👑عيلة العطارين👑
👑الفصل الثامن والعشرون👑
أسرار :اوعوا بقا سبوني خلوني اشم هوا من الشباك شويه اوف دا اي دا
هبه :والله يااسرار ماشي بس برضو هنعمل االي في دماغنا
أسرار وهي تفتح الشباك:يا ساتر يارب دا اي دا عاملين زي الخفافيش
وأثناء ما كانت تنظر في الشباك رأت عمار يخرج من دكان الحاج وليد وكانت تقف وزائه صبرين
اسرار :دا اي دا بقا ان شاء الله
هدى :اي في أي انتي هتعضي الناس اللي في الشارع كمان والا اي؟
ندي :لا تلاقيها شافت عمار اخويا بيسلم على بنت فحسيت بالغيره ههههههه
الجميع :هههههههههههه
أسرار :وحيات امك يا عمار ليكون يوم اسود على دماغك
هبه :أحيه دا حقيقي
اسرار:اوعوا من وشي كدا اوعوا
هدى :استنى بس يا أسرار رايحه فين بس
أسرار بغضب شديد :قولتلكم اوعوا من وشي اوعوا
وأثناء ما كانت تهبط الدرج وجدت عمار وانچي وباكينام جالسون في المضيفه مع والدتها ووالدها ويوسف
عمار :دا نورك والله يا مرات عمي
جليله :منوره ياست ماكينام
باكينام بتعجب :ايييي؟ هي قالت اي؟
عمار :احم قصدها باكينام يا ماما باكينام
قام حسين بخبط جليله في ذراعها بذراعه
جليله بصوت منخفض:الله وان اش عرفني يا حاج هي اللي اسمها عجيب الله، وهي اسامي ربنا قلة خلاص
حسين :ياست وانتي مالك الله
باكينام باشمئزاز: وهو عمار كان عايش هنا معاكم؟
حسين :ومازال عايش هنا معانا يا هانم
باكينام :معتقدش عمار ماباتش ولا ليله هنا بعد ما رجعلكم
كانت جليله ستهم بالرد عليها ولكنها سمعت صوت يقول
فتحيه :والله يا مدام اذا كان هو ما جاش بات ولا مره وبات هنا من يوم ما رجع فدا عشان هو مش مستعار من المكان لا، دا بس عشان مايسبش حضرتك ويسيب ولادك لوحدكم لان زي ما هو قالنا انتوا في خطر على حياتكم
باكينام :وات؟ مين دي؟
عمار :دي امي
باكينام:اها ست فتحيه اذيك
فتحيه :اهلا يا مدام
عمار :جاهز يا يوسف
يوسف :اه من بدري
عمار :تمم يلا بينا
أسرار :يلا بينا على فين يا عمار مش تيجي تقولي انت كنت عند الوليه دي بتعمل اي
عمار بعدم فهم :ولية مين يا أسرار؟
أسرار :مرات ابوك
شحب وجه عمار ونظر للجميع بقلق ثم قال :مش فاهم قصدك؟
انچي :قصدها على الست اللي دخلت هنا المره اللي فاتت وانت قعدت معاها يا ابيه، هو انت يا ابيه وقفت معاها لما دخلتنا احنا الأول؟
نظر عمار لها يحثها على السكوت
أسرار :ماترد عليها والا اقولك ارد انا، انت دخلتهم وروحت للهانم عشان تعزمها اه ما اهي بقت صحبتك لا و اي كانت بتودعك كمان مش كدا؟
عمار :انتي اي اللي بتقولي دا انتي مجنونه؟
أسرار :انا برضو ههههه عارف عيبك الوحيد انك فاكرني عيله ومش فاهمه بس انا فاهمه دماغك ماشيه ازاي يا عمار
حسين:اسرار اطلعي على فوق يا بنتي مالوش لازمه الكلام دا
أسرار :لا يا بابا كل مره بتمشي كلامك عليا وانا بسمع الكام وبسكت بس المره دي لا مش هسمع كلام حد غير نفسي
عمار وهو يقترب منها :يا أسرار افهمي بقا
أسرار :افهم اي بقا؟ افهم اي اذا كان انت مش عاوز تدافع عن نفسك بولا كلمه، افهم اي بقا؟
عمار :انا روحتلها عشان عرفت انها مأجره رجاله تخرب الفرح وكنت بهددها وفهمتها انها لو ما بعدتش عننا هخلص عليها
