رواية عشقت مسجوناتي
الفصل الخامس والسادس
🤍عشقت مسجوناتي🤍
🤍البارت الخامس🤍
نهى ببكاء:اي يس اللي حصلك، انا مشيت وسبتك مين بس اللي عمل فيك كدا يا حبيبي طب فوق عشان خاطري انا بحبك اوي والله
الدكتور :للأسف ياهانم هو في غيبوبه طويله المدى
نهى :يعني اي؟
الدكتور :يعني ممكن مايفوقش خالص يعتبر ميت اكلينكيا
نهى بفزع:ايييي
الدكتور:مع الأسف
نظرت نهى لأسر، وهبطت الدموع من عينيها، كيف هل سيرحل؟ ، كانت كل يوم تراه في وجهها، حتى وان كان لك لم يحبها ولكنها أحبته كثيرا، ماهذا العالم القاسي؟ لما لم ناخذ مانريد دائما؟ لما كل شئ قاسي يحدث لنا وراء بعضه؟
نهى :انت مش هتموت، انت هتعيش انا قلبي حاسس ماتمشيش وظلت تبكي بجانبه طوال الليل لا تكل ولا تمل فهي تعشقه عشق اسير
بقلمي منه وائل
💗💗💗💗💗💗💗💗💗
في مكتب مصطفي
كان الدكتور يضع بعض الرائحه في أنف اسيل لكي تستيقظ
مصطفي :بس أهي فاقت اهي، شكرا يا دكتور
الدكتور:العفو، على أي بس يا باشا تحت امرك
مصطفي :يا عسكري
العسكري :تمام يا فندم
مصطفي :وصل الدكتور
العسكري :حاضر
مَصطفي :اي بقتي احسن
اسيل:ايوا
مصطفي :اي بقا اللي حصل تحت
سكره :ويمين الله يابيه.....
مصطفي :اخرسي يابت مش عاوز اسمع نفسك دا
سكره :حاضر يا بيه
المسجونه:يا باشا دي بت ماشفتش تربيه، تربيه شوارع
مصطفي :لا حوش انتي اللي متربيه في بيت وزير، اي اللي حصل تحت يا مرا انتي وهي
دب دب
مصطفي :ادخل
العسكري :أدهم بيه برا يا باشا
مصطفي :دخلوا، ماتنطقي انتي وهي، انتوا عملتولها اي
سكره بفزع:اااا... والله يا باشا انا ماعملتلهاش حاجه انا كنت بحوش عنها النسوان اللي تحت دول لحسن لو كنت سبتها كانوا عملوا حفله عليها يا بيه
ادهم:اي دا في أي؟
مصطفي :النسوان دي كانوا بيتخنقوا في الزنزانه تحت وشدين شعر بعض
ادهم :واسيل كانت معاهم
مصطفي :اسيل مين؟
ادهم وهو يشير على اسيل :اسيل يا مصطفى
مصطفي :اااه، افتكرت، لا دا هما السبب في انها يغمي عليها
ادهم :طب جبتوا دكتور
مصطفي :ايوا
ذهب أدهم لها وقال :انتي كويسه
اسيل:اه
ادهم:لو مش هتعرفي تقعدي في الزنزانه تعالي نامي في المكتب
مصطفي :نعم َ
ادهم :اهدي، تعالي معايا
مصطفي :تيجي معاك فين، أدهم تعالي عاوزك
..............
مصطفي :ماتاخدها معاك البيت احسن
ادهم :في أي يا َمصطفي، ماانت شوفت حصلها اي تحت بسببهم
مصطفي :واحنا مال أهلنا هي من باقيه عيلتنا،
ادهم :اولا هي ملهاش في الحجز والكلام دا، ثانيا انت نسيت دي بنت مين وبعدين شكلها غلبان
مصطفي :لا والله من امتا بقنا نشوف المجرمين وقتالين القتله بالشكل، أدهم هو في أي بظبط
ادهم :في أي؟
مصطفي :هي البت داخله دماغك يعني، والا حاجه، تحب اخليها تقضي معاك ليلتين لسه القضيه مطوله.
