رواية تضحيه بلا ثمن
الفصل الثالث والعشرون والرابع والعشرون
بقلم عبير سليم
الفصل الثالث والعشرون
فيروز:فى ايه ياسهى ماتتكلمى
قولى اللى كان بينك وبين المرحوم
قولى حرام عليكى انا حسه انى حتشل
سهى:وهى تبكى
انا مكنش فى بينى وبين الله يرحمه حاجه والله
وعمرى ماشفت منه الا كل خير
وعمره مااتكلم معايا الا مرة واحده
فيروز:امال ايه اللى هو قالك متقوليش عليه
وانتى وعدتيه بيه
ماتتكلمى يابنتى حرام عليكى متخليش دماغى تروح بعيد
اتكلمى ياسهى
سهى وهى تبكي بمرارة حاضر انا حقولك على كل حاجه
بس والنبي امانه عليكى وغلاوة ولادك متفضحينى ولا تقولي لحد
فيروز تشعر بالشفقه الشديده عليها
فتاخذها فى حضنها لتطمئنها
اهدى ياسهى اهدى ياحبيبتى
وحياة ولادى وحياة من جمعنا من غير ميعاد
كل كلمه حتقوليها ماحتطلع من هنا ومفيش مخلوق فى الدنيا حيعرفها
وتمسح لها دموعها
تبدا سهى فى الهدوء
وتحكى لها حكايتها منذ وفاة والدها و
كل مامرت به فى حياتها وسبب معرفتها بماجدوكيف قدمت لها المساعده لتتخلص من على وكيف اتت الى هنا حتى اليوم الذى زارها فيه ماجد فى المستشفى
وانه هو الذى طلب بالاتخبر احدا عن ماضيها وتبدا صفحه جديده فى حياتها
كانت سهى تحكى لفيروز وهى لا تتوقف عن البكاء
بينما فيروز مصدومه مماتسمع
ولكن ماثلج صدرها موقف ماجد
فتحدث نفسها يااااه ياماجد
معقول انت عملت كده مع واحده متعرفهاش
وتصرف عليها الفلوس دى كلها لوجه الله
وكمان توصينى عليها التوصيه دى كلها
وانت اصلا متعرفهاش
ياترى ايه اللى كان بينك وبين ربنا عشان يوفقك للثواب الكبير ده
وكمان تموت وانت بتنقذ صاحبك
كل ده خير كان جواك
ربنا يرحمك ياماجد يارب ويجعلك من اهل الجنه
ثم تنظر الى تلك المسكينه التى تنتفض من الخوف
ومما ستفعله بها فيروز بعدما عرفت ماضيها
تاخذها فى حضنها
وتطبطب عليها اشششش اسكتى ياحبيبتى واهدى خالص
وتجلس بجانبها وتمسح دموعها بيديها
بصي خلاص ننسى اللى فات واحنا ولاد النهارده
سهى:يعنى مش حتقولى لحد
فيروز:حبيبتى اللى ستره ربه مايفضحهوش خلقه
وانا وعدتك ياحبيبتى
خلاص قفلي على الموضوع ده مش حنتكلم فيه تانى
سهى:طب وحتقولى ايه لكنان بيه على موضوع صاحبه
فيروز:ربنا يحلها من عنده ياسهى
قومى انتى ياحبيبتى شوفى وراكى ايه
تقوم سهى بينما فيروز لاتعرف ماذا ستفعل فى هذا الموقف الصعب
فتشعر بدوار ورغبه فى القئ فتتذكر انها لم تتاكد من شكوكها
فيروز:سهى
سهى:نعم ياابله فيروز
فيروز:بصي ياسهى انا تعبانه وحخرج اروح للدكتور
وانتى خللى بالك على الأولاد
سهى:الف سلامه عليكي يا ابله
حاضر والله حخللى بالى عليهم
تذهب فيروز الى المستشفى
بعد فترة تخرج فيروز من المستشفى والدنيا لا تسعها من الفرحه
كنان يباشر عمله
ليان:زوجتك ياسيدي تطلب الدخول اليك
كنان:دخليها حالا
ويقوم كنان لاستقبالها
كنان:حبيبتى خير حد من الولاد حصله حاجه
امى تعبانه
فيروز:حبيبي اهدى كلنا بخير
كنان:الحمد لله
معلش ياقلبي اصلي مش متعود على زيارتك
نورتينى ياحبيبتى
فيروز:بس انا مش جاية لوحدى
كنان:انتى معاكى حد وسيباه برة ليه
فيروز:اللى معايا مش برة اللى معايا هنا وتضع يديها على بطنها
كنان:ايه انتى بتقولى ايه مش معقول فيروز بجد يافيروز انتى حامل
فيروز:ايوة والله
كنان:يتذكر عندما جاءته كارمن لتخبره بخبر حملها
فتذرف عينيه بالدموع
فيروز:كنان انت بتعيط
كنان:اسف يافيروز بس افتكرت نفس الموقف ده حصل مع كارمن وهى كمان جت لحد هنا عشان تبلغنى بخبر حملها
انتوا الاتنين احلى حاجه حصلت فى حياتى
فيروز:كنان ممكن تودينى عندها عاوزة ازورها ضروري
باخذها كنان ويذهبان للمقابر
فيروز :كنان ممكن تسيبنى معاها لوحدينا
كنان:يقرا لها الفاتحه ويضع الورد على قبرها
ثم يرد عليها
حاضر ياحبيبتى خدى راحتك وانا حستناكى برة
تجلس فيروز امام قبرها وتتحدث اليها
ازيك ياكارمن عامله ايه
انا عارفه انك فى مكان احسن من اللى احنا فيه
انا جايه النهارده عشان اقولك انى بحبك اوى
وكان نفسي اشوفك
حبيتك من حب كنان ليكى
اطمنى ياحبيبتى وانتى فى قبرك
كنان بيحبك اوى ياكارمن وعمره مابينساكى
وانا كمان عمرى ماحنساكى ولا انسى انك انتى اللى جمعتينى بكنان
عوزاكى تطمنى على امانتك