أسرار :ههههه واللي بيهدد حد بيودعه؟
عمار :ما انتي عارفه انها رخمه وبتحب تتنقور واكيد شافتك من الشباك وحبت تغيظك
حسين :معاه حق يا بنتي حتى احنا جايبين حراس في الفرح
نظرت أسرار لوالدها ثم إلى عمار َوقالت :دي آخر فرصه يا عمار بعد كدا ملكش عندي اي فرص تاني انا طالعه البس
ظفر عمار بارتياح وكانه احس ان الحياه عادت له من جديد ثم نظر الي مكانها الفارغ وقال لنفسه :سامحني يا أسرار، سامحني يا حبيبتي
يلا يا يوسف
يوسف :حاضر
بقلمي منه وائل
*************************
في منزل زين
زين وهو ممسك بيديه بدلاتان ويقول :ها البس دي والا دي؟
مراد :اي دا انت خارج؟
زين:خارجين مش خارج
مراد :اي دا وانا كمان جاي معاك؟، ونروح فين ان شاء الله؟
زين :اوف بقا يابني اتعالج من الزهايمر دا بقا انا مش قايلك هبه عزمتنا على فرح اخوها النهارده وفرح ابن عمها وبنات عمها
مراد :اي كل دا هي رحله، كل دول هيتجوزوا؟
زين :ما انت مش فاهم اصل اخوها هيتجوز بنت عمه اللي هي اخدت عمار ابن عمهم، وابن عمهم عمار دا هيتجوز بنت عمهم التانيه اسمها أفراح باين او أسرار حاجه زي كدا
مراد :بس بس انا مش فاهم حاجه اي دا أفراح ابليس
زين :ههههههههههههه يا جدع أفراح ابليس اي بس يلا بقا قوم
مراد :طب هي ازاي عزمتنا وأخواتها؟
زين :عادي قالتله هعزم زمايلي واكيد عازمه ناس تانيه مش احنا بس
مراد:اه تمم خلاص
زين :طب قولي بقا البس أنهى؟
مراد :دي
زين :لا هلبس دي
مراد وهو يضربه بالمخده :انت بارد يلا اومال بتسئلني لي
زين :ههههههههه يلا بقا قوم
مراد :حاضر
بقلمي منه وائل
*************************
في قاعة الفرح
عتمان :انت متأكد ان الفرح اهنه يا ولد
رجُل :اه يامعلم والله متأكد
عتمان :تمم جاهز رچالتك يا ولد ووزعهم في كل مكان
رجُل : يا معلم مينفعش كدا صحاب القاعه هياخدوا بالهم
عتمان :اومال هتعمل اي يا ولد؟
رجُل:انا اتفقت مع واد قناص إنما اي يقدر يضربلك الدبانه وهي بتطير
عتمان :اعمل اللي تعمله بس تخلص عليه عشان اني زهجت
رجُل :هو عملك اي الراجل دا عشان عاوز تخلص منه كدا، دا شكله ابن ناس يعني
عتمان :هو معملش حاچه بس اني عاوز اخلص عليه عشان تفضلي الساحه واجدر اخد كل حاچه فلوس وعز هو عايش فيه
رجُل:طب وانت عاوز تاخد حق مش حقك ليه؟
امسكه عتمان من تلابيب قميصه وقال :وانت اي حشرك انت يا ولد الچازمه انت تعمل شغلك واتكتم خالص
الرجُل برعب :حاضر حاضر خلاص
عتمان :يلا غور، هخلص منِك الليله يا عمار
بقلمي منه وائل
*************************
في صالون الحلاقه
يوسف :هو اي اللي حصل هناك دا ياعم اي االي أسرار قالته دا؟
عمار :انا عارف بقا أسرار بقت غريبه اوي دي مفكرتش َولا مره تحاول انها تغير من نفسها عشاني، تفتكر هي لسه بتحبني والا خلاص؟
يوسف :اي اللي انت بتقوله دا أسرار عمرها ما حبت حد غيرك، انت مش متخيل حصلها اي بعد اما انت مشيت
عمار :حصل اي؟
يوسف :اسرار دخلت في حاله نفسيه فتره ومكنتش ولا بتاكول ولا بتشرب لدرجة انها كانت ماشيه بالمحاليل
