روايه حب من اول نظره
البارت الخامس
بقلم مروه النشار
معتز : ايه اللى انت بتقوله ده
هشام : ( اخو معتز ) هو ده اللى حصل تعالى بسرعه على الشركه
معتز بضيق : مسافه الطريق واكون عندك
سيف : فى إيه ي بابا
معتز : هشام بيقول أن الشركه خسرت خسائر كبيرة والسوق بايظ خالص ومحتاجين فلوس بسرعه علشان الشركه تقف على رجليها من تانى وانا دلوقتي لازم اروح الشركه
سيف : وانا جاى معاك
عبير بخوف : ربنا يسترها ياارب
وصل سيف ومعتز الشركه
معتز: ازاى ده حصل ي هشام
هشام:خسرنا الصفقه بتاعت امبارح وخسرنا فيها فلوس كتيره اوى والسوق مدمر
معتز بعصبيه : والحل ايه دلوقتى 😡
هشام : محتاجين فلوس بمبلغ ........
معتز: وانا اجيب الفلوس ديه كلها منين
سيف : أهدى ي بابا علشان صحتك إنشاء الله هنجمع الفلوس
انا كنت شايل فلوس فى البنك رايح اسحبهم وجاى
معتز :, معينفعش تحويشه عمرك اخوها منك
سيف : لازم نساعد بعض انت ياما ساعدتنى وبعدين لما الشركه تقف على رجليها ابقى رجعهم
معتز : ماشى ي بنى
سيف مشى راح يجيب الفلوس
ومعتز : قاعد مش مستوعب اللى بيحصل
وهشام : قاعد ولا على باله اى حاجه
معتز : هى ايه الراحه اللى انت فيها ديه انت مش مستوعب حجم الكارثه اللى احنا فيها
هشام : من الاخر ي خويا انت اللى عليك الضرر مش انا
معتز : ازاى يعنى أو الشركه أفلست بيتى وبيتك حيتخرب
هو احنا مش شركاء ولا ايه
هشام : انا شريك فى شركه اجنبيه لو الشركه ديه أفلست انا كده كده مأمن نفسى الدور والباقى عليك
وبعدين انا مغلتطش لما شاركت فى شركه تانيه انا بأمن مستقبلى ومستقبل ابنى
معتز بصدمه: مغلتطش لما تخبى عليها حاجه زى ديه
هشام : انا عندى استعداد اساعدك واديك الفلوس اللى انت عاوزها بس بشرط
معتز بصدمه: وكمان بتشرط على اخوك
هشام : هتجوز مروه بنتك لمحمد ابنى واديك الفلوس اللى انت عاوزها
معتز : انا مقدرش اقول حاجه ده رأى مروه ولو موفقتش يبقى مفيش جواز
هشام : بغضب حاول اخفاؤه : وهى هترفض ليه ابن عمها وراجل شغال ومبسوط ومعاه فلوس وشفته جاهزه
اللى اذا بقى فى حد تاني فى حياتها
معتز بغضب : اخرس انا بنتى عمرها متعرف شباب وعمرها متخبى عليا حاجه زى ديه
هشام : على العموم اسئلها بردوا
معتز مشى بغضب شديد كاد أن ينفجر
عند مروه علمت بما حدث
وهى كمان جابت الفلوس اللى معاها وكذالك سيف وعبير وقعدوا يعدوا الفلوس بس الفلوس لسه ناقصه كتير
معتز دخل البيت ويبدوا عليه الغضب الشديد
سيف: ايه اللى حصل ي بابا
معتز : قص لهم ما حدث بينه وبين هشام
عبير : ازاى اخوك يعمل معاك كده
مروه بفزع : بس محمد زيه زى سيف اخويا
سيف بغضب : هو ازاى يحطلك شرط زى ده
معتز :, انا استاهل لإنى مختش حظرى منه من الاول طول عمره غيران منى وشايف أنه احسن منى فى كل حاجه
عبير : والعمل ايه دلوقتى
مروه : سيبونى افكر فى الموضوع ده
معتز : متضغطيش على نفسك فى اى حاجه ملكيش دعوه بالموضوع ده
مروه بصت لباباها بحزن : متخفش ي بابا ودخل اوضتها لتنفتح فى البكاء على ما يحصل لها ولعائلتها
وبعدين لقت تليفونها بيرن
مروه : الو
ملك : أهلا باللى بالجبانه اللى بتخاف من الكلاب 😂😂
مروه : حتى انت كمان بتتريقى عليا 🥺
ملك بفزع : ايه ي ميرو مالك صوتك
مروه قصت لها ما حدث
ملك ؛ طب انتى هتعملى ايه دلوقتى
مروه :مش عارفه بس اللى اعرفه أنى اوافق علشان بابا
ملك : يعنى ايه هترمى نفسك فى النار
مروه : يعنى كان قدامى حل تانى
ملك بتفكير : بصى انا هقول لبابا واحمد يساعدكم وانتوا ي ستى اول لما الشركه تقف على رجليها من تانى ابقوا رجعوا الفلوس
مروه : مش عارفه بس بابا مش هيرضى ياخد فلوس من اونكل يوسف ده حيكون احراج لبابا
ملك : خلى الموضوع ده عليا انا هتكلم مع بابا وهخليه يتكلم مع اونكل معتز بطريقه حلوه علشان ميحرجهوش تمام
مروه : ربنا يخليكى ليا ي حبيبتى
ملك : هو انا عندى كام ميرو فى حياتى ربنا يخليكى ليا وفي سرها (ويخليكى لاحمد )
مروه : قفلت مع ملك وبتدعى أن باباها يوافق على العرض بتاع يوسف
