الفصل الخامس عشر والسادس عشر
بقلم عبير سليم
الفصل الخامس عشر
فى ايه مالك ايه اللى حصل كان كنان كالمجنون يخبط راسه بيده يزيح كل شئ من امامه على الارض
امه:وهى تحتضنه:اعوذ بالله من الشيطان الرجيم
راحت خلاص ياامى انا اللى ضيعتها انا اللى فرطت فيها بغبائى قلتلك اكيد اتجوزت مش ممكن حتكون مستنيانى حتستنانى ليه ليه ليه كان يدور فى الغرفة كالمجنون وامه تحاول تهدئته بلا فائده
وفجاة تاتى اليه اشعارات برسائل ااخرى
فيجرى على التاب ليقذفه ارضا فهو لن يطيق رؤيتها مع زوجها مرة اخرى ولكنه يتفاجا من الصور المختلفه التى جاءته وليست صورا فقط وانما فيديو لجزء من الحفل وهى تعطى الميكروفون ليوسف وهو يمتدحها ويقدم لها شكرا خاصا باسمها على مجهوداتها فى الشركه
يجلس كنان ارضا وهو يتصبب عرقا ويتحدث الى امه ايوة هى فيروز دى فيروز حبيبتى انا مكنتش مصدق ياماما ازاى فيروز تتغير كده
ايوة بصي بصي ياامى دى الصور اللى جاتلى فى الاول انا افتكرتها فيروز بس قلت ازاى مش معقول
لكن دى ايوة دى فيروز
بصي ياامى بقت جميله ازاى بالحجاب لسه زى ماهى ببرائتها
ايوة دى حبيبتى دى فيروز
ويخبط على جبهته يوووه ده انا نسيت دى اختها التوام
امه:حرام عيك ياحبيبى كنت حتهد البيت علينا
كنان:معلش ياامى حقك علية اسف
امه:هوانت كنت ناسي اختها التوام
كنان:نسيت ياامى نسيت كل تفكيري انشل لما شفتها افتكرتها
فيروز
امه:يعنى هما شبه بعش اوى كده
كنان:هما فعلا شبه بعض اوى بس فى اختلافات بسيطه يعرفها اللى معاشرهم يعنى عين فيروز افتح شويه من عين فريده
وفريده اطول من فيروز
بس انا بمجرد ماشفت الصور كل تفكيري كان انها فيروز نسيت نسيت خالص اختها
ثم يتحول حزنه الى فرح وضحك شديد
ههههههه هههههه ههههههه
لقيتها ياامى لقيتها
بس ياترى هى وضعها ايه دلوقتى بصي ياماما جميله ازاى مش مغقوله الجمال ده كله حيكون من غير جواز
امه:اهدى ياحبيبى المهم انك لقيتها ياحبيبي وبعد كده ربنا يحلها
ايوة ياماما معاكى حق
ثم ينظر الى الشاشه مرة أخرى ويقول
يااااه يافيروز وحشتينى اوى ياحبيبتى
💕💕💕💕💕💕💕💕💕💕💕💕💕💕
بجد انا مش عارف اشكرك ازاى يافيروز الحفله كانت حلوة اوى
النهارده مواقع التواصل كلها حتشوف الحفله وده حيخللى سمعة شركتنا فى السما
بقولك ايه انتى تحطى لنفسك المكافاة اللى انتى عاوزاها
فيروز:يوسف انا معملتش حاجه لكل ده شغلى وبحبه
كان يوسف يتحدث الى فيروز وحور تتحدث الى والدتها فى التليفون
ايوة باماما خلاص حتسافروا
يعنى لسه محددتوش المعاد
ماجده:لسه والله ياحبيبتى
حور:وحتسيبونى ياماما
ماجده :نسيبك ايه بس ياحبيبتى مانتى معاكى جوزك ربنا يخليهولك
وبعدين ياحبيبتى احنا ان شاء الله مش حنقعد كتير اوى شهرين تلاته بالكتير وراجعين
حور :ماشي ياماما
على الطرف الاخر كانت فريده تنظر ناحية يوسف
وتحدث نفسها
بقى حور دى اللى مطلعتش من البيضه تتجوز يوسف ده
يوسف ده المفروض كان يبقى لية انا
كان حيخلينى ملكه مش ماجد اللى مخلينى خدامه ليه هو وبنته
بس اعمل ايه
يا يايوسف لو تقع فى طريقى
بس ازاى ازاى
فريده فريده (نطق بها ماجد)
رحتى فين
فريده :ايوة معاك عاوز ايه
ماجد:ياللا قدامى عشان نروح
اركبي ياللا
ياللا يافيروز
فيروز :حاضر جايه اهو
تسلم فيروز على يوسف وحور وتركب السيارة مع اختها وزوجها
