رواية تضحيه بلا ثمن
الفصل الثالث عشر13 والرابع عشر14
بقلم عبير سليم
لقد اجتمع العشاق اخيرا وجمع بينهم القدر ينتهى حفل الزفاف ويعود كل فرد الى بيته متمنين لهم دوام السعاده
فى منزل ماجد
يااه ماتتصوريش انا فرحان النهارده ازاى
فتلوى فريده فمها:ياسلام عشان ايه ده كله
ماجد:يابنتى انتى مش فاهمه يوسف ده مش مجرد ابن خالى ده اخويا وصاحب عمرى
فريده:اه مانا عارفه
ماجد:وحور كانت زى القمر
فريده:مفيش حد قمر غيري واللا انت ايه رايك
ماجد:رايي وهو ده كلام فيه راى انتى مفيش حد زيك ولا فى جمالك ياباشا
بقولك ايه الواد يوسف حيدخل النهارده وانا بقى مش اقل منه واللا ايه رايك
فريده بدلع:هوانت مش جاى تعبان من الفرح
ماجد:تعبان ايه ياقلبي وبعدين رهف الحمد لله بايته عند مامتك واحنا لوحدينا ده احنا حنهد الشقه الليله دى
ويمكن ربنا يكرم وتكون ليلة مباركه ونجيب اخت لرهف
فريده:فى ايه ياماجد هو انا مش قلتلك انى عندى مشاكل
ماجد:ربنا قادرعلى كل شئ ياحبيبتى بقولك ايه ياللا بقى ادخلي غيري وانا بقى حعيشك ليلة ولا الف ليلة وليلة
فتضحك فريده ضحكه عاليه
ماجد:يادين النبي دى الليله حتبقى عنب ان شاء الله
فتدخل فريده الحمام ويتذكر ماجد شيئا فيدخل عليها الحمام
فريده بقولك مشفتيش
ترتبك فريده وتحاول اخفاء مابيدها خلف ظهرها
فريده:ايه ياماجد فى حاجه
ماجد:انتى اللى فى ايه
مالك واقفه كده ليه وايه اللى خبيتيه ورا ضهرك
فريده:حاجه خاصه ياماجد
ماجد:يمسك يدها بشده ليرى مابها
فيصدم مما وجد
ايه ده يافريده هى مش دى حبوب منع الحمل
تسكت فريده
ماجد بغضب:بتعمل ايه دى هنا
فريده:اصل انا
ماجد:اصل ايه وزفت ايه انا مش فاهم حاجه
فريده انتى كنتى بتكدبي علية لما قلتيلى انك رحتى للدكتور وقالك عندك مشاكل
وانتى بتاخدى حبوب منع حمل
ليه يافريده ليه
فريده :ماجد بس افهم سيبنى اشرحلك
ماجد:تشرحى ايه ياهانم ماكل حاجه واضحه زى الشمس وانا اللى مغفل
فريده:من فضلك ياماجد متكبرش الموضوع انا مكنتش عاوزة اخلف تانى دلوقتى
ماجد:تقومى تكدبي علية حرام عليكى انا عملت معاكى ايه عشان تعملى فية كده ده انا حموت على اخ واللا اخت للبنت الغلبانه دى اللى ماصدقت اختك قالتلها تروح معاهاجريت على طول نفسها تلاقى اطفال تلعب معاهم مش كفايه انتى مش فاضيه لها كمان خرماها يلقى عندها اخوات وحرمانى انا كمان
فريده:انا حرة ياماجد اعمل اللى انا عاوزاه
فيصفعها ماجد على وجهها
حرة ليه متجوزه اريال
بس حقولك ايه ليكى حق تقولى كده واكتر كمان مانا اللى دلعتك واديتك اكبر من حجمك خليتك ركبتى ودلدلتى رجليكى
فريده:تانى ياماجد بتضربنى تانى
ماجد:ده حضربك تانى تالت وعاشر لحد ماتتربي
فريده:ايه حتجبرنى اخلف منك بالعافيه
ماجد:ايه تخلفى منى بالعافيه
انتى اتجننتى بتقولى ايه
فريده:بقول اللى سمعته ايه انطرشت