ولادك فى عينيه ياكارمن
وربنا يعلم غلاوتهم عندى
وانا النهارده جايه عشان اقولك خبر حلو
انا حامل ياكارمن
وحجيب اخوات لعز وفيروز
كارمن انا بشكرك اوى وعمرنا ماحننساكى
ولا عمرى حشيل صورك من البيت
صورك حتفضل ادامنا طول الوقت
وحجيب الولاد كلهم يبجوا يزوروكى
وححكيلهم على طول عن اجمل انسانه فى الدنيا
ولادك حيفضلوا فاكرينك ياحبيبتى
وحيفتخروا بيكى وبانك كنتى أعظم ام فى الدنيا
كارمن انا حمشي دلوقتى بس اوعدك حجيلك تانى
سلام ياكارمن
تخرج كارمن من المقابر فتجد كنان فى انتظارها
كنان وهو يمسح دموعها:انا حقولك نفس الكلام اللى قالته كارمن ليه من سنين
بعد كده مفيش دموع في ايام حلوة جايه حنعيشها سوا
يعودكنان ومعه فيروز الى المنزل ويخبران الجميع بهذا الخبر السعيد
حياة :الف مبروك ياولاد ايوة كده انا عاوزة البيت ده يتملى ولاد
سهى:الف مبروك ياابله فيروز
فيروز:وهى تحتضنها الله يبارك فيكى ياسهى وعقبال اافرح بيكى يارب
فتلمح فى عينيها الدموع
فتهمس فى اذنها:متخافيش انا معاكى مش حسيبك وان شاء الله ربنا حيحلها من عنده
ثم تقول فيروز :انا عاوزة اقول لماما
فاتن:وهى جالسه تقرا ايات من القران الكريم
تجد رقم فيروز يتصل بها
فاتن:حبيبتى عامله ايه ياقلب امك
فيروز:انا حامل ياماما
فاتن:حامل الف مبروك ياجبيبتى
ربنا يكملك على خير يارب
فيروز:ماما انا محتاجه لك جنبي اوى
فاتن:مانتى معاكى جوزك ياحبيبتى
فيروز:محتاجاكى ياماما
والولاد محتاجينك وانتى قاعده عندك مع مين
انتى عاوزة تقنعينى ان فريده
بعنى مهتميه تجيلك
فاتن:مانتى عارفه يافيروز اختك مبيعجبهاش كلامى
ولا انا ببعجبنى حالها
ياخذ كنان التليفون من فيروز :ازيك ياماما
فاتن:ازيك ياحبيبى الف مبروك ياكنان
ربنا يخليك ليهم يارب
كنان:حيبقى عندنا فريق ومحتاجين مساعده من حضرتك ياامى
فاتن:مانا صحتى مبقتش زى الاول يبنى والله
كنان:انتى حتنورينا ياامى وتيجى تقعدى مع ماما حياة
وياستى اول ماتزهقى ابقى ارجعى على طول
فاتن:خلاص حفكر وارد عليكم
♥️♥️♥️♥️♥️♥️♥️♥️♥️♥️
تمر الايام وتزداد العلاقه قوة بين يوسف وفريده
فقد اعتاد على وجودها معه فى الشركه
كانت تتنقل طوال اليوم بين الاقسام وكانت عيون الجميع تراقبها باعجاب شديد
وكانت فريده لاتتوانى لحظه عن لفت نظر يوسف اليها كانت شديدة الاهتمام بكل مايخصه
وايضا ازداد تعلق الاسرة بالطفله الصغيرة التى تملأ البيت عليهم بهجه
واعتادت فريده على ان تتركها عندهم في الصباح وتتوجه الى الشركه بصحبة يوسف ويتحدثان طوال الطريق
ثم يعودان معا فى نهاية اليوم بعد انتهاء العمل لتاخذ رهف
واحيانا كثيرة تتناول معهم وجبة الغداء
كانت لاتسأل عن امها او اختها
فاتن:ايه يافريده انتى نسيتى انك ليكى ام يابنتى
فريده:معلش ياماما
انا بروح الشغل وبرجع هلكانه والله
فاتن:بقولك ايه انا حسافر فرنسا لاختك
فريده:اشمعنى يعنى
فيروز :اختك حامل يافريده
فريده :ايه ده معقوله طب حكلمها ابارك لها
فاتن:هى وجوزها عاوزينى اروح عندهم شويه
فريده:روحى ياماما غيري جو ومتخافيش علية
انا معايا بنتى
واهل ماجد مش سايبنى
تغلق فاتن مع ابنتها
وتحدث نفسها:انا مش خايفه عليكى يافريده
انا خايفه على اللى حواليكى منك
ربنا يستر منك يافريده يابنتى
ويبعد عنك شيطانك يارب
❤️❤️❤️❤️❤️❤️❤️♥️
فى الصباح
حور:صباح الخير يا قلبي
يوسف:صباح النور على البنور
حور:حبيبي انا حروح النهارده اطمن على ماما وبابا وحشونى اوى
يوسف:تمام ياحبيبتى بس متتاخريش
حور:لا انا حروح واجى على طول
يوسف:خلاص ايه رايك اخلص شغل واعدى عليكى اخدك
حور:ياريت ياحبيبي انت وحشتهم اوى
يوسف:انتى عندك جامعه
حور:ايوة
يوسف:طب ايه رايك تبجى اوديكى على طريقى
حور:وهى تتعلق فى رقبته:ياريت يايوسف
يوسف :يالهوى اموت انا فى كده
ينزل يوسف وحور
يوسف:صباح الفل على العصافير بتوعنا
الحاجه:يسعد صباحك ياحبيبي
يوسف :الجميل ماله مكشر ليه
الحاجه:ابدا يا حبببى بس من ساعة ماالمدارس بدات ورهف بجت تروح المدرسه وماعادتش تيجى وانا اتعودت عليها
البيت وحش من غيرها
اصل البيت اللى مفيهوش ولاد ملوش طعم يابنى
وفجاة تشعر بحزن حور وترى الدموع فى عينيها
فتقوم من مكانها :انا اسفه والله يابتى
