رواية عشقت مسجوناتي
الفصل الثانى والعشرون والثالث والعشرون
بقلم منه وائل
مرزوق :اي ياذوق انت هتفضل نايم طول حياتك والا اي، فوف كدا
أسر بتعب :ااااه، انا فين؟
صالح:انت في بيت مرزوق يا ذوق
أسر :مرزوق مين؟
مرزوق :انا يا بيه
زينب :قوم يا أسر
أسر :انتي كويسه؟
زينب :اه كويسه، قوم شوف هنعمل اي
أسر :احنا فين؟
مرزوق :ما قولنا يا بيه في بيتي
أسر :ايوا فين بيتك دا؟
صالح :بورسعيد
أسر :نعم!
زينب :الحق يا أسر بطنك بتنزف
أسر :ااااااه براحه ماتحطيش ايدك
صالح :أجرى يا ولااا قوام هات الدكتور حمدي يلااا
مرزوق:هواااا
زينب : طب جات من اي دي؟
أسر :اكيد من المايه
ام مرزوق :يلا انت وهي نسيب الراجل ومراته على راحتهم
صالح :وانتي اش عرفك يا خاله انهم متجوزين
ام مرزوق :باين كدا
صالح :استنى نتأكد، الا صحيح يا بيه هي دي اختك والا الشغاله بتاعتك والا اي اصل لبسها يعني يدي كدا
أسر :ااا. لا مش شغاله ولا حاجه دا هو اي احنا كنا في حفله تنكريه وحصل معانا حادث ووقعنا في البحر ومعرفش بقا اي اللي حصل وجينا هنا
ام مرزوق :اومال تقربلك اي؟
أسر :ااا.... تبقا، تبقا مراتي
ام مرزوق :اها، شوفت يا موكوس يلا ورايا
صالح :حاضر يا خاله
زينب ليه قولتلهم اني مراتك، كان ممكن تقولهم اني الشغاله بتاعتك
أسر : لا انتي مش شغاله
زينب :طيب هنعمل اي دلوقتي وهنروح فين دا زمان البيه بيدور علينا دلوقتي ولو لاقانا يبقا خلاص موتنا
أسر :يا ستي ماتقلقيش احنا اصلا مش هنطول هنا، هنروح على البوليس على طول عشان يعرفوا مين اللي حاول يقتلني ومين اللي خطفني
زينب : ربنا يستر، معلش اقلع هدومك عشان اشوف جرحك بدل ما يتلوث
أسر :ما الدكتور جاي
زينب :معلش بردو الاحتياط واجب
أسر :طيب
كشف أسر عن جرحه فظهرت عضلات صدره والتي جعلت زينب تخجل كثيرا وتلون وجهها باللون الأحمر
أسر بضحك :هههههههه اي مالك في أي بس وشك احمر ليه كدا؟
زينب :ها لا مفيش حاجه
أسر :هههههه ماشي
دب دب
صالح :الدكتور جه يا بيه
أسر :دخلوا
مرزوق :اتفضل يا دكتور حمدي
الدكتور :الف سلامه عليك يا بيه وريني الجرح فين؟
أسر :اهو، بس انت متأكد انك دكتور مش سباك
الدكتور :الله، في أي يا مرزوق هو انا مش باين اني دكتور
مرزوق :لا ازاي بس دا احسن دكتور هنا يا بيه
ثم انخفض مرزوق الي طول الدكتور وقال له:معلش يا دكتور اديك شايف البيه نضيف ومتعود على المستشفيات والعيادات والدكاترة الخاصه
الدكتور :اه قولتلي، طيب انا هخلي يحلف بدكاتره بورسعيد؟
مرزوق :ربنا يستر
بقلمي منه وائل
💗💗💗💗💗💗💗💗💗
في المساء منزل عثمان
عثمان :وبعدين معاكي بقا يا فريال، انتى بقالي على الحال دا من يوم ما فريده اختفت، لازم تاكلي اي حاجه كدا غلط هتقعي كدا
فريال :ماليش نفس يا عثمان سبني ونبي
عثمان :لا يا فريال مش هسيبك، انتي عاوزه تموتي، عاوزه تروحي مني، تسبيني وتمشي انتي كمان زي فريده
فريال ببكاء :فريده ضاعت صح؟ بنتي الوحيده ضاعت، انا اللي عملت فيها كدا كان معاك لما قولتلي مينفعش تدلع اوي كدا مكنش ينفع اي حاجه هي عاوزاها تتنفذ، بس كنت أعمل اي ما هي الوحيده وبعدها مقدرتش اخلف تاني، كان لازم ادلعها واعملها اللي نفسها فيه
عثمان :ايوا يا حبيبتي بس في دلع عن دلع بيفرق
فريال ببكاء شديد :واهي راحت خلاص يا عثمان راحت
عثمان وهو يأخذها في احضانه :لا بس ماتقوليش كدا، فريده هترجع وهتتجوز وتجبلنا حفيد كمان
دب دب
عثمان :ايوا
الشغاله :عثمان بيه انا فاتن
عثمان :عايزه اي يا فاتن، لو حاجه ليها علاقه بالشغل اجليها دلوقتي
فاتن :لا يا بيه دا فريده هانم جات تحت ومعاها...
قطع حديثها عثمان قائلا :ايييي بتقولي اي فريده جات
فاتن :ايوا يابيه و.....
فريال وهي تجري سريعا :فريده
.................
