رواية ريهام
الحلقه 5
يدخل صلاح الى المنزل وعقله مع ريهام
فريده:ماتقول احم او دستور
صلاح:..........
فريده:انت يابنى
صلاح:اى عايزه اى
فريده:مالك شكلك مش طبيعى
صلاح:ها لا ابدا
فريده:صلاح
صلاح:اى لازم تعرفى يعنى
فريده:عشان متعودناش نخبى عن بعض حاجه
صلاح:طيب تعالى ياستى احكيلك
فى المقبره ريهام تجلس فى الغرفه
ريهام:ياترى اروح لبابا طب لو روحتلو هايبقى لسه فاكر انو عندو بنت لالالا مستحيا اروحله لانو هو اتخلى عنى مش هرجعلو تانى يااااارب انت عالم بحالى ساعدنى
فريده:يااااااااه معقوله كريم يعمل كل دا والبنت سيبتها هناك
صلاح:اه اعمل اى هى حابه تقعد فى المكان دا
فريده:بس الموضوع شاغل بالك اوى ليه كدا انت اعجبت بيها
صلاح:بصراحه هى جميله جدا فوق ماتتخيلى وشكلها طيبه ومتستاهلش اللى حصلها
فريده:انا عايزه اشوفها
صلاح:بجد
فريده:لا بهزار
صلاح يحدف فريده بالمخده
فريده:ااااااااااااااه يارخم
صلاح:انا برضو اللى رخم
فريده:لا انا
صلاح:بجد بقى عايزه تشوفيها بجد
فريده:ايوا يابنى امال بهزر
صلاح:طيب يلا بينا
فريده:لالا مش دلوقتى واتقل شويه وبعدين مين قالك انك جاى معايا
صلاح:طبيبعى انى اجى معاكى لانى مش هاسيبك تروحى المكان دا لوحدك
فريده:طيب
صلاح:طب هنروح امتا
فريده:بكرا لان دلوقتى قرب الليل يدخل وانا بخاف اروح الاماكن دى بليل مش عارفه هتقدر تقعد هناك ازاى
صلاح:ربنا معاها
فريده:انا هاقوم احضر العشا لان امى مش موجوده
صلاح:اه ما هى قالتلى انها هتخرج انهارده
فريده:ماشى غير هدمك عقبال ما احضر
صلاح:اوكى
فى الليل تجلس ريهام فى غرفتها وتسمع خبط على الباب وترتعب بشده
ريهام:م م مين
لا احد يرد وريهام تخاف تفتح والباب يطرق وبعدها تفتح وترى شيئ اسود امامها وتصرخ
شخص:فى اى يابنتى اتخضيتى ليه انا حارس الترب
ريهام بخوف على وشك البكاء:الدنيا كانت ظلمه وكنت شيفاك اسود
حارس المقبره:متخافيش يابنتى انا بس جيت اطمن عليكى لان الاستاذ صلاح موصينى عليكى
ريهام: صلاح موصيك عليا
حارس المقبره:ايوا بس انتى اى اللى جابك هنا يابنتى اللى بيعيش هنا بيتعب لان دى مقابر
ريهام:بلعكس لانى قاعده جنب امى
حارس المقبره:ازاى
ريهام:امى مدفونه هنا وانا هحس بالامان لو فضلت فى المكان اللى هى فيه اعيش مع الاموات احسن من انى اعيش مع البشر شبه الوحوش
حارس المقبره:ربنا ييسرلك الاحوال انا موجود فى الاوضه اللى جنبك لو احتجتى حاجه
ريهام:شكرا لحضرتك
حارس المقبره:اه اتفضلى الاكل دا
ريهام:لا شكرا مش عايزه
حارس المقبره:الاستاذ صلاح اللى باعتهولك يابنتى شكلك غاليه عندو اوى
ريهام بصدمه:هو صلاح جه تانى
حارس المقبره يتظر اليها:انا ماشى يابنتى
ويذهب ويترك ريهام وحيده وهى تفكر
ريهام:مش مصدقه ان صلاح حاطتنى فى دماغو بس انا خلاص مبقاش فارق معايا حاجه والمكان دا هفضل فيه ومش هخرج منو غير على قبرى تذهب ريهام لتاكل وتذهب للنوم
فى الصباح الباكر
تستيقظ ريهام وهى تشعر براحه البال ل اول مره من بعد زواجها
وتلبس وكادت على الخروج لتجلب افطار وتفتح الباب
ريهام:انتى مين
شخص ما:انتى مش فكرانى
ريهام:معلش مش واخده بالى
صلاح:ازيك ياريهام دى اختى فريده
ريهام:اه اهلا وسهلا اتفضلو
فريده:ميرسى
صلاح:عامله اى ياريهام
ريهام:الحمد لله
صلاح:اختى لما عرفت حبت تشوفك وتتعرف عليكى
ريهام:دا شرف ليا طبعا ياحبيبتى
فريده:ربنا يخليكى يلا عشان نفطر سوا
ريهام:بجد دا كتير اخوكى واقف جنبى من امبارح
فريده تهمس لصلاح:اه ياسوسه انت ومتقوليش
صلاح يقرص فريده
فريده:ااااااااااااااه
ريهام:فى اى
فريده:اصل صلاممممممممممم
صلاح:انكتمى مافيش مافيش
فريده:يخربيتك كنت هتموتنى
صلاح:عشان تمسكى لسانك دا شويه
ريهام:انتى عندك كام سنه ياانجى
فريده:انا توام صلاح 23 سنه وانتى
ريهام:العمر كلو انا 21
فريده:صغيره
ريهام:ههههه لا مش اوى كدا
