رواية تضحيه بلا ثمن الفصل السابع عشر17 والثامن عشر18 بقلم عبير سليم
قد يجمع الله الشتيتين بعدما
يظنان كل الظن الاتلاقيا
ياالله كم انت رحيم بعبادك ايعقل بعد كل هذه السنوات ان نلتقى
ايعقل ان ينصفنا القدر ويعدل من حكمه علينا بالفراق
عيناى لاتقوى على تصديق ماترى
قلبي لايقوى على ايقاف سرعة دقاته من الفرح بلقياه
مهلا ياقلب لاتتسرع بالتصديق لاتتسرع بالفرح قبل ان نتيقن اهو حقا حقيقه امامنا ام هذا من فعل العقل الباطن مجرد احلام نسجها وظنها حقيقه من فرط مافكر فيه
من هذا الذى تراه عينى اهو الشخص الذى لم اشعر بالامان فى حياتى مع حدا سواه
ام هو حلم مجرد حلم وسافيق منه حالا
مهلا ياعقل كيف لك ان تصدق بوجوده وانت من تخليت عنه
بحجة انه لم يعترف بالحب واصريت علي ان ابتعد عنه
لا ارجوك ان كنت حلما فلتجعلنى استيقظ الان قبل ان اصاب بالجنون
لا ياحبيبتى اجل حبيبتى ولن اخبئ هذه الكلمه فى قلبي بعد اليوم
فكفى بعادا كفى عذابا لن اتوقف عن النطق هذه الكلمه ابدا حبيبتى
التى لم تستطع اى امراة فى الكون ان تحظى بها غيرك
انا لست حلما وانما واقعا امامك
جئتك من بعيد حتى احظى برؤيتك حتى وان كنتى لاترغبين فى رؤيتى
ولكى كل الحق فى ذلك فانا الذى لم استطع ان احافظ عليكى
انا الذى لم استطع ان ابوح لكى بحبي
كنتى تعلمين انى احبك بل اعشقك
اعلم انكى كنتى تنتظرين منى كلمه وانا الذى خذلتلك
فلتصفحى عنى فخوفى عليكى كانت هى الدافع الحقيقي وراء كتمان حبى لكى قى قلبي
خفت ان اجعلك سجينه بجوار شخص عاجز لا يستطيع
هشششش اصمت لا تتحدث
ماهذا الهراء الذى تنطق به
ماهذا الذى تقوله
ماالذى يجعلك تعتذر لى انت لم تفعل شيئا انت لم تقدم على شئ يجعلك تقدم لى الاعتذارات
بل انا المذنبه فى حقك انا من يجب علي انا اطلب منك ان تسامحنى وتصفح عنى
انا من تخليت عنك وانا اعلم تمام اليقين بمدى حبك وعشقك لى
فلتسامحنى فلتغفر لى
وكفى مافعله القدر بي
لقد اخذ بثارك منى وجعنى ريشه تتقاذفها الرياح فى ايدي من لايعرفون الحب
لا باحبيبتى يامن تملكتى الفؤاد
يامن تسكنين القلب
يامن استطعتى احتلال قلبي
من غيرك تملكنى من سواكى احتل مشاعري وكنت اسير هواها
لحظات سكون تام بينهما
وكانهما فى عالم خال من البشر
ليس سواهم موجود
لايشعرون بوجود احد غيرهم
الالسنه لم تتحدث بعد
فقط القلوب هى التى تتحدث
هى التى تصرخ من اللهفه وشدة الاشتياق
هى التى تئن من وجع ومرارة البعد والغياب
تمتد الايادى لتلمس بعضها البعض
لتتاكد وتتيقن انها حقيقه وليست حلما جميلا
يكاد القلب ان يتوقف من سرعة دقاته
لايستطيع كلاهما تصديق مايحدث
ولكن حمدا لله ان يكون كل ذلك حقيقه
كنان وهو يمد يده لفيروز بل يريد ان يلتقطها فى احضانه
ليمسد على راسها حتى تطمئن وتشعر بالامان
ازيك يافيروز
ازيك ياكنان انا مش مصدقه عينيه انى شايفاك قدامى واقف على رجلك
ربنا كريم يافيروز والحمد لله زى مانتى شايفانى بقيت اقدر امشى على رجلى
فيروز:الحمد لله
وهنا يتدخل يوسف فى الكلام
واضح انكم طلعتم تعرفوا بعض
كنان:ياااه نعرف بعض بس فيروز دى عشرة السنين
احلى ايام العمر
فيروز دى الجدعنه والحنيه وطيبة القلب
حد كده مفيش زيه فى الدنيادى
فيروز:مش اكتر منك ياكنان
كنان ده يايوسف اجدع صاحب ممكن تقابله فى حياتك
كنان مكتش مجرد صديق لية ده كان سندى فى الدنيا
واللى من بعده انكسرت اوى
شعر ماجد بنغزة قى قلبه وكان فيروز تقصده هو بانه هو الذى كسرها
كنان :لا والله يابشمهندس يوسف فيروز دى بتبالغ
ده مفيش حد ساعدنى لما عملت الحادثه ووقف جمبي غيرها
