الفصل السابع والعشرون والثامن والعشرون
بقلم عبير سليم
الفصل السابع والعشرون
تمر فصول وتاتى فصول ماببن شتاء وربيع مابين أحزان وافراح مابين دموع وابتسامات
ولكن من ياترى سيكون من حظه السعاده ومن سيكون من حظه الاهات
ولكننا دائما مانتذكر قوله تعالى"وماربك بظلام للعبيد"
نعم ان الله لم يظلم احدا حاشا لله ان نقول كذلك
بل نحن من نظلم أنفسنا ونصر على ظلمها اكثر فأكثر
كم ارهقنا قلوبنا بالعشق حتى اصبحت تائهة لاتدري فى اى اتجاه تسير
وفى اى اتجاه تقذف بها رياح الحب والعشق الذى يتحول الى غدر
ومن ممن نصاب بسهم الغدر من من ظننا انهم هم الحياة
بكل معانيها ولكن لمتى ياقلب ستظل تتحمل كل هذه المشاق لمتى ستظل تنبض بلا حياة
لكن لا لابد من رفع راية العصيان
كفانى ياقلب لهذا الحد قلبي لم يعد يتحمل كل ذلك العذاب
تخرج من الجامعه وفد انهت اخر امتحان لها
كم تمنت فى هذه اللحظات ان تخرج فتجده امامها
مثلما كان يفعل فى الماضى
حتى يطمئن على صغيرته
صغيرته التى اشعلت قلبه بالحب
ولكن هو الان قلبه اصبح مع غيرها
فلقد سلم قلبه الذى لا يملكه لمن لايستحقه
حور حور
تنظر حور خلفها لتجد دكتور جلال هو من يناديها
حور:دكتور جلال
جلال:ايه يحور كده تمشي من غير ماتطمنينى عملتى ايه
حور:عارفه ان حضرتك مشغول فقلت امشي
جلال:لا طبعا مفيش حاجه ممكن تشغلنى عنك ياحور
حور:ربنا يخليك يا دكتور
انا الحمد لله جاوبت كويس
جلال:يعنى نقدر نستلم الشغل من بكرة
حور:بس
جلال:بس ايه انتى ناسيه انك لازم تتدربي
وتدريبك حيكون عندى فى المستشفى
وفجأة يجد امامه ابيه(عمه اللى رباه واتجوز مامته)
جلال :بابا اللى جاب حضرتك خير فى ايه
ابيه:هو ده استقبال تستقبل بيه ابوك يادكتور
جلال :انا متاسف اوى يابابا
مقصدش والله بس انا مستغرب من وجود حضرتك هنا
ابيه:انا كنت معدى ولقيت نفسي جعان جدا فقلت اركن العربيه واجى اشوفك
لو فاضى نتغدى سوا ايه رايك
ثم ينتبه لتلك الواقفه فينظر لها
مش تعرفنا ياجلال
جلال:دى دكتورة حور وان شاء الله حتكون من الدكاترة اللى حيشتغلوا فى مستشفي القلب اللى عملناها
أعرفك ياحور ببابا اللى كلمتك عنه
حور وهى تمد يدها له:اهلا وسهلا بحضرتك
فرصه سعيده انى اتعرفت على حضرتك
ابيه:انا الاسعد والله
بقولكم ايه انا عازمكم على الغدا
حور:متشكرة اوى لحضرتك ياعمى
بس انا لازم ارجع عشان بابا مستنينى
ابيه :والله ماحيحصل بصى متحاوليش حنتغدى مع بعض يعنى حنتغدى مع بعض
واذا كان على باباكى انا اكلمه استاذنه ان القمر ده حيتغدى معانا النهارده
وخليه بقى هو ومامتك ياكلوا لوحدهم النهارده
الى هنا ولم تستطع حور كتم دموعها
فبمجرد ذكر الحديث عن امها
تفيض اعينها من الدمع
الاب:ايه ده انا قلت حاجه غلط واللا ايه
حور:لا باعمى مفيش حاجه والله بس انا مامتى متوفيه
الاب:انا اسف ياحبيبتى حقك علية
حور:مفيش حاجه والله خلاص عن اذنكم
الاب:عن اذننا ده ايه لاوالله ماحسيبك غيرلما اصالحك
ويمكن بقى اعجب بيكى واتقدم واخطبك ايه رايك
فهو دائما ما يحب الفكاهة
جلال:بابا حور متجوزه
اااب:لاء كده كتير اوى
انا عمال ابوظ فى الكلام
بصي بقى انا مش خقول حاجه تانى اكتر من كده
يرن جرس موبيله
مامتك ياجلال
ايوة ياحبيبتى
ايوة انا عند جلال فى الجامعه
بصي اعملي حسابك فى دكتورة شطورة حتيجى تكشف على قلبك ياقمر
عشان تطمنى عليكى وحتتغدى معانا
مسافة السكه وحنكون عندك
الظاهر ليكى نصيب تتعرفى على العيله كلها النهارده
تقف حور لا تعرف بماذا تجيب
جلال:خلاص بقى يا حور متكسفيش بابا لاحسن ممكن يعلقنا كلنا
تضطر حور على الموافقه و ان تذهب معهم الى فيلتهم التى تقع فى ارقى الأحياء بالاسكندريه
💘💘💘💘💘💘💘💘💘💘💘
فى الشركه
يوسف:هى ليه الدنيا متلغبطه كده
فريده:ايه اللى حصل بس ياحبيبي
يوسف:مش عارف بس الشغل مش عاجبنى
الفترة اللى فاتت الشركه خسرت كتير اوى
وانا خايف على سمعتنا فى السوق
فريده:ولا خسرت ولاحاجه
دى حاجات بتحصل فى كل الشركات ياحبيبي
مش عاوزاك تضايق نفسك كده
يوسف:لا يافريده فى حاجه غلط
السنين اللى فاتت الشركه كانت بتوقع فى السنه الواحده اكتر من اربع عقود
احنا مكناش ملحقين على الشغل
دلوقتى بقالنا اد ايه وموقعناش الاعقد عمل واحد
ومش مجدى كمان
انا مش عارف ليه حاسس ان سليم الصاوى ورا الموضوع ده
فريده:يادى سليم الصاوى اللى مخليك مرعوب كده على طول
فى ايه يايوسف متجمد شويه
يوسف:اصل الراجل ده عامل زى التعبان بيبخ سمه فى كل مكان
انتى عارفه يافريده اول مافتحت الشركه عمل المستحيل عشان يوقفلنا الشغل
لدرجة انه كان بيعطلنا الاوراق اللى المفروض تتمضى عشان الشركه تبدا شغلها
بس بصراحه محدش كان راعبه وبيوقفه عند حده غير ماجد الله يرحمه
انا مش عارف شركتنا عملاله ايه
عنده بدل الشركه اتنين وتلاته
ماله بشركتنا
فريده:هو انت متاكد ان هو اللى ورا الخسارات الماديه اللى بتتعرضلها الشركه
يوسف:بصراحه لاء مش بنسبه كبيرة
بس مش قادر اعرف ايه السبب
فريده بمكر وهى تجلس امامه وتنظر فى بؤرة عينه:بص بقى ياحبيبي انا لايهمنى الشركه ولا غيرها
انا ميهمنيش غيرك انت وبس
يوسف:انتى بتحبينى اوى كده
فريده:بحبك بس ده انا بموت فيك يايوسف
ونفسي انت كمان تحبنى من قلبك
واللا انا كتير علية انك تحبنى
يوسف:وانا بحبك يافريده
كفايه علية واقفتك جمبي دى
سايبه بنتك وطول الوقت معايا فى الشركه
