الا صحيح هي فين عاوز اشوفها
رضا:هههه حتى دي كمان ماتعرفهاش، بنتك اتحبست يا منصور بسبب أسر ابن مجدي اللي انت السبب في انه يدخل في حيات بنتك، صدقني لو في اي مكروه حصل وبيحصل وهيحصل لاسيل، فهو بسببك لأمك غير مسؤل اتفضل يلا براااا مش عاوز اشوفك تاني برا
باك
سعاد :مالك بس يا رضا
رضا :مخنوق
سعاد :عشان اسيل صح
رضا :مش عشان اسيل بس
سعاد :اومال اي تاني
رضا :انتي فكرك لما اطرد اخويا واسيبه يتلطم في الشوارع دي حاجه حلوه، انا كنت بتقطع من جوايا وانا بطرده
سعاد:طب طردته ليه؟
رضا :لان عارف ان دا الصح، ومتاكد ان هو هيتغير
سعاد :انا مش هممني دلوقتي غير بنتي، ياترى راحت فين؟ وهربت مع مين؟ ولي عملت كدا؟
رضا:مش عارف حاسس كل حاجه متلغبطه اوي، ربنا يستر
بقلمي منه وائل
💗💗💗💗💗💗💗💗💗
في لندن
الدكتور :حمدا لله على سلامتك يا سيدتي كيف حالك الان؟
مريم :انني في أفضل حال، ماذاا حدث لي؟ ومتي أتيت هنا؟ ومن الذي اتي بي الي هنا؟
الدكتور:سيدتي، انتي كنتي تعانين من مرض السرطان في الفص الأيمن من المخ وهذا قد أثر على المؤثرات العصبيه لديكي وجعلكي في غيبوبه لمده ٣ سنوات، والذي اتي بيكي الي هنا، السيد مارك صديقك وكل يوم يزورك سيدتي، وللان نحن اتصلنا به وسيأتي
مريم :حسنا لقد تذكرت، شكرا لك على الاعتناء بي.
الدكتور:على الرحب سيدتي
نظرت مريم الي اللا شئ وتذكرت الكثير والكثير من الذكريات تذكرت اول يوم لها في لندن وتذكرت طوال حياتها وهي بعيده عن طفلها الذي أصبح يكرهها، كيف يعيش الان؟ وهل يتذكرني اما نسي كل شئ يخصني، الان انا بخير بعد صراع مع المرض دام خمسه عشر عاما، اريد ان احتضنك يا صغيري الان انت أتممت ال٢٥ والعشرون من عمرك انني افتقدك كثيرا.
بقلمي منه وائل
💗💗💗💗💗💗💗💗💗
في منزل بعيد عن الانظار لا يعلمه احد وسط المناطق الشعبيه
محمود :اي المكان المقرف دا مفيش مكان انضف من كدا تستخبي فيه
اسيل :بقولك اي يا محمود كويس اصلا اننا لاقنا مكان استخبي فيه وبعدين سكره هي اللي جيباه
محمود :مش عارف اي سكره دي اللي طلعلنا في البخت
اسيل :على فكره هي السبب في اني انا اهرب وكل حاجه حصلت النهارده كان بسبب ترتبها فتهدي بقا وبلاش تنكر جملها علينا
محمود :ياستي انا ماقولتش حاجه بس انتي هتقدرى تعيشي هنا، بصي الحمام عامل ازاي، طب بزمتك بصي السيفون المفروض انك تدوسي عليه ينزل المايه، كدا بقا المايه هتنزل على دماغك حتى شوفي
اسيل :استنا يامحمود، استنا
تش
اسيل:كنت لسه هقولك المايه هتقع على دماغك انت
محمود :يانهار اسود ومنيل اي القرف دا اي دا ريحه المايه دي، هما بياخدوا من المجاري ينضفوا بيها البي بي بتاع الناس، ااااه ياني
اسيل:هههههههه ما انت اللي غبي عمال اقول استنى وانت شغال تدوس كانك بتفتح ساقيه لطور
محمود:يا شيخه بقا، طب بصي بزمتك الجيران، عمو اللي واقف هناك بالشرط والفانله دا يعني خلاص هي سنتي والشورت يتسلط منه وتشوفي اللي عمرك ما شوفتي
اسيل:عاااا، يانهار اسود اقفل الشباك دا
محمود:استنى الحق الواد بيتف على الناس في الشارع، يابن النتنه، أحيه بصي يااسيل
اسيل:عاااا كفايا يا محمود ونبي
محمود :بصي الواد دا بيعمل حمام في البلكونه يا سوادي، بصي ابشرك اننا هنشوف ايام سوده يا شيخ حسن
اسيل:يالهوي بقا