انت عارف هى اللى كانت بتشرحلى كل المحاضرات وعمرها ما زهقت منى ابدا
فيروز:بس اخدت المقابل انت عارف يايوسف مامته طنط حياة هى للى علمتنى ازاى اطبخ اصلي كنت كل مااروح عندهم اخلص عالاكل كله اكلها كان خلو اوى وهى اللى علمتنى كل حاجه قلتلها ياتعلمينى ياحخلص على اكلكم كله
فيضحك الجميع على كلام فيروز
الا ماجد هو الذى كان يشعر بالحزن على نفسه
وعلى الحال الذى هو فيه الان
يوسف:طب اتفضلوا ياجماعه واقفين كده ليه
يجلس الجميع لتوقيع العقود بين الشركتين
يوسف كانت لاتسعه الفرحه وهو يجد شركته تحصل على هذه الصفقه
بينما فرحة كنان بملاقاة فيروز لاتقدر عنده بثمن
يوسف:احنا اتشرفنا بمعرفتك ياكنان بيه
كنان:الشرف لية
انا حستئذن دلوقتى ونكمل باقى الاجراءات يوم تانى ان شاء الله
وقبل ان ينصرف يطلب من فيروز ان توافق على ان يجلس معها فى احدى الاماكن العامه فتستئذن فيروز من يوسف الذى يسمح لها بالذهاب معه
يخرج كنان بصحبة فيروز ليتحدثان💞💞💞💞💞💞💞💞💞💞
يدخل ماجد الى مكتبه
ويجلس حزينا وهو يتذكر بعض مواقفه مع فيروز
ماجد بغضب:فيروز هو انتى مفيش على لسانك غيركنان كنان انا زهقت من السيرة دى من فضلك بقى مش عايز اسمع سيرته تانى
فيروز:ليه بس ياماجد هى سيرة كنان مضايقاك فى ايه
انا بحكيلك على مواقفه معايا
هو انا قلت حاجه غلط
فيقوم ماجد وهو غاضب:خلاص يبقى خليكى قاعده تفتكرى مواقفه الجميله دى مع نفسك
ويتركها ويمشي وهو غاضب بشده
وهنا تدرك فيروز انه يغير عليها
فتفرح بشده لانها حقا اصبحت عاشقه لها
وكنها لم تنس بعد مواقف بينها وبين كنان الذى ظل لسنوات عديده الصديق الحقيقي بكل ماتحمله الكلمه من معانى
فتتصل به وتعتذر اليه
وتقرر الا تذكر سيرة كنان مرة اخرى امامه
حرصا على مشاعره
يفيق ماجد من ذكرياته
كان عندك حق يافيروز تفتكريه دايما
واضح من نظراته ليكى وكلامه عليوهو فى حد ميعرفش كنانكى انه ببحبك جدا
وانتى استحملتى كتير يافيروز وشفتى كتير ياحبيبتي
ربنا يفرح قلبك
ويعوضك خير عن كل الظلم اللى شوفتيه فى حياتك
🌷🌷🌷🌷🌷🌷
فريده:يااااااه معقوله كنان رجع
ماجد:وايه المشكله
فريده:اصله كان مشلول
ماجد:ايوة وعمل عمليه وخف
فريده:بس ازاى بقى صاحب شركه معقوله دى
ماجد :ليه هو كان فقير
فريده:لا طبعا بس يعنى مش لدرجة شركه
يابت المحظوظه يافيروز بايضالك فى القفص
دلوقتى كنان يتجوزها ويلففها العالم كله
ماجد:فيروز تستاهل كل خير يا فريده
وجايز يكون ربنا عاوز يفرح قلبها ويعوضها خير
فريده انا مضطر اقفل معاكى دلوقتى انا عندى شغل
فريده لنفسها
ده ايه الحظ ده
يعنى حور تتجوز يوسف
وفيروز حترجع لكنان
كنان اللى كان مرمى على كرسي بعجل
بقى صاحب شركات
سبحان الله
وبكرة يتجوزوا ويعيشها فى هنا
ومش بعيد كمان ياخدها معاه وهو مسافر
وانا فريده اللى مفيش حد فى جمالى
اتجوز واحد بيمد ايده كل شهر عشان ياخد مرتبه
لا انا مش حسكت اكتر من كده
ماجد ده لو مكنش يتنحرر كده
ويبقى بنى ادم عدل
حيشوف معايا ايام سوده
اه ماهو مش معقول بقى الكل يعيش فى اعلى المستويات وانا اللى مرميه فى حتة شقه
💞💞💞💞💞💞💞💞💞💞💞💞💞💞💞
فى احد الاماكن على شاطئ البحر يجلسان سويا
لوحدهما لا احد بجانبهم
ليس امامهم سوى البحر
وليس فوقهم سوى السماء
وليس وراءهم سوى ذكريات
فيروز:ايه ياكنان حتفضل ساكت كده كتير
كنان:عاوز اشبع منك الاول يافيروز
انا مش قادر اصدق انك قاعده ادامى دلوقتى
وانى شايفك قصاد عينى
يااااه الف حمد وشكر ليك يارب
طول عمرك جميله
والحجاب نور وشك اكتر واكتر
فيروز:انت عارف ياكنان اول كرة لبست فيها الحجاب كان يوم فرح يوسف