ثم يقبل يديها
ربنا يخليكى لية ياقلبي
😍😍😍😍😍😍😍😍😍😍😍
فى فيلل جلال
الام:نورتينا والله يابنتى
قوليلي بقى جلال عامل معاكى ايه فى الجامعه
انا عارفه انه شديد اوى على الطلبه
شديد على المايعين بس ياماما
اصل جلجل حبيبي مبيحبش الحال المايل
نطقت بهذه الكلمات ريناد
الام:اهلا ياريناد على طول كده داخله بزعابيبك
اعرفك ياحور دى الصغنونه بتاعتنا ودلوعة البيت كله ريناد
ريناد :انتى حور مش معقول
وتقدم على حور لتسلم عليهاوتقبلها وكانها تعرفها من سنين
حور:ليه مش معقول
ريناد:اصلي كان نفسي اشوفك من زمان اوى
حور:تشوفينى وهو انتى تعرفينى
ريناد:طبعا يابنتى اعرفك جدا
ده جلجل مبيبطلش كلام عنك
ده انا حبيتك من قبل مااشوفك من كلامه عنك وعن ادبك واخلاقك ثم تغمز لاخيها بعينبها
حور بخجل:لاوالله ده دكتور جلال هو اللى مثال للدكتور المحترم
ثم يتبادل ااجميع الكلام والضحكات حتى ان حور شعرت فى وسطهم بطعم الجو العائلى افتقدته منذ وفاة امها
فى الطريق
جلال:انتى شرفتينا النهارده ياحور
حور:بالعكس يادكتور انا اللى المفروض اشكركم
انا اول مرة النهارده اضحك من قلبي كده
بقالى كتييير اوى معشتش جو العيله ده
جلال:حور هو انا ممكن اتكلم معاكى من غير حرج
حور:طبعا يادكتور اتفضل حضرتك
جلال:هو انتى سبب حزنك الشديد ده هو وفاة والدتك بس
واللا فيه حاجه تانيه
حور:حاجه تانيه ازاى لا طبعا مفيش
جلال:انا اسف لو بسمح لنفسي اتدخل فى خصوصياتك
بس انتى غاليه عندى اوى فوق ماتتخيلى ومحبش اشوفك حزينه كذه
ياريت تعتبرينى اخ كبير ليكى
ولو حابه تتكلمى معايا صدقينى مش حتلاقى غير انسان يسمعك ويقدملك النصيحه
حور:اكيد يادكتور حضرتك الشخص اللى ينوثق فيه
تصل حور أمام باب الفيلا
متشكرة اوى يادكتور
تعبتك معايا
جلال:تعبك راحه اعملى حسابك الصبح الساعه ٨ تكونى فى المستشفى
حور:ان شاء الله
ثم تفتح باب السيارة وتتجه نحو الفيلا
بينما جلال يتتبع اثرها
محدثا نفسه
فى ايه ياجلال انت اتهبلت واللا ايه
دى زى اختك الصغيرة
وبعدين دى متجوزة فاهم بعنى ايه متجوزة
يعنى تتلم وتحترم نفسك
والا ممكن تخسرها
ملكش دعوة باى حاجه تخصها
ثم يرد على نفسه
وهو انا عملت ايه بس
انا كنت حابب اشاركها همومها
فيرد ضميره
حابب ايه بالظبط حابب تشاركها همومها
واللا حاببها هى
فيرد على نفسه
حاببها ايه الكلام الفارغ ده
حابب مبن حور
لا طبعا استحاله دى زى ريناد مش اكتر
فيرد ضميره:طب بزمتك حور دى لو مش متجوزة مكنتش حتفكر فيها كزوجه
جلال:والله ده لو
اكيد كنت حتقدم لها طبعا
لانها مش جميله وبس لاء دى ادب واخلاق وجمال
بس هى بالفعل متجوزه وغلط اصلا انى حتى افكر فيها
جلال احترم نفسك انت لا سنك ولا مركزك يسمحلك بحاجه زى دى
خلاص خلاص ياللا اتفضل امشي من هنا
فيمشى جلال وقد اخذ القرار انه لن يعامل حور الا كاخت وزميلة عمل فقط لا غير
💜💜💜💜💜💜💜💜💜💜💜💜
تدخل حور الفيلا فتجد الجميع جالس على مائدة الغداء
الحاج يونس:حماتك بتحبك يابتى باللا عسان تتغدى معانا
حور وهى تنظر تجاه يوسف :لا شكرا انا كنت معزومه على الغدا
كانت منتظرة ان يهتم يوسف ويسالها عند من كانت معزومه
ولكنه لم بهتم
بوسف:خلصتى امتحاناتك واللا لسه
حور:النهارده كان اخر يوم
ومن بكرة حنزل مستشفى دكتور جلال عشان حتدرب فيها
يوسف:مبروك يادكتورة
الحاج:ايوة اجده حيبجى فى بيتنا اشطر دكتورة فى الدنيا
الحاجه:ماتيجى تجعدى معايا شويه
وحشتنى جعدتك يابت الغاليه
حور:مرة تانيه ياماما معلش اصلي راجعه تعبانه
وعاوزة استريح
الحاجه:ربنا يريح جلبك ياضنايا
تصعد حور الى غرفتها وهى تسال نفسها
ياترى انا اللى ضيعتك من ايدي يايوسف
ياتى الصباح وتبدا حور فى ممارسة عملها فى المستشفي
كانت مثالا للاجتهاد والانضباط فى العمل
وكانت تستمع بانصات واهتمام شديد لتعليمات الدكتور جلال
كانت لاتفارقه طوال الوقت تتنقل معه بين المرضى لفهم كيفية التعامل مع كل حاله
كان اعجاب جلال يزداد بها يوما عن يوم
وكلما فتحت معه امه سيرة الزواج لان عمره تعدى ااخامسه والثلاثين كان يتهرب وبشده
فهو لايريد الارتباط الا بفتاه مثل حور
تشبهها فى اخلاقها وطباعها الهادئه وطيبتها وحنانها فى التعامل مع المرضى
حتى ان المرضى كانوا متعلقين بها وبشده
كانت تخرج فى الصباح ولا تعود الابعد مغيب الشمس
فقد وجدت مع المرضى الراحه التى كانت تبحث عنها
ولكنها ارهقت وبشده حتى انها فقدت الكثير من الوزن
🌷🌷🌷🌷🌷🌷🌷
فى غرفة يوسف وفريده التى استطاعت ان تسيطر سيطرة كامله عليه
فريده :مبسوط معايا يايوسف
يوسف:فريده انتى ليه بتسالينى السؤال ده كتير
فريده:اصلي خايفه متكونش لسه حبتنى زى مابحبك
يوسف :لا ياستى انا بحبك وبحبك اوى كمان
فريده:طب وحور
يوسف:حور هى اللى اختارت تبعد عنى انا حاولت اصالحها واتكلم معاها كتير
وهى اللى عماله ترفض لحد مااجبرتنى على البعد عنها
وانى اتعود على غيابها وعدم وجودها فى حياتى
بقولك ايه ياحبيبتى
ياللا بينا بقى عشان ننزل نتعشى مع الجماعه
فريده بدلع:يوسف حبيبي عيد ميلادى الاسبوع الجاي
يوسف:كل سنه وانتى طيبة ياحبيبة قلبي عايزانى اجيبلك هديه ايه
فريده بمكر:حبيبي انت احلى هدية فى حياتى بس نفسي تعمللى عيد ميلاد اعزم فيه كل اصحابي عشان يعرفوا جوزى حبيبي بيحبنى ازاى
يوسف :بس كده من عينيه احلى عيد ميلاد فى الدنيا كلها
وينزل يوسف هو وفريده لغرفة الطعام ليتاولوا وجبة العشاء مع الاسرة
