روايه حب من اول نظره
البارت الحادى عشر والثاني عشر
بقلم مروه النشار
ملك :, سيف انا بحبك
سيف : يخربيتك ي شيخه
ملك بغضب: اييه
سيف: يعنى جيباتى مخضوض وماسك قلبى بايدى متقولى علطول
ملك : ايه أنى اقولك بحبك ديه حاجه عاديه يعنى أو عاديه بالنسبالك مش عاديه بالنسبالي
سيف: لأ مش قصدى كده بس الصراحه كنت خايف ترفضى
ملك :, انا بحبك بس
سيف: بس ايه
ملك : سيف انا خايفه كل اللى بحبهم بيسبونى فى الاخر
سيف :, بس انا غيرهم انا بحبك بجد والله اللى بيحب بجد بتبقى روحه متعلقه بحبيبه لدرجه انه لو بعد عنه بيحس أنه مخنوق
ملك ،: انت بتحبنى اوى كده
سيف : بحبك اكتر بحبك من اول نظره بس انتى اللى مكنتيش شايفه ده
ملك : الصراحه أنا ارتحتلك من اول ما شوفتك بس كنت خايفه اكلمك ولا افتحلك قلبى لإن خلاص قلبى تعب
سيف : سلامه قلبك وراح حضنها
احمد : دخل احم احم
سيف؛ احم احم اتفضل ي ابو حميد
احمد : أسمى احمد ي بنى ادم
سيف: فى إيه يعنى بدلعك وكمان مش عاجبك
احمد : لا ي خويا مش تدلعنى ليا خطيبتى تدلعنى
سيف : ماشى ي خويا أشبع بخطيبتك بس هقولك ي ابو حميد بردوا
منى : دخلت بالشاى
منى : اتفضل ي ابنى معلش انأخرت عليك بس احمد قالى مدخليش علشان مقطعش عليكوا الكلام
سيف : ولا يهمك ي ست الكل ولا اقولك ي ماما
احمد : ايه ده انتى وافقتى ده انا قولت هترفضك برزالتك ديه
سيف : ابو حميد عيب متقولش كده احنا في الأول وفى الآخر نسايب
منى : الف مبروك ي حبايبى وبعدين قولى ي ماما
سيف: تسلم ايدك يا ماما الشاى جميل
منى : بالهنا والشفا على قلبك
ملك : طب استأذن انا بقى علشان اروح اذاكر
احمد وسيف: اتفضلى
ملك : دخلت اوضتها وقعدت تتنطت على السرير وترقص مع الدبدوب بتاعها وبعدين افتكرت الذاكرة وأنها قالت لمصطفى أنها هتجيب امتياز ولو مجبتش هيقول لاحمد وشكلها هيبقى وحش قدام مصطفى وأحمد وسيف
ملك : لا لأ انا هذاكر احسن
احمد : ايه ي سيف
سيف : انا حاسسها خايفه بس هحاول اطمنها لحد الخطوبه
احمد : ااه صح الخطوبه امتى
سيف: لسه بابا وعمى هيتفقوا بس تقريبا هيبقى خلال أيام زيك انت ومروه
احمد ' قلدونا بقى فى كل حاجه
سيف: هو انا مقولتلكش
احمد : لا مقولتش حاجه
سيف : يقطعنى
احمد بنفاذ صبر : انجز ي عم الحلو
سيف: انا عاوز اعمل فرحى انا ومروه فى يوم واحد
احمد : على أساس اللى هيتحوز مروه ده كيس بتنجان ملوش رأى
سيف: وده هيزعلك فى ايه
احمد : ي عم انا عاوز اعمل فرح لوحدى بس يعنى الفكره مش بطاله ممكن نفكر نعمل فرح مع بعض
سيف: ي عم ده انا حريف فكر
احمد : والنبى بلاش تشوف نفسك علينا
سيف: أشوف نفسى براحتى ده انت خاطب اختى
احمد : وانت كمان خاطب اخت.....