يومها وانا داخله القاعه اتمنيت من قلبي انك تكون موجود وتشوفنى وانا لابسه الحجاب واعرف رايك ايه
كنان: رايي انك اجمل بنت شافتها عينيه
انا فرحان اوى يافيروز انى شفتك
فيروز:فرحتك انك شفتنى مش اكتر من فرحتى بيك ياكنان
كنان انت متعرفش انا حصلي ايه فى بعدك عنى
انا تعبت اوى من غيرك ياكنان
وتنزل دموعها رغما عنها
كنان:وهو يمد يديه ليمسح دموعها
مش عاوز اشوف العيون الحلوة دى بتدمع تانى
العيون دى لازم تضحك وتفرح وبس
انا اسف يافيروز انى فرطت فيكى زمان
فيروز:متعتذرش ياكنان
خلاص بقى
بس قللى صحيح انت عملت العمليه امتى
وعملت ايه فى السنين اللى فاتت
وطنط حياة اخبارها ايه
كنان هو انت اتجوزت
كنان:ايوة اتجوزت يافيروز
وعندى فيروز وعز
فيروز:انت سميت بنتك فيروز
كنان:مامتها الله يرحمها هى اللى سمتها
فيروز:هى مراتك ماتت ياكنان
كنان:ايوة ماتت من اكتر من سنه الله يىحمها كانت انسانه حنينه ورقيقه تعرفى يافيروز كانت تشبهك اوى فى صفاتك الجميله
فيروز :انا اسفه ياكنان انى فكرتك
كنان:مفيش اسف يافيروز اصلا ا انا عمرى مانسيتها اللى زيها صعب يتنسى بسهوله
فيروز:طول عمرك اصيل ياكنان
كنان على فكرة يافيروز كانت بتحبك اوى وعمرها ماحسستنى انها بتغيرمنك ولا كانت بتضايق من سيرتك ابدا و هى اللى حلفتنى وامنتنى انى ادور عليكى
ومفيش حد يربي ولادها غيرك
فيروز:ايه انت بتقول ايه
انا مش فاهمه حاجه
كنان:انا ححكيلك كل حاجه يافيروز من وقت مارجعتى لمصر
لحد دلوقتي
💞💞💕💞💞💞💞💞💞💞💞💞
على الجانب الاخر يتحدث يوسف الى حور على الهاتف
حور:بجد يعنى كنان رجع
يوسف:ايه ده انتى تعرفىيه
حور:ايوة فيروز حكتلى كتير عنه
بوسف:هى تعرفه من زمان
حور:كان عايش معاهم فى دبي وكان هو فيروز اصدقاء
بس فيروز قالتلى انه اتعرض لحادثه
وبرغم انها كانت متاكده من حبه ليها
بس هو عمره مااعترفلها بالحب ده
يوسف:تفتكري باحور ان اللقاء ده صدفه
واللا مدبر منه عشان يشوفها
حور:انا معرفش والله ياحبيبي
بس انا فرحانه اوى ان كنان رجع
يارب يرجعوا لبعض يايوسف يارب
فيضحك يوسف على طريقة كلامها
🌸🌸🌸🌸🌸🌸🌸🌸🌸🌸🌸🌸🌸🌸
ذكريات كثيرة تحيط بالمكان
احداث لا يمكن للزمن انكارها
او وضعها فى ذاكرة النسيان
اخذت من العمر الكثير والكثير
تركت فينا العديد من الاثار مابين فرح ودموع واهات
ولكن جاء الوقت لفتح ذاك المخبوء من سنوات
لطى هذه الصفحه والاعلان عن بدء صفحه جديده خاليه من الاحزان
حياة:انت حتفضل كده كتير ياحبيبي
كنان:فى ايه بس ياماما
حياة :فى ايه مالك يابنى
حرام عليك اللى انت عامله فى نفسك ده
من يوم سفر فيروز وانت لابقيت بتاكل ولا بتشرب بص شكلك ياحبيبي بقى عامل ازاى
بقولك ايه عمك الدكتور صالح مصر اننا نسافرله فرنسا
ايه رايك ياحبيبي تيجى نسافر احنا ملناش حد هنا
كنان:موافق ياماما خلاص اللى كنت قاعد هنا عشانها مشت حقعد هنا ليه
بعد فترة من سفرهم واقامتهم فى فرنسا
الدكتور صالح:كنان انا اتفقت مع الدكتور اريان الالمانى على معاد العمليه خلاص
كنان:بس العملية دى تمنها غالي اوى ياعمى
وانا المبلغ مش حاضر معايا كله
صالح:والله عيب عليك لما تقول كده
انت مش ابن اخويا ياكنان انتى ابنى ياحبيبي
انا ربنا مااردش انى اخلف تقدر تقوللى شقا السنين ده حعمل بيه ايه
انت اللى من حقك تتمتع بشقى عمك
ده اللى يفرحنى
وانا فرحتى الحقيقية يوم مااشوفك ماشي على رجلك تانى
كنان:ربنا ميحرمنيش منك يا عمى يارل
تمر الايام واليوم هو يوم العمليه
حياة:يارب يارب
يخرج الدكتور صالح من غرفةالعمليات
الحمد لله ياحياة العملية نجحت
حياة:وهى تبكى الف حمد وشكر ليك يارب
