👑عيلة العطارين👑
👑الفصل الثالث والعشرون👑
سليم :وانت هتعلمنا كيف نربي بناتنا والا ايه؟
سعد :ماتسمعلوش يا عمي ديه تربيت بندر مايعرفش حاچه عن ربايتنا، خلص عليها يا عمي وخلصنا من الفضايح والعار
سليم :معاك حج يا ولدي، اتشهدي على روحك يا بت
داليا بصراخ :لاه يابا لااااااا، وحيات اغلى حاجه عندك ياابا مش عاوزه اموت
سليم بدموع:سيبي يدي يابتي، انتي فضحتيني واني لازم اغسل عاري
حسام :اللي هيقرب منها هيكون اخر يوم في عمره
داليا ببكاء:و ههون عليك يا بوي، اني بتك اللي هتحبها
سليم :ماهينش عليا يابتي، بس لازمن اعمل أجده
حسام :هو عشان كل بنت رفضت جوازه تبقا عملت عار اعقل يا حاج
سعد وهو يأخذ البندقيه من يد سليم ويقول :انت لساتك هتتحدد وياهم يا عمي هات اني هخلص
دج
داليا :لا اااااااااااااه
حسام :دالياااااا
انچي :دا صوت حسام
احمد :وفي صوت ضرب نار
انچي بصراخ:حسااام حسام اخويااا
وصعدوا الدرج سريعا وقاموا باقتحام الشقه وجدوا حسام يجلس على ركبتيه وعلى
ذرعيه داليا غارقه في دمائها وهو يبكي ويقول:لا لا، لا يا داليا، لا انتي مش هتسبيني انتي كمان... انتي وعدتني انك هتفضلي معايا صح قومي وحياتي عندك عشان خاطري
داليا وهي تلتقط أنفاسها :ماتخافش انا كويسه ااااه ماتسبنيش
حسام بدموع :لا مش هسيبك ابدا بس انتي ماتسبنيش بالله عليكي
عمار :اي اللي بيحصل دا انتوا مين؟
حسام :امسكهم يا عمار قتلوها امسكهم
عمار :محدش يتحرك من هنا اتصل بالبوليس يا احمد
سليم بحزن :اي اللي انت عملته دا يا سعد؟
سعد :اي ياعمي اخدت بطارنا غلطت اني
سليم :ايوا غلطت اني كنت عاوزها ترچع معايا مكنتش هجتلها جومي يا بتي جومي
داليا:قولتلك قبل كدا ان سعد بيكرهنا ماصدقتنيش
سعد :ايوا اني هكرهكم وان ماموتيش دلوك هجتلك مره واتنين وتلاته ماهسكتش
عمار وهو يثبت سلاحه على سعد وسليم :قولت محدش يتحرك قدامي يلا دا انتوا ليلتكم مش معديه يلا يا حسام عشان نوديها المستشفى
حسام :ماشي
بقلمي منه وائل
*************************
في منزل زين
مراد :بس اي يابني اللي انت عملته عند ابوك دا، دا كانك رايح ومستحلفلهم
زين :الا مستحلف دا انا ناوي اطلع عينهم، الوليه دي مش ناويه على خير وانا عارف هعمل معاها اي، قال اي عاوزني اتجوز سالي حبيبت الدفعه كلها، دي كل يومين مع واحد شكل لا وكمان اتجوز بنت عدوتي دول عسل اوي
مراد :ياعم فكك بقا منهم، چيچي
زين :يييي عاوزه اي هي كمان؟ ياربي انا تعبت كل الناس في حياتي ولاد كلب كدا، خير عاوزه اي؟
مراد :اتصلت عليا الصبح وكانت عاوزه ورق مناقصة شركة عاصم