سيف مقاطعه: لسه مخطبتهاش ولما اخطبها بردوا مش هتشوف نفسك عليا
احمد : وده ليه إنشاء الله
سيف: انا أكبر منك ي ابو حميد وكده عيب متبقاش قليل الادب
احمد : اكبر منى بقد ايه يعنى سنه اى يعنى سنه وبعدين أحترم نفسك ايه قليل الادب ديه ده انت بتهزقنى فى بيتى كمان
سيف : اكبر منك بيوم يعرف عنك بسنه
احمد : الله يخربيت الحظ مكنتش رفضتك وارتحت منك ايه ده ارتاح ازاى ده انت اخو خطيبتى
سيف: اولا خف على مروه شويه فى المكالمات البت عندها مذاكره طول الليل والنهار على التليفون ليه ي خويا
احمد : ماشى ابقى افتكر الكلمتين دول كويس علشان هقولهملك قريب
منى : الو ازيك ي ابو احمد
يوسف: الحمد لله انتوا عاملين ايه
منى : الحمدلله بخير بقولك ايه ملك وافقت على سيف
يوسف: ألف مبروك
منى : الله يبارك فيك
يوسف: أما اروح افرح معتز
منى : مع السلامه
يوسف راح لمعتز :
يوسف: ألف مبروك ي نسيبى
معتز : ايه ملك وافقت
يوسف: ااه وافقت
معتز: ألف مبروك
بكره انشاء الله نقرأ الفاتحه ونحدد معاد الخطوبه
يوسف: إنشاء الله
ملك : أتصلت على مروه
ملك : ايوه ي ميرو
مروه: ازيك ي ملوكه
ملك : الحمدلله بصى ي صحبتى معلش متزعليش منى انتى خطفتى أخويا وانا خطفت اخوكى يعنى خالصين تمام
مروه : الله يخربيتك فعجتينى فكرتك رفضتى سيف
مروه: ألف مبروك فرحتلك اوى
ملك : بقولك ايه ذاكرى كويس علشان تغششينى في الامتحانات
علشان أنا لو مجبتش امتياز شكلى هيبقى وحش اوي وانا واحده هتخطب ومش فاضيه اذاكر
مروه : والله ده على اساس أنى مشقوطه يعنى مش مخطوبه انا كمان وبعدين انا مالى حد قالك قوليله انك هتجيبى امتياز ي ستى حتى قولى جيد جدا
ده انتى كل سنه بتجيبى مقبول وحيد تنطى مره واحده للامتياز
ملك : اهو اللى حصل بقى وبعدين انا مش فاشله علشان مجبش امتياز 😒
مروه : خلاص حاولى تذاكرى على قد متقدرى ولو مش فهمه حاجه انا معاكى متقلقيش
ملك : حبيبتى خمسه مواه 😂
مروه بضحك: باى ي مجنونه
مروه : راحت لعبير
مروه : عبيييييير
عبير : فى ايه صرعتينى وبعدين ايه عبير ديه وانا هقعد اربى فيكى لحد مبقيتى زى الحيطه وفى الآخر تقوليلى عبير كده حاف اسمها ماما ، ربنا يكون فى عون الغلبان اللى هيتجوزك ربنا يصبره مقدماً😂
مروه : ربنا يصبره على حته السكره اللى هيخدها وبعدين ده بيقولى أنى بنتك بردوا مسعتيش حد بيقول كده قبل كده😂😂
مروه : يعنى انا كنت جيه افرحك وقولك انك ملك وافقت تقوليلى كده
عبير بفرحه: والله وافقت ألف مبروك ربنا يسعدهم ياارب
مروه : انتى عامله اكل ايه انا جعانه
عبير : عامله سمك 🐟🐟
مروه : ي جمالوا هروح اذاكر شويه لحد ما بابا يجى
عبير : ربنا يوفقك ياارب
مروه دخلت الاوضه لقت مسج على تليفونها من احمد
احمد : عروستى بتعمل ايه
مروه : بذاكر انت بتعمل ايه
احمد : انا فى الشركه عندنا شويه مشاكل بحلها
مروه : مشاكل ايه فى حاجه
احمد : لأ شويه مشاكل عادى متقلقيش
روحى ذاكرى كويس علشان اخوكى ميقولش أنى بعطلك عن المذاكره
مروه : لا متقلقش انا بذاكر كويس متخدش على كلام سيف هو بيهزر
احمد : ربنا يوفقك يا جميل
باى
مروه : باى
مروه راحت كملت مذاكره لحد ما معتز روح البيت
معتز : ايه ي سيف نروح نتقدم لملك بكره
