رواية عشقت مسجوناتي
الفصل الرابع والعشرون والخامس والعشرون
بقلم منه وائل
عبد الرحمن:عرفتي هتعملي اي؟
فريده :خلاص والله عرفت
عبد الرحمن :اوعي تبوظي الدنيا ونبي يا فريده
فريده متخافش خلاص بقا يلا روح عشان شكلها جات
عبد الرحمن :طيب طيب
قامت ديما بفتح باب الشقه ودخلت
دينا :كح كح، اي دا بقالها قدا اي مااتنضفتش دي، وبعدين هو لسه مجاش، اي دا اي اللي هناك دا،
عاااااااااااااا عاااااااااا، انت او انتي مين؟
فريده وهي تقف في الظلام :اي يا دينا اوام نسيتني كدا، غريبه مع انهم بيقولوا ان اللي بيقتل حد بيفضل طول عمره حاسس بذنبه وبيحلم بيه، حلمتي بيا يا دينا؟
دينا:انتي بتتكلمي عن أي انا مش فاهمه حاجه وبعدين انتي واقفه في الضلمه ومعرفش انتي مين؟
فريده :هههههههههه عارفه بيعجبني فيكي بجحتك اوي، انتي بجحه اوي، عايزه تعرفي انا مين تمم، ها افتكرتني؟
دينا بصدمه :ازاي؟ ازي دا، دا عبد الرحمن قتلك؟
فريده :منا عارفه انه قتلني، انا بقا ياستي عملك الأسود للدرجه دي كان جواكي فل من ناحيتي انتي اييي، عارفه انا مش هسيبك تنامي هلازمك في كل أحلامك وفي حياتك
دينا برعب:اا انا ما عملتش حاجه والله ما عملت حاجه
فريده :ههههههه طب منا عارفه انتي ماعملتيش اه، بس خليتي اللي يعملوا اللي يقتلوني ها ومنه، ههه فاكرها، مش دي اختك، اختك اللي كانت بتحبك دا انتي حتى غلك مقدرتيش تمنعي من على اختك، تنكري ها، تنكري انك كنتي بتكرهيها، طيب لو انا السبب في قتلها كانت هتحبني اكتر منك
دينا:ايوا بكرهها وبكرهك انتي كمان كله بيحب منه، منه حلوه، منه طيبه، منه جميله، كله عاوز منه ودينا يع كخه، وانا اللي قتلتها
عندما سمع عبد الرحمن ذلك احس وكان قلبه انشق نصفين، ماذا؟ التي قتلت حبيبتي بجانبي كل ذلك الوقت وانا لا أعلم؟ ما هذا كيف؟
فريده :طب منا عارفه ان انتي اللي قتلتيها انا مش بني ادمه ذيك دلوقتي عشان كدا اي حاجه هتقوليها هتلاقني عارفاها
دينا :انا كان نفسي تموتوا انتوا الاتنين مع بعض انا قطعت الفرامل بس حظك انتي ماحصلكيش حاجه كان لازم اموتك وانا اللي فهمت عبد الرحمن انك انتي اللي قتلتي منه، عشان يخلص عليكي خالص عشان تفضالي الساحه، دلوقتي انا مرتاحه انتي موتى وهي ماتت وعبد الرحمن هيبقا ليا، اه انا اللي كنت بحبه هي اخدته مني ايوا اصلا احنا كنا صحاب بس هي لما عرفته خطفته مني انا بكرهها
عبد الرحمن :عارفه انا مش هستغرب من الغل اللي طالع منك دا، اللي قدرت ايام الجامعه تصور صاحبتها وهي بتغير هدومها وتنشرها وسط صحابها بدافع انها بتاخد حقها، تقدر تعمل اوسخ من كدا
دينا :عبد الرحمن!!، عبد الرحمن انا، انا والله.........