زين :ودي عاوزه منها اي دي؟
مراد :انا عارف بقا
زين :اوعي تكون ادتهولها
مراد :لا عيب عليك انا قولتلها زين الوحيد اللي معاه ورق المناقصه دي
زين:ها وبعدين؟
مراد :ولا حاجه طلبت رقم تليفونك فادتهولها
زين :أحيه لا بجد أحيه هو انا مشغل ابن اختي معايا
مراد :اي في أي؟
زين :انت متخلف يالا دا انا مغير الخط القديم بسببها تقوم تديها الجديد انت اي بتفهم منين، لا وامبارح جيبهالي هنا انت اي
مراد :اوعي بقا يا عم، وانا مالي ماانت اللي عامل اي نفسك كدا، المهم عملت اي مع المزه؟
زين :مزه مين؟
مراد:هبه
زين :مراد بقولك اي احترم نفسك مااسمهاش مزه
مراد:خلاص ياعم الكونتسه هبه
زين :بارد، مكلمتهاش من امبارح فكرتني اما اتصل عليها وبالمره اشوفها هتنزل السكشن والا اي
مراد :ماشي
بقلمي منه وائل
*************************
في غرفة أسرار
هدى :احنا لحد دلوقتي مش عارفين هو بيعمل كدا ليه بس
أسرار :هو حر يعمل اللي يعمله كدا كدا انا كمان هعمل اللي في دماغي
هبه :اللي هو اي؟
أسرار :زي ما ابويا قال بظبط هخلص اللي بيعمله دا وهنطلق ومش هيقرب مني تماما
هبه :تبقى هبله
هدى :اه وحماره
أسرار :ماتتلمي يابت انتي وهي
هبه :مش القصد يا حبيبتي بس اللي عاوزه افهمهولك انك كده اللي هتخسري هتسيبي وبعد كدا هتعملي اي
أسرار :مش عارفه
هدى :يبقا تتغيري يا أسرار
أسرار :ازاي؟
هبه :يعني ترجعي زي ما كنتي تلبسي وتتشيكي ورقتك ترجع تاني الراجل ما يحبش الا كدا
هدى:اه وتلعبي على الغيره اتكلمي مع ناس غيره واضحكي وهزري ولعي كدا
هبه :صح الغيره شئ اساسي
هدى :اه وكمان...
قطعت حديثهم أسرار بصراخ :بااااااس اي في أي هو انا قاعده في برنامج رضوي الشربيني اهدوا عليا الله، وبعدين انا نسيت الكلام دا من زمان وبعدين اتغير عشان مين عشان واحد زي دا
هبه :يابنتي افهمي هو نفسه
عمار بتاع زمان انتي بس اللي اتغيرتي وهو اكيد حب يضايقك عشان ترجعي زي ما كنتي
هدى :اه انا شايفه كدا
أسرار :طيب طيب خلاص هبقا اشوف الموضوع دا
ترن ترن
أسرار :تليفون مين دا؟
هبه :ها دا تليفوني عن اءذنكم بقا
أسرار :استنى يا بت خدي هنا
هدى :سيبيها دا تلاقي زين
أسرار :أحيه اي زين دا؟
هدى :هقولك ياستي
بقلمي منه وائل
*************************
في منزل الحاج علي
سوميه :متلك بس حساكي مش مبسوطه مع انك كنتي متحمسه لجوازهم
فتحيه :لا عادي يا سوميه منا مبسوطه اهو محدش مبسوط قدي
سوميه :ماشي هحاول اصدقك المهم هاتي فنجانك يلا اقرئهولك
فتحيه :امسكي
سوميه:بسم الله، يا ستار يارب اي يا وليه فنجانك عامل كدا ليه؟
فتحيه بقلق :ماله؟