عبد الرحمن :اي دا في أي؟
فريده :دي اكيد ماما
فريال وهي تجري على الدرج سريعا :فريده بنتي
فريده بدموع :ماما
نظرت لها فريال ثم قامت بصفعها على وجهها
فريده وهي تضع يدها على وجهها:ليه كدا يا ماما؟
فريال وهي تحتضن فريده باشتياق فما أصعب الفراق، وخاصه فراق الام وابنتها، كم من وجع احست به. وكم من دموع هبطت حزنا على فراقها
فريال :كنتي فين كنتي فين يافريده كدا تبعدي عني كل دا كدا
عثمان :اوعي يا فريال بقا مااهي بنتي انا كمان، وحشتني اوي ليه يابنتي بس تعملي فينا كدا ليه؟
عبد الرحمن :هي ما عملتش حاجه ياعمي
نظر عثمان الي مصدر الصوت وجده عبد الرحمن فقال :مين انت؟
فريده :دا.... دا عبد الرحمن يا بابا
عثمان :ايوا يعني مين؟
فريده :هفهم حضرتك كل حاجه، بس بعدين
عبد الرحمن :انا دكتور عبد الرحمن سالم دكتور جراحه وصاحب مستشفى الصفا اللي في المعادي واكون صديق فريده
عثمان :اهلا وسهلا ب
يا حبيبي اتفضل اقعد
عبد الرحمن :لا اقعد اي بس، دا يادوبك اروح الوقت اتأخر، لو احتاجتي اي حاجه يا فريده ابقى كلميني ولو الجرح اتفتح قوليلي وماتنسيش معادنا بكره ان شاء، تصبحوا على خير
عثمان :وانت من اهله، انا عاوز افهم كنتي فين مع الواد دا لحد دلوقتي؟ وجرح اي دا؟ ومعاد اي؟
فريال :ايوا صح اي اللي في ايدك دا؟
فريده :اهدوا عليا هفهمكم كل حاجه اسمعوا
بقلمي منه وائل
💗💗💗💗💗💗💗💗💗
في شرم الشيخ
سكره بضحك:ههههههههه لا بس شوفت الوليه الاجنبيه وهي بترقص على الاغنيه الشعبي كانت مسخره
محمود :ههههههه وليه الله يخربيتك دا انتي بوظتي السياحه في مصر
سكره :هههههههه لا والا الراجل العجوز لما طلب مني الجواز
محمود بغضب :نعم راجل مين دا؟
سكره :الراجل ابو بورنته دا اللي لابس تيشرت ازرق
محمود بغيظ :وانتي عرفتي ازاي ان شاء الله؟
سكره بضحك :هههه مااهي البت المصريه دي هي اللي ترجمتلي، لا و اي طلع خاتم الماظ يالهوي اي تحفه وربنا كنت هوافق ههههههه
محمود وهو يمسكها من ذراعها بالقوه : توافقي على أي أن شاء الله انتي اتجننتي
سكره بوجع:اااه، اي يامحمود دراعي هيتقطم، وبعدين فيها أي لما أوافق مش احسن من القرف اللي انا شيفاه في حياتي دا، على الاقل هيعرف يعيشني بدل الحاره المعفنه اللي انا عايشه فيها دي
محمود :تقومي ترمي نفسك لراجل كبيره محصلش حتى قد جدك
سكره :عشان اعيش يا محمود عشان اعيش، جربت في يوم انت انك تنام من غير اكل بعد اما أقف على رجلك طول النهار في الشغل، طبعا غير المذله والمهانه اللي بشوفها وكل دا عشان الكام ملطوش اللي باخدهم اخر الشهر وفي النهايه بفطر وبتغدي طعميه وفول، فضلت كتير مستحمله ولوحدي َواقفه بطولي، لا ليا اخ اتيند عليه ولا اب اتحمي في حضنه من كلاب الشارع اللي طمعانه فيا، عرفت بقا انا ممكن أوافق ليه
محمود :ماانتي ممكن تتجوزي اللي بتحبي واللي بيحبك وكمان يقدر يصرف عليكي
سكره بسخريه :ههههههه معلش اصلي بتنك، وهو فين دا هو حد كان باصلي وانا قولت لا، كلهم بيبصوا لحاجه تانيه، وانا لو هموت من الجوع كدا عمري ما هعمل الحاجه التانيه دي
محمود :ومين قالك انه مش موجود
سكره :يبقا اكيد طمعان في جسمي
محمود :ولا طمعان في جسمك
سكره :يبقا اكيد ملاك
محمود :ولا ملاك ولا حاجه انسان عادي زيه زيك
سكره :الله، طب هو فين دا؟
محمود بكل شجاعه :انا يا سكره، انا، انا اللي بحبك واقدر اعيشك ومش عاوز اي حاجه منك، غير انك تديني فرصه اثبتلك اني بحبك وعمري ما هزعلك ولا هاذيكي وهحميكي من كلاب الشوارع وهكون ليكي الأخ اللي تتسندي عليه والأب اللي تتحامي في حضنه، ها قولتي اي ياست البنات
نظرت له سكره بصدمه ولم تستطيع التحدث
اسيل :اي في أي واقفين كدا ليه وبعدين من الصبح مش ظاهرين ليه؟
محمود :اصل كنا بتتفرج على الأجانب اللي كانوا بيرقصوا والوقت خدنا
اسيل :طيب يلا اصل أدهم بيقول انهم جابوا البواب وهو هنا اهو
محمود :اي دا بجد طب يلا بينا
اسيل:يلا، اومال انتي مالك مسهمه كدا ليه
سكره :هل لا مفيش حاجة يلا
ادهم :والله لو اعترفت وقولت الحق صدقني مش هخلي رجلك تيجي في القضيه، إنما بقا لو لوعت
البواب برعب :لا يابيه اني مش هلاوع اني عندي عيال ومالهمش غيري
ادهم :طيب يا متولي قول بقا مين اللي جه قبل اسيل هانم َوطلع لشقه أسر ونزل في نفس الوقت
البواب بخوف :يا بيه مش هيسبوني في حالي
ادهم :قولتلك ماتخافش انا اللي هحميك، مين دول اللي مش هيسبوك في حالك؟
البواب:ست هانم والبيه والدها
ادهم :مين ست هانم دي
البواب : الست مني وابوها سامي جبار
ادهم :مين دول؟ ويقربوا اي لأسر؟
البواب :اني هحول على كل حاجه يا بيه من الاول
ادهم :حلو اوي يلا سمعني
بقلمي منه وائل
💗💗💗💗💗💗💗💗💗
في منزل نهى
امنيه :ها اتكلمتوا في أي؟
نهى :بيقول انه بيحبني يا امنيه وان هو خطبني من بابا عشان مايديش لأي حد الفرصه انه يجي يخطبني عشان يديني فرصه لحد اما أسر يرجع وساعتها يقدر يسبني
امنيه :اي هو قالك كدا؟
نهى :اه
امنيه:والله ابن عمك دا طيب اوي، والله ماهتلاقي حد بيحبك قده
نهى :انا مكنتش اعرف ان هو بيحبني اصلا طول الوقت كنت بتعامل معاه على أنه اخويا الكبيره مفيش حاجه خبيتها عنه، حتى علاقتي باسر عارفها
امنيه :ياااا يانهي قد اي امير دا شخصيه جميله اوي
نهى :انا عارفه، بس اعمل اي مش شيفاه غير اخويا
امنيه :وهنفضل طول عمرك شيفاه كدا طلما مش حاطه في دماغك، أسر خلاص يانهي بج، ولو حتى طلع عايش مش هيتجوزك افهمي بقا