عبد الرحمن بغضب وبصوت عالي :انتي اي يا شيخه انتي شيطااان، شيطان متجسد في بني آدم، ياشيخه دا الشيطان فخور بيكي
دينا بدموع :يا عبد الرحمن انا عملت كل دا عشان بحبك مقدرتش استحمل وهي بتاخدك مني... و. انا
عبد الرحمن :انتي اييي، انتي ايييييي يا شيخه انا مكنتش ليكي ولا عمري هبقا ليكي منه مااخدتش منك حاجه، منه انضف منك بكتير، على الاقل عمرها ما شالت لا حقد ولا ضغينه من حد يا شيخه دا حته قبل ماتموت وهي عارفه كويس انك مش بتحبيها كانت بتجهز لعيد ميلادك كانت بتفكر فيكي طول الوقت مكنتش شايفه ان في حد يستاهل الاهتمام دا كله غيرك، عرفتي بقا الفرق بينك وبينها؟ ، عرفتي ليه الناس بتحبها اكتر منك؟، عرفتي انا حبيتها هي ليه وانتي لا؟
دينا بدموع :والله انا كنت بحبها بس تعبت من فكره ان محدش كان بيتقبلني ليه انا ماعملتش حاجه لحد ليه هي
َواخذت تبكي كثيرا، نادمه على ما فعلت، كيف فعلا ذلك بشقيقتي؟ كيف عماتني الغيره؟ كيف؟
عبد الرحمن :كان بودي اقتلك بأيدي دي واخلص البشريه من شرك، بس أنا مش ذيك انا مابحبش قتل النفس، انا هكتفي ان العداله هي اللي تاخد مجراها منك
دينا :لا ياعبد الرحمن ونبي بلاش البوليس ابوس ايدك بلاش السجن
عبد الرحمن :الندم بعد فوات الأوان مالوش اي لازمه، انا كلمت البوليس وهما خلاص جاين على هنا معرفش لما تقبليها هناك هتبصي في وشها ازاي
وظلت تبكي كثيرا لا تستطيع التحدث ماذا ستقول؟ الشيطان يعمي ابصارنا كثيرا ولكن الإنسان هو من يستطيع قياده تصرفاته والتغلب على وسوسوه الشيطان بكل انواعها
بقلمي منه وائل
💗💗💗💗💗💗💗💗💗
في شرم الشيخ
ادهم :انتي بتعملي اي بس انا عاوز افهم؟
اسيل وهي تقوم بوضع ملابسها في الحقيبه :اي بحط هدومي
ادهم :طب منا عارف، انتي اتجننتي
اسيل :انا هبقا اتجننت فعلا لو قعدت دقيقه واحده ومانزلتش القاهره ودلوقتي حالا اطمن على بابا رضا، بابا رضا تعبان بسببي انا، بابارضا لو حصله حاجه مش هسامح نفسي ابدا.
ادهم :وانتي ذنبك اي، وانتي يعني اللي سجنتي نفسك، اقعد بس واستهدي بالله، الفيلا بتاعتكم عليها مراقبه ٢٤ ساعه مش هتعرفي تدخلي ولا تروحي
اسيل :انشالله يكون في عذرائيل انا لازم اروح لبابا رضا
محمود :دي دماغها ناشفه ومش هتسمع الكلام
منصور :يابنتي ماتخافيش هو حالته بقت احسن شويه
سكره :ماتركبيش دماغك يااسيل لو روحتي هناك هيقفشوكي
اسيل :مش مهم، انا خلاص تعبت كفايا كدا، دا نصيبي
ادهم :بس انا مش هسيبك، ايوا مش هسيبك تضيعي نفسك كدا اهدي بقا واقعدي
اسيل :يا جدعان سبوني بقا هو محتاجني لازم اروحله
ادهم :يااسيل عشان خاطري بلاش اللي في دماغك دا
اسيل :انا لازم انزل يعني هنزل
بقلمي منه وائل
💗💗💗💗💗💗💗💗💗
في منزل فيروز
فيروز :يا سلام يعني الفرح بعد شهر
ابراهيم :اه اصل ابوها مش بيحب حوار الخطوبه والكلام دا، دا غير ان مصطفي مستعجل
فيروز :هههههههههه مستعجل على أي دا بكره يقول ياريت اللي جرا ما كان هههههههه
ابراهيم برومانسيه :ليه بس بتقولي كدا، دا الحب هو اللي بيسهل كل حاجه في حياتنا، يعني انا اهو بحبك لو حصل واتشكلنا اكيد عشان بحبك هحاول احلها بسرعه بقدر الإمكان عشان مش هستحمل انك تكوني زعلانه مني لفتره طويله
فيروز :انت اتطلقت انت ومراتك ليه يا ابراهيم انت يعني شكلك فاهم وعارف تتصرف ازاي في حياتك الزوجيه
ابراهيم :اتطلقنا عشان كنا منبهرين ببعض بس في الأول، يعني مكنش حب ولا حاجه انا كنت منبهر انها اجنبيه بقا وكدا وانها متحضره وهنقدر نكون اسره متحضره، إنما هي بقا كانت منبهره ان شاب مصري حبها، هي كانت فاكره كدا بس انا عادي يعني هي كانت مبسوطه بالفسح والخروجات وأنها بتشوف آثار مصر وكدا يعني
