👑عيلة العطارين👑
👑الفصل التاسع عشر👑 والعشرون
حسين :اي 105، لو سمحت
الممرضه :خير يا حاج؟
حسين :هي الانسه اللي في اوضه 105هي كانت حامل؟
الممرضه :قصدك مدام ندى وجوزها يوسف بيه، اه يا حبة عيني وابنهم نزل بسبب الواقعه ربنا يعوض عليهم يارب
حسين بصدمه:ابنهم
الممرضه :اه يا حاج ابنهم في اي، وبعدين انت مين اصلا وبتستفسر كدا ليه هو حضرتك تعرفهم؟
نظر لها حسين بعض الدقائق ثم تركها وذهب
الممرضه :يا حاج، ياحاج انا بكلمك، ماله ده؟ هى ناس
مالهابقت عامله زي الزومبي كدا، أحيه ليكون مسلسل يوسف الشريف اتحقق، يالهوي يالهوي نضارتي فين
بقلمي منه وائل
*************************
في الكافيه
احمد :المهم انتي دلوقتي تروحي البيت ولما عمار دا يروح او لو لاقيتي هناك فهمي انك عرفتي عشان مايسوقش فيها، وبعد كدا تقوليلوا على حسام وبعدين شوفي ردة فعله اي وقوليلي، ردة فعله هي اللي هتحددلنا اذا كان هيساعدنا والا لا
انچي :حاضر
احمد :المهم انتي اتغديتي؟
انچي :لا مش عاوزه انا محتاجه انام انا من ساعة ما جيت من السفر ما ارتحتش
أحمد :اه والله وانا كمان ماارتحتش من ساعة ما جيت من السفر
انچي :انا اسفه انا السبب انا اللي جبتك على ملي وشك
احمد:اي اللي انتي بتقولي دا لا طبعا، وبعدين مش انتي السبب انا اللي من الصبح في المستشفى
انچي :اي ليه بس حصل اي؟
احمد :اسرار اختي تعبت شويه وروحنا لاقناهم في المستشفى ومن الصبح واحنا هناك بقا
انچي :اه الف سلامه عليها طب قوم اروح معاك اطمن عليها
احمد :لا والله مفيش داعي هي بقت كويسه
انچي :لا يلا انا عاوزه اشوف اهلك اصلا
احمد لنفسه :أحيه عليا وهقولهم اي ساحب واحده وجايلهم
انچي :بتفكر في أي يلا بقا يلا قوم
احمد :طيب خلاص يلا
بقلمي منه وائل
*************************
في شقه يملئها الفوضى
حسام بضحك:ههههههههه، تفتكري هنموت هنا؟
داليا وهي تنفث بعض الدخان:ولو موتنا يعني حد هيحس بينا عادي
حسام :تعرفي اني كنت غني اوي اوي
داليا :وبقيت اي ههههههه شحات
حسام :انتي بتقولي فيها انا عايش من خير واحد معرفهوش
داليا :شكلك بدءت تخرف
حسام ببكاء وضياع :ايوا بدءت أخرف، بدءت اضيع بدل مااكون في جامعتي وابقا مهندس قد الدنيا لا قاعد هنا وبحشش وبشم بودره، وهي السبب ايوا هي، هي اللي خدت كل نصيبي من الحنان اللي كنت محتاجه منها وادتهولوا هو، زي مايكون كانوا لاقيني في الشارع، سابوني ضايع ومايعرفوش عني حاجه انا بكرها وبكرهوا هو كمان مات وهو عارف انه مقصر معايا، حتى وهو بيموت كان مقصر معايا، انا مكنتش محتاج منهم غير انهم يسمعوني ولو مره، سبوني لحد اما بقت كدا
داليا وهي تفتح ذراعها بدموع :تعالي
نظر لها حسام ولم يتحرك من مكانه
داليا :تعالي
احتضنها حسام بشده وظل يبكي كأنه تائه من امه، ولما لا فهو بالفعل تائه ليس لديه احد يعلم ما بداخله، لم يستطيع البوح او الافشاء عن شئ لاحد يوما ما
داليا وهي تمسح على رائسه:تعرف من اول يوم عرفتك فيه وانا عارفه انك مش كدا، انا كمان مكنتش كدا، بس اقول اي بقا من أهلي اللي بسببهم هربت وبعدت كانوا عاوزين يجوزوني غصب عني والا يموتوني هربت منهم والنتيجه اي قاعده في شقه فيها ناس وبنشرب ونشم والحياه فله وكل دا بسبب اهلي
حسام :حاسس اني تعبان اوي
داليا :بقولك اي ماتيجي نتجوز
حسام بضحك هيستري :ههههههههههههههههههه نتجوز هههههههه
داليا : هههههههه اي وانا قولت حاجه تضحك اوي كدا؟
حسام :ههههه اه، نتجوز ازاي بس بقولك مبقاش حيلتي حاجه هتجوزك بقميصي ههههه
داليا وهي تقترب منه : وانا مش عاوزه حاجه انا عاوزاك انت بس
حسام :داليا هو انتي بتتكلمي بجد، طب ازاي وأهلك هيوافقوا؟
داليا بابتسامه :يوفقوا اي بقولك هربانه منهم يعني لو بيدوروا عليا فعشان يقتلوني
حسام :وانتي عاوزه تتجوزيني ليه؟