وعندما كانوا يتحدثون سمعوا أصوات في الحاره أطفال تقول :الظابط فرغلي جه الظابط فرغلي جه
فرغلي :بس يابني انت وهو
محمود واسيل :يا خراب اسود ظابط
🤍عشقت مسجوناتي🤍
🤍البارت التاسع🤍
محمود :بصي ابشرك اننا هنشوف ايام سوده يا شيخ حسن
اسيل :يالهوي بقا
وعندما كانوا يتحدثون سمعوا أصوات في الحاره أطفال تقول :الظابط فرغلي جه، الظابط فرغلي جه
فرغلي :بس يابني انت وهو
محمود واسيل :ياخرابي لسواد، ظابط
محمود :يانهار اسود دا احنا لسه مكملناش ربع يوم على بعضه لحقوا عرفوا مكانك
اسيل :يالهوي طب اعمل اي دلوقتي، اطلع أجرى على السطح
محمود :تجري على السطح اي بس هو انتي فاكره نفسك اللمبي، اه يا حاره معفنه
اسيل :يا محمود وده وقته هزار دلوقتي يلا بينا
محمود:طب استني
وكان محمود سيقوم بفتح الباب سمع صوت الظابط يصعد الدرج
ام ايمن :يا فرغلي يابني الهي تنستر رخصه الواد ايمن عليها مخالفات ياما واديك شايف الحال
فرغلي:خلاص ياام ايمن عندي دي خليه يجلي بكره الصبح ويكون جايب معاه فطغر مفهوم، وانا هتصرف
ام ايمن :إلهي ربنا يوقفلك ولاد الحلال، ربنا يعمر بيتك
فرغلي :الله يخليكي ياام ايمن
اسيل :دا طالع
فرغلي :انتوا مين؟
اسيل :اااا....
محمود :احنا...
فرغلي :انتوا حراميه؟، ثم قام بإخراج مسدسه وقال :انطق ياض انت وهي انتوا مين
اسيل :عااااااااااااا
بقلمي منه وائل
💗💗💗💗💗💗💗💗💗
في مدرسه جومانه
ايمان :صباح الخير
الاولاد :صباح النور ميس ايمان
ايمان :يلا طلعوا ورقه وقلم في امتحان
روقيه :هي كانت قلتلنا عشان نذاكر
جومانه:وهي لازم تقولك ماتذاكري واعملي حسابك
روقيه :هنقول اي بقا ماانتي دحيحه
جومانه :الله اكبر في عينك الوحشه
ايمان:جومانه في أي؟ عامله قلق ليه
جومانه :انا والله ابدا
ايمان :طب تعالي عاوزاكي
جومانه :حاضر
ايمان :جومانه انا َمش هقدر اجي اديكي الدرس بعد كده في بيتك
جومانه :ليه بس يا ميس هو في حد ضايقك
ايمان :ها، لا يا حبيبتي بس المشوار بعيد عليا وانتي عارفه والدي راجل كبير ومحتاج عنايه
جومانه:طب حضرتك تحبي ناخد الدرس فين
ايمان :في البيت عندي وماتخافيش، مفيش الا انا ووالدي بس اللي عايشين فيه
جومانه :تمم هقول لخالو وارد على حضرتك
ايمان :ماشي يا حبيبتي يلا روحي امتحني
جومانه :حاضر
ترن ترن
ايمان :الو، ساره اذيك عامله اي، الحمدلله انا بخير، اي دا بجد نزل مصر امتا، حمدالله على سلامته، اه طبعا هاجي ماشي يا حبيبتي يلا سلام
بقلمي منه وائل
💗💗💗💗💗💗💗💗💗
في الجريده
سندس :يابنتي وكتاب الله هربت الصبح
فريده :غريبه اوي
سندس :هو اي اللي غريب
فريده :أدهم موجود في الصوره
سندس :ما دا الظابط اللي ماسك قضيتها
فريده بدهشه:نعم هو أدهم هو اللي ماسك قضيتها؟
سندس:ايوا يا بنتي
فريده :ماشي
سندس:رايحه فين يا لاسعه
فريده:لازم اشوف أدهم حالا
سندس:يا فريده استني، يابت، والله مجنونه
عبد الرحمن :انسه فريده
فريده لنفسها:اوف بقا ودا عاوز اي دا كمان
عبد الرحمن:انسه فريده رايحه فين؟
فريده:نعم؟ وانت مالك
عبد الرحمن :ها، انا اسف مش قصدي حاجه انا بس لاقتك بتجرى قولت اكيد في حاجه فحبيت اساعد
فريده:لا شكرا مستغنين عن خدماتك
عبد الرحمن :الو، اي يا دينا خلصتي، اوعي تكون الكاميرات لامحتك، تمم انا نازل وراها اهو يلا باي
.................
