الفصل الخامس والعشرون والسادس والعشرون
بقلم عبير سليم
الفصل الخامس والعشرون
فى غرفة يوسف وحور:
طرق على باب الغرفه
ينهض يوسف من مكانه ليفتح الباب
يوسف:خير يافريده فى حاجه
فريده:انا اسفه يايوسف بس كنت عاوزة اتكلم معاك شويه ممكن
يوسف:حاضر يافريده اتفضلى روحى اوضتك وانا ححصلك
يدخل يوسف غرفتها
ايوة يافريده خير
فريده:يوسف انا عاوزة انزل معاك الشركه ممكن
يوسف:ليه يافريده ايه الداعى انك تنزلى الشغل
انتى فى الاول صممتى تشتغلى معايا عشان كنتى رافضه مساعدتى
لكن دلوقتى انتى بقيتى مراتى وانا ملزوم بيكوا
وحتعيشوا زى ايام المرحوم واحسن كمان يبقى تنزلى الشغل ليه
فريده وهى تحاول الاقتراب منه:يوسف لاحظ ان ايام ماجد ماما وفيروز كانوا معايا وكنت علطول عندهم
لكن دلوقتى انالوحدى
يوسف :وليه لوحدك ماما وحور موجودين
فريده:طبعا موجودين ومنورين كمان بس انت عارف ان حور خلاص قربت تخلص كليتها ومش فاضيه على طول بتذاكر
ومامتك ربنا يديها الصحه يارب دايما قاعده مع الحاج
ده غير انها من جيل تانى
وانا محتاجه اقعد مع حد من سنى يفهمني وافهمه
انت عارف يايوسف ماجد دايما كان بيخلص شغل ويبجى يقعد معايا ونتكلم ونضحك ونهزر سوا
حتى لما كنت اقوله لو عاوز تخرح اخرج
هو كان بيرفض ويقوللى معقوله حد يلاقى الدلع ده كله ويسيبه
فيبتعد عنها يوسف
بس
فريده:ارجوك يايوسف متبقاش انت والزمن علية
مش كفاية انك اشترطت علية قبل الجواز اننا حنعيش زى
الاخوات وانا وافقت مع ان ده فيه ظلم ليه
يوسف:فريده اديكى قلتى اهوه اشترطت عليكى يعنى مخدعتيكيش
وانتى كان ليكى الحق توافقى او ترفضى
لكن انتى وافقتى يبقى ملوش لزوم الكلام ده دلوقتى
فريده:انا مش قصدي يايوسف انا بس قصدى ان حتى حضن الزوج انا اتحرمت منه
وانت عارف ماجد كان حنين علية وبيحبنى اد ايه
ومهما كانت الست قويه بس بردو وجود زوجها جمبها اهم
من اى حاجه فى الدنيا وانا فعلا وافقت يايوسف وقلتلك
كفايه علية انك حتراعينا انا وبنتى
وانا مش طمعانه فى اكتر من كده
انا بس بفضفض معاك مش اكتر
بس ارجوك انا محتاجه اشتغل على الاقل الاقى حاجه تشغلنى وتنسينى اللى انا فيه وتنسينى انى المفروضةاعيش حياة طبيعيه زى اى ست
ولو انت اتضايقت يايوسف خلاص انا اسفه اعتبرنى مقلتش حاجه
واعتبرنى كمان مش موجوده فى البيت
وانا ححاول على قد مااقدر مااخلكش تشوف وشي عشان متضايقش يايوسف
اهئ اهئ اهئ اهئ
يوسف:لا حول ولاقوة الا بالله
طب لزمتها ايه الدموع دى بس دلوقتى
خلاص ياستى حقك علية متزعليش عايزة تنزلى الشغل انزلى من بكرة
فريده:وهى تحتضنه وتقبله فى خده :شكرا يايوسف ربنا يخليك لية وربنا ميحرمنيش منك ابدا
فيبتعد يوسف عنها سريعا
بينما هى:يوسف انا اسفه والله مكنش قصدى
يوسف:خلاص يافريده محصلش حاجه
وينصرف سريعا على غرفته
فريده :هههههه شكلك حتقع قريب اوى يايوسف يايوسف♥️♥️♥️♥️♥️♥️♥️♥️
تعود حور لتجد البيت هادئا فتصعد الى غرفتها
فتجد يوسف فى انتظارها وبمجرد دخولها الغرفه يقوم باحتضانها
يوسف:حبيبى اتاخر ليه
حور:انت لسه صاحى
يوسف:مقدرش انام غير فى حضن حبيبي
وياخذها يوسف فى عالمه الخاص الذى تعشقه لينسيها كل الالام التى سببها لها
🌹🌹🌹🌹🌹🌹🌹🌹🌹
فى الصباح
تنزل فريده من على الدرج وهى فى ابهى صورها
حيث كانت ترتدى فستان يصل للركبه يبرز جمال ساقيها
وتترك لشعرها العنان على ظهرها
وصندل بكعب عالى ورائحة عطرها تنتشر فى المكان
فتجد الجميع على مائدة الفطور حور تجلس بجوار يوسف ويضحكان سويا بينما الحاج والحاجه ياكلان بصمت
صباح الخير يا جماعة
الجميع يرد:صباح النور
الحاجه:اجعدى ياحبيبتى عشان تفطرى
تجلس فريده فى الكرسي المقابل ليوسف
وتبدا فى تناول الطعام
بينما حور تقول ليوسف حبيبي ممكن توصلنى فى طريقك للكليه
يوسف :طبعا ياقلبي انتى مش محتاجه تستئذنى
بعد قليل
يوسف:ياللا يافريده
يخرج يوسف وحور اولا ثم تمشي خلفهم فريده
ماشي ياحور الحقى عيشيلك يومين ياحلوة قبل ماتتقلبي على بوزك ان شاء الله
يفتح يوسف الباب الامامى لحور فتجلس بجانبه
ويفتح الباب الخلفى لفريده فتجلس وهى فى قمة الغضب
يقوم يوسف بتوصيل حور اولا الى الجامعه والتى قبل نزولها تقبل يوسف من خديه
يوسف:فريده
فريده:نعم يايوسف
يوسف:ممكن تيجى تقعدي قدام
فريده:تنزل بهدوء وتجلس بجانبه بدون اى كلمه
وتظل طوال الطريق ساكنه ولا تتحدث بكلمه
يوسف يحدث نفسه:يوسف انت المفروض تراعى مشاعرها هى انسانه بردو وعندها مشاعر
دلع حور وانتوا لوحدكم بس ياريت بلاش قدامها
كفايه انها مش حتاخد حقوقها زى اى ست
يحاول يوسف ان يفتح معها كلام
فريده مقولتليش فيروز عامله ايه
فريده:مبسوطه اوى
يوسف:كنان شكله طيب اوى
فريده:بيحبها يايوسف وانت عارف الراجل لما بيحب بيعمل اى حاجه فى الدنيا
عشان خاطر اللى بيحبه حتى لو ظلم حد تانى وجه عليه
يوسف وهو يفهم ماتشير اليه فريده:يوقف السيارة فجاة
فريده انا اسف حقك علية
انا عارف انى زودتها اوى
متزعليش منى
فريده بتمثيل:انا مش زعلانه منك يايوسف
انا زعلانه على بختى اللى خلانى اقبل بحاجه زى دى
انت عارف كويس انى كان ممكن اتجوز حد يحبنى ويقدرنى ويعوضنى عن غياب ماجد
بس انا وافقت عليك يايوسف رغم الشرط اللى شرطته علية
واللى مش ممكن واحده تقبله على كرامتها
وكل ده عشان بنتى يايوسف
متترباش فى حضن راجل غريب
هى مهما كان لحمكم وانتم اولى بيها
مش مهم انا المهم هي يايوسف
يوسف:فريده ارجوكى متتحسسينيش بالذنب
فريده:مفيش حاجه يايوسف صدقنى
وعشان تصدق انى مش زعلانه انا حعزمك نفطر سوا ونتكلم مع بعض زى الاول ايه رايك
يوسف:تمام وانا موافق
😍😍😍😍😍😍😍😍😍😍
فى فرنسا فى احدى المطاعم
يجلس عاصم امام سهى ليتحدث اليها
عاصم:سهى انا مدام فيروز بلغتنى انك مش موافقه علية
ممكن اعرف السبب
سهى:معلش يا استاذ عاصم ممكن احتفظ بالاجابه لنفسي
عاصم:سهى انا عارف انى كنت متجوز قبل كده وعندى ولاد وانتى متجوزتيش قبل كده وممكن الموضوع ده يكون مضايقك
بس اوعدك والله انى حعوضك على اد مقدر
سهى انا معجب ببكى من اول لحظه شفتك فيها
صحيح جمالك هوو اول حاجه لفتت نظرى
بس والله لما شفتك وانتى بتجري وتلعبي مع الولاد وكنت مهتمية بيهم جدا
وبتدى العلاج بنفسك لمدام حياة حسيتك طيبه اوى ودخلتى قلبي
ادينى فرصه ومش حتندمى صدقينى
سهى:انا مصدقاك والله يااستاذ عاصم
وولادك مش هما السبب خالص صدقنى
عاصم:طب قوليلي وصدقينى انا حتفهم الموقف
سهى:استاذ عاصم انا
عاصم:انتى ايه ياسهى اتكلمى من فضلك
سهى:انا حقولك على كل حاجه بس لية طلب عندك الاول
عاصم:اتفضلى ياسهى
سهى:انت بعد الكلام اللى حتسمعه منى اكيد حتنسى انك فكرت تطلب ايدي اصلا
وممكن بعد كده متطقش تبص فى وشى اصلا
بس الله يخليك وحياة ولادك الكلام ده يبقى سر محدش يعرفه
عاصم وقد بدا يفهم ماتقصده سهى:اتفضلى ياسهى احكى واطمنى مهما حصل مفيش كلمه حتخرج لاى مخلوق فى الدنيا
سهى تحكى له كل ماحكته قبل ذلك لفيروز منذ ولدت وحتى هذا اليوم الذى تجلس فيه معه
سهى :عرفت دلوقتى انا رافضه الجواز منك ليه
طبعا انت مش محتاج تقول ردك لانى عارفاه
بس الله يخليك مش عاوزة كنان بيه يعرف حاجه
احسن يقطع عيشي
وانا ماصدقت اكل لقمتى واصرف على اخواتى بالحلال
عاصم:وهو انتى عرفتى رايي ياسهى
سهى:رايك انا عارفاه ومتاكده منه من قبل مااجى
ولولا ان ابله فيروز هى اللى طلبت منى اجى واحكيلك
مكنتش جيت اصلا
عاصم:طب ياريت تبلغى فيروز انى حاجى عندكم البيت النهارده
سهى:لا والنبي الله يخليك انت وعدتني انك مش حتقول لحد انت عاوز تيجى تفضحنى
عاصم:سهى انا حاجى عشان اتقدم رسمى واطلب ايدك من كنان وفيروز
سهى:انت بتقول ايه
اكيد طبعا بتهزر لا والنبي متتريقش علية
عاصم:فيروز ربنا بيسامح يبقى انا مش حسامح
وبعدين انا مش اقل من ماجد الله يرحمه اللى جابك وعملك العملية
من غير حتى مايعرفك
سهى احنا كلنا بنغلط
ومادمتى توبتى خلاص يبقى انتهينا
انا ححاسبك من وقت ماحتبقى على اسمي لكن اللى قبل كده مليش دعوة بيه