فيروز :اه فهمتك، بس عارف احلي حاجه طلعت بيها بجوزتك دي، هي جوليا
ابراهيم :جوليا، جوليا دي مكسبي من الحياه، كنت خايف انها تضيع مني اصل امها مكنتش راضيه انها تبعتهالي، بس أنا طلبت بكده في السفاره والحمدلله جوليا اتعلقت بيا وواثق انها مش هترضي ترجع لمامتها
فيروز :إن شاء الله
عمران :كلمت أدهم يا ابراهيم؟
ابراهيم :لا والله لسه ياعمي بس هكلمه حالا
مريم: ابراهيم، ماتقولهوش اني لسه موجوده هنا
ابراهيم :حاضر يا مرات عمي
يوسف :خلاص يا جوليا بقا اوعي كدا
جوليا ببكاء :انا.... انا مش عملت حاجه
ابراهيم :في أي يا جوليا بتعيطي ليه؟ ومالك يا يوسف بتكلمها كدا ليه؟
يوسف :عشان هي مش سمعت كلامي وبردو لعبت مع علي
فيروز :طب وفيها اي يا يوسف مش على صاحبك بردو
يوسف :على صاحبي اه، لكن حوليا مش تلعب مع ولاد غيري
جوليا :انا مش لعب معاه هو اللي جه كلمني بقا
فيروز :خلاص يا يوسف بقا اتلم ولو شوفتك مزعل جوليا تاني هضربك يلا عشان تناموا
يوسف :حاضر يا مامي
ابراهيم :طيب يلا يا جوليا عشان نروح
فيروز :وتروحوا ليه ماتناموا هنا.
ابراهيم :لا ليه يعني ما البيت جنبكم
فيروز:معلش اصل حوليا دفيانا ولو خرجت في الجو دا هتاخد برد
ابراهيم :ايوا بس
عمران :خلاص بقا يابني، يا سماح سماح
سماح :نعم يا بيه
عمران :اطلعي نضفي اي أوضه لإبراهيم وجوليا اوام يلا
سماح :حاضر يابيه
ابراهيم :المهم اكلم أدهم دلوقتي والا الصبح
مريم :خليها الصبح زمانه نايم حبيبي.
عمران : طول عمرك قلبك حنين يا مريم
مريم :مش ابني ربنا يحميه يارب
بقلمي منه وائل
💗💗💗💗💗💗💗💗💗
في القطار
أسر :مالك بتترعشي كدا ليه
زينب :الدنيا ساقعه اوي
اسر:خدي البسي الجاكيت دا، مرزوق ادهولي
زينب :لا انت كدا هتبرد
أسر :مش مهم المهم انتي
زينب :لا مش هينفع خليك لابسه
أسر :طب انا عندي فكره بس مش عارف هتقبليها والا لا.
زينب :اي هي؟
أسر :انا هلبس الجاكيت وهحضنك
زينب:ايوا بس احنا في القطر يعني و....
أسر :عارف بس مفيش حد اصلا وبعدين محدش له عندنا حاجه يعني اللي هيتكلم احنا متجوزين
زينب :بس احنا مش متجوزين
أسر :منا عارف، بصي انا متأكد انك خايفه مني، بس أنا ماقولتلكيش انا فعلا اتغيرت وبعدين انا عمري ما هجبرك على حاجه
انتهى من حديثه ونظر من الشرفه
نظرت له ثم قامت بوضع راسها على كتفه نظر لها ثم ابتسم وقام باحتوائها وبث الأمان بداخلها ثم قال :على فكره مفيش حد وقف جنبي ذيك، اه ونهي كمان، بس نهى مش قادره تفهم اني عمري ما حبيتها كانت مجرد صداقه هو اه انا غلطت كتير وكتير اوي كمان بس يمكن اللي حصلي دا قدر يخليني اتوب عن اللي كنت فيه
زينب :مين نهى دي؟
أسر :زميلتي في الشغل، بصراحه كنا على علاقه ببعض بس هي بتحبني يعني وكدا بس انا مش بحبها انا كنت معجب بيها بس مش اكتر، بصي انا عارف اني وسخ بس صدقني انا توبت والله وبتمنى من ربنا انه يسامحني
زينب :هيسامحك عشان عندك نيه للتوبه، وبعدين بطل رغي بقا عاوزه انام لسه بدري على الطريق
أسر :ههههههههههه حاضر
بقلمي منه وائل
💗💗💗💗💗💗💗💗💗
في منزل نهى
نهى :بصي انا وأمير روحنا فين النهارده
امنيه:هههههه شكلكم حلو اوي
نهى:تعرفي انا اكتشفت ان امير دا شخصيه تانيه خالص دا بيعاملني كأني بنته مش اخته ههههه
امنيه : قصدك بيعاملك كانك حبيبته ومراته
نهى :تقصدي اي بالكلام دا؟
امنيه:انتي فاهمه قصدي كويس
نهى :امنيه بلاش كل شويه تلمحلي بالكلام دا انا قراري عمري ما هرجع فيه تمم
امنيه :براحتك يا نهى انتي حره تصبحي على خير
