👑عيلة العطارين👑
👑الفصل السابع والعشرون👑
چيچي :ماتخافش على صاحبك يا روحي دا بس عشان مايبعدش عني مش اكتر ها موافق والا اشوف غيرك وتروح تلحق ماما والجلطه بتجيب أجلها
مراد :لا خلاص خلاص انا موافق
چيچي :تمم استنا مني مكالمه سلام
مراد بحزن :سامحني يا صاحبي
زين : مراد
مراد :........
زين مرااااااااد
مراد وقد انتبه لصوت زين :اي... اي يا زين في أي؟
زين:انت اللي في أي عمال بنادي عليك وانت مفيش مالك كدا؟
مراد :ها لا مفيش بس، انت كنت بتعمل اي؟
زين:كنت بكلم هبه، عارف بحس ان قلبي بينط كدا لما بسمع صوتها حبيتها اوي يا مراد وعاوز اكمل معاها حياتي
مراد :اه ربنا يخليكم لبعض يا حبيبي، بس هو باباك ممكن يوافق؟
زين :والا ما يوافقش دي حياتي وانا حر فيها
مراد: اه معاك حق، طيب مش خايف من چيچي
زين :تاني هيقولي چيچي يا مراد افهم انا مابخافش من حد انا زين يحيى علي الغالي اسمي مش قليل والا انت شايف اي؟ واللي زي چيچي دي انا هعرف افعصها برجلي
مراد :تمم
زين :بقولك اي انا بقالي كتير بذاكر يلا بينا بقا نخرج حبه كدا انا اتخنقت
مراد :ماشي يلا
بقلمي منه وائل
*************************
في شركة عمار
دخل ياسين الي مكتب مني وجدها تجلس على المكتب وتبكي في صمت وتعمل في نفس الوقت
ياسين :انتي بتعيطي يا منى
نظرت له مني ومسحت دموعها سريعا وقالت :لا اعيط اي مش بعيط ولا حاجه
ياسين :لا يامنى انتي بتعيطي، انا اسف انا السبب
مني :لا طبعا انت السبب في أي، انا اللي غلطت كان المفروض احسب وقتي واخد بالي
ياسين :لا يامنى انا اللي اخرتك انتي كنتي كل شويه تقولي يلا عشان هتاخر وانا اللي كنت برفض حقك عليا انا اسف
مني:لوسمحت ماتتاسفش تاني مش انت قولتلي ان احنا بقينا صحاب؟
ياسين :اه طبعا
مني :تمم وانا بقا مش بحب صحابي يتأسفوا ممكن؟
ابتسم لها ياسين وقال :ممكن، انتي هتروحي امتا؟
مني :يعني خلاص انا خلصت شغلي
ياسين :تمم يلا عشان اروحك
مني :مالوش لزوم بقا
ياسين :وبعدين معاكي مش احنا بقينا صحاب؟
مني :اكيد
ياسين :خلاص وانا بقا مش بحب صحابي يرفضولي طلب
مني :ههههههههه خلاص ماشي يلا
بقلمي منه وائل
*************************
في منزل العطارين في غرفة احمد
رامي :احمد احمد، يابني رد عليا
احمد :في أي يا رامي؟
رامي :السؤال دا مش عارف افهم منه حاجه ولا عارف احفظ حاجه انا تعبت
احمد :خلاص ماتذاكرش
رامي :يا سلام وامتحان بكرا دا؟، دا الدكتوره هتشنيرنا من اليمين للشمال.
احمد :طب اعملك اي يعني ماتذاكر وانت ساكت
رامي :ياسلام انت محسسني انك مقفل الماده ماانت سايبها وقاعد تحب في التليفون، عيني عليا ماليش حد احبه
احمد :طب سلام يا انچي انتي دلوقتي وهكلمك لما اجي انام، انت قاعد تندبلي زي الوليه الكبيره في السن عاوز اي انت، وبعدين انت مش بتحب دا انت نمس عمال تكلم في بنت ومش راضي تعرفني عليها حته وانا اللي مش بخبي عنك حاجه
رامي :انا قولتك مش هينفع دلوقتي تعرف مين اللي بحبها
احمد :لي أن شاء الله؟
رامي :كده، في الوقت المناسب هتعرف
احمد :وامتا ان شاء الله الوقت المناسب دا لما اموت واتحلل
رامي :لا يا خفيف لما نتخرج السنه دي
احمد :ولاا انت مش مظبوط، لو ماقولتش مين البت دي وربي هقتحم التليفون واعرف مين هي
رامي :احمد بلاش هبل
احمد :والله منا ساكت
رامي :احمد بلاش بالله عليك
احمد :اوعي كدا
رامي :احمد سيب التليفون بقا
احمد :لا هشوف مين البنت دي
دب دب
احمد :ادخل
هدى :انا جبتلكم كيكه
احمد :فيكي الخير والله انا جوعت اصلا هاتي هاتي، وبعدين انتي مش بتذاكري ليه؟
هدى :ها لا بذاكر بس قولت اخد بريك كدا