♥️♥️♥️♥️♥️♥️♥️♥️♥️♥️♥️♥️♥️
تصل فيروز الى البيت وتطمئن على اولادها النائمين ثم تتجه الى غرفتها
وتفتح النت لترى الصور والفيديوهات التى نشرت
ثم تقول لنفسها
ياه معقول كنان ممكن يشوفهم
بس ياترى هو اصلا ممكن يكون لسه فاكرنى
لا طبعا اكيد نسيكى واكيد مش طايق يسمع اسمك اصلا
انت نسيتى انك فى نظره قليلة الاصل
مفكرتيش تكلميه ولامرة واحده تسالى عنه
والله كنت خايفه اكلمه اعلقه بية اكتر وهو رافض يقوللى انه بيحبنى
وبعدين انتى ناسيه اللى حصل زمان وانك حبيتى واحد تانى
ليه بقى بتفكرى فيه دلوقتى
مش عارفه
كنان كان بالنسبه لي اهم شخص فى حياتى
بس خلاص كل واحد راح لحاله وبقى ذكرى جميلة
💕💕💕💕💕💕💕💕💕💕💕💕💕💕
تمر عدة ايام والعمل فى الشركه قائم على قدم وساق
والعلاقه بين ماجد وفيروز بحكم العمل تتوطد اكثر فاكثر
فيروز كانت علاقتها بماجد لاتتعدى اكثر من كونه اخ لها وزنيل عمل اما ماجد فمشاعره كانت مختلطه مابين احساس تجاهها بالذنب وتفكيره فى انها قد تكون مازالت تحبه
اما علاقته بفريده فاصبحت بارده تماما
خاليه من اى مشعر والبيت بالنسبه له اصبح مكانا للنوم لا اكثر ولااقل
💕💕💕💕💕💕💕💕💕💕💕
كنان يدخل مكتبه ويطلب السكرتيرة
كنان:ليان من فضلك تعالى عاوزك
ليان:نعم كنان بيك
كنان:اريدك ان تستدعى عاصم لامر هام
ليان:تمام سيدى
كنان:ادخل
عاصم:ايوة ياباشا فى حاجه
كنان:عاصم بقولك ايه بص بقى انا عاوزك فى موضوع مهم اوى وسري جدا جدا مش عاوز مخلوق يعرف عنه حاجه
عاصم:اؤمر ياباشا
كنان:عايزك تعرفلى كل كبيرة وصغيرة عن شركه.......... بالاسكندريه
وتعرفلى كل حاجه عن واحده اسمها فيروز عبد الرحمن نصار من ساعة ماامها ولدتها لحد النهارده تمام
عاصم:تمام باباشا
كنان:عارف ياعاصم لو عملت اللى قلتلك عليه بالظبط
حيبقى ليك مكافاة كبيرة اوى عندك
عاصم:ياكنان بيه حضرتك مغرقنا بجمايلك ده انا وولادى لحم كتافنا من خيرك
كنان:عيب عليك متقولش كده
ده انت صاحبي ياعاصم
عاصم:ده شرف كبير لية ياباشا
ويخرج عاصم حتى ياتى له بالاخبار
🌷🌷🌷🌷🌷🌷🌷🌷
فى منزل ماجد
رهف:بابى يابابي
ماجد:نعم ياروح بابي
رهف :حور وحثتنى اوى عايثه اثوفها
ماجد:حاضر حبقى اوديكى عندها
فتبكى رهف
مليث دعوة وتينى عند صاحبتى وحثتنى اوى
ماجد:خلاص خلاص حوديكى حاضر
ماجد:نعم ياماجد بقولك ايه رهف عاوزة تروح لحور تيجى معانا
فريده:ماشي موافقه
ماجد:تمام حتصل بيوسف ابلغه
فى المساء تدخل تجرى مباشرة على حور
حور حور انا ثعلانه منك
حور:ليه بس ياقلبي
رهف:عثان انتى مبقيتيث بتسالى علية ونثيتى حبيبتك رهف
حور:يالهوى وانا مقدرش على زعل حبيبتى ياناس
وتحتضنها بشده
فريده بمكر:ازبك ياحور ياحبيبتى وحشتينى اوى
فتتعجب حور من لهجة فريده الغيرمعتاده
وترد عليها التحيه
ويجلس الجميع يتسامرون وبضحكون
وكانت فريده تتعمد ان توجه كلاما بين الحين والاخر ليوسف مباشرة
فيرد عليها يوسف بمنتهى الادب والاحترام
ثم يسلموا عليهم ليمشوا
بينما رهف تتعلق برقبة حور لاء انا مث حمثى النهالده انا عايثه ابات مع حور حبببتى
ماجد:عيب كده يارهف
رهف تبكى بشدهحتى لاتتركها حور
حور :بعد اذنك ياماجد سيبها معايا النهارده
ماجد:مينفعث كده ياحور
فريده بهدوء مصطنع:خلاص ياماجد سيبها بايته معاها مانت عارف رهف بتحب حور ازاى
ماجد :.................