نهى :ينفع تنقطينا بسكاتك بقا وتنامي
امنيه :انتي حره انا مالي
نهى :نامي يا بت
امنيه :طيب يا رخمه
نهى :طب ياترى انت بتحبني بقالك قد اي يا أمير
بقلمي منه وائل
💗💗💗💗💗💗💗💗💗
في منزل رضا
سعاد وهي تقود المقعد الذي يجلس عليه رضا:انا مش فاهمه انت ليه خلتنا نرجع البيت ورضا معانا ما في المستشفى كانوا هيعتنوا بيه اكتر
منصور:يا سعاد المستشفى مش صحيه كفايا حتى لو كانت برفكت في البيت عمايل امتر وبعدين مش عجبك طقه الممرضين دا كله والدكاتره
سعاد :الفكره مش في كدا انا اخاف بس يتعالج غلط
منصور:لا ماتقلقيش، وبعدين الراحه النفسيه انا عارف كويس ان مفيش حد بيحب قعده المستشفيات ففي البيت هتكون حالته النفسيه احسن، وهيتعالج على طول ان شاء الله
سعاد :إن شاء الله يسمع منك ربنا يارب
منصور : طيب يلا طلعي يرتاح شويه
سعاد :حاضر
دخل منصور المكتب كي يراجع بعض الأوراق في العمل وأثناء عمله رن جرس هاتفه
منصور:الو اذيك يا جورج اي ياعم اخبارك اي، اه الحمدلله رجعت بالسلامه، رضا ماانت عارف يا جورج من يوم ما دخل المستشفى وهو لسه على الحال دا، اي اسيل انت بتتكلم جد؟، وانت عرفت ازاي؟، اي ظابط، ودا مين دا؟، طيب طيب حاضر مع السلامه
اسيل في شرم الشيخ ومعاها ولد وبنت وظابط، دول بيعملوا اي هناك دول؟
بقلمي منه وائل
💗💗💗💗💗💗💗💗💗
في منزل أدهم
عمران :حمدالله على سلامتك يا حبيبتي
مريم بتعب:الله يسلمك يا عمران، هو أدهم رجع؟
عمران :يا حبيبتي أدهم في مأموريه تبع الشغل فمش هيجي دلوقتي
مريم ببكاء:عمره ما هيسامحني يا عمران
ابراهيم:لا يا طنط بيتهيألك، أدهم كان طول الوقت يتكلم عنك وكان ديما يقول لو ترجع ابص عليها بصه بس وبعدين تمشي تاني أدهم بيحب اوي، بس هو اللي حصل زمان وسوء التفاهم دا اللي خلاه قال كدا ورده فعله طبيعي
مريم :انا عارفه اني غلطت بس والله انا عملت دا كله عشان كنت خايفه عليهم من الصدمه، مارك اعطيهم الحقيبه التي بيها جميع أوراقي واشعتي
فيروز :إدهالنا يا طنط وعرفنا كل حاجه احنا محتاجين ان أدهم يشوف الورق دا عشان يصدق
ابراهيم :خلاص لما يرجع نوريهوله
عمران :طيب لما يرجع ان شاء الله، المهم انتي لسه بتحبني يا مريم
نظرت له مريم ثم خجلت
عمران :يعني كبرنا اي السن وبردو لسه بتتكسفي مني
فيروز :هههههههه يا عمو الست ست حتى لو شابت وبتفضل تتكسف حتى لو دراعتها دابت
عمران :يا ولد الله على امثالك يا روزه، بتقول حكم البت دي
فيروز :ههههههههههههه اومال يا عمو دا انا موهبه
عمران: ماشي يا موهبه يلا بقا كل واحد يروح يشوف هيعمل اي سبوني مع حبيبتي شويه
فيروز :اي يا عمو انتوا لسه ما اتجوزتوش مايصحش كدا
عمران :لا والله، طيب واد يا ابراهيم
ابراهيم :نعم يا عمي
عمران :ابعت هات المأذون ياواد يلا
فيروز :اي انت بتقول اي يا عمي؟ احنا بليل، ومأذون اي اللي هيكون صاحيلك دلوقتي، وبعدين ادهم مش موجود كمان.
عمران :المأذون نايم يصحى وانا لما اقول يصحى يبقا يصحى، وادهم مالوش دعوه دي حياتي انا ودا بيتي انا والا في اعتراض؟
ابراهيم :ها لا اعتراض اي بس اللي تشوفوا حضرتك
فيروز :ايوا بس....
ابراهيم :اعدي بقا كلمه كمان وهنلاقي بيطردنا تعالي اما نشوف حكايه المأذون دا، هيا مستر مارك كي نأتي بمأذون ليقوم بشرع زوج السيده مريم والسيد عمران
مارك :اوه هذا مدهش جدا، انا سعيد للغايه هيا
بقلمي منه وائل
💗💗💗💗💗💗💗💗💗
في شرم الشيخ
البواب :بس أجده يا بيه
ادهم :جدع يا متولي كدا تعجبني، يلا خدوه خلوه يرتاح شويه من السفر دا
اسيل :طب ومني دي هنلاقيها فين هي وابوها دا؟
ادهم :على اساس مش هعرف يعني
ثم اخرج الهاتف من جيبه وضغط على الازرار طلب أحدا ما
ادهم :الو، ايوا يا شريف عاوز معلومات عن سامي الجبار وبنته مني كل المعلومات واعرف هنا فين حاليا و اه عاوز مراقبه شديده على فيلتهم تعرفي اللي داخل واللي خارج ولو عرفت اي حاجه بخصوص أسر بلغني
اسيل :تفتكر أسر لسه عندهم والا قتلوا
ادهم :ما اظنش لان أسر اصلا كان يعتبر زي الميت والذئب مايحبش فريسته تستسلم بسهوله يحب المعافره عشان لما ينقض عليها ينقض باءنتصار
اسيل :اممم، معاك حق، مالك يا محمود فيك اي
محمود :ها. لا مفيش حاجة
اسيل :طب تعالي عاوزاك ثواني
ادهم :بقولك يا سكره هو محمود واسيل في بينهم حاجه
سكره :في بينهم حاجه ازاي يعني؟
ادهم :يعني مرتبطين مخطوبين بيحبوا بعض
سكره :اي، لا طبعا محمود واسيل إخوات يمكن اكتر كمان من الأخوات، دا هما مع بعض في كل حاجه بس عمرهم ما شافوا بعض غير إخوات وبعدين اطمن محمود بيحب حد
ادهم :لا والله وانتي عرفتي منين؟
سكره :ما اهو انا اللي بيحبها دي
ادهم :هو اللي قالك؟
سكره :اه، بس مش عارفه بقا
ادهم :حيرانه ليه كدا؟
سكره :بص هقول لحضرتك، انا بكون مبسوطه وهو جنبي رغم اننا زي القط والفار مع بعض بس انا بحب هزاره معايا كنت بتمنى فعلا لو يكون بيحبني، بس مش عارفه خايفه يكون شفقه، أو يقعد معايا كام شهر ويرميني او امه دي ما توافقش عليا اصلا
ادهم :هههههه اي بنتي دا كله هو انتي الأفلام العربي لحست مخك، إن شاء الله مفيش الكلام دا عارفه انتي هتحسي بحبه دا لما يبص في عينك هتشوفي فعلا الحب في عينه
سكره :تصدق معاك حق فعلا عينه كانت بتلمع لما كان بيبصلي، يعني اتوكل على الله واوافق وزي ما تيجي تيجي
ادهم :ايوا
..................