مجصدش ياحبة عينى
ربنا حيعوض عليكم ان شاء الله
حور:يارب ياماما
ياخذ يوسف حور وبذهبان
يوسف:حقك علية ياحبيبتى متزعليش
حور:خلاص ياحبيبي مفيش حاجه انا مش زعلانه
يوسف:وهويقبل يديها اموت انا فى قلبك الكبير ده
♥️♥️♥️♥️♥️♥️♥️♥️♥️♥️♥️♥️
يدخل يوسف الشركة فيستمع الى الموظفين وهم يتحدثون
_بص انا حكلمها النهارده ماهو مش معقول الجمال ده كله
_وانت ايه عرفك انها ممكن توافق عليك
_ومتوافقش ليه يعنى دى ارمله ومعاها بنت
_ايوة بس زى القمر دى لما بتدخل الشركه الكل بيبقى حيموت عليها يابنى حتاخدك على ايه يعنى
انت عارف بقى مين اللى المفروض يتجوزها
_مين يافالح
_يوسف
_ايه الكلام ده انتى ناسي انه متجوز
_ياسلام مانت كمان متجوز وحتموت عليها
عالاقل هو معهوش ولاد
وبصراحه بقى هو اولى بيها من الغريب
كفاية انه ميخليش البنت الصغيرة تتربى فى حضن راجل غريب
_بقولك ايه يازفت انت هو انا بقولك عاوز اتجوزها عشان تحرق دمى
انا غلطان انى بكلمك انا النهارده حتكلم معاها
_ومراتك بافالح حتعمل معاها ايه
_فكك منها تعمل اللى تعمله انا عاوز امتع نفسي
يستمع يوسف الى هذا الحوار هو يعلم ان المقصوده فى الحوار فريده
يدخل مكتبه ويسال نفسه
ايه اللى كان بيقوله محمد ده
ازاى يفكر انى ممكن فريده
مجنون ده والا ايه
وفجاة تدخل فريده
يوسف وهو ينهرها بشده:فى ايه يافريده ازاى تدخلى كده مش معنى اننا قرايب ده يديكى الحق انك تدخلى من غير استئذان
فريده وهى تبكى:انا والله خبطت اكتر من مرة
انا عمرى ماادخل من غير مااستئذن
انا عارفه حدودى كويس يايوسف بيه
وعارفه انى مجرد موظفه عندك
وعالعموم حضرتك متضايقش نفسك انا حسيب لحضرتك الشركه كلها وامشي
تخرج فريده من مكتبه وهى تبكى
يوسف وهو ينهر نفسه:انت ليه عملت معاها كده
هى ذنبها ايه
فيقوم من مكتبه ويتجه ناحية مكتبها
ويدخل المكتب
فيجدها تبكى وتقوم بلم كل اشياءها من على المكتب
يوسف:فريده انا اسف والله مقصدش
حقك علية
فريده:خلاص يابشنهندس متضايقش نفسك
انا اصلا اللى غلطانه ازاى تخيلت انك ممكن تتعامل معايا عادى نسيت انى مجرد موظفه عندك
بتاخد مرتبها كل شهر عشان تصرف على بنتها اللى اتيتمت بدرى
دى حتى ياحبيبتى مموته نفسها من العياط عشان نقلتها من مدرستها
يوسف:وانتى نقلتيها من مدرستها ليه يافريده
فريده:انت ناسي انها كانت فى مدرسه إنترناشيونال
وماجد الله يرحمه كان بيتصرف ويدفع المصاريف
دلوقتى مين حيدفعلها المصاريف دى بقت يتيمه خلاص
نقلتها مدرسه تناسب مرتبي
يوسف :وهو يمسكها من ذراعها:متقوليش عليها يتيمه ادامى متقوليش الكلمه دى تانى انتى فاهمه
رهف حترجع مدرستها
والمصاريف حتدفع
فريده بتمثيل:لا معلش يايوسف كل واحد اولى بماله وانت تصرف عليها ليه هو انت ابوها عشان تصرف عليها
وتظل تبكى وتقول انت فين ياماجد رحت فين وسيبتنا نتبهدل من بعدك ياحبيبي ياماجد
كانت تتفنن فى اظهار الحزن والبكاء الشديد
فبدون وعى من يوسف يضع راسها على صدره ليطمئنها
وفى هذه اللحظه يدخل زميلها الذى يريد الارتباط بها
ويرى فريده وهى على صدره فيصدم
فريده:ترسم الخوف على وجهها
يوسف ايضا تضايق بشده عندما راهم الموظف
يوسف :احمد على فكرة انت فهمت الموضوع غلط
يخرج احمد بدون اى كلمه وهو مصدوم
بينما يوسف يضع راسه بين يديه ولا يعلم ماذا يفعل
فريده :يالهوى انا اتفضحت فى الشركه حيقولوا ايه علية دلوقتى وسمعتى وسمعة ماجد حتبقى فى الارض
ياحبيبي ياماجد ياريتنى كنت مت قبل ماحد يتكلم على شرفك
وبنتى حبيبتى الناس حتقول ايه على امها
وهى من غير اب يصونها ويحميها
يوسف:متخافيش يافريده محدش يقدر يجيب سيرتك بكلمه
فريده:لو مااتكلموش قدامنا حيتكلموا من ورانا وزمان احمد دلوقتى قال للشركه كلها
يافضيحتى اعمل ايه دلوقتى وبنتى اعمل ايه معاها
يوسف :فريده ارجوكى قلتلك متقوليش على رهف كده
متقوليش يتيمه وملهاش اب تانى قدامى
فريده:ليه يا يوسف مش هى دى الحقيقه
ايه علاقتك برهف غير ان ابوها وصاك عليها قبل مايموت وبكرة لما تخلف حتنساها
ياحبيبي ياماجد ياللى اتبهدلنا من بعدك
يوسف وهو يتخذ اصعب قرار فى حياته لم يتخيل يوما انه سيفعله فى بوم من الايام
انا حبقى ابو رهف يافريده
فريده:وايه المناسبه يايوسف