حور:خلاص بقى وافق ياماجد
ماجد:ماشي ياستى باتى مع حبيبتك
رهف وحور:هييييييييييه
فيضحك الجميع عليهم
وتصعد رهف مع حور غرفتها
م
يوسف:حبيبتى بقولك ايه خدى راحتك انتى ورهف وانا عندى شغل حخلص واجى
حور:تمام ياقلبي
وتاخذ رهف ويصعدان لاعلى
بينما تتبعهم عينا الحاج والحاجه
شايف ياحج حور كيف حنينه
شايف ياحجه ربنا يعوض عليها ويديها يارب 🌷♥️♥️♥️♥️♥️♥️♥️♥️♥️♥️♥️♥️
فى منزل ماجد
ينظر ماجد لفريده بحيرة من امرها
فريده:مالك ياماجد بتبصلي كده ليه
ماجدمستغرب
فريده:من ايه
ماجد:من الحب اللى نزل مرة واحده على حور
فريده:يعنى الحق علية انى بحاول اصلح العلاقات
غلطانه انا يعنى
ماجد:لا ياستى ويارب تفضلى كده على طول
♥️♥️♥️♥️♥️♥️♥️♥️♥️♥️♥️♥️
يبتظر كنان وصةل المعلومات بفارغ الصبر مر اكثرمن يومين وهو غير محتمل التأخير اكثر من ذلك
تانى اليه الرساله بوصول كل المعلومات عن فيروز
بدا يقرا النعلومات بدقه وعندما غلم بانفصالها كاد قلبه ان يخرج من بين ضلوعه وقرر بدء التحرك
واخذ يحدث نفسه
خلاص يافيروز خلاص ياحبببتى مش حستنى اكتر من كده كفايه بعاد بقى لازم نعوض كل اللى فاتنا
ليان:احجزيلي اول طيارة رايحه مصر
🎈🎈🎈🎈🎈🎈🎈🎈🎈🎈🎈🎈🎈🎈
فى الشركه فيروز تبدا فى مباشرة عملها بينما يدخل ماجد
صباح الخير يا فيروز
فيروز:صباح الخير يا ماجد
ماجد:ايه ده ياعم ايه الحاجات الحلوة دى
فيروز:اتفضل ياماجد افطر دى ماما ياسيدي اصرت انى اخدهم عشان ملحقتش افطر
ماجد:بالهنا والشفا يافيروز انا بهزر
فيروز:فى ايه يابنى ماتاكل
ماجد:يجلس امامها وتصر فيروز على ماجد كى ياكل فهى تعلم جيدا ان فربده لاتهتم بامر زوجها وانه دائما ياكل من كافيتريا الشركه
تضع امامه السندويتشات كى ياكل
فرغما عنها تتذكر فيروز عندما كانت تحضر وجبة الافطار معها كل يوم وماجد يجلس معها لتناول الطعام واحيانا كانت تضع له الطعام فى فمه
فماذا بعد كل هذا ليعترف لها بحبه
ماذا بعد كل هذا ليقول لها انا موعدتيكيش بشئ
ماذا بعد كل هذا يجب ان يحدث حتى يشعر بحبها فى قلبه
يالله انا لااريد تذكر كل هذه الامور ولكننا لسنا ملائكه واحيانا كثيرة لابد من ان نتذكر حتى لاتقع فى نفس الغلطه مرة أخرى
تفيق من ذكرياتها على صوته
فيروز :مالك سرحتى فى ايه
هو يعلم جيدا مادار فى خيالها
كنت بتفتكرى يافيروز صح
فيروز:بفتكر ايه ياماجد
ماجد:ولا حاجه يافيروز وشكرا على الفطار
ويخرج لمكتبه
بينما تستكمل فيروز عملها
ياتيها امر من يوسف بالذهاب الى مكتبها
ايوة يايوسف
يوسف:فيروز فى شركه فرنسيه بيملكها رجل اعمال مصري
شاف الحفله بتاعتنا وعايز يعمل معانا صفقه
فيروز :تمام والكلام ده أمتى
يوسف:هو حيوصل كمان كام يوم
عايزين نجهز كل حاجه على ما يوصل
فيروز:اعتبر كل شئ تمام
♥️♥️♥️♥️♥️♥️♥️
يمر يومان وماجد عقله كاد ينفجر من التفكير اين حبه لفريده وهوسه بها اين شغفه وعشقه لها ا
هل كان حبه لها مجرد وهم
لماذا هو الان متعلق بفيروز ولا يريد الابتعاد عنها
حتى انه احيانا كثيرة يتحجج الحجج ويختلق الاسباب ليتحدث اليها
عاد شعوره واحساسه بها كما كان فى الماضي
ولكن ما الفائده الان وهى لم تعد تنظر اليه سوى اخ فقط لاغير