ومش عاوزين نتكلم فى الموضوع ده تانى
سهى ودموع الفرح تملاء وجهها:يعنى انت حتتجوزنى وحبقى مراتك وحبقى ست محترمه وعندى بيت وزوج بستناه لما يرجع من الشغل واعمله الاكل بايدي واقعد اربي ولادى
عاصم:ايوة يا سهى حتبقى مراتى وام لاياد وريماس وعاوزك تتجدعنى وتجيبلهم اخوات عايزك تمليلي البيت ولاد
ترفع سهى يدها شكرا لله
الحمد والشكر ليك يارب
وربنا يرحمك يا استاذ ماجد يارب ويغفرلك بحق توبتى اللى كانت على ايديك
❤️❤️❤️❤️❤️❤️❤️❤️❤️❤️❤️❤️
تمر الايام وفريده علاقتها تزداد قربا بيوسف
فكل يوم تذهب معه الى الشركه ويعودان سويا
وتتحجج العمل لتتحدث معه الكثير من الوقت
وحور لاتطمئن لذلك وطوال الوقت خائفه من فريده
وخائفه ان يميل زوجها لها
وخاصة ان فريده تفوقها جمالا وبها جاذبيه شديده
بينما حور جمالها هادئ فيها الكثير من صفات فيروز
ولذلك كانت تحاول دائما الا تتركهم وحدهم كثيرا يتحدثون
فكثيرا ماكانت اذا انتهت محاضرتها مبكرا تذهب سريعا الى الشركه لتعود معهم بالسيارةوهذا الامر كان يزعج فريده جدا ويشعرها بتضاؤل ححجمها
واحيانا كثيره كانت تحاول ان تنهى مذاكرتها مبكرا حتى تجلس معه ولا تشعره باى حرمان
حتى انها بدات تتخلص من الخجل وكانت دائما هى من تسعى لبداية العلاقه بينهم
وهذا الامر كان يسعد يوسف كثيرا
فمثله مثل الرجال يعشق اهتمام زوجته به
ولكنها احيانا كثيرة كانت تشعر بالتعب والاجهادبسبب العلاج الذى كانت تتلقاه ليحدث الحمل و كان يسبب لها صداعا وعصبية واحيانا اكتئاب
وفى ذات مساء عند عودة يوسف من العمل
حور:حمد الله على السلامه يا قلبي
يوسف:الله يسلمك يا حبيبتى
الدكتورة بتاعتى عامله ايه
حور:هانت خلاص وقربت اخلص
يوسف:ان شاء الله
وانا حعملك حتة عياده تحفه
فتحتضنه حور ربنا يخليك لية ياقلبي منحرمش منك يا رب
وفجأه يرن الهاتف
حور:ازيك يابابا عامل ايه ياحبيبي
اللوا بدر:حور مامتك تعبانه اوى ودخلت العنايه المركزه
حور:ماما فى العنايه ليه يابابا
وياخذها يوسف ويذهبان سريعا الى المستشفي
حيث بجدون الاجهزة موصله بالقلب
والدكتور يبلغهم بخطورة الحاله
حور تبكى بكاء شديد بينما يوسف يحاول تهدئتها
يوسف:ادعيلها ياحبيبتى ان شاء الله حتبقى كويسه
حور :يارب يايوسف انا لو ماما حصلها حاجه حموت
تدخل اليها حور لتطمئن عليها
فاتن بصوت منخفض :بنتى حبيبتى
حور ادعيلى ياحور متنسينيش ياحبيبتى
حور:ماما انتى حتخفى ياحبيبتى
فاتن:خللى بالك من نفسك كويس
متخليش حد يدوس على كرامتك مهما حصل
اللى ميحسش بقيمة وجودك خرجيه من حياتك
الممرضه:من فضلك ممكن تخرجى كده المريضه حتتعب
تجلس حور باكيه على حال امها
تجلس حور طوال الليل امام العناية مصرة على عدم الرجوع
يعود يوسف الى المنزل على ان يتجه اليها فى الصباح ليطمئن على والدتها
تلمحه فريده فتخرج من غرفتها سريعا
وهى بملابس النوم
وكانت هذه اول مرة يراها يوسف بهذه الملابس
فريده:يوسف حمد الله على السلامه طنط ماجدة عامله ايه
فينظر لها يوسف بغضب:انتى ايه اللى خارجه بيه من اوضتك ده
فريده:اسفه يايوسف اصلى نسيت انك مبتعتبرنيش مراتك
وان حرام لو شفتنى لابسه كده
انا اصلا كنت حنام بس لما سمعت صوت العربيه قلت اطمن على مامة حور مش اكتر
يوسف:فريده انا مقصدش
بس متنسيش ان بابا موجود فى البيت ومينفعش يشوفك كده
فريده:وباباك ايه اللى حيخليه يشوفنى كده يايوسف
باباك اصلا نام من بدرى
ده غير اصلا انه عمره مابيطلع الدور بتاعنا
انت بس بتحاول تدور على حاجه تقولهالى عشان مزعلش عالعموم حقك علية انا اسفه
تدخل غرفتها
يوسف:يييه بقى هو انا كنت ناقصك انتى كمان
فيفتح الباب عليها فيسالها هى رهف فين مش نايمه معاكى ليه
فريده: وهى تمثل البكاء:صممت تنام فى حضن مامتك
ماهو كل واحد فى البيت ده بينام فى حضن حد الاانا
اتكتب علية افضل مرميه لوحدى طول العمر
يوسف:وهو يطبطب عليها طب حقك علية متزعليش
فتحاول فريده الاقتراب منه لتلفح انفاسها وجهه
يوسف هو انا وحشه
يوسف:ايه الكلام ده
فريده :يوسف انا مش طمعانه انك تحبنى بس حاول على الاقل تدينى فرصه اقرب منك
ثم تقترب منه اكثر وهو غير واعى بما يحدث
وتهمس فى اذنه انت متعرفش غلاوتك عندى قد اايه
وفجأة يفيق مما هو فيه على تليفون من حور
الحقنى يايوسف ماما ماتت يايوسف
♥️♥️♥️♥️♥️♥️♥️♥️♥️
بكاء ونحيب شديد
اللواء بدر ياخذ ابنته فى احضانه ويبكيان بشده
يجرى عليها يوسف:حور حبيبتى البقاء لله
ربنا يرحمها ويغفر لها يارب
حور:ماما ماتت يايوسف
امى ماتت خلاص
رحتى ليه وسيبتينى ياماما
الحاجه ابتسام:متجوليش اكده ياحبيبتى واحنا روحنا فين انا مش زي امك بردك
الله يرحمك ياماجده كانت حبيبتى وصاحبتى
ادعيلها ياحبيبتى هى دلوجتى مش عاوزه غير دعاكى ليها وبس
ودموعك دى انتى بتحرجيها بيها
وكان الحاج يونس يواسي اللواء بدر:شد حيلك يابدر
المرحومه كانت غاليه علينا جوى
بس متغلاش على اللى خالجها
وربنا يخليلك حور يارب
ياتى الاقرباء كلهم لاداء واحب العزاء بينما لا تستطيع فيروز النزول حيث انها كانت مجهده جدا بسبب الحمل والدكتور حرج عليها ركوب الطائرة
علاوة على ذلك فقد تعرضت لنزيف وتم حجزها بالمستشفى وكانت امها ملازمه لها
بينما سهى وحياة يقومون برعاية الاطفال
فاتن ببكاء:ماجده ماتت
ياحبيبتى ياماجده
الله يرحمك يا حبيبتى
كانت فرحانه انها جوزت حور وقلبها اطمن من ناحيتها
تلاقيها ماتت من قهرتها على بنتها
منك لله يافريده يابنتى
فيروز وهى على سرير المستشفى:حرام عليكى ياماما انتى بتدعى على اختى
فاتن:اعمل ايه بس من غلبي يابنتى
ماهى السبب
فيروز:ليه بس مش طنط ماجده الله يرحمه كانت مريضة قلب وكلنا عارفين
دى اعمار ياامى
وبعدين مانتى شفتى ماجد اللى راح فى عز شبابه
انا اللى صعبانه علية حور
واللى مضايقنى انى مش حعرف اكون جمبها
ويادوب عزتها بالتليفون
ربنا يصبرها يارب
😒😒😒😒😒😒😒😒😒😒😒😒
تمر ايام العزاء ويوسف بجوار حور لايفارقها
ا
وحور تكاد لا تتوقف عن البكاء
وحالتها النفسيه تسوء كل يوم عما قبله
حتى انها اصبحت قليلة الكلام
لا تاكل ولاتشرب ولا حتى تاخذ علاجها
بينما يوسف لايفارقها
ولكن الى متى فهو لم يذهب الى الشركه منذ وفاة ام حور
وكانت فريده هى من تذهب الى الشركه وتتولى العمل بها بكل همه ونشاط حتى ان الموظفين بالشركه كانوا يجيدون بعملها ونشاطها وانها شعلة نشاط لاتكل ولا تمل
يوسف:حور حبيبتى مش ناويه ترجعى معايا البيت بقى مش كفايه كده
حور:ارجع معاك ازاى يايوسف واسيب بابا لمين
يوسف:حوربقالك اكتر من اسبوعين هنا وانا قاعد معاكى وسايب الدنيا متطربقه
لا بروح الشركه ولا بروح حتى اطمن على امى وابويا
ولا عارف الدنيا فيها ايه
وانتى مش حتروحى الكليه امتحاناتك قربت
حور كفايه كده وياللا بينا نرجع بيتنا
حور:انا مش حرجع واسيب بابا روح انت يايوسف متعطلش نفسك روح شوف شركتك واطمن على باباك ومامتك
يوسف:وانتى يحور
حور:انا حسه ان حياتى انتهت يايوسف
موت امى كسرنى اوى
انا طول عمرى مليش اصحاب ماما كانت اختى وحبيبتى وصاحبتى وكل دنيتى
انت عارف يايوسف انا كنت بحكيلها على كل حاجه
حتى لما خدت بالها انى بحبك وسالتنى عن مشاعري ناحيتك مكدبتش عليها ولاخجلت منها
وقولتلها انى بحبك
ثم تنهار من البكاء
يوسف انا مش متخيله حياتى من غيرها
مش قادرة اصدق انى مش حشوفها تانى يايوسف
ااااه ياامى ااه
ياخذها يوسف فى حضنه ويطبطب عليها
حور حبيبتى وحدى الله
انتى مؤمنه ياحور
وعارفه ان الموت علينا حق
كفايه عشان خاطرى وانا جمبك ياحبيبتى
تهدا قليلا وتغفل عيناها فى حضنه
ويقرر يوسف الذهاب الى الشركه
ليباشر عمله
يدخل الشركه والكل يقدم له واجب العزاء
ثم يدخل مكتبه فيجد فريده جالسه على المكتب
فتقوم للسلام عليه بمجرد دخوله
فريده:يوسف حمد الله على السلامه نورت شركتك
ويجلس يوسف على المكتب
متشكر اوى يافريده
فريده:انتى بتشكرنى على ايه يا يوسف انت ناسي انى مراتك وواجب علية اكون جانبك واللا نسيب الشركه غشان تتسرق
المهم طمنى حور عامله ايه