نهى :انا مش فاهمه في أي كله عليا
بقلمي منه وائل
💗💗💗💗💗💗💗💗💗
أمام منزل فريده
عبد الرحمن :انا بشكرك جدا يا فريده انك ساعدتني
فريده :لا على أي بس كان لازم نعرف الحقيقه
عبد الرحمن :كده اقدر اقول نامي يا منه في تربتك وارتاحي
فريده :ربنا يرحمها
عبد الرحمن :يلا تصبحي على خير سعيد اني اتعرفت عليكي اوي
فريده :انا اكتر، بس هو انا مش هشوفك تاني؟
عبد الرحمن :ها اكيد هنتقابل تاني، وبعدين انتي معاكي رقم تليفوني وعرفتي المستشفى بتاعتي لو احتاجتي اي حاجه ابقى كلميني
فريده :إن شاء الله، تصبح على خير
عبد الرحمن :وانتي من اهل الخير
..................
عثمان :ايوا يا فريال بس المكان دا احلى من دا
فريال :مش عارفه حسيته بلدي شويه
فريده :مساء الخير عليكم
عثمان :مساء النور يا حبيبتي اتاخرتي ليه كدا؟
فريده :معلش كان ورايا شغل كتير، اي بتعملوا اي؟
فريال :مفيش كنا بنشوف هنقضي الصيف فين السنه دي
فريده :اسكندريه مفيش كلام انا بحبها اوي
عثمان: خلاص يبقا اسكندريه
فريده :تمم انا هطلع انام بقا
فريال :مش هتاكلي؟
فريده :لا مش جعانه يلا تصبحوا على خير
عثمان :وانتي من اهل الخير يا حبيبتي
بقلمي منه وائل
💗💗💗💗💗💗💗💗💗
في منزل مصطفي
مصطفي :يا ختااااي يا ماما انا من ساعه ما جيت من برا وانا عمال افهمك، ياستي اه هتجوز
ام مصطفى :طب خلاص يا مصطفى ماتصدعنيش، الا مين البت اللي قاعده قدامي دي
مصطفي :ماما تاني يا حبيبتي نامي الله يرضى عنك
جومانه :يعني خلاص يا خالو ميس ايمان هتيجي تعيش معانا
مصطفي :اه يا حبيبتي
جومانه :طب ووفقت انها تعيش معانا؟
مصطفي :ايوا، وبعدين يا بنتي منا قولتلك ايمان مش بتفكر كدا المهم، اهم حاجه يا جومانه لو حاسه انك هتكوني متضايقه انها هتقعد معانا قولي وانا اقعدها بعيد عنكم
جومانه :لا طبعا يا خالو، اولا احتا مانقدرش نعيش من غيرك، ثانيا انا بحب ميس ايمان اوي
مصطفي :ماشي يا حبيبتي هاتي حضن كبير لخالو بقا ايوا ايوا ااااه بحبك اوي انا
جومانه :وانا كمان يا خالو
بقلمي منه وائل
💗💗💗💗💗💗💗💗💗
عند منزل رضا
ادهم :اهو مش مشيتي اللي في دماغك ادينا عند البيت اهو بصي الحراسه قد اي والمراقبه
اسيل :ماليش دعوه انا لازم ادخل
منصور :طب اهدي يا بنتي انا هتصرف البسي النقاب دا وتعالي ورايا
اسيل :حاضر
إحدى الظباط :مين دي يا منصور بيه؟
منصور :دي.... دي الشغاله الجديده
الظابط :طيب احنا لازم نشوف وشها
منصور :مينفعش يابني حرام
الظابط :معلش يا فندم دي أوامر ولازم تتنفذ اتفضلي يلا انسه
اسيل لنفسها :يا نهار اسود هعمل اي دلوقتي
🤍عشقت مسجوناتي🤍
🤍البارت الخامس والعشرون🤍
ادهم :اهو مش مشيتي اللي في دماغك ادينا عند البيت اهو بصي الحراسه قد اي والمراقبه
اسيل :ماليش دعوه انا لازم ادخل
منصور :طب اهدي يا بنتي انا هتصرف، البسي النقاب دا وتعالي ورايا
اسيل :حاضر
إحدى الظباط :مين ذي يا متصور بيه؟
منصور :دي....... دي الشغاله الجديده
الظابط :طيب احنا لازم نشوف وشها
منصور :مينفعش يابني حرام
الظابط :معلش يا فندم دي أوامر ولازم تتنفذ اتفضلي يل يا انسه
اسيل لنفسها :يا نهار اسود هعمل ايه دلوقتي
الظابط :يلا يا انسه
منصور بتوتر :.َ.ااا يا بني منا قولتلك حرام كدا
الظابط :وانا يافندم بقول لحضرتك دي أوامر مينفعش اتعداها
ادهم :اي يا بني اللي انت بتعمله دا، ازاي تطلب منها تخلع النقاب انت ماتعرفش انه حرام والا اي؟، حط مراتك او اختك مكانها
الظابط :أدهم باشا منور سيادتك يس انا بنفذ أوامر
ادهم :انا اللي بقولك دخلهم أوامر اي دي
الظابط :بس يا باشا......