يدخل الشركه صباحا فيجد احد الموظفين يتحدث اليها وهى تبتسم له
فيشعر بنفس الغيرة التى شعر بها فى الماضي عندما راها تتحدث الى عماد
فينظر لهم بغضب ولكنها لم تهتم بالامر
تدخل مكتبها فيدخل ماجد بغضب
ايه ياهانم اللى كان بيحصل برة ده
فيروز:فى ايه ياماجد
فيروز:عاوز اعرف البيه اللى كان بيكلمك ده
فيروز:زميل وبيكلمنى زى مانت بتكلمنى ياماجد
ماجد:انتى بتساوينى بزميل ليكى يافيروز
فيروز:وانت ايه اكتر من انك مجرد اخ وزميل با ماجد
ماجد :انا حبيبك يافيروز
الفصل السادس عشر
فيروز بغضب شديد :انت اتجننت ياماجد
ماجد:اتجننت ليه عشان بقولك انى انا حبيبك
فيروز:ماجد من فضلك الزم حدودك معاياواعرف انت بتقول ايه كويس
ماجد:فيروز انا عارف انك لسه بتحبينى ومتاكد من ده
فيروز :انتى غبي اوى ياماجد
انا ممكن اكون كنت بحبك لما مكنتش بقدر ابص فى عينيك
لما كنت بعرف انك عند ماما واتحجج باى حجه عشان ماجيش واشوفك
كنت بحبك لماكنت بتعمد اروح لفريده وانت مش موجود عشان مش حقدر اشوفكوا بتتكلموا مع بعض وتدلعوا على بعض ادامى وانه بيتكم وانا مجرد ضيفه فيه
لكن انت لو بتفكر كنت فهمت انى مادمت بقيت بتعامل معاك عادى ابقى نسيتك
مادمت بقيت بقدر اشوفك واشتغل واخرج معاك ابقى نسيتك
مادمت قادرة اقف دلوقتى وانا عينى فى عينك ابقى نسيتك
ماجد:لاء يا فيروز مش صحيح انتى بتقولى كده عشان بس زعلانه منى انا متاكد من ان احساسك بية اللى انا حاسس بيه
فيروز:اخرس اخرس خالص مش عاوزة اسمع صوتك
حاسس حاسس بايه انت من امتى بتحس جالك امتى الاحساس ده
تقدر تقوللى حسيت بية امتى ها انطق
حسيت بية وانا بعترفلك بحبي وفاكراك بتحبنى اكتر مابحبك وانت بمنتهى البساطه تقوللى انا موعدتيكيش بحاجه
انا اقصد بكلامى واحده تانيه
حسيت بية لما حسستني انى كنت مجرد وقت وخلاص سد خانه لحد ماتيجى اللى تنال شرف حبك
حسيت ببة لما عرفت ان اللى فضلتها علية اختى توامى اللى فضلتها علية لمجرد انها بتعرف تضحك وتهزر وفريش مع انك لو كنت اديتنى فرصه ادخل حياتك كنت حبقى زيها ويمكن اكتر لانى بحبك وكنت حعملك كل اللى يسعدك
لكن انت قلت اتعب نفسي ليه مااخد الجاهز احسن
حسيت بية يوم ماجيتوا تخطبوها وانا بتقطع من جوايا مدبوحه ومش قادرة اتكلم ولا حتى افضفض لحد
حسيت بية لما كنت بتيجى توصلها لحد البيت لاء وكمان بتخليها تفرجنى على الحاجات اللى اشتريهالها عشان تاخد رايى فيها حسيت ساعتها بكسرتى واحساسي انها افضل واحسن منى عشان كده انت فضلتها علية
حسيت بية وانا بموت من جوايا فى اليوم الف مرةوانا شايفاها بتجهز معاك كل حاجه وبتختار بنفسها كل شئ وانت من ايدها دى لايدها دى وبتتمنالها الرضا ترضى
حسيت بية وبقهرتى وهى بتاخد رايي فى الوان الشقه وبتفرجنى على اوضة النوم اللى انا ياما حلمت انى اشاركك فيها
حسيت بية يوم فرحكم وانا بسمع كل اللى فى الشركه بيتغامزوا علية ويقولوا انك مشيت معاياشويه ولما زهقت منى رميتنى واتجوزت اختى
حسيت بية وانا ببصلكم وانتوا حاضنين بعض وبترقصوا مع بعض والناس كلها بتباركلكم والقهرة اللى فيها وانا شايفاك فرحان بيها والدنيا مش سايعاك من الفرحه