صالح:بس العلاج الطبيعى بالنسبه لنا اهم من العمليه نفسها
يعنى حنسيبه يرتاح اسبوع ونبدا جلسات العلاج الطبيعى
على طول
الدكتور صالح:ايه ياحبيبي عامل ايه
كنان:الحمد لله والله ياعمى بس انا خايف
صالح:خايف من ايه ياكنان العمليه نجحت و بكرة ان شاء الله حترجع تمشي على رجلك تانى
بص بقى يابطل انا اتفقت مع دكتورة شاطرة اوى شغاله معانا هنا فى المستشفى هى اللى حتعملك جلسات العلاج الطبيعى
وحتيجى دلوقتى عشان تتعرف عليك
يدق الباب
تفتح الباب فتاة ايه فى الجمال
صاحبة بشرة بيضاء وعيون زرقاء اللون
وقوام ممشوق
وطول متوسط
فجمالها يناسب المكان الذى يعيشون فيه
حياة:بسم الله ماشاء الله تبارك الخلاق العظيم
فتضحك كارمن على كلام حياة
وتقول اعتبرها معاكسه دى ياطنط
فتخجل حياة لانها كانت تظن انها اجنبيه ولن تفهم كلامها
صالح:الدكتورة كارمن مصريه ابا عن جد
امها هى اللى فرنسيه
وهى عايشه هنا فى فرنسا
بس بتتكلم عربي لبلب ومن اشطر الدكاترة هنا فى المستشفى
كارمن:والله مافى حد رافع معنوياتى غيرك يادكتور
ويضحك الجميع على الحوار بين الدكتور صالح وكارمن
فهى كانت خفيفة الظل
ياتى ميعاد بداية الجلسات الطبيعى وتذهب كارمن الي منزلهم
تفتح لها حياة وتدخل كارمن وتسلم عليها وعلى كنان
الذي كان متحفظ جدا معها
ولم يلتفت لجمالها الذى يتحدثون عنه ففيروز لن يحتل مكانها احد
تمر الايام وكارمن منتظمه فى جلسات العلاج الطبيعى
وبدات تتحدث الى كنان الذى مع مرور الوقت شعر بالارتياح لها وبدا يتحدث معها فى الكثير كن المواضيع وبدات تلاحظ اسم فيروز الذى كان يتكرر دائما على لسانه
حياة:ياللا ياولاد العشاجاهز
كارمن:لا ياطنط عشا ايه انا حستاذن بقى
حياة:فى ايه يابنتى هو انتى بخيلة واللا ايه
فتنظر اليها كارمن بعدم فهم
فيضحك كنان بشده
مش حتفهم ياماما قصدك
خلاص بقى ياكارمن ماتكسيفيش ماما
ويتوكا كنان على كتف كارمن والتى بدات تشعر لاول مرة بانفاسه ورائحته المميزة تتخلل الى انفها
تبدا كا رمن فى الطعام
الله الاكل طعمه حلو اوى ياطنط
حياة:بالف هنا ياحبيبتى
تاكل كارمن كل ما فى الطبق فتشعر بالحرج الشديد
انا مش قصدى والله بس الاكل كان حلو اوى
هههههههه هههههههه هههههههه
يضحكون على كلامها
ياحبيبتى بالف هنا وشفا
انتى عارفه كانت فيروز هى كمان بتعمل زيك كده ومرتاحتش غير لما علمتها كل انواع الاكل
كارمن:انا بسمع اسم فيروز كتير اوى
هيا تبقى مين
كنان بتنهيده
فيروز دى اكتر حد فى الدنيا حبيته
تتجسد فيها معنى الجدعنه والشطارة والذكاء والاخلاص
لو فضلت العمر كله اتكلم عنها مش حوفيها حقها
كارمن:وهى فين انا مشوفتهاش
حياة:رجعت مصر من فترة
يسكت كنان فله ذكريات كثيرة مع فيروز لايمكن له نسيانها
تمر الايام اكثر وتتوطد العلاقه بين كنان وكارمن
حتى انه كان يتضايق عندما تتاخر عن موعدها فلقد كان يحكى لها عن كل ما بيتعلق بفيروز هى لا تكل ولاتمل منه ابدا
كنان:كارمن هو انتى حبيتى قبل كده
كارمن:حبيت اه بس اخت حتة قلم على قفايا
كنان:هههههه هههههه هههههه
انتى جبتى الكلام ده منين
كارمن:ببراءة واحده صاحبتى نصريه هى اللى علمتهالى
كنان :ليه عمل معاكى ايه
كارمن :وقفت معاه كتير وساعدته يلاقى شغل
وعرض علية الجواز ووافقت لانى كنت حبيته
وكنت رافضه اى علاقه من غير جواز
وقبل الفرح بيومين رحت الشقه اودى بقيت حاجتى لقيته بيخونى
مكنتش عارفه اعمل ايه
هو مكنش عارف يرد علية
تفتكر ياكنان يكون كان بيعمل بروفه قبل الفرح
كنان لا يستطيع التوقف عن الضحك
وبعدين عملتى ايه
قررت الغى الجواز انا مش بحب الخيانه
قلت اروح اخد حاجتى من الشقه