ادهم :بس اي يا هشام اي انت نسيت نفسك والا اي، اللي اقوله يتنفذ مفهوم
الظابط :مفهوم يا باشا، اتفضل يا منصور يا بيه
منصور :شكرا يا بني
ادهم :انا داخل جوا اشوف رضا بيه وراجع تاني
الظابط :تمم يافندم
................
سعاد :يا حبيبي انت هتفضل باصص للصوره كده كتير، انت بتعيط ليه دلوقتي طيب
تن تن
سعاد : طب بص هقولك سيب الصوره دي وبصلي هنا يلا
منصور:مساء الخير
سعاد :مساء النور اي يا منصور كنت فين طول النهار؟
منصور :كنت في مشوار مهم جدا
سعاد :طيب تعالي شوف اخوك اللي من الصبح عمال يبص على صوره اسيل ويعيط
منصور وهو ينزل الي مستوى رضا :على فكره انا عاملك مفاجاءه بص مين جاي معايا
نظر رضا في المكان الذي يشير اليه منصور باءصباعه وجدها، نعم هي ابنته، ابنته التي كانت نور منزله، التي كانت سر ابتسامته، ابنته التي لظل طوال الوقت بتذكرها ويتذكر كلامها، كم انني اشتقت لكي يا صغيرتي
رضا وهو في محاوله للتحدث:اااا.... اايييل... اااىيل
اسيل وهي تجري سريعا الي احضانه ووجها ملئ بالدموع :باباااااا، باباااااا وحشتني اوي، وحشتني اوي، انا اسفه اسفه اوي
ظل الاثنان هكذا كل منهما يقوم بالاشتداد على حضن الاخر والدموع تملئ عينيهم
سعاد :يا حبيبتي وحشتينا اوي تعالي ف حضني ياقلبي
تركت اسيل حضن رضا ثم قامت باءحتضان سعاد
اسيل :انا اسفه ليكوا انا السبب في اللي انتوا فيه دا كله
سعاد :بس يا حبيبتي ماتقوليش كدا وانتي ذنبك اي بس، إن شاء الله كل حاجه هتتحل
منصور :انتي دلوقتي مش هتعرفي تقعدي هنا صح؟
ادهم :لا طبعا المراقبه من كل ناحيه، دا ربنا يستر مايكونوش عرفوا ان انتي الشغاله دي اصل الظابط اللي برا دا مابيهداش انا عارفه اتم
منصور :طب هتخرج ازاي دلوقتي
سعاد : ممكن من الباب بتاع الخدامين؟
ادهم :في باب خدامين هنا؟
سعاد :ايوا
ادهم :تمم يلا بينا
رضا وهو يحاول التحدث :ايييل، اااا
اسيل :ماتقلقش هرجع تاني صدقني
ادهم :يلا يا اسيل
اسيل :حاضر
...............
سكره :هما هيباتوا جوا والا اي؟
محمود :يابنتي دا مصدقت انها شافتهم
سكره :طب احنا ما دخلناش معاهم ليه؟
محمود :هتدخل ازاي يا سكره يعني دا اسيل ودخلت بالعافيه، وبعدين هتدخل نعمل اي؟ لينا اي جوا احنا؟، ممكن تفصلي بقا؟
سكره وهي تضع يدها على فمها :اهو سكتنا.........