مع انى ياما حلمت واتمنيت ورسمت فى خيالى ان اللحظات الحلوة دى حتكون من نصيبي انا
وبعلو صوتها غير مباليه بانها فى الشركه وقد يسمعها احد
حسيت بية لما عماد اتهجم علية وكان عايز يغتصبنى واتهمنى بانى كنت عشييقتك وقاللى اشمعنى هو وانا لاء
حتى لما جه يوسف يلحقني قال ليوسف ان ممكن هو كان يكون نابه من الحب جانب
حسيت بية لماكنت كل يوم بدفن وشي فى المخده وأفضل اعيط واصوت بعلو صوتى عشان ارتاح من النار اللى جوايا
ولما كنت اتخيلك معاها واتخيلها وهى نايمه فى حضنك
حضنك اللى ياما حلمت انه يبقى لية انا ملكى انا
حسيت بية لما كنت بروح المطعم اللى كنت بتعزمنى فيه
واللى ياما اتكلمنا واكلنا وضحكنا هزرنا وفتحنا قلوبنا لبعض فيه
وافضل قاعده بالساعات لحد ماالوقت يجرى وانا مش حاسه كل اللى كان فى ايدي ذكريات مجرد ذكريات بتفكرنى بغشك وكدبك واستهزاءك بية وبمشاعرى وانى قد ايه كنت مجرد واحده رخيصه فى نظرك ولا ليها تمن
واحده متستاهلش حتى انك تقدر مشاعرها
واللا تحس ببها
انت عارف ان اللى بيشتغلوا فى المطعم كانوا بيسالونى عليك
كانوا مستغربين انى بروح لوحدى من غيرك وانا كنت بقوللهم انك مسافر وهما يفضلوا يدعولنا انك ترجع بالسلامه وربنا ميحرمناش من بعض
تقدر تقوللى حسيت بية امتى اتكلم قول
حسيت بية لما رحت رميت نفسي فى حضن واحد لمجرد انى
اخلص من حبك
انا كان جوايا نار مبتنتهيش نار مفيش قوة فى الكون ممكن تطفيها
انت عمرك ماحسيت بية ولاحتحس انت انانى مبتفكرش غير فى نفسك دخلتنى دنيتك وعلقتنى بيها وحببتنى فيها وفجاة رمتني من غير حتى ماتبص وراك تشوفنى عامله ايه
ده انت حتى عمرك مااهتميت تسال عنى ولا تعرف اخباري
ياااااه ياااااه على الكذب والخداع
ثم تضرب بيدها على المكتب بكل قوة
يشهد المكتب ده ولوبينطق كان نطق وقالك عن الوعود اللى وعدتهالى بعيونك ونظراتك ليه
عن كل كلمة حلوة نطقها قلبك قبل لسانك وانا صدقتها
فاكر ياماجد لما كنت باكلك بايدى فاكر كلامك لية فاكر غيرتك علية
فاكر الهديه اللى جبتها لى فى عيد ميلادى وقلتلى انك اول مرة فى حياتك تجيب لحد هديه وده عشان انا حاجه تانيه غير اى حد فى الدنيا الهديه دى لسه عندى لحد دلوقتى برغم كل شئ مقدرتش افرط فيها
فاكر واللا نسيت
فاكر لما فاجئتا واحنا عند ماما انك جاى وجايب معاك حلويات عشان عيد ميلادها وهدية لعيد ميلادها
فاكر انك حتى مقلتيش كل سنه وانتى طيبه يافيروز ياهبله ياللى بتصدقى اى حد
طبعا حتقوللى ازاى وانت اصلا مش فى دماغك ان ده يوم عيد ميلادي انا كمان
وانت بتقدملها الهديه افتكرت كلمتك انى الوحيده اللى انت جبتلهاهديه
وقتها انا دخلت وضتى عشان محدش يشوف دموعى وهى نازله منى
هل حسيت بية وقتها ياماجد
وهل كل ده مكنش حب امال كان ايه يتحط تحت اى مسمى عشان تقوللى انا موعدتيكيش بحاجه
عشان تقوللى انا وعدتك بايه يخليكى تفتكرى انى اقصدك انتى
هاااه انطق اتكلم
بص ياماجد انا اذاكنت بتكلم معاك وقادره اتعامل معاك فده عشان انت جوز اختى وابو رهف
وانا كمان عمرى ماحنسى وقفتك جمبي وانك انت اللى ساعدتنى على الطلاق وجميلك حيفضل فى رقبتى العمر كله
لانى مش قليلة الاصل
اكترمن كده مفيش
انت فاهم مفيش