سيف: ماشى ي بابا
معتز : ماشى هكلم يوسف اعرفه وانت روح نادى اختك علشان الغدا
سيف : راح نادى على مروه وراحوا ساعدوا مامتهم فى باقى الأكل
وقعدوا يأكلوا ويتكلموا عن ملك وأحمد
عند يوسف: كذالك قاعدين يأكلوا ويتكلموا عن مروه وسيف ويوسف يحكى لهم عن أيامه هو ومعتز ايام الكليه
(ايه النم ده كله ارحموا ده إحنا فى رمضان حتى 😂)
وبعدين كل واحد دخل ينام
فى صباح اليوم التالي
تشرق شمس يوم جديد ويدخل نورها اللى جميل اركان البيت
ملك : تقوم من على السرير
مروه : أتصلت عليها
مروه: الو الو
ملك: الو بابا فين
مروه: بابا هنا هنا اهو أقوله مين
ملك : قوله عمو
مروه : عمو مين أقوله مين بيكلمه
😂😂😂😂
مروه : شكلك رياقه على الآخر
ملك : أيوه علشان سيف جاى يتقدملى انهارده
مروه : ربنا يسعدكم
ملك : بقولك ايه متيجى نريح انهارده من الكليه
مروه : ماشى واجيلك اقعد معاكى شويه
ملك : هو ده الكلام الصح
ملك : قامت وراحت المطبخ : صباح الفل على ست الكل😂
منى : صباح النور ايه الروقان ده كله ده انتى بتبقى صاحيه بتتخنقى من دبان وشك
ملك : قصدك ايه يعني قصدك أنى نكديه
منى : لأطبعا انا اللى نكديه
اتريقى اتريقى على العموم محدش هيعرف يغير مودى انهارده بابا وأحمد فين
منى : فى الشركه
ملك : اوكيه اروح اكمل نوم
منى : والكليه
ملك : مش رايحه انهارده لما مروه تيجى قوليلى
مروه :قامت هي كمان
وفطرت مع باباها ومامتها وسيف
مروه: في ايه تبتسم على ايه
سيف :مين اللي بيبتسم
مروه :انت
سيف :لا ولا حاجه
مروه: هو انت معتوه
عبير : خلاص يا مروه سيبيه عريس بقى
سيف : بص لمروه متغاظ عارفك يا يلا مننا متغاظ
مروه : هتغاظ ليه ما انا مخطوبه كده كده
سيف: ده كل اللي عملتيه في هطلعه عليكى
معتز: يلا بطل كلام علشان اتاخرنا اوي على الشركه
سيف: يلا انا خلصت اكل
مروه : لا ما تاكل كمان يا عريس
سيف : لا كلي انت عروسه
معتز وسيف راحوا الشركه
احمد: يعني صحابي الشركه وتاخرين كمان ده اسمه كلام بردوا
معتز : انت واصحاب الشركه انتم كمان ده انا ويوسف واحد و انت زي ابني سيف
يوسف: ماتاخدش على كلامه احمد بيحب يهزر كثير ولا اتاخرت ولا حاجه احنا لسه جايين احنا كمان من شويه
سيف: ازيك يا عمي
يوسف: الحمد لله يا ابني قل لي يا بابا بقى بعد كده
سيف : حاضر يا بابا
مروه: لبست راحت لملك
وقعدو يختاروا هيلبسوا ايه والوقت جاري بسرعه
سيف بيخبط على الباب
مروه : تفضل يا عريس😂
سيف: اعوذ بالله ايه يا بنتي هو انا اروح في اي حته الاقيكى هناك 😂
مروه: اومال
احمد : تفضلوا
ودخلوا اقعد شويه
وبعدين ملك دخلت بصينيه وملك دخلت وراها بصينيه تانيه
وقعدوا وقراءه الفاتحه وحددوا معاد الخطوبه بعد اربع ايام
وسيف قال انه عاوز فرحه يبقى مع فرح احمد ومروه ايه رايك يا بابا
يوسف: اللي انتم عاوزينه يا ابني
سيف: ايه رايك يا ولدي
معتز :ما عنديش اي مشكله
ايه رايك يا عروستي
ملك: موافقه
وبعدين قعدوا يتكلموا يهزر ويضحكوا وبعدين وهما ماشيين
احمد :شاور لمروه انه لما تروح تكلمه
سيف : لاحظ قلنا عندها مذكره
احمد: ماشى
سيف: راح عند ملك وقال لها بكره هابقى اكلمك قبل ما تروحي الكليه
احمد: لا معلش يا حبيبي عندها مذكره
سيف: ااه ماشي😒
روحوا الكل نام وهو مبسوط