يوسف:المناسبه انى حتجوزك يافريده
💖💖💖💖💖💖💖💖💖💖💖💖
تعود فريده الى منزلها وهى فى قمة السعاده
فاخيرا تحقق لها كل ماارادت وماحلمت به
يااااه انا مش مصدقه معقوله الظروف كلها تخدمنى كده
انا لو كنت مخطططه مكنش حتكون النتيجه كده
ياااه ادفع نص عمرى واشوف وشك ياحور ويويف بيبلغك انه حيتجوزنى
💖💖💖💖💖💖💖💖💖
يذهب يوسف لمنزل اهل حور كماوعدها
فيرحب به والدها ووالدتها
يجلس يوسف معهم وهو فى عالم اخر
ينظر الى حور ويسال نفسه:كيف ساخبرها بهذا القرار
كيف ستتقبل وجود امراة اخرى فى حياة زوجها حبيبها
عشقها الاول
يالله اعنى على هذاالامر
حور:مالك ياحبيبي فى حاجه مضايقاك
يوسف:لا ابدا سلامتك يا حور
حور:طب ايه عاوزنا نروح
يوسف:ياريت ياحور عندى صداع
حرو:خلاص ياحبيبى ياللا بينا
يعود يوسف وحور الى المنزل
يوسف:حور انا بحبك اوى بعشقك
حور:انا بحبك اكتر
يوسف يحتضنها بشده ويقبلها وكانها قبلة الوداع
ثم ياخذها فى عالمهم الخاص
ياتى الصباح ويذهب يوسف الى الشركه فيجد نظرات من الموظفين ويفهم من عيونهم ان احمد قدنشر فى الشركه ماسمعه
يوسف يدخل المكتب وهو فى حالة غضب شديده
ويحدث نفسه
فريده كان عندها حق احمد بلغ الشركه كلها
حعمل ايه دلوقت الحمد لله انى قلتلها متجيش الشركه احد مااشوف حعمل ايه
ينتهى اليوم ويعود يوسف الى المنزل
فيجد امه تشاهد التليفزيون وهى تبكى
يوسف:مالك ياحبيبتى
الحاجه ابتسام :الدنيا بجت وحشه جوى يابنى مبجاش فيه امان
تصور واحد معدوم الضمير ربنا ينتجم منه اتجوز واحده وبعدا اجده لراجل معدوم الضمير يطمع فى بتها
وايه يايوسف دى عيلة صغيرة يابنى دى عندها عشر سنين
اغتصبها وضيع مستقبلها
حسبي الله ونعم الوكيل فيه
معرفش ليه يايوسف افتكرت رهف وخفت عليها يابنى
يوسف:خفتى عليها
الحاجه:ايوة يابنى فريده حلوة ولساتها صغيرو وحجها تتجوز
وخابفه يحصل لبتها حاجه اجده
ودى وصية الغالى والله ده انى كت نموت فيها
بوسف بينه وبين نفسه:يبقى القرار اللى اخدته هو الصح
وفجاة يجد والده الحاج يونس يناديه بغصب شديد
يوسف تعالى انى عاوزك
فيتجه يوسف لوالده
الحاج يغلق الباب عليهما:جلى يابوسف الكلام اللى بلغنى ده صح يابنى
يوسف:كلام ايه يابابا
الحاج:صح انك كنت انت وفريده استغفر الله العظيم
وفى حد شافكم ونجل الخبر للشركه كلها
يوسف:ايه الكلام اللى حضرتك بتقوله ده يابابا
والله ماحصل حاجه
واخذ يوسف يشرح لوالده كل ماحدث
وقراره بالزواج من فريده
الحاج:انى مش عارف اجولك ايه يابنى
هو صحيح ده حيبحى عين العجل
بس حور يابنى دى بت الغالى
وانى محرضاش بااظلم ابدا ليها
يوسف:وانا عمرى ماحظلمها يابابا حور دى حب عمري
واستحاله اجى عليها
الحاج:وافرض مرضيتش يابنى حتعمل ايه عاد
يوسف:معرفش والله يابابا
انا كل خوفى على رهف مش حقدر اشوفها بتتربى فى حضن و احد غريب
لو على موضوع فريده فانا ممكن مخليهاش تيجى الشغل تانى
لكن قلقى على رهف هو اللى خلانى اخد القرار ده
دى وصية ابوها اللى ضحى بروحه عشان انا اعيش
يبقى لازم بنته تعيش وتفرح
الحاج:ربنا يعينك على ولدى على اللى جاى
♥️♥️♥️♥️♥️♥️♥️♥️♥️♥️♥️
حور فى غرفتها تهيئ نفسها لزوجها وحبيبها
بدخل يوسف :مساء الخير يا حبيبتى
ويقبلها من جبينها
حور:مساء الورد والياسمين على احلى واعز الناس
يوسف:بتحبينى اوى كده ياحور
حور:يااااه يايوسف انا مش بحبك انا بعشقك ياحبيبي
انا اول عينية مافتحت فتحت على حبك
انا كنت طول الوقت بدعى ربنا انك تكون من نصيبي
يوسف انت مش بس جوزى وحبيبي
انت ابويا وابنى واخويا وصاحبي وكل دنيتى الحلوة
انت لو تطلب عينيه حديهوملك وانا راضيه ياحبيبي
يوسف:حور انا عاوز اقولك على حاجه وياريت تفهمينى وتقدري موقفي
حور:خير ياحبيبي
يوسف:حور مش اللى ببحب حد بيضحى عشانه
حور:قصدك ايه يايوسف
يوسف:انا وانتى حنضحى ياحور
حزر وقلبها يكاد ان يتوقف من الخوف:حنضحى بايه يايوسف
يوسف:حنضحى عشان حد تانى يعيش
حور:مين اللى حيعيش لو ضحينا عشانه يايوسف
يوسف:رهف ياحور رهف
حور:رهف
الفصل الرابع والعشرون
فى غرفة يوسف وحور
حور فى حالة هياج شديد وبكاء لا يتوقف ودموع منهمرة كالشلال على خديها
جواز مين اللى حيتجوز مين
انت تتجوز فريده
انت بتهرج بتقول ايه