سوميه :بصي هو أوله مش مظبوط ناس رايحه وجايه ودا بيدخل في حياتك ودي بتقول عليكي ومحدش سايبك في حالك، اي دا دي ندى دي
فتحيه بخوف :ندى مالها ندى فيها أي انطقي
سوميه :اهدي اهدي هي هنا بتعيط وقاعده لوحدها، بعد كده في حد واقف هنا جنبها ومشيوا سوا
فتحيه بغضب:دا يوسف؟
سوميه :يوسف؟، و ماله يوسف بالموضوع؟
فتحيه :هو اصلا سبب الموضوع
قطع حديثهم دخول يوسف قائلا :سلام عليكم
سوميه :عليكم السلام ورحمة الله وبركاته اي يا بني كنت فين؟
يوسف وهو يسلط عينيه على فتحيه قائلا :كنت عند عمي فوق بنشوف أسرار، اذيك يا مرات عمي؟
فتحيه وهي تنظر للجهه الأخرى :اهلا
سوميه :هو في أي مالكم؟
يوسف :مفيش يا أمي
فتحيه :طب انا هقوم بقا
سوميه :الله رايحه فين انتي احنا لسه مخلصناش
يوسف :خليكوا زي ماانتوا انا داخل اخد دش والبس ونازل تاني
سوميه :رايح فين؟
يوسف :مفيش عندي مشوار للجامعه الامتحانات بدءت انتي عارفه فلازم اروح اشوف ورايا اي والامتحان اللي هحطه لكل مجموعه
سوميه :ربنا معاك يا حبيبي
يوسف:يارب
سوميه :في أي اول ما الواد جه عاوزه تمشي ليه كدا؟
فتحيه :مفيش قولت ياخد راحته
سوميه :والله من امتا الكلام دا فتحيه انتي في حاجه مخبياها عليا
فتحيه :الله وانا هخبي عليكي اي بس يا سوميه مفيش حاجه كملي قراية الفنجان كملي
بقلمي منه وائل
*************************
في المستشفي
حسام بقلق :كل دا جوا في أي؟
عمار :يا حسام اهدي الموضوع مش عادي دي رصاصه ولازم تتشال
انچي بخوف :هي ممكن تموت؟
احمد :ان شاء الله هتكون كويسه
حسام وهو يمسك سعد من تلابيب قميصه :اقسم بالله لو داليا جرالها حاجه انا هخليك تتمنى الموت ومش هنولهولك مش هرحمك
عمار :خلاص بقا يا حسام سيبه المستشفى بتتفرج علينا
احمد :الدكتور اهو
حسام مسرعا:طمني يا دكتور بالله عليك
الدكتور :الحمدلله هي بخير والرصاصه خرجت وكل حاجه بس
عمار:بس اي يا دكتور؟
الدكتور :هو انتوا تقربولها اي؟
حسام :انا جوزها
الدكتور بصوت منخفض :المدام مدمنه بتتعطي مخدرات
عمار :ها ااا طب تعالي بس يا دكتور بعد اءذنك شويه
سليم :هو الدكتور جالك اي طمني ياولدي
حسام:خايف عليها دلوقتي؟ مش دي اللي كنت عاوز تقتلها
سليم :والله يا ولدي اني الدم چري في عروجي لما هربت فكرتها هرب مع حد خوفت يا ولدي من الفضايح
سعد :وهي أجده ما عملتش فضايح؟ انها تهرب ليلة فرحها وتندل على بلد تانيه مش فضايح؟
سليم :أخرس ماتنطجش ولا كلمه انت السبب في كل ديه
عمار :هي فاقت والحمدلله ادعوا بقا ماتقولش عليكم لرئيس المباحث اللي معاها جوا دا
.....................