فريده :يووووه بقا يووووو، اي القرف دا، ودا وقتك، ياربي بقا اعمل اي
عبد الرحمن :انسه فريده
فريده :ياربي على صفار البيض
عبد الرحمن :اي اللي حصل للكوتش
فريده بتريقه:انت شايف هو حصله اي اكيد نام
عبد الرحمن :اه، طب وهتعملي اي
فريده بملل:هتصل باوبر
عبد الرحمن :اعتقد ان ممكن تتأخري، فلو تحبي اوصلك يعني
فريده :لا اله الا الله غلس انا عارفه ومش هيسبني في حالي
عبد الرحمن:انسه فريده انتي معايا
فريده بعصبيه:اوف، اسمي ديده ديده، ماتقولش فريده
عبد الرحمن :خلاص اهدي طيب اتفضلي هوصلك
فريده:اوف، ماشي
بقلمي منه وائل
💗💗💗💗💗💗💗💗💗
في منزل أدهم
فيروز :وبعدين الملك جوز بنته للامير محمود وخلفوا عثمان وامينه
يوسف:مامي هو ليه سماهم عثمان وامينه
فيروز:عادي يا يوسف اهي اسامي وخلاص
يوسف :امممم، طيب يا مامي هي اميره دي حلوه؟
فيروز:معرفش يا يوسف يعني ده خيال مش حقيقه
يوسف :طيب يا مامي لوسمحت ماتحكيش خيال تاني، عاوز الواقع تمم
فيروز:هههههه انت مالك بتتكلم جد كده ليه؟
يوسف :عادي يا مامي
فيروز:مش عارفه ليه من كتر قعدتك مع أدهم بقت شبهوا
ادهم :حد بيجيب في سيرتي؟
فيروز:أدهم، انت جيت امتا؟
ادهم :لسه جاي، اي بقا ماله البرنس
فيروز:هههه البرنس بقا شبهك اوي
ادهم:بجد، طب تعالي هات بوسه
يوسف :وحثتني اوي يا اتهم
ادهم :يابني اتهم اي بس المهم انت بتعمل اي
يوسف :ولا حاجه مامي بتحكيلي قصه
ادهم :اممم كلشي يا حبيبي
فيروز:مالك يا أدهم
ادهم وهو يزفر بضيق:مفيش مشاكل في الشغل
فيروز:لا انت مش أدهم اللي انا اعرفه، مفيش شغل ابدا يقلب كيانك كدا مالك
ادهم :تعالي عاوزك
فيروز :حاضر هسيب بس يوسف مع سماح واجي
ادهم :ماشي
.................. في الجنينه
ادهم :الو، اي يا ابراهيم، لا بجد نزلت مصر، طب تمم جايلك نروح سوا، ياعم عادي مفيش حاجه اعملها اصلا، طيب تمم، سلام
فيروز:اي يا أدهم مالك بقا في أي
ادهم :النهارده في متهمه هربت، اسيل منصور اللي انا ماسك قضيتها
فيروز:ودا اللي مضايقك، يعني هيسببلك مشاكل في الشغل
ادهم :الفكره مش في كده، مش عارف ليه حاسس اني مخنوق مع ان يعني دي متهمه وهربت عادي، بس حاسس انها لما مشيت في حاجه ناقصه
فيروز:هو انت كنت بتتكلم معاها اصلا
ادهم:يعني كنا ساعات بندردش مع بعض، وعلى فكره مش هي اللي قتلته، العيون عمرها ما تكذب يمكن اللسان اه، لكن العيون لا، بس هي بقا اختارت الهروب، وانا مش هسيبها هجبها، لأن مش أدهم عمران اللي قضيه تخسع منه
فيروز :مش يمكن هي هربت عشان تقد تثبت برائتها
ادهم:مفيش حد يقدر يثبت برائته على باطل هي هربت ودا مخالف للقانون وانا ادوس على أي حد يخالف القانون، وهجبها مش هتروح بعيد، انا ماشي عشان إبراهيم مستنيني
فيروز:ليه اشمعنا؟
ادهم:اصل جوليا نازله مصر النهارده فرايح معاه المطار، طبعا عارف شعوره هيكون عامل ازاي فمن الاحسن اني اكون معاه
فيروز :اها ماشي ياحبيبي خالي بالك من نفسك
ادهم :ماشي ياحبيبتي
بقلمي منه وائل
💗💗💗💗💗💗💗💗💗
في لندن
مريم :مارك، كيف حالك؟ لقد اشتقت لك كثيرا يا صديقي
مارك :حمدا لله على سلامتك يا مريم، انا ايضا اشتقت لك، والان قولي لي ماذا تريدين ان تفعلين بعد شفائك؟
مريم :اريد رؤيه أدهم طفلي.