يوسف متلعبش باعصابي
انا ممكن اتشل
يوسف:حور حبيبتى ارجوكى افهمينى بس انا والله ماعايز اتجوز فريده عشانها هى ده عشان رهف
حور:رهف مالها رهف هى مش اول واحده باباها يموت
يوسف:بس انتى عارفه ابوها مات ازاى
ابوها مات عشان انا اعيش
مات عشان انا اكون موجود دلوقتى
لو ابوها مكنش لحقنى كان زمانى انا اللى ميت دلوقتى
حور:لا يايوسف ماجد كان حيموت لان ده عمره
انقاذه ليك كان سبب مش اكتر
فمتتحججش بحاجه زى دى
و ده مش مبرر يخليك تتجوز امها
انت ممكن تخللى بالك عليها
وتصرف عليها كمان
لكن تتجوز امها ليه ليه فهمنى
يوسف:عشان فريده اكيد حتتجوز
حور:ماتتجوز احنا مالنا هى حرة
يوسف :ماهى لو اتجوزت حييجى واحد غريب يربي البنت وانا مش عاوز رهف تتربى فى حضن راجل غريب
حور:اه قلتلى بقى مش عاوز رهف تتربى فى حضن واحد غريب لكن تتربى فى حضنك يبقى كده تمام
وامها كمان تنام وتتربى فى حضنك بالمرة
وحضنك يساع من الحبايب الف
مش كده
قول يايوسف قول انها احلوت فى عينك قول
قول ان وجودها معاك فى الشركه
الشركه هى الشركه طبعا كل يوم رايحين جايين سوا وكلام مع بعض وياعالم كمان ايه اللى كان بيحصل من ورا ضهرى
وانا زى الهبله مديه الامان وعمرى ماشكيت لحظه واحده
فى انك ممكن عينك تشوف واحده غيري
ياللا روح اتجوزها يايوسف
وبالمرة تخلفلك وتجيبلك الطفل اللى نفسك فيه
واللى انا مش حعرف اجيبه
مش كده يابشمهندس مش كده ياحب عمرى
بس لاء يايوسف لاء انا بقى مش موافقه
ده لو كنت بتاخد رايي
مش موافقه ومش مسامحاك كمان يايوسف انك اديت لنفسك فرصه انك ممكن تفكر فى حاجه زى دى
يوسف:حرام عليكى ياحور انتى كده بتظلمينى
حور انا عمرى ماحبيت ولا ححب حد غيرك انتى حبيبتى ياحور
اقسملك بالله وحياة حبنا
حور:متحلفش بحبنا
حبنا ده انت نسيتوا ودست عليه برجليك
يوسف:لاء ياحور اوعى تقولي كده
حبنا ده هو النفس اللى عايش بيه
وانا والله عمرى مافكرت فى انى ممكن اتجوز اى حد فى الدنيا غيرك اواسمى يرتبط باسم اى حد غيرك
لولا الظروف هى اللى اجبرتنى على كده
وانا اوعدك ياحور ان جوازى من فريده مش حيكون اكتر من حبر على ورق
مجرد وجود شرعى ليها فى البيت هنا مش اكتر من كده
ورهف تتربى فى وسطنا
حور :بغضب شديد وعيون شديدة الحمار:لاء يايوسف لاء
فاهم بقولك لاء مش حيحصل
جوازك من فريده على جثتى انه يحصل
يوسف:ولو قلتلك ان ده قرار ياحور
حور:يبقى تطلقنى يايوسف
وروحوا اشبعوا ببعض
يوسف وهو يهزها من ذراعها:اطلقك انتى اتجننتى بتقولى ايه
ازاى قلبك طاوعك تنطقى كلمه زى دى
حور:زى ماقلبك طاوعك تقول انك عاوز تتجوز علية
يوسف:حور ارجوكى افهمينى انا عارف ان دى تضحيه
تمنها غالى وغالى اوى كمان
حور:تمنها غالى وغالى كمان
لا يااستاذ التضحيه دى رخيصه التضحيه دى من غير تمن اصلا
انا حاخد ايه من التضحيه دى ها قول
عايد علية ايه مستفيده ايه من التضحيه دى انا واحده جوزها حيتاخد منها
حتيجى واحده تانيه تشاركها فى حضنه
واوعى تقوللى جواز على ورق وكلام فارغ من ده
انا مش هبله ولا مختومه على قفايا
على اساس انى معرفش فريده كويس
طب انت وعايش فى دور الظالم اللى بسببه مات واحد تانى
وعاوز تضحى بحبك ومراتك عشان خاطر تربي بنته
لكن انا اضحى ليه ليه
د
انا لاموت حد ولاعمرى اذيت حد
عرفت ان تضحيتى من غير تمن يايوسف
يعنى اضحى بجوزى واسلمه بايدى لواحده تانيه
وتقوللى لازم نضحى
قوللى اقنعنى انا لما اضحى بيك يايوسف ايه المقابل اللى حاخده عشان تبقى تضحيتى بتمنها
ووقتها يبقى مليش عين اتكلم
انا مش حاخد غير القهروالظلم
انا تضحيتى ببلاش يابشمهندس
تضحيتى تضحيه من غير تمن
يوسف انا قلت اللى عندى ومفيش قوة فى الارض حتخلينى اغير كلامى
وانت دلوقتى اللى فى ايدك القرار
😒😒😒😒😒😒😒😒😒😒😒😒😒😒
يمر الليل وحور ويوسف مستيقظان طول الليل
ولكنها لايتحدثان كل منهم غارقا فى تفكيره
كل منهم يحدث نفسه
حور:ياااااااه يايوسف معقول اللى بيحصل ده
انا اكيد بحلم لاء ده مش حلم ده كابوس
فريده عاوز تتجوز علية فريده يايوسف
هنت عليك تعمل فية كده
يوسف لنفسه:والله غصب عنى ياحور
انا عمرى ماافكرت ولا خطر على بالى انى ممكن اتجوز حد غيرك ياعمرى
انا عارف انك مقهورة منى
بس غصب عنى والله