ماجد:ماشي يافريده مادمتى مش عاوزة تخلفى منى يبقى انا كمان مش عاوزك ولا عاوز اشوف وشك تانى
انتى طالق يا فريده
ويترك المنزل ويخرج
❤️❤️❤️❤️❤️❤️❤️❤️❤️❤️❤️❤️❤️
تدخل المنزل هى والأولاد
مراد :بعد اذنك ياماما انا عايز اقعد مع رهف افرجها على حاجات على اللاب توب بتاعك
فيروز:ماشي يا قلبي بس شويه صغيرين وتناموا
مراد:حاضر يامامى
فيروز:ايه مامى دى
مراد:سمعت الولاد فى المدرسه بينادوا مامتهم كده
فيروز:وانت اى حاجه تسمعه تقلدها مراد انت راجل
يعتى مينفعش تقول مامى دى انت تقول ماما
مراد:يقبل امه من خدها حاضرياماما
فاتن:غريبه اوى انتى يافيروز فيها ايه لما يقول مامى
فيروز:ماما انا عاوزة ولادى يبقوا رجاله يعتمد عليهم
فاتن:وهى كلمة مامى هيا اللى مش حتخليهم رجالة
فيروز :ماهى البداية بتبقى مامى وبعدين يعتمد علية فى كل حاجه وبعدين يظلم بنات الناس معاه وميبقاش اد المسئوليه
فاتن:انتى حتحملى ولادك ذنب اللى حصلك ياحبيبتى
فيروز:لا والله ياماما انا بس نفسي لما يكبروا الناس تقول فيروز ربت رجالة
فاتن:تحتضنها ربنا يخليكى ليهم ياحبيبتى ويعوضك خير يارب وتشوفيهم احسن الناس
فيروز:يارب يا
وفجاه تسمع موبيلهايرن
فاتن:مين اللى بيتصل
فيروز:ايوة يافريده خير فى ايه
فريده:الحقينى يافيروز ماجد طلقنى
❤️❤️❤️❤️❤️❤️❤️❤️❤️❤️❤️❤️
تطير الطيور فى السماء معلنه بداية يوم جديد يحمل الامل ويبعث السعادة فى النفوس
يوسف :وهو يداعب حور فى انفها
حور:بس بقى ياماما سيبينى انام شويه
يوسف :ماما يانهارك مش فايتبقى بعد اللى عملته امبارح وتقوليلي ماما ده انا زلزلت شرم الشيخ والفندق كانةحيولع ويطلبوا المطافى
قومى يابت بدل مااخليكى تقولى حقى برقبتى
حور :هههههه هههههه هههههه
فى ايه ياحبيبى انت اتجننت خلاص وبتكلم نفسك
يوسف:ايوة اتجننت والفضل يرجعلك ياقلبي
حوربدلع:ليه بس هوانت مش زى ماما
يوسف:تانى حتقولى ماما بصى بقى انتى اللى جنيتى على نفسك وياخذها ويذهبان معا فى عالم الحب عالم لا يفهمه الا العشاق
♥️♥️♥️♥️♥️♥️♥️♥️♥️♥️♥️♥️♥️
فى الشركه
ماجد يتحدث الى نفسه:ليه فريده بتعمل معايا كده ده انا محبتش حد فى الدنيا زيها
يالله هذه دعوتك يافيروز قد اصابتنى لعنتك التى لن تنتهى الا اذا سامحتينى
بس هى امبارح فى الفرح سلمت علية واول مرة تضحك فى وشي من سنين يعنى اكيد سامحتنى
سامحتك ايه انت عبيط
تسامحك ازاى وانت السبب فى كل حاجه وحشه حصلتلها
ليه وانا مالى هو انا اللى قلتلها تروح تتجوز واحد منعرفلوش اصل من فصل
وهى لما حبت واحد عارفه اصله وفصله خدت منه ايه غير الغدر
فيروز كانت زى الغريق اللى بيتعلق بقشايه
فيقول بصوت عالى:سامحينى بقى يافيروز خللى لعنتك تبعد عنى
فتدخل السكرتيرة على صوته العالى
ماجد:عايزة ايه انتى كمان داخله كده زى البهيمه
السكرتيرة:اسفه والله يا بشمهندس انا افتكرتك بتنادى علية وقد شعرت بالاحراج الشديد وهمت لتخرج