حلا:لا صغيره برضو يلا اتفضلى
يبدئو بالاكل والاحاديث وصلاح بدء يشعر بشيئ تجاه ريهام ويعجب بضحكه ريهام وطريقه حديثها
ريهام:تعرفى انا بقالى كتير اوى مضحكتش من قلبى
انجى:يارب دايما ياقمر
فى منزل كريم
تستيقظ يوكا وهى تشعر بعدم الراحه وتتذكر كلام صلاح امس
يوكا فى نفسها:سامحينى ياريهام ماكنتش اعرف حقيقتو زى ماباعك فى يوم عشانى ممكن يبعنى فى يوم عشان واحده تانيه صدقينى ياريهام هاخد حقك وحقى حتى لو هوصل انى هدخل السجن عشان تسامحينى هنتقملك منو وعلى اللى عملو فيكى اتمنى انك تسامحينى وعهد عليا انى هاخد حقك وهعمل فيه اسوء من اللى عملو فيكى هاخليه يحس بقيمتك هاخليك تندم ياكريم على اليوم الى عرفتنى فيه هاخليك تكره نفسك ودا وعدى منى ليك حقك هايرجع ياريهام وهعرف انتى فين مهما كلفنى التمن لازم اعرف انتى فين
يقطع تفكير يوكا صوت كريم
كريم:حبيبى صباح الخير صحيتى امتا
يوكا:من شويه
كريم:اى مالك
يوكا:مالى اى شايفنى بشد فى شعرى ولا بكسر فى البيت
كريم:مالك بتكلمينى كدا ليه بس
يوكا:بكلمك ازاى يعنى بقل ادبى ولا ببجح ولا
كريم:بس بس خلاص انا نازل الشغل
يوكا:ماتنزل هو انا منعاك ولا اتعودت تستاذن حريم
كريم ينظر ليوكا بغيظ ويتركها ويذهب
يوكا:هنتقم منك ياكريم هكشف حقيقتك اللى انت مخبيها وهدخلك السجن ولو وصلت ادخل السجن عشان قتلتك هدخل لان حق اختى مش هايضيع ولا حقى هايضيع هتندم على اليوم اللى اتولدت فيه هوصلك لمرحله انك تتمنى الموت ومش هاتبقى طايلو هخليك مذلول وريهام انا هعرف طريقها باى طريقه
فى المقبره
بعد نصف النهار ومع الحديث لن يشعر احد بمرور الوقت
فريده:ياااااااااااه الوقت جرى بسرعه اوى ومحسناش بيه
ريهام:فعلا
صلاح:انا هاروح اجيب حاجه وجاى
ريهام:لا ياصلاح مافيش داعى انا هاجيب اللى عايز تجيبو
صلاح:عيب عليكى على فكره انتى كدا بتهزئينى
ريهام:مش قصدى والله بس
صلاح:مافيش بس مش هتاخر
يخرج صلاح
صلاح:عم محسن
محسن:ايوا يابيه خير
صلاح:عملت اللى قولتلك عليه امبارح
محسن:ايوا ووصلتلها الاكل زى ماقولتلى
صلاح:طب عايزه تجبلى الحاجات دى وخلى باقى الفلوس عشانك
محسن:بس دا كتير اوى
صلاح:مش كتير عليك ولا حاجه انت قد والدى
محسن:ربنا يخليك يابيه مش هتاخر عليك
صلاح:ماشى
يدخل صلاح الغرفه
فريده:روحت فين يابنى
صلاح:كنت بوصى صاحب الترب على حاجه وبعتو يجيب اكل
فريده:ممممممم جه فى وقتو بصراحه هموت من الجوع
صلاح:ماتيجى تاكلينى احسن
ريهام:هههههههه شكلها بتاكل بنى ادمين ولا اى
صلاح:دى مكن تاكل ذراعك وانتى قاعدك
فريده:لا والله على اساس انى تمساح قدامك
صلاح:مش فاكر
فريده:رخم
صلاح:طالعلك
ريهام:ربنا يخليكم لبعض
فريده: ويخليكى لينا لانك من انهارده اختى
تدمع عيون ريهام
فريده:اى قولت حاجه دايقتك
ريهام:لا بالعكس انتى فرحتينى
فريده:طب هاتى تليفونك اسجل رقمى
ريهام:اصل
فريده:فى اى
ريهام:اصلو فصل شحن وبعد ماشحنتو لاقيتو مش بيشتغل
صلاح:هاتيه كدا ودا واحد جديد بدالو
ريهام:لا مستحيل اقبلو
صلاح:ليه
ريهام:معلش من غير ليه مش هقبلو
فريده:لو سمحتى اقبليه علشان اطمن عليكى
ريهام:انا هبقى اجيب واحد
فريده:عشان خاطرى اقبليه
ريهام:طيب بس هبقى ادفعلك تمنو لما اشتغل
صلاح:ماشى
تاخذ ريهام الهاتف
فريده:ممكن اطلب منك طلب ومتكسفتنيش
ريهام:اكيد طبعا
فريده:تيجى تعيشى معانا
ريهام:لا مش هاينفع
فريده:ليه
ريهام:لانى عايزه اعتمد على نفسى
فريده:بس ياريهام
ريهام:معلش سيبينى على راحتى
محسن:الاكل يابيه
صلاح:الف شكر يلا اتفضل معانا
محسن:لا انا هاكل هناك
صلاح:لا اتفضل معانا وخلى اللمه تكمل
محسن:بس يابيه انا
فريده:يلا بقى ياعمو
محسن باستسلام:حاضر
ويجلسو وبعد الانتهاء
صلاح:احنا هنستاذن لان اتاخرنا
فريده:فعلا احنا اتاخرنا اوى
ريهام:الليل قرب يليل فعلا
ياتى شخص:كنت عارفه انى هلاقيكى هنا