داليا :هههههه الناس بتتجوز ليه؟
حسام :عشان، عشان يكونوا اسره واطفال ومسؤوليه وعشان بيحبوا بعض إنما أنا وانتي ولاننفع لا اطفال ولا مسؤوليه
داليا :ليه لا؟
حسام :وليه اه؟
داليا :عشان حبيتك، ايوا حبيتك يمكن مكنتش متأكده من الاحساس دا بس اتأكدت دلوقتي
نظر لها حسام ثم احتضنها وقال :وانا كمان بحبك اوي
بقلمي منه وائل
*************************
في منزل والد زين
سحر :هو المحروس ابنك هيفضل على طول قاعد لوحده كدا، ولا نعرف بيعمل اي هو وصاحبه دا
يحيي:انتي عاوزه اي مش عملتي مشكله معاه واهو مشي وبعد عنك اهو
سحر :لا طبعا يا يحيي افهمني انا مش بكره زين بس انا عاوزه افهم هو ليه بيعاملني كدا، دا حتي سالي بيعاملها وحش وانت عارف البنت متعلقه بيه ازاي
يحيي:ايوا يعني انتي عاوزه اي دلوقتي؟
سحر وهي تجلس بجانبه وتضع راسها على كتفه :اللي اقصده يا حبيبي انك تقرب ابنك منك تاخده تحت جناحك كدا عشان مايبعدش عنك وتجوزوا، اه تجوزوا اصل نوعية الشباب في السن دا ممكن تعمل حاجات وحشه كتير وبعدين انا مش مرتاحه لصاحبه دا عيل مش مظبوط كدا
يحيي:لا ملكيش حق يا سحر مراد دا متربي مع زين دا أكتر ولد انا بثق فيه
سحر :مش مشكلتنا في مراد دلوقتي، زي مابقولك قرب ابنك منك وجوزوا لحسن يضيع فلوسه كلها برا على البنات، دا هو لوحده وارث من أمه ضعف فلوسك
نظر لها يحيى وقال بحده :سحر، قولتلك ميت مره فلوس والدة زين ملكيش دعوه بيها زين كبر مش صغير وهو عارف بيتصرف في حياته ازاي، وبعدين انا اجوزوا مين دلوقتي؟
سحر :سالي هي سالي وحشه والا اي وبعدين دي تتمناله الرضا ترضى، مش نفسك في حفيد صغير كدا يلعب حواليك يلا بقا خلص الموضوع دا
يحيي:يا سحر هو اي اللي خلص هو احنا هندبح عجل، دا جواز وبعدين مش نشوف رأيهم الأول
سالي سريعا :انا موافقه يا عمو
يحيي:اي دا في أي انتي كنتي بتتصنتي علينا؟
سحر :ها لا دي تلقيها سمعتك في داخلتها مش كدا
سالي:اه اه يا عمو
يحيى :طيب خلاص سبوني افكر
بقلمي منه وائل
*************************
في غرفة أسرار
أسرار :هما روحوا كلهم والا اي؟
دب دب
أسرار :ادخل
حسين :اذيك يا بنتي عامله اي دلوقتي؟
أسرار وهي تعتدل في جلستها :الحمدلله يا بابا انا كويسه تعالي اقعد
حسين :يعني بقيتي احسن؟
أسرار :اه الحمدلله، بابا انا والله العظيم اسفه انا ...
قطع حديثها حسين قائلا :بس بس مش عاوز اسمع حاجه انا عاوزك انتي اللي تسمعني ، انا معرفش اي السبب اللي خلاكي تعملي كدا لو عشان ضربتك، يبقا لو كل اب وام ضربوا عيالهم وراحوا عملوا كدا يبقا الدنيا كلها هتخلص، لو عشان جوازك من عمار، بصي يا أسرار انا متأكد مليون في الميه انك بتحبي عمار والا مكنتيش وافقتي من الاول منا عارفك مفيش حد يقدر يجبرك على حاجه، بس لو انتي بتعملي كدا عشان خاطر هو بعد السنين دي كلها ونسيكي احب اقولك مش عي دي الطريقه اللي تربى بيها لان مهما حصل هو برضو راجل ومش هيستحمل قلك ذوقك دي معاه اخر ما هيزهق هيخلص مصلحته اللي هي السبب الرئيسي في جوازتكم دي وبعدين هيعمل اللي انتي مسره عليه وهيطلقك وفي الاخر محدش هيخسر غيرك، انتي بتحبي عمار يا أسرار؟
نظرت له أسرار ثم ظلت صامته
حسين :حقك ما تجوبيش دلوقتي لأنك متلغبطه دلوقتي ولا عارفه تسامحي ولا عارفه تبعدي بصي انا مش عاوز ردك دت بس اهم حاجه انك انتي اللي تردي على نفسك وتكوني مقتنعه بردك دا ماشي ياحبيبتي، المهم الدكتور قال انتي هتباتي النهارده هنا عشان نطمن انك بقيتي احسن وبكره هتروحي
أسرار :طب مينفعش اروح معاكم النهارده انا بقت احسن
حسين :اسمعي الكلام بقا
أسرار : حاضر
ظل حسين شاردا يفكر فيما سيفعل في تلك المصيبه التي وقعت على راسه، كيف يوسف وندى؟ ما هذا ان عقلي لا يصدق هذا؟ اذا كانوا يريدون ذلك لما لم يقولوا لي؟ لقد شل عقلي.