احمد :اه طب يلا روحي
هدى :ماشي
احمد :هات التليفون
رامي :لا وذاكر بقا بدل مااقول لابوك
احمد :لا وعلى أي هذاكر احسن
بقلمي منه وائل
*************************
في مضيفة المنزل
حسين :تمم يابني طلما كل حاجه جاهزه يبقا على البركه انا حدت الفرح خلاص، بس عاوز اقولك حاجه
عمار :خير ياعمي؟
حسين :انت متأكد من اللي بتعمله؟
عمار :بص ياعمي انا لو مش متأكد مكنتش خض تجربه زي دي وصدقني مفيش حاجه هتئذي أسرار لان مفيش حد بيئذي اللي بيحبه
حسين :بس انا خايف
عمار :من اي بس يا عمي
حسين :اسرار تشك في حاجه
عمار :لا ماتقلقش انا مظبط كل حاجه و اه انا كمان جهزت حراسه عشان يوم الفرح انا عارف كويس عم انچي وحسام مش هيسكت دا راجل صعب
حسين :انا مش عارف المصايب دي كلها بتيجي منين
عمار : على الله ياعمي ماتقلقش ربنا معانا
حسين :ونعم بالله يابني
بقلمي منه وائل
*************************
أمام المستشفى
سعد :بجا أجده بتتعالچي مو الإدمان يابت عمي لاه وكمان عمي مااخدتش بطاري بس ماشي ملحوجه اني عارف هاخد بطاري كيف يابت عمي سليم
بقلمي منه وائل
*************************
في نهاية الأسبوع في منزل عمار
باكينام :اصحى بقا يا حبيبي انت هتفضل نايم كدا، يلا بقا عشان نلحق النهار من أوله
عمار :صباح الخير يا باكي
باكينام:صباح النور ياعيوم باكي يلا بقا عشان تلحق اليوم من أوله انت النهارده عريس
عمار :حاضر خلاص هقوم اهو
باكينام :طب قوم يلا والا انت عاوز بقا اصحيك زي ماكنت بصحيك طيب اهو يلا بقا
عمار :ههههههههههه خلاص خلاص اهو مش عارف اقولك اي ربنا يخليكي ليا
باكينام :ويخليك ليا يا قلبي، عارف هتفضل ابني برضو مهما حصل
احتضنها عمار بشده ومسح على ظهرها بحنو
عمار :يلا بقا انا هقوم
باكينام :عمار
عمار :خير يا حبيبتي؟
باكينام :برضو مش عاوز تقولي فين حسام؟
عمار :بصي حسام كويس بس هو فتره كدا وهيرجع ماتقلقيش، اللي عاوز اقولهولك حاجه تاني ليها علاقه بحسام بس ماتزعليش
باكينام :حسام جراله حاجه؟
عمار :لا ماتقلقيش حسام كويس جدا بس هو يعني، هو اتجوز
باكينام :ايييي
انچي وهي تقوم بالتطبيل على باب الغرفه :ابيه يا ابيه وعريسنا ابيه، ابيه يا ابيه وعريسنا ابيه لللللللوي
عمار :هههههههههههه اي يابت في أي مالك علي الصبح
انچي :في أي يا ابيه فرحانه بيك
عمار :عقبالك يا اروبه
انچي :يارب يا ابيه يارب
عمار :شوفي البت اطلعي برا يا جزمه يلا
انچي :يوووو بقا طيب
عمار :اي يا ماما مالك سكتي لي؟
باكينام :هو بعد اللي انت قولته في كلام تاني، بقا حسام يتجوز وانا اخر من يعلم، واكيد طبعا اتجوز واحده من المعفنين اللي كان يعرفهم
عمار :يا ماما حرام عليكي بقا هو انتي لسه شوفتيها وبعدين حسام على فكره جاي الفرح النهارده والمنظر دا كدا شكلك مش عاوزه تشوفي
باكينام :لا لا طبعا عاوزه اشوفوا
عمار :خلاص يبقا تجهزي نفسك كدا عشان اخدك معايا بقا عشان تتعرفي على اهلي
باكينام :حاضر يا حبيبي
بقلمي منه وائل
*************************
في منزل المستشفى
حسام :بجد يعني فرح عمار النهارده؟
احمد :ايوا وه طلب مني اجي اخدكم عشان تحضروا الفرح
داليا :ايوا بس ازاي اكيد الدكتور مش هيوافق
احمد :وانا يعني هخدكم واهرب اكيد استئذنا منه يلا بقا عشان تلحقوا تجهزوا
حسام :حاضر
الدكتور :استاذ احمد
احمد :خير يا دكتور
الدكتور: هما دلوقتي في مرحله أصعب من اللي فات كله هي اللي هتحدد اذا كان السم اللي في جسمهم دا مشي والا لسه؟ فلوسمحت خالي بالك كويس منهم انت عارف الأفراح بيحصل فيها أي
احمد :فاهم يا دكتور فاهم، بس هفهم حضرتك احنا مفيش الكلام دا في افرحنا الحمدلله