الحاج يونس:امال فين حور ياحاجه مش جاعده تتعشى معانا ليه انا بجالى يومين ماشوفتهاش
الحاجه ابتسام:والله مااعرف ياحاج هى بجالها يومين بتخرج الصبح ومبترجعش غير المغرب وتطلع تنام من غير كلام
ينظر الحاج يونس الى يوسف بعتاب ولوم حيث يراه يضحك مع فريده ولا يهتم بالحديث عن حور او السؤال عنها وهى التى كانت حبيبت وعشقه الاول ايعقل ان تتقلب القلوب هكذا
يوسف:بقول لحضرتك يابابا الخميس الجاى عيد ميلاد فيري وانا عامل لها عيد ميلاد فى الجنينه وده بعد اذنك طبعا
الحاج يونس:عيد ميلاد ايه ومسخرة ايه ياولد انت من ميته احنا لينا فى الهجص ده
وفجاة يسمعون خطوات بطيئه تاتى خلفهم انها هى برائحة عطرها الجميل وخطواتها الانثويه تخطو اليهم ببطء وتلقى عليهم التحيه
مساء الخير ياجماعه
الحاج يونس:يسعد مساكي ياحور يابت الغالى انتى فين ياحبيبتى مبتجعديش معاياةليه انا اتوحشتك جوى
حور:بتعب وارهاق معلش والله يابابا الحاج تعبانه شويه عن اذنكم
الحاجه ابتسام:واه يابتى حتطلعى من غير ماتاكلى ده انتى خسه جوى ووشك اصفر كيف اللمونه ده انتى كتى زى البطه ياقلبي
حور وهى تلقى نظرة على يوسف الذى لم يهتم بما يقالوتقول لنفسها
ياااه يايوسف هو انت خلاص مبقتش شايفنى
ياااه على وجع قلبي
ثم تصعد السلالم ولكن توقفت عندما استمعت لصوت يوسف وهو يناديها
قفزت الفرحه فى قلبها كم اشتاقت لسماع اسمها منه
يوسف :حور اعملي حسابك الخميس الجاى عيد ميلاد فريده وانا عاوز العيله كلها تكون موجوده
كادت حور ان تسقط من على الدرج ولكنها تماسكت وصعدت غرفتها بدون اى رد
فجاه وقف الحاج يونس وبصوت جهورى يوسف حصلنى حالا على اوضتى
وقفت حور مرة اخرى :هى رهف فين
يوسف:نعم يابابا فى ايه
الحاج :انت مش ملاحظ انك زودتها جوى يابنى
يعنى مش كفايه انك هجرت حور ومعتش بتدخل عنديها واصل
وفريده بجت هى اللى فى حياتك كمان عاوز تعملها عيد ميلاد وتحسر حور على حالها
لا ده كده كتير جوى
انا بجيت اتكسف اكلمه يابنى
كل مااكلمها احس بتانيب الضمير
احس انى خدعتها وغشتها
ياريتنى كت سيبتها تمشي
تعرف يابنى ابوها مبجاش يكلمنى ولايسال عنى
والله انى عاذره
كيف يسال عنى واحنا مصوناش امانته كيف
وبعدين تعالى اهنه جولى هى مرتك ماحملتش لغاية دلوجتى ليه
يعنى بدل مانت رايح تعملها ابصر عيد ميلاد ايه
روح خدها وديها للدكتور يشوفها ويعرف هى ليه بطنها ماشالتش لغاية دلوجتى
وراعى ربك شويه فى الغلبانه دى
يوسف:الغلبانه دى هى اللى غلبت نفسها بايدها
ليه عامله فى نفسها كده
علطول حزينه وعايزة تعيش دور الضحيه
الحاج :وهى مش ضحيه واللا ايه يابنى
احنا غدرنا بيها
ومنفذناش وعدنا معاها
فاكر اما انت جعدت تحت رجليها ووعدتها ان محيملكش جلبك غيرها
دلوجتى فريده ملكت جلبك وعجلك وكل حاجه فى حياتك
وحور بجت ملهاش اى وجود فى حياتك
ده ظلم يابنى
يوسف:فريده هى اللى واقفه جمبي مبتسببنيش
طول الوقت قلبها علية
لكن حور استغنت عنى ببساطه
وبالنسبه لموضوع الحمل
فجاة يسمعون صوتا عاليا فى الخارج
فيخرجون ليجدوا حور تعلى صوتها على فريده
حور:يعنى ايه متعرفيش مالها
يعنى ايه تقولك دماغها وجعاها وانتى عادى كده
وهى ايه فهمها الطفله دى فى اللى عندها
انتى ازاى جايلك نفس قاعده تاكلى وتتكلمى وتحضري لعيد ميلادك وبنتك نايمه وتعبانه
فريده:ايه ياحور انتى داخله بزعابيبك علينا كده ليه
واللا متضايقه عشان يوسف حيعمللى عيد ميلاد
حور بغضب:لا ياحبيبتى اشبعوا ببعض
انا اللى يهمنى دلوقتى رهف وبس
وانتى مالك برهف
رهف دى بنتى انا
وانتى مش حتعلمينى اعمل ايه مع بنتى
اطلعى منها بقى
لما تبقى تتشطرى كده وتعرفى تجيبى عيل ابقى اتصرفى معاه زى مانتى عاوزة
يوسف : حور اهدى مفيش حاجه دلوقتى حطلع اشوفها
ولو تعبانه حاخدها للدكتور
الحاج:فى ايه يا حور بابتى مالك
حور:فى ان رهف اللى انتوا جوزتواابنكم عشانها
تعبانه وانتوا كلكم ولا فى دماغكم
الحاجه:ايه الكلام ده رهف تعبانه
هى رهف تعبانه يافريده
حور تتركهم وتتجه مباشرة لغرفة رهف
التى تجدها درجة حرارتها مرتفعه جدا قدوتجاوزت الاربعين
فلا تشعر الاوهى تحملها على كتفها
وتجرى بها على السلم
الحاجه:فى ايه يابتى البت مالها
حور:البنت درجة حرارتها عدت الاربعين
البنت ممكن تروح مننا او يحصلها حاجه
يجرى عليها الجميع
فريده:رهف بنتى يالهوى
انا مكنتش اعرف انها تعبانه كده
بوسف:هو احنا لسه حنتكلم ياللا على المستشفى بسرعه
تسرع حور برهف وتجلس فى السيارة من الخلف
بينما فريده تجلس فى الامام
يدخلون المستشفى
فياخذها الطبيب من بين ايدى حور
حور كانت تبكى بشده عليها فهى تحبها بجنون
الدكتور :متخافيش يامدام بنتك حتبقى كويسه
فيتعجب يوسف من ان الدكتور اعتقد حور ام رهف
ولكن لما لا فهى التى كانت تحملها
هى من تذرف الدموع عليها
صحيح ان فريده حزينه على ابنتها
ولكن حور حزنها اشد
بل لايقارن حزنها بحزن حور
حور :هاه يادكتور طمنى
الدكتور:احنا نحاول ننزل الحرارة بسرعه
لان اليومين دول فى عدوى جامده وميكروب فى الجو ولو البنت سيبناها ممكن تروح مننا
ده غير ان وظائف المخ ممكن يحصلها تلف
فتؤدى الى الوفاة او اعاقه ذهنيه
تنهار حور من البكاء عند سماع هذا الكلام
لايادكتور اتصرف احنا ممكن نعملها صدمه تلج
الدكتور:اهدى يابنتى انا مقدر خوفك على بنتك
بس لازم نتصرف بحكمه عشان مناذيهاش