انتى مشوفتيش ماجد وهو بيوصينى على بنته
رهف دى امانة ماجد
ماجد اللى لولاه كان زمانه دلوقتى هو اللى بيربي بنته
وانا اللى كان زمانى ميت
يارب حلها من عندك انت يارب
😢😢😢😢😢😢😢😢😢😢😢
تغفل عين يوسف بعد تفكير طويل ويستيقظ من نومه
فلا يجد حورفى الغرفه
يبحث عنها فى المنزل فلا يجدها
يتصل عليها فلا ترد عليه
يجرى على امه وابيه
يطرق عليهم الباب بشده
الحاج:فى ايه يايوسف يابنى حصل ايه
يوسف:حور مشت يابابا سابت البيت ومشت
الحاجه ابتسام:حور سابت البيت ليه يابنى
يجلس يوسف معهم ويحكى لهم كل ماحدث بينه وبين حور
الحاجه:ياجلب امك ياحبيبتى
ياجهرتك يابتى
ماهى لازم تعمل كده يايوسف
اى واحده مكانها حتعمل كده
انت كنت فاكرها حتوافج بالبساطه دى
الست الموت عنديها اهون من ان جوزها يتجوز عليها
وانت ياحاج ساكت ومبتنطجش ليه
الحاج يونس:انى حاخد يوسف ونروح ليها
واللى ربنا كاتبه هو اللى حيكون
😔😔😔😔😔😔😔😔😔😔😔
فى منزل اهل حور
ماجده وهى تخبط على صدرها :يالهوى
انا كان قلبي حاسس فريده دى طول عمرها مش ساهله
وانا قلتلك يابنتى قلبي مش مطمن من حكاية انها بتروح معاه كل يوم الشركه دى
فضلتى تقوليلي انك واثقه فى يوسف وعمر عينه ماحتشوف واحده غيرك
اديها حتاخده منك اهوه
صدقتينى بقى
اللواء بدر:كفايه بقى ياماجده حرام عليكى
كفايه عليها اللى هيا فيه
بصي ياحور انتى كرامتك عندى بالدنيا كلها
ولو عايزة تطلقى منه اطلقك
حور:اطلق من يوسف
ابوها:انا حعنمك اللى يريح قلبك ياحبيبتى
انا معنديش غيرك يانور عينى
انا مطلعتش من الدنيا دى غير بيكى
واللى انتى عاوزاه انا حعملهولك
ماجده:ايوة طبعا تطلق
ايه اللى يخليها تستحمل حاجه زى دى
وخليه يروح يشبع بالست فريده
بقى كده يايوسف انت تعمل فى بنتى كده
بنتى اللى كنت حتموت لو اتجوزت حد غيري
وقامت ومسكت التليفون لتتصل على صديقتها فاتن
فاتن:ازيك ياماجده عامله ايه ياحبيبتى
ماجده:شفتى اللى بنتك عاوزة تعمله يافاتن
فاتن:بنتى فى ايه ياماجده فهمينى
ماجده:فى ان الست فريده هانم لفت على يوسف وعاوزه تخطفه من مراته
وعاوزة تتجوزه وتخرب بيته يرضيكى كده ياماجده
ماجده:ايه الكلام ده لاء طبعا هى فريده اتجننت واللا ايه
انا مش ممكن اخللى حاجه زىدى تحصل
وتغلق معها الهاتف لتتصل على فريده
فريده بنعاس:صباح الخير ياماما
فاتن:صباح الزفت على دماغك
ايه اللى هببتيه ده معقوله عاوزه تخطفى الراجل من بيته يافريده
انتى ناويه على ايه بافريده
فريده وهى تمثل البكاء:والله ماعملت حاجه ياماما
انا مش وحشه كده
حصرتك اللى علطول ظلمانى
يوسف هو اللى طلب يتجوزنى
عشان مش عاوز حد يربى رهف غيره
وانا لوحدى ياماما انتى وفيروز سايبينى هنا لوحدى
والكل طمعان فية
انا بنام وانا خايفه ان يحصلى حاجه وانا نايمه وبنتى تبقى لوحده متعرفش تتصرف
واللا انا كمان اموت وبنتى تبقى يتيمة الاب والام
انا ماكفرتش انا حتجوز على سنة الله ورسوله
حتجوز واحد يصونى ويخللى باله على بنتى
بلاش تبقى قاسيه علية كده ياماما
فاتن:وملقيتيش غير يوسف
فريده:يوسف هو اللى عرض علية الجواز
وانا مش حلاقى حد احسن منه يربي البنت
فاتن:لا تعرف بما ترد عليها فبرغم انها دائما تكره تصرفاتها وافعالها
ولكنها فى الاول والاخر ابنتها
وهى تعلم بان ابنتها تحتاج سند لها ولابنتها
فاتن:وحور ذنبها ايه
فريده:انا مليش دعوى بحور ياماما
هى فى حالها وانا فى حالى
انا عاوزه اب لبنتى بس ياماما
😒😒😒😒😒😒😒😒😒
فى منزل اهل حور
اللواء بدر:اهلا ياحاج يونس اتفضل
ثم ينظر الى يوسف ولا يسلم عليه
ويدخل مباشرة
الحاج يونس:بعد اذنك يابدر ياواد عمى
انا جاى وعاوز اتكلم معاكم كلمتين
والكلمه الاولى والاخيرة لحور واللا ايه رايكم
ماجده :حضرتك على راسنا ياحاج اتفضل حضرتك
كانت حور جالسه وهى منهارة
ولكنها حقا تحترم الحاج يونس وتحبه كابيها تماما
اتفضل يابابا الحاج انا سمعاك
الحاج يونس:انى حتكلم ومعيزش حد يجاطعنى اسمعونى زين وبعد كده اسمع اللى عاوزين تجولوه
ويبدا الحاج الكلام ويقول
ماجد الله يرحمه ابوه مات جبل مايشوفه واتولد ماجد يتيم الاب
وبعد فترة جصيرة امه تعبت جوى وماتت هى كمان
وبجى ماجد يتيم الاب والام ونى اللى ربيته لان اهل ابوه كانوا على جد حالهم وانى كمان ماطاوعنيش ان واد اختى بتربى بعيد عنى