لقيته اخد فلوسي كلها اللى كنت شايلاها فى الشقه
ومعرفتش اوصله خالص
شفت بفى المقلب اللى اخدته
كنان:هو الخسران والله ياكارمن انتى انسانه جميله وطيبه اوى
كارمن:ميرسي ياكنان
بعد فترة تتحسن حالة كنان ويستطيع المشى ولكنه لايستطيع الاستغناء عن العكاز
لم يعد لوجود كارمن ضرورة
فتقرر عدم الذهاب مرة اخرى وخاصة بعد ان بدات تشعر تجاهه بالحب وهى تعلم بمدى حبه الشديد لفيروز
حياة:مالك ياحبيبي مضايق ليه
كنان:كارمن بطلت تيجى ياماما
حياة:انت حبتها ياكنان
كنان:ايه الكلام ده لا طبعا ياماما
بس وحشنى الكلام معاها
حياة:طب ماتروح تزورها
فى المستشفى
تدخل الممرضه
دكتورة كارمن فى واحد عايز يدخل
وقبل ان ترد تجد من يقف امامها
ممكن ادخل
تقف كارمن وهى مندهشه
كنان اهلا وسهلا نورتنى
كنان:مانتى بطلتى تيجى قلت اجى انا
كارمن ممكن تقبلى عزومتى على الغدا
فى احد الاماكن الهادئه
كارمن متبعديش عنى
صدقينى انتى وجودك بقى فارق فى حياتى كتير اوى
كارمن بلهفه وهى متسرعه
تقبل تتجوزنى كنان
يتوقف الكلام على لسانه
كيف له ان يتزوج بغير فيروز
كارمن:انا عارفه انك بتحب فيروز وانا عمرى ماحطلب منك تبطل تحبها
انا كفايه علية تكون كويس معايا
وصدقنى لو حبيت ترجعلها فى يوم من الايام مش حقف فى طريقك
كنان:وليه تظلمى نفسك بالشكل ده ياكارمن انتى جميله والف واحد يتمناكى
كارمن :وانا متمنتش غيرك ياكنان
كنان انا بحبك
كنان:بس انا بحب
كارمن:فيروز بتحب فيروز انا عارفه وراضيه
ارجوك كنان اسمحلى ادخل حياتك اشاركك فيها باحزانها قبل افراحها
اكون جمبك فى تعبك قبل صحتك
ارجوك كنان ارجوك توافق
الفصل الثامن عشر
قال تعالى"وعسى ان تكرهوا شيئا وهو خيرلكم"
نطق كنان بهذه الايه وهو يحاول ان يقنع نفسه بالزواج من كارمن
اجل هو لايحبها ولن يستطيع ان يحب سواها وقد صرح لها بهذا مرارا وتكرارا
ولكنها تلح عليه فى الزواج منها
الهذا الحد تعشقه
ام ان القدر يريد منه شيئا لن يتحقق الا بوجود كارمن
نعم انا شعر باننى لا استطيع الاستغناء عنها
اريدها دائما بجوارى
اشعر بالراحه وانا الى جانبها
بها من الصفات التى تجعلنى لا اقدر غلى مواجهة الحياة بدونها
ولكن اين اضع فيروز
هى بداخل القلب لن استطيع ان اجعل امراة اخرى مكانها
كارمن توافق على ذلك
ولكن ضميري لن يسمح بان اهدر حقوقها
ومن قال لك انك ستهدر حقوقها
هى ستعيش معك زوجه وصديقه وقد تكون فى يوم ما حبيبه
فيصرخ قلبه :لا لا ليس هناك فى قلبي حبيبة سواها
ولكنني ساوافق على جعلها زوجه لى
قد يكون وجودها فى حياتى خير لى ولا اعلم ذلك
بارك الدكتور صالح والسيده حياة هذا الزواج
فقد كانا يتاكدان من عشق كارمن لكنان
ولهذا فرحا بشده
وتم عقد القران
واعلانهم زوجا وزوجه
كان دخول كارمن حياة كنان فرحه شديده وسعاده كبيرة لامه
فاخيرا وجدته يضحك ويبتسم
كانت كارمن مثالا للزوجه المخلصه والصديقه الوفيه
كارمن:صباح الخير ياكنان
كنان:صباح الفل والياسمين على عيونك يا كوكو
كارمن:ايه الدلع ده كله
انا خارجه عاوز حاجه
كنان:عاوز اشتغل يافيروز
كارمن:........
كنان:اسف والله مقصدش
كارمن تغير الموضوع
ولا يهمك النهارده حنظبط موضوع الشغل ده انا حسيبك بقى عشان حتاخر على المستشفى
وتقبله من وجنتيه وتخرج
حياة::مالك ياكنان حساك مضايق
كنان:مضايق من نفسي اوى ياامى
انا كذا مرة اكون بكلم كارمن واتلغبط واناديها بفيروز
حياة:لا ياحبيبي خد بالك من الموضوع ده اى ست فى الدنيا متقدرش تستحمل حاجه زى دى
كنان:عارف والله ياماما بس غصب عنى والله
انا مش وحش والله ياامى بس غصب عنى