صباحوا على خبر وحش جدا
وانه في خسائر كبيره في شركه يوسف واحمد وممكن يحصل لهم مشاكل
احمد: معلش والله يا بابا انا فعلا منتبهدش غير الايام دي وأنا مكنتش عاوز اقول لك حاجه وان انا احل المشاكل دي بس الصراحه مقدرتش احلها الموضوع خرج من تحت يدي
يوسف: ان شاء الله هتتحل
اتصل بمعتز وقاله انه مش هيقدر يكون معاه في الشركه اليومين دول علشان....... وحكى له عن المشاكل اللي فى الشركه بتاعته
معتز: ولا يهمك يا غالي انا هخلص الشغل في الشركه واروح الشركه معاك نساعد بعض
يوسف: لا مش عاوز اتعبك ان شاء الله انا واحمد هنحل كل حاجه
معتز : يا عم لا تعب ولا حاجه انت ساعدتني كثير جيه دورى
يوسف: تسلم يا ابو سيف طول عمرك اصيل
معتز: قال لسيف ان هم عاوزين يروحوا الشركه بتاعت يوسف علشان يساعدوهم
سيف: طبعا يا بابا لازم نساعدهم
وفعلا روحوا الشركه وقعدوا كل واحد يشتغل على قد ما يقدر لحد ما الوقت اتاخر عليهم وتعبوا اوي من الشغل
يوسف: يا شباب نروح خلاص بقى الوقت تاخر
معتز: ماشي ونبقى نكمل الصبح احنا تقريبا انجزنا كثير النهارده
وروحوا وعدت الايام وفعلا كل مشاكل الشركه اتحلت
وملك : بدات اطمن مع سيف😍
وخلاص جيه يوم الخطوبه💍
مروه وملك في الاوضه مشغلين اغاني وبيرقصوا
ملك: جايبه فستان سواريه رقيق لونه احمر
مروه: جايبه فستان سواريه برده ودقيق لونه نبيتي
وعبير ومنى في المطبخ بيعملوا الاكل
وسيف واحمد بيجهزوا نفسهم كمان
سيف لابس بدله بيج شكلها رقيق جدا وحلوه عليه
واحمد لابس بدله سمره
احمد: يلا بينا يا سيف عشان منتأخرش
سيف :يلا بينا
ايه ده ده انا نسيت الخاتم
احمد الشبكه اهيه
سيف: لا انا كنت جايبلها خاتم هديه عليه اول حرف من اسمي واول حرف من اسمها بس تقريبا نسيته فى جيب البدله اللي في البيت هاروح اجيبه واجي
احمد: وانا هسبقك على هناك
سيف: ماشى
سيف: راح يجيب الخاتم
وأحمد : راح على البيت
معتز ويوسف رواحوا من الشركه
الكل قاعد مستني سيف واحمد
احمد: دخل السلام عليكم
الكل: عليكم السلام ورحمه الله وبركاته
معتز: سيف فين يا احمد
احمد: راح البيت وجاي
عبير: في البيت بيعمل ايه
احمد: تقريبا نسى حاجه. مرضاش يقول علشان ميخربش
المفاجاه
الوقت تاخر جدا وسيف مجاش تليفونه مقفول والكل قلقان😰
ملك: بتعيط وبتقول انا عارفه ان حظي وحش اكيد مشى وسابنى زي اللي قبلهم
احمد: والله ابدا ده كان معايا طول اليوم وفرحان ونفسه الوقت يجري علشان يجي
ملك بعياط: اومال مجاش ليه لحد دلوقتى🥺
يوسف: اهدى يا بنتي الغايب حجته معاه
مروه: اهدى يا ملك سيف عمره ما يعمل كده هو بيحبك قوي
عبير: ايه ي معتز
معتز : تليفونه لسه مقفول
روايه حب من اول نظره
البارت الثاني عشر
ملك : قعده تعيط وبعدين قامت دخلت الاوضه وقالت انها مش عاوزه خطوبه وان سيف هرب وسبها
وفعلا الوقت أتأخر جدا وسيف لحد دلوقتى مش باين
يوسف : هيكون راح فين ي معتز
معتز بحرج : والله ما عارف بس سيف عمره ميعمل كده ويهرب
وفاجئه: الباب بيخبط
احمد : بيفتح الباب احمد: بعصبيه كنت فين ي اخى
سيف : والله الطريق زحمه جدا وكان فى حادثه على الطريق
والتليفون فصل شحن انا اسف والله على التأخير بس غصب عني
