رواية احببت غبيه كامله بقلم تقي طه ) جميع الفصول مكتملة للاخير الخاتمه

 البارت الآۆلْ والثاني

بقلم تقي طه

كنت قاعدة زى كل يوم عالفون بتاعي بدور على فرص شغل

ولقيت ماما بتنادي من برا

-نعم يا ماما

-بقولك ياحبيبتي  أنا عملت الأكل بس تعبت فجأة ومش قادرة أكمل ممكن تكمليه وتقدميه لأخواتك.

-إنتِ بتقولي إيه ياست الكل أكيد طبعًا بس لينا كلام بعد الغدا وهعرف مالك الأيام دى.

-يبنتي مافيش عادى كبرت بقى عالعموم ماشي بس خشي خلصي الأكل بسرعة بس زمانهم راجعين من المدرسة .

-من عيوني.

دخلت وكنت خلاص بطفي الأكل لقيت حد بيرن عالجرس 

ضحكت ضحكة كدا وقولت لازم أعذبهم شوية

وقفت عالباب وقولت:

-من عالباب؟

-أنا يا سعاد

-مين ماعرفكيش ومانعرفش حد اسمه سعاد.

-يابت افتحي الشنطة تقيلة أوي وجعانة جدًاا

-لا أبدًا البيت دا طول عمره طاااهر وهيفضل طول عمره طاااهر.

-يابت هناديلك كرم كدا

-لا استغفر الله توبت إلى الله (وفتحت الباب بسرعة فكانت هتقع فنزلت وخدتها في حضني)

-لا لا مش من أولها الحركات دى الاه.

-وسعي يابت عايزة أدخل .

-شكلنا التصقنا.

-مش عليا الحركة دي (وفكت إيدى من عليها وجريت )

-ماشي يا لبنة لما يجي خالد وأنا هوريكي.

سمعت ضحكة أمي على شقاوتي حتى لما كبرت وخفة دمي اللي مايقدروش يستغنوا عنها أبدًااا.

قفلت الباب بسرعة أول ما سمعت صوت رجلين طالعة

أمي: بس بقى يا سارة بلاش الحركات دي.

-إنتِ تعرفي عني كدا يا ماما أنا هوريه بقى يمشي من غير يديني الأمانة. 

أمي فقدت الأمل فيا فرجعت تمدد رجليها عالكنبة تاني وخدت الدوا ونامت.

الباب خبط تاني رجعت

 اتسحبت على أطراف صوابعي من غير ما أعمل صوت ووصلت عالباب ووقفت.

-عارف إنك ورا الباب افتحي بقى مش كل يوم تطلعي عذر عشان تاخدي الأمانة .

-...

-طب أنا آسف افتحي وأنا هديكي اللي إنتِ عايزاه.

فتحت الباب بسرعة كان 

هيقع روحت شيلته بسرعة وجريت بيه على أوضتي بسرعة ورميته عالسرير .

بضحكة شريرة:

-دلوقتي هاخد الأمانة بتاعتي الضعف .

-خلاص طب هغير هدومي واستحمى طيب.

-لا أبدًااا دلوقتي. 

-طيييب.

ولقيته بيقرب براحة كدا وراح إنقض عليا واقعني وهااات أحضان من اللي بحبها

 وباسني واداني شيكولاتة اللي بحبها عشان اعفو عنه وبالفعل تم العفو

-خلاص خلاص كفاية هات آخر حضن بقى ويلا يا بطل عشان تجهز للغدا.

-أهههوه آخر حضن ويلا بقى كفاية لقد نفذ رصيدكم اشحنيني تلاقيني.

-بذمتك إنت طفل فى 3 ابتدائي.

-بذمتك إنتِ واحدة خلصت كلية وكبيرة المفروض.

-عند المكوااااجي ويلا بقى الأكل هيبرد وأمي تزعقلي قوم.

راح خالد حبيبي أخويا الصغير هو ولبنة اللي فى 5 ابتدائي وأنا سارة خلصت كلية تجارة

 عندي 24سنة لسه مش مرتبطة عشان مش فاضية وورايا

 مسؤوليات غير والدتي اللي كل يوم تعبها يزيد وبتتحج إن التعب دا عشان كبرت

بس أنا بقيت أراقبها الفترة الأخيرة وعرفت إن عندها حاجة فالفقرات عشان كدا مابتقدرش تقف كتير ومقولتلهاش سيبتها تقولي هيا.

خلصت الأكل وقعدنا ناكل وسط جو من الهزار أنا وخالد ولبنة 

بس وطينا صوتنا عشان والدتي نايمة.