حياة:كنان هو انت لسه محبتش مراتك
كنان:كارمن طيبه اوى ياماما وبتحبنى اوى وبتحاول تسعدنى
وانا والله بعزها اوى ومقدرش استغنى عنها
بس مش قادر اخليها تاخد مكان فيروز
حياة:ادى لنفسك وليهافرصه ياحبيبي حرام البنت كويسه اوى حرام تخسرها
يدخل عليهم الدكتور صالح:كنان عامل إيه ياحبيبي
كنان:الله يخليك ياعمى عاوز اشتغل
صالح:بص ياكنان انا حفتح لك شركه صغيرة وانت بقى تكبرها بمجهودك
كنان:لا يا عمى انا مش موافق طبعا
صالح:ليه كده ياكنان هو انا مش زى عز الدين الله يرحمه
كنان:والله ربنا يعلم ياعمى غلاوتك زي غلاوة بابا الله يرحمه
صالح:بص ياكنان انا مش حعيش اد اللى عيشته
وانت اللى حتورثنى ان شاء الله
يبقى خلاص ليه نستنى
تفتح الشركه اللى نفسك فيها
وان شاء الله تكبر وتبقى من احسن الشركات
يحتضنه كنان ويشكره بشده
تتفاجا كارمن بزيارة كنان لها فى المكتب
كارمن :ايه المفاجاة الحلوة دى
كتان:فى خبر حلو حبيت اشاركك فيه
كارمن :خير ياكنان
كنان:عمى صالح حيفتح لى شركه
كارمن:تحتضنه الف مبروك يا حبيبي
ربنا يوفقك يارب
وان شاء الله تبقى اكبر شركه فى فرنسا
كنان:انا اسف ياكارمن انا عارف انك زعلانه منى حقك علية ويقوم بتقبيل يدها
كارمن : لا يايوسف متعتذرش
انا مش زعلانه منك
انا اللى اصريت اتجوزك وانا متاكده من حبك لفيروز
انت مغشتنيش ولاخدعتنى بس ممكن تدينى فرصه ادخل قلبك
كنان:حاضر ياكارمن بصي بقى مادمتى مش زعلانه
خلاص يبقى تقبلي عزومتى على الغدا
كارمن:وماما حياة ممكن تزعل
كنان:لا مش حتزعل
تمر الايام ويبدا كنان فى تاسيس الشركه يعمل بكل جهده وكارمن تقف بحانبه لاا تتركه
تنهى عملها كل يوم بالمشفى ثم تتجه الى الشركه لتكون بجانبه
حتى بدات الشركه فى اول اعمالها
كان كنان سعيدا جدا وكانت فيروز فى عقله طوال اليوم لم تغيب عنه لحظه واحده
كم تمنيت ان تشاركينى فى هذه اللحظه ولكن الحقيقه ان كارمن لم تنقصني شيئا فهى مثال للزوجه الوفية الاصيله
يعود كنان فيجد كارمن مهياة جوا رومانسيا
فيصطحبها الى عالمهم الخاص
وفجاة واثناء قربهم من بعضهم البعض تتجسد صورة فيروز امامه
فبدون وعى منه
بحبك اوى
تفرح كارمن كثيرا فهذه ستكون اول مرة يقول لها بحبك منذ زواجهم
ولكنه يحبطها بل يهد كل امالها
عندما يستكمل كلامه
يافيروز
هنا لا تدرى كارمن بنفسها الا وهى تدفعه بعيدا عنها بدون النطق باى كلمه
اما كنان فوضعه لم يكن باقل منها سوءا
قامت سريعا مرتديه روبا ودخلت الحمام سريعا ووقفت تحت الدش لعلها تستطيع نسيان ماتفوه به
حتى انها كانت تضع اصابعها فى اذانها
حتى لاتستعيد ماسمعته
كنان يعتب على نفسه
غبي غبي حتضيعها من ايدك
عمرك ماحتلاقى حد يحبك ادها
تخرج كارمن من الحمام دون التفوه بكلمه
يحاول كنان ان يتكلم فتشاور له بالسكوت
وتخرج من الغرفه نهائيا
تظل كارمن مستيقظه طوال الليل ومع بزوغ الفجر
تتوجه الى غرفة نومهما
وتملاء حقيبتها بالملابس وتقرر الذهاب بلا عوده
فهى ليس لها مكان فى قلبه
وليس هناك امل فى ذلك الحب فى يوم من الايام
يستيقظ كنان من النوم وبعد اخذ الحمام يتوجه لفتح خزانة الملابس
فيتفاجا بعدم وجود ملابس لكارمن
ويتاكد من تركها للمنزل
ماما ماما
حياة:خير يابنى فى حاجه
كنان:كارمن سابت البيت ومشت
حياة :ليه بس كده
فيحكى لها كنان كل ماحدث
حياة:والله كارمن دى محترمه واحده غيرها كانت مسحت بيك بلاط البيت
فى ايه يابنى حرام عليك نفسك وحرام عليك البنت
دى مش مخلية فى جهدها جهد عشان تسعدك
وفى الاخر تكون دى كلمة شكرا اللى بتقولهالها
كسرتها وقللت منها
مفيش واحده تقبل على كرامتها كده