أدهم بغضب:انت اتجننت يا مصطفى، فوق لنفسك، انا أدهم يا مصطفى ها
مصطفي :اي اللي انا هببته دا، أدهم يا أدهم
.............
ادهم :اتفضلي معايا
اسيل :هنروح فين
ادهم :تعالي بس، نامي هنا لحد اما يجي النهار
اسيل :بجد
ادهم :ايوا
اسيل :حاضر
ادهم :ماتعمليش دوشه
اسيل :هو حضرتك بتعمل اي
ادهم :بربط ايدك بالكلبشات في الكنبه عشان ماتهربيش، كدا كدا هقفل الباب بس احتياطي
اسيل :طيب
وبعد أن اداري وجهه، ذهب لها مره اخرى وقام يفك الكلبشات وقال :تصبحي على خير
اسيل :وانت من اهله
بقلمي منه وائل
💗💗💗💗💗💗💗💗💗
في الصباح في منزل رضا
رضا : اي دا انتي صحيتي امتا يا سعاد
سعاد وهي تمسح دموعها :مانمتش اصلا يا رضا
رضا :ليه كدا
سعاد :انام ازاي وبنتي بايته في حجز معرفش اذا كانت بردانه والا جعانه مش في حضني ووسط المجرمين
رضا :لو افهم بس اي اللي وداها هناك، انا قولتلها أسر مش تمم
سعاد :ابوس ايدك يا رضا ونبي رجعلي بنتي
رضا :اهدي يا سعاد اهدي ان شاء الله هترجع
بقلمي منه وائل
💗💗💗💗💗💗💗💗💗
في منزل اللوا عثمان
على مائده الطعام
فريده :بابا هو انت رايح فين
عثمان :رايح الشغل يا فريده في أي
تقفز فريده من مكانها وتذهب الي والدها وتلف يدها حول رقبته وتقول:طب يا بابي يا حبيبي
عثمان :اه، بابي وحبيبي يبقا في حاجه، عاوزه اي؟
فريده:تعجبني كده، انا عاوزه اجي معاك
عثمان :تيجي معايا فين
فريده :الشغل
عثمان :تاني، يابنتي هو لعب عيال
فريده:ونبي يا بابا عشان خاطري ونبي
فريال:ماتاخدها معاك يا عثمان في أي
عثمان :يا حول الله يارب، يلا يا فريده
فريده :بجد يابابا
عثمان :يلا وبطلي رغي
فريده بفرح:عيوني
بقلمي منه وائل
💗💗💗💗💗💗💗💗💗
عند مدرسه جومانه
مصطفي :يلا يا ختي انزلي
جومانه :نفسي تعاملني معامله البنى ادمين، انا لو كلب مربي كنت عاملتني احسن من كدا
مصطفي :على الأقل الكلب بيطمر فيه مش ذيك
جومانه :ليه يعني كل دا عشان مش اديتك رقم ميس ايمان
مصطفي :بس يا حيوانه احنا قدامه المدرسه واطي صوتك، وبعدين يلا انزلي يلا
جومانه:ماشي يا خالو ماشي
مصطفي :امشي يابت، اي دا الوتكه جات، اما اشوف، اااا... صباح الخير
ايمان :صباح النور
مصطفي :فكراني والا اي
ايمان :اه اكيد، انت خال جومانه
مَصطفي وهو يعدل من هيئته: ايوا انا، هو حضرتك بتيجي كل يوم
ايمان باستغراب :اكيد مش شغلي
مصطفي :اه صح، طيب انتي هتيجي الدرس لجومانه امتا
ايمان :الاسبوع اللي جاي ان شاء الله
مصطفي :اااا... طيب، عاوزه حاجه
ايمان :شكرا
مصطفي :سلام
إيمان :ماله دا؟
بقلمي منه وائل
💗💗💗💗💗💗💗💗💗
في مكتب أدهم
ادهم: هي لسه نايمه، يا بنتي، يا انسه انتي، لا إله إلا الله مانمتش بقالها كتير دي والا اي، يا اسيل
اسيل :لا نبي، يا بابا ارجعلي مليش غيرك لااا
ادهم :في أي فوقي
اسيل :لا لاااااا
ادهم :ايييي، في أي
اسيل برعب :انا... انا فين
ادهم :قومي انتي في مكتبي
اسيل :انا.... انا اسفه
ادهم :لا مفيش حاجة روحي اغسلي وشك في الحمام اللي جوا يلا
اسيل:حاضر
دب دب
ابراهيم :صباحوووو، اي ياعم انت فينك
ادهم :موجود اهو