معلش انا عارفه انى مقصرة معاها اوى
ومرحتش عندها من فترة بس والله انا على مابروح واذاكر لرهف شويه اليوم بيكون خلص
يوسف:ميهمكيش يافريده اصلا حور مش داريانه بالدنيا كلها
فريده:ليه بس كده دى حتى طنط الله يرحمها عدى على وفاتها فترة
يوسف:مانتى عارفه حور كانت مرتبطه بمامتها ازاى
دى حتى مش راضيه ترجع الفيلا ومصرة تفضل مع باباها
فريده بلؤم :سيبها يايوسف على راحتها وانا موجوده لو احتاجت اى حاجه
فينظر لها يوسف وهو لايفهم ماذاتقصد بكلامها
فريده تحاول تغيير الموضوع:يوسف كان فى شوية اوراق محتاجه توقيعك
يوسف:حاضر يافريده
تتحرك فريده امامه ببطء حتى تلفت انتباهه
تحضر امامه الاوراق وتقترب منه ليوقع الاوراق متعمده ان يشم رائحتها وشعرها يلامس كتفه
فيحاول السيطرة على نفسه
فهى قمه فى الانوثه والشياكه
😒😒😒😒😒😒😒😒😒😒😒😒
بعد مرور يومين اخرين
يذهب يوسف لزيارة حور وابوها
يوسف:عمى لو سمحت كنت عاوز استئذنك اخد حور معايا
اللوا بدر:طبعا ياحبيبي حقك
حور قومى ياحبيبتى مع جوزك
حور:بس يابابا
ابوها:قومى ياحبيبتى روحى مع جوزك وخللى بالك منه
حور تقوم لتحضير نفسها وتعود المنزل مع زوجها
تدخل حور الفيللا مع زوجها فيقوم الجميع للسلام عليه
فريده :حمدالله على السلامه يا قلبي
معلش والله انا كنت مشغوله اوى فى الشركه ومعرفتش اجى ازورك
حور:تهز راسها ولاترد
الحاج يونس:تعالى ياحبيبتى اجعدى جانبي
بصي بجى احنا عايزبن نفوج اجده
الدكتورة بتاعتنا عايزينها تبجى اشطر دكتورة
اللا جوليلي يابت الغاليين
ناويه بجى تتخصصى فى ايه
خور:قلب ان شاء الله
الحاجه ابتسام:يارب يابتى اشوفك دكتورة مشهورة اجده
وتبجى كيف الدكتور مجدى يعجوب ياجادر ياكريم يارب
تستأذن حور لتطلع غر فة نومها
ويطلع يوسف معها
ثم يحاول الاقتراب منها
يوسف :وحشتينى اوى ياحور
حور:من فضلك يا يوسف انا تعبانه الله يخليك
يوسف:حور انتى وحشتينى اوى
وانا بجد محتاجلك
حور :وانا كمان محتاجه لك اوى يايوسف
بس معلش الله يخليك ادينى شوية وقت
انا صورة امى مبتفارقش خيالي
يوسف:ماشي ياحور على راحتك
انا حنام تصبحى على خير
ويذهب للنوم وهو فى قمة غضبه
يذهب للعمل كعادته بصحبة فريده
التى تحاول طوال الوقت لفت نظره ليها
فريده:مالك يايوسف شكلك مضايق فى حاجه
يوسف :متشغليش بالك يافريده
فريده بمكر:وانا لو مشغلتش بالى بيك حشغل بالى بمين يايوسف انت متعرفش غلاوتك عندى اد ايه
يوسف:ربنا يخليكى يارب انا عارف انك بتعزينى
ويدور بينهما حوار عن العمل
يدخلان الشركه وعيون الجميع على فريده فهى دائما تلفت الانظار بملابسها
تتقدم هى امامه وتدخل مكتبها بينما هو يتحدث فى التليفون واثناء توجهه الى المكتب يرى النظرات الموجهة اليها فيشعر بالضيق الشديد
يدخل عليها المكتب :فريده من فضلك بلاش اللبس الضيق ده ممكن
فريده:فى ايه يايوسف مالك فى ايه
يوسف:فى ان كل رجالة الشركه بيبصوا عليكى واللا انتى مبسوطه بكده
فريده وهى تحاول الاقتراب منه:طب وانت مضايق ليه
لتكون غيران علية واللا حاجه
يوسف :غيران لا طبعا وليه اغير
فريده بغضب منه:تغير علية عشان مراتك يايوسف وعلى اسمك واللا نسيت
يعنى حتى لو مكنش فى بينا حاجه بس بردو انا مراتك
يوسف :فريده من فضلك احنا متفقين
فريده:عارفه يايوسف عارفه اننا متفقين حفظاها تحب اسمعهالك مش كل شويه تقوللى متفقين متفقين
احنا مش داخلين صفقه وياريت تحترم مشاعري شويه انا بنى ادمه مش كل شويه تجرحنى بكلامك ده
عالعموم حاضر يايوسف لو موضوع اللبس مضايقك انا حظبط لبسي
بس اللى كان لازم تاخد بالك منه ان الكل شايفنى ماعدا انت
انت الوحيد اللى ربنا عامى عينه عنى
وتتركه وتخرج خارج المكتب لتباشر عملها
وفى نهاية اليوم لا تنتظر يوسف كالعاده ليذهبوا معا بل انهت عملها وطلبت تاكسي ورجعت البيت
يدخل يوسف المنزل وهو غاضب بشده :امى هى فريده جت
الحاجه:ايوة يابنى فى ايه مالك
فيصعد ويدخل عليها الغرفه بلا استئذان وكانت فريده خارجه من الحمام وليس عليها سوى بشكير تلف به جسدها
وشعرها مبلول ينزل على كتفيها بشكل يذهب العقل
يوسف بخجل:اسف انا اسف يافريده
ويدير وجهه ليسرع بلخروج
ولكن فريده تقف امامه
مالك يايوسف محصلش حاجه عشان تعتذر انت ناسي انى مراتك واللا ايه
بوسف وهو يتصبب عرقا:انتى مشيتى ليه من غيرماتستنينى
فريده:وايه المشكله هو انا مهمه اوى عندك يعنى عشان تهتم اذاكنت حرجع معاك واللا لاء
كانت تتحدث اليه وهى تتعمد الاقتراب منه ورائحة الشاور الذى كانت تستحم به تملء المكان
يوسف محاولا الابتعاد حتى لايقع فريسه لها:انا بس كنت خايف عليكي
فريده :خايف علية ليه من ايه
حد يخطفنى مثلا وصحكت ضحكه عاليه افقدته كل تركيزه
متخافش علية ده انا اخطف بلد
يتركها يوسف ويخرج سريعامن غرفتها قبل ان يقع صريعا لها
يدخل غرفته وهولا يستطيع السيطرة على نفسه
فيدخل الحمام وياخذ حمام ساخن لعله يهدا قليلا
تعود حور من الجامعه وتتجه الى غرفتها مباشرة فتجد يوسف فى انتظارها
يويف:حمد الله على السلامه يا حبيبتى
حور:الله يسلمك يا يوسف
يوسف:يوسف حاف كده
فين الكلام الحلو الجميل اللى كنتى مغرقانى فيه
حور :الله يخليك يايوسف انا مش فايقه والله
وجاية تعبانه وعايزة ارتاح
يوسف :طب ممكن تقوليلي حتفوقيلى امتى وتفتكرى انى لسه موجودياحور
فى ايه ياحورانا فين فى حياتك
انتى نسيتينى خالص ياحور
دافنه نفسك فى الاحزان
ومش عاوزة تدى لنفسك فرصه انها تنسى
حور ببكاء:انسى مين يايوسف
انسى امى انت بتقول ايه يايوسف
يوسف وهو يحاول ان يتمالك اعصابه
حور افهمينى ارجوكى انا مش مجنون عشان اقولك انسي امك
انا قصدى انسي الاحزان اللى انتى مستسلمه ليهادى
حور امك ماتت لكن احنا لسنا عايشين
حور:وانا الدنيا بالنسبه لي انتهت بعد موت امى
يوسف:ايه الكلام الفارغ ده حور انا مقدر اللى انتى فيه وعارف ان حزنك على امك مخليكى مش فى وعيك
بس متنسيش انى راجل ومحتاج وجود مراتى جمبي افهمينى ياحور بقى
حور:يوسف انا مش غبيه وفهماك كويس اوى
وعارفه انت تقصد ايه يا يوسف
بس ارجوك انت يايوسف حاول تفهمنى
انا تعبانه اوى موت امى ماثر فية اوى
انا كل مااغمض عينى بشوفها قدامى انا مش قادرة اتخيل انى حعيش حياة امى مش فيها
مش حقدر اعيش وانبسط وانام فى حضن جوزى بالسهوله دى مش قادرة مش قادرة
يوسف:طب وانا ياحور حقى فين انا لسه مموتش ياحور
حور:انت مش قاد تستحملنى كام يوم يايوسف
مش قادر تقدر حزنى على امى يايوسف
يوسف هو انا لو كنت تعبت او جالى مرض ولازم تصبر علية شويه حترمينى يايوسف مش حتقدر تستحمل
يوسف:انتى اتجننتى بتقولى ايه انا مش حيوان ياهانم وافهمى كلامك قبل ماتقوليه
حور:لا انا فاهمه وفاهمه اوى كمان
انت زيك زى اى راجل مبتفكرش غير فى نفسك وبس
بس ياريت تفتكر انى عمرى ماقصرت معاك فى حاجه
وكنت بتاخد حقوقك كامله وبزياده كمان
ودلوقتى جه الوقت اللى لازم تثبتلى فيه حبك يايوسف
يوسف:وهو كل اللى بعمله ده ولسه ماثبتش حبي ليكى
مانا ماسيبتكيش لحظه من وفت وفاة امك وسيبتك عند ابوكى ومااجبرتكيش ترجعى
حور:وانت لما ماجد مات وقعدت فترة تعبان ومخنوق ومش طايق حد
انا مفضلتش جمبك واستحملتك يايوسف
وكنت بحاول امتص غضبك
واللا نسيت دى كمان
بص يايوسف انا تعبانه اوى ومليش نفس لاى حاجه فى الدنيا
لو عندك استعداد تستحملنى لغاية مااقدر افوق من اللى فيه يبقى كتر خيرك
ولو مش حتقدر اديك عندك مراتك التانيه هى حتقدر تديك اللى انت عاوزه يايوسف
خصوصا انى متاكده كويس اوى انها حتموت عليك ونفسها فى حاجه زى دى
وصدقنى لو قلتلك انى لا حلوم عليك ولاحزعل منك
عارف ليه لانى فقدت لذة الاحساس بالحياة
امى راحت واخدت معاها كل حاجه حلوة
راحت واخدت معاها النفس اللى كنت بتنفسه
امى راحت راحت ومش حترجع تانى يايوسف
يرفق يوسف بحالها فياخذها فى احضانه
هشش اهدى اهدى ياحور
اهدى ياحبيبتي
😍😍😍😍😍😍😍😍😍😍😍😍😍
ياتى يوم جديد
ويذهب يوسف وفريده الى العمل
بينما حور فى المنزل ممسكه بصور امها
لاتفعل شيئا سوى البكاء عليها