كنان:امى انا مش حقدر على بعدها عنى
حياة:خلاص روحلها
يمكن ترضى تسامحك
يتجه كنان مباشرة الى شقتها
فيرن الجرس فتفتح الباب
اهلا ياكنان اتفضل
وتدخل كارمن وتتركه
اتفضل افطر معايا
كارمن انا عارف انى زعلتك اوى
كارمن وهى تجلس على المائده
عادى كنان مفيش حاجه تستاهل انك تعتذر
كنان:يعنى خلاص مش زعلانه يعنى حترجعى معايا
كارمن:لاء كنان مفيش رجوع تانى
ممكن ننفصل احسن من فضلك
كنان:انتى بتقولى ايه
كارمن:وهى تبكى على حالها
انا اسفه ياكنان انا اللى أجبرتك توافق على الجواز منى سامحنى
انا والله مكنتش طمعانه فىحبك انا عارفه ان قلبك ملك واحده تانيه
كنت طمعانه فى مكان صغير حته صغيرة على جنب كده
بعيد خالص عن الحب اسمها تقدير واحترام للمشاعر
بس للاسف ملقتلهاش
انا اسفه انى مقدرتش اخليك تحبنى
اسفه انى دخلت حياتك بالاجبار
ودلوقتى انا بحلك من اى ارتباط بيننا كنان
كان كنان مصدوما مما يسمعه
فامسكها من ذراعيها وهزها بشده
ايه اللى بتقوليه ده
مستحيل يحصل انتى فاهمه
انا مش حسيبك مش حسيبك مهما حصل
ارجوكى كارمن ادينى فرصه تانيه
فرصه واحده بس
حقك علية انا اسف انا غبي
عاقبينى بالشكل اللى يريحك بس اوعى تبعدى عنى
حرام عليكم انتوا ليه بتبعدوا عنى مش حقدر استحمل
فتاخذه كارمن بين احضانها وهو يبكى كالاطفال
تعود معه كارمن ومنذ هذا اليوم وكنان ياخذ عهد على نفسه بالا ياتى بسيرة فيروز مرة اخرى على لسانه احتراما لهذه المراة التى لم ينل منها سوى الحب والاحترام
تمر الايام وتنسى كارمن ماحدث ويحاول كنان اسعادها على قدر المستطاع يحاول فتح صفحه جديده فى حياته مع من تحبه بل تعشقه
وفى يوم من الايام يعود كنان الى المنزل فيجد كارمن تبكى بشده
كنان:كارمن مالك فى ايه
كارمن:انا مش حخلف ياكنان
كنان:ايه الكلام اللى بتقوليه ده
كارمن:عملت اشعات وتحاليل والدكتور قاللى فى صعوبه فى الحمل
كنان:كارمن خللى عندك ثقة فى ربنا مش عايزك تيأسي ابدا
كارمن:انت حتسيبنى
كنان:ايه الكلام الفارغ ده
لاء طبعا مستحيل اسيبك ابدا
كارمن:وعد كنان
كنان:اوعدك انك حتفضلى معايا طول ماانا عايش فى الدنيا
تمر الايام والشهور ياتى ربيع ويذهب خريف
يمرض عمه الدكتور صالح ويتوفاه الله
تاثر كنان لوفاة عمه تاثرا شديدا فقد كان له بمثابة الاب الذى وقف بجانب ولده
حزن حزنا شديدا عليه
وقفت كارمن بجانبه لم تتركه دقيقه واحده حتى انها اخذت اجازة حتى تكون بجانبه
احس احساسا جديدا تجاهها
اصبح قلبه متعلقا بها وبشده
نعم فيروز مازالت فى قلبه
هو لن يقدر على نسيانها
ولكنه ايضا لم يستطع ان يمنع قلبه من حب تلك الوفيه
التى تثبت له كل يوم بانه كان محقا فى قراره الزواج منهآ
تدخل عليه كارمن المكتب بلا استئذان من السكرتيرة
كنان:فى ايه ياكارمن مالك ماما حصلها حاجه
كنان انا حامل
كنان والفرحه والدهشه على وجهه مشاعر كثيرة احس بها
وقتها
كارمن قولى تانى كده
كنان حتبقى اب وانا حبقى ام انا مش مصدقه انا قلبي حيقف من الفرحه
فلا يشعر كنان بنفسه الا وهو ياخذها بين احضانه ويلف بها فى المكتب
وهو يضحك ضحكه عاليه
الحمد لله والشكر ليك يارب
معقوله ربنا يدينى كل حاجه مرة واحده
المال والزوجه الصالحه ونعمة الاولاد
ويسجد لله شكرا
كارمن:مبسوط ياحبيبي
كنان:وهو يقبل جبينها
مبسوط دى كلمة قليلة اوى
انا مفيش كلمة ممكن توصف سعادتى
ربنا بخليكى لية ياحبيبتى يارب
كارمن غير مصدقه ماسمعته
كنان انت قلت ايه
كنان:ايوة حبيبتى ياكارمن
كارمن تحتضنه بشده غير مصدقه ماسمعت
اخيرا اخيرا ياكنان
طب أنا حقللك على حاجه حتفرحك اكتر
كنان :................