ابراهيم :هو اي صوت المايه دا انت نسيت حنافيه
ادهم :لا
ابراهيم :اي دا، اي اللي جابها هنا دي
ادهم :يا عسكري
العسكري :تمان يا فندم
ادهم :خدها على الحجز ولو حد قرب منها ليلته مش معديه مفهوم
العسكري :مفهوم يا فندم
ابراهيم :ماتفهمني في اي
ادهم :كانت نايمه هنا من امبارح
ابراهيم :نعم، ازاي
ادهم :انا اللي جبتها هنا، لو كانت نمت تحت كانت مش هتخرج سليمه
ابراهيم :طب ماانت نزلتها تاني اهو
ادهم :عشان مينفعش تفضل هنا غير ساعه التحقيق
ابراهيم :وانت شاغل بالك ليه
ادهم :الفكره مش في كدا بس هي مش زي اي حد بيجي هنا، دي خام خالص
ابراهيم :والله محدش قالها تقتل
ادهم:وانت ليه متأكد انها هي
ابراهيم :كل الادله ضدها يبقا اكيد هي
ادهم:مش ديما كل الادله بتكون صح
ابراهيم: يمكن
دب دب
مصطفي :صباح الخير
ادهم وهو ينظر الي الجهه الأخرى:انا هقوم اشوف حاجه وراجع تاني يا ابراهيم
مصطفي :والله العظيم ما كنت اقصد انا مش عارف قولت كدا ازي انا اسف اوي
ادهم :مكنش يصح اللي قولته
مصطفي :عارف عشان كدا بقولك انا اسف.
أدهم :خلاص مفيش حاجه. مصطفي :بجد
ادهم :ايوا يا خنزير
مصطفي :ايوا كدا، كدا انت مش زعلان، المهم اللوا عثمان مسعود برا ومعاه حته بت فرتكه شكلها حد قريبه والا الظابط الجديده
ادهم:بنت، مين دي
عثمان :أدهم اي يابني كنت بدور عليك
ادهم :انا موجود يا فندم اهو.
عثمان :تعالي في حد عاوز يشوفك
ادهَم: مين؟
عثمان :فريده
فريده وهي تقوم بتقبيل أدهم على وجهه :اذيك يا دومي
ادهم:انتي اي اللي عملتي دا
بقلمي منه وائل
💗💗💗💗💗💗💗💗💗
في المستشفى
نهى :تعرف انا اخدت اجازه من الشغل عشان افضل قاعده جنبك، كنت قاعده برسم فرسمتك، طلعت فجاءه كدا، تعرف يااسر انا اول ما جيت الشركه وشوفتك كنت بتمنى لو تكلمني حتى، انا عارفه انك مش. معايا، بس انت مش هتموت ان شاء الله وهترجعلي، انا متأكده.، انا هروح اجيب حاجه اشربها ورجعلك تاني يا حبيبي
واثناء ذهاب نهى لكي تأتي بشئ تشربه، دخل احد الي غرفه أسر ثم قام بقطع جهاز الأكسجين
تيت تيت تيت تيييييييييييييت
🤍عشقت مسجوناتي🤍
🤍البارت السادس🤍
نهى :تعرف انا اخدت اجازه من الشغل عشان افضل قاعده جنبك، كنت قاعده برسم فرسمتك، طلعت فجاءه كده، تعرف يااسر انا اول ما جيت الشركه وشوفتك كنت بتمنى لو تكلمني حتى، انا عارفه انك مش معايا، بس انت مش هتموت ان شاء الله وهترجعلي، انا متأكده، انا هروح اجيب حاجه اشتريها ورجعلك تاني يا حبيبي
وأثناء ذهاب نهى لكي تأتي بشئ تشربه، دخل احد الي غرفه أسر ثم قام بقطع جهاز الأكسجين
تيت تيت تيت تيييييت
نهى :اي دا انت مين وبتعمل اي هنا، الحقوني عاااااااا
ثم قام بضربها على رأسها وهرب سريعا
الدكتور :مين دا امسكوا بسرعه، طقم التمريض يجلي فورا، هاتي جهاز النبضات بسرعة
الممرضه :حاضر يا فندم
الدكتور :وانتي يا نعمه شوفي المدام فوقيها
نعمه :حاضر يادكتور
الدكتور :هاتي بسرعه
وقام الطبيب بالضغط على صدره بالجهاز كي ينعش قلبه وأسر يعلو ويهبط
الممرضه :الحق يا دكتور
بقلمي منه وائل
💗💗💗💗💗💗💗💗