كانت حور تبكي بشده
لاتعرف لما كل هذا البكاء
هل تبكى على حور الطفله البريئه التى تعشقها وبشده
وكانها ابنتها
ام تبكى على حالها وما وصلت اليه
ام تبكى على حب عمرها الذى ضاع
وعلى سوء اختيارها لشخص لم يعشقها ابدا كما كانت تتخيل
نعم فلو كان يعشقها ماتخلى عنها بهذه البساطه
ام تبكى على عدم تنفيذها لوصية امها واستمرارها فى اهدار كرامتها
نعم فلقد اهدرت كرامتى وبشده
اهدرتها الكثير والكثيرمن المرات
لما انا عندهم الى هذا الوقت
مامبرر وجودى
انه لم يعد يهتم بوجودى من الاساس
اصبحت هى من تحتل قلبه
هى من ينام باحضانها كل ليلة
لا لن ابقى معك ياحبيبى
لن استمر معك اكثر من ذلك
فلقد سئمت من الانتظار
يمر الوقت وحور مع رهف لا تتركها
بينما فريده ساكته لاتتكلم
تعرف ان موقف حورمن ابنتها ان دل فانما يدل على اخلاقها العاليه
وبالتاكيد ستنال رضا الجميع
ومن بينهم يوسف
تخرج حور من غرفة رهف
حيث كان يجلس يوسف فى الخارج
يوسف:حور طمنينى على رهف
حور:الحمد لله بدات تستجيب للعلاج
والحرارة بدات تنخفض
يوسف:انا متشكر ياحور رهف كانت ممكن تضيع
حور:بعد الشر عنها
بعد مرور الوقت باخذوا رهف ويعودون بها الى المنزل
الحاج:طمنونى ياولاد بت الغالى عامله ايه
يوسف:الحمد لله يابابا الحرارة بات تنزل ورهف حتبقى كويسه
صح ياروفي
رهف بتعب:ثح يايوسو
فريده:ايوة كده ياحبيبتى عاوزاكى تخفى بسرعه عشان اجيبلك فستان جميل تحضرى بيه عيد ميلاد مامتك
حور وقد فاض بها الكيل
عيد ميلاد ايه وزفت ايه على دماغك
انت ايه ياشيخه
جبلة معندكيش دم
مش مكسوفه من نفسك
بنتك كانت حتروح وانتى بتفكرى فى عيد الميلاد
ياشيخه ده انتى حتى فى المسنشفى
كنت قاعده كانك واحده غريبه عنها
ده الدكتور افتكرنى انا امها
متضايقتيش
ايه ده
فريده:انتى عاوزة ايه ياحور
انتى اللى من ساعة من دخلنا المستشفى وانتى اللى لازقه ومش عاوزة حد يقربلها
طبعا عسان يقولوا انك ام قلب ابيض
بطلى تمثيل بقى
وبطلى تعيشي جو الغلب والمسكنه ده
يوسف:هو فى ايه
مفيش احترام للنتوا متجوزينه واللا ايه
حور:فى ايه
هوانت بتسال فيه ايه
فى ايه انت يااخى
هى مش رهف دى السبب اللى خلاك تتجوز الهانم امها
تقدر تقوللى لو بعد الشر عنها كان حصلها حاجه كنت حتعيش معاها ليه تانى
تقدر تقوللى ايه المبرر اللى كان حيخليك تكمل معاها
دلوقتى مش واخد بالك ان البنت كانت حتروح
وسايبها مبرطعه وكل اللى هاممها نفسها وبس
وقال ايه عيد ميلاد
عيد ميلاد اسود على دماغك ان شاء الله يافريده
فريده بمسكنه:الله يسامحك ياحور
انا مش حرد عليكى
انا حسيب جوزى هو اللى يجيبلى حقى
حور:حقك يااخى جاكى كسر حقك
يوسف :حوووور
احترمى نفسك انا سايبك طايحه من بدرى ولا عامله حساب لحد
لكن لو مااتلمتيش حخليكى تندمى ياحور
حور:اندم اندم على ايه يايوسف
تقدر تقوللى انت حتخلينى اندم على ايه
حندم على حبي اللى فرطت فيه ودست عليه برجلك
واللا اندم على غشك وكدبك وخداعك لية
واللا اندم على صبري طول الشهور اللى فاتت وانا مستنياك تفوق وترجع لعقلك
يوسف:افوق ليه ان شاء الله
هو انا كنت مجنون
بصى يابت الناس
انا حاولت اصالحك واتكلم معاكى كتير
وانتى اللى رفضتى وقفلتى كل البيبان فى وشي
ايه اوطى على رجلك ابوسها
اذا كنتى عاوزة تلومى على حد
يبقى تلومى على نفسك ياحور
اما فريده دى هى اللى واقفه جمبي
معايا فى الشغل خطوة خطوه
مش انتى اللى نسيتى انك متجوزة اصلا
ايوة منكرش انى فى الاول كنت متجوز فريده عشان رهف بس
بس هى عرفت ازاى تخلينى احبها واتعلق بيها
حور:تتعلق بيها واللا تبقى دلدول ليها يايوسف
ياخسارة عالرجوله
فجاة لم تشعر حور الا بصفعه شديده على وجهها من يوسف
صدمه للجميع ابوه وامه لا يستطيعان الكلام بينما يوسف
مصدوم مما عمله
وفريده كانت فى قمة السعاده
وهى ترى حور فى هذه الحاله
الحاج:انت اتجنيت
انت ازاى تمد يدك عليها
الحاجه:ايه ياولدى تضرب حور بردك
كانت حور فى صدمه شديده لاترد
بينما يوسف كان لايستطيع الكلام فبما سيدافع عن نفسه وبم سيبرر ماحدث
حور :انت بتضربنى يايوسف
بتضربنى عشان دى
يوسف:بقى انا دلدول
انا دلدول ياحور
حور:ولما تبقى تابع ليها من غير مبرر ده يبقى اسمه ايه
ايه السبب اللى بخليك تسمع كلامها فى كل حاجه
اديتك ايه اكتر من اللى انا اديتهولك
انطق اتكلم
شعرت فريده فى هذه اللحظة ندم يوسف على مافعله
وقبل ان ينطق يوسف
حديله الولد اللى انتى ماعرفتيش تجيبه ياحور
انا حامل ياحور
🌷🌷🌷🌷🌷🌷🌷🌷🌷🌷🌷🌷🌷🌷🌷
تبكى فى حضن ابيها وهى منهارة
خلاص يابابا
خلاص هى كده خلصت
اللوا بدر:خلاص ياحبيبتى انا حعملك اللى يريحك
حور:النهارده يابابا مش عايزة ابات النهارده وانا على زمته
الاب:حاضر ياحبيبتى
يدق الجرس
بدر:يونس عاوزين ايه مننا تانى
واللا مكفكومش اللى عملتوه فيها هناك جايين تكملوه هنا
يونس :كده بردك ياواد عمى
ده انى جاى مخصوص عشان اراضيها
بدر:تراضيها بايه
انتوا خونتى الامانه يابن عمى
انا سيبت بنتى امانه عندكم وانتم ماصونتوش الامانه
بس الحق مش عليك الحق علية انا
انا اللى قللت من بنتى لما وافقتها انها تفضل على زمة ابنك بعد ماراح اتجوز عليها
هجرها شهور وهى مستحمله كان عندها امل يرجعلها بس كده خلاص
هى ملهاش مكان بينكم
واديها فريده حتجيبلكم الولد اللى كان نفسكم فيه يبقى وجود بنتى وسطكم ملوش مبرر
ومش بنت اللوا بدر الدين السوهاجى اللى تتمرمط كده