أسرار :مالك يا بابا انت شكلك مضايق من حاجه؟
حسين :ها لا يابنتي مفيش حاجه انا كويس
دب دب
حسين :ادخل
احمد :بابا انت هنا اومال فين الباقي؟
حسين :بيطمنوا على ندى أصلها وقعت من على السلم وحصلها شوية خدوش
أسرار :وهي عامله اي دلوقتي يا بابا؟
حسين :بقت احسن يا بنتي بقت احسن
احمد :طيب في حد عاوز يطمن عليكي يااسرار ويقولك الف سلامه
أسرار :حد!، حد مين؟
احمد :تعالي يا انچي
انچي :حمدالله على سلامتك يا أسرار بجد أضيقت اوي لما عرفت من احمد انك تعبتي
أسرار وهي تفتح فمها :ها، الله يسلمك، مين ها مين؟
احمد :دي انچي زميلتي في الكليه
حسين وهي يتسأل بمكر :وعملت اي في المشروع اللي صاحبك اتصل بيك عشانه وجريت جري؟
احمد بارتباك:ها منا روحت وشوفته كان هايل يا بابا هايل
حسين بعدم اقتناع:اه هايل
احمد :احم طب اي مش المفروض نطمن على ندى؟
حسين :ندى كدا كدا هتروح معانا مفيش داعي تقعد في المستشفى وهما جاين ابقوا اطمنوا عليها
احمد :طيب
بقلمي منه وائل
*************************
في غرفة ندى
عمار بضحك : ههههههههه طب فاكر يالا لما كنت عامل سشوار في شعرك واحنا في العيد وانا أضيقت عشان روحت ومااخدتنيش معاك روحت جايب الكوره من على الأرض وكان فيها طينه وروحت راميها على شعرك
يوسف :هههههههههههه ياااااا انت لسه فاكر دا انا يومها اشتكيت لكل البيت عليك وكان يومك ازرق
عمار :اه وعمك حسين علقني من رجلي وقالي انت معدوم الربايه ههههههههه
رامي :والمصيبه انك وانت مربوط مش بتعيط عشان معلقك، كنت بتضحك عشان كلمة معدوم الربايه ههههههه
عمار :ههههههه ياعم ما عمك كان بيقول كلام قديم اوي حسيت نفسي في مسلسل حديث الصباح والمساء
هبه :ههههه والله كانت ايام حلوه
جليله :ويارتها كملت ماانت قلبتها غم علينا
عمار :الله ما خلاص بقا يا جوجو في أي الله
جليله :جوجو اتلم يا ولاا قال جوجو قال شايفني لابسه ترنج وراكبه بسكلته
الجميع :ههههههههههههه
دب دب
يوسف :ادخل
الدكتور :سلام عليكم، حمدالله على سلامة الهانم
يوسف :الله يسلمك يادكتور
الدكتور :هي تقدر تخرج النهارده مفيش مشاكل بس بلاش الحركه الزياده والادويه اللي قولت عليها تاخدها وأهم حاجه تعمل فحص كل شهر
فتحيه :فحص كل شهر ليه يا دكتور؟ دا واقعه بسيطه يعني
الدكتور :يا مدام الواقعه سببتلها
قطع حديثه يوسف سريعا :اااا، قصده ان الواقعه عملتلها شوية وجع في ضهرها اه وطبعا عشان نطمن على فقرات ضهرها لازم فحص والا اي ها
نظر يوسف للدكتور وكان يحثه على الصمت
الدكتور وقد فهمها يوسف :اه دا كان قصدي فعشان كدا لازم فحص
عمار :تمم يا دكتور ان شاء الله هنعمل الفحوصات دي
الدكتور :تمم عن اءذنكم
يوسف :انا جاي معاك يا دكتور عشان اعرف الادويه اللي هتاخدها
جليله :ماله الدكتور دا لاخمه كدا ليه دا كأنه عامل عامله
سوميه :اكيد تعبان يا جليله وبعدين الدكاتره دي ياعيني بيطلع روحها دول مش بيناموا
جليله :ربنا يقويهم، اما اقوم اشوف بنتي وحسين اللي بقاله ساعتين بيرغي معاها دا
عمار :على مااعتقد يلا عشان الليل ليل وبعدين الناس اللي جايه من السفر دي بصي عاملين ازاي زي ما يكون كانوا بيمحروا بيت
رامي :انت بتقول فيها دا انا هموت وانام
فتحيه :طب يلا روحوا انتوا وانا هجهزها ونحصلكم على هناك
عمار:افضل معاكي يا أمي؟
فتحيه :لا ياقلب امك مش مستهله
عمار :تمم يلا
فتحيه :قومي يلا يا حبيبتي عشان البسك
ندى وهي تسحب الغطاء عليها :ها طب اخرجي وانا هلبس لوحدي
فتحيه :لا ازاي بس يلا
سحبت فتحيه الغطاء من عليها
وكانت ترفع لها ملابس المستشفى
فتحيه :اي دا هو فين مكان الخدوش اللي في ضهرك وفين مكان العمليه؟
ندى وهي تحاول الاستناد :ها ماهو
فتحيه :هو اي، ندي انا مش فاهمه اي حاجه والدكتور دا كلامه مش عاجبني، هما عملولك عملية اي بظبط؟
ندي بخوف :ها.... هما
دب دب
فتحيه :البسي، استنا ياللي على الباب لحظه
يوسف :حاضر يا مرات عمي
ندى :حاضر
ارتدت ندى ملابسها وجلست على الفراش بخوف
فتحيه :ادخل
يوسف :انا كدا جبتلها كل الادويه اللي الدكتور قال عليها كلها، اي دا في أي مالكم؟
فتحيه :انت اللي كنت معاها انا عاوزه افهم فين مكان العمليه اللي في ضهرها وهي مش قادره تتحرك ليه؟ فهمني يا يوسف
يوسف بصدمه :اصل...