رئيس المباحث:حمدالله على السلامه
داليا :الله يسلمك يا حضرة الظابط
رئيس المباحث :ها قوليلي بقا مين اللي عمل فيكي كدا؟
داليا :رصاصه طايشه خرجت من بندقية ابن عمي وهو بينضفها
رئيس المباحث:انتي متأكده من اللي انتي بتقولي دا؟
داليا:ايوا يا فندم متأكده
رئيس المباحث :يعني مش هو اللي ضربك بالنار؟
داليا :لا يافندم
رئيس المباحث :تمم الف سلامه عليكي
داليا :الله يسلمك
دب دب
داليا :ادخل
حسام :حبيبتي الف سلامه عليكي يا حبيبتي انتي كويسه صح؟
داليا :ماتخافش يا حبيبي انا كويسه
سليم :حجك عليا يابتي والله يابتي هما اللي زنوا عليا
داليا بابتسامه :ماهو دا بقا عيبك يا بابا انك بتسمع للناس اكتر ما بتقرر من نفسك سايب كل الناس تدخل في حياتنا كأنهم ليهم حق علينا عارف رغم البهدله اللي شوفتها من يوم ما سبت بيتنا بس بشكر الظروف اللي خلتني اوصل لحسام ماشوفتش اطيبه منه عليا
سليم :سامحيني يابتي
داليا :مفيش بنت بتزعل من ابوها اللي هي حته منه
سليم وهو يحتضنها :اتوحشتك جوي يابتي
داليا : وانا كمان يا بابا
عمار :اومال فين اللي كان جنبك حاج
سليم :وه هو مشي والا اي؟
حسام :يغور في داهيه تاخده
عمار وهو يهمس في اذن حسام :بص انا عرفت كل حاجه انت وهي لازم تتعالجوا
حسام :انا كنت لسه هقولك انا وهي عاوزين نتعالج عاوزين نكون طبيعين
عمار :تمم كدا اتفقنا هي هتخرج من المستشفى هتروحوا على المصحه اللي احمد ورهالنا المكان هناك نضيف وحلو وان شاء الله الموضوع بسيط
حسام :ان شاء الله
عمار :طيب انا هروح على الشركه وهرجه تاني اروحكم ماشي
انچي :خلاص ماشي اصل انا لسه عاوزه اقعد مع حسام وداليا شويه
عمار :خلاص تمم يلا سلام
احمد :سلام
بقلمي منه وائل
*************************
في منزل الحاج حسين
هبه وهي تتحدث في الهاتف :انا قولت انك مش فاضي وكدا فمرضتش اتصل وارحم عليك
زين :انتي تعملي اللي انتي عاوزاه في أي وقت وبعدين انا قاعد في الشركه ونخلص شغل من بدري ومش لاقي حاجه اعملها وبعدين قولت لو اتصلت اخوكي ممكن اللي يرد
هبه :لا ماتخافش محدش بيمسك تليفوني المهم انت مش ناوي تحل المشاكل اللي بينك وبين باباك؟
زين :بصي يا هبه انا عمر مشكلي بيني وبين بابا ماهتتحل طول ما العقوبه اللي متجوزها دي هي وبنتها موجودين هناك، دا ضربني عشانها متخيله
هبه :اي للدرجه دي، اقولك حاجه
زين :قولي
هبه :اكيد بتحوطله حاجه في الاكل والشرب
زين :حاجه زي اي؟
هبه :حاجات من اللي هي بتاعة الأعمال دي
زين :اي يا هبه دا، دا جهل اكيد مفيش الكلام دا
هبه :لا طبعا فيه الناس بقت وحشه ومن كلامك على مرات ابوك دي اكيد هي عملت كدا
زين :مش عارف بقا المهم انا عاوز اشوفك
هبه بخجل :ها تشوفني ازاي يعني؟
زين :أشوفك ازاي يعني يا هبه اشوفك نخرج نروح في حته
هبه :طب ما الامتحانات قربت وهنشوف بعض
هبه:لا ماهو يعني...
زين:هو اي بس يا هبه اكيد يعني مش خايفه مني، بصي انا بكره هكون في كافيه فروزين اللي في وسط البلد هو فتح بقاله كام شهر كدا بس انا بقعد فيه على طول هستناكي بكره الساعه ٤ اهو بدري اهو مش بليل
هبه :ايوا بس...
زين :مابسش يا هبه هستناكي ها
جليله:ياهبه غي فيران يابنتي بتدخل من البلكونه انتي واقفه عندك بتعملي اي؟
هبه بتوتر:ها مفيش يا مرات عمي كنت بتكلم في التليفون حاضر هدخل اهو، طيب بقولك سلام يلا
زين :هستناكي
هبه :خلاص ماشي سلام
بقلمي منه وائل
*************************
في شركة عمار
مني :يااااا يا مستر عمار اخيرا جيت دا انت يكاد يكون ماتعرفش حاجه عن الشركه
عمار :ما البركه فيكي يا منمن ماانتي موجوده اهو مكاني وماشاء الله شايف الشغل عالي اهو
مني :اومال يا مستر دا انا هبهرك
عمار :عامل اي يا ياسين؟
ياسين:انا كويس الحمدلله انت اللي فينك؟
عمار:والله يابني زي ماانت شايف مفيش وقت اكول حته واهو اخر الشهر فرحي ولسه حته مش عارف هقعد فين انا وهي مفيش وقت لأي حاجه والمصايب نازله علي راسي
ياسين :ربنا يعينك بصراحه، المهم انا جيت اقولك على اللي هيعملوا عمامي وابويا
عمار :انا مش فاهم انا راجل وخلص فلوسه قبل ما يموت هو حر وبعدين انا هاخد حق مش حقي ليه انا تعبت السنين اللي فاتت دي كلها وتعبي اهو شركتي، وبالنسبه للفلوس اللي حسام واخدها فدول اصلا كانوا
حق بابا الله يرحمه اللي هما كالوا عليه زمان ونزل مصر من غير ولا مليم انا كل حاجه عارفها عنهم بابا الله يرحمه قالي على كل حاجه انا مش دق عصافير وعامل حسابي لكل حاجه
ياسين :طب ناوي تعمل اي.