يونس :طلباتك ياواد عمى
بدر:تتصل بابنك حالا يجيب الماذون وييجى
احنا مش صغار عشان ندخل محاكم
وانت عارف مكانتى ايه فى البلد وبنتى حتطلق من اول جلسه
بس انا لسه مراعى صلة الرحم اللى بيننا
الحاج يونس:حاضر يابدر
الفصل الثامن والعشرون
احيانا كثيره لابد من أن نتذوق طعم المراره حتى نستلذ بشهد الحياة
هكذا هى الحياة تعطينا قسوة ايامها وتهدينا الالام
حتى اذا انعمت علينا بالسعاده اصبحنا مدينين لها
بالجميل ماحيينا
يوم صباح جديد يحمل الامل والتفاؤل للبعض ويحمل الالام والاحزان للاخربن
فمن ياترى سيكون من نصيبه السعدة ومن نصيبه اادموع والاحزان
ولكن علينا الاننسى قول الله تعالى "ان مع العسر يسرا ان مع العسر يسرا" فدائما ماياتى اليسر مع العسر
لنؤمن بان الله قادر على كل شئ
يستيقظ الجميع على خبر يملأ مواقع التواصل الاجتماعي
انفصال المهندس يوسف يونس السوهاجى صاحب شركة.................... للاعمال الهندسيه والمقاولات عن زوجته الدكتورة حور بدر الدين السوهاجى
بعد قصة حب دامت لسنوات وذلك لعدم قدرتها على الانجاب
يوسف فى حالة هياج شديد:فريده فريدة قومى
فريده بنعاس:صباح الخير يا حبببى
يوسف:انا عاوز اعرف مين اللى نشر خبر طلاقى انا وحور بالسرعه دى
فريده:معرفش يايوسف بس متنساش ان شركتك معروفه وانت معروف وممكن اى حد يكون نشر الخبر
فريده انتى تعرفى حاجه عن الخبر ده
فريده:لا طبعا وانا حعرف منين انا مليش دعوة
يوسف :انا مقبلش حد يجيب سيرة حور بكلمه
فريده :وانت مالك زعلان اوى كده ليه
عادى كده كده كان الكل حيعرف بالخبر
ان اجلا او عاجلا
يوسف:بس ميكونش على مواقع التواصل
كده الدنيا كلها حتعرف
وحور معملتليش حاجه وحشه عشان تبقى سيرتها على كل لسان
بس انا مش حسكت غير لما اعرف مين اللى نشر الخبر ده
🌷🌷🌷🌷🌷🌷🌷🌷🌷🌷🌷🌷🌷🌷🌷
تجلس حور امام قبر امها
لا تتحدث فقط تذرف دموع عينيها على وجنتيها
ماما حبيبتى معلش بقالى فترة مجيتلكيش معلش ياامى
كنت تعبانه اوى الفتره اللي فاتت
معرفش عدت علية ازاى
كانت اصعب ايام فى حياتى
بنتك قلبها موجوع اوى ياامى
ااااه ااااه ياامى
نفسي اصرخ اصرخ لحد مااطلع كل اللى جوايا
انا مش مصدقه اللى بيحصل معايا ياامى
انا حاسه انى فى كابوس
عقلي حينفجر مش قادرة استوعب اللى بيحصلي
كنت محتاجه للك اوى ياامى
محتاجه حضنك ارمى فيه همومى
حضنك اللى مفيش اى حضن فى الدنيا ممكن يعوضه
اخيرا ياماما قدرت اتشجع واخد اصعب قرار فى حياتى
عمرى ماتخيلت ولا كان يتصور عقلي ان ممكن ييجى يوم
ونفترق فيه انا ويوسف عن بعض
حبنا اللى كان كل الناس بتحكى عنه راح
مبقاش له وجود
انا نفذت وصيتك ياحبيبتى عشان تكونى مرتاحه
خلاص ياامى خرجت من حياتى الناس اللى مقدروش وجودى فيها
يااه ياامى معقوله يوسف يطلقني ويوافق على خروجى من حياته بالسهوله دى
صدقينى لو قلتلك ان برغم ان هو ده كان طلبي اللى اصريت عليه
بس قلبي كان حيقف لما الماذون طلب منه يرمى علية اليمين
انتى عارفه ياماما كان نفسي اوى وقتها يرفض يطلقنى
كان نفسي يتمسك بية ويقوللى انا اسف مش حقدر اطلقك
كان نفسي يضربنى تانى بس المرة دى عشان يقوللى مش حطلقك مهما حصل
اتمنيت حاجات كتير تحصل وقتها
غير انه يطلقني
تعرفى ياامى لو كان قاللى انا اسف اوكان حسسنى بحبه لية وانه ميقدرش يعيش من غيرى ولا يقدر يستغنى عنى والله كنت ممكن أضعف واسامحه
بس ياخسارة ياامى ولاحاجه حصلت من اللى اتمنيتها حصلت رمى اليمين علية ومشى
خد حلم السنين وراح
خد احلى ايام العمر ومشى
انا قلبي واجعنى اوى ياماما
معقول يكون كل ده كدب
معقوله حب العمر كدب
عشق الطفوله كدب
انا عمر عينى ماشافت غيره
عمر قلبي مادق لحد غيره
يااااه ياامى على طعم الغدر والخيانه طعمهم وحش اوى
مر اوى ياامى
بس والله يايوسف بحق المر اللى دوقته لى وبحق كل ليلة نمت فيها بعيد عنى وبحق كسرة النفس اللى كسرتهالى
لتندم علية يايوسف
تندم على انك فرطت فى حور
حور اللى اشترتك بالغالى وانت بعتها بالرخيص
حور اللى لو بكيت بدل دموعك دم
عمرها ماحترجعلك تانى يايوسف
اطمنى علية ياحبيبتى
بنتك من النهارده حتبقى قويه
ومش حكون حور الهبله الضعيفه بتاعة زمان
وانا اتاكدت ان حب يوسف ليه كان ضعيف
من غير جذرو قويه تحميه
اتكسر واتهدم مع اول رياح قابلته
يوسف عمره ماحبنى ياامى لو كان حبنى كان تمسك بية
مكنش قدر يبعد عنى
بس خلاص وحياة الحب اللى حبتهولك يايوسف لحنساك وعمرى ماحفكر فيك تانى
انت اقل واصغر من انى اضيع وقتى فى التفكير فى واحد زيك
اوعدك ياامى ان المرة الجاية حجيلك وانا بضحك وفرحانه
انا حشتغل وحثبت نفسي
مش حفكر غير فى شغلى ونجاحى بس
يرن تليفون حور
ايوة يابابا معلش ياحبيبي لقيتك نايم مرضتش اقلقك
انا بزور ماما وجايه
مسافة السكه وحكون عندك
ترجع حور المنزل وتجلس لتتناول الفطور مع والدها
بدر:ايه ياحبيبتى ناويه على ايه
حور:بكرة ان شاء الله حرجع المستشفى
بدر:حد يعرف من زمايلك باللى حصل
حور:لا يابابا
انا بلغت دكتور جلال انى تعبانه بس
بابا انا عاوزه اجتهد فى عملى واحقق حلم امى
ثم تحضر اللاب لتطلع على كل ما هو جديد فى الطب
وتتوقف عند خبر طلاقها هى ويوسف
ايه ده مش ممكن
بدر:فى ايه يحور
حور:الحقنى يابابا انا اتفضحت يابابا يوسف فضحنى
بدر:ايه الكلام اللى بتقوليه ده
فيدير اللاب ناحيته
ليرى الخبر ويقرا كل ماكتب بالتفصيل