وربنا العالم انى عمري ما فرجت بينه وبين يوسف ولدى
ربيته وكبرته وعلمته لحد مابجى بشمهندس جد الدنيا
طول عمره كان اخ ليوسف هو اللى كان بيذاكر معاه
وهو اللى شجعه يدخل الهندسه وهو اللى وجف الشركه على رجليها وليه الفضل الاول والاخير فى ان الشركه تبجى من اكبر الشركات فى اسكندريه
وجه فى الاخر كمل جميله علية وعمل اللى محدش يعمله
ضحى بروحه عشان ابنى
مات عشان ابنى يعيش
لو مكنش ماجد طلع ابنى من النار كان زمان يوسف دلوجتى هو اللى ميت
احنا صحيح مؤمنين بالله وعارفين ان ده جدر ربنا
بس بردك لكل شيج سبب وربنا جعل ماجد سبب لنجاة يوسف ابنى اللى مخلفتش غيره
ودلوجتى بته اللى هى لحمنا ودمنا بجت يتيمه
وكلاتكم عارفين ان امها لساها حلوة وصغيرة
والف مين يطمع فيها
ولو جالت ياجواز محدش حيجدر يحرمها من شرع ربنا
لكن انى جلبي محيطاوعنيش انى اشوف بت الغالى بتتربى عند واحد غريب
والدنيا دلوجتى مبجاش فيها امان
ويمكن يعمل حاجه فى البت
وساعتها حفضل ندمان العمر كله
يوسف مجالش انه عاوز يتجوزها
انى اللى طلبت منيه ينجوز فريده
وكل ده مش عشانها
لا ده عشان بت اللى ضحى بروحه
عايزه يكون مرتاح فى جبره
انى عارف ياحبيبة جلبي ان الموضوع ده صعب جوى
ونار تحرج اى ست فى الدنيا
بس لو جلتاك ان الجواز ده حيكون عشان خاطر اليتيمه دى
وان ميكونش جواز بالمعنى المعروف
هو حيكون معاكى انتى ياحبيبتى
نايم معاكى فى فرشتك انتى
واوعدك جدام الكل ان محيكونش فى ست فى حياة يوسف غيرك يابت الغالى
وفريده حتعيش معززة مكرمه مش اكتر من اجده
ويوم مايوسف ولدى ياجى عليكى او يخالف الكلام ده
وجتها انى اللى حجف له
محدش حيهدر حجك ولا حينزل من كرامتك
انتى كرامتك فوج الكل وعلى راسنا كلنا وحتفضلي انتى ست البيت
هاه يابتى جلتى ايه
ماجده:تنظر لابنتها وتنتظر ردها
يوسف ينظر لها وعيناه تترجاها ان يوافق
يقوم يوسف من مكانه
ويجلس امامها ارضا
ويقبل يديها
قولى ياحور انا مش حعمل غير اللى تقولي عليه ياحبيبتى
حور انا مش حبيعك ولا بكنوز الدنيا كلها
والله العظيم انا مبنامش
كل مااغمض عينيه اشوف منظر ماجد والنار ماسكه فيه
صوت صريخه والنار والعه فيه بيصحينى من عز النوم
شكله وهو بيامنى على بنته مببروحش من بالى لحظه
خايف ييجى حد يبهدل رهف
حقابله ازاى يوم القيامه حقولله ايه
انا فرطت فى امانتك
والله ياحور رهف هى السبب فى الجوازة دى
انامفيش ست فى الدنيا تملى عينى ولاتقدر تملك قلبي غيرك ياحور
انتى مش مراتى بس انتى كل دنيتى
يقوم الحاج يونس من مكانه وياخذها فى احضانه ويمسح على شعرها
اوعى تفكرى ان يوسف بس هو اللى ولدى لا ياحبيبتى انتى بتى اللى ياما اتمنيت انها تبجى مراة ابنى وبتى حبيبتى وام احفادى ان شاء الله
متخافيش ياحبة عينى واطمنى طول مانا عايش على وش الدنيا محدش يجدر يزعلك ولا ياجى عليكى مهما حصل
والواد ده يعلم ربنا انه مش بس ببحبك ده بيعشجك ياحور
ولولا البت اليتيمه دى عمره ماكان فكر فى حاجه زى دى
هاه ياحبيبة جلبي جلتى ايه
حور بعيون دامعه وقلب يحترق بنار لايطفيها اى كلام فى العالم :موافقه
😢😢😢😢😢😢😢😢😢😢😢😢😢😢
فيروز بصدمه:انتى بتقولى ايه يامام
فريده حتتجوز يوسف
يانهار اسود
وحور ازاى توافق لا مستحيل اصدق حاجه زى دى
دى حورروحها فى يوسف
هى فريده دى اتجننت واللا ايه
ازاى تعمل حاجه زى دى
فاتن:انتى عارفه اختك يافيروز طول عمرها محدش يقدر يمشي عيها كلمه
وهى اصلا طول عمرها عينها من يوسف
وجاتلها الفرصه
انا مش صعبان علية غير حور
وماجده امها الست عندها القلب خايفه يحصلها حاجه من القهرة على بنتها
اختك حتموتنى يافيروز بعمايلها السوده
بس انا مفيش فى ايدى حاجه اعملها
فيروز:ماما انا مش واجع قلبي غير حور
دى بتموت فى جوزها انا مش متخيله هى وافقت ازاى
ياحبيبتى ياحور
😒😒😒😒😒😒😒😒😒😒😒😒
تمر الايام وياتى ميعاد زواج فريده بيوسف
حور لاتتحدث الى يوسف الا قليلا
نعم هى وافقت على الزواج ولكنها مرغمه على تلك الموافقه
خاصة بعد حوار الحاج يونس معها
ولكنها حزينه على ارتباط اسم امراة غيرها باسم زوجها
يوسف :صباح الخير ياحبيبتى
حور:صباح النور يايوسف
مبروك ياعريس النهارده فرحك