اسيل :طب وهي ردها كان اي؟
محمود :سكتت واتصدمت، انا خايف لمتوافقش
اسيل :مين قال الكلام دا وهي هتلاقي ذيك فين اصلا وبعدين شكلها بتحبك انا بلاحظ كدا
محمود :مش عارف بقا
اسيل :طب يلا قوم خلينا ننام اكيد هتقولك رأيها بكره وهتكون بتحبك زيها زيك يلا
محمود :اتمنى كدا
بقلمي منه وائل
💗💗💗💗💗💗💗💗💗
في منزل مرزوق
ام مرزوق :والله يابيه انتوا منورنا
أسر :دا نورك يا حجه، معلش انا عارف ان احنا متقبلين عليكم بس ادونا يومين بالكتير وهنرجع بلدنا وماتقلقوش مش هنساكم في الوظايف
صالح :يا سعاده الباشا ان ماشالتاكش الأرض نشيلك احنا فوق دماغنا، مش كدا و الا اي يا مرزوق
مرزوق :.........
صالح وهو يلكزه في ذراعه :مرزوق
مرزوق وهو يضع الطعام في فمه : ها... اه، اه كده ونص كمان، دا انتوا مشرفنا
أسر :الله يخليكم، الحمدلله انا شبعت
ام مرزوق :يوه انت لحقت يا بيه دا انت اكلتك ولا اكلت العصافير
أسر :معلش اصل مش متعود على الاكل الكتير
ام مرزوق :قو يا واد يا مرزوق ظبط الاوضه اللي البهوات هيناموا فيها
مرزوق :..........
ام مرزوق :يا واد يا مرزوق
مرزوق وفمه ممتلئ لا يستطيع التحدث منه :اي، اي يااما؟
ام مرزوق :قوم، قوم داتك نيله ظبط فرشه البهوات
مرزوق :يوه يااما ماعندك البت بنتك خليها تروقها هي الله
ام مرزوق :قوم يا مقصوف الرقبه قوم
مرزوق :يووه يااما بقا حاضر
أسر :مفيش داعي احنا هنروقها
ام مرزوق :يالهوي اي العيبه دي، ودي تيجي مايصحش لا
أسر :شكرا جدا لحضرتك ولكرمك يا ام مرزوق
ام مرزوق :لا شكر على واجب يابني، انت زي ابني
............... داخل الغرفه
أسر :انتي هتنامي هنا وانا هنام على الكنبه
زينب وهي تقوم بالعطس: اتششششي، لا لا مينفعش انت جرحك لسه مفتوح انا اللي هناك على الكنبه
أسر :لا مينفعش انتي هتنامي هما وانا هنام على الكنبه
زينب :قولتلك مش هينفع عشان الجرح
اسر:طب انا جاتلي فكره
وبعد ربع ساعه
زينب :انت مرتاح كدا بالحاجات اللي انت حاطتها في النص دي والا اروح انام على الكنبه
أسر :ياستي انا مرتاح، المهم انتي اللي مرتاحه
زينب :اه
أسر :اه تمم تصبحي على خير
زينب :تلاقي الخير.
................... وفي منتصف الليل
أسر لنفسه :وبعدين بقا انا مش عارف انام ليه التفكير هيموتني، انا هقوم اشم هوا من الشباك
وعندما كان يقف في الشرفه نظر الي الفراش وجد زينب نائمه في الجانب الاخر من الفراش وجدها جميله للغايه تشبه الملائكه لم تكن مثل الفتيات الغنيه مليئه بالزينه الباهظه والملابس الانيقه ولكنها كانت بسيطه وجميله جدا
أسر :ياترى لسه بنت بنوت والا حد لمسها قبل كدا؟
ثم نظر أسر الي قدماها العاريه البيضاء والتي جعلته يتحرك الي الفراش لكي يلامسها
أسر :اما اشوف انتي ذيهم ولا حاجه تانيه
🤍عشقت مسجوناتي🤍
🤍البارت الثالث والعشرون🤍
أسر لنفسه :وبعدين بقا انا مش عارف انام ليه، التفكير هيموتني، انا هقوم اشم هو من الشباك
وعندما كان يقف في الشرفه نظر الي الفراش وجد زينب نائمه في الجانب الاخر من الفراش وجدها جميله للغايه ، تشبه الملائكه، لم تكن مثل الفتيان الغنيه، مليئه بالزينه الباهظه والملابس الانيقه ولكنها كانت بسيطه وجميله جدا
أسر :ياترى لسه بنت بنوت والا حد لمسها قبل كدا؟
ثم نظر أسر الي قدماها العاريه البيضاء لكي يلامسها
أسر :اما نشوف انتي ذيهم ولا حاجه تانيه
ثم قام بالقرب منها وازاحت الحاجز الذي كان بينهم
وقام باحتضانها
زينب :اي دا اي يا بيه دا اوعي كدا
أسر :اهدي يا زينب ماتخافيش هديكي اللي انتي عاوزاه
زينب وهي تبكي :لا يابيه انا مش عاوزه حاجه سبني في حالي ونبي
أسر :انتي بتعيطي ليه انا مش هاذيكي دا احنا هننبسط سوا
زينب وهي تهبط الي قدمه وتقبلها :ابوس رجلك سبني في حالي انا ماليش الا شرفي، انت ممكن تجيب الف واحده بفلوسك، إنما أنا مش هيبقا ليا عازه ابوس رجلك
أسر :خلاص خلاص اهدي يا...، انتي قولتلي اسمك اي؟
زينب وهي تنتفض وتبكي :اسمي زينب
أسر :انا اسف يا زينب كنت فاكرك زيهم بس طلعتي احسن منهم كتير، انا اسف ليكي يابنت الناس نامي انا هخرج برا عشان تاخدي راحتك
الله اكبر الله اكبر
أسر :دا اي دا؟
زينب :الفجر بيأذن.