في مديريه الأمن
ادهم :انتي اي اللي عملتي دا
فريده بخجل :اي يا أدهم عادي بسلم عليك
ادهم:هو في حد بيسلم كدا ماتقول حاجه يا سياده اللوا
عثمان :والله يابني، هي مكنتش تقصد ماانت عارف طايشه وبتحب تهزر
ادهم :الهزار عمره ما كان كدا عن اذنكم
فريده :شايف يا بابا قله ذوقه
عثمان :بس اخرسي خالص يا شيخه كسفتني في حد يعمل كدا
فريده :يابابا انا متعوده اني انا وادهم واحنا صغيرين كنا بنسلم كدا اي الجديد يعني عشان بعدنا شويه
عثمان :حتى لو مكنتوش بعدتوا بردو مكنش يصح، وانتوا صغيرين غير دلوقتي يا فريده
مصطفى :سياده اللوا
عثمان:ايوا يا مصطفى
مصطفى :عاوز حضرتك شويه يافندم
عثمان :تمم، خليكي مكانك ماتتحركيش انا جايلك على طول
فريده :حاضر
عثمان :اديني قولت اهو ماتتحركيش يا فريده
فريده :يووو حاضر يا بابا بقا الله
وعندما كانت فريده تنظر بعينها في كل مكان اصتدمت في جسد شخص
فريده :ااااااااه، مش تحاسب انت اي ماشي أعمي مش بتشوف
محمود :طب َليه الغلط طيب، وبعدين انتي واقفه في النص زي النافورة ولا عارف اجي منك لا يمين ولا شمال
فريده :انت اللي ماشي زي الطور
محمود :بردو بتغلط، تصدقي مافي حد طور غيرك
فريده :انا بتشتمني، طيب انا هوريك بابا يا بابا
عثمان :في أي يا فريده
فريده :شوف الكائن دا بيغلط فيا.
محمود:حضرتك انا ماشي عادي في امان الله لاقتها هي واقفه في نص المكان فغصب عني ماشوفتهاش خبطت فيها لسه كنت هعتذرلها راحت شتمتني وقله ادبها عليا يرضى حضرتك دا
فريده :ماانت عشان حيوان
عثمان :فريده اسكتي، بقا اسكتي، معلش يابني احنا اسفين اتفضل
محمود :لا ولا يهمك يافندم، اشكرك
فريده :اي دا انت هتسيبه يمشي يا بابا
عثمان :ممكن تتفضلي قدامي ومش عاوز اسمع نفسك دا يلا
فريده:يابابا....
عثمان :يلا
بقلمي منه وائل
💗💗💗💗💗💗💗💗💗
في مكتب أدهم
مصطفي :لا بس هي اتحرجت اوي
ادهم :هي اللي داخله واخده عشم كأنها بتبوس ابن اختها
مصطفي :لا بس بقولك اي البت وتكه وتكه يعني
ادهم :لنفسها ياعم انا مالي ماليش في كدا، المهم انت هتعمل اي
مصطفي :مفيش هروح البيت عشان مدرسه جومانه جايه بقا وكدا
ادهم:طب ماتيجي وانت مالك
مصطفي :ياعم مالي اي بس، البت قمر، عارف القمر هي الماده اللي جاي منها القمر
ادهم :يا سلام عليك
دب دب
ادهم :ادخل
العسكري :في واحد برا اسمه محمود عاوز حضرتك يافندم
ادهم :محمود؟ محمود مين؟ ماقالكش عاوزني في أي؟
العسكري :لا يافندم
ادهم :طب تمم دخله
مصطفي :خطير انا بقا ها
ادهم :ماشي
محمود :السلام عليكم
ادهم :عليكم السلام ورحمة الله وبركاته، هل خير
محمود :انا اكون صاحب اسيل، هو انا ممكن اشوفها
ادهم :صاحب اسيل!، طب وانت عاوز تشوفها ليه
محمود :من ساعه ما اتحبست وانا معرفش عنها حاجه ولا جتلها ممكن ازورها
ادهم :طيب، يا عسكري
العسكري:ايوا يافندم
ادهم :روح هاتلى اسيل منصور
العسكري :تمام يا فندم
ادهم :هو انت صاحبها صاحبها يعني
محمود :ايوا، ملهاش صحاب غيري، اسيل كل حاجه بالنسبه ليا
ادهم :اه قولتلي
....................................