وفجاة تجد التليفون يرن
حور:الو مين معايا
المتصل:انا دكتورجلال ياحور
انا اسف انى بتصل بيكى
حور :اهلا بحضرتك يا دكتور
دكتورجلاا:فينك ياحور
مبتجيش ليه انتى جيتى الكليه يومين ورجعتى انقطعتى تانى
والامتحانات قربت
حور ببكاء:مش قادرة يادكتور والله ماقادرة
الدكتور :بصي ياحور انا متعودتش قبل كده اتصل بطلبة عندى
بس انتى غير اى حد عندى ياحور
انتى من الطلبه المتفوقين اللى متاكد ان حيكون ليهم مستقبل كبير
ويصعب علية انى اشوفك بتدمرى نفسك بايدك
وبتدفنى نفسك يالحيا
كانت حور تبكى ولا ترد عليه
الدكتور:بصى ياحور انا مش حقولك غير انك باللى بتعمليه ده
بتضيعى ثقة والدتك الله يرحمها فيكى
حور:حضرتك بتقول ايه يادكتور
الدكتور :بقول ان الله يرحمها كان املها فى الدنيا انك تكونى دكتورة
وتكونى سبب في شفاء ناس كتير اوى
لكن انتى باللى بتعمليه ده بتخليها حزينه فى قبرها
وعمرها وتعبها معاكى راحوا هدر
من فضلك ياحور انتى لازم من بكرة ترجعى الكليه
حور:حاضر يا دكتور
الدكتور:واعملى حسابك انك حتكونى من الطلبه اللى حيشتغلوا فى المستشفى اللى بفتحها جديد
عشان حنعالج فيها مرضى القلب بالمجان
واللا انتى ملكيش فى عمل الخير
وبكده حتكون صدقه على روح المرحومه
ودى أجمل هديه ممكن تهديهالها فى قبرها
حور:وده شئ يشرفنى يادكتورجلال انى اشتغل مع حضرتك
زين:يبقى عاوز اشوفك بكرة فى الكليه تمام
حور:تمام يا دكتور
يغلق دكتورجلال التليفون مع حور ليجد اخته واقفه بجانبه
بتكلم مين ياجلجل
جلال:حور
اخته:دى الجو بتاعك واللا ايه
جلال:جو ايه الالفاظ دى
حور دى من اشطر الطلاب وبعدين احترمى نفسك انسانه محترمه جدا ومتجوزه
واللى اعرفه انها بتحب جوزها جدا
ريناد:ايوة ياابيه بس اللى اعرفه انك عمرك مااهتميت بحد من الطلبه ولا عمرى شوفتك بتكلم حد فيهم
ثم تقول وهى تضحك :فاكر ياجلجل البت الملزقه دى اللى اسمها لارا ياباى كان دمها يلطش
فاكر لما كانت حتموت عشان تحضر عيد ميلادها
وانت مرضتش ابدا طول عمرك تقيل ياباشا
يبقى اشمعنى بقى حور دى
اكيد الموضوع فيه ان
جلال :ان ايه وكان ايه يابنتى افهمى
انتى ليه تفكيرك شمال كده علطول
حور دي بنت مؤدبه جدا ومحترمه اوى غير كل البنات اللى قابلتهم فى حياتى
شوفى برغم انى سافرت وشوفت كتير بس اللى زى حور دى قليل اوى وبصراحه هى نموذج مشرف
ولو عندى بنت اتمنى تكون زى حور
ريناد:وايه اللى مانعك يكون عندك بنت وولد كمان ياجلجل
ماما وبابا عمالين يجيبولك بنات اشكال والوان
وانت اللى مش راضي ياعم
وكل واحده تطلع فيها القطط الفطسانه
والله صعبانين علي اوى حيموتوا ويشوفوك عريس ياقمر انت
جلال :طب بقولك ايه امشي من هنا عشان انا مش فاضيلك
ريناد:بس بردو مش مرتاحه لك ياجلجل
جلال:قومى يابت من هنا هو انا بتكلم مع عيلة اصلا زيك ليه
فتضحك ريناد وتقوم
😍😍😍😍😍😍😍😍😍😍😍😍😍😍
فى الشركه
فريده:يوسف العميل الالمانى اللى حنوقع معاه الشغل الجديد مصر انه ميجيش اسكندريه وعايز يوقع العقد فى شرم الشيخ
يوسف:هو حيتشرط علينا واللا ايه
خلاص الغى التعاقد معاه
فريده:يوسف مالك متاخدش الامور قفش كده
الشركه الالمانيه دى ليها سمعتها
والعروض اللى مقدمينها فى المشروع اللى حننفذوه سوا حلوة جدا
يوسف:فريده انا مخنوق اوى
وبجد مليش نفس لاى حاجه
فريده :وعشان انت مخنوق اوى صدقنى لو قلتلك ان العرض ده جه فى وقته
انت محتاج المكان ده يايوسف تريح فيه اعصابك يومين
وتنسى هموم الدنيا كلها
يوسف:تفتكرى حقدر انسى يافريده
فريده:سيبلي نفسك انت بس ومش حتندم
المهم دلوقتى تحضر نفسك السفر كمان يومين
يوسف:رهف حتعملى فيها ايه
فريده:خليها مع حور ومامتك كده كده اليومين دول هى ك
ماكنتش حتروح المدرسه
يوسف:خلاص تمام
😁😁😁😁😁😁😁😁😁😁😁😁😁😁😁😁
فى المساء
رهف تدخل على حور غرفتها
رهف:حول حبيبتى وحثتينى اوى انا مث بثوفيك ليه
كل ثويه تيته تقوللى ثيبي حول ثيبي حول
وانادواتى ضحكت عليها وكيت من ولاها
ههههههه ههههههه
فتضحك حور على هذه الطفله التى لاتفهم شيئا غير انها تحبها بصدق
فهى تسعى جاهده لرؤيتها والاطمئنان عليها
حور تاخذها فى حضنها
انتى كمان وحشتينى اوى يا حبيبتى
وتدخل رهف لتجلس معها
وبعد قليل يدخل يوسف الغرفه
مساء الخير ياحور
حور:مساء الخير يايوسف
رهف:وانا مفيث مثاء الخيل يالهف
واللا انت مث ثايفنى
يوسف:حبيبة قلبي مساء الفل والياسمين ياقمر
رهف:يوسو حول ثحلانه اوى وانا كمان ثحلانه
يوسف :حور على فكرة انا حسافر شرم يومبن
عشان عندنا توقيع عقد مع الشركه الالمانيه
حور:ربنا يوفقك يايوسف
يوسف:ماتيجى معايا ياحور وتغيري جو يومين
حور:مش حينفع يايوسف
دكتور جلال كلمنى وانا وعدته انى حنزل الكليه من بكرة
يوسف:ودكتور جلال ده يكلمك ليه من اساسه
حور:فى ايه يايوسف مالك ده دكتورى فى الجامعه وراجل محترم جدا
يوسف:ماشي باحور على راحتك
بس خللى بالك على نفسك
وانا حبقى اكلمك كل شويه
💕💕💕💕💕💕💕💕💕💕💕💕💕💕💕💕
فى شرم الشيخ
يوسف للريسيبشن:جناحين ازاى احنا حاجزين تلاته
الموظف:لا والله يافندم :الحجز اللى عندى حضرتك والمدام جناح
والعميل جناح
ينظر يوسف لفريده بعدم فهم
فريده:خلاص مفيش مشكله
يوسف من فضلك تعالى معايا
ويصعدوا الى الغرفه
يوسف:ممكن تفهمينى عشان انا مش فاهم حاجه
فريده:يوسف اللى حجزت السكرتيرة مش انا وهى طبعا متعرفش طبيعة العلاقه بينى وبينك
فهى بحسن نيه حجزت جناح لينا وجناح للعميل
يوسف:والحل دلوقتى
فريده:مفيش مشكله يايوسف خلينا احنا هنا ومتخافش ياسيدى نام انت على السرير
وانا حنام فى اى مكان
يوسف :لا طبعا مينفعش
فريده:طب بقولك ايه سيبك دلوقتى من الكلام ده وتعالى نتغدى عشان انا حموت من الجوع
ثم ياتى اليهم تليفون
فترد فريده وتتحدث الالمانيه
يوسف
يوسف:فى ايه يافريده
فريده:للاسف العميل حصلت معاه مشكله فى الحجز وحيوصل بعد يومين
يوسف:نعم ده تهريج والعمل دلوقتى
فريده:مفيش مشكله ايه ىايك ننبسط احنا اليومين دول ونغير جو على مايوصل العميل
يوسف:بس
فريده:مفيش بس
ياللا بقى قدامى
تنزل فريده مع يوسف ويقضيان الوقت وكانت فريده فى منتهى النشاط تجرى وتضحك وتتعامل مع الناس بمنتهى الذكاء
كانت هى سيدة الموقف وكل وظيفة يوسف الدفع فقط لاغير
ولكنه كان سعيد جدا بالوقت الذى يقضيه معها
حتى انه ولاول مرة ينسى الاطمئنان على حور
لقد فتحت فريده امامه دنيا لم يدخلها من قبل
يوم واحد فقط كان كفيلا ان ينسي يوسف حور
قال بينه وبين نفسه
لقد عذرتك ياماجد عندما فضلتها على اختها
فهى امراة عجيبه تستطيع جذب انتباه اى رجل اليها
فيها من الانوثه ما يجعل اى رجل يركع أمامها
وفيها من الشقاوة مايجعل من يراها يظنها فى العشرين
ياتى المساء ويرجعان الفندق وهما يضحكان
فريده:يوسف انا حدخل الحمام اغير هدومى
يوسف:تمام وانتي لما تخرجى حدخل انا
يجلس يوسف امام التلفاز
وبعد قليل تخرج فريده مرتديه قميص نوم
فينظر لها يوسف
ايه ده يافريده
فريده:معلش يايوسف انا اسفه والله
بس انا مكنتش اعرف اننا حنبقىى فى اوضه واحده
فهى دى الهدوم اللى جبتها معايا
اصلي مبعرفش انام غير بقميص نوم
يوسف :خلاص يافريده مفيش مشكله
فتجلس فريده بجواره متعمده الاقتراب منه
بتتفرج على ايه
يوسف:اى حاجه
فتميل عليه لتاخذ منه الريموت
طب هات كده انا حجيب حاجه حلوة
فتمر بالريموت على القنوات
فيمر احد المشاهد الرومانسيه
فتنظر ليوسف فتجده ينظر اليها برغبه
فتفهم مايحتاجه يوسف
خاصة وانها متاكده من ان حور كانت بعيده عنه فى الفترة الماضيه
فتحاول الاقتراب منه
بينما يوسف يتركها تقترب دون اى محاوله منه للابتعاد
وكانه كان ينتظر هذه الخطوة منها
الفصل السادس والعشرون
فى الصباح
يقوم بتكاسل شديد فيرى النائمه بجواره فيتذكر كل ماحدث
ليلة امس وضعفه امام فريده وانه بما فعل فقد نقض كل عهوده مع حبيبته وعشقه الاول حور
وان زواجه من هذه النائمه لم يصبح حبرا على قلم بل اصبح زواجا حقيقيا
فريده وهى تقترب منه وتقبله :صباح الخير ياحبيبي
يوسف :..............
