👑عيلة العطارين👑
👑الفصل الواحد والعشرون👑
بقلم منة وائل
حسين :وبالنسبه للطفل اللي نزل دا ولا كان حاجه حصلت سامع؟
عاااااااااااااا
حسين :اي الصوت دا اي اللي بيحصل
الحقوني عاااااااااااااا
يوسف بصدمه:ندى
عمار وهو يمسك فتحيه:انتي اي اللي بتعملي دا يا ماما حرام عليكي هتموت في ايدك
فتحيه :يارب تموت واستريح منها
جليله وهي تحتضن ندى وتملس على شعرها :حرام عليكي يافتحيه في حد يعمل كدا في بنته ويدعى عليها مهما عملت في أي
فتحيه :سبوني عليها اللي ماشافتش تربيه دي سبوني
عمار :اي اللي انتي بتقولي دا ياماما هي عملتلك اي بس عشان كل دا؟
فتحيه وهي تحاول الذهاب إلى ندى :وحيات ربنا لموتك على ايدك
حسين بغضب :فتحيه
انتفض الجميع لصوته ثم نظروا له
حسين :اخرجوا كلكم برا وسبولي ندى
عمار :بس ياعمي..
حسين :انا قولت اي؟
عمار :حاضر ياعمي يلا يا ماما تعالي
نظر حسين لندى وجدها ملاقاه على الأرض وتبكي
مد لها يده وقال :هاتي ايدك يابنتي
مدت له يدها وقامت ثم جلسا على الاريكه
حسين :ماما ضربتك ليه؟
ندي بارتباك:ها اصل.. اصل هي طلبت مني حاجه وانا قولتلها لا
حسين :متأكده من اللي انتي بتقولي دا؟
ندي :قصدك اي ياعمي؟
حسين :بصي يا ندى انا مش بعتبرك بنت اخويا لا، انا من وانتي صغيره كدا وانا اللي استلمتك في الدنيا لا ابوكي َولا امك ولا اي حد غيري شافك في الاول ساعتها ابوكي كان مسافر اول ما مسكتك حسيت انك بنتي حسيت انك حته مني وانا اللي ربيتك مش ابوكي بس اول مره احس اني معرفتش أربي
ندى :ليه بتقول كدا يا عمي؟
حسين :لما انتوا بتحبوا بعض ليه تعملوا الخطيئه دي؟، هو حلال ربنا بقا صعب اوي كدا؟، كان هيحصل اي لو جيتوا وقولتوا انكم عاوزين بعض اي كنتوا مستنين تغلطوا اكتر من كد اي
ندى ببكاء :ياعمي افهمني بس يوسف..
قطع حديثها صوت جرس الباب
تن تن تن تن
حسين :استنى انا اللي هفتح انتي مش قادره تتحركي
عاوز اي يا يوسف؟
يوسف :عمي لوسمحت ممكن ادخل
حسين :ادخل
ندى :ياعمي يوسف ماعملش حاجه
يوسف :بس يا ندى اسكتي، مرات عمي وليد عرفت ياعمي
حسين :اي وعرفت ازاي؟
يوسف :شكت لما لاقت مكان العمليه مش ضهر ندى وكمان فهمت من كلام الممرضه
حسين :طب فهموها ان محدش يعرف وانت هتيجي بكرا تطلبها مني ومن عمار وهنبقا نحدد الشبكه والفرح ولا كان حاجه حصلت مفهوم؟
نظر يوسف وندي لبعضهما
حسين :مفهوم والا لا؟
يوسف :مفهوم يا عمي مفهوم
بقلمي منه وائل
*************************
في مضيفة المنزل في الأسفل
جليله : ااااه اتهدي بقا يافتحيه مش كفايا الزقه اللي زقتيهالي كانت روحي هتطلع اي انتي بتروحي الچيم من ورايا والا اي؟
عمار :هههههههههه ضحكتني والله يا مرات عمي، انا بس اللي عاوز أفهمه انتي بتضربيها ليه يا أمي هي عملتلك اي بس؟
فتحيه:محدش له دعوه بنتي وبربيها
سوميه :لاكدا تبقا انتي اتجننتي يا فتحيه رسمي
فتحيه :اه انا اتجننت محدش له دعوه سبوني في حالي
عمار :خلاص يا جماعه سبوها دلوقتي، المهم انا هطلع لاسرار يا مرات عمي هتكلم معاها شويه وهتكل على الله
فتحيه :وانت بقا هتفضل طول حياتك في حضن الوليه التانيه دي وسايبك امك واختك والا اي، والا اخدت على عيشة الفيلل
عمار :اه دي هتتحول عليا انت بقا، طب بصي ياأمي اما سبق وقولت كل حاجه هترجع ز يما كانت بس لما اجيب حق ابويا والموضوع مش بعيد كل حاجه بدءت من النهارده وهتشوفي عن اءذنكم بقا
جليله :احسن حاجه بتعجبني في الولاا عمار دا انه بيفكر ٢٤ ساعه الله اكبر عليه
بقلمي منه وائل
*************************
في غرفة هبه
هبه وهي تتحدث في الهاتف :بص هو انا مكنتش هتصل بس يعني انا قولت انك اكيد مستني نني مكالمه وكدا
زين :هو انا فعلا كنت مستني ولو مكنتيس اتصلتي كنت هتصل انا
هبه :اممم طيب انا روحت اهو وفي اوضتي
زين:حمدالله على السلامه يا سندريلا
هبه باستغراب :هههه سندريلا!