سكره :ايوا ما هو لازم يكون في حد برا يعرف يساعدنا، هو صاحبك دا رستي على الحوار كله
اسيل :ايوا والله لما ادتني التليفون امبارح قولتله
ام شوقي :يالهوي هتفضحنا خليها توطي صوتها
سكره :ششش اي يا اسيل انتي قاعده في جنينه مول ركزي يااما بقا، نهايته، انتي هرطلعي معانا على النيابه الصبح وقت مانخرج من النيابه هتكون العيال جاهزه ويكون قريبك والا صاحبك دا معاهم،وخلال نص ساعه كل حاجه هتنتهي
اسيل :يارب بس اصلا محمود عبيط مش هيعرف يعمل حاجه وبعدين انا لازم اخرج محدش هيعرف يجب دليل غيري، وبعدين البواب دا مصلحته اي ان هو يقول كدا
سكره :يا اما ركزي هو في بني آدم بيحب لنفسه السين والجيم اكيد خاف فقال يقول اي حاجه، ماهو لو قال حاجه كل يوم هيكون ملطوع هنا وهاتك ياضرب بقا من المخبرين والعساكر، وبعدين صاحبك دا كام سنه يعني؟
اسيل :عنده ٢٣ سنه هو المفروض اصلا يتخرج بس عايد على مادتين في أولى ، الا صحيح يا سكره هو انتي اسمك سكره فعلا؟
سكره :ههههههه لا طبعا دا اسم شهرتي، لكن انا اسمي اصلا اسماء
اسيل :ااااه
ام شوقي :بتتفقوا على أي دا كله
سكره :وانتي مالك يا مرا انتي، والا اقولك تعالي انتي هتنفعينا
ام شوقي:خير
سكره:شوفلي معاكي ورقه وقلم كدا
ام شوقي :عيني يااما اتفضلي
اسيل :اي دا دي طلعت ورقه وقلم
سكره :طبعا يابنتي انتي اطلبي بس وهي تنفذ
اسيل :طيب انا عاوزه وايبس، عشان ايدي متوسخه اوي
ام شوقي :اي، اي المدعوء دا يا سكره احنا مااتفقناش على كدا
سكره :اهدي، اي يا اسيل انتي بتحضري جن والا اي
اسيل :اي في أي انا بقولكم عاوزه وايبس
سكره :اللي هو اي يعني
اسيل:مناديل مبلله
سكره :ااااه، مناديل مبلوله ياام شوقي
ام شوقي :اه المناديل ام تفافه دي، اه عندي استنى
اسيل :يع تفافه اي بس
ام شوقي :خدي يختي
العسكري :اسيل منصور
اسيل :ايوا
العسكري:قومي معايا البيه عاوزك
اسيل :حاضر، خلصوا على ماأجي ها
سكره :اشطا
.................
ادهم :طلما بتخاف عليها كدا ماروحتش معاها ليه يومها
محمود :راحت من غير ماتقولي كنا متفقين هنروح سوا بس اليوم دا امي كان عندها جلسه كيماوي قولتلها تصبر لبكرا معرفش اي اللي خلاها راحت بس
العسكري :تمم يا فندم المهمه اهي سعادتك
اسيل بدموع :محمود
محمود :اهدي يا اسيل اهدي يا حبيبتي
ادهم :هسيبكم نص ساعه بس ماتطولوش ها
محمود :اهدي يا اسيل انا جنبك اهدي، انا ظبط كل حاجه وبرائتك هتظهر
اسيل :انا خايفه أوى يا محمود
محمود :لا ماتخافيش طول منا جنبك انتي اختي يا بت اللي امي ماخلفتهاش ومش اختي وبس وبنتي وكل حاجه ليا.