فريده :مالك ياحبيبي سرحان فى ايه
اللى واخد عقلك ياقمر
يوسف:حور
فريده:مالها حور يايوسف حصلها حاجه
يوسف :حصل انى خنتها
فريده:خنتها انت بتقول ايه
ايه الكلام الفارغ ده
حاسب على كلامك يايوسف
انا مش واحده شاقطها من الشارع
انا مراتك فاهم يعنى مراتك
يعنى اللى حصل ده مش خيانه يايوسف
ده هو ده الصح هو ده اللى المفروض كان يحصل من اول يوم اتجوزنا فيه
يوسف :بس احنا كان فيه بيننا اتفاق واللا نسيتى
فريده :لا مانستش ولا حاجه
بس انت اللى ناسيه يامصلي ياللى عارف ربنا
ان الاتفاق اللى كان بيننا ده هو الى كان حرام وميرضيش ربنا
وانت عارف ده كويس اوى
وعارف انى اذا كنت وافقت فده عشان خاطر بنتى مش اكتر
لكن اللى حرام عليك فعلا هو لما اكون مراتك وتحرمنى من حقوقي
انت عارف انك لازم تعف مراتك واللا مش عارف
وعلى العموم انا مضربتكش على ايدك ولا اغتصبتك
ولا كنت مشرباك حاجه
كله كان بمزاجك يايوسف وكنت مبسوط جدا كمان
واللا انسيت اللى حصل
بس تصدق انى انا اللى غلطانه عشان سمحتلك تقرب منى
بس اعمل ايه فى قلبي ده
وحبي ليك اللى خلانى مقدرش اشوفك محتاجنى ومقربش منك
وعالعموم لوانت ندمان على اللى حصل خلاص يايوسف انسى واعتبره كانه محصلش
يوسف:حبك لية
فريده بمكر:ايوة حبي ليك يايوسف
ومش من دلوقتى من يوم مااتجوزتك يايوسف
وبقيت على اسمك
انا بحبك يايوسف
بحبك اوى
انا عارفه ان قلبك ملك حور بس ممكن تدينى فرصه يبقى لية مكان فيه
واوعدك مش حتندم
وصدقنى لو قلتلك انى مستعده اعمل اى حاجه فى الدنيا ممكن تخليك مبسوط يايوسف
يوسف لايرد عليها
فقط يدخل الحمام
ويحدث نفسه ليقنع نفسه بماحدث وانه لم يخطئ
انا معملتش حاجه غلط ولاحرام
هى معاها حق
هى مراتى ليها حق علية
وانا حفهم حور ده واكيد هى حتفهمنى
يخرج من الحمام فيجد فريده تهيئ نفسها له
فيقبل عليها بدون ادنى تفكير منه
فريده:يوسف
يوسف :نعم
فريده:بص بقى ايه رايك نقعد مع بعض يومين هنا
وانا حوريك اللى عمرك ماشفته
وحخليك تنسى كل الدنيا
بوسف:ياريت يافريده
فريده:من عيون فريده
فجاة يرن تليفونه
فيجد حور المتصل
يوسف:حور حبيبتى ازيك
حور:ايه يايوسف مكلمتنيش ليه ياحبيبي
قلقتنى عليك واتصلت عليك كذا مرة لقيت تليفونك مغلق
يوسف:معلش حبيبتى اصل العميل الالمانى حصلت معاه مشكله وخييجى لسه كمان يومين
فانا اتضايقت جدا وحصلت مشكله
وبعدين نمت ومحستش بالدنيا
حور:على فكرة انا رحت الكليه النهارده
يوسف:ايوة كده هو ده الكلام
حور:طب بايوسف انا حقفل معاك دلوقتى عشان الدكتور دخل المحاضره
يوسف:خللى بالك من نفسك
حور:حاضر ياحبيبي
تغلق الهاتف فتجد الدكتور جلال بنظر اليها لانه لايحب ان يستعمل احد الهاتف اثناء المحاضرة
فتضع الهاتف فى الحقيبه
وتنتبه الى المحاضرة
كان جلال ببن الحين والاخر بنظر اليها فى المحاضرة
بعد انتهاء المحاضرة واثناء خروج الطلبه من المدرج
جلال:دكتورة حور
حور:ايوة يادكتور
جلال:انا مبسوط اوى انى شفتك النهارده
حور:ربنا بخليك يادكتور وشكرا لاهتمام حضرتك
جلال:عاوزك تبقى تتجدعنى عاوز تقدير كويس
حور:ان شاء الله بادكتور
بس للاسف فى محاضرات فاتتنى ومحتاجه اخدها من زمايلى
جلال:واا يهمك انا مستعد اشرحلك المحاضرات اللى فاتنك فى مادتى
حور:بس كده حتعب حضرتك
جلال:مفيش تعب ولاحاجه
انتى من اكتر الطلاب اللى بحترمهم ياحور
حور:ربنا يخليك يا دكتور طب انا حستئذن حضرتك
تخرج حور من المحاضرة
وتذهب الى منزل والدها الذي تدهورت حالتها النفسيه منذ وفاة امها
وتقرر المكوث عنده حتى عودة يوسف من رحلته
💗💗💗💗💗💗💗💗💗💗💗💗
يمر يومان ويوسف مع فريده فى عالمها الذي تعشقه وبشده
من خروج وفسح وسهر ومصاريف كثيرة كان ينفقها يوسف وهو يشعر بمتعه شديده فى ذلك
لقد استطاعت فريده ان تلهى يوسف وتنسيه كل شئ
نسى السؤال عن حور وعن امه وابيه
يومان فقط يفعلان فيه كل هذا
هل اصابه الجنون بهذه المراة حقا هل هى مسيطرة لهذا الحد
ام هو من كان ضعيفا من البدايه ولم تكن قد اتت له الفرصه بعد وبمجرد ان سمحت له الفرصه نسى معها كل مبادئه
فريده:مبسوط
يوسف:يااااه كلمة مبسوط دى شويه
انا حاسس انى طاير فى السما
انتى خلتينى اعيش احساس عمرى ما حسيته قبل كده
عمرى ماكنت سعيد اوى كده
انتى فيكى حاجه غريبه حاجه تشد الواحد لدنياتانيه
تصدقى لو قلتلك انى دلوقتى بس عذرت ماجد فى حبه ليكى
وقدرت افهم هو ليه كان بيحبك كده
وهنا تتذكر فريده ماجد
(انا مش عارف انا اتخدعت فيكي السنين دى كلها ازاى
انا بعت الغالى واشتريت الرخيص)
فريده:اه طبعا الله يرحمه كان بيحبنى جدا
مانت عارف يايوسف
يوسف:ايوة طبعا عارف
فريده:بقولك ايه ماتيجى ننزل المية
يوسف:ياللا بينا
😁😁😁😁😁😁😁😁😁😁😁
حور:تحب تتغدى دلوقتى يابابا
بدر:سيبك من الاكل دلوقتى وتعالى لقعدى جمبي شويه
حور:ايوة يابابا
بدر:طمنيني عليكي يا حبيبتى عامله ايه مع جوزك
حور:عادى يابابا
بدر:حور اوعي يكون زعلك على امك الله يرحمها ماثر على علاقتك مع جوزك
حور:انا حزنى على امى ماثر على حياتى كلها يابابا
انا النهارده وانا فى الجامعه مفهمتش ولاكلمه صورة ماما قدامى طول الوقت
بدر:حبيبتى انا عارف انك انتي وامك مكنتوش بنت وامها
كنت صحاب واخوات انا نفسي مكنتش بحب ادخل بينكم
بس بردو كل ده ميخليكيش تبعدى عن جوزك
حور:هو يوسف كلمك فى حاجه
بدر:يوسف لاكلمنى ولاشفته من يوم ماجه واخدك
بس انا راجل زيه واقدر احس باللى هو ممكن يحس بيه
حور:بابا الله يخليك ممكن تكلمنى بوضوح اكتر من كده
بدر:بصي يابنتى انا ابوكى وانتى بنتى الوحيده عايزك تسمعينى كويس
انتى حالك مش عاجبنى
من يوم وفاة امك وانتى فى دنيا تانيه
واللى متاكد منه انك باعده جوزك عنك
جوزك اللى فى حياته ست تانيه
واللى ممكن اوى يميل ليها وانتى بعيده عنه كده
حاولى تقربي منه وتنسي همك شويه
خللى بالك عليه
جوزك ممكن يضيع منك ومتلاقيهوش
حور:بابا لو يوسف عاوز يروحلها يروح
انا موت امى مخلينى مليش نفس للدنيا كلها
حسه انى مخنوقه اوى
بدور عليها فى كل الوشوش
شايفاها قدامى طول الوقت
بابا لو يوسف بيحبنى بجد حيستحملنى ويصبر علية
مش يستغنى عنى بالسهوله دى
ومع اول مشكله اتعرضلها يرمى نفسه فى حضن واحده تانيه
بدر:ايوة ياحبيبتى بس الواحده التانيه دى تبقى مراته
حور:بس هو وعدنى يابابا قدام حضرتك
واللا هو ماصدق يعنى
بدر:يابنتى افهمينى الله يرضى عليكى الراجل غير الست
طب عشان خاطر ابوكى حاولى تانى
جوزك يستاهل انك تيجى على نفسك عشانه
حور:حاضر يا بابا
💐💐💐💐💐💐💐💐💐💐💐💐💐
فى شرم الشيخ
فريده ويوسف يتناولان الغداء ويضحكان
وفجاة يجد شخصا يسلم عليه
_ايه ده يوسف يونس مشرفنا هنا مش معقول
يوسف يتفاجا من وجود هذا الشخص الذى لايطيقه
يوسف وهو يمد اليه يده:البشمهندس سليم الصاوى اهلا وسهلا
سليم الصاوى:ازيك يايوسف عامل ايه والبقاء لله فى صاحبك
معلش اصلى كنت مسافر امريكا ولما رجعت قالولى حقيقي زعلت عليه اوى
يوسف:البقاء لله وحده
ينظر سليم الصاوى لتلك الجالسه مع بوسف
طب مش تعرفنا يايوسف
يوسف:فريده مراتى
سليم وهو يمد يده ليسلم على فريده:اهلا وسهلا يامدام فريده
انا يوسف الصاوى
فريده:اهلا بحضرتك
سليم:نورتواشرم ويارب يكون الفندق عجبكم
فريده:هو الفندق تبع حضرتك
سليم:ايوة ومش بس الفندق ده فى اكتر من فندق تبعى
حوزك اكيد عارف
مش كده واللا ايه يايوسف
يوسف:اه طبعا ده انت نص شرم تبعك
سليم:نورتونا مرة تانيه
فرصه سعيده يامدام
ولو احتاجتم اى حاجه شاوروا بس
فريده:انا الاسعد
ينصرف سليم ولكن عيناه مسلطها على فريده
فريده:انا متهيالى سمعت اسم الراجل ده قبل كده
يوسف :الراجل ده اكتر واحد بكرهه فى حياتى
فريده:ليه يعنى
يوسف:طماع عاوز يكوش على السوق كله
عنده مجموعة شركات هندسيه ومقاولات ده غير الفنادق اللى بيملكها
ومع ذلك مستكتر علية ان شركتنا تكبر ويكون ليها اسم فى السوق
وكذا مرة يبوظ لنا صفقات قبل ماتتم
عارفه يافريده الوحيد اللى كان بيقف له
ماجد الله يرحمه
وده السبب اللى خلانى اطلب من ماجد يرجع بسرعه من فرنسا
لانه كان مبوظلى صفقه كنت حوقعها وماجد مسافر
فريده:ولا يهمك ياحبيبي انا معاك مش حسيبك
وممكن تعتمد علية زى يوسف بالظبط
💗💗💗💗💗💗💗💗💗💗
الحاج يونس:انى جلجان جوى على يوسف ياحاجه