زين :ايوا سندريلا مش عجبك ولا اي؟
هبه : لا مش كدا بس يعني اي مناسبتها؟
زين وهو يحاول تغير الحديث :احم هو انتي كلتي؟
هبه :لا ومش جعانه
زين :نعم انتي من ساعة مارجعتي من السفر ماكلتيش حاجه
هبه :لا منا كلت في المستشفى اخويا جبلنا
زين :فين والمستشفى فين دا من بدري، لوسمحت يا هبه اتفضلي يلا قومي كولي
هبه :منا مش جعانه
زين :لوسمحت بدون نقاش يلا
هبه :ايوا بس...
دب دب
رامي:هبه انا رامي افتحي
هبه :طب سلام دلوقتي وهكلمك عاشن رامي بيخبط سلام، ادخل يا رامي
رامي :اي يابنتي انتي دخلتي تنامي ولا كلتي حاجه ولا حتى اخدتي دش، وبعدين انتي مش سامعه الصويت
هبه :صويت اي؟ اي اللي حصل؟
رامي :لا دا انتي ضايعه خالص، دا مرات عمك وليد كانت بتضرب ندى ولحد دلوقتي مانعرفش ليه
هبه :غريبه وعمي سكت؟
رامي :لا ماهو زعق وطلب اننا نخرج برا ويقعد هو وندى يتكلموا
هبه :أمم ياخبر بفلوس بكرا يبقا ببلاش، المهم اي الطبق اللي في ايدك دا؟
رامي :دا سندوتشات كفته، فتحت التلاجه لاقيت فراخ وحاجات كتير كدا المهم حطيت عيني في الفريزر لاقيت كيس كفته فتحته وسبحان الله كانت متصبعه جاهزه حمرتها وطلعت كيس فينو وعملت سندوتشات وقولت اجيب لاختي حبيبتي عشان تاكل زمانها واقعه
هبه وهي تحتضته :حبيبي يا اخويا حبيبي والله دا انا هموت من الجوع
(اللاه هي مش قالت إنها مش بتاكل بليل في أي بقا 😂)
رامي :عشان تعرفي بس ان مفيش حد بيحبك في البيت دا غيري
هبه وهي تضع الطعام في فمها :طبعا طبعا يلا بقا روح وخد الباب في ايدك عشان انا هكول وانام
رامي:اي مش هتستحمي؟
هبه :لما اصحى بقا انا تعبانه يلا
رامي :ماشي تصبحي على خير
هبه :وانت من اهله، رامي دا بيفهم اقسم بالله، الله الكفته طعمه اوي
(دي اللي مش جعانه 😂تعالي شوف يازين)
بقلمي منه وائل
*************************
في غرفة أسرار
أسرار :اااه يا ايدي، انا تعبانه أوي يعني كان لازم اخاطر بنفسي منا كان ممكن اموت، سامحني يارب
دب دب
أسرار :مين؟
عمار :انا عمار يا أسرار
أسرار :ها، اا انت عاوز اي؟
عمار :عاوز اتكلم معاكي شويه
اسرار:لا انا تعبانه و هنام
عمار :خمس دقايق يا أسرار وهمشي
أسرار :قولتلك تعبانه وعاوزه انام
عمار :بقا كدا ماشي
أسرار :اي دا دا مشي هههههههه
وفجاءه وجدت باب الغرفه فتح فجاءه
أسرار بصدمه :اي دا انت ازاي تدخل اوضتي كدا من غير استئذان ها
عمار :ششششش اسكتي اسكتي، دا اللي هتنامي صح
أسرار :انت مالك انت انام والا اصحى
امسكها عمار من خصرها وامسك يدها الاثنان وقربها اليه
أسرار بتوتر :هه ااا انت ماسكني كدا ليه وعاوز اي مني؟
عمار :لتاني مره بقولك ماتكذبيش عليا تاني انا قولتلك خمس دقايق وهمشي مش هاخرك بس انتي اصرتي تكدبي
اسرار :مش بكدب بس
عمار :ها بس اي؟
أسرار :ممكن تسبني عشان ايدي وجعاني
عمار :حاضر