مارك:اوه يا مريم انه ليس طفلك الان انه أصبح راجل، علمت انه أصبح من رجال الشرطه المصريه
مريم بدموع:كنت اتمني رؤيته بعيناي وهو بيكبر، هل سيسامحني؟ هل سيتفهم أمري؟
مارك :حسنا، لا عليكي إذا صارحتي بهذا الأمر سيسامحك، ولكن اريد ان أتفهم شئ لماذا خبئتي امر مرضك عن زوجك وطفلك.؟
مريم :انني تركتهم لأنني ظننت انني سوف انتهى والمرض سيتغلغل الي جسدي، ولأنني لم أكن سوف اتحمل رؤيتهم والحزن يتسلل الي قلبهم فضلت الإبتعاد لكي ينسوني تماما
مارك:هذا التفكير خاطئ يا مريم انك دمرتي عائلتك بهذا التفكير يجب عليكي إصلاح كل هذا
مريم :هل استطيع؟
مارك:ستستطيعين وانا معكي يا رفيقتي
مريم :انا اتمنى ذلك
بقلمي منه وائل
💗💗💗💗💗💗💗💗💗
في منزل سكره
فرغلي:يا بشوات مش كنتوا تقولوا انكم تبع البت سكره، دا احنا نشيلكم فوق راسنا
محمود:الله يخليك، الا صحيح انت رتبتك اي؟
فرغلي :ههههههههه هو انت صدقت العيال الهبله دي، انا آمين شرطه
اسيل :نعم
فرغلي:اه والله آمين شرطه
محمود :اممم اصل بنحسبك ظابط
فرغلي:يعني هو ظابط من آمين شرطه تفرق كلنا ولاد تسعه، المهم لو احتجتوا اي حاجه انا في الشقه اللي قدامكم، اه انتوا تبع الغاليه ربنا يفك حبسها
اسيل :ما هي جايه النهارده
فرغلي:على خير يلا تؤمروا بحاجه يا افنديه
محمود :ليه ماانت قاعد
فرغلي :لا معلش الوليه مجهزالي الكوارع زمانها بردت والنهارده الخميس بقا وانت عارف ههههههه
محمود :اااا... اتفضل اتفضل
اسيل :محمود محمود
محمود :اي في أي؟
اسيل :اي علاقه الكوارع بيوم الخميس
محمود :بس اسكتي ملكيش دعوه باللي بيتقال هنا انتي هنا لا اسمع لا أرى، لا اتكلم
اسيل:حاضر
محمود :وبعدين بقا في الواد اللي من ساعه ما جينا شغال يعمل حمام في ام البلكونه، دا الواد أعضائه نشفت
اسيل :ههههههههههههه، ي
الله يخربيتك يا محمود، انت مش هتروح بيتكم والا اي
محمود:اطمن عليكي الأول وست سكره دي تيجي وامشي
دب دب
محمود :استنى انتي، مين؟
سكره :افتح ياابو الشقايق انا سكره
محمود :اهي جات كائن البلوي
سكره:عليا الطلاق منورين
محمود:عليكي الطلاق اي بس، انتي محسسني انك راجل
سكره :هو الأفندي دا لسه ما مشيش
محمود:لا مشيت وروحي هي اللي واقفه ههه
سكره :خفه، المهم جبتلك حته عشوه ترم عضمك
محمود :طيب انا ماشي بقا اه ماتنسيش اللي قولتلك عليه يا اسيل واه تعالي عاوزك
اسيل :ايوا يا محمود
محمود :خالي الفلوس دي معاكي هتحتاجيها وخالي بالك من نفسك
اسيل :ليه بس يا محمود انت مكلف نفسك اوي
محمود :بطلي هبل، انتي اختي يا عبيطه خالي بالك من نفسك ياقلب اخوكي
اسيل :حاضر
سكره وهي تضع صباع كفته في فمها :ماانت لسه قاعد يا فندي تعالي كول
محمود :لا ياختي كولي انتي، سلام يا اسيل
اسيل :سلام
سكره :تعالي تعالي هحكيلك حكاوي القهاوي بعد اما محمود خدك ومشى الظابط بتاعك عمل اي
اسيل :ظابط بتاعي مين؟
سكره :أدهم باشا
اسيل :طب احكي
بقلمي منه وائل
💗💗💗💗💗💗💗💗💗
أمام مدرسه جومانه
مصطفي :اوف بقا هحط وشي في وشها ازاي دي بس
جومانه :خلاص يا ميس ايمان هبقا اكلم حضرتك في التليفون سلام
ايمان :ماشي يا حبيبتي سلام، وعندما كانت ستذهب رأت مصطفي ينظر لها من بعيد، نظرت له بتقزز وكادت ان تمشي
توقفت عربيه أمام المدرسه وأخذت ايمان وجرت بأقصى سرعه
ايمان :عاااااااااااااا، انتوا مين اوعوا كدا حد يلحقني
جومانه بصراخ : عااااااا ميس ايمان
مصطفي :...........