واوعى ياخدك العشم واللا يخطر على بالك ولو للحظه واحده
انى ممكن اقول كلمه واحده اخالف بيها طبيعتى واخلاقى وترببتى
انت جوز اختى فاهم بعنى ايه يعنى تعتبر محرم لية
انا زمان ماتكلمتش ولا فتحت بؤى بكلمه وربنا يشهد علية انى لما كنت بعرف انكم متخاصمين واللا زعلانين مع بعص انا كنت ببقى حزينه ازاى ومكنتش بهدى غير لما تتصالحوا
انامش خاينه ياماجد مش خاينه
بص ياماجد انا عشت ايام وشهور وسنين ربنا واحده العالم مروا علية ازاى واخدوا منى ايه فمن فضلك ياماجد
انت معاك حبيبتك اللى انت فضلتها على الدنيا كلها ربنا يوفقكم مع بعض ويخليلكم بنتكم وربنا يعلم ان اللى يوجعكم يوجعنى
لكن انا اعتبرنى اخت زميلة عمل خالة بنتك
اى حاجه غيراللى دماغك انت فاهم
ومن فضلك بقى سيبنى اشوف شغلى
واتفضل روح على مكتبك ومن فضلك بعد كده متدخلش مكتبى قبل ماتخبط
صمت لسانه عن النطق بكلمه واحده بم سيرد عليها كيف سيدافع عن نفسه امامه بما يبرر افعاله لها
ماذا يقول لها ليهون عليها ماحدث لها فى الماضي
هى على حق فى كل كلمة نطقت بها
يخرج من مكتبها
بل يترك الشركه كلها وينصرف لا يعرف اين وجهته التى يتجه اليها ولكنه يجد قدمه تأخذه على المطعم الذى كان ياخذها فيه دائما
فيرحب به صاحب المكان
اهلا وسهلا بك ياافندم
نورت المكان حضرتك بقالك سنين مشرفتناش
حتى الانسه اللى كانت بتيجى معاك فضلت فترة طويله تيجى لوحدها وكانت بتطلب نفس الاكل اللى كنتوا بتاكلوه سوا
وكنا بنسالها عن حضرتك والله وقالتلنا ان حضرتك مسافر
بس هى كمان بقالها فترة طويله مجتش
عارف حضرتك اللى زيكم قليلين اوى دلوقتى مبقاش فى حد مخلص كده
وحضرتك لازم تحطها فى عينيك دي بتحبك اوى
يخرج ماجد دون ان يرد عليه بكلمه
وهو حزين على حاله
يخرج من المحل ويقف امام البحر ويتذكر مواقف كثيرة جمعت بينهما
فيروز:بقولك ياماجد صحيح انت والدك ووالدتك اتوفوا ازاى
ماجد:بابا مات وماما حامل فية
وامى ماتت وانا صغير كانت تعبانه وماتت
وربانى خالى ابويوسف وعمره مافرق بيننا
فيروز:ممكن تعتبرنى زى مامتك
ماجد:فيروز انتى فيكى حنية لو اتفرقت على الدنيا كلها حتكفيها
انا فعلا بحس معاكى انك امى واختى وصديقتى
فيروز:بس ياماجد
يفيق ماجد من ذكرياته وبعلو صوته
وحبيبتى يافيروز حبيبتى اللى ضيعتها من ايدي الكنزاللى فرطت فيه بسهوله
مش قادر اصدق انى ضيعتها منى
وخسرتها للابد
كان عقلي فين لما سيبتها
ازاى قلبي طاوعنى اجرحها كده ازاى ازاى
ظل على البحر فترة طويله حتى افاق مما هو فيه على تليفون من يوسف
يوسف :انت فين يابنى سيبت الشركه ورحت فين
ماجد:معلش يايوسف كنت تعبان شويه وحسيت انى مخنوق
يوسف وقد قلق عليه:مالك ياماجد انت فين وانا اجيلك
ماجد:معلش يايوسف محتاج اكون لوحدى شويه
🌷🌷🌷🌷🌷🌷🌷🌷🌷🌷🌷🌷🌷🌷🌷
تعود فيروز الى البيت وقد ارتاح قلبها
فاخيرا أعلنت عن كل غضب السنين
اخرجت كل ماكان سيحرقها
اعلنت بداية حياة جديده
ادهم ومراد يجرون عليها ماما ماما بابا هنا
ايه انتوا بتقولوا ايه
تدخل فتجد على يجلس مع والدتها
فيروز:سلام عليكم
على :وعليكم السلام ورحمة الله وبركاته
ازيك يا فيروز
فيروز:الحمد لله ياعلي