عمار :عشان كدا عمي مكنش طايقني اول ما شافني، طب هي قدرت تتعايش ازاي بعد كدا؟
يوسف :ولا حاجه كل واحد قعد يتكلم معاها شويه ويفهمها لخد اما بقت كدا
عمار :لا بجد ونعمه الفهم انا حاسس اني هتجوز صحبي
يوسف :بص مهما عملت الست ست برضو يعني اكيد الانوثه هتبان لما يتقفل عليكم بيت واحد بقا
عمار :ربنا يستر وماتقلبش ممدوح فرج
يوسف :ههههههههههه
بقلمي منه وائل
*************************
في غرفة أسرار
جليله :للللللللللللوي مبروك ياقلب امك
أسرار بلا مباله :الله يبارك فيكي يا ماما
جليله باستغراب :الله هو في أي؟
هدى وهي تتحدث مع والدتها بصوت منخفض :منعرفش يا ماما من ساعة ما طلعت من تحت وهي مبوزه كدا ونسألها في أي مابتردش يااما بتزعق فينا
جليله :اه طب خديهم واخرجي خمسه دقايق
هدى :حاضر يا ماما، يلا يا بنات
جليله :تعالي اقعد قدامي هنا
أسرار :خير يا ماما
جليله :انا عارفه انك مش بتكدبي وانك شوفتي وهو خارج من عندها بس اللي عاوزه اوضحهولك ان مش كل اللي العين بتشوفه بيكون صح ومش كل اللي دماغنا بترتبه بيكون برضو صح، انتي اه شوفتي خارج من عندها وشوفتي كمان ان هي بتودعه بس يا بنتي انتي ماتعرفيش علم الغيب ولو في حاجه وحشه بتحصل من وراكي ربنا اكيد هيظهرها لان ربنا عمره ما بيستر على حد بيعمل حاجه غلط ودايم فيها فهمتي يا حبيبتي
أسرار :فاهمه يا ماما بس العين عمرها ماتكدب انا طول عمري بعرف عمار اذا كان كداب او صادق من عينه وعمار تحت كانت عينه رايحه جايه كان قلقان ومرعوب، مرعوب من اي بقا انا معرفش، بس أنا هسمع كلامكم وهعيش عادي جدا بس لو طلع اللي في دماغي صح محدش يلومني على رد فعلي بعد كدا
نظرت لها جليله بحزن، حزن على حال ابنتها التي تبدل حالها مائه وثمانون درجه
أسرار :اي اللي في ايدك دا يا ماما
جليله :دا غوشتين وسلسله بتوع ستك الله يرحمها ادتهم لابوكي عشان يلبسهملك يوم فرحك
أسرار :بجد دول ليا؟
جليله :اه، الف مبروك يا حبيبتي
أسرار بابتسامه :الله يبارك فيكي يا ماما
جليله :يلا عشان خلاص كله جهز وعمار جاي في الطريق والليل قرب يليل
أسرار :انا خلصت خلاص ناقص بس الفستان القرف دا اللي هيلبسهولي
جليله :دا قرف والله انتي خايبه اسكتي
اسرار:اما نشوف اخرتها اي اديني ماشيه وراكم اهو
بقلمي منه وائل
*************************
في منزل صبرين
ام صبرين :انتي بتعملي اي يابنتي لابسه ومتشيكه ورايحه على فين كدا؟
صبرين :رايحه فرح يا ماما
ام صبرين:فرح عمار وأسرار مش كدا؟
صبرين :اه
ام صبرين :يابنتي هو انتي غاويه وجع دماغ انتي عاوزه اي بظبط ابعدي عنهم بقا
صبرين :الله جيرانا ورايحه ابارك غلطت انا
ام صبرين :اه غلطتي دول مش جيرانك يا صبرين دول أعدائك وانا وانتي عارفين كدا كويس
صبرين:ولا أعداء ولا حاجه اللي جاي كله هيبقا كويس سلام بقا عشان هسبقهم على القاعه دي
ام صبرين :حفرتي نفسك في بير غاويط اوي يا صبرين ومش هتعرفي تخرجي منه تاني
بقلمي منه وائل
*************************
في منزل الحاج علي
سوميه :طب هي خلصت يعني