ماجد:ايلين تزعليش منى انا اسف
فتهز ايلين راسها وتخرج
❤️❤️❤️❤️❤️❤️❤️❤️❤️
فيروز:هوانتى بتاخدى حبوب منع حمل
فريده:ايوة
فيروز:ياجمالك وكنتى مفهمانا كلنا ان عندك مشاكل ومش حتقدرى تخلفى ده انتى طلعتى ممثله بجد ارفعلك القبعه
انتى ايه ياشيخه عاوزة ايه الله يخرببيتك حتموتى امك
انا مرضتش اجيبلها سيرة وفهمتها انك كنتى بتتصلى عشان تطمنى على رهف طبعا هى مصدقتش وبصراحه معاها حق انتى لابتهتمى تسالى على رهف ولاةعن امك ولاحد مبتفكريش غير فى فريده اللى حتوديكى فى داهيه
فريده:مانا زهقت منه قاعد زى خيبتها يتعب وبشقى وياخد ملاااليم ويوسف هو اللى ياخد الملايين
كان تفسي اتجوز مليونير
فيروز:بسةانتى متجوزاه كده ايه الجديد
فريده:كنت فاكراه حيتغير ويعمل شركه لنفسه بس هو غاوى فقر ثم تسكت وتقول فجاة:فيروز صالحينى على ماجد هو بيسمع كلامك
فيروز :وليه التنازل ده معقوله بتطلبي بنفسك الصلح
تهزها من كتفيها بس انا عارفه السبب وحقولك انتى عاوزة ترجعى لماجد ليه
عشان مفيش غيره ادامك دلوقتى صح
فريده:تقصدى ايه
فيروز:هههههه بزمتك مش فاهمه طبعا مانتى متاكده ان اللى فى دماغك مش حيحصل والعصفور اللى كان نفسك تصطاديه اصطادته واحده تانيه بتحبه وهو بيحبها
تسكت فريده فهى تعلم ان ماتقوله اختها هو الحق
حاضر يافريده انا حرجعك لماجد بس يارب تعرفى تحافظى عليه المرة دى
صوت عالى يخرج من مكتب ماجد
ماجد:يعنى ايه مش لاقى الملف ده انا حوديك فى ستين داهيه
الموظف:والله يابشمهندس انا كنت سايبه على المكتب ببص مالقيتهوش حدور عليه تانى
ماجد:انت لازم تقب وتغطس تطلع الملف انت فاهمةوالا وربي حدخلك السجن
يخرج الرجل وهو يقول يارب استر
ثم يضع ماجد وجهه امام الحاسوب مرة اخرى فيسمع صوت نعل فيلتفت ليجدها تاتى اليه مرة ثانيه ولكن طلتها هذه المرة تخطف القلب فلقد زادها الحجاب جمالا على جمالها
فتنهد عند رؤيتها واشار اليها بالجلوس ووضع يده على شعره
وتوجه لها بالحديث
تعبناكى معانا اوى يافيروز
فيروز:تعبكم راحه ياسيدي المهم مجيتى تكون بفايده
ماجد :لا هلاص يافيروز كده خلصت خلاص
نسيت اقولك صحيح اطمنى يافيروز ربنا استجابلك دعوتك
فيروز:دعوة ايه
ماجد:انتى نسيتى واللا ايه
يارب تدوق من نفس الكاس اللى دوقتنى منه
فيروز:انت بتحملنى ذنب اللى بيحصلكم ياماجد
ماجد:بالعكس يافيروز انا حاسس ان ده ذنبك انتى
فيروز:من فضلك ياماجد انا مش عايزة اتكلم فى حاجه فى الماضى حاجه ماتت من سنين اناجايه اتكلم عن الحاضر والمستقبل
ماجد:هههههه هههههه حاضر ومستقبل
اختك مخلتشى فيها لاحاضر ولا مستقبل
الهانم بتقوللى مش عاوزه تخلف منى
مش بقولك ربنا استجاب دعوتك
وادينى حبيت اللى محبتنيش
فيروز:لاىياماجد فريده بتحبك على فكرة هى اللى اتحايلت علية غشان اجيلك دلوقتى
وانت عارف انى مبكدبش
ماجد:...............