كانت حور فى حالة هياج شديده
ليه ليه يايوسف ليه حرام عليك ليه تعمل فية كده
ده انا عمرى ماحبيت حد قدك
بتضحك الناس علية وتشمتهم فية ليه
انا استاهل منك كده
يصعب بدر عليه حال ابنته
فيتجه مباشرة الى منزل يوسف
ويطرق الباب بشده
الحاجه ابتسام:خير عالصبح مين اللى جاى
تفتح الخادمه الباب
يدخل بدر وهو فى حالة هياج شديده
الحاج يونس :بدر خير حور حصلها حاجه
يمسك بدر يوسف من ياقة قميصه :حور بنتى لو حصلها حاجه يايوسف انا حقتلك يايوسف
يوسف:عمى ارجوك اهدى انا ماعملتش حاجه
والله ماعملت حاجه يابابا
الحاج يونس:ماتفهمنا يابدر فى ايه ايه اللى حصل
بدر:وهو يشير على بوسف بيده
البيه ابنك نشر خبر طلاقه هو وحور على النت
وكاتب انه طلفها عشان مبتخلفش
لاء وكمان من بجاحته
ناشر صوره هو وبنتى فى الفرح وسهر العسل
وصوره مع الهانم دى اللى متصورينها معرفش فين
كل الناس عماله تعلق
وسيرة بنتى على كل لسان
بنتى اللى مطلعتش من الدنياغير بيها
بنتى اللى محبتش فى اادنيا غيرك يبقى ده جزاتها
يوسف وهو يحاول تهدئته
والله العظيم ياعمى اقسم لك بالله انا اتفاجئت بالخبر زيك بالظبط
ولااعرف مين اللى نشره
انا مش ممكن ااذى حور ياعمى مش ممكن ااذيها ابدا
بدر:بص يايوسف احنا خرجنا بالمعروف
ودلوقتى انت معاك مراتك اللى فضلتها على بنتى
حور تنساها تماما تنسى انك اتجوزتها وانها كانت على زمتك فى يوم من الايام
تنسى انك تعرف واحده اسمها حور اصلا والا ورب العزة لحتشوف وش عمرك ماشوفته سامع يايوسف
ثم يخرج وهو فى شدة الغضب
الحاج يونس:منك لله يايوسف منك لله يا ولدى
اجده تفرج بينى وبين ابن عمى
يوسف:والله يابابا معملت حاجه
انا معرفش حاجه عن الموضوع ده
الحاجه ابتسام:والله انى مش صعبانه علية غير حور
الطيبه الحنينه اللى مشوفناش منيها غير كل خير يبجى هو ده جزاءها انها عاملتنا بالمعروف
دى حتى البت الصغيرة
من يوم ماحور مشيت وهى لابتاكل ولابتشرب
وراحة عدم
وامها طول الوجت مشغوله عنها
فريده:حعمل ايه بس ياماما مش مشغوله مع يوسف فى الشركه
وكمان حامل والحمل تاعبنى
فيرد الحاج:شركه جصدك الشركه اللى حتتخرب جريب ان شاء الله
اياك تكونوا فاكرين انى نايم على ودانى مخبيرش باللى بيحصل فى الشركه
والخساير الكبيرة اللى اتعرضتلها الشركه
يبجى على الاجل اجعدى راعى بتك وخدى بالك على اللى فى بطنك
يوسف:بابا انا حروح لحور افهمها
الحاج بغضب:تروح لمين لحور
وعايز تفهمها ايه ان شاء الله
بجولك ايه انت لاتروح ولا تاجى انت فاهم
حور متجربش منيها تانى
واللا وربي لاحتبجى ابنى ولا اعرفك
💖💖🌷🌷🌷🌷🌷🌷🌷🌷😢
فى منزل الدكتور جلال:
ريناد تطرق الباب على اخيها فيسمح لها بالدخول
صباح الخير يا جلجل
جلال:صباح الفل والياسمين يا عيون جلجل
ريناد:حبيبى هى حور عامله ايه دلوقتى
جلال:والله معرفش كنت عاوز اطمن عليها بس اتكسفت
اكلمها بس هى قالت حتخف من دور البرد وتيجى
ريناد:برد ايه ياابيه
هو انت متعرفش
جلال :اعرف ايه باريناد متفهمينى
ريناد:ابيه ده النهارده المواقع كلها ملهاش سيرة غير طلاق حور
جلال :طلاق مين حور لامش معقول ازاى وليه متفهمينى ياريناد
ريناد:والله ياابيه انا فتحت النت لقيت خبر طلاق حور وصورها هى وجوزها وصور مراته الجديده وبيقولوا انه طلقها عشان مبتخلفش
جلال :مش معقول وازاى يتنشر حاجه خاصه زى دى
لا حول ولا قوة الا بالله
ريناد:ابيه هو انت زعلان انا كنت فاكراك حتفرح
جلال:افرح فى ايه ياريناد انتى اتهبلتى
فى حد يفرح بردو فى مصايب الناس
ريناد
:بس انت بتحبها واكيد دى فرصه حلوة عشان ترتبط بيها
جلال:ايوة بحبها ياريناد وفوق ماتتصورى بس بردو ده مش معناه انى افرح انها اتطلقت من جوزها
انا بحبها واحب اشوفها سعيده ومتهنيه فى حياتها حتى لو مش معايا
انتى فاهمه
ريناد:لا مش فاهمه باجلجل
ازاى بتحبها وازاى تتمنى لها السعاده مع حد غيرك
المفروض اللى بيحب حد بيبقى عاوزه ليه لوحده
ويموت لو لقاه مع حد غيره
جلال:ده لما بكون حب من الطرفين
يبقى لازم ادافع عن حبي وزى مابتقولى مااقدرش اشوف حبيبتى مع حد تانى
لكن لما يكون حب من طرف واحد
يبقى ازاى اتمناها معايا وقلبها مش لية
ريناد:وانت ايه عرفك مش يمكن تكون هى كمان بتحبك ياجلجل
جلال:لاء ياحبيبتى انا متاكد ان نظرة حور لية اخ كبير ليها
مش اكتر
وبعدين حور محترمه مش ممكن تسمح لنفسها تفكر فى واحد وهى على زمة راجل
ريناد:بس
جلال:ريناد انا كده حتاخر اكتر مانا متاخر ياللا سلام
يخرج جلال من الفيلا وهو متجه الى الجامعه
والافكار لاتفارق خياله فحبه لحور اصبح واضحا ومكشوفا لكل العائله ولكن ياترى هل من الممكن ان تصبح حور من نصيبه
♥️♥️♥️♥️♥️♥️♥️♥️♥️♥️♥️
فى الشركه
يوسف بغضب شديد:لا بقى ده كده كتير اوى
مش ممكن لو فضلنا على كده الشركه حتفلس فى خلال شهور
فريده:مالك بس يايوسف ايه اللى حصل
يوسف:يعنى انتى مش عارفه
انا متاكد ان فى حد بيلعب من ورايا
فريده:حد بيلعب من وراك ازاى بس ياحبيبي
يوسف :عشان اللى بيحصل ده مش طبيعى
يعنى ايه كل مشروع نتأخر فيه بالشكل ده
وندفع الشروط الجزائيه
طول عمرنا كنا بنشتغل وعمر ماحصل معانا حاجه زى دى
اشمعنى دلوقتى
فريده:يعنى انت قصدك ان وشي وحش عليك
يوسف:انتى بتقولى ايه لا طبعا استحاله ياحبيبتى
ده انتى الوحيده اللى مصبرانى
ويضع يده على بطنها
قوليلي بقى ابنى عامل ايه