فتحيه :أنتوا في أي هي تقولي هما وانت تقولي اصل، اقسم بالله لو مافهمتوني اي اللي بيحصل بظبط لكون قايله لعمك وهو بقا يخليكم تتكلموا بمعرفته
يوسف :اهدي يا مرات عمي في أي انتي مكبره الموضوع ليه كدا؟
دب دب
يوسف :ادخل
الممرضه :محتاجين اي مساعده يا بيه
يوسف :لا شكرا تسلمي احنا خلاص ماشين
الممرضه :ربنا يقومك بالسلامه يا حبيبتي معلش انا عارفه انك مضايقه دلوقتي ماهو الضنا غالي برضو
فتحيه بصدمه :ضنا اي؟
يوسف :اتفضلي دول. يلا شكرا ليكي شكرا
الممرضه :العفو يا بيه على أي بس
فتحيه بصوت عالي:انا مش هتحرك من هنا الا لما افهم كل حاجه ضنا اي، انتي اتجوزتي من ورايا يا ندى؟ انطقي بدل ما اطلع روحك في أيدي
ندى ببكاء :والله ماعملت حاجه
يوسف :وهو يخبئ ندى ورائه، ايوا ندى مراتي
فتحيه بصدمه :اي؟
ندي بصوت خافض :يانهار اسود
بقلمي منه وائل
*************************
في دكان الحاج علي
صبرين :واد يا سعيد
سعيد :اؤمري يا معلمه
صبرين وهي تشاور على منزل عيلة العطار :ما تعرفش فين جيران الغابره من الصبح مش باينين يعني؟
سعيد :يا معلمه انتي مش عايشه في الدنيا والا اي ما ادرتيش باللي حصل؟
صبرين :اي اللي حصل يا واد ماتنطق
سعيد :الصبح وانا رايح اجيب فطار لامي مكنش فيه حد لسه فتح شوفتهم وهما نازلين واللي اسمه عمار دا كان شايل ست أسرار على ايده وسايحه في دمها وامها نازله بتصوت
صبرين :بس ماتقولش ست دي حتة عيله، وبعدين سايحه في دمها ازاي يعني، اي ابوها كان بيضربها يعني؟
سعيد :معرفش والله يا معلمه دا اللي انا شوفته
صبرين :الموضوع فيه ان بس على مين دا انا صبرين هعرف يعني هعرف
بقلمي منه وائل
*************************
في شركة عمار
مني :هنعمل كدا وكدا وبس كدا الإعلان جاهز، قال تقولي لك شو وينو لعمار كيف يعمل هيك، مرا سو ولا بتفهم في أي حاجه
محمود :مني انتي لسه قاعده انا فصلت وهروح بقا.
مني :لا روح انت انا لسه في كام حاجه في الاعلان بفنشهم
محمود :على الله حكايتك تصبحي على خير
مني :وانت من اهله، بس ازاي مستر عمار عامل نسبه لمستر حسام ومزمازيل انچي وهما اصلا مش اخواته، طيب اوي مستر عمار دا
وأثناء ما كانت تعمل على الحاسوب انقطع التيار الكهربائي
مني بفزع:بسم الله الرحمن الرحيم، اي دا؟ اي اللي، قطع النور كدا؟، سامي يا سامي، طب يا عطيه يا جدعان يا بتوع الأمن انتوا، ياربي دا مفيش حد غيري. يا ماما انا خايفه
تك تك تك
مني :أحيه، احيييه اي الصوت دا، ونبي ماتاكولني انا لسه عازبه مادخلتش دنيا ونبي
واثناء ما كانت تتحرك وجدت ضوء كشاف يأتي عليها.
مني بصراخ :عااااااااا حرامي عاااااااااااااا ااا
بقلمي منه وائل
*************************
في حديقه المستشفى
هبه وهي تتحدث في الهاتف :معلش والله مااخدتش بالي وبعدين اكيد مش نايمه كل دا، انا مانمتش اصلا
زين :وليه مانمتيش؟
هبه :اصل لما روحنا عرفنا ان أسرار بنت عمي في المستشفى
زين :اي، ليه حصل اي؟
هبه :مفيش تعبت شويه فجبوها هنا تعمل شوية فحوصات بس هي بقت احسن الحمدلله
زين :الحمدلله، الف سلامه عليها
هبه :الله يسلمك
زين :هو انتي لسه زعلانه مني؟
هبه:وانا هزعل منك لي؟
زين :يعني عشان شوفتي چيچي وهي واقفه معايا وكدا
هبه بارتباك : ها لا وانا مالي يعني كل واحد حر في تصرفاته
زين:والله هي اللي كانت بتتمايل عليا وشكلها كان سكران وبعدين دي مجرد زميله مش اكتر
هبه :اعتقد انك مش لازم تبررلي يعني دي حياتك الشخصيه.