فيروز:هى عبيطه كانت فاكرة ان الولاد والخلفه الكتير حيبوظوا جسمها
ماجد:تقوم تخدعنى وتكدب علية وتوهمنى انها مبتخلفش
فيروز:سوء تصرف منها عشانةخاطرى اديها فرصه كمان وحياة رهف عندك
ماجد:ماشي يافيروز انا موافق ارجعها بس بشرط
♥️♥️♥️♥️♥️♥️♥️♥️♥️♥️♥️♥️♥️♥️♥️
حور ويوسف يجرون وراء بعض على رمال البحر
يوسف:والله ماحسيبك ياحور كده ترشينى بالميه انتى مش عارفه ان رش الميه عداوة
حور بضحك طب بلاش مية ايه رايك فى الرمل وتاخذ الرمل وتلقيه به
فيحملها يوسف ويلقيها فى المياه وهو يقول لها تصدقى انك فقريه
حور:عادى ياحبي بس ليه
يوسف:بقى انا اتحايل عليكى نسافر اى بلد اوروبي تقوليلي عابزة اروح شرم
حور:ياحبيبى فى حد يسيب الجمال ده كله ويسافر وبعدين اى مكان معاك يبقى جنه حتى لو كان عشة فراخ
ياخذها بوسف بين احصانه ويلف بها فى الماء وهو يقول بصوت عالى بحبك بحبببك ياحور
فتضحك حور عليه وتقول وانا بعشقك ياقلب حور
💖💖💖💖💖💖💖💖💖💖💖💖
تخرج من الشركه وهى تلاحظ انها لم ترى احدا ممن كانوا يعملوا معها فى السنوات السابقه كانت تخاف من ان ترى احدا يذكرها بالماضي فتحمد الله على ذلك
وتتصل على اختها اطمنى يافريده ماجد حيردك النهارده
فريده:بجد يافيروز ربنا يخليكى ليا يارب ياحبيبتي
فيروز:خللى بالك بقى من جوزك فاهمه
فريده:حاضر
♥️♥️♥️♥️♥️♥️♥️♥️♥️
ياتى المساء ويعود ماجد الى البيت ويجد فريده فى انتظاره فتجرى عليه وتحتضنه
ماجد حبيبي وحشتنى انا اسفه
فينزل ماجد يديها من حول رقبته
فريده من فضلك مش معنى انى رجعت تبقى سامحتك خلاص
فريده:بلاش يبقى قلبك اسود ياماجد
خلاص بقى ياحبيبى
واذا كان على الولاد حجيبلك الولد اللى نفسك فيه
ماجد:يتركها ويدخل غرفته وهو يتذكر ماداربينه وبين فيروز فى المكتب
فلاش باك
فيروز انا موافق ارجع فريده بس بشرط
فيروز:شرط ايه ياماجد
تسامحينى يافيروز
فيروز:وايه علاقة ده بموضوعك انت وفريده
ماجد:ده شرطى يافيروز
ليه يافيروز مش عاوزة تسامحينى ليه
ليه مش عاوزة تنسي
ليه مش عاوزة تفتحى معايا صفحه جديده ميكونش فيها غير كل اخوة واحترام
فيروز:ماجد انت فعلا دلوقتى بقيت اخويا ياماجد
وخصوصا بعد وقفتك معايا وانا فى المستشفى ووقفتك معايافى طلاقى من على وان لولاك مكنتش عرفت اخلص منه
ماجد:وهويقترب منها قوليها يافيروز قوليها بلسانك عاوز اسمعها منك نفسي تسامحينى من قلبك يافيروز
تبعد عنه فيروز بعيدا فالأول مرة يقترب منها ماجد هكذا
فتستغفر الله بينها وبين نفسها
خلاص ياماجد لو هو ده اللى حيريحك انا مسامحاك خلاص
ماجد:خلاص يافيروز انا حرجع البيت بالليل
باك
ماجد لا مرتحتش يافيروز وشكلى كده عمرى ماحلاقى الراحه فى بعدك ابدا
♥️♥️♥️♥️♥️♥️♥️♥️♥️♥️♥️♥️♥️
فى مكان بعيد فى احدى الدول الاوروبيه
يجلس امام الحاسوب
فتدخل عليه طفله جميله تجرى اليه وتحتضنه
بابى بابي الحقنى عز عاوث يضلبنى
_فى ايه ياعز بتضرب اختك ليه
عز:مث عاوثه تسمع كلامى يابابا
_وهو يضحك على طريقة كلام اطفاله الصغارالذين لم يبلغ عمرهم الثالثه