فريده:كويس ياحبيببي واكيد حيطلع قمر زى ابوه
يوسف:بس خايف ييجى يلاقى ابوه فلس
فريده:ايه الكلام الفارغ ده
انت سيب الموضوع ده بس علية
وانا حجيبلك اراره ولو حد بيلعب من وراك حخربلك بيته ان شاء الله
يوسف:ياحبيبتى يافريده مش عارف من غيرك كنت حعمل
ايه
واهو الحمدلله حنمضى عقد مع عميل يابانى لو ربنا وفقنا فيه حيبقى نقله جامده للشركه
وحتعوض كل الخساير اللى خسرتها الشركه الفترة اللي فاتت
فريده:ربنا يوفقك يا قلبي طيب انا حسيبك دلوقتى عشان معادى مع الدكتورة عشان تطمنى على البيبي
وتقبله وتمشي
😔😔😔😔😔😔😔😔😔😔😔
فى احدى مجموعة شركات سليم الصاوى
سليم:اهلا اهلا بالقمر بتاعى
فريده:القمر بتاعك بينفذ تعليماتك بالحرف الواحد
سليم:وانا بقدر اللى ينفذ التعليمات
ويكتب لها شيك بمبلغ من المال
ويمد يده لها
اتفضلى ياقمر
فريده وهى تنظر للشيك:بس انا مش عاوزة غير رضاك عنى
سليم:وانا راضي عنك كل الرضا
فريده:طب ممكن اعرف انت ليه طلبت منى انشر خبر طلاق يوسف وحور
سليم:العميل اليابانى اللى حيوقع معاكم الصفقه الجديده
يقدس الحياة الزوجيه ولما يعرف بخبر طلاق يوسف لمراته وكمان عشان مبتخلفش
ده حيخليه يفسخ العقد وميكملوش
فريده:اه قلتلى بقى
طب انا وانت ايه بقى
سليم :كل خير طبعا باقلبي
اخلصي انتى بس منه الأول
فريده:يعنى حنتجوز
سليم :طبعا ده اكيد هو انا حلاقى حد فى جمالك ودلعك
واخلاصك لية اناةاصلا من اول مرة شوفتك فيها وانتى لفتى نظرى انا مش عارف انتى ليه اتجوزتيه اصلا
فريده:كانت وصية ماجد عشان يربي البنت
سليم :بقولك ايه مش ناويه بقى تحنى علية وتيجى تزورينى
واللا ايه
فريده :توء تتوء
لا ياقلبي ده مش ممكن يحصل غير لما نتجوز
سليم:مانتى اللى معطلانا
ماتخلينا نخلص بقى عاوز اخدك واسفرك وادلعك واوريكى الدنبا شكلها ايه
فريده:خلاص هانت
بس انت مقلتليش انت ناوى بعد كده على ايه
سليم:لا دى حتبقى مفاجاه
بس ايه حتكون مفاجاة من العيار الثقيل
فريده:تمام يا قلبي
♥️♥️♥️♥️♥️♥️♥️♥️♥️♥️♥️♥️
فى فرنسا
عز:ماما انا عاوث اثيل ماكت
فيروز:حاضر ياحبيبي ارضعه وحخليك تشيله
عز:هو حيكبل ويلحب محايا هو وتالمن امتى
كنان :ماكت وتالمن
مين دول ياحبيبي انت بوظت اسماء اخواتك خالص
نفسي لسانك ده يتعدل شويه
فيروز :بقولك ايه انا محدش يتريق على ابنى
بكرة لسانه يتعدل ويبقى زى الفل
وعالعموم انا حجزتله تخاطب عشان ا طمن عليه
كنان وهو يقبل يدها:ربنا يخليكى لينا يا حبيبتى
اومال فينا مراد وادهم
فيروز:بيلعبوا بره مع اياد وريماس وفيروز
كنان:كارمن عامله ايه ياحبيبتى لسه بتكح
فيروز:الحمد لله والله ياحبيبي الكحه خفت شويه
ثم تنظر اليه انا عارفه ان اهم اتنين عندك فى البيت
كارمن وفيروز
كنان:لا والله ياحبيبتى
يعلم ربنا ان كلهم ولادى وغلاوتهم واحده
بس البنتين دول محبتهم فى قلبي حاجه تانيه
فيروز:عارفه ياحبيبي
عشان اسمهم على اسمى انا وكارمن الله يرحمها
كنان:الله يرحمها
فيروز:طب بقولك ايه بمناسبة سيرة كارمن دار الايتام اللى انت عاملها صدقه على روح كارمن
اتصلوا النهارده وعاوزينك ياحبيبي عشان طلبات الشهر
كنان:حاضر حروح بكرة
فجاة تجد امها تدخل عليهم
فاتن:الحقينى يافيروز
فيروز بخضه:مالك ياماما
فاتن:حور ويوسف اتطلقوا
فيروز:يالهوى ازاى ياماما ايه الكلام اللى بتقوليه ده
فاتن:انا معرفش يابنتى انا بفتح النت لقيت الخبر
فيروز:الخبر عالنت ازاى ياماما
فاتن:معرفش منك لله يابتى منك لله يافريده اكيد انتى اللى ورا طلاقهم
فيروز:اهدى بس ياماما احنا لسه منعرفش حاجه
فاتن:انا سكت كتير على عمايل اختك السوده لكن تخرب بيت حور انا مش حسكت على ده ابدا
فيروز تتصل على يوسف
يوسف:مش معقول
فيروز هانم بتكلمنى انا قلت انك نسيتينا خلاص
ودلوقتى عايشه بقى مع حبيبك
فيروز:طبعا يايوسف هو فى ايه فى الدنيا احلى من انك تعيش مع حبيبك وخصوصا لما ييجى بعد صبر سنين
شوف انت كده وانت عايش مع حور احساسك ايه
وانت مع حبيبتك اللى استنيتها سنين لحد مابقت ملكك وليك
اللا قوللى صحيح ياعم هو انت خلاص بقيت من رجال الاعمال اللى الصحافة بتطلع عليهم اشاعات وكده
يوسف :اشمعنى يعنى
فيروز بمكر:لا ابدا اصلى قريت خبر دلوقتى وطبعا انا عارفه انه اشاعه بس ده ممكن يشوشر على سمعة الشركه
بيقولوا انك طلقت حور انا عارفه طبعا انها مجرد اشاعه
بس انا مش عاوزاك تسكت على كلام فارغ زى ده انت لازم تقلب الدنيا
يوسف:بس دى مش اشاعه يافيروز
انا وحور فعلا اتطلقنا
فيروز:يانهار اسود ومنيل
ايه اللى بتقوله ده يايوسف مين اللى طلق مين
لا والله مصدق
ليه ايه اللى حصل
يوسف:نصيب يافيروز
فيروز بغضب:نصيب النصيب دى الشماعه اللى بنعلق عليها اخطاءنا
نصيب واللا شيطان دخل مابينكم يايوسف
هاه اتكلم
حور تطلق حور حبيبة عمرك
حور اللى استنيتها سنين عشان تتجوز ها
وجاى دلوقتى تقوللى نصيب
وبعدين ايه موضوع انك طلقتها عشان مبتخلفش الكلام ده صحيح
يوسف:لا طبعا احنا اختلفنا فى وجهات النظر
فيروز:يوسف هى اختى ليها دخل فى موضوع طلاقكم
يوسف :لا طبعا ملهاش دخل
فيروز:بقولك ايه اختى مش حتكون ليها دخل بشكل مباشر دى اختى وانا ادرى الناس بيها
لكن اكيد ليها دخل بشكل غيرمباشر
يوسف :فيروز من فضلك فريده مراتى وحبيبتى ومسمحش لحد يغلط فيها
فيروز: فريده اختى قبل ماتكون مراتك يايوسف
فاهم يعنى ايه يعنى انا اكتر واحده فهماها فى الدنيا