مروه : ملك زعلت جدا وفكرت انك هربت وقالت إنها مش عاوزه خطوبه
سيف : ازاى يعنى مش عاوزه خطوبه دخل خبط على الباب
ملك افتحى الباب
ملك :, اول لما سمعت صوته رجعت تانى ليه متهرب ولا خوفت
سيف بصدمه: خوفت ! انتى عبيطه ي بت افتحى نتكلم زى الناس والله الطريق كان زحمه
ملك : فتحت الباب وعينيها كلها دموع
سيف : خلاص بقى متعيطيش والله الطريق كان زحمه
انتى ازاى تفكرى أنى هرب ايه الدماغ ديه مفيش حد بيهرب من روحه
ملك : انت بجد بتحبنى يعنى مهربتش
سيف بضحك : ده أنتى روح الروح
ملك : انت شامبو بلسم ٢×١ للجروح 😂
يلا ي سنجل ي بائس منك ليها من هنا علشان هنرش ميه 😂😂 الكلام ده مش لينا خالص 😂
وطلعوا يلا ي جماعه علشان نلبس الدبل
احمد : ايه ي ملك اللى غير رأيك اوعى يكون هددك بحاجه
سيف : ايه ي عم خليك محضر خير براحه شويه انت شايفنى زعيم مافيا
احمد : أصل ملك دماغها ناشفه مش بترجع عن أى قرار بسهوله
سيف : سيف يلا نلبس الدبل
الكل وقف وفعلا لبسوا الدبل وسيف طلع الخاتم ولبسه لملك وملك فرحت بيه اوى
وقعدوا وضحكوا والكل كان مبسوط بعد التوتر والخوف اللى كانوا فيه
وبعدين معتز : يلا نستأذن احنا بقى علشان الوقت أتأخر
الف مبروك ي بنتى
ملك: الله يبارك فيك ي بابا
سيف : الله شوف كلمه بابا طلعه منك حلوه ازاى
عقبال متقوليلى ي حبيبى اكيد هتبقى احلى من بابا
مروه : خلاص ي عم الرومانسى يلا بينا
سيف بقرف : قاطعه اللحظات الرومانسيه 😒
مروه : باى ي ملوكه نتقابل بكره وألف مبروك ي حبيبتى
ملك: الله يبارك فيكى ي ميرو نتقابل بكره
والكل مشى بعد يوم مرهق على الجميع بس سعيد فى نفس الوقت
ومهما حدث تشرق شمس يوم جديد 🌞🌞
منى : صباح الخير كل ده نوم
ملك : صباح النور صحتينى ليه ي ماما كنت بحلم حلم جميل
منى : ايه هو الحلم
ملك : حلمت بيوم فرحى انا سيف ومروه وأحمد بس مروه كانت تعبانه مش عارفه ليه
منى : إنشاء الله خير قومى يلا علشان الكليه
ملك : حاضر
مروه وملك اتقابلوا وراحوا الكليه
وفى الكليه الكل فرح لملك والكل بارك لها
ومصطفى عرف انها اتخطبت
وبعد المحاضره وهى طالعه
مصطفى: ألف مبروك ي انسه ملك
ملك : الله يبارك فى حضرتك ي دكتور
بعد أسبوعين
بعد الكليه مروه وملك راحوا يشتروا هدوم العيد أصل العيد كمان يومين
زينا يعنى هما ماشيين معانا😂 علشان كده رجعت كتبتها تانى وبس ممكن منزلش كل يوم هى الروايه قربت تخلص باقى حوالى بارت أو اتنين تمام
نرجع تانى
مروه : ملك تعالى شوفى الدرس الاسود ده شكله جميل اوى
ملك : ااه جميل تعالى نشوفه
دخلوا شافوا الدريس و وكل واحده قاست واحد
هم الاثنين يشتروه نفسي دريس اسود وفي ورده صغيره مروه الدرس بتاعها في ورده نبيتي
وملك الدرس بتاعها في ورده كشمير
ملك: يااه شكلنا حلو اوي واحنا الاتنين نفس اللبس
مروه: يلا نروح نقبل بقيت الحاجات
وراحوا محل شوز
واختار هم الاثنين جزمه بكعب اصل هم الاثنين قصرين 😂
(ومالهم القصرين عسلات)
بعدين خلصوا بقيت الحاجات
مروه : انا تعبت
ملك : وانا كمان تعالى ناكل في اى حته
مروه : لا انا مليش نفس انا عاوزه اروح عندى صداع مش قادره 🥺
ملك : هو ايه حكايه الصداع معاكى مروحتش كشفتى ايه
مروه : هتلاقيه بس من قله النوم مش اكتر
ملك : ماشى يلا بينا