على:انا اسف انى جيت من غير معاد بس الولاد
وحشونى
فيروز: اقعد زى مانت عاوز مع ولادك بعد اذنك
على:فيروز ممكن اتكلم معاكى شىويه
فيروز:اسفه احنا مفيش بينناكلام عن اذنك
تدخل فيروز غرفتها تقوم بتلاوة القران حتى تنسى مابها من احزان
🌷🌷🌷🌷🌷🌷🌷🌷🌷🌷🌷🌷🌷🌷
خلاص ياحبيبى جهزت
كنان:ايوة ياامى انا خلاص مسافر بكرة
ادعيلي ياامى اعرف ارجعها لقلبي
الام:ان شاء الله ياحبيبي
كنان:خللى بالك على الولاد ياامى وانا حكلمكم اطمن عليكم
الام:الولادفى عينية ياحبيبي
♥️♥️♥️♥️♥️♥️♥️♥️
صباحا فى الشركه
يوسف:فيروز خللى بالك صاحب الشركه الفرنسيه حيوصل مصر النهارده
عايزين نجهز كل شئ
شركته ليها وضع خاص وسمعتها زى الطبل
فيروز :متقلقش يايوسف ان شاء الله كله حيبقى تمام
فى نفس الوقت كان ماجد مازال فى بيته لايود الذهاب الى العمل
فريده:ماجد انت يااستاذ
ماجد:خير عالصبح
فريده:مش بعاده تنام لحد دلوقتى
ماجد:مليش مزاج اروح الشغل النهارده
فريده بتريقه:بس خللى بالك ليوسف يخصم منك اليوم واللا حاجه
ماجد:فريده احترمى نفسك واتكلمى عدل انتى فاهمه
تخاف فريده من تغيير لهجته
انا مقصدش والله ده انا بهزر معاك
طب بقول ماتيجى تخرجنى وتفسحنى مادمت مش عاوز تروح الشركه
ماجد:هوانتى ايه طب اسالينى فى ايه مالك
اهتمى بية ولو شويه حسسينى انى حاجه فى حياتك
فريده:ياربي هو انت عايز تعمل مشاكل وخلاص انا سايبالك الاوضه وخارجه
يقرر الذهاب الى العمل فيقوم ويرتدى ثيابه ويتجه الى الشركة
فيجد فيروز تتحدث نع احدى الموظفات فيقول لها لو سمحتى يافيروز عايزك
فيروز بادب:حاضر يابشمهندس
تذهب فيروز وتطرق على الباب وتتركه مفتوحا
خير ياماجد فى حاجه
ماجد:انا اسف يافيروز على اللى حصل امبارح
فيروز:محصلش حاجه ياماجد احنا اخوات
ماجد بحسرة:اه طبعا اخوات
وياريت تسامحينى بجد من قلبك
وتعتبرينى اخ ليكى بجد ولو اتعرضتى لاى مشكله حكون سند ليكى يافيروز
فتبتسم فيروز فى وجهه فهى حقا طيبه القلب لا تستطيع حمل الكراهيه فى قلبها لاى مخلوق
اكيد ياماجد وده يشرفنى واكيد طبعا لو فى اى مشكله واجهتنى مش حطلب مساعده من حد غيرك
🌷🌷🌷🌷🌷🌷🌷
تهبط الطائرة ارض مصر الحبيبة التى لم يراها منذ اكثر من عشرين عاما
عاصم :كنان بيه احنا حنروح عالفندق دلوقتى
كنان :ايوة ياعاصم عاوز استريح شويه
يدخل كنان الجناح المحجوز باسمه ويقوم بتبديل ملابسه
ويجلس فى الشرفه المطله على البحر وياتى فى ذكرياته فيروز
فلاش باك
فى الجامعه قبل الحادثه
كنان:فيروز صباح الخير
فيروز:صباح الفل ياباشا
كنان:بقولك ايه حتطلعى الرحله اللى عاملاها الجامعه لباريس
فيروز:لاء طبعا ياكنان مش حينفع
كنان:ليه بس يافيروز انتى لو مطلعتيش مش حطلع
فيروز:مانت عارف ياكنان ان بابا تعبان اوى وبصراحه احنا دلوقتى محتاجين كل مليم فى علاجه ومش حينفع اقولهم فى الظروف دى
كنان:ياستى اذا كان عالفلوس ملكيش دعوة
فيروز :ازاى مليش دعوى
كنان :انا عازمك ياستى انتى مالك
فيروز:عازمنى ايه بس ياكنان ايه اللى لتقوله ده لاء طبعا انا مش موافقه
دى مش عزومة سندويتشين دى رحلة وغاليه
كنان:ياستى اعتبريهم سلف
فيروز:لاء ياكنان سلف ايه وانا مش عارفه ظروفنا حتبقى ازاى بعد كده