_عز الا فيروز اوعى تزعلها انت فاهم
_عز :اثمعنى فيلوث (فيروز) يحنى اللى مضلبهاث مانا بضلب تيته ومبتقوليث حاكه
_هههههههه ماهى لو تيته اشتكت كنت ضربتك بس هى راضيه
ياتى صوت من خلفها
ايوه راضيه وموافقه وعلى قلبي زى العسل كمان
_والله محدش مدلع الواد ده غيرك
_وايه يعنى يابنى مش كفايه اتحرموا من انهمةيشوفوا امهم زى بقية صحابهم
_"الله يرحمها ياماما
_قوللى ياحبيبى مفيش اخبار لسه موصلتش لحاجه
_لسه ياماما انا مكلف ناس يقلبوا اسكندريه حته حته لحد مايلاقوها
_ان شاء الله يا حبيبي يلاقوها دى وصية المرحومه
_بس انا خايف ياامى الاقيها بعدفوات الاوان
_قلبي بيقوللي انك حتلاقيها مستنياك باحبببب
_معقوله ياماما دول اكتر من سبع سنين وانا معدتهاش بحاجه ولا عمري قلتلها بحبك
_امه وهى تطبطب عليه:تفاءاوا الخير تجدوه
_يارب ياامى
🌹🌹🌹🌹🌹🌹🌹🌹🌹🌹🌹🌹🌹
الفصل الرابع عشر
فى منزل الحاج يونس
الخادمه:لوووولى لوووووولى العرسان وصلوا ياحاج
يدخل يوسف وهو ممسك بيد حور
الحاج يونس يفتح له حضنه فيجرى عليه يوسف:باباحبيبي وحشتنى اوى
الحاج:انت اكتر ياحبيب جلب ابوك
ثم يقبل على والدته:امى وحشتينى اوى
الحاجه ابتسام :ياحبيبى يايوسف البيت كان وحش جوى من غيرك ياضنايا
الحاج:حور ياحبيبتى يابت الغالى واجفه عندك ليه تعالى ادخلى ده بجى بيتك
ازيك يابابا الحاج :لما شوفتكم بجيت عال جوي وحبجى عال كمان لما تملوا علينا البيت ده عيال
يوسف:ان شاء الله يابابا انا ناوى على فريق كورة
الحاجه:تعالى ياحور ياحبيبتى جوليلي الواد ده عامل معاكى ايه
حور بخجل:الحمد لله والله ياماما
يوسف:طايرة من الفرحه طبعا مش مصدقه نفسها
الحاج يونس:والله المفروض انت اللى متصدجش نفسك من الفرحة انت كت تطول تتجوز الجمر ده اياك
فيضحك الجميع
الحاجه :ربنا يهنيكم ويبعد عنكم الشر ياولادى يارب
🌹🌹🌹🌹🌹🌹🌹🌹🌹🌹🌹
فيروز:ماما انا عاوزة اشتغل
فاتن:ولادك اولى بيكى ياحبيبتى
فيروز:انا زهقانه ياماما نفسي احس انى عايشه ولو حسيت ان الشغل ممكن ياثر على ولادى حسيبه
فاتن:على راحتك ياحبيبتى بس حتلاقى شغل فين
فيروز:مش عارفه والله ياماما حدور
فيرن تليفون فيروز
ايوة يافريده عامله ايه ياحبيبتي
فريده :تمام والله وانتى أخبارك ايه
فيروز:انا زهقانه والله يافريده وكنت لسه بقول لماما انى عاوزة ادور على شغل
فريده:وليه تدورى على شغل ماالشركه موجوده
فيروزباندفاع:لا لا الشركه لاء
فريده:ليه مش احسن ماتشتغلى فى مكان متعرفيش اصحابه مين وبعدين ماجد ويوسف حيراعوا ظروفك فى المواعيد عشان متتاخريش على ولادك ومترجعيش هلكانه اديكي شايفه مامابقت صحتها على ادها والولاد متعبين
فيروز وهى تحاول انهاء الكلام معها
ان شاء الله حبقى اشوف
🌹🌹🌹🌹🌹🌹🌹🌹🌹🌹🌹🌹
على سفرة الغداء
الحاج :ياللا يايوسف الغدا جهز
يوسف:بالهنا والشفا ليكوا يابابا انا حستنى حور ناكل سوا
الحاج:بس يابنى دى جالت لامك انها حتاجى متاخر النهارده
يوسف:مقدرش اكل من غيرها ياحاج