خلصنا ودخلت المطبخ وهما جابو الأطباق وظبطوا السفرة زى ماعلمتهم ووقفت بجهز

 الكوكيز عشان بيحبوها وعملت فشار وعصير وخرجت الأيس 

كريم وعملتلي قهوة مظبوطة وخرجت اظبط فيلم الكارتون

 اللى هنتفرج عليه وقعدنا نفرج عليه وناكل كل الأكل لقيت والدتي بتنادي عليا سيبتهم وخرجت.

-نعم يا حبيبتي اؤمريني.

-تعرفي إني بحبك.

-خلاص بقا بتكثف الاه.

-يا واد يا مكسوف سارة نتكلم جد شوية.

-مالك يا ماما قلقتيني.

-بصراحة يا سارة أنا حاسة إني بودع وماينفعش أسيبكم كدا لازم تتجوزي يا حبيبتي.

بعياط: -ماما إنتِ بتقولي إيه.

-شششش ماتقطعنيش دلوقتي بقى دي آخر مرة هنشوف بعض كرم يا حبيبتي أتقدملك 

أكتر من مرة لما كنتي فالجامعة وأنا رفضته عشان كنتي بتدرسي

 وماتشغليش نفسك عن دراستك وهو وافق يستناكي وميلمحلكيش بأي شيء وهو فعلًا طلع راجل وعمل بكلامه وبنى

 نفسه بمجهوده وتعبه وأنا بطلب منك طلبي الأخير أنا عارفة إنك بتحبيه وهو بيحبك وإنتِ حافظتي على قلبك عشانه لما يبقى 

حلالك وأنا موافقة بعد وفاتي اتجوزيه عالطول ماتستنيش

 كتير أيام وفاتي تمر لأن الحزن فالقلب يابنتي مش بالمظاهر

 حققيلي طلبي الأخير يا سارة وخلي بالك من إخواتك

 ياسارة وخلي بالك من نفسك ومن كرم جوزك إن شاء الله ولو مارتحتيش اتطلقي بس بعد سنة أنا مش عايزة أغصبك على حاجة 

اتطلقي بعد سنة واحدة بس إديلوا فرصة مع السلامة يا سارة ماتنسنيش وادعييلي كتيير.

وانتقلت  والدتي لرحمة الله تعالي سايباني لوحدني أعاني وسيبالي مسؤولية كبيرة .

عدا 5 أيام على وفاتها وأنا قاعدة فالبيت لابسة أبيض عشان هيا وصتني بكدا ملبسش    أسود أبدًا وفضلت ماخرجش من البيت خالص إلا مرة كل

 يومين أجيب حاجات البيت وكل شغلي حاليًا بقى طبيخ 

وغسيل وتنظيف البيت طبعًا أخواتي مكانوش بيسبوني دايمًا معايا يساعدوني ويحاولوا   يخرجوني من الحزن اللي فيه وروتين

 يومي اللي بقى متكرر كل يوم.

في يوم كنت خلاص خلصت الأكل وبجهزه لاقيت الباب بيخبط لبست اسدالي الأبيض

 اللي بقى ملازمني الأيام دي وفتحت الباب عشان عارفة إن أخواتي مش بيجوا دلوقتي لقيت كرم.

-إزيك يا كرم؟!

-الحمد لله بخير في زحام من النعم وإنتِ.

-الحمد لله، مش هينفع أقولك إتفضل عشان لوحدى و..

قاطعني بسرعة وقال:

 عارف عارف جاي أقولك إن المأذون جاي بكرة عشان وصية والدتك تتحقق الله يرحمها.

-يارب طب تمام .

وقفلت الباب وقلعت الاسدال وفضلت بفستان أبيض طويل محتشم جدًا .

شوية واخواتي رجعوا دخلتهم وبقيت مش بكتر مقالب معاهم وبكتفي بفقرة الهزار واللعب

 كل ليلة، بس بصراحة هما مسابونيش وعملوا الواجب وأكتر بقوا يعملوا فيا مقالب كل ثانية .

صحيت الصبح وافتكرت إن النهاردة كتب كتابي بس من غير فرح أنا طلبت كدا عشان 

أمي لسه ميتة برده والناس هتقول عليا إيه مش كفاية هتجوز 

وبلبس أبيض وبضحك كمان هما مش عارفة ليه بيبصوا للمظاهر هما دخلوا قلبي عشان يشوفوا الحزن اللي عشش فيه .

 وبالفعل إتجوزت كرم حب طفولتي بس صونت قلبي وبعدت عنه عشان ربنا مايحرمنيش منه.

-يلا يا سارة عشان نروح على شقتنا.

-كرم ممكن لحظة تعالى بس فالبلكونة.

دخلنا وقعدته وجبتله قهوة. 