اسيل :ماتسبنيش ونبي يا محمود
محمود :بطلي هبل اسيبك اي بس اهدي
...............
ابراهيم :اي مالك بتنفخ ليه كدا، وبعدين سايب مكتبك ليه
ادهم :اسيل قاعده مع صاحبها دا والا حبيبها والا مش عارف جنس ملته اي دا
ابراهيم :استنا بس واحده واحده اسيل مين؟
ادهم :اسيل يا ابراهيم بتاعه قضيه قتل أسر النجار
ابراهيم :البت دي، بس غريبه انت عمرك ماحفظت اسامي متهمين كدا، وبعدين مالك مضايق ليه يعني ان حبيبها دا قاعد معاها
ادهم :وانا هضايق ليه مايبلعوا بعض
انا مالي، المهم جوليا هتنزل امتا؟
ابراهيم :اخر الاسبوع دا
ادهم :يلا على خير توصل بالسلامه
بقلمي منه وائل
💗💗💗💗💗💗💗💗💗
في المستشفى
الدكتور :الحمدلله لحقناه على اخر لحظه، المهم يا امينه يتحط تحت الملاحظه وماتنسيش كل يوم تحركوا شويه وتغيرلوا الهدوم تمم
امينه :تمم يا دكتور
نهى :اااه يا دماغي، ماعرفتوش مين دا والا مين دي
الدكتور :للأسف مالحقناش بس ماتقلقيش عملنا حراسه على الاوضه
ذهبت نهى الي أسر ووضعت يدها على وجهه وبداءت تمسح على وجهه
:انا لايمكن اسيب اي حاجه ابدا تئذيك انت كل حاجه ليا، وانا متأكده انك مش هتموت
بقلمي منه وائل
💗💗💗💗💗💗💗💗💗
في منزل رضا
رضا :الله وانتي مش هتاكلي والا اي
سعاد :لا مش عاوزه
رضا :يا سعاد انتي بقالك يومين كدا مش هينفع بالطريقه دي مش هتقدر نقف جنبها
سعاد :اعمل اي بس من يوم ما بقت مسؤوليتي وانا مااتعودتش انها تبات برا حضني، ازاي انا اعيش واكول واشرب وبنتي ولا اعرف هي عايشه ازاي والا بيعملوها ازاي
رضا :طب اهدي بس، اهم حاجه بس نتأكد انها فعلا ماعملتش كدا
سعاد :قصدك اي
رضا:قصدي انها ممكن تكون عملت كدا بدافع انها تدافع عن نفسها
سعاد :انت بتقول اي يا رضا انا بنتي ماتعملش كدا، بنتي ماتعملهاش انت فاهم
رضا :ياستي انا مقصدتش مش يمكن كان بيتهجم عليها والا حاجه، فهي اضطرت تعمل كدا
رضا :لا واسكت بقا
اخذت تبكي وتبكي، ان الام هي التي ربت وليست التي أنجبت، صارت تبكي ولا احد يعلم كيف تشعر انها تشعر بألم في قلبها كيف لها أن تعيش وابنتها الحبيبه بعيده عنها كيف؟ وكيف ستعلم ام انها بخير ام لا،؟ خل تبكي ام لا؟ كيف؟
بقلمي منه وائل
💗💗💗💗💗💗💗💗💗
في مكتب أدهم
ادهم :اي النص ساعه عدت وزياده مش كفايا كدا ورانا مصالح
محمود :معلش يافندم الكلام خدنا، المهم يا اسيل ماتخافيش المحامي عامل حسابه يلا يا حبيبتي سلام
اسيل :سلام
ادهم :هو انا ماليش اني اسأل، بس هو دا صاحبك صاحبك؟
اسيل :مش صاحبي وبس دا كل حاجه ليا انا حقيقي مقدرش استغني عنه، بعد اما بابا مشي مبقاش ليا حد غيره هو وعمي ومرات عمي
ادهم :اه تمم، طب هو انا ممكن افهم انتي ليه تروحي لشقة واحد زي دا بليل مع انك عارفه يعني ان هو مش كويس