عمار :ماتقلقش كل حاجه انا مجهزلها بس اخلص من حوار الفرح دا
ياسين:تمم انا كدا ارتحت انا كان لازم اريح ضميري واجي اقولك
عمار :فيك الخير والله يا ياسين انا مش فاهم انت ازاي عايش هناك وخبرتك دي انت اللي زيك يشتغل هنا في مستشفيات كبيره
ياسين :هو دا برضو من ضمن الموضوع اللي جيت عشانه
عمار :ازاي؟
ياسين:انا اتفقت مع ابويا اني هشتغل هنا اصل خلاص هناك الشغل مبقاش زي الاول وبعدين انا عندي شقتي هنا يعني
عمار :طب والله فكره كويسه َبالنسبه للشغل ماتقلقش شغلك موجود
ياسين :ربنا يخليك يا عمار دا العشم برضو، طيب انا هستاءذن انا بقا عشان ورايا كام حاجه لازم اعملها
عمار :هستناك بكره عشان هخدك ونروح للمستشفى
ياسين:خلاص تمم هبقا اكلمك سلام
عمار :سلام
مني :ااااه ياني ابن عمك دا والا قريبك دا قمر اوي
عمار :ههههههه في أي مني مالك؟
مني :مني اي بس الواد مز مزازه يخربيته
عمار :لا لا دا انتي الظاهر الدنيا معاكي بايظه خالص انا هتكل على الله عشان اشوف البت اللي انا مزعلها دي
مني :بت مين؟
عمار :اسرار
مني :وانت مزعلها لي؟
عمار :موضوع كدا هبقا احكيلك عليه بعدين يلا سلام
مني :ماشي يا بوس سلام
بقلمي منه وائل
*************************
في منزل صبرين
صبرين وهي تسترخي هاي السرير :هههه بس الولاا ازاي بقا كدا، دا كان بيبصلي بقرف دايما غريبه
ام صبرين :بتتكلمي مع مين يابنتي
صبرين :ها لا يااما مفيش حاجه، تعالي اقعدي
ام صبرين :انا عرفت انك روحتي عند العطارين الصبح
صبرين :عرفتي منين؟
ام صبرين :دا الحاره كلها شافتك وانتي رايحه الصبح، انتي روحتي ليه يا صبرين
ماخلاص بقا سيبي الناس في حالهم انتي عاوزه اي منهم وبعدين انتي مالك عمار رجع والا مرجعش ماتنسيش دا يبقا ابن جوزك ها
صبرين :في أي يااما انتي دماغك راحت لفين انا روحت اباركلهم بس مش اكتر اصل بيقولوا فرحه على بنت حسين اخر شهر
ام صبرين :مشكلتي اني عرفاكي يابنت بطني، ربنا يهديكي
بقلمي منه وائل
*************************
في منزل الحاج وليد
ندى :كتر خيرك يا نور انك لسه فكراني
نور :انا عارفه اني انا كنت نادله معاكي بس انا مكنتش اعرف حاجه أنور بعد ما فاق هو اللي قالي ولحد دلوقتي خالد هربان
ندى:المشكله مش في الموضوع دا، دا بعض الحادثه وانتي بعيده عني كانك كنتي مخططه معاه دا أنور انا مهونتش عليه وكان هيموت عشان كان عاوز
يمنع خالد لانه كان عاوز يدخلي دا اللي شوفته في الكاميرات مكنتش متوقعه انك هتكوني في أول صفوف الناس اللي باعتني وانا ماليش ذنب