أسر :انتي بتعرفي تصلي؟
زينب :الحمدلله
أسر باءحراج :طيب ممكن..... احم ممكن يعني...
قطعته زينب قائله :اكيد طبعا يلا عشان نتوضي
اسر باءبتسامه :شكرا ليكي اوي
زينب :يلا عشان نتوضي
بقلمي منه وائل
💗💗💗💗💗💗💗💗💗
في منزل أدهم
فيروز:يلا يا يوسف بقا خلص طبقك كله عشان الباص جاي كدا هتتاخر
يوسف :يا مامي اني شبعت انا مش عارف ليه مصره انك تخليني بطه مش قادره تتحرك انا معايا لانش بوكس لو جوعت هبقا اكول منه
فيروز :اي اللماضه دي، طب اشرب اللبن.
يوسف :حاضر
تن تن
سماح :ايوا حاضر جايه اهو
ابراهيم :صباح الخير يا سماح
سماح :صباح الفل يا ابراهيم بيه اتفضل حماتك بتحبك الفطار لسه محطوط
ابراهيم :هو عمي صحي؟
سماح :لا لسه، بحضرلهم الفطار بتاع العرايس
ابراهيم :هههههه عرايس، دا انتي فقر يا سماح روحي يلا
سماح :هههههههه حاضر
ابراهيم :صباح الخير
فيروز بابتسامه :صباح النور، جوليا قلبي تعالي تعالي
جوليا وهي تجري سريعا لها :روزه وحشتني
فيروز :قلب روزه انتي، وانتي كمان وحشتني اوي
يوسف :جوليا انا رايح المدرسه دلوقتي مش هتاخر راجعلك تاني هنلعب سوا، ماتلعبيش مع الولد اللي قدامنا دا ماشي
جوليا :حاضر يوسف
ابراهيم :اي دا اي دا الحقي ابنك بيدي أوامر لبنتي
فيروز :ما يديها زي ما هو عاوز مش، خطيبته
ابراهيم :نعم نعم خطيبته دا اي؟
فيروز :ايرا انا خطبتهاله، أظن مش هتلاقي نسب احسن من كدا
ابراهيم :هههههههه وماله
فيروز :ههههههههههه
ابراهيم :طب مااحنا ممكن نقرب النسب اكتر
فيروز :ههه ازاي نجوزهم هههه
ابراهيم وهو يمسك يديها ويقوم بتقبليها :لا مقرب المسافات وتسمحلي اني احط الخاتم الجميل دا في ايدك، تتجوزيني يا فيروز؟نظرت له فيروز بصدمه ثم نظرت ليدها التي يلمع بها الفص الذي بالخاتم
فيروز :اااا..... هو.... هو عمي لسه، لسه ماصحيش ليه ها، يا عمي
ابراهيم :استنى يا فيروز، انا طلبت ايدك من أدهم بس هو ماادانيش اي موافقه، قالي لما اخد رايك وانا دلوقتي باخد رايك، على فكره انا عاوز اتجوزك مش عشان جوليا ولا حاجه لا، عشان انا بحبك، ايوا بحبك، وكمان انا اتعلقت بيوسف اوي حاسه ابني كدا، ها قولتي اي؟
فيروز :ايوا بس....
ابراهيم :بس اي؟
فيروز :انت عارف ان في مشاكل بيني وبين طليقي وخايفه ياخد مني يوسف.
ابراهيم :محدش عيقرب من يوسف طول منا عايش وطلما يوسف عاوزك انتي يبقا ماتخافيش من حاجه
فيروز :مش عارفه
عمران و مريم تقوم باءنزاله من على الدرج :مش عارفه اي يا حبيبتي مالكم واقفين كدا ليه؟
فيروز :صباح الخير ياعمي، صباح الخير يا مرات عمي
مريم :صباح الخير يا حبيبتي
عمران :في أي، اي الخاتم اللي في ايدك دا؟
فيروز:دا... دا
ابراهيم :دا يبقا خاتم جواز ياعمي، انا بطلب ايد فيروز
عمران :اي؟ انت بتتكلم جد؟
ابراهيم :ايوا ياعمي
عمران :والله انا كان قلبي حاسس، انتوا اصلا لايقين على بعض
فيروز :يعني انت موافق يا عمي؟
عمران :اكيد طبعا بس مش مهم انا اللي أوافق هو انا اللي هتجوز والا انتي، انتي موافقه؟
فيروز بخجل :ااا... والله ياعمي اللي تشوفوا
عمران :ههههههه يبقا على خيره الله
ابراهيم :انا هتصل بادهم وهعملك احلى فرح
فيروز :لا مالوش لزوم الفرح احنا يعني مش اول مره نتجوز
ابراهيم :ليه بس؟
فيروز :نعملها على قدنا احسن وسط أهلنا واصحابنا
ابراهيم :اللي تشوفي، انا هروح بقا
الشغل وعندي مشوار بعد الشغل كدا، اصل مصطفي راح يخطب
عمران :ربنا يتممله على خير ابقا سلملي عليه
ابراهيم :حاضر يا عمي سلام
فيروز :سلام
مريم :يلا عشان تاكل وتاخد الدوا
عمران :انا مش فاهم ليه الدوا دا منا بقت بومب اهو هو بس رجلي يعني بدائت امشي شويه اهو
مريم :معلش عشان نخف
عمران :حاضر، بس انتي كمان هتاخدي علاجك
مريم :حاضر
مارك :مريم ازيد ان اقول لك انتي ساعود الي لندن
مريم :لما يا مارم انت هنا معنا هل احد قام بمضايقتك؟
مارك :لا انهم جميعا هنا طيبون ولكنني لم يعد لي مكانا هنا لقد سلمتك الي عائلتك والان يجب عليا ان أعود إلى بلدي زوجتي تنتظرني