كارمن:انت عارف انى كنت باخد منشطات كتير
عشان احمل
ده خلانى احمل فى توأم
كنان:يعنى انتى حامل فى توأم
لاء بجد كده كتير فيبكى كنان من الفرحه
فتمسح له كارمن دموعه
لاء ياكنان من النهارده مفيش دموع فى ايام حلوة جايه حنعيشها سوا
كنان:ان شاء الله واحنا مع بعض
بقولك ايه اعملى حسابك من النهارده مفيش شغل راحه ثم راحه
كارمن:هههههه هههههه
حاضر ياحبيبى
تمر الشهور وياتى موعد الولاده
يقف كنان خارج غرفة العمليات وبجانبه امه تطمئنه
يخرج الدكتور ويطمئنه على حالة اولاده وزوجته
تنتقل كارمن لغرفه عاديه وبجانبها اطفالها
شفت كنان الولاد حلوين ازاى
كنان:حلوين لمامتهم طبعا
حياة :حتسموهم ايه ياولاد
كنان:انا عايز اسمى الولد صالح على اسم عمى الله يرحمه
حياة:ممكن استئذنك اسميه عز الدين على اسم المرحوم ابوك دى كانت امنيته
كنان:حاضر ياامى نسميه عز
كارمن:وانا حسمي البنت
كنان:حتسميها ايه
كارمن:فيروز حسميها فيروز
كنان:ايه انتى قلتى ايه
كارمن:اللى سمعته ياكنان
مش كفايه انك اتحرمت من انك تشوفها يبقى على الاقل متتحرمش من وجود اسمها فى حياتك
كنان غير مصدق لما يسمع:انا مش عارف اقولك ايه انتى اكيد ملاك مش بشر زينا
كارمن:كنان اناحبيت فيروز من حبك ليها
اكيد هى انسانه طيبه وجميله عشان تحبها الحب ده كله
يبقى ليه متبقاش بنتى على اسمها
تمر الايام ويزداد تعلقه بزوجته التى فرغت نفسها لتربية اولادها والوقوف بجانب زوجها
وكان كنان يحب اولاده بشده
اما حياة فكان الاولاد هم كل حياتها
حتى بلغ عامهم الاول
كانت الحياة بينهم مليئه بالحب والسعاده
ولكن الحياة لاتدوم على الحياة
لاتتركنا سعداء طوال الوقت هكذا هى الحياة
كنان يعود الى المنزل فيجد فيروز تبكى بشده
كنان:مالك ياحبيبتى فى ايه
كارمن :تمسك يديه ليجلس بجوارها
كنان انا مريضه انا عندى كانسر وحالتى متاخرة اوى
انا حموت ياكنان
حموت خلاص
كنان بصدمه:ايه الكلام ده ايه اللى انتى بتقوليه ده
موت موت ايه مين اللى حيموت
ايه الكلام الفارغ ده
كارمن ارجوكى متلعبيش باعصابي
كانت كارمن تبكى بكاءا شديدا
وكان يتحدث كالمجنون:لاء انتى مش حتسيبينى انتى فاهمه
مش حسمحلك تسيبينى مش بعد مالقيتك تسيبينى
ارجوكى قولى انك بتكدبي علية
ايوة انتى اكيد بتقولى كده عشان تعرفى غلاوتك عندى
ارجوكى ارجوكى متقوليش كده
انا بحبك والله العظيم بحبك
انا مش حقدر على فراقك
بصي انا حعرضك على اكبر دكاترة حتتعالجى ان شاء الله
حتبقى كويسه
محدش حيربي أولادك غيرك
ويحتضنها بشده ويبكى كالاطفال
وبالفعل يعرضها على اكبر الدكاترة فى فرنسا وامريكا وانجلترا
ولكن الرد واحد مجرد وقت
فترة عصيبه تمر عليهم كنان لم يعد يفعل شيئا سوى الجلوس بجانب زوجته التى لم تتركه ابدا كان لها الرفيق والحبيب ببنما كانت حياة هى من ترعى الصغار
داعيةلهم الله ان يشفى لهم امهم
مرت الايام بين الام شديده
حتى احست باقتراب اجلها كنان كنان
كنان بلهفه:حبيبتى مالك فى حاجه
كارمن:كنان ارجوك اسمعنى مش تقاطعنى
دور على فيروز وارجع ليها
انا عايزة فيروز هى اللى تربي ولادى
مش حكون مطمنه على ولادى غير وهما فى حضن فيروز
كان كنان لايصدق مايسمع
كنان:انتى بتقولى ايه
كارمن:كنان انا حبيت فيروز من حبك ليها
كنان انا بحبك وكنت سعيده اوى معاك
ابقى افتكرنى ياكنان وادعيلي
متخليش ولادى ينسونى
ابقى احكيلهم اد ايه كنت سعيده معاك
واوعى تنسى اللى طلبته منك دى وصيتى وصيتى
ولادى امانه فى رقبتها
ويلقنها كنان الشهادتين
ثم ياخذها فى احضانه وهو يبكى بكاء ا شديدا
تموت كارمن وتترك كنان وحده
لقد كانت نعم الزوجه ونعم الرفيق
تركت بداخله جرحا عميقا
كانت حياة ترعى الصغار
فلقد حرموا من امهم قبل اكتمال عامهم الثانى بكثير
كانت حزينه لحال ابنها
ولكن الايام قادرة على ان تجعلنا ننسى
فمن رحمة الله علينا انه جعل الحزن يبدأ كبيرا ويصغر مع الايام
كنان:نعم ياامى
مش حتنفذ وصية المرحومه يابنى
حاضر ياامى
ان شاء الله حكلف ناس يدوروا عليها
هى كانت قالتلى انهم حيزلوا اسكندريه بس مش عارف لسه فى اسكندريه واللا لاء
حياة:ان شاء الله حتلاقيها ياكنان
تمر الفصول والاطفال يكبرون امامه عز نسخه مصغرة منه بينما فيروز نفس جمال كارمن ونفس لون عينيها
كان يعشقها بشده
فقد كانت تجمع بين اكثر اثنين احبهما فى حياته
فهى تحمل جمال امها وتحمل اسم حبيبته
🌹🌹🌹🌹🌹🌹🌹🌹🌹🌹🌹🌹🌹
باك
كان كنان يحكى لفيروز والدموع تملا عينيه
فيروز:ياااه ياكنان
كل ده حصل معاك
انت خليتنى انا كمان احب كارمن
كنان:الله يرحمها
فيروز :انا مش مصدقه انها هى اللى طلبت منك تدور عليه
كنان:كانت انسانه بكل ماتحمل الكلمه من معنى
فيروز:فين الولاد ياكنان
كنان:مع ماما يافيروز
مستنيينك تروحيلهم عشان تربيهم
فيروز:اروحلهم فين ياكنان