هو مين ابوها بظبط اللي اسمه رضا دا، والا اللي جه الصبح؟
محمود بنفاذ صبر :استغفر الله العظيم يارب، يارب نسكت
ادهم :يلا اسيل
اسيل :حاضر
منصور:خالي بالك من نفسك يابنتي
اسيل :سلام يا بابا
ادهم :امشي انتي من هنا لوحدك عشان هما لو شافوني هيشكوا، وانا جاي وراكي
اسيل :حاضر
وعندما كانت تحاول الخروج من الباب الحديد تعلقت ملابسها في الحديد
اسيل :يووووه بقا ودا وقته، دا انتي عبايا رخمه، ااااه ايدي عاااااااااااااا
الظابط :استنى عندك هاتوها
اسيل :يانهار اسود ومنيل
ادهم :ياخبر اسود!!
اسيل :لاااا.... انا ماعملتش حاجه سبوني
الظابط :شيل اللي على وشها دا
اسيل :لا، لا
الظابط :ههههه كنت متأكد انك انتي هاتوها يلا
اسيل :لاااااا لااااا
ادهم :يانهار اسود اعمل اي دلوقتي
سكره :يالهوي يالهوي الحق يا محمود مسكوا اسيل
محمود :ايييييي
ذهب أدهم الي محمود وسكره ثم قال :مسكوها انا غبي غبي، سبتها لوحدها ليه انااا
سكره :طب مش انت ظابط يعني تقدر تاخدها منهم وتجبها
ادهم :مش بالسهوله دي يا سكره، اي حد هيكون بيساعدها انشالله لو اللوا ذات نفسه هيكون بيتستر على مجرمه ويتحبس
محمود :طب والعمل؟
ادهم :لازم نلاقي أسر باي طريقه
سكره :طب مش البواب اعترف؟
ادهم :ادله مش كافيه ما ممكن تكون مني طلعت ونزلت وماعملتش حاجه وبردو اسيل هي اللي هتكون لبستها ودا لان اسيل مسكت السلاح اللي هو مات بي
محمود :طب المراقبه اللي على بيت سامي دا أخبارها اي؟
ادهم :ولا اي جديد الراجل بيروح شغله عادي خالص حتى مفيش اي معلومه تثبت ان أسر جوا اصلا
محمود :ربنا يستر
بقلمي منه وائل
💗💗💗💗💗💗💗💗💗
في منزل أدهم
كانت تجلس فيروز في الحديقه تتأمل السماء وتقوم بعد النجوم
وضع ابراهيم يده على عينيها
فيروز :الله على اساس مش هعرف انت مين يعني ، وبعدين مفيش حد صاحي غيرك اصلا
ابراهيم :ههههههه وانتي عرفتي منين بقا؟
فيروز :اولا نور الاوضه بتاعتك كان مفتوح، تاني حاجه مين يعني اللي هيجي يحط ايده على عيني غيرك اكيد مش عمي ولا مرات عمي
ابراهيم :هههههههه اه صح، المهم مانمتيش ليه؟
فيروز :مش عارفه، بفكر
ابراهيم :بتفكري في أي؟
فيروز :عارف لما تكون حياتك متلغبطه ومش عارف تعمل اي ولا عارف تظبطها ازاي، وفجاءه كل دا يتغير
ابراهيم :طب والتغيير دا حلو والا وحش؟
فيروز :بالنسبه للانا مريت بيه حلو جدا
ابراهيم :طيب انا قولتلك على سبب طلاقي تسمحي تقوليلي بقا
فيروز :طيب انا وعصام كما زمايل في الجامعه وكنا بنحب بعض اوي اول سنه في الجواز دي كانت جميله اوي كان عصام اللي انا اعرفه كان بحبني اوي، بس بعد اما خلفت يوسف من تاني سنه لينا في الجواز ابتدي اسلوبه يتغير وبقا يزعق وشويه شويه وبقا يمد ايده مكنتش برضى اقول لادهم، لان لو أدهم كان عرف ساعتها كان مخلهوش لمح الشمس استحملت كتير اوي لحد اما تعبت وطلبت الطلاق مرضاش يطلقني سبتله البيت وفضلت سنتين على زمته احد اما خليت أدهم ادخل وطلقني غصب عنه بس كان كل يومين ينطلي وكل شويه يتحجج بالواد وكل شويه عاوز يرجع، واخر حاجه كان هياخد يوسف مني بالعافيه واحنا بنتخانق يوسف وقع من ايده على دماغه