اسيل :انا عارفه كويس ان الكشكول كان كداب فيه وان مكنش فيه كشكول ولا حاجه انا نسيته صحيح في الشركه بس الغريب ان هو قال ان عنده، يارتني ما روحت انا قلبي كان حاسس
ادهم :بصي يا اسيل انا معرفش مين الصح، بس قلبي بيقولي انك مش وش بهدله فأكيد في ان في الموضوع
اسيل :والله العظيم انا ما عملتش حاجه، ربنا يسامحك يا بابا
ادهم :وباباكي ماله الموضوع
اسيل :هو. السبب في اللي انا فيه دا
ادهم :ازاي؟
بقلمي منه وائل
💗💗💗💗💗💗💗💗💗
في منزل مصطفي
ايمان :برافو عليكي يا جوجو انتي شاطره خالص
جومانه :ميرسي يا ميس
مصطفي :احم جومانه عامله معاكي اي يا ميس
ايمان :لا جومانه ماشاء الله عليها خالص
مصطفي :هههه شاطره يا جوجو تعالي يا حبيبتي خالو تعالي.
جومانه :خير
مصطفي :خير ان شاء الله يا لمضه، خدي الفلوس دي روحي هاتي الشيكولاته اللي انتي بتحبيها يلا
جومانه :ماشي لما الميس تمشي
مصطفي :لا ما اهو عشان الميس تاكل معاكي يلا
جومانه :امممم طيب
ايمان :هي جومانه فين
مصطفي :راحت تجيب حاجه
ايمان :طيب انا همشي انا بقا
مصطفي وهو يمسك بيديها:لا استنى بس هي بتجيب حاجه وجايه أصلها كانت عاوزاكي
ايمان :عاوزني في أي
مصطفي وهو يقترب منها :اااا... مش عارف بس هي قالت خالي الميس تستنا
ايمان وهي تبتعد:طيب ماهي معاها رقم تليفوني تبقا تكلمني
مصطفي وهو يحاوطها بيديه:لا ماهو مش جومانه بس اللي عاوزاكي انا كمان عاوزك
ايمان وهي تزيحه بيديها :اي اللي انت بتعمله دا مايصحش اوعي كدا
مصطفي :استنى بس ماتخافيش
ايمان بصراخ:بقولك اوعي
وذهبت ايمان سريعا
مصطفي :اي اللي انا عملته دا بس، استنى يا... يا ايمان
ام مصطفى :واد يا مصطفى مش هتاخدني اكول حمص وحلاوه ياولاا. مصطفي :بس بقا يا ماما
بقلمي منه وائل
💗💗💗💗💗💗💗💗💗
في مكتب أدهم
ادهم :مش لوحدك يا اسيل انا كمان ماما سابتنا ومشيت لدرجه ان بابا بسببها لحد دلوقتي عنده جلطه ولا بيقدر لا يمشي ولا حتى يتكلم
اسيل :طب وهي مشيت ليه؟
ادهم :انا نفسي مش عارف، والغريب ان اللي فاكره كويس انها قبل ماتمشي فضلت تبصلي كتير اوي وتعيط رغم أنها هي اللي اختارت كده
اسيل :غريب فعلا
...............
ابراهيم :ايوا يابني دول بتوع يوم الخميس بتوع النهارده بقا انا مضت عليهم
فيروز بتوتر:لوسمحت هو فين مكتب أدهم
ابراهيم :روح انت يابني، خير يا هانم اؤمريني
فيروز :عاوزه أدهم بسرعه
..................
ادهم :وبس ياستي عشان كدا دخلت كليه الشرطه.
اسيل :حاجه حلوه اوي انك تدخل كليه الشرطه عشان ترفع راس والدك
دب دب
ادهم :ادخل
ابراهيم :أدهم انت فاضي
ادهم :ليه في أي
فيروز وهي تريح الباب بقوه:الحقني يا أدهم عصام اخد يوسف
ادهم :نعم