كنان:غريبه اوى اشمعنى فريده طلعت رحلة من اسبوعين
فيروز:معرفش بس انا شايفه الظروف من فضلك ياكنان قفل على السيرة دى
كنان :بس انتى كان نفسك تسافرى باريس
فيروز:لسه مجاش الاوان ياكنان ولو ربنا كاتبلي ااسافر حسافر حشوفها ان شاء الله
باك
يحدث كنان نفسه
ان شاء الله ياحبيبتى حتشوفى باريس وحلففك العالم كله
بس يارب تكون لسه لية مشاعر جوة قلبك
♥️♥️♥️♥️♥️♥️♥️♥️♥️♥️♥️♥️♥️
يوسف :اهلا استاذ عاصم
عاصم :بكرة ان شاء الله الساعه تسعه الصبح حنكون عندك فى الشركه
حنوقع العقود ونتفق على كل شئ
يوسف :تمام يا استاذ عاصم
ان شاء الله كله حيبقى تمام
يغلق الهاتف وهو يشعر بالسعاده فعقد صفقه مع هذه الشركة
بالفعل سيرفع من شان شركته وبجعلها فى مقدمة الشركات الهندسيه
تستعد الشركة وترتب كل الامور وفيروز تقوم بعملها على اتم وجه وماجد يقوم بعمله محاولا الابتعاد بقدر مايمكن عن تلك المسكينه التى لم تنل فى حياتها سوى الجراح والغدر والالام
💞💞💞💞💞💞💞💞💞💞💞💞💞💞💞
يوم جديد يحمل معه التفاؤل والامل ولكن لكل منهم هدفه
فيروز :تقبل يد والدتها صباحةالفل ياست الكل
فاتن:صباح النور والسرور يا حبيبتى
فيروز:حبيبتى عاوزاكى تدعيلى دعوة حلوة النهارده يوم مهم اوى فى الشركه
فاتن:ربنا يكرمك ياحبيبتى ويعوضك خير يابنتى يارب
حور:حبيبي النهارده اجمل واشيك راجل فى الدنيا
يوسف:ياسلام النهارده بس
حور:"لاطبعا باحبيبي انت قمر على طول بس النهارده حساك فرحان اوى
يوسف:اليوم النهارده حيفرق اوى مع الشركه
حور :وهى تقبله ربنا يوفقك ياحبيبى
فريده:" يوسف انا عاوزة اسافر
ماجد:وهويرتدى ملابسه
تسافرى فين يافريده
فريده:اسافر دوله اجنبيه واعيش بقى
يوسف:فريده انتى مش ناويه تتحجبى بقى انتى مبقيتيش صغيرة
فريده:ايه الكلام ده
لاء طبعا انا مش حتحجب ابدا واوعى تفكر تفتح السيرة دى تانى
ماجد:"ليه بقى ان شاء الله
انا جوزك وانا اللى كلمتى تمشى
وبعدين مانتى شايفه اختك
فريده :"انا مليش دعوة بحد
وبعدين ماحور مش محجبه
ماجد:حور لسه صغيرة وبعدين هي وجوزها احرار
فريده:بقولك ايه روح على شغلك ياللا ونبقى نتكلم بعدين
💞💞💞💞💞💞💞💞💞💞💞💞💞💞💞
يصل الى الشركة فيفتح له السائق الباب الخلفى
ينزل من سيارته بهيئته التى تاسر القلوب
ممسك بيده عكازا ليساعده على الحركه
ويمشى بجانبه مساعده ودراعه اليمين عاصم
يدهل يوسف الشركه ويسلم عليه يوسف ىسلاما حارا ثم يدخلون غرفة الاجتماعات
ماجد:ياللا يافيروز الناس وصلوا
فيروز:حاضر ياماجد ثوانى بس بجهز الاوراق كلها
ثم تبدا فى التحرك متوجهة لغرفة الاجتماعات
كانت انيقه جدا ملابسها محتشمه وغايه فى الشياكه وحجابها ينير وجهها
تطرق على الباب وتدخل قائلة صباح الخير يا
ثم يتوقف الكلام فى حلقها
يقف كنان ممسكا العكاز بيده
والفرحه تملا وجهه
بينما فيروز غير مصدقه عينها هى تحلم بالتأكيد تحلم غير معقول ان يتقابلوا بعد كل هذه السنوات
يقف الزمن فى هذه اللحظه
الكل لا يتكلم فقط مندهشون من نظرات فيروز وكنان لبعضهم البعض
يتحرك كنان من مكانه تجاهها وايضا تتحرك فيروز تجاهه
تنظر اليه وهو يمشي
وفجأة يمد اليها يده للسلام عليها
وهى تمد يدها للسلام عليه