اوعى تكون فاكرنى عاوزة أحملها سبب طلاقكم
لا يايوسف انا متاكده ان فريده ليها دخل فى طلاقكم
انت ازاى يجيلك قلب انك تفرط فى حور
حور يايوسف حور
صدقنى يايوسف انت حتندم وحتندم اوى كمان
وهنا تاخذ فاتن السماعه من ايد فيروز
ايوه يايوسف انا حماتك
😒😒😒😒😒😒😒😒😒😒😒😒😒
بعد مرور عدة ايام فى المستشفى
جلال:حمد الله على السلامه يادكتورة
كده تغيبى علينا الفترة دى كلها
حور:اسفه والله يادكتور بس كنت تعبانه شويه
جلال:طيب التعبان ده مش يسيب تليفونه الناس تطمن عليه
واللا يسيبوا اللى بيحبوهم يقلقوا كده
حور:معلش يادكتور انا مكنتش فى حاله تسمحلى انى اتكلم مع اى حد
جلال :ولا يهمك ياحور المهم انك رجعتى بالسلامه
المستشفى كانت وحشة اوى من غيرك
حتى المرضى كانوا بيسالوا عنك
حور:بجد يادكتور فى حد كان بيسال عنى
جلال :ايوة طبعا ياحور
الكل كان بيسال عنك دكاترة وممرضين ومرضى
انتى مهمه بالنسبه لنا اوى ياحور
حور:ربنا يخليك يادكتور
جلال:حور انا محتاج اتكلم معاكى ممكن ياحور
تسمحيلى اعزمك على الغدا ونتكلم براحتنا فى اى مكان عام
حور:صدقنى يادكتور لو قلت لحضرتك انى انا اللى محتاجه اتكلم معاك
انا حستئذن من بابا وارد عليك
تتصل حور لتستئذن والدها
بدر: حور انا واثق فيكى ياحبيبتى وكلمة مطلقه والناس حتتكلم عليكى دى تشيليها من دماغك خالص انتى فاهمه
انا ميهمنيش غير سعادتك انتى وبس
فى مكان هادئ يطل على شاطئ البحر
يحلس جلال امام حور التى تنظر للبحر دون ان تنطق كلمه واحده
بعد فتره من الوقت
جلال:حور حتفضلى ساكته كده كتير
عاوز اسمعك نفسي اعرف ايه اللى جواكى
حور:عارف يادكتور زمان وانا صغيرة كنت بخاف اوى انزل البحر
ماما كانت دايما تقوللى البحر ده غدار وملوش امان
وياما ناس كانت سباحه وغرقت فيه
فضلت طول عمرى اقعد عالشط
واخاف انى ادخل احسن ياخدنى زى ماما ماقالتلى
فضلت قاعده طول عمرى على الشط
لحد هو ماجه اخدنى ودخلت معاه
كنت اول مرة انزل البحر معاه
وبعدين غدر بية وسحبنى لجوة من غير مااحس
فجاة لقيت نفسي لوحدى وسط الامواج لاعارفه اعوم ولاعارفه اطلع
وهو سابنى لوحدى
وقعد يضحك علية ويقول العبيطه اهى اللى صدفدقت ان البحر خلاص مش حيغدر بيها
تدحرجت تلدموع من عينيها
طب لما هو مكنش ناوى يعلمنى ازاى اعوم دخلنى معاه جوة ليه
لما هو كان ناوى يغدر بيه خلانى احبه واتمنى اعوم بين امواجه ليه
ده حبه كان هو النفس اللى بتنفسه
فجاة اتشالت انبوبة الاكسجين
والمفروض انك تعيش طب تعيش ازاى من غير ماتتنفس
انا بحاول ابان كويسه
بحاول ابقى قويه زى ماوعدت امى
بس مش قادرة والله ماقادرة
تعبانن تعبانه اوى
كل مااغمض عينيه اشوفه قدامى
افتكر كل لحظه حلوة عشناها سواوكل كلمه حلوة سمعتها منه
افتكر كل وعد وعدهولى اننا حنفضل طول العمر سوا
وان مفيش قوة فى الارض ممكن تفرقنا
على قد مانا مش طايقه اسمع اسمه
على قد ماهو بيوحشنى ايوة بيوحشنى كلامه وهزاره وضحكه
نفسي انساه عاوزة انساه
عاوزة انسى انه دخل حياتى فى يوم من الايام تفتكر حينفع يادكتور
جلال:لو انتى عاوزة تنسيه حتقدرى ياحور
حور:وهو ده بأيدينا
جلال :ايوة يا حور بايديكى انك تنسي وتفتحى دراعاتك للدنيا من جديد
انتى لسه صغيرة اللى فى سنك لسه بيحب ويتحب ليه بيبتدى حياته
حور:بس انا حياتى انتهت بدرى اوى يادكتور
جلال:مين اللى قال كده
حور:انتى اللى زيك مبقوش كتير
ادبك وجمالك واخلاقك العاليه يخلوكى تقدرى تبداى حياة جديده
ايه رايك تداوى جروحك زى ماقال الشاعر
وداونى بالتى كانت هى الداء
حور:انا معنديش استعداد ادخل اى علاقه تانى
مبقاش عندى ثقه فى اى حد
مبقاش عندى حاجه اديها لاى حد
يوسف اخد كل حاجه وراح
جلال:حاولى ياحور
حاولى تقفى على رجلك من تانى وانا جمبك مش حسيبك
اوعدك ياحور
اوعدك انى حفضل معاكى لغاية ماتقدرى تقفى على رجلك من تانى وتستعيدي ثقتك بكل اللي حواليكى
حور:بس انت ملكش ذنب اشيلك همى
جلال:الحب اكبر ذنب ممكن الانسان يرتكبه فى حياته
وانا بحبك ياحور
تنظر له حور بصدمه ولاتتكلم
جلال:ايوة يا حور هى دى الحقيقه انا بحبك ومش من دلوقتى لا ده من زمان اوى
بالتحديد من وانتى فى سنه تالته لما رجعت من امريكا بعد مااخدت الدكتوراه
من اول مرة شفتك فيها
لما جيتى مكتبي عشان تسالنى على حاجه مكنتيش فاهماها
كان فى بنات كتير حلوين حواليه
بس انا عينى ماشافتش غيرك
ادبك واخلاقك وجمالك الهادي لفت نظرى
حبيتك ايوة حبيتك من غير مااحس
انا ايف ياحور اسف انى سمحت لنفسي احبك
بس والله العظيم عمرى ماصارحت نفسيي بالمشاعر دى غير قريب
كنت بحاول اقنع نفسي طول الوقت انك زى ريناد
مكنتش عاوز اخسرك ياحور
حور انا مستعد اقف جمبك لحد اخر نفس من غير مااكل ولا امل
وصدقينى عمرى ماحفرض عليكى مشاعرى
ولاحجبرك تحبينى ياحور
انا حساعدك تطلعى من البحر
حعلمك ازاى تقاومى الامواج
وتوصلي للشط بسلام
وبعد كده لو محبيتيش انك تحطى ايدك فى ايدي ونكمل المشوار سوا
صدقينى حكون مبسوط وانا شايفك سعيدوحكون سعيد اكتر وانا شايفك مع الانسان اللى يختاره قلبك
حور:يختاره قلبي
انا قلبي تعب معايا اوى لحد كده
وعمرى ماحظلمه تانى
انا مش عارفه ارد عليك اقولك ايه يادكتور
جلال:تقولى موافقه على انى اكون جمبك مش طمعان فى اكتر من كده ياحور
وكل اللى حقدر اوعدك بيه انك عمرك ماحتندمى
تبتسم له حور وتهز له راسها وتعطيه اشارة بموافقتها على كلامه