نور _ الجاسم 🖤💫
بقلم: نيلي ياسر
الفصل الثالث3والرابع4
......
" نور فتحت باب العربية علشان تنط بس جاسم بحركه سريعه مسك وسطا وقفل الباب وكانت قريبه منه وهو بيضحك وهي سرحانه في ضحكته"
جاسم بيضحك: انتي مجنونه يا بت..ههه .. هترمي نفسك.
نور: ممكن ... ت.. تبعد.. شويه!!.
جاسم: انا دكتور جراحه أكبر دكتور جراحه في مصر والشرق الأوسط ها ارتحتي كده.
نور: هرتاح اكتر لو بعدت شويه.
" جاسم بعد شويه وهى سكتت لغايه لما وصل قدام ڤيلا شيك في كمبوند وشكلها مبهج ولونها ابيض من بره"
جاسم: دي الڤيلا بتاعتي قبل ما أنزل عايز اعرفك كام حاجه عني انا معنديش أهل ابويا سابني وانا طفل صغير منعرفش راح فين حتي..وامي عرفت أنها حامل بعد ما أبويا سابنا بشهرين و وهي بتولد ماتت وسابت ليا اختي وكل حاجه في حياتي...ملك هي أصغر منك بسنه و هي هتقعد معانا وربنا يعلم اني مليش حد غيركو ( راجل اوي يعني ♥️♥️😂).
نور: طب ممكن تفتح باب العربيه.
" جاسم افتكر أنه قفل الماسوجر لما كانت هتنط ف نزل وفتح ليها الباب"
جاسم: يلا انزل.
نور بخوف: ح..حاضر.
جاسم: مالك؟!.
نور بتوتر: مفيش هنزل اهو.
" العربيه كانت عاليه جدا وهي طولها مش مساعدها تنزل ومكسوفه تقوله نزلني..وجت تنزل كانت هتقع بس نزلت في حضنه..ايوه هو شالها وقفل باب العربيه وهي متشعلقه في رقبته بخوف"
جاسم: مش كنتي تقولي انك اوزعه يا اوزعه.
نور وهي لسه في حضنه: انت اللي طويل.
جاسم: بس يا اوزعتي.
نور بتعجب: اوزعتك!!.
جاسم: انتي مراتي.
" نور ضحكت جامد لاول مره من قلبها وحست أنه بيردهلها لما قالتله (انت جوزي) في العربيه"
جاسم: ضحكتك حلوه اوي.
نور بكسوف: طب ممكن تنزلني.
جاسم: حاضر..( ونزلها).
" وقفو قدام الباب وجاسر كان هيفتح الباب بس حس أن نور متوترة جدا"
جاسم: انتي خايفه من ايه..انا مش هلمسك غير لما أفهم كل حاجه.
نور بتوتر: خايفه أن اختك... يعني...
جاسم: انتي خايفه أن أختي متحبش وجودك؟؟!.
نور:( هزت رأسها بمعني أيوه).
جاسم: لا متخافيش أختي طيبه جدا وهتحبك.
" جاسم فتح الباب ودخل وهو ماسك ايد نور و لقي ملك نايمه علي الكنبه والتلفزيون شغال علي كارتون وهي نايمه ابتسم ودخل طفي التلفزيون"
جاسم: دي ملك أختي.
نور: شبهك اوي.
جاسم: بصي انا هسيبها نايمه وتعالى نطلع احنا.
نور بتوتر: انا هنام في اوضه لوحدي صح.
جاسم بخبث: لا انتي هتنامي في حضني.
نور:( شهقت وحطت اديها علي بوقها بكسوف).
جاسم بضحك: يا بت بهزر...ده انتي علي نياتك اوي..ههههه.
نور: طب فين اوضتي.
جاسم: تعالي انتي هتنامي في اوضه ملك النهارده والصبح هجيب حد ينضف الاوضه بتاعتك.
نور: طب واختك.
جاسم: لا هي بتنام كده كل يوم.
" جاسم طلعها اوضتها وقالها تلبس من هدوم ملك اخته لغايه لما يجيب لبس ليها و دخل ينام و نور لبست بنطلون بيتي خفيف لونه رمادي وتيشيرت اسود بنص كم وفردت شعرها الطويل ولسه هتنام الباب اتفتح"
نور: اعااااااااااا!!.
بقلم: نيللي ياسر.
الفصل الرابع
نور: اعاااااا.
ملك: اعاااا... انتي مين؟!.
نور: انا نور.
ملك: نور مين؟!.
جاسم: بتصوتو لايه حد حصله حاجه؟!.
ملك: مين دي يا جاسم.
جاسم: دي مراتي.
ملك بصدمه: امته وازاي.
جاسم: طب تعالي احكيلك بره..عن أذنك يا نور.
" جاسم دخل البلكونه وحكي ل ملك كل حاجه وهي رحبت بيها جدآ وفرحت لاخوها.. وبعدين دخلو لنور تاني"
ملك: مبروك يا نور.
نور: الله يبارك فيكي.
" جاسم موبايله رن وكان المتصل بإسم شادي"
جاسم: طب عن أذنكم ارد على الموبيل.
ملك: انتي عندك كام سنه شكلك 15 او16..صح.