الحاجه بفرحه شديده:ربنا يخليكم لبعض يارب ويديم بينكم المحبه
يوسف:انتى غريبه اوى ياماما
الحجه:ليه ياحبيبي بتجول اكده
يوسف:يعنى المفروض تغيري من خور عشان خدتنى منكم لكن ده انا بحس انك بتحبيها اكتر منى
الحاجه:ياولدى حور دى حبيبة جلبي وامها صحيح متعلمه بس عمرها ماحسستني انى اجل منيها بالعكس دى كانت بتفتخر بية فى وسط كل صحابها وتجولهم انى ست الكل
انى ياما حلمت انها تكون من نصيبك تفرحك وتهنيك وتسعد ايامك يبجى اغير منيها ازاى وهى حبيبتى وحبيبتك الستات اللى بيعملوا اجده دول مهابيل
بس بجولك ايه اتجدعنوا شويه اكده عاوزاكم تملوا علينا البيت ولاد
حور :ان شاء الله ياماما ادعيلنا انتى بس ياحبيبتى
يوسف بلهفه:حبيبتى مالك فيكى حاجه
حور :لاء يايوسف مفيش مالك ياحبيبي
يوسف:مش قلتى انك حترجعى متاخر
حور:أبدا الدكتور لغى المحاضره
الحاج:ياللا يابنى تعالوا كملوا حديتكم وانتوا بتاكلوا
فتجلس حور بجانب يوسف الذى لايخفض عيناه عنها
♥️♥️♥️♥️♥️♥️♥️♥️♥️♥️♥️💖
فى منزل ماجد على سفرة الغداء
بقولك ياماجد
ماجد:نعم يا قلبي
النهارده كنت بكلم فيروز وقالتلى انها عايزة تدور على شغل
متاخدها معاك الشركه
ماجد :والله انا معنديش مانع بس هى توافق
فريده:ماناعاوزاك تقنعها
ماجد :حاضر حكلمها
يدخل ماجد غرفة نومه ليستريح من عناء العمل فيحدث نفسه
عبيطه دى واللا ايه اكلم مين هيا بتطقنى اصلا وبعدين هى اكيد مش حتوافق ترجع بعد اللى حصلها زمان
احسن حاجه اقول ليوسف هو يكلمها
♥️♥️♥️♥️♥️♥️♥️♥️♥️♥️♥️
يوسف:حماتك بتحبك
ماجد:وانا بموت فى بنتها
يوسف:انجز فى ايه
فيحكى ماجد ليوسف ويطلب منه التحدث الى حور
فيقتنع يوسف بالحديث إليها
💖💖💖💖💖💖💖
هاتف فيروز يرن برقم غريب
فيروز :السلام عليكم
يوسف:وعليكم السلام ورحمة الله وبركاته
فيروز :يوسف ازيك ياعريسنا وعروستنا القمر عامله ايه
يوسف:العرسان محتاحينك اوى يافيروز وواقعين فى عرضك
فيروز:خير يايوسف
يوسف:بصي ياستى دلوقتى الهانم اللى عندى دى داخله على امتحانات وانا وعدت امها انى حساعدها ومش حسيبها
فى نفس الوقت الشغل فى الشركه اليومين دول كتير
وانا محتاجك معايا يافيروز
قلتى ايه
فيروز :مش حينفع يايوسف مانت عارف اللى حصل زمان
يوسف:على فكرة يافيروز مفيش اى حد من اللى كانوا معانا زمان موجود دلوقتى انا غيرتهم كلهم من فترة ودلوقتى الموجودين كلهم جداد
فيروز :بجد يا يوسف
يوسف:ايوة والله وحتشوفى بنفسك
فيروز:طب ممكن تدينى فرصه افكر
يوسف:تمام يافيروز بس بجد انا فعلا محتاجك معانا اوى
فاكرة لماكنتى بتشتغلى معانا زمان الشركه كانت تحقق ارباح حلوة اوى ودلوقتى كمان بقى بقينا بعقد صفقات مع رجال اعمال من كل مكان يعنى ممكن تسافري وتشوفى الدنيا
فيروز:والله حفكر يايوسف وحرد عليك بكرة تمام
يوسف:تمام اوى
حور:ايه ياحبيبي وافقت
يوسف:حتفكر وترد علية بكرة
حور:انا طول عمرى بحبها اوى دى غير فريده خالص
يوسف:غير فريده ازاى يعنى مش فاهم