زين :لا معلش من هنا ورايح حياتي الشخصيه هيبقا عندك علم بكل حاجه فيها
ابتسمت هبه ثم قالت :احم انا لازم اقفل عشان كلهم راحولها الاوضه وانا سحبت منهم عشان ارد عليك فلازم اقفل عشان مش اتأخر عليهم
زين :خلاص ماشي بس ابقى طمنيني لما توصلي
هبه بعدم فهم :اطمنك! طيب حاضر مع السلامه، اطمنه اي دا هو نسي وافتكرنا مخطوبين والا اي؟ هههههه ربنا يستر
بقلمي منه وائل
*************************. في منزل زين
بعدما أغلق زين الهاتف مع هبه نظر للهاتف ثم وضعه على فمه وقام بتقبيله
مراد :والله انا مافاهم اي اللي عجبك فيها دي ما البنات قدامك مرميه أشكال وألوان ويشعر وكت اي اللي رميك على البلوي دي حجاب ولبس واسع وشكلها شبه ست الحاجه باللبس دا
زين :مراد احترم نفسك هبه مش بلوي، وبعدين اللبس اللي مش عجبك دا هو دا اصلا لبس الست المسلمه اللي المفروض هتكون مراتك في يوم من الايام، طب فلنفترض انك اتجوزت واحده من اللي بتقول عليهم دول ارهنك انك هتروح بيتك تلاقيها في حضن راجل غيرك، الشكل مش كل حاجه يا بغل انت اهم حاجه أخلاقها وبعدين هبه دي زي القمر ماشوفتش بنت من اللي عرفتهم في جمالها
مراد :ياعم اتلهي والله انت حمار اساسا
زين :ياعم غور
مراد :طب انا هنام عندك النهارده
زين :اتنيل ماانت على طول لاجئ عندي اي الجديد
مراد :وهلبس ترنج من ترنجاتك
زين :ياعم ماتلبس وانا قافل الدولاب بالمفتاح
مراد :وهنام على سريرك
زين :لا لحد كدا واستوب سريري نو خد بعضك كدا ياقمر وتنام في الاوضه اللي جنبي يلا
مراد :بقا كدا ماشي مفيش صاحب بيتصاحب
زين :ومفيش راجل بقا راجل يلا يالا من هنا
ترن ترن
زين:اي دا دا بابا عاوز اي دلوقتي دا؟
مراد :رد يمكن تعب تاني
زين :الو يا بابا انت كويس، الحمدلله اصلك خضتني اتصلت فجاءه كدا قولت انك تعبت، بكره اشمعنا؟ طيب خلاص خلاص حاضر، خلاص يا بابا حاضر بقا يلا سلام
مراد :في أي؟
زين :َش عارف بيقول عاوزني بكره عندهم ضروري الموضوع في ان ربنا يستر
بقلمي منه وائل
*************************
في غرفة أسرار
اسرار :هو انا مينفعش اخرج النهارده يا دكتور اصل مش بحب المستشفيات
الدكتور :اولا هو ينفع لأنك خلاص بقيتي زي الفل، ثانيا انا مردتش اعمل محضر لاجل استاذ عمار يعني استاذ عمار له فضل كبير علينا
عمار :ماتقولش كدا يا دكتور هشام انت عارف ان المستشفى دي تهمني زي ما تهمكم بظبط
أسرار :ليه يعني هو عمل اي
الدكتور :المستشفى دي منشوئه على حسه هو السبب في انشائها. عمار :يا دكتور كل دا من عند ربنا انا مجرد سبب مش اكتر
الدكتور :ربنا يكتر من امثالك يا استاذ عمار عن اءذنكم
حسين :انا فخور بيك اوي يا بني
عمار :ربنا يخليك يا عمي
رامي لأحمد :اومال فين انچي مش قولت جبتها معاك؟
احمد :راحت الحمام
دب دب
انچي :معلش اتاخرت عليكم، المهم انا لازم اروح دلوقتي لاني اتاخرت والف سلامه عليكي يا أسرار
عمار وقد اتسعت حدقة عينيه : انچي، انتي بتعملي اي هنا؟
انچي :عمار!
احمد باستغراب :نعم، عمار؟
👑عيلة العطارين👑
👑الفصل العشرون👑
انچي :معلش اتاخرت عليكم، المهم انا لازم اروح دلوقتي لاني اتاخرت والف سلامه عليكي يا أسرار
عمار وقد اتسعت حدقة عينيه :انچي انتي بتعملي اي هنا؟
انچي :عمار!
احمد باستغراب :نعم، عمار؟
عمار وهو يجذبها من ذراعها :انتي اي اللي جابك هنا وتعرفي احمد منين؟
انچي بألم وهي تمسك في يد احمد :اااه ايدي يا عمار
عمار :بقولك انطقي بتعملي اي هنا؟
احمد وهو يجذبها ورائه:ملكش دعوه بيها انت ملكش اي حق عليها
عمار :نعم دا اللي هو ازاي يعني؟
انچي :ايوا انت ملكش دعوه بيا انت مش اخويا انا عرفت كل حاجه النهارده من حسام ومامي ودا السبب اللي خلاني هنا دلوقتي
عمار :حسام قالك؟، طب انتي تعرفي احمد منين؟
رامي : انچي تبقا زميلتنا في الكليه بس انت اللي تعرفها منين؟
عمار وهو يمسك راسه:مش وقته دلوقتي يلا عشان اروحك
احمد :تروحها فين اوعي ايدك من عليها
عمار :احمد انت اتجننت اي اللي بتعمله دا؟
احمد :لا مااتجننتش بس انت مش اخوها عشان تعمل كدا
حسين بحده:احمد سيبه يروحها
احمد :بس يا بابا...
حسين :قولتلك سيبه
احمد :حاضر يا بابا
عمار :يلا تعالي
انچي بخوف :حاضر
أسرار :ودي مين دي ان شاء الله يعرفها منين دا؟
حسين :هنعرف كل حاجه لما يجي يلا عشان نروح
بقلمي منه وائل
*************************
في غرفة ندى
فتحيه :يا مرارك يا فتحيه يا فضحتك يا فتحيه
يوسف :اهدي يا مرات عمي احنا في المستشفى مينفعش كدا
فتحيه:انت تخرس خالص بقا كدا؟ دي تبقا اخت اخوك اللي كان بيدخلك بيته وكان بيدخلك بيتك ويحافظ علي حرمتك
يوسف :يا مرات عمي افهمني بس انا...
فتحيه بدموع :بس اسكت دا انا كنت بعتبرك ابني، طب لو كنتوا عاوزين بعض كنتوا قولتوا دا انا بتمنى اليوم دا بفارغ الصبر ليه تعملوا فينا كدا وتبوظوا فرحتنا ليه حرام عليكم
ندى ببكاء:يا ماما اسمعي بس يوسف معملش...