متصلش بينا من امبارح
دى حتى فريده مااتصلتش تطمن على بتها
الحاجه ابتسام:تلاجيهم مشغولين فى الشغل ياحاج
الحاج:والله انى خايف يكونوا مشغولين فى حاجه تانيه
الحاجه:حاجه تانيه ايه تجصد ايه ياحاج
الحاج:هى فين حور
الحاجه :جاعده عند ابوها لحد مايرجع جوزها
الحاج :ماشي انا طالع انام
الحاجه:وانى كمان رهف نامت بعد ما غلبتنى
كل شويه تسال عن حور
الحاج:غريبه جوى البت دى
مبتسالش عن امها واصل
مبتسالش غير عن حور وبس
الحاجه:العيل تبع الحنيه ياحاج
وحور حنية الدنيا فيها
الحاج:ايوة بس خايف عليها جوى ياحاجه
الحاجه:خايف عليها من ايه بس
الحاج:جلبي مش مطمن
الحاجه:فى ايه ياحاج متفهمنى انت بتجول فوازير
الحاج:انتى ناسيه انه هو وفريده لوحديهم دلوجتى
الحاجه:وايه المشكله
الحاج:خايف يحصل حاجه بيناتهم
وابحى خالفت وعدى معاها ياحاجه
الحاجه:والله لو حصل حاجه بيناتهم فده مش عيب ولاحرام
انت ناسي انهم متجوزين
وبعدين ياحاج اديك شايف حور بتتعالج ولسه جدامها وجت طويل على ماتخف ويمكن العوض يكون من فريده
نفسي اشيل لابنى عيل من صلبهةجبل مااموت
الحاج :ايه الكلام الماسخ ده ياحاجه اللى بتجوليه
العيل ده ان شاء الله مش حاييجى غير من حور ان شاء الله
وانى محسمحش حد يجرحها ابدا دى الغاليه بنت الغالى واللا نسيتى
الحاجه:لا ياحاج حور غاليه عندى جوى وربنا العالم بس اعمل ايه نفسي ابنى يخلف ياناس
😁😁😁😁😏😁😁😁😁😁😁😁😁
فى شرم بعد مرور خمسة ايام
يوسف:فريده انا عاوز افهم فى ايه بالظبط
فريده:معلش حبيبي بس من الواضح أن العميل الألماني رجع فى كلامه ومش جاى
يوسف:ايه انتى بتقولى ايه ده تانى عميل يتفق معانا وميكملش اتفاقه فى شهر واحد
انا حاسس ان سليم الزفت ورا الموضوع ده
فريده:حبيبي متضايقش نفسك ولما نرجع حنظبط الشغل ان شاء الله
وبعدين بزمتك انت منبسطتش اليومين دول
يوسف:تصدقى لو قلتلك انى مش مصدق ان عدى خمس ايام بالسرعه دى
بس مدام الموضوع باظ يبقى لازم نرجع
فريده :طب ولما نرجع يايوسف وضعى حيبقى ايه حتنام فى حضن حور وتسيبنى
يوسف:نرجع بس وبعدين ربنا يبقى يفرجها
💞💞💞💞💞💞💞💞💞💞
سليم الصاوى يتحدث الى احد العاملين عنده:ايه ياخالد جبتلى المعلومات اللى طلبتها
خالد:طبعا ياباشا طلبات حضرتك اوامى
كل المعلومات حتلاقيها حضرتك فى الملف ده
سليم:لاء مليش نفس اقرا انا عاوز اسمع
خالد:بص ياباشا
ويحكى له كل المعلومات التى جمعها عن يوسف وفريده بالتفصيل
سليم:تمام اوى كده روح انت بقى ياخالد
سليم وهو يحدث نفسه:احب اوى انا اللعب مع النوع ده من الستات
شكل شركتك دى اللى انت فرحان بيها يايوسف حتقفل قريب اوى
الله يرحمك ياماجد صحيح كنت عامللى زى اللقمه اللى فى الزر وانت عايش
بس شكلك عملت معايا الواجب وخدمتنى وانت ميت
ههههههه شكل اللعب حيحلو اوى ياجو
😉😉😉😉😉😉😉😉😉😉
بعد يومين اخرين يعود يوسف وفريده
يوسف يدخل المنزل وهو ممسك فريده فى يديه
حيث كان الجميع منتظر وصولها الاب والام وحور ورهف
يوسف :مساء الخير وحشتونى اوى
حور:تنظر اليهم بصدمه وهى تراه ممسك بيد فريده
بينما الحاج يونس فقد تاكد من شكوكه
الحاجه لاتهتم بالامر فقط كل مابهمها هو عودة ابنها
حبيبي حمد الله على سلامتك
ينظر لحور لكي يسلم عليها ولكنها لم تعطه فرصه تصعد مباشرة الى غرفتها دون السلام عليهم
يوسف يصعد السلم خلف حور التى تدخل غرفتها
فيدخل يوسف وراءها سريعا
يوسف:ايه ياحور هو انا ماوحشتكيش واللا ايه
مفيش حمدالله على السلامه يا قلبي ياحبيبي ياجوزى اى كلمه
حور :لما تفهمنى ايه اللى انا شفته ده
يوسف:شوفتى ايه
حور:انت حتستعبط
واللا ايه
انت داخل وانت ماسك ايدها يايوسف
يوسف:وفيها ايه مش مراتى
حور:مراتك
هى خلاص بقت مراتك يايوسف
وياترى بقت مراتك من امتى لما روحتوا شرم وبقيتوا على راحتكم
واللا من قبل ماتسافروا وانا اللى كنت مختومه على قفايا
يوسف:من فضلك ياحور افهمينى انا كنت
حور:افهم ايه وانيل ايه
افهم انك خالفت وعدك معايا
واللا افهم انك ضعفت قدام اول مشكله قابلتنا
شهر واحد يايوسف
مقدرتش تستحملنى ولا تقدر حزنى على امى شهر يايوسف
جريت ورميت نفسك فى حضنها
طب وجاى دلوقتى عندى ليه عايز منى ايه
اتفضل روحلها مستنى ايه وياريت تخليك عندها علطول
والاوضه دى متدخولهاش تانى يايوسف
يوسف:انتى مجنونه
ايه الكلام الفارغ ده
حور انا بحبك انتى
انا مقدرش ابعد عنك
حور:انت قدرت تبعد يايوسف تقدر تقوللى اتصلت بيه كام مرة وانت معاها
طبعا مانت مكنتش فاضي
عرسان بقى وبيقضوا شهر العسل
مبروك ياجوزى الف مبروك ياحبيبي
تحب ازغرتلك
يويف:حرام عليكى ياحور فوقى بقى
انتى اللى وصلتينى لكده
قلتلك محتاجلك
وانتى اللى بعدتينى عنك
وكمان انتى اللى قلتيلى روحلها
ووعدتينى انك مش حتلومى عليه
حور:اه وانت بقى ماصدقت
يوسف:بصي ياحور انا عارف ان اعصابك لسه تعبانه ومش عاوز اتناقش معاكى دلوقتى
حور:لاةدلوقتى ولابعدين يايوسف هى كده خلصت خلاص
يوسف:تقصدى ايه ياحور
حور:طلقنى يايوسف
😉😉😉😉😉😉😉😉😉😉😉
الحاج يونس:حور يابتى عشان خاطرى استهدى بالله
حور:انا اسفه يابابا الحاج بس يوسف اخلف وعده معايا
الحاج:انتى اللى اديتيه الفرصه يابتى
حور:هو انتوا كلكم علية محدش عاوز يقدر موقفى ليه
محدش بيعذرنى ليه
هو انا مش بنى ادمه عندها احساس ومشاعر
الحاج يونس:والله مجدرين يابتى بس البنى ادم مننا ضعيف
عشان خاطرى جربي من جوزك دافعى عن حبك بكل جوتك
بلاش تبجى ضعيفه اجده
متخليش حد تانى ينتصر عليكى وياخد جوزك منيكى
اجمدى يابتى
حور:والمطلوب منى دلوقتى
الحاج:تنسي كلمة طلاج دى
انتى عاوزه ابوكى يحصل امك اياك
عشان خاطر ابوكى يابتى
محيستحملش ان بته ترجع مطلجه
اصبري شويه
حور:حاضر حصبر بس يوسف يبعد عنى اليومين دول لحد مااقدر اتعامل معاه تانى
الحاج :حاضر يابتى
بس اوعى تجولى لابوكى حاجه ابوس يدك انى محجدرش على فراجه هو كمان
هو اللى فاضلي يابتى
خور:حاضر عشان خاطر بابا بس
الجزء الثانى من الفصل السادس والعشرين
فى فرنسا
كنان:حبيبي عامل ايه
فيروز:تعبانه اوى ياكنان
كنان:معلش ياقلبي ربنا معاكى يارب
بقولك ايه دلوقتى عاصم عاوز يكتب كتابه وياخد سهى
وانا مش عارف اقوله ايه
فيروز:والله ياكنان انا نفسي افرح بيها اوى واطمن عليها فى بيت جوزها بس صعبان علية فراقها اوى
انت عارف البيت كله بقى متعلق ببها
الولاد ومامتى ومامتك مش عارفه حعمل ايه بس لماتمشي
والمشكله ان الحمل كمان تاعبنى اوى ومبقدرش اخدم الولاد
وهى شايله عنى كتير
يطرق الباب وتدخل سهى
سهى:صباح الخير
كنان وفيروز:صباح النور
كنان :بت حلال كنا لسه فى سيرتك
سهى تنظر لهم بعدم فهم
فيروز:تعالى ياحبيبتى اقعدى جمبي
عاصم عاوز يكتب الكتاب وياخدك ياسهى
سهى:لا باابله فيروز انا مش حسيبكم غير لما تقومى بالسلامه واطمن عليكى
فيروز:بس انا لسه بدرى على ماولد ياحبيبتى وعايزين نفرح بيكى
كنان:طب ممكن يا فيروز تسيبي الموضوع علية وانا احاول اتصرف
يذهب كنان الى الشركه
كنان:عاصم تعالى عاوزك
عاصم:اوامرك ياباشا
كنان:بص ياعاصم دلوقتى سهى مش راضيه تمشي من البيت غير لمافيروز تولد
وبصراحه فيروزكمان هى والولاد متعلقين بيها اوى
ومش عارف اعمل ايه
عاصم:خلاص ياباشا ولا يهمكم نستنى لحدماالست فيروز تقوم بالسلامه
كنان:بقولك ايه ياعاصم انا عندى فكرة ممكن تريح الكل ومتخليش سهى تبعد عن فيروز
انت عارف ان الفيللا انا بانى بيت جمبها بس الفيللا والبيت فى بينهم جنينه مشتركه يعنى يعتبروا فى مكان واحد
انتوا تتجوزوا وتعيشوا فى البيت ده وبكده فيروز وسهى ميبعدوش ن بعض وولادنا يتربوا كلهم سوا وانا حجيب خدامين يساعدوا فيروز وسهىفى تربية الولاد لان لما فيروز تولد وسهى كمان بكرة ربنا يكرمها حيبقى عندنا مدرسه
هاه قولت ايه
عاصم:لا طبعا انا مش موافق ياباشا
كنان:ليه بس ياعاصم اوعى تكون فاكرنى بعمل كده عشان بدور على راحة مراتى
والله ابدا يعلم ربنا انى بعتبر سهى اختى الصغيرة
وعمرى ماحاجى عليها ابدا
عاصم:والله انا مافكرت فى حاجه زى دى ياباشا
الموضوع ان كده يبقى كتير اوى
وجمايلك علينا كتير وكمان تسكنا عندك
ليه يعنى احنا مجرد ناس شغالين عندكم
عاصم:اوعى الكلام ده تانى انت فاهم ياعاصم
اولا بالنسبه لسهى هى مش شغاله عندنا