مريم :حسنا سافتقدك يا صديقي
مارك:وانا ايضا يا رفيقه دربي
مريم :متى ستسافر؟
مارك :في المساء ستقلع الطائره
مريم :حسنا اهتم بحالك يا راس النعامه
مارك :حسنا يا راس العصفوره
مريم وهي تحتضنه :سافتقدك كتيرا
عمران بغيره :مريم يا حبيبتي راعي اني جنبك ها؟
مريم :هههههههه يا حبيبي دا اخويا مش صديقي بس ماتقلقش منه
عمران :انا مش قلقان من حاجه، انا بس بحبك بزياده وبغير عليكي
مريم :ههههههه ماشي يا حبيبي
بقلمي منه وائل
💗💗💗💗💗💗💗💗💗
في منزل عثمان
فريده وهي تهبط من على الدرج وتتحدث في الهاتف :طيب خلاص انا جاهزه اهو تمم ماشي مستنياك، يلا سلام
عثمان :انتي رايحه فين على الصبح كدا
فريده :رايحه الشغل يا بابا
عثمان :شغل اي بعد اللي حكيتي امبارح دا، انتي ازاي ترجعي مع الحيوان دا بعد لما خطفك، لا واي كمان له عين يجي هنا برجله يوصلك لحد البيت وانتي جايه تقوليلي بعد اما مشي
فريده :يا بابا اهدي دا سوء تفاهم منا حكيت لحضرتك هو عمل كدا ليه وهو لما عرف الحقيقه فهم ومبقاش يعاملني وحش، وبصراحه بقا اي حد مكانه وكان بيحب خطبته كان عمل اكتر من كدا
عثمان :هو اي اللي معاه حق انتي اتجننتي
فريده :لا يا بابا انا ما اتجننتش ولا حاجه ، بس حط نفسك مكانه
عثمان :انا مابحطش نفسي مكان حد
فريده :لا يا بابا لازم تحط نفسك مكانه، يعني لو حد كان هو السبب في موت ماما بعد الشر يعني وانت عرفت مين دا هتسكت اكيد لا، دا انت مش بعيد تأكله بسنانك، اذا كان لما عرفت ان هو كان خاطفني كان هاين عليك تفرمه مابالك بقا دي كانت هتبقا مراته وقبل الفرح بأسبوع تموت ووصله كلام اني انا السبب في موتها، حس بي يا بابا، مش حضرتك اللي ديما تقولي حسي بالناس، وحضرتك ديما تقولي لازم اني اتحمل المسؤليه، ولازم اني اعرف الدنيا من جوا ومن برا مش على الهامش يس، انا كنت فاهمه كلام حضرتك جدا، بس كنت بطنش بس دلوقتي انا فهمت معناه وبعمل بيه
عثمان :انتي اتغيرتي اوي يا بنتي لو اعرف ان الخطف دا هيغيرك كدا، انا كنت اتصلت بيه يخطفك من زمان هههههههههه
فريده :هههههههههه، ربنا يخليك ليا يا بابا انا وماما
وعثمان :ويخليك ليا ياحبيبتي
فريده :طيب انا ماشيه بقا مش عاوزين حاجه؟
فريال :لا ياروحي سلامتك
.................
عبد الرحمن :صباح الخير
فريده :صباح النور
عبد الرحمن :عامله اي النهارده مش حاسه انك بقيتي احسن؟
فريده :اه الحمدلله احسن بكتير
ثم وضعت يدها على يده وقالت :شكزَرا ليكي جدا انت ساعدتني اني اشوف حاجات مكنتش شايفاها وفكره اني اساعدك اننا نلاقي الحقيقه فكره جميله اوي، لأن انا عمري ما ساعدت حد في حياتي وكنت ديما متكبره ومش بحب الا نفسي شكرا ليك جدا
امسك عبد الرحمن يدها وقال :بتشكرني على أي بس، انا المفروض اتاسفلك على كل حاجه انا عملتها معاكي حقيقي انا اسف
فريده بابتسامه :لا ماتتاسفش مفيش داعي للأسف خطفك ليا علمني حاجات كتير اوي يمكن محدش هياخد باله منها بس انا اخدت بالي
عبد الرحمن :اتمنى ماتكونيش زعلانه مني
فريده :اكيد مش زعلانه
عبد الرحمن :يلا بينا
فريده :يلا
بقلمي منه وائل
💗💗💗💗💗💗💗💗💗
في شرم الشيخ
اسيل :سكره يا سكره اصحى، يابنتي انتي هتنامي ليكي وللزمن اصحى بقا
سكره بنوم :عاوزه اي يا اسيل سيبيني انام بقا ؟
اسيل : تنامي اي قومي بسرعه محمود بيضيع منك
سكره وهي تقفز من على الفراش :بيضيع، بيضيع ازاي؟، اقصد يضيع ازاي يعني وبعدين انا مالي
اسيل : مالك اي بس، دا واقف تحت مع البنات الخوجات وهما بيتمايصوا عليه
سكره وكادت الغيره ان تغلى ما بداخلها :ازاي يتمايصوا يعني وبعدين هو اي اللي موقفه معاهم، قصدي وانا مالي هو حر يعمل اللي هو عاوزه وانا كنت خطيبته
اسيل :طب تعالي بصي كدا
نظرت سكره من الشرفه وجدت محمود يقف أمام حمام السباحه وبجانبه مجموعه من الفتيات الاوروبيه ويتبادلون الحديث والضحك
سكره :والله َوحيات امك لمعرفاك يا محمود الكلب
اسيل وهي تضحك :العبببب
................