الدكتور:طب الحمدلله عن اءذنك انت عشان همر على المرضى
احمد :تمم اتفضل
حسام :يلا احنا جاهزين
احمد :ماشي يلا
بقلمي منه وائل
*************************
في منزل عيلة العطارين
أسرار :يوووو يا جدعان انا مش هلبس البتاع دا انا، انا طلبت طقم كدا ابيض بنطلون واسع وبلوزه وهعمل شعري وكدا فل اوي، إنما البتاع دا مش هلبسه انا
ندي:انتي اتجننتي يا أسرار لازم تلبسي ازاي يعني في فرحك وتلبسي طقم مينفعش
هدى :قوللها بالله عليكي
هبه :احنا كده مش هنخلص والارتست واقفه برا بقالها ساعه
أسرار :نعم ارتست على جثتي اني اعمل ميكاب في وشي ولا اني البس البتاع دا
بقلمي منه وائل
*************************
في دكان الحاج وليد
صبرين :واد يا سعيد
سعيد :هو يا معلمه فرح عمار بيه وست أسرار والدكتور يوسف وست ندى، والفرح مش هنا دا بس بيعلقوا انوار عشان الناس تعرف ها حاجه تاني؟
صبرين :وانت عرفت ازاي يا واد اني هسالك على كدا؟
سعيد :يا معلمه انتي كل اما بتنادي عليا بتسئلني عليهم مش جديده يعني
صبرين :طب غور من هنا ياض غور، مبارك يا عرايس
بقلمي منه وائل
*************************. في غرفة الحاج حسين
دب دب
حسين :ادخل
جليله :يا حاج بتعمل اي هنا يا حاج تعالي شوف بنتك اللي مبهدلانا دي مش راضيه تسمع الكلام
حسين :تعالي يا جليله، اقعدي
جليله :ها اهو يا حاج قعدت
حسين :شايفه دول
جليله :اي دول يا حاج؟
حسين :دول غوشتين وسلسله كانوا بتوع امي الله يرحمها كانت محلفاني اني ادي لأول بنت اجبها يوم جوازها، انتي عارفه الحاجات دي من امتا؟
جليله :من امتا يا حاج؟
حسين :ابويا كان جايبهم لأمي هديه كانوا غالين عليها اوي حتى لما كانت بتتزنق عمرها ما فكرت تبعهم عشان كانوا غالين اوي عليها خدي اديهم لاسرار
جليله :يااا يا حاج انت اول مره تقولي الحاجات دي ولسه شايلهم معاك من ساعتها
حسين :الحاجات الغاليه بتبان في الأوقات الجميله اللي زي دي، كنت مستني اليوم دا بفارغ الصبر ان أسرار نبقا عروسه
جليله بدموع :اسرار هتسبني يا حاج
حسين :تاني يا جليله نكد تاني
جليله ببكاء :غصب عني يا حاج مش متعوده حد من العيال يبعد عن حضني
حسين :مش بقولك نكديه طول عمرك هههههههههههه
جليله:هههههههههههه يووه جاتك اي يا حاج انا هروح بقا للبت
بقلمي منه وائل
*************************
في غرفة يوسف
دب دب
يوسف :ادخل
رامي :و افرح يا عريس يا عريييس وارقص يا عريس يا عريييس
يوسف :بس بس اي عم انت راكب موتسيكل
رامي :هههه اي يا عم فرحان باخويا الله، بس اي ياعم الشياكه دي والالجه دي
يوسف :شياكة اي دا قميص وبنطلون عادي عشان هنزل استنا عمار عشان نروح نظبط نفسنا
رامي :احم اي دا يعني دا مش لبس الفرح؟
يوسف :هههههههه لا
رامي :أمم خلاص بقا ياعم وانا كنت اتجوزت قبل كدا وبعدين يعني انا كنت جاي اقولك عيش حياتك الليله وكدا وبعدين بكرا بقا تيجي ترسيني على الحوار كله عشان اخوك محتاج يفهم
يوسف :تفهم اي يا حيوان اطلع برا
رامي :خلاص طيب اشرحلي فيديو كول
يوسف :برا يا رامي برا
رامي :خلاص طيب برا برا، دا اي دا هيتجوز ويبداء بقا يتنك علينا
يوسف :اهبل دا. والا اي
بقلمي منه وائل
*************************
في غرفة اسرار
أسرار :اوعوا بقا سبوني خلوني اشم هوا من الشباك شويه اوف دا اي دا
هبه :والله يا أسرار ماشي بس برضو هنعمل اللي في دماغنا
أسرار وهي تفتح الشباك :يا ساتر يارب دا اي دا عاملين زي الخفافيش
وأثناء ما كانت تنظر في الشباك رأت عمار يخرج من دكان الحاج وليد وكانت تقف ورائه صبرين
أسرار :دا اي دا بقا ان شاء الله