يوسف:حور احنا حنتكلم تانى مش اتفقنا مش حنجيب سيرة الموضوع ده تانى
وانتى وافقتى
وانتى بنفسك اللى وافقتى على الجواز
الله يخليكى ياحور متصعبيهاش علية اكتر من كده
حور ببكااء:يوسف انا عاوزة اروح لماما
يوسف :حبيبتى انا حكتب الكتاب لكن مش حنام فى حضن واحده غيرك
حور:ماشي يايوسف بس انا بردو مش حقدر اشوفك داخل بيها البيت
سيبنى على راحتى الله يخليك
وانا حبقى ارجع بالليل
يوسف:اللى تشوفيه ياحور
😢😢😢😢😢😢😢😢😢😢😢😢😢
فى منزل اهل حور
حورو هى تبكى فى حضن امها
ماجده:اهدى ياحبيبتى مش كده
مش انتى اللى وافقتى ياحبيبتى
لو كنت رفضتى محدش كان حيقدر يلوم عليكى
وابوكى كان حيطلقك لو اصر على انه يتجوزها
فيروز:غصب عنى ياماما مش قادرة
نار نار ياماما بتنهش فية
حاسه انى حموت حسه ان روحى بتتسحب منى
انا وافقت بعد الكلام اللى قاله الحاج
مكنش ينفع اقول لاء
وهو بيقوللى ان ماجد مات عشان جوزك يعيش
بس انا مش قادرة ياماما
حسه ان عقلى حينفجر
انتى عارفه ياماما انا لما عرفت انى عشان احمل حيكون فى صعوبه
خفت من رد فعل يوسف
بس مشكتش لحظه واحده انه ممكن يسيبنى او يتخللى عنى لانى متاكده من حبه ليه
لكن دلوقتى هو حيتجوز ياماما
فى واحده حتشاركنى فيه
حتى لو مكنتش حتشاركنى فى اوضة النوم
كفايه انها بقت اسمها على اسمه
ادعيلى ياامى ادعيلى نارى تهدى واقدر استحمل
يارب يارب هون علية النار اللى جوايا يارب
😢😢😢😢😢😢😢😢😢😢😢😢😢
فى فرنسا
كنان:فيروز انتى مرديتيش علية فى موضوع سهى وعاصم
فيروز:معلش ياكنان مفيش نصيب
كنان:ليه بس بافيروزده عاصم كل يوم يسالني
فيروز:خلاص بقى ياعاصم كل شئ نصيب
وانت رد عليه وقولله انها مش موافقه
كنان:فيروز هو فى حاجه انتى مخبياها علية
فيروز:وانا حخبي ايه يعنى ياحبيبي
كنان:مش مرتاحلك ياقلب كنان
ده انتى كنتى حتموتى عشان الموضوع يمشي
دلوقتى كبرتى دماغك والله انتى فى حاجه ومش عاوزانى اعرفها
فيروز:كنان الله يخليك قفل على الموضوع ده
ولو عاصم حيموت عليها بجد
خليه يكلمنى انا
كنان وهو يقرصها من خدها:قلنا فى حاجه قلتوا اطلعوا من البلد هههههه
المهم قوليلي بقى عامله ايه يابطتتى
فيروز:انا فعلا بقيت بطه وتخنت اوى ياكنان
كل شويه اكل
شكلى كده على مااولد حبقى شبه الفيل
كنان:فيل فيل على قلبي زى العسل
بقولك انا حقول لعاصم يكلمك وحخرج نفسي من الليلة دى
فيروز:ماشي
بعد قليل يتصل عاصم على فيروز
فيروز:اهلا ياعاصم
عاصم:ازيك يامدام فيروز الباشا قاللى اكلمك
فيروز:معلش والله ياعاصم سهى موافقتش
عاصم:عشان الولاد مش كده
فيروز:لا والله دى حتى سهى حنينه اوى
عاصم:طب ليه رفضتنى
يهى:معرفش هى ليها اسبابها الخاصه
عاصم :طب ممكن تسمحيلى اقعد معاها
فيروز:طيب ياعاصم حقوللها وارد عليك
تذهب فيروز لتخبر يهى فتجدها تطعم الصغار وتتحدث الى امهاويضحكون سويا
سهى حبيبتى عاوزاكى بعد اذنك يا ماما
سهى:خير ياابله فيروز
فيروز:عاصم عاوز يتكلم معاكى
سهى:يتكلم معايا فى ايه يالهوى هو حضرتك قولتيله حاجه
فيروز:انتى هبله لاء طبعا
بقولك ايه ياسهى ماتقوليله الحقيقه بمكن يسامحك وتبداى صفحه جديده فى حياتك
سهى :مفيش راجل يقبل على كرامته يتجوز واحده كانت كل بوم فى حضن واحد
عشان خاطرى ياابله فيروز انا مبسوطه اوى كده وراضيه بحالى
والحمد لله صحتى بقت كويسه وبقيت بثلى وعايشه ويطكم انا مش طمعانه فى اكتر من كده
فيروز:طب حاولى عشان خاطرى
سهى :حاضر مع انى عارفه انه مش حيوافق
تتصل فيروز على عاصم
عاصم بلهفه:ايوه حضرتك معاكى
فيروز:بص ياعاصم سهى وافقت تقعد تتكلم معاك
بس لية طلب عندك
عاصم:اؤمرى حضرتك
فيروز:اى كلمه تقولها لك سهى تبقى سر بينكم ومفيش مخلوق يعرفها حتى كنان
😒😒😒😒😒😒😒😒😒😒😒😒
ياتى موعد كتب كتاب فريده ويوسف
كانت فريده ترتدى فستان سواريه شيك جدا
وتم كتب الكتاب فى حضور الحاج والحاجة
واصدقاؤه المقربين فى الشركه
ثم يصطحبها يوسف الى الفيلا
يوسف:فريده دى اوضتك انتى ورهف محتاجه حاجه
فريده:لاء شكرا يايوسف
فيخرج يوسف متجها الى غرفة حور التى كانت مازلت فى بيت امها
فريده تحدث نفسها:بقى كده يايوسف
تسيبنى عشان تجرى على حضن الهانم
ماشي يايوسف اما خليتك تجينى راكع مبقاش فريده
الصبر حلو وبكرة نشوف مين اللى حيضحك فى الاخر