نور: ههههه..لا مش صح انا عندي18 سنه.
ملك: انا قدامي شهرين ويبقي عندي18 برضو.
" جاسم دخل وهو فرحان "
ملك: خيرر..مبسوط لايه؟!.
جاسم: شادي هينزل بعد بكره يا كلبوبه.
ملك بصدمه وتوتر: شادي!!.
جاسم: اه كان بيتصل يقولي.
" ملك حاولت تكتم دموعها"
ملك: طب انا هروح انام.
نور: طب تعالي نامي هنا معايا.
ملك: لا انا..انا بحب انام تحت أصلا عن أذنكم.
" نور لاحظت حزنها بس مفهمتش مين ده وهي زعلانه لايه"
نور: مين شادي ده.
جاسم: ده زي أخويا بالظبط هو متربي معايا وهو اللي مربي ملك معايا بس من 3 سنين سافر بدون سبب وهيرجع بعد بكره اهو اه صح هو أكبر مني بسنه واحده.
نور: طيب تصبح على خير.
جاسم بإعجاب: وانتي من اهله.
" جاسم دخل اوضته و نام وهو بيفكر .(.معقول بنت خبطت فيها صدفه في نفس اليوم اتجوزها..بس مش مهم انا حاسس ان ربنا اختارني لحاجه مش عارفها).
..." عند ملك طفت انوار البيت كله وشغلت كرتون روبانزل وهي متغطيه وبتعيط بصوت مكتوم ومشغله التلفزيون علشان محدش يحس بيها وبتعيط اوي وافتكرت حاجه وجعاها.
« فلاش بااك».
ملك ببكاء: انت بتتضربني يا شادي!!.
شادي بصوت عالي: واديكي بالجزمه لما احس اني قصرت في تربيتك.
ملك بغضب وبكاء: بطل بقي تمثل دور اخويا انت مش اخويا سامعني مش اخوياااااااااا ( بتصرخ وفجأة نزل قلم علي وشها من شادي).
شادي: انا هبعد عنك يا ملك بس علشان اخويا وصاحب عمري بس اعرفي انك صغرتي في نظري أوي.
( ومشي وسابها وهي بتعيط وتصرخ في الأرض).
« باااك».
" ملك عيطت اكتر بصوت واطي وبعدين شالت الغطي من عليها وحطته علي كتفها وخرجت الجنينيه وهي بتعيط و وقفت في مكان في الجنينه ونزلت علي الارض وبتعيط"
ملك ببكاء وصوت ضعيف: في المكان ده وجعت قلبي.. حرام عليك..انت..انت كسرتني اوي..انا..انا مش عارفه اعيش أنا بمثل اني كويسه بس انا تعبانه والله .. سبتني وسافرت تعيش حياتك حرااااااام عليك.( عيطت كتير لغايه لما المطره بدأت تنطر قعدت تحت المايه ونامت في الأرض مكانها.
....( ابو نور قعد يدور علي جاسم وحاول يعرف اي حاجه عنه بس اكتشف أنه شخص مشهور ودكتور كبير ولما عرف اسمه بالكامل اتصدم وروح البيت وهو مصدوم).
ابو نور: ا.. إزاي اتجوزها...ده..ده مينفعش..
....( تاني يوم نور صحيت الساعه7 الصبح وخرجت البلكونه اللي في اوضتها وباصه للسما وحست أن حد وراها لفت تشوف مين بسرعه).
جاسم: انتي اتخضيتي لايه كده انا لقيت الباب مفتوح قولت اقعد معاكي شويه قبل ما اروح الشغل.
نور: امممم..اتفضل اقعد.
جاسم قعد: نمتي كويس امبارح.
نور: يعني.
جاسم: المرتبه مش مريحه للدرجه دي..
نور: هههه..لا والله بس كنت بفكر في كذا حاجه.
جاسم: ابوكي.
نور: اه..من وانا صغيره وهو بيعاملني انا وامي وحش علشان معرفتش تجبله الولد اللي عايزه وكان بيضربها قدامي كتير ولما ماما كانت حامل في بنت تاني خلاها تسقط بالعافيه..ولما حملت بس في ولد كان بيعاملها كويس اوي بس وهي بتولد ماتت هي و البيبي..بابا دخل وقعد يضرب فيها وهي ميته ويصرخ أنا مكنتش مصدقه للدرجه دي عايز ولد ..من ساعتها وبابا بيعاملني وحش اوي بس عمتو كانت بتحاول تدافع عني بس كان بيضربها معايا وسافرت من حوال 6شهور وكلمتني مره واحده تتطمن عليا وقالتلي أنها سافرت بعد لما بابا خلاها تبيع شقتها بالعافيه مقابل اني اروح الجامعه..عمتو صفيه طيبه اوي غير بابا.
جاسم: أنا مش مصدق إزاي واحد يعمل كده فيكي و في والدتك الله يرحمها لمجرد أنه عايز ولد مش بنت دي حاجه بتاعت ربنا وبعدين هو يطول بنت زي القمر كده.
" نور اتكسفت وبصت نحيه الجنينه وشافت ملك وحوليها دم كتير اوي"
نور: ملك...الحق ملك.
جاسم: مللللك!!!!.