ابراهيم :يانهار اسود وبعدين؟
فيروز :الحمدلله عدت ويوسف بقا كويس
ابراهيم :الحمدلله، وهو فين الحقير دا دلوقتي؟
فيروز :من يوم ما أدهم هدده وهو بطل يتعرضلنا
ابراهيم :ولو فكر يتعرضلك تاني انا همحي من على وش الدنيا، يلا مش هتنامي
فيروز :يلا
بقلمي منه وائل
💗💗💗💗💗💗💗💗💗
في محطه القطار
أسر :زينب، يا زينب، قومي احنا وصلنا
زينب :بجد؟
أسر :اه يلا
زينب :هنروح فين دلوقتي؟
أسر :مش عارف بس احنا لازم نبات في أي مكان دلوقتي لحد الصبح
زينب :هو احنا مينفعش نروح اي بيت من بيوتك؟
أسر :ايوا صح، اي دا؟
زينب :في أي؟
أسر :احنا مش في القاهره
زينب :نعم اومال دي محطه اي؟
أسر :استنى كدا، لوسمحت هو احنا فين كدا؟
الكومسري:انت في الشرقيه
زينب :يالهوي بقا، انت معاك فلوس كام؟
أسر :استنى اما اشوف، اي دا انا كنت حاطتهم هنا، استنى اشوفهم هنا
زينب :اي؟
أسر :الفلوس وقعت
زينب :يانهار اسود طب وهنعمل اي دلوقتي؟
أسر :مش عارف، تعالي نخرج من المحطه دي
زينب :انت مش قولتلي اننا في محطه القاهره، ازاي مااخدتش بالك اننا في الشرقيه؟
أسر :وانا هعرف منين انا وانا كنت ركبت قطر قبل كدا
زينب :انا تعبانه أوي ومش قادره امشي على رجلي
أسر :معلش استحملي على اما نشوف مكان ننام فيه لحد الصبح، يلا
بقلمي منه وائل
💗💗💗💗💗💗💗💗💗
في منزل ايمان
اميره :مالك يا ايمان
ايمان :ها لا مفيش
اميره :ماتضحكيش عليا يا ايمان ياريت تفهمني في أي؟
ايمان : بصي انا حاسه اني متلغبطه ومش فاهمه حاجه، هو ليه بابا قال جواز على طول يعني ليه ماادناش فرصه نعرف بعض اكتر؟
اميره :عشان انتي عارفه ان عمي ما بيحبش أمور الخطوبه دي وان هو داخل خارج، دا كويس انه هيستحمله الشهر دا، ليه هو انتي حاسه انك اتسرعتي؟
ايمان :لا الفكره مش في كدا، بس كنت عاوزه اتعرف عليه اكتر، اصل هو شكله ولا بيصلي ولا قريب من ربنا فهماني
اميره :اه فهماكي، طيب ماتقربي انتي يعني خليه يطبع بطبعك
ايمان :هحاول، المهم يلا عشان ننام ورايا مدرسه الصبح
اميره :ماشي
بقلمي منه وائل
💗💗💗💗💗💗💗💗💗
في منزل سكره
محمود :اهدي يا سكره بقا وبطلي عياط
سكره :يعني خلاص كدا اسيل هتتحبس
محمود:يا بنتي اهدي بقا اكيد في حل، انا بس عاوز اعرف هما عرفوا ازاي انها هي
سكره :دول ظباط، يعني يعرفوا كل حاجه
محمود :إن شاء الله أدهم هيتصرف، احنا لازم نلاقي أسر وفي أقرب فرصه
بقلمي منه وائل
💗💗💗💗💗💗💗💗💗
في القسم
الظابط :ماهو انتي هتعترفي يعني هتعترفي، قولي وديتي أسر فين؟
اسيل :والله ماعملت حاجه انا ما خطفتش حد
الظابط :فين شركائك؟
اسيل :ماليش شركاء، انا ماعملتش حاجه
الظابط :الإنكار مش هيفيدك، اعترفي يا اسيل
اسيل بدموع :والله ماعملت حاجه
دب دب
الظابط :ادخل
العسكري :يا باشا في.....
قطع حديثه دخول أدهم المكتب
ادهم :اي يا شريف هو انت حليت مكاني في القضيه والا اي؟
شريف :ها...... لااصل..
ادهم :اصل اي؟، في حد كلفك بكده؟
شريف :لا
ادهم :اي عاوز تترقى فجاءه كدا والا اي؟
شريف :يا أدهم باشا انا.......