محمود :اقعدي بقا ياانسه انتي، انا مش فاهم اسيل اتاخرت ليه، كل دا بتصحيها، يا ماما اتهدي بقا الله
اسيل :يا سكره اهدي بس
سكره :اوعيييي ماتمسكنيش
محمود :yes, your's beautifull
سكره :والله بقا انا فكراك متربي وعينك مش زايغه بس طلعت ذيك زيهم عجبينك يا اخويا بوسها من بوقها احسن
محمود :مالك يا سكره، انتي زعلانه ليه كدا
سكره :لا والله على اساس الكلام اللي انت قولته امبارح دا طلع غبيه الصبح واتبخر
محمود :كلتك اي بس
سكره بغضب وهي تمسك محمود من ملابسه :وحيات امك، دا انا مش هخلي حته في وشك سليمه
اسيل:اهدي يا سكره مش كدا فرحتي علينا الناس
سكره :اوعي انتي كمان شكلك مبسوطه من اللي هو بيعمله اوعي سبيني عليه
ادهم :اي في أي؟ اي اللي بتعملوا دا؟
سكره :البيه واقف عمال يتكلم مع البنات الخواجات دول وضحك مسخره طول النهار
نظرت له اسيل وغمزت له، وقد فهم أدهم ماتتكلم عنه
ادهم:طب وانتي عاوزه اي يا سكره هو يعني يخصك في حاجه؟
سكره بغضب وبصوت عالي :ايوا يخصني محمود بتاعي انااااااااا
محمود :يعني وافقتي
نظرت سكره لمن حولها ثم فهمت كل شئ. فشعرت بالخجل الشديد وفرت هاربه
اسيل :ههههههه مبروك يا قلب اختك
محمود :الله يبارك فيكي يا حبيبتي
ادهم :دا انتوا دماغكم دي عاليه اوي
اسيل :اومال دا احنا نعجبك اوي
ادهم :المهم يا اسيل في واحد جه سأل عليكي
اسيل :واخد!، ودا مين دا؟ اوعي يكون حد من البوليس؟
ادهم :يا سلام ياختي ولو حد من البوليس انا مش هعرف، لا دا واحد بيقول انه ابوكي
اسيل بدهشه : بابا رضا
بقلمي منه وائل
💗💗💗💗💗💗💗💗💗
في منزل ايمان
ايمان :يعني كدا مش ناقصني حاجه؟ ، شكلي حلو طيب؟
اميره :يابنتي والله ما ناقصك حاجه دا انتي قمر وبعدين دي المره الالف اللي تسالي فيها شكلك حلو والا ناقصك حاجه ارحمني بقا ويلا
ايمان :طب المشروبات جاهزه والحلويات؟
اميره :يا بنتي كل حاجه جاهزه ركزي معايا بقا، انتي موافقه يا ايمان عشان بس ماتحرجيش الراجل
ايمان :بصي انا مش عارفه يا اميره خليها بظروفها ان شاء الله خير
اميره :إن شاءالله
تن تن
ايمان :شكلهم هما روحي يلا افتحلهم
اميره :طيب اهدي
ايمان :يارب خير يارب
مصطفي :يعني شكلي حلو؟
ابراهيم :يابني ايوا قولتلك في أي بقا ما تركز
مصطفي :طب الجاتو كدا كفايا والا انزل اجيب حاجه تاني
ابراهيم :يابني تنزل اي ماخلاص
اميره :اهلا اهلا وسهلا اتفضلوا اتفضلوا
ابراهيم :يزيد فضلك ياهانم
مصطفي :اتفضلي
اميره:والله ما له لزوم
مصطفي :لا ازاي بس دي حاجه بسيطه
اميره :اتفضلوا، ثواني هنادي عمي
ابراهيم :اتفضلي
مصطفي:بقولك..
ابراهيم :وكتاب الله قمر خلاص بقا ارحمني
مصطفي :ههههههههه خلاص
ابو ايمان :اهلا اهلا وسهلا منورين يا بني والله
مصطفي :اهلا وسهلا ياعمي دا بنورك والله
ابو ايمان :الف سلامه عليك، عرفت من ايمان انك كنت متصاب
مصطفي :الحمدلله كانت حاجه بسيطه يا عمي
ابو ايمان :الحمدلله يا حبيبي، المهم قولي بقا بتشتغل اي؟ وعايش فين؟ وفين اهلك؟ عرفني على نفسك كدا
مصطفي :انا اسمي مصطفي الحسين درويش انا من اسكندريه اصلا وعايش في أكتوبر حاليا عندي بيت ملك عايش فيه انا ومامتي وبنت اختي الله يرحمها والدي متوفي من خمس سنين واختي من ٣ سنين ووالدتي ست مريضه وعندها زهايمر وبشتغل في الشرطه برتبه رائد والحمدلله ميسور الحال وعندي بيت ملك في اسكندريه وفي الوكاله بتاعه بابا الله يرحمه في اسكندريه بيديرها جمال ابن عمي
ابو ايمان :ماشاء الله ربنا يزيدك يابني
مصطفي :الله يخليك ياعمي
ابو ايمان :تعالي يا ايمان
كانت تمشي بخجل شديد وترتدي فستان باللون القرمزي وحجاب بنفس اللون وبه لامعه بسيطه وحذاء من نفس اللون ولا تضع نقطه من الزينه في وجهها فكانت في غايه الجمال وتحمل في يديها صينيه موضوع عليها اكواب من العصير
ابو ايمان :اقعد يا حبيبتي، اهي ايمان دي اللي طلعت بيها من الدنيا اخر حاجه من ريحه المرحومه ماخلفتش غيرها
ابراهيم :ربنا يبارك فيها ياعمي
مصطفي : عمي انا بطلب ايد بنتك الانسه ايمان انها تكون زوجتي واوعدك اني هعيشها احسن عيشه ومش هخليها محتاجه حاجه
ابو ايمان : هههههههه طب يابني اهدي مش ناخد رأيها الأول
مصطفي :اتفضل
ابو ايمان :اي يا بنتي رايك؟
ايمان:ها، اللي تشوفوا يا بابا
ابو ايمان :لا ازاي بقا هو انا اللي هتجوز والا انتي؟
ايمان بخجل: يا بابا اللي تشوفوا، انا هقوم اجيب حاجه
ابو ايمان :هههههه طيب على خيره الله، بص يا بني انا معنديش حكايه الخطوبه وداخل خارج والكلام دا
مصطفي :لا لا خطوبه اي، جواز على طول ان شاء الله، وعلى فكره كل حاجه جاهزه وانا جبت فيلا صغيره كدا على قدنا انا وهي وماما وجومانه ومفروشه كمان مش محتاجين بس غير اللبس
ابو ايمان:ازاي يابني بس مااحنا لسه ماجبناش اللي علينا
مصطفي:لا لا حضرتك مش هتجيب حاجه خالص قولت لحضرتك كل حاجه جاهزه
ابو ايمان :ايوا يابني بس...