هبه :ايوا يا ماما مستنين عمار بس
سوميه :طب واخوكي عروسته شكلها اي؟
هبه :حلوه يا ماما
سوميه :ايوا يعني شكلها اي؟
هبه :في أي يا ماما مالك كدا قولتلك حلوه الله وبعدين ماانتي هتشوفيها
سوميه :ايوا يابنتي بس دي عروسة اخوكي لازم تكون شملها حلو ومتزوقه حلو
هبه :رامي تعالي شوف ماما فيها أي على ما اخلص
رامي :ماما؟، مالك يا ماما فيكي اي؟
سوميه :مش عارفه يا رامي حاسه ان في حاجه هتحصل وقلقان اوي على اخوك
رامي :يا ملكا بقا بلاش تفكيرك دا هيحصل اي يعني؟
سوميه:اصل الصبح بعد اما اخوك شرب القهوه مسكت فنجانه لاقيته مليان بلاوي وحاجات غريبه اوي معرفش اي دخل اخوك فيها، لا و اي كمان فنجان عمار اعوذوا بالله اوحش من بتاع اخوك
رامي :يا ماما بقا قولتلك ميت مره الحاجات دي حرام ماتصدقيش فيها الله يلا بقا ننزل وانتي شكلك قمر كدا والله شكلك انتي العروسه اتمختري ياحلوه يا زينه يا خارجه من جوا جنيناااااااه
سوميه :ههههههههههههههههه
هبه :ايوا هو دا البيت انت تحت يعني، خلاص ماشي انا نازله سلام
بقلمي منه وائل
*************************
في منزل الحاج وليد
فتحيه :تعالي اقعدي هنا
ندى :حاضر يا ماما
فتحيه :بصي انا مكنتش ناويه ادهولك، بس ابوكي الله يرحمه حلفني وجالي في الحلم امبارح خدي
ندى :اي دا يا ماما؟
فتحيه :دا خاتم كان ابوكي اشترهولك زمان وانتي صغيره بس كان واسع على ايدك ايام ما كنتي بريئه ساعاتها قالي اشيلهولك لما تكبري عشان ادهولك يوم فرحك
نظرت ندى للخاتم ثم قبلته بشوق، ثم نظرت الي والدتها وقالت :انتي هتفضلي زعلانه مني كدا؟
فتحيه :ولو سامحتك هبقا بظلمك لاني مش هقدر اعملك زي الاول انا بنتي كانت بريئه عمرها ماتعمل كدا، إنما اللي قدامي مش بنتي، اللي قدامي دي واحده معرفهاش، واحده نسيت تربية أهلها ليها ونسيت دينها
نظت لها ندى بحزن وكانت ستهبط الدمعه من عيناها ثم قالت :اوعدك مش هتشوفي وَشي تاني من بعد الفرح
ثم تركتها وذهبت
فتحيه ببكاء :على عيني يابنتي على عيني يا ضنايا بس غصب عني مش قادره أصدق
بقلمي منه وائل
*************************
في مضيفة المنزل
انچي :ههههههههههههههه مش قادره خلاص
احمد :اه والله زي مابقولكم كدا
داليا :بس اختك شكلها مايقولش كدا يعني اقصد انها لو لبست فستان وكدا شكلها هيبقا رقيق اوي
حسام :بيقولك مسكت الراجل الكبير ضربته على دماغه بالطوبه رقيقة اي بس هههههههه
باكينام :والله انا شايفه انكم تفهموها انها بنت فميصحش اللي هي بتعمله دا
انچي بهمس :اي ماما بقا
تيت تيت تيت تيت
لللللللوي لللللللوي
احمد :شكل العرسان جم
طخ طخ طخ
انچي :الله دا في فراقيع برا يلا نتفرج
احمد :فراقيع اي بنت اختي جايه معانا
وقف حسين أمام المنزل مبتسم ثم وقفا يوسف وعمار أمامه وقاموا بتقبيل يديه
حسين :الف مبروك يا ولاد
وأنطلقت الزغاريط في المكان كله إعلانت بقدوم أميرات هذا العرس
جليله :لللللللللوي يلا يابنات يلا لللللللوي
نظر عمار لها وهي تقف أمامه كانت بريئه، كيف لها أن تتلون هكذا؟ كيف تكون مثل الطفله في حين ومثل الرجل في حين اخر؟ يا لكي من فتاه ليست بهينه ولكنكي تبدين جميله للغايه يا اميراتي