قطع حديثها يوسف مسرعا :معملتش حاجه حرام انا بحبها وعاوزها ولسه عاوزها ابوس ايدك بلاش حد يعرف انا هطلبها من عمي وكان مفيش حاجه حصلت
فتحيه وهي تنظر له باشمئزاز :انا مش عارفه انتوا طايقين نفسكم ازاي؟، انتوا ازاي قدرتوا تعملوا كدا؟
ثم نظرت لندى وذهبت لها وقامت بضربها على وجهها عدة ضربات :انتي اييي انا ربيتك ازاي انتي مكنتيش كدا قولي امتا انا مكنتش بسيبك
يوسف وهو يمسكها :يا مرات عمي اهدي بقا الله قولتلك اللي حصل وياريت عشان الموضوع يتلم محدش يعرف ولا حتى عمار
فتحيه ببكاء:منكم لله مش هقول غير كدا، يلا عشان مستنينا يلا
ثم خرجت وتركتهم بمفردهم
ندى بدموع :انت اي اللي عملته دا ليه ماقولتلهاش على كل حاجه، انت ذنبك اي تشيل كل الحمل دا، انت فتحت على نفسك نار مش هتتقفل يا يوسف
يوسف :ماهي دي كانت خطتي اللي كنت ناوي اعملها اول ماننزل من السفر، هو اه اتعملت بطريقه مش صح بس اتعملت
ندى :ازاي؟.
يوسف :انا كنت ناوي اول ما ننزل اطلب ايدك وانسب الطفل ليا بس الطفل مات ومفيش غير مامتك اللي عرفت وكويس انها فهمت كدا لان محدش هيعرف اي حاجه حصلت غيري انا وانتي ماشي
ندي :ايوا بس...
يوسف :ماتقلقيش دا موضوع مؤقت وبعدين هنطلق، يلا عشان نروح
ندى لنفسها :انا كنت عاوزه اقولك اني مش عاوزاك تطلقني بس الظاهر انك مش مضطر تفضل مدبس في جوازه زي دي كتر خيره ستر عليا
يوسف :ندى يلا كانت برا
ندى :ها حاضر
بقلمي منه وائل
*************************
في شركة عمار
ياسين :يا انسه انتي فايقه والا اي ظروفك؟
مني وهي تستيقظ :اااه، انا فين، اه انت الحرامي عاااااااااااااا
ياسين :بس اهدي حرامي اي، هو انتي ماتعرفنيش؟
مني برعب :لا والله محصليش الشرف وعرفت حراميه قبل كدا ؟
ياسين :اي؟
مني :قصدي محصليش الشرف وعرفت سيادتك انت مين ونبي؟
ياسين :انا ابن عم حسام وعمار وانچي
مني :بجد انت ياسين الدكتوراللي عمك بيقعد يتكلم عليك؟
ياسين:ايوا هو انا
مني وهي تزفر بارتياح : يااااا حرام عليك دا انا كنت هموت، وبعدين في حد يجي في وقت زي دا ويدخل بكشاف كدا زي الحراميه
ياسين :اعمل اي طيب ما الأمن قالولي انك انتي اللي فوق وبعدين النور كان قاطع وهما راحوا يشغلوا الموليد فأكيد مش همشي من غبر نور طلعت الكشاف بتاع الموبايل ومعرفش اني علاقيكي في وشي علي طول قولت ليه في جوا تاني
مني :طب حضرتك اي اللي جابك في وقت زي دا مستر عمار مش هنا ولا مستر حسام وحتى الموظفين مشيوا ومفيش غيري انا والامن
ياسين :انا جيت عشان عرفت كل حاجه وعرفت ان عمار مش اخو حسام وانچي وكنت جاي احذر عمار
مني :تحذره من اي؟
ياسين :ابويا وعمامي هيقتلوا
مني بصدمه :ايي
ياسين :زي مابقولك كدا دلوقتي هما عاوزين ورث عم سامي الله يرحمه فاكرين ان عمار نصب على انچي وحسام وواخد كل الفلوس وطبعا هما بيعملوا كل دا عشان الفلوس اللي حسام كان بيستلفها منهم على حس الورث اللي كان هياخده
مني :ايوا بس مستر سامي الله يرحمه مات وماسابش ولا اي حاجه كل دا ملك مستر عمار
ياسين :يعني عمار مكنش بيكدب والشركه باسم مراته؟
مني :اللي هتبقا مراته مستر عمار هيتجوز بنت عمه وكل الفلوس والشركه والفيلا وكل حاجه باسمها
ياسين :انا لازم اشوف عمار بابا مش هيسكت ولا عمامي
مني :مستر عمار ممكن يكون في بيته دلوقتي
ياسين :وانا يعني هروحله دلوقتي هستنا لبكرا بقا
مني :طب وانت هترجع الصعيد دلوقتي؟
ياسين :لا طبعا هنام في شقتي اللي هنا
مني :اه تمم
ياسين :وانتي اي اللي مقعدك هنا لحد دلوقتي؟
مني :كان فيه كام حاجه كنت بعملهم وكنت بفنش الإعلان الجديد
ياسين :طب قومي يلا عشان اروحك
مني :لا ميرسي هطلب أوبر
ياسين :أوبر اي بس دلوقتي يلا انا هوصلك
مني :حاضر
بقلمي منه وائل
*************************
في سيارة عمار
ظلا يختلثا النظر لبعضهما ولا احد يتحدث بكلمه
عمار وقد قرر قطع الصمت :هو انتي بقالك كتير تعرفي احمد؟
انچي:لا هو زميلي في الجامعه وانا مكنتش اعرف واتعرف عليه في السفريه
عمار :بصي انا عارف انك مصدومه بس صدقيني طول الفتره اللي كنا عايشين فيها مع بعض كنت بعاملك كانك اختي بظبط زي ندي ويمكن اكتر، دا انا حته كنت بعاملك كويس اكتر ما كنت بعامل ندى لأنك عوضتين غيابها كانت لما بتوحشني كنت باجي ابص عليكي انتي لأنك بتفكرني بيها حبيتك زيها واكتر ولما كنت بحضنك مكنش بيبقا قصدي حاجه وحشه كنت بحضن اختي
انچي وقد خانتها دموعها :انا لحد دلوقتي مش مصدقه انك مش اخويا، انا حبيتك اكتر من اخويا حسام اللي هو اخويا، كنت بخاف اقوله اي حاجه وكنت بجري عليك انت، انا معرفش اي السبب اللي خلاك جيت وبعدت عن اهلك، دخلت حياتنا ليه؟
عمار :كنتي؟ معاكي حق انا بالنسبه ليكي شخص غريب، انا سبت اهلي عشان اوصل للانا فيه دا عشان اقدر اجيب حق ابويا، الست اللي خدت كل حاجه مش ساهله اه هي ولا حاجه بس سم وتقدر على أي حد انا وصلت للانا فيه عشان اقدر اقطم رقبتها واجيب حق ابويا اللي مات من القهره، كلهم فاكرين اني مشيت عشان مستعار من الحاره واللي فيها، بس السبب الحقيقي اني اجيب حق ابويا وعشان كنت صغير مكنش بأيدي حاجه اعملها وباباكي هو اللي ساعدني وانا دلوقتي بديلوا كل اللي هو عمله معايا عشان كدا انا مش هسيبكم انتوا عيلتي التانيه انا بحبكم والله.