-بص بقى المفروض دلوقتي إن إحنا إتجوزنا صح .

البارت التانى من أحببت غبية

كرم:هه يا سارة عملتلنا ايه النهارده .

سارة: عملتلك مكرونة وكبدة و..

كرم بمقاطعة وعصبية :يا سارة انا بقولك انى تعبان وجاى مفرهد من الشغل    دا غير اخواتك دلوقتي هتلاقيهم جايين من الامتحان كمان جعانين تروحى تعملى مكرونة وانتى عارفة انى مبحبهاش طب اكل ايه دلوقتي يعنى دا غير   خالد اللى مابيحبش الكبدة مافكرتيش فى دا كله انتى بقيتى مهملة اوى .

سارة بدموع تحبسها:كبدة وصينية بطاطس .

كرم أحس بالذنب جدا فاقترب منها واحتضنها بأسف.

سارة بدموع:انت بقيت عصبى جدا ومابقتش طايقانى وانا والله غصب عنى مابقتش استحمل اى كلمة حتى لو مش قاصدك او مضايق وبتطلع غضبك عليا انا اسفة.

كرم :انا اللى اسف والله مكانش قصدى ازعلك انتى اللى بقيالى يا كل ما ليا انا بس الشغل كان مضايقنى النهاردة جداا وطلعت كل اللى فيا فيكى.

سارة بمرح:خلاص   بقى ياعم بطل تتلصق فيا كده ما بتصدق تلاقى فرصة وتحضنى الاه.

كرم بضحك:هههه انا اتلصق فيكى انتى  يا بت انتى ليه ياسمين صبرى حضرتك. 

سارة بغيظ وامسكت بشوكة جانبها:بص بقى لو جبت سيرة اى بنت على لسانك تانى هخرموهلك.

كرم:قصدك تقطعيه.

سارة:لا الشوكة بتخرم بس.

كرم:نظرية برده، أقنعتينى.

سارة:طول عمرى مقنعة عيب عليك.

كرم:عمرك ماهتبطلى الفخر الكداب ده.

سارة:تؤ تؤ ابدا اديك   قولتها عمرى ما هبطلها.

وفجأة سمعت سارة وكرم دق عالباب .

سارة:اقف عندك 

يا كرم دول ليا انا المرادى بقى.

كرم:مااشى المرادى بس يلا.

سارة وهى تقف خلف الباب: من الطارق؟!

خالد:انا طارق.

لبنة وهى تضربه ضربة 

خفيفة على كتفه:بسسسس  اسكت مش موال كل   يوم هو اسكت انت وانا هتكلم.

خالد باستهزاء:طب اتفضلى ياختى.

لبنة بثقة:هتشوف هكلمها

 من هنا هتدخلنى عالطول.

خالد بلامبلاة:اعملى اللى تعمليه انا هقعد احسن .

لبنة بصوت خافض:سوسو .

سارة بصوت خافض هى الاخرى:عايزة ايه.

لبنة بتوسل:بالله عليكى ما تكسرى بخاطرى ودخلينا عشان انا كدا هيبقى

 شكلى وحششش لو مدخلتناش وهعملك اللى انتى عاوزاه.

سارة بضحكة شريرة:اى حاجة اى حاجة.

لبنة بخوف:اه بس   خفى عليا الله يسترك.

سارة:هنبقى نشوف الموضوع ده بعدين. 

وثم فتحت سارة الباب بسرعة ولبنة تتكئ عليه لتقع لتخطفها سارة سريعا بين أحضانها.

كرم بضحك:ادخل يا خالد قبل ما تفتكرك.

تسلل خالد ببطئ ليختبئ قبل أن تبدأ باحتضانه مثل كل مرة .

لتلاحظه سارة بنصف عينها وتأخذه هو الآخر بين أحضانها مع لبنة.

خالد بضيق:سارة بقى بكره الاحضان والخنقة دى .

لبنة:سارة عايزة ارتاح سبيينى.

سارة بعند:لا.

كرم بضحك:خلاص بقى يا سوسو العيال تعبانين من الامتحانات وعايزين   يرتاحوا ، طب اقولك خليهم يرتاحوا وناكل وبعدين اعملى اللى انتى عايزاه.

سارة بتفكير واقتناع:تمام موافقة يلا يا قمرات غيروا هدومكوا وتعالوا ناكل عالسريع كدا.

ودخل الاولاد للغرف وظلت سارة تعيد تسخين الطعام حتى انتبهت   لصزت غريب كأنه شئ انكسر وتحطم او ارتطام شئ بالارض لتخرج لترى لتصدم مما رأت.

سارة بصدمة:....

                 الفصل الثالث من هنا