اسرار:اي شوفت عفريت والا اي؟
عمار بابتسامه :ههههه لا ماشوفتش عفريت، شوفت قمر منور، شوفت ست البنات كلهم
نظرت له أسرار وكانت اول مره يدق قلبها هكذا منذ رحيله
أسرار :ها طب اي مش هنركب؟
اقترب منها عمار ثم قبل راسها وقال :يلا يا حبيبتي
يوسف :ماشاءالله، لوسمحت يا انسه هي عروستي فين؟
ندي :هههههههههه لا والله
يوسف:ههههههه اه والله، اصلك قمر اوي يا فندم
ندى :ياسلام وانا كنت وحشه يعني؟
يوسف :لا طبعا يافندم انتي قمر طول عمرك
ثم غمز لها
ندى بخجل :ها طب يلا عشان رجلي وجعتني
امسك يوسف يدها وقال في سره:يلا يا اجمل ما شافته عيني
هبه :كويس جيتوا في معادكم
زين :طب يلا عشان تركبي
هبه :لا مااهو رامي اخويا بقا انت عارف
هدى قالت سريعا :لا ما رامي انا هركب معاه اركبي يلا بسرعه
هبه بقلق:متأكده؟
هدى :يلا
هبه :ماشي يلا
وعلى الناحيه الأخرى السيده سوميه والسيده فتحيه يركبان السياره مع رامي
سوميه :استنا يا واد رجلي أتنت ااااااه
فتحيه:يا ختاااي هي العربيه أضيقت والا. اي؟
رامي :هههههه العربيه برضو اللي أضيقت يلا يا خالتي بالله عليكي عشان كله هيمشي يلا ياماما
سوميه :خلاص ركبت اهو فين اختك بقا
هدي :ركبت مع صاحبتها يا طنط وانا اللي هركب معاكم يلا
سوميه :خلاص ماشي يلا يابني
نظر لها اعمار بابتسامه ثم قال :شكلك زي القمر ياقلبي
ضحكت هدى بخجل ثم قالت :دا عشان عيونك بس اللي حلوين
سوميه :ماتيلا يابني احنا هنبات هنا
رامي :حاضر يا ماما حاضر، يلا بدل ما تلمحنا وتفهم امي وحفظها وعارفها يلا
هدى :ههههههه ماشي
انطلقت السيارات الي مكان العرس وهما في بهجه وسعاده
بقلمي منه وائل
*************************
في سيارة زين
هبه :بس انتي ماقولتيش انك هتيجي معاهم يا نور
نور :لا ما مراد اتصل عليا وعرف اني جايه فقولت اجي معاهم بالمره اصل عربيتي في التوكيل
هبه :منا من بدري عماله اقولك تعالي جايه على اخر لحظه
نور:معلش بقا كان ورايا كام حاجه ماتزعليش
هبه:ماشي هعديها بمزاجي، هو انت ليه خليت هبه تقعد قدام جنب مراد؟
زين وهو ينظر في عينيها :عشان افضل ابص في عينك كدا كتير
هبه بخجل :يووو بقا مش بحب حد يبصلي يا زين بتوتر
زين :الله وحشتني ياستي وانا بملي عيني منك اي حرام؟
هبه :اه حرام انا مش حلالك عشان تفضل تبحلق فيا كدا
زين :والله انا معنديش مانع انا مستني بس البرنسيسه تقرأي رأيها وانا والله مش هتأخر
هبه :ههههههه يووو بقا انت كل حاجه عندك ليها رد
زين :ههههههه اه
هبه :طب الامتحان بتاع اول امبارح كان عامل اي .؟
زين :بيسلم عليكي وبيقولك بحبك
هبه بخجل وهي تنظر إلى الشباك :يو بقا الله
زين :هههههههه خلاص خلاص، كان حلو ياستي انا اول مره في حياتي ادخل امتحانات وانا فاهم ومذاكر كدا
هبه :شوفت بقا دا عشان انت ذاكرت
زين :لا دا عشان ربنا رزقني بملاك وقف جنبي، انا كنت عارف ان ماما ميته ودعيالي
نظرت له هبه وابتسمت
مراد :يلا احنا وصلنا
.............. في القاعه