لو هى شغاله كنت على الاقل حعملها مرتب كل شهر لكن ده محصلش انا بس كل فترة بخللى فيروز تديها مبلغ تبعته لاخواتها وامهم
اما بالنسبه ليها هى فكل طلباتها اوامر واى حاجه فيروز بتجيبها بتجيب لسهى زيها
سهى امانه عندنا امانة الراجل اللى جمعنى بحبيبة عمرى
كنت ممكن اسيبها ترجع مصر بس خفت تتبهدل وخليتها عندنا عشان تعيش فى امان
اما بالنسبه لك انت بقى يابطل
فربنا يعلم انى عمرى مااعتبرتك شغال عندى بالعكس انا بعتبرك اخويا وصاحبي انا مبحكيش لحد حاجه عنى غيرك
انت ياعاصم وغلاوة ولادك من غلاوة ولادى بالظبط
كفاية وقفتك جمبي طول السنين اللى فاتت
اوعى تكون فاكرنى معرفش عن الناس اللى طلبوا يشغلوك عندهم بعد مااتاكدوا من جهودك هنا فى الشركه
وانت رفضت عشان متسيبنيش
انت راجل وجدع واصيل ياعاصم
والبيت ده هدية جوازكم
انا مليش عندك غير طلب واحد
عاصم:اؤمرنى ياباشا
كنان:تخللى بالك على سهى وتحطها فى عينيك دى بقت امانتنا كلنا
عاصم:انا بحب سهى بحبها بجد وعمرى ماحزعلها فى يوم
كنان:يبقى كتب كتابكم حيكون اخر الاسبوع
على مانجهز كل حاجه
ونشترى فستان الفرح لسهى
ونجهز الفيلا عشان نعمل فيها الفرح
عاصم:بس كده كتير اوى
كنان:مفيش حاجه كتير عليكم وبعدين سهى غلبانه اوى ونفسي افرحها
كفايه ان مفيش حد من اهلها حيكون موجود
فيحتضنه عاصم :انامش عارف اقولك ايه
انت اجدع صاحب فى الدنيا
🌹🌹🌹🌹🌹🌹🌹🌹🌹🌹🌹🌹🌹🌹🌹
تمر الايام سعيده على البعض وحزينه ومؤلمه للبعض الاخر
تجلس حور امام قبر امها وتتحدث اليها:وحشتينى اوى يا ماما
انامش عارفه اعيش من غيرك
سيبتينى ليه ياامى كل حاجه ملهاش طعم من غيرك
انتى خدتى كل حاجه حلوة ورحتى
حتى بابا تعبان اوى من غيرك ياماما
طول الوقت ببحكيلي عن الايام الجميله اللى عشتوها سوا
وعمرى مانخيلت انه بيحبك اوى كده
ماما انا عارفه انك زعلانه منى
عشان منفذتش وصيتك اللى وصيتينى بيها
مش قادرة ابعد عنه ياامى
مش قادرة اسيبه وامشى
عارفه انى كده بضيع كرامتى بس غصب عنى
انا من يوم ماطلبت منه مايدخلش اوضتى تانى مدخلهاش
هو بيحاول يتكلم معايا بس انا مش قادرة ياامى
قلبي واجعنى منه اوى
مش قادرة اسامحه على انه مقدرش حزنى عليكى
مقدرش يقول لاء امام اغراءات فريده ليه
انا عارفه انها مراته زيى وليها حقوق انا مبنكرش ده
بس هو وعدنى انه مش حيكون جواز حقيقي
لو كنت عرفت اللى حيحصل من الاول كنت رفضت
انى اعيش معا
لكن هو وعدنى ياماما واخلف وعده معايا
تفتكرى ياامى يكون يوسف بيحبها واللا هى بالنسبه له مجرد رغبة راجل فى ست وبس
وتفتكرى هو لسه بيحبنى
واللا نسانى خلاص
انا تعبانه اوى ياامى حتى مش قادرة احكى لبابا
خايفه عليه صحته فى النازل
مش عاوزة اشيله همى
خايفه يروح منى هو كمان لو حصله حاجه حتكون دى نهايتى
عشان كده انا مستحمله
انا منكرش ان يوسف احيانا كتيرة بيحاول يقرب منى ويتكلم معايا وانى انا اللى بصده
بس غصب عنى لسه بحبه وبشتاقله وحشنى حضنه اوى مش متخيله ان فى واحده تانيه اخدت حضنه منى
بس انا عندى امل انه يفوق ويعرف انه ملوش مكان غير فى حضنى انا
مش عاوزاكى تزعلى منى ياامى
انتى عارفه ياماما انا مبقتش باخد العلاج اخده ليه ماخلاص ياماما
كان بيتعبنى وبيجيبلى اكتئاب وكنت مستعده استحمل اكتر من كده مية مرة بس اجيب ليوسف الطفل اللى بيتمناه
لكن دلوقتى ممكن يجيبه من فريده بسهوله
بنتك تعبت اوى بس
انا حستنى وحصبر لحد اخر نفس عشان يوم مااقرر انى حخرج من حياة يوسف حتكون هى دى النهايه
حخرج من حياته من غير ماابص ورايه
من غير مااعيش لحظة ندم واحده
انا حمشي دلوقتى ياحبيبتى امتحاناتى قربت خلاص
وان شاء الله حكون دكتورة شاطرة
واعالج كل اللى قلوبهم تعبانه عشان محدش يتوجع على حبيبه زى انا متوجعت عليكى
مع السلامة ياماما
🌹🌹🌹🌹🌹🌹🌹🌹🌹🌹
فى الشركه
يوسف يتحدث لاحد الموظفين :٠عارف الملف ده لو مظهرش انا حوديك فى ستين داهيه انت فاهم
الموظف:والله ياافندم انا ماعرف الملف راح فين انا سيبته على المكتب ورحت ارد على تليفون جالى على الخط الارضي
رجعت ملقتهوش قلبت الدنيا وسالت كل اللى معايا الكل قال ماشافهوش مش عارف راح فين
يوسف:يعنى ايه الكلام ده انت قصدك ان فى حد سرقه
الموظف:اكيد ياافندم مفيش احتمال تانى
يوسف بيه انا شغال مع حضرتك من ساعة ماالشركه اتفتحت
وعمرى ماصدر منى غلطه
يوسف :طب روح دلوقتى لحد مانشوف حنعمل ايه
يخرج الموظف بينما يوسف يحدث نفسه
فينك ياماجد فينك ياصاحبي محدش كان بيعرف يجيب التايهه غيرك انا حاسس انى لايص من غيرك تايه مش عارف اعمل ايه
وهنا تدخل عليه فريده
حبيبي سرحان فى ايه
يوسف:افتكرت ماجد يافريده
فريجه:وايه اللى فكرك بيه دلوقتى
فينظر لها ماجد بتعجب من ردها
فتحاول تدارك الموقف
قصدى يعنى هو فى حاجه حصلت تخليك تسرح قوى كده
يوسف :ماجد كان عارف كل كبيرة وصغيرة
كان بيفهم الشغل اكتر منى
موته لغبط الدنيا حواليه
حاسس انى محتاس من غيره
فى ملف ضايع لو ماجد موجود كان طلعه من تحت الارض
فريده:طب ممكن تسيبلى الموضوع ده وتعتمد علية وتعتبرنى مكان ماجد وانا حقدر بطريقتى ارجع الملف
يوسف:ياريت يافريده انتى متعرفيش الملف ده مهم ازاى
تخرج فريده من المكتب وتذهب الى مكتبها
وبعد مرور اكثر من ثلاث ساعات
تدخل المكتب على يوسف وتضع الملف المفقود امامه
اتفضل ياسبدى الملف اهوه
يوسف بدهشه:مش ممكن لاقيتيه ازاى
فريده:طريقتى بقى
سر المهنه
يوسف:كان فى حد سارقه فعلا
فريدع:اطمن يايوسف انا معاك ومش حسمح لاى حد انه ممكن يؤذيك ابدا
الشركه دى لازم تكبر وتبقى اكبر شركه فى مصر كلها
يويف:ياريت يافريده وكله بفضل وجودك معايا انا مش عارف اقولك ايه
انتى كل يوم بتثبتيلي ان جوازى منك كان احسن قرار اخدته فى حياتى
اطلبي يافريده اى طلب ومستعد انفذه حالا
فريده :ثقتك يايوسف
عاوزاك تحط ثقتك فية وشوف انا حعمل ايه
يوسف:انا واثق فيكى لابعد الحدود يافريده
💔💔💔💔💔💔💔💔💔💔
زينات معلقه وانوار مضاءه واغانى افراح
اطفال يرتدون زى الافراح
ادهم:ايه اللى انتى لابساه ده ياست ريماس
ريماس :فستان ياادهم
وتلف به امامه
ايه رايك جميل اوى صح
ماما سهى جابتهولى
ادهم:حلو اوى اوى
وانتى كمان حلوة اوى
فتجرى ريماس وهى لاتفهم شيئا
مراد يجلس بجوار فيروز الصغيرة
مراد:فيروز اخدتى الدوا
فيروز:اه اخته يامالو تيته اتتهولى
مراد:طيب مش عاوزك تتشاقى
فيروز:عاوثة الحب محاكم
مراد:انا مش حلعب انا قاعد جمبك مش حسيبك لوحدك
بينما تجلس الجدتان حياة وفاتن وهما يتابعان الامر ويضحكان
حياة:شفتى يافاتن المقاريض الصغيرين مظبطبن نفسهم
فاتن:هههههه جبل منحرف
مراد وفيروز
وادهم وريماس
حياة:ياعالم يافاتن محدش يعرف بكرة فى ايه
يمكن يكونوا من نصيب بعض فى يوم من الايام
فاتن:والله ياريت ياحياة على الاقل محدش غريب يدخل بينهم
على الجانب الاخر يقف عاصم وكنان مع زملاء العمل يقدمون له التحيه
بينما سهى فى الداخل ترتدى فستانها
وعندها من يضع لها مساحيق التجميل
وفيروز بجانبها لم تتركها
واخيرا تم الانتهاء واصبحت فيروز على اتم الاستعداد للنزول لاستقبال العريس
فيروز:الله اكبر على جمالك
بسم الله ماشاء الله ربنا يحفظك ياسهى
سهى:بجد انا حلوة ياابله فيروز
فيروز:حلوة لابصراحه انتى مش حلوة
انتى قمر ياحبيبتي
الف مبروك ياسهى
انتى متعرفيش انا فرحتى النهارده ازاى
وتحتضنها بشده
سهى:ربنا يخليكى لية وبخليلك استاذ كنان
انا من غيركم كنت ضعت
فيروز:متقوليش كده ياحبيبتي
اللى المفروض تشكريه ربنا اللى جعلك فى طريق ماجد الله يرحمه
وجابك هنا
خدى ياسهى
سهى:ايه ده
فيروز:هدية فرحك ياحبيبتى
سهى:هدية ايه بس ماحضرتكم اللى جبتوا كل حاجه
فيروز:انتى اختى ياسهى
وياللا بقى عشان العريس مستنى على نار
تتصل فيروز على كنان لياتى هو وعاصم
عاصم عند رؤيته لسهى:بسم الله ماشاء الله
ايه الجمال ده كله
سهى:تضحك بصوت خافت
عاصم:الف مبروك ياحبيبتي
سهى:الله يبارك فيك يا عاصم
يتم عقد القران
وببيت الاطفال كلهم فى منزل كنان بينما يتجه العروسان الى منزلهما
🌹🌹🌹🌹🌹🌹🌹🌹🌹🌹🌹🌹🌹🌹🌹🌹
في الجامعه
الدكتور جلال:هاه يحور فهمتى
حور:ايوة يادكتور كده خلاص تمام
انا تعبتك معايا اوى يادكتور
جلال :متقوليش كده تانى انتى متعرفيش غلاوتك عندى اد ايه