حور:فريده تحسها شايفه نفسها اوى لكن فيروز دى طيبه وكيوت كده وجميله اوى
يوسف:اولا كون الواحده تبقى شايفه نفسها مش عيب على فكرة دى ثقه بالنفس يابنتى
ثانيا بقى اانا عارف فيروز كويس اوى وعارف هى اد ايه طيبه بس يارب توافق ترجع
وبعدين انتى عماله تعاكسي فيها وانا قاعد كده انا حغير
حور:تغير ههههههه
ايوة اغير انتى تعاكسينى انا بس انتى سامعه
حور:هههههههههه هههههههههه هههههههههه
يوسف:وحياة امك مانا عاتقك
حور:لا والنبي يايوسف عندى مذاكرة
يوسف :مانتى حتذاكرى بردو وحتطلعى الاولى كمان
ولا يعطيها فرصه للرد بل ينقض عليهاويخبط
استعنى عالشقا بالله
ويذهبان فى عالمهم الخاص
♥️♥️♥️♥️♥️♥️♥️♥️♥️♥️♥️♥️
فاتن تفتح باب الحجرة على فيروز فتجدها فى عالم اخر
فاتن:فيروز ياقلبي كنت سامعاكى بتكلمى حد
فيروز:ايوة ياماما ده يوسف
فاتن:يوسف خير ياحبيبتى
فتحكى فيروز لامها بداية مع كلامها مع فريده عن رغبتها فى الشغل وحتى مكالمة يوسف
فاتن:يعنى انتى تقصدى ان ماجد هو اللى زاقق يوسف عشان يكلمك
فيروز:ايوة طبعا ياماما ماهى باينه زى الشمس
فاتن:وانتى رايك ايه
فيروز:مش عارفه ياماما انا محتارة
فاتن:فيروز حسالك سؤال وجاوبنى بامانه
فيروز:اتفضلى ياماما
فاتن:انتى لسه بتحبي ماجد
فيروز:لا والله ياماما اللى فى قلبي من ناحية ماجد انه جوز اختى وفمكانة اخويا مش اكتر
اى حاجه كانت فى الماضي ماتت ومبقاش ليها اى اثر
وكل ده بفضل قربي من ربنا
الله ياماما القرب من ربنا حاجه تانيه خالص
فاتن:طبعا ياحبيبتى "الا بذكر الله تطمئن القلوب"
فتقبل فيروز يد امها وبفضل دعواتك ليةياست الحبايب
فاتن:خلاص ياحبيبتى يبقى اتوكلى على الله وروحى معاهم الشركه على الاقل حكون مطمنه عليكى
♥️♥️♥️♥️♥️♥️♥️♥️♥️♥️♥️
تمر الايام سريعا بكل مافيها من احزان
فيروز تذهب الى العمل يوميا وتباشر عملها والجميع يتعامل معها بحب واحترام
وتعامل ماجد بمنتهى التلقائيه
اما يوسف فهو يحاول الا يشغله عمله عن حبيبته حور
فيروز تدخل مكتب ماجد:ماجد دلوقتى المفروض الشركه حتوقع عقد العمل مع الشركه الاجنبيه امتى
ماجد:اخر الاسبوع ان شاء الله
فيروز:تمام يبقى حنعمل حفلة نعزم فيها رجال الأعمال ده حيعلى من رصيد الشركه ويرفع مستواها
ماجد:فكرة حلوة اوى
فيروز:خلاص بلغ يوسف
ماجد:وهو فين يوسف الاستاذ غرقان فى العسل وسايبنا محتاسين
فتضحك فيروز ضحكه عفويه ولكنها تذيب القلوب سحرا
فينظر اليها ماجد نظرة لم تستطع تمييزها ولكنها لم تهتم
ثم تخرج الى مكتبها لتستكمل عملها
ماجد يحدث نفسه
فى ايه ياماجد مالك انت اتهبلت واللا ايه دى فيروز اللى انت غدرت بيها زمان وبتعشق اختها وبتموت فيها ومستحمل منها اللى محدش يستحمله كل ده عشان حبها اللى مالى قلبك
واللا هى طفاسه وخلاص
اتلم كده وركز فى شغلك احسن
🌹🌹🌹🌹🌹🌹🌹🌹🌹🌹🌹🌹🌹
اليوم هو يوم مميز حفل كبير يعقد فى احد الفنادق فالحاج يونس لا يعترف باقامة حفل فى بيته يحضر فيه الاغراب تحت اى ظرف من الظروف
فيروز:كل حاجه تمام يايوسف اطمن