روحوا البيت كل واحده فرجت مامتها على الحاجات
زى اى ام مصريه نفس الرد
عبير: ايه بكام ده انضحك عليكى ي خيبه ومش خامه
مروه : ليه ي ماما ده جميل ومنضحكش عليا ولا حاجه كل الاسعار كده
عبير : والله انضحك عليكى
مروه : ماشى ي ماما انا داخله أنام شويه علشان دماغى مصدع
عبير : ماله الصداع مش راضى يسيبك ليه
مروه: من قله النوم بس
ملك : ايه رأيك ي ماما
منى : انضحك عليكى 😂😂
ملك : مين ده اللى انصحك عليها محدش يقدر أصلا يضحك عليا هى الأسعار كلها كده
منى : انتى حره انا بقول رأى
و الاختلاف في الرأي لا يفسد للود قضية صح ولا انا غلطانه
ملك بزعل : لأ غلطانه انتى عارفه لو اى حد قالى حاجه على الهدوم بتاعتى انا مش برضى ألبسها تانى
منى : خلاص روحى رجعيها
ملك : ارجعها لا مش هرجعها وهلبسه كمان 😂
فى الشركه الكل قاعد بيشتغل من وقت طويل
احمد تعالوا ناخد استراحه شويه
سيف ؛ راح كلم ملك
ملك: السلام عليكم
سيف: وعليكم السلام. عروستى عامله ايه
ملك: الحمدلله انت عامل ايه
سيف: الحمدلله انتى فى البيت
ملك: ااه لسه راجعه كنت في الشارع أنا مروه بنجيب هدوم العيد
سيف: واتأخرتوا كده ليه
ملك : معلش الشارع كان زحمه علشان خلاص مفضلش حاجه على العيد
سيف: ماشى جبتى أي
ملك: جبت درس انا مروه زى بعض
سيف : ي جمالوا من غير ما اشوف اكيد هيبقى حلو عليكى
احمد: ازيك ي ميرو
مروه: ازيك ي قلب ميرو انا تمام الحمدلله
احمد : أنا الحمدلله تمام
احمد: وحشتنى
مروه : انا لسه كنت معاك امبارح
احمد : وحشتينى بردوا
مروه : شكلك رومانسى .
احمد : هو انا مقولتلكيش
مروه : لأ
احمد : احلفى
مروه : والل ..... انجز انت هتنقطنى بالكلام 😂
احمد : انا بموت في الرومانسيه وعاوز اخلى اوضه النوم لونها احمر
مروه : اشمعنا يعنى اللون ده انا مبحبهوش خليها فى الونات الكشميري أو النبيتى
احمد : لأ احمر
مروه : بعصبية اشمعنا أحمر يعنى انا مش بحب اللون ده
احمد : علشان الأهلى جديد والعزم شديد
مروه : اهلى إيه بس لأ مش عاوزه لون احمر
احمد : اوعى تكونى زملكاويه والله انفخك 😂
مروه : متقلقش مليش فى الكره اصلا ايييه ده
احمد : ااه يخربيتك ودانى حرام عليكى هو انا لاقى ودانى فى كيس قلبظ 😂 مالك بتعلى صوتك ليه
مروه بضحك: انا شوفت ناموسه شايله جاموسه وعدت بيها من تحت الباب ابقى انا كداب ؟ يبقى انا كدابه
احمد بضحك: اكبر كدابه
مروه بزعل : يعنى انا كدابه مااشى ابقى تعالى خد دهبك ماينفعش تتجوز واحده كدابه
احمد : اسكتى يخربيتك هموت 😂😂😂 انتى طلعتى مجنونه اكتر من ملك اختى
مروه: مروه مش عاجبك طلقنى
احمد: هو لسه اتجوزتك علشان اطلقك
بقولك ايه انا هتكلم مع عمى نكتب الكتاب على العيد والفرح بعد العيد پإسبوع أي رأيك
اسأل بابا
احمد: ماشى خلاص هكلمه
مروه: ماشى باى
احمد: استنى استنى اوعى تقفلى على صبعك 😂
مروه : لأ انا هقفل على ودانك 😂
فى الشركه
احمد اتكلم مع سيف الأول علشان كتب كتابهم هيكون مع بعض
سيف: وافق واتكلموا مع يوسف ومعتز
محدش مانع وقالوا كتب الكتاب بكره
ايه بسرعه ديه والله الناس بتحب السرعة اعمل ايه بس😂
تانى يوم عدى بسرعه جدآ
وحل الليل وجيه المأذون وكتبوا الكتاب وكل واحد حضن عروسته
وسلموا على أهلهم و . ......