ادهم :انت لو مسكتش انا هخليهم يحولوك للتحقيق وتتوقف عن العمل لمده سنه
شريف :لا وعلى أي انا اسف ياادهم باشا
ادهم :تاني مره لو أدخلت في شغلي ماتلومش الا نفسك، تعالي
ثم اخذ اسيل وذهب الي مكتبه
شريف :ماشي، ماشي يا أدهم يااما يا انت في الداخليه
...........................
ادهم وهو يغلق باب مكتبه. :اعدي بقا انتي بتعيطي ليه دلوقتي مش انتي السبب في اللي احنا فيه دا، قولتلك مالوش لزوم ننزل القاهره هنبقا نطمن عليه تليفون بس انتي ماسمعتبش كلامي
اسيل بدموع :انا ماعملتش حاجه والله انا ليه بيحصلي كدا انا
ادهم وهو حزين على حالها :طب ممكن تهدي انا وعدتك مش هسيبك
ثم وضع يده أسفل ذقنها ورفع وجهها وقرب وجه الي وجهها وقال :عمرك ما تقلقي ابدا وانا جنبك، انا مش هسيبك
توترت اسيل وتعرقت كثيرا وتوقف الحديث في فمها وازداد توترها اكثر عندما اشتمت رائحه عطره الجميل الذي داعب أنفها
ابتلعت اسيل ريقها وقالت :انت بتعمل معايا كدا ليه؟، مصلحتك اي في كدا؟
ادهم :كان نفسي اقولك بس مش وقته
اسيل :يعني اي انا مش فاهمه حاجه
ادهم :هفهمك كل حاجه بس بعدين، المهم انتي هتنامي هنا معلش انا عارف انك بتخافي تنامي لوحدك بس مش باءيدينا
اسيل :طيب بس ماتتاخرش عليا بكرا
ادهم :حاضر تصبحي على خير
اسيل :وانت من اهل الخير
كانت هناك عيون تراقبهم وقامت بالتقاط بعض الصور لهم
:ههههههههههه بقا كدا ماشي انا هفضحك ياادهم
بقلمي منه وائل
💗💗💗💗💗💗💗💗💗
في منزل فريده
كانت تجلس في غرفتها تتصفح الانترنت، وعندما كانت تتصفح وجدت صفحه عبد الرحمن ظلت تنظر إلى صورته بضع دقائق ثم قامت بالضغط على اضافه صديق انتظرت قليلا ثم قامت بالغاء الطلب
فريده:اي اللي انا بعمله دا هو مش خلاص المصلحه خلصت عاوزه اي منه انا، بس أنا كده مش هشوفوا تاني
يوووووووه بقا ماتتخمدي يا ديده بقا
.......................................
كان يجلس عبد الرحمن في غرفته يعمل على الحاسوب ومنهمك في عمله جيدا قفزت صورتها فجاءه الي ذهنه وظل يتذكر وجهها وطريقه حديثها تذكر كم انها كانت رقيقه وعندما يرا الابتسامه تصل إلى شفتاها الصغيره الورديه اللون يشعر وكان السعاده ملئت قلبه
عبد الرحمن :اي دا في أي؟ هو انا ليه فاكر شكلها اوي كدا طب ياترى انا هشوفها تاني؟
بقلمي منه وائل
💗💗💗💗💗💗💗💗💗
في منزل أدهم
ادهم :اي دا هو البيت كله نام
مريم :انا لسه يا حبيبي مانمتش
ادهم :نعم!، هو انتي لسه هنا؟، انتي بتعملي اي هنا انا مش قولت اجي ما الاقيكي مشيتي
مريم :اهدي يا حبيبي اسمعني بس
ادهم بانفعال :اسمع اي انا، انا مش عاوز اسمع حاجه، انا مش عاوز اشوف وشك تاني
مريم بدموع :انت ليه ظالمني كدا يابني اسمعني ونبي
ادهم بغضب شديد:بقولك مش عاوز اسمع حاجه وكفايا اوي اني محترم انك ست كبيره من بكره ما مااشوفكيش هنا
وضعت مريم يدها على كتفه وقالت بدموع :انت بقت قاسي كدا امتا؟ انا ماعلمتكش كدا
ادهم وهو يزيح يدها بغضب :ماتلمسنيش، اقولك انتي علمتني اي، علمتني اني اكون خاين، علمتني اني ماافكرش الا في نفسي، علمتني اني اكرهك، انا كرهتك
مريم وهي تحاول احتضانه :لا يا حبيبي لا ونبي انا ماليش ذنب
ادهم وهو يقوم باءزاحتها من أمامه :قولتلك ماتلمسنيش
وقعت مريم علي الارض
مريم :ااااااااااااااااه
ادهم بصدمه :ماماا