يوسف:انا مطمن مادمتى معانا انتى دايما وشك حلو علينا
على جنب يتحدث ماجد الى فريده بغضب
ايه اللى انتي لابساه ده ياهانم
فريده:بدلع ايه ياحبيبي مالك مش حفله كبيرة لازم اشرفك ادام رجال الاعمال
ماجد:بس الفستان ضيق اوى وحيخللى كل الناس تبص عليكى
فريده هههههههه انتى بتغيرى يابطه
ماجد :فريده مينفعش كده احنا مش في البيت
وبعدين شوفى اختك لابسه ايه
فريده:فيروز محجبه يعنى لازم تلبس محترم طبعا
ماجد:وانتى متتحجبيش زيها ليه
فريده:نعم انت بتهزر صح حجاب ايه اللى اتحجبه ده
انا عمرى ماحتحجب
ماجد:ماشي على راحتك بس نظبط اللبس شويه
اديكى شايفه حور هى كمان لابسه فستان محترم جدا مع انها مش محجبه زيك
فريده:حاضر ياماجد
يقام الحفل الذى تقف فيه فيروز لتقدم له وتعلن فيه تحية كبيرة لكل رجال الاعمال الحاضرين والكل ينظر لهذه المراة التى تخطف الابصار بجمالها الهادئ وملابسها المحتشمه وحجابها الانيق ولباقتها فى الحديث ثم يبدا يوسف فى القاء كلمة ويتم توقيع الصفقه والمصورين يلتقطون الصور لعرضها على شبكة الإنترنت
🌹🌹🌹🌹🌹🌹🌹🌹🌹🌹🌹🌹🌹🌹
يقف فى شرفة منزله المطله على البحر باحدى الدول الاوروبيه فيطوف بذاكرته مواقف جميله مع تلك التى اثرت العقل والشعور
_فيروز انتى جاية النهارده
_ايوة طبعا جايه ومعايا كل المحاضرات واعمل حسابك تقةل لطنط تعمل حسابي على الغدا احسن انا واقعه من الجوع
_"ههههههههههه حاضر احلى غدا فى الدنيا
_ماما فيروز جاية دلوقتى من فضلك خلصي الغدا عشات حتاكل معانا
_"من عينيه ياحبيبى
_تدخل فيروز وتسلم عليه وعلى امه
ويتناولون الغداء
الله ياطنط اكلك حلو بشكل احلى اكل اكلته فى الدنياةعايزاكى تعلمينى
_بس كده من عينيه ياقمر
_معلش يافيروز ابنى تاعبك معاه
_فيروز:تعبه راحه ياطنط وتنظر له فتجده لا يحيد نظره عنها فهو حقا يعشقها ولكن لما السكوت فلتعترف بحبك لى
قل لى ولو كلمه وسانتظرك العمر كله لما هذا الصمت
_ياريتنى كنت اقدر اتكلم واعبرلك عما يدور بقلبي فانا غاشق لكى
ولكن كيف كيف وانا قعيد
_حتخف ان شاء الله وحتقف على رجلك تانى بس انت خليك قوى
_انا قوى بيكي انتى وبواقفتك جمبي
تنظر امه لهم وهى تعلم مايدور بعقلهم وتدعو من الله ان يجمع بينهم فى يوم من الايام
💕💕💕💕💕💕
يفيق من هذه الذكريات على صوت رساله على الانترنت
-لقتها ياافندم لقتها
_بفرحه شديده فين وازاى
فيرسل له هذا الشخص صور للحفل
ولكن للاسف يخطئ هذا الرجل ويرسل صورا لفريده وليست لفيروز
فينصدم عندما يرى هذه الصور ويشعر بالياس فلقد تحطمت كل اماله فيجلس على الكرسي واضعا راسه بين يديه قائلا
ياخسارة يافيروز كان نفسي الاقيكى زى مانتى متغيرتيش
ايه اللى انتى لابساه ده ايوة انا عارف انك مش محجبه بس لبسك طول عمره كان محترم
وكمان اتجوزتى وشكلك مبسوطه الفرحه باينه على وشك
ثم يؤنب نفسه قائلا
انت السبب انت السبب متلومش الانفسك انت اللى ضيعتها من ايدك
فتدخل عليه امه وهو فى هذه الحاله قائله
كنان مالك ياحبيبى فى حاجه ضايقتك