انچي:مش عارفه اقولك اي بس كل اللي اقدر اقوله ان حسام محتاجك حسام بيضيع
عمار باستغراب :ليه هو حصل اي؟
انچي :حسام بياخد مخدرات
عمار :ايي؟ ، انتي اي اللي بتقولي دا؟
انچي :بقول اللي شوفته حسام بيشم بودره وبيشرب مخدرات، حسام بيضيع، عشان خاطري لو انت فعلا بتحبنا لازم ننقذه واحمد وعدني انه هيساعدنا
عمار :واحمد اي دخله بالموضوع؟
انچي :احمد عارف كل حاجه وقالي على مصحه كويسه عشان يتعالج فيها
عمار :ماشي يا انچي انا هتصرف يلا اطلعي
انچي :حاضر
امسك عمار يدها وقال :انچي
نظرت انچي الي يده وقالت :نعم
عمار :انا مش عايز اي حاجه تتغير في علاقتنا انا لسه اخوكي ماتخافيش مني
انچي بابتسامه :ماتخافش يا ابيه انت لسه ابيه زي ماانت
عمار بابتسامه جذابه لا تليق الا به :تصبحي على خير يا حبيبتي
انچي :وانت من اهله
أسند عمار راسه على الكرسي وقال :اااااه يا دماغي شكل الايام اللي جايه هتكون صعبه
ترن ترن
عمار:ايوا يا يوسف، هتروحوا على البيت؟ طيب خلاص انا هحصلكم يلا سلام
ثم اشغل المحرك وانطلق بالسياره الي منزل العطارين
بقلمي منه وائل
*************************
في منزل العطارين
جليله :يلا ياقلب امك تعالي عشان تاكلي لقمه وتنامي
سوميه :يلا يا يوسف هات اخواتك وتعالوا انتوا زمانكم واقعين من الجوع
حسين :لا سبيلي يوسف عاوزوا
نظر له يوسف وقال :حاضر يا عمي
حسين وهو ينظر لندي:بكره لنا ترتاحي وتبقى كويسه عاوز اتكلم معاكي انتي كمان شويه
ندى بتوتر :حاضر ياعمي
احمد وهو يهمس لرامي :هواي الموضوع مره يوسف ومره ندي
رامي :والله ماعارف شكل المسلسل الجديد هيكون يوسف وندى
احمد :الظاهر كده
حسين :يلا كل واحد على شقته، تعالي يا يوسف
يوسف :حاضر يا عمي
............. في غرفة أسرار
هدى :يا أسرار منا لازم افهم انتي بتحبي والا لا وبعدين اي السبب اللي خلاكي تعملي اي نفسك كدا؟
أسرار :يابت انتي راجعه من السفر بالعه راديو ماتتهدي بقا
هدى :لا مش هتهد فهمني بقا انتي بتحبي َوالا لا؟
جلست أسرار على الفراش وظلت تنظر أمامها بدون وعي وتتحدث :مش عارفه حاسه ان مش دا عمار اللي انا حبيته زمان، عمار مكنش كدا، تفكيره اتغير حتى اسلوبه اتغير، عمار كان لما بيكون معايا كان مش بيهمه منظره
هدي:افهم من كدا انه لو مشي تاني هتكوني مرتاحه
أسرار :ماهو للأسف وجوده بيخليني اتنفس
هدى :انا بجد مش قادره افهمك يا أسرار انتي بتحبي والا لا دا اي دا
اسرار :اه يا هدى بحبه، بس عمار استقوي اوي وانا بقا هعرف اظبطه تاني
بقلمي منه وائل
*************************
في منزل مريم
سليمان وهو يتحدث في الهاتف :ايوا يا علاء باشا اذيك يا حبيبي عامل اي، اخبارك اي، لا انا زي الفل، كنت بس عاوز منك خدمه صغيره، اه في واحد كدا اسمه عمار وليد حسن العطار ايوا لا ماهو دا اسمه شهرته هو مش ابن سامي ايوا، في ملفات عندك لشحنات السلاح اللي كانت بتطلع وكنتوا بتظبطوها، ايوا بظبط كدا اعرفلي بقا عمار اسمه في الموضوع والا لا، ولو اسمه في الموضوع تجبلي الملفات دي حالا تمم تسلم يا باشا مع السلامه
مريم :بابا انت جبت اسم عمار في الكلام ليه؟
سليمان :اطلعي على اوضتك يا مريم انتي معاقبه
مريم :بابا انا مش هسمحلك تئذي عمار
سليمان :يا سلام وانتي اللي هتسمحلي او مش هتسمحلي يلا يا مريم علي فوق
مريم :عمار لا يا بابا
سليمان :مش دا اللي سابك وراح يتجوز بنت عمه انتي اي معندكيش دم، وبعدين دا شغله وانا متأكد ان عمار كان بيساعد سامي في كل شحناته ومش هسيبه الا والكلابشات في ايده سامعه
مريم :لا يا بابا ونبي عشان خاطري
سليمان وهو يمسك يدها بعنف ويصعد بها إلى غرفتها :قولتلك ملكيش دعوه انتي ويلا على فوق يلا
مريم بدموع :لااا يا بابا
سليمان :مش هسيبك يا عمار
عيني عليك يا عمار هي الدنيا كلها عاوزه تنتقم منك 😔