عند ملك طلعت جرى على باباها وأحمد
ملك : بابا بابا
يوسف بفزع : فى ايه
ملك :, الحق مروه ساعدها ي بابا علشان خاطري
احمد بفزع : فى ايه مالها مروه
يوسف: فى ايه ي ملك اتكلمى انتى هتنقطينى بالكلام
ملك : قصت لهم ما حدث
احمد : ازاى تتجوز غصب عنها
ملك : لأ مش غصب عنها باباها مش هيجبرها على حاجه هى اللى هتعمل كده فى نفسها علشان خايفه على باباها
احمد : فى سره انا ممكن اقولها تنجوزنى بشرط الفلوس زى ما عمها قال
وبعدين رجع عن اللى فى دماغه بسرعه ايه الهبل اللى انا بقوله ده لأ كده أكيد هتكرهنى انا اساعدها بس مجبرهاش على حاجه
يوسف : ملك هما عاوزين مبلغ قد ايه
ملك:......... ي بابا
احمد : المبلغ كبير اوى
يوسف : بس ميغلاش على معتز هو ساعدنى قبل كده وانا اساعده دلوقتى
احمد : ايه ده هو ساعدك قبل كده
يوسف : ااه
احمد : خلاص الفلوس ديه قدام الفلوس ديه وكده مفيش احراج
ملك : كده تمام اوى
يوسف : خلاص انا حروحله بكره علشان الوقت أتأخر
احمد : وانا هصحى الصبح بدرى اسحب الفلوس من البنك
يوسف : ماشى قوم نام بقى
وانا حروح اكلم مروه علشان متوفقش على ابن عمها
احمد : بسرعه انتى لسه مقولتلهاش وفى عقله بيقول ( منك لله هضيعى البت من ايديا )😂
ملك : اتصلت بمروه وقالت لها
مروه بفرح ،: انا مش عارفه ازاى اوفيلك حقك أنتى مش بس صحبتى انتى اختى فعلا
مروه: قالت لمعتز على عرض يوسف
معتز بعد تفكير طويل: وافق علشان هو كان مساعده قبل كده وعلشان مش عاوز يرمى بنته فى النار
الكل دخل اوضته وعند مروه كذالك كل واحد فى اوضته
عدى ليل طويل على أبطالنا البعض حزين والبعض سعيد وفى الاخر اشرقت شمس يوم جديد 🌞🌞
تانى يوم احمد جاب الفلوس
وراح لمعتز هو ويوسف
ومنى كانت معاهم جات تطمن على عبير
وطبعا ملك لزقه في كل مكان 😂
يوسف : مش يلا بينا بقى منطولش عليهم
معتز : والله ابدا انتوا لازم تتغدوا معانا
سيف : ااه ي عمى لازم تقعدوا معانا شويه
احمد فى نفسه عارف عاوزنا نقعد ليه علشان ملك
وانا الصراحه عاوز اقعد علشان اقعد علشان مروه
وجت فى باله فكره انو ممكن يحل عقده أخته
وقال تمام اوى كده انا اخد اختك وانت تاخد اختى
يوسف : بعد إلحاح شديد منهم وافق
معتز : استأذن انا بقى خمس دقائق واخد الفلوس الشركه واحل المشكله ديه واجى
يوسف : وانا جاى معاك
مشيوا راحوا الشركه
هشام : ايه مروه وافقت
معتز بضيق : لأ انا لقيت الفلوس ومروه ومحمد بالنسبالها زى اخوها
هشام : يعنى مش عاوزه ابن عمها وعماله تلف مع ابن الناس الغريبه
معتز : بغضب اخرس انت ازاى تقول كده عليها
هشام : بص ليوسف هو مش انت عندك ابن
يوسف : بأستغراب : ااه عندى احمد ماله
هشام : ماله ومال مروه محمد شافهم واقفين مع بعض وبيضحكوا فى الشارع
يوسف بضحك؛ ملك بنتى زميله مروه وأحمد لسه راجع من السفر وبيوديها المدرسه وبيرجعها من المدرسه عاوز يبقى قريب من أخته فيها إيه ديه وملك مرتبطه بمروه يبقى اكيد لازم احمد ومروه يتقابله بس انت وابنك دماغكوا شمال
هشام بغضب: بكره احلى افكركوا بالكلام ده مروه وأحمد فى حاجه بينهم
معتز : خد الفلوس وامشى من الشركه مش عاوزك معايا في الشركه
هشام : بإستهزاء : ازاى هتشغل الشركه لوحدك
يوسف بسرعه: انا شريكه الجديد
هشام بص ليهم بغضب ومشى
معتز : انت ازاى تقول كده
يوسف : هو انا قولت حاجه انا فعلا عاوز اشاركك فيها إيه ديه ولا انت مش عاوزنى معاك
معتز : ازاى ده انت تنور الشركه
يوسف بتفكير : وافتكر لما احمد اتخض على مروه لما سمع أنها هتتجوز ابن عمها
يوسف : معتز هو يمكن فعلا يكون بين احمد ومروه حاجه
معتز : حتى انت ي يوسف
يوسف : مش قصدى حاجه وحشه لو فى حاجه وحشه كانت ملك اكيد هتقع بالكلام انا قصدى يمكن يكونوا بيحبوا بعض الحب مش حرام
معتز : بتفكير تصدق يمكن
يوسف: ده انا يشرفنى تبقى نسيبى هو انا اطول تبقى مروه مرات ابنى
معتز : ربنا يقدم اللى فيه الخير بس مش عاوزك تفكر على الفاضي يمكن يطلع مفيش حاجه من ديه ويكونوا الولاد صحاب عادى....