مصطفي :مابصش يا عمي بقا خلاص
ابو ايمان :خلاص يابني علي خيره الله نقرأ الفاتحه، والفرح بعد شهر من النهارده، اي رايك؟
مصطفي :مفيش مشكله يا عمي اتفضل
اميره :ياروحي، الف مبروك ياقلبي بيقروا الفاتحه، يلا نقرأ معاهم
ايمان :الحمدلله يارب
بقلمي منه وائل
💗💗💗💗💗💗💗💗💗
في بورسعيد على القهوه
مرزوق :يااااا يا بيه كل كدا حصل معاك، طب وانت هتعمل اي؟
أسر :والله المفروض هنزل القاهره عشان اروح اقولهم على كل حاجه، بس المشكله في ابوها دا اللي بيطردني لو عطر علينا كل حاجه هتضيع
مرزوق :اتوكل على الله هو يعني هيعرف مكانك فين بس
أسر :مش عارف والله، انا بس خايف على زينب لو عرفوا مكانا هيقتلوني ويقتلوها، مش مهم انا يا سيدي، بس هي ملهاش ذنب
مرزوق :مش عارف اقولك اي والله يا بيه الموضوع معقد اوي
أسر :ربنا يستر
مجهول :الو، ايوا يا بيه اهو قاعد قدامي اهو تمم
أسر:هو الراجل دا بيبصلي كدا ليه؟
مرزوق :مش عارف انا اول مره اصلا اشوفه في الحته، طب بص يلا نقوم وانا هسوق عليه العيال بتوع المنطقه وههربك من الناحيه التانيه من عند بوابه عم شرابي يلا
أسر :ماشي يلا
اخذ مرزوق أسر من يديه واخذوا يهربوا سريعا ولكن الرجل كان يتبعهم
أسر :دا ماشي ورانا يا مرزوق
مرزوق :ماتقلقش اني هنتصرف يا بيه
أسر :ماشي
مرزوق :اتصرفوا معاه ياولاا انت وهو، يلا يا بيه أجرى
أسر :حاضر
وظلا يجريان حتى وصلا الي المنزل وأثناء ذلك افتعلوا بعض الشباب مشكله كي يبتعد الرجل عن طريقهم
مرزوق :يلا يا بيه خد مراتك وامشوا من هنا هتلاقوا راجل اسمه سعيد خدوا منه تذاكر قطر اركبوا هيوصل القاهره على الساعه ٣ الفجر
أسر :ماشي يلا يا زينب
زينب :في أي؟؟
أسر :يلا يا زينب قومي رجاله سامي عرفت مكانا يلا
ام مرزوق :خد يابني الفلوس دي هتنفعكم
أسر :ربنا يخليكي ياأمي صدقيني مش هنسي ابدأ وقفتكم جنبي دي واول ما المشاكل دي تخلص هبعتلكم
ام مرزوق :ربنا يطمني عليكوا يابني
مرزوق :يلا يا بيه اوام
أسر حاضر سلام، يلا يا زينب
بقلمي منه وائل
💗💗💗💗💗💗💗💗💗
في الكافيه
نهى :انت ليه بتعمل معايا كدا ياامير، واحد زيك بعد اللي عرفته كان ممكن تقول لبابا وتفضحني
امير :عشان عارف انك هبله وانك بتعملي كل حاجت وماتعرفيش نتيجتها اي، وعشان انا بحبك يا نهى، واللي بيحب بجد بيغفر
نهى :ايوا بس انت عارف كويس اني انا...
امير :ما بتحبنيش عارف، بس مش مهم المهم عندي انك تكون مبسوطه يا حبيبتي مش مهم انا، انا هكون كويس طلما شايف مرتاحه
نهى :انت ازاي كدا مفيش حد بيعمل كدا الايام دي
امير :مش عاوزك تفكري في حاجه غير انك اول لما أسر يرجع تقدري ترجعي ليكي عشان انتي بتحبي
نهى وكادت ان تبكي:ربنا يخليك ليا يارب
امير بحزن :ويخليكي ليا يا حبيبتي، يلا بقا شوفي هناكل اي اطلبلنا
بقلمي منه وائل
💗💗💗💗💗💗💗💗💗
في شرم الشيخ
اسيل :بابا رضا وحشتن........، اي دا
منصور :وحشتني اوي
اسيل :انت اي اللي جابك؟
ادهم :اي اللي بتقولي دا يا اسيل دا والدك
منصور :سيبها يابني هي ليها حق تعمل اكتر من كدا، بس أنا جاي ندمان على كل حاجه، انا اتغيرت يا اسيل والله اتغيرت عشانك، يمكن قلبي كان ميت السنين اللي فاتت دي كلها بس صدقني انا بقيت متحمل مسؤليه كل حاجه
اسيل بسخريه :ههههههه ندمان تصدق صعبت عليا، ندمان على أي والا اي والا اي؟ يمكن اللي انا فيه دلوقتي دا بسببك انت، انت اسواء حاجه حصلتلي في حياتي، عارف انا بكره اسمي عشان مكتوب على اسمك مش بحب اقول اسمي بقولهم انا اسيل رضا شوفت انت وصلتني لايه، حقيقي انا بكرهك من كل قلبي
منصور :لا يابنتي ماتقوليش كدا انا صحيح كنت وحش معاكي بس انا بحبك اوي والله انا اتغيرت اسألي حتى مرات عمك سامحيني يابنتي ونبي انا ماليش غيرك
اسيل :اسامحك ازاي بس انا بضيع
منصور :لا يا بنتي انتي مش هتضيعي انا جنبك ومش هسيبك صدقيني ابوس ايدك
اسيل وهي تحتضنه بدموع:خلاص ونبي، انت وحشتني اوي
منصور ببكاء شديد :انا اسف يا بنتي حقك عليا والله هعوضك عن كل حاجه اتحرمتي منها حقك عليا
اسيل :مسمحاك يا بابا، قولي عمو رضا ومرات عمي أخبارهم اي
نظر لها بحزن وقال :عمك حاله جلطه يا اسيل
اسيل بصدمه :ايييي
بقلمي منه وائل
💗💗💗💗💗💗💗💗💗
في منزل سامي
سامي :يعني اي هربوا منكم تاني، انا مشغل معايا اغبيه وبهايم، تجبهوملي من تحت الارض مفهموم، يلا غور
، ماشي يااسر حسابك تقل اوي
ثم نظر الي التي تمكث في الفراش الصغير وتضحك
سامي :بتضحكي، مانتي اصلك سمجه زي ابوكي، انا مش عارف ما موتيش انتي ليه
نظرت له ثم ضحكت
سامي :دا انتي مستفزه، يا شعبان، شعبااان انت يا زفت
شعبان :تحت امرك يا باشا
سامي :خد البت دي من قدامي مش طايقها يللا
شعبان :حاضر يا باشا
سامي :ياانا يا انت يا أسر الكلب
بقلمي منه وائل
💗💗💗💗💗💗💗💗💗
في منزل عبد الرحمن
عبد الرحمن :عرفتي هتعملي اي؟
فريده :خلاص والله عرفت
عبد الرحمن :اوعي تبوظي الدنيا وتبي يا فريده
فريده :ماتخافش خلاص بقا يلا روح عشان شكلها جات
عبد الرحمن :طيب طيب
قامت دينا بفتح باب الشقه ودخلت
دينا :كح كح، اي دا بقالها قد اي مااتنضفتش دي، وبعدين هو لسه مجاش، اي دا اي اللي هناك دا،
عاااااااااااااا، عاااااااااااااا