دخل الجميع القاعه بعد حضور الزفه التي كانت من أروع الزفاف والتي قام الجميع بالرقص والاستمتاع فيها
عمار وهو يجلس بجانب اسرار :مش مصدق نفسي انتي خلاص هتبقى مراتي النهارده
أسرار :لا صدق يااخويا وصدق كمان ان حياتك هتتغير
عمار :للأحسن طبعا طلما انتي دخلتي فيها
يوسف :مرتاحه كدا؟
ندي :اه تمم اقعد بقا
يوسف :حاضر، مالك ياندي مكشره لي كدا؟
ندي :ماما مش راضيه تسامحني يا يوسف
يوسف :كله بالوقت يا ندى مع الوقت هتنسي وصدقني مفيش ام بتكره بنتها، بس هو دا السبب اللي مخليكي كدا؟
ندي بتوتر :ها اه هيكون في أي يعني؟
يوسف :معرفش انا اللي بسألك
ندى :لا مفيش حاجه ماتقلقش
يوسف بعدم تصديق :ماشي
نظرت له ندى ثم نظرت الي باب دخول القاعه بقلق وخوف
جليله :انا خايفه أوى يا حاج
حسين :من اي بس يا جليله ما الولاد مبسوطين اهو
جليله :مش بتكلم على الولاد انا خايفه من الراجل اللي هو عمهم دا خايفه يعمل حاجه َيبوظ الليله
حسين :يووو يا جليله ماقولتلك ماتخافيش عمار عامل حسابه في كل حاجه وبعدين انا غلطان يعني اني قولتلك
جليله وهي تضع يدها على فمها: خلاص اهو سكت
حسين :يلا ياولاد خلينا نكتب الكتاب
وبعد نصف ساعه من كتب الكتاب تعالت الزغاريط في أنحاء المكان وانتشرت البهجه بينهم
جليله :لللللللوي مبروك يا ولاد الف مليون مبروك
عمار :الله يبارك فيكي يا مرات عمي
فتحيه :مبروك يا حبيبي الف مبروك
عمار :الله يبارك فيكي يا ماما، تعالي يا زقرده انتي
ندى :الف مبروك يا اخويا
عمار :الله يبارك فيكي يا قلب اخوكي الف مبروك يا حبيتي
ندى :مش هتبركيلي يا ماما
فتحيه وهي تحتضنها بدموع :مبروك يا بنت بطني مبروك
سوميه بدموع :خلاص هتتجوز وتسبني
يوسف :يا ماما هو انا هدفن دا انا بتجوز
سوميه :بس يالا بعد الشر
انچي :مبروك ياابيه
عمار :عقبالك يا اوزعه
انچي :يووو بقا الله
الجميع :ههههههههههه
نظرت ندى للجالسين وجدته جالس على يمينها ومبتسم بسماجه
خالد بهمس :مبروك يا عروسه
ندى :اا انا هروح الحمام
يوسف :طب استني هجيب هبه تساعدك
ندى :لا لا انا هروح لوحدي
خرجت ندى برا القاعه وجدته يقف منتظرها
خالد :والله ما لاقتش منك اي استجابه فقولت اجي ابارك، اي هتتجوزي برضو
ندى :انت عايز مني اي بقا سبني في حالي انا عاوزه اعيش حياتي
خالد :انا حياتك قولتلك هتجوزك
ندى :وانا مش عاوزاك هو عافيه
خالد :خلاص مفيش مشكله تدخل لأهلك ونقولهم ونشوف رأيهم اي
أمسكت ندى يده وقالت :انت رايح فين تعالي هنا
خالد :اي هنشوف رأيهم
يوسف :ندى
....................
عمار :هو يوسف وندى فين؟
أسرار :مش عارفه بس اكيد هنلاقيهم هنا والا هنا
نظر حسين للشخص الذي كان شوف يصوب الي عمار
حسين :حاسب يا عمار
...................
يوسف وهو يضربه في وجهه :كنت مستنيك تجيلي لخد عندي
ندى :عااااااا خلاص يا يوسف
يوسف :اوعي ايدك، إنت فاكر نفسك خلاص كدا هتقدر تفلت
خالد :اااااه
ندى ببكاء :خلاص يا يوسف ونبي
يوسف :قولتلك اوعي دي عشان اخدت حاجه مش بتاعتك
خالد :ااااااه
يوسف :و دي عشان اتجرئت وقربت منها تاني
خالد :ااااااااااه
دج
ندى :اي صوت الرصاص دا؟
يوسف بصدمه: عمار