بقلمي منه وائل
*************************
في الصعيد
سعيد :انتوا هتسكتوا ياعمي على بنتكم اللي خربت وفضحتنا دي، لو انتوا هتسكتوا اني ماهسكتش وهچيبها وهجتلها
سليم:اجعد يا ولدي اومال اني ماساكتش عاد اني بدور عليها في كل شج في مصر أكيد هي اندلت على مصر
سعيد :كيف يا عمي وانت جاعد اجده لو انت معتمد على الرچاله ديه يبجا مش هنوصلولها، امي انفضحت في النچع كله اني يحولوا عليا عروستي هربت مني يوم الفرح لاني مش راچل، اني يا عمي؟
سليم :اهدي يا ولدي اني هننزلوا مصر بكرا ان شاء الله
سعيد :امي هاچي معاك يا عمي مهجعدش أجده
سليم :ماشي يا ولدي اهدي بجا
سعيد :مهسبكيش يا داليا والله هتنجتلي
بقلمي منه وائل
*************************
في شقة حسام
حسام :داليا انتي نمتي والا اي؟
داليا :ها لا مانمتش بس حاسه مش قادره اخد نفسي
حسام :طب سيبي اللي في ايدك دي وقومي معايا
داليا :هنروح فين؟
حسام :مش انتي عاوزه تتجوزيني؟
داليا :ههههههههه وها وافقت والا لسه عاوز شبكه وشقه ههههههه
حسام :ههههههههههه لا احنا بنشتري ست
داليا :هههههههههههههه
حسام :قومي قومي دا انتي مسخره
داليا :طب استنا بس هتتجوز ازاي بمنظرنا دا وبعدين الساعه كام احنا بليل متأخر خليها بكره عاوزه انام
حسام :مفيش بكره قومي
دب دب
داليا :اي دا مين جاي دلوقتي انت مستني حد؟
حسام :اه دا عمرو ومعاه المأذون
داليا :اي، انت ازاي وامتا طب انا مش جاهزه
حسام :ششش مش لازم تجهزي انتي كدا حلوه يلا قومي بقا
داليا :حاضر
عمرو :ياعم اي ساعه على ماتفتح
حسام :معلش، جبت كل حاجه
عمرو :اه بس اغسلوا وشكم دا لان الشيخ اصلا طلع معايا بالعافيه وكان خايف مني بيقولي في حد بيتجوز دلوقتي
حسام :ياعم بقا هو مش هياخد اللي هو عاوزه خلاص مالوش دعوه
عمرو :بس انت جبت الفلوس منين؟
حسام :كنت شايل قرشين على جنب كدا
عمرو :طب افرض الجرعه اللي في جسمك خلصت هتجيب منين تاني؟
حسام :انا قررت ابطل
عمرو :انت متأكد اصل انك تبطل مره واحده دا صعب
حسام :نخلص بس من الموضوع دا وبعدين هتصرف يلا
عمرو :اتفضل يا مولانا
حسام :البسي الفستان دا
داليا بصدمه :اي، انت جبت فلوسه منين يا حسام؟
حسام :ملكيش دعوه ويلا بقا
.............
المأذون :فين الشهود؟
عمرو :انا اهو وسيد
المأذون :البطايق
حسام :اهي يا مولانا
نظروا الاثنان لبعضهم وابتسموا
حسام بهمس :بحبك
داليا :وانا بموت فيك
بقلمي منه وائل
*************************
في منزل العطارين
عمار :اومال عمي ويوسف فين؟
جليله :والله يابني اخدوا ودخل جوا ومش عارفين بيتكلموا في أي؟
عمار :طب أسرار صاحيه؟
جليله :اه عندك جوا ادخلها
..................
حسين :ليه؟
يوسف :ليه! معلش يا عمي مش فاهم
حسين :ليه عملتوا كدا هو انت لو كنت جيت طلبتها مني كنت هرفض؟
يوسف بصدمه وقد تلون وجه باللون الاصفر :انت قصدك اي يا عمي؟
حسين بانفعال:يوسف ماتستعبطش عليا انا سمعت كل حاجه من الممرضه والطفل اللي نزل، قولي انا قصرت معاكم في أي؟ عمري رفضتلكم طلب؟، مش دي اخت ابن عمك وصاحب عمرك واخوك، ليه بتخونه وماصونتش اهل بيته؟
يوسف :ياعمي والله
قطع حديثه حسين وهو يصفعه على وجهه وقال :أخرس مش عاوز اسمع حاجه انت ليك عين ترفع عينك فيا، انا بجد مش قادر استوعب، انتوا الاتنين ازاي بالوساخه دي؟
يوسف :انا بحبها يا عمي وكنت جاي اطلبها منك بش معرفش دا حصل ازاي عارف ان احنا غلطنا بس والله ما كان قصدنا انا بحبها ومش عاوزها لحد غيري
حسين :هي للأسف مش هينفع تكون لغيرك بعد اللي حصل، محدش يعرف باي حاجه مفهوم؟
يوسف :حاضر يا عمي
حسين :وبالنسبه للطفل اللي نزل ولا كان حاجه حصلت سامع
عاااااااااااااا
حسين :اي الصوت دا اي اللي بيحصل
الحقوني عاااااااااااااا
يوسف بصدمه :ندى