حور:ربنا بخللى حضرتك يادكتور والله مش عارفه حرد لحضرتك جميلك ده ازاى
جلال:تجيبى تقدير عشان تشتغلى معايا فى المستشفى
اناةخلاص بشطب فيها
بقولك ايه وراكى حاجه النهارده بعد المحاضرات
حور:ليه بادكتور
جلال:كنت عاوز اخد رايك فى ديكورات المستشفى اصلي عارف الستات بيفهموا فى الحاجات دى اكتر
حور:اسفه والله يادكتور مش حينفع مقدرش اروح اى مكان من غير اذن جوزى
جلال:انا أسف والله مااخدتش بالي
حور:لا مفيش مشكله
حستئذن انا بقى
جلال:اتفضلى ياحور
بعد خروج حور من مكتبه ياتيه اتصال تليفونى
جلال:ماما خير ياحبيبتى
والدته:جلال ممكن تيجى دلوقتى البيت
جلال :خير ياماما
والدته:باباك تعبان شويه
جلال:انا جاى حالا
يخرج جلال مسرعا من الجامعه بعد ان يقدم اعتذار للطلاب عن محاضرة اليوم
بخرج بسيارته من الجامعه فيلمح حور تشاور لتاكسى ولكنه لم يتوقف
فيقف امامها بالسياره
جلال:حور تعالى اركبي
حور:شكرا يادكتور حركب تاكسي
جلال:اركبي متتعبيش قلبي معاكى
صعب يقفلك تاكسي فى الوقت ده
تعالى اخدك فى طريقى
متخافيش مش حخطفك والله
فتركب حور بجانبه وهى تشعر بالخجل
جلال:حور انتى جوزك بيشتغل ايه
حور:جوزى صاحب شركة............... للاعمال الهندسيه والمعماريه
جلال:انا لو كنت اعرف كنت خليته ينفذ لى تصميم وبناء المستشفى
حور:هو ليه حضرتك فكرت تعمل مستشفى للقلب بالمجان
جلال:وايه المشكله فى حاجه زى دى
حور:يعنى اصلها اكيد حتتكلف ملايين
جلال:مش مهم تتكلف زى ماتتكلف
دى انا عاملها صدقه جاريه على روح ابويا الله يرحمه
حور:هو والد حضرتك متوفي
انا والدي اتوفى وانا عمرى سبع سنين كنت لسه فى تانيه ابتدائي
وهو بيعمل عملية قلب مفتوح
بابا كان عنده مصنع للبلاستيك
وامى كانت الوصيه علية
وكانت لسه صغيرة
عمى اتجوزها
حور:عمك اتجوزها
جلال:ايوة
حور :وهو كان متجوز قبل كده
جلال:لاء مكنش متجوز بس كان مرتبط بواحده زميلته
بس جدى الله يرحمه هو اللى طلب منه بتجوز امى عشان يربينى
فى الاول عمى رفض عشان زميلته اللى كان بيحبها
كمان امى كانت اكبر منه بحوالى سنتين
وكانت بتعتبره اخوها الصغير
عشان كده هي كمان كانت رافضه فكرة الارتباط بيه
بس جدى الله يرحمه كان متسلط اوى وهدد عمى لو متجوزش امى حيكون غضبان عليه
ولما صارح عمى زميلته باللى حيعمله
بعدت عنه وقالتله انا من سكه وانت من سكه
بعد كده امى وعمى اتجوزوا
ومع الوقت وبحكم العشرة حبها وكبر المصنع اوى وبقى من اكبر المصانع ومامت جابت اختى ريناد
وعمرى ماحسيت انه عمى طول الوقت كنت بحس انه ابويا
سافرت واخدت الدكتوراة
وبقى كل همى فى الدنيا انى اعالج اى مريض قلب عشان ميتعذبش زى ابويا
وقررت ابنى المستشفى عشان تكون صدقه جاريه على روحه
حور:طب وعمك نسى البنت اللى كان بيحبها
جلال:بصي ياحور القلوب دى بايد ربنا محدش بيختار حيحب مين واللا امتى ولافين ودى حاجه انا معرفهاش ولا اقدر اتاكد منها
انا عمى كان بينظر لامى على انها اخته
فجاة لقاها مراته
بس امى قدرت تخليه يحبهاةلانها كانت دايما مهتميه بكل تفاصيله
بصي بصراحه كده انا اوقات كنت بحس انها بتفتش وراه عشان تطمن
بس مع الوقت اتاكدت ان الماضي بالنسبه له انتهى
وان مفيش حد فى حياته غيرها فهى كمان حبته اوى وبقى كل حياتها
حور:تفتش وراه بس كده مش غلط
جلال:الست ممكن تبيح لنفسها اى حاجه عشان تحتفظ بجوزها وميروحش لواحده تانيه
امال معظم الستات اللى بتلجا لعمليات التجميل والبوتكس والفيلر وكل ده ليه
فى الغالب بيكون عشان كده
حور:طب والراجل ليه هو كمان مبيلجاش للعمليات دى
جلال:هههههه عشان ربنا جعل الجمال صفه تخص الستات واللى بيها بياسروا قلوب الرجال
بالاضافه طبعا لاهتمام المراه بزوجها اللى بيخليه يبيع الدنيا كلها عشانها
بس انا واحد من الناس مش الجمال هو اللى بياسرنى انا الاهم عندى الاخلاق
معلش ياحور انا وجعتلك دماغك
حور:لا ابدا يادكتور بالعكس الحوار مع حضرتك شيق جدا
االشارع الجاى يادكتور
جلال:انتى ساكنه هنا
حور:لاء ده بيت بابا اصلي متعوده كل يوم وانا راجعه اعدى اطمن عليه
جلال:ربنا يخليهولك
حور:يارب متشكرة اوى يادكتور
جلال:مع السلامه يا حور خدى بالك من نفسك
تنزل حور وظل جلال متبع اثرها حتى تدخل العمارة ثم يتحرك بالسيارة
🌹🌹🌹🌹🌹🌹🌹🌹🌹🌹🌹🌹🌹
تمر الايام وتمر الشهور والوضع بين حور ويوسف لا يزداد الا سوء والبعد بينهم اصبح يملاءه الجفا
لقد حاول يوسف التحدث اليها ولكنها كانت دائما تصد ه
هو لم ينس بعد انها اول حب فى حياته
لم ينس انها زوجته
ولكنها كانت تحتاج منه ان يكون اكثر تمسكا بها
ولكنه استسلم للياس سريعا
ولجا للحل الاسهل وهو فريده
التى استغلت بعد حور عنه وانها قدمته لها على طبق من فضه
لقد اصبح مثل الخاتم فى اصبعها
تحركه كيفما شاءت
فى الشركه
فريده :يوسف مش كفايه كده وياللا عشان نروح
يوسف:نروح ايه بس ده انا دماغى حتنفجر من كتر التفكير
فريده:وايه السبب
يوسف:الشركه اليابانيه اللى حتمول المشروع الجديد
حطت شرط جزائى كبير لو ماسلمناش الشغل فى معاده
والشركه الفترة اللى فاتت صرفت كتير اوى
فريده:وايه اللى حيخلينا منسلمش فى معادنا
يوسف:اوقات بتحصل حاجات فجاة تعطل الشغل
وبعدين انتى ناسيه اننا بنتعامل مع كذا جهة وممكن التعطيل يبقى من عندهم
وساعتها حتبقى كارثه
ممكن الشركه تخسر كتير اوى
فريده:متقلقش ياحبيبي مش حيحصل غير كل خير
وانا معاك وطول مانا جمبك اطمن
بقولك ايه انت وحشتنى اوى
هو انا موحشتكش واللا ايه
يوسف:وحشتينى ده انا حموت عليكى ويغلق الاوراق ياللا بينا
💘💘💘💘💘💘💘💘💘💘💘
فى غرفة حور بعد ان عادت من عند والدها
تعود بذاكرتها الى الوراء
فلاش باك
يدخل يوسف الغرفه وهو حاملها بين يديه ويضعها عى الفراش ويتاملها بحب
يوسف :حور انا مش مصدق نفسي اخيرا بقينا مع بعض ربنا يقدرنى واسعدك
حور:بوسف انا بحبك اوى اوعدنى انك مش حتكون لحد غيري فى يوم من الايام
يوسف :عمر ما فى واحده غيرك ممكن تمتلكنى انتى حبيبتى
باك
تفيق حور من ذكرياتها الجميله مع يوسف ووعوده التى تبخرت فى الهواء على طرقات على باب غرفتها تنهض لتفتح الباب
حور حبيبتى وحثتينى بقالى يومين ماثوفتكيش ومث بتلعبي معايا
حور:تعالى يارهف ياحبيبتى انتى كمان وحشتينى اوى وتاخدها فى حضنها وتقول لهاتعالى ياحبيبتى نلعب سوا
رهف:لاء مليث دعوى انا عايزة الوح الملاهى ومامى مث لاضيه تودينى
حور:ههههههه ولا تزعلى ياروفى نروح الملاهى ونلعب ياللا روحى البسي واخدك وننزل
) تجرى رهف تلبس وتدخل حور اوضتها وتلقى نظرة على فراشها وتقول لنفسها :يااه يايوسف بقالك كتير اوى مدخلتش هنا وحشتنى اوى معقوله انا مش قادرة اصدق اللى بيحصل ده مش عارفه عقلي كان فين لما وافقتك تتجوز فريده ياريت الزمان يرجع بية تانى
تنزل حور ورهف على السلم
حور:انا خارجه افسح رهف شويه ونرجع
الحاج:روحوا ياحبيبتى بس خللوا بالكم على حالكم
ومتعوجوش
حور:حاضر يابابا الحاج
الحاج:شفتى ياحاجه مين اللى واخد باله من الصغيرة
وامها ولا بتسال فيها
الحاجه:ماهى بتساعد ابنك فى الشركه ويدها بيده
الحاج:طب انى عاوز اعرف هى مش خلاص اخدته من مرته الهبله اللى اتنازلت عنه ليها بسهوله اجده
ليه بجى مفيش حاجه اغاية دلوجتى
بجالهم كذا شهر ولسه انى بدات اجلج ونفسي اشيل عيل لولدى جبل مااموت
فريده وهو يدخل على صوت ابيه
بعد الشىر عنك يابابا ان شاء الله حتشيل ولادى
واللا ايه يا فريده
فريده وهى متلجلجه :ايوة اكيد طبعا
💜💜💜💜💜💜💜💜💜💜💜💜
يقف امام غرفة العمليات سديد القلق
عاصم:اهدى شويه ياصاحبي
كنان:خايف عليها اوى دى لسه فى السابع
عاصم:ان شاء الله خير
يخرج الطبيب
كنان:طمنى يادكتور
الدكتور:"نبروك مبروك ولد وبنت زى قمر
كنان غير مصدق نفسه :ولد وبنت
دكتور:ايوة ومدام كويسه
بس ولاد يدخلوا حضانه عشان حجمهم صغير شويه
فى غرفة فيروز
كنان وهو يقبلها:" انتى ليه مقولتليش انهم تواءم
فيروز:كنت عاوزة اعمالك مفاجاه
فاتن:ها باولاد حتسموهم ايه
فيروز :بعد اذنك ياكنان انا اللى حسميهم
كنان:على راحتك ياحبيبتى
فيروز:حسميهم على اسم اغلى اتنين فى حياتى
الاتنين اللى جمعونا وخلونا مع بعض وليهم الفضل فى وجودنا مع بعض
حسميهم كارمن وماجد
كنان:حبيبتى يافيروز
ربنا يخليهم هما واخواتهم يارب