نور بدموع :والله يا ندى كان غصب عني كنت خايفه اسمي يجي في الموضوع وانتي عارفه بابا بقا بيتلكك على أي حاجه دا سايبني قاعده في مصر لوحدي بالعافيه ومخلانيش رجعت الصعيد سامحني ابوس ايدك
ندى :مش زعلانه منك اصلا يا نور انتي اختي مش صحبتي وبس
نور :طيب عملتي اي في الموضوع دا؟
ندي :يوسف اللي شال كل الحمل فاكرين اني انا وهو على علاقه ببعض
نور :يانهار اسود ومين اللي عرف؟
ندي :ماما وعمي، انا معرفش
هو ورط نفسه كدا ليه كان سبهم موتوني و ريحوني من اللي انا فيه دا
نور:بعد الشر عليكي بطلي هبل، طيب مش يمكن بيحبك؟
ندي :لا لا انتي بتهزري يحبني اي بس دا حتى لو كان بيحبني قبل اللي حصل اكيد صرف
نظر عن الموضوع دا
نور :مش عارفه بس اكيد اللي يعمل كدا يكون بيحبك
ندى :لا ياستي
فتحيه :منوره يا نور، اقعدي كدا واتكلمي مع صحبتك عرفيها حدودها بدل ماهي ماشيه تتيح ومش عارفه الصح من الغلط
ندى :لوسمحت يا ماما مش وقته
فتحيه :دا اللي انتي فالحه فيه جاتك القرف
نور:يالهوي دي مامتك مش طايقكي خالص
ندى :ايوا
بقلمي منه وائل
*************************
في منزل الحاج حسين
أسرار :خير يا بابا حضرتك كنت عاوزني؟
حسين :ايوا يابنتي اقعدي
أسرار :حاضر يا بابا
حسين :شوفي يابنتي انا عارفه انك زعلانه بس كل اللي اقدر اقوله ان عمار عمره ماعمل حاجه غلط حتى لما مشي من هنا كان صح بس انا من خوفي
عليه غلطته بس هو كان صح لانه لو مكنش عمل كدا مكنش هيبقا عمار اللي قدامنا، دايما من وهو صغير له حسابات
وافكار لوحده ودايما بتطلع صح، عشان كدا يابنتي اوعي تفتكري ان عمار مش عارف
هو بيعمل اي لا عارف، وانا مش هقدر اغصبك على حاجه، اللي انتي شيفاه صح اعملي
أسرار :ماشي يا بابا عن اءذن حضرتك
حسين :اتفضلي يابنتي
تن تن
جليله :حاضر جايه اهو، عمار تعالي ياحبيبي ادخل
عمار :هي أسرار نامت؟
جليله :لا كانت لسه قاعده مع ابوها من شويه
عمار :طب ينفع ادخلها؟
جليله :ادخل بس براحه كدا وخالي بالك ولو حاجه جات في رأسك ماتقلقش البن جوا وشنطة الاسعافات في اوضتي
عمار :ههههههه ليه هو انا داخل لفرقه 707 قوات خاصه
جليله :معلش الاحتياط واجب برضو
عمار :هههههههه ماشي يا مرات عمي
أسرار :ماشي يا عمار انا هخليك تولع من الغيره
دب دب
عمار :اسرار انا عمار ممكن ادخل
أسرار :دا هو
أمسكت الهاتف سريعا ووضعته على اذنها وقالت بصوت عالي :لا لا ازاي يعني يا فارس لا منا خلاص هقدم على جامعه مفتوحه، هههههههه خطيبي؟ لا عادي يعني دا هو كام شهر وهنطلق كدا كدا احنا مش بنحب بعض يعني
عمار :اي دا هي بتقول اي دي
قام بفتح الباب سريعا ودخل الغرفه
عمار بغضب:انتي بتكلمي مين في التليفون.؟