تركها عمار وجلس على الفراش وقال :بس عارفه بحبك اوي وانتي بتكوني رقيقه كدا، حتى وانتي بتطلبي اني اسيبك بتقولي ممكن، ههههههه والله حلو
اسرار :نعم يااخويا رقيقة اي ان شاء الله انا مش رقيقه ولا زفت وبعدين انت لسه هتقعد قوم انا عاوزه انام
عمار :لما اكون بكلمك ماتعاليش صوتك واقعدي عشان عاوزك
أسرار :لا مش هقعد وبعدين انا أعلى صوتي براحتي، انت عاوز اي مني
عمار وهو يمسكها من يدها ويجلسها بجانبه :اقعدي بقا، بكرا انا هاجي اخدك عشان رايحين مشوار وبعدين هنروح لمدرسة الاتيكيت تاني وعلى الله تعملي مشكله
أسرار :والله انت شايفني خارجه من المستشفى المفروض اني ارتاح
عمار :والله اللي انا شايفه انك بقيتي زي القرد وصحتك احسن مني ومن ابوكي
أسرار :ماهو عينك الوحشه دي اللي جابتني الأرض، وعلى فكره انا ماقولتش لابويا علي اللي انت عملته في المستشفي لحسن لو عرف كان بطحك فيها
عمار :بطحك!، طيب انا عملت اي ها فكرني كدا
أسرار وهي تبتعد عنه :اقسم بالله لو قربت مني هلم عليك الحاره كلها مش البيت بس
عمار بابتسامه :ماشي ياستي مش هقرب منك المهم نامي كويس ها
وعندما كان سيخرج من الغرفه توقف فجاءه وقال :اسرار انتي لسه بتحبني والا انا مبقتش في قلبك خلاص؟
نظرت له أسرار برهة بحيره ثم اقتربت منه وقالت :لو انت شايف نفسك انك بتخرج من القلب فاانت كدا، إنما بقا لو عارف كويس قدر نفسك عند اللي بيحبوك اكيد انا لسه في قلبهم من يوم ما سبتهم، تصبح على خير يابن عمي
نظر لها عمار ثم ابتسم ورحل
اغلقت أسرار لاب غرفتها واستندت بظهرها على الباب ووضعت يدها على قلبها وقالت :اه ياقلبي لما بيضحك بحس ان قلبي هيخرج من جسمي، يلرب عدي الايام دي على خير لحد اما اربيه
بقلمي منه وائل
*************************
في الصباح في شقة حسام
حسام وهو يقوم باءيقاظ داليا :دودو يا دودو، اصحى بقا وحشتني
داليا بصدمه:حسام، في أي؟ وبعدين اي اللي دخلك عليا الاوضه؟
حسام:هههههههههه وربنا كنت عارف، يابنتي انتي مراتي في أي؟
داليا وهي تعتدل في جلستها سريعا :مراتك!، مراتك ازاي وامتا؟ حسام انا أقرب صديقه ليك ليه عملت كدا؟
حسام :يانهار اسود انتي نسيتي والا اي؟ يا داليا احنا اتجوزنا امبارح يا ماما واهو الفستان اهو فاكره والا اي؟
داليا َو هي تضع يدها على رأسها :اه افتكرت افتكرت، معلش يا حسام بس البتاع اللي بنتهبب ناخده دا خربلي الذاكره
حسام :ولا يهمك كل حاجه هتكون كويسه، المهم يلا قومي انا حضرتلك الفطار
داليا :ههههه يا سلام يا سلام هو بداية الجواز كدا حب ولاف لافا ودلع بعد كدا بالجزمه
حسام :ههههههه لا والله انتي شايفه كدا؟
داليا :هما اللي بيقولوا مش انا
نظر لها حسام واقترب منها وقال:مين اللي بيقولوا؟
داليا بتوتر :ها، هما الناس..
حسام وهو يجذبها اليه ويهمس بجانب اذنها :قربي مني ماتبعديش عني مهما حصل
داليا بارتباك :ح.. حاضر
حسام وهو يقبلها من جانب اذنها :وعد
داليا :وعد
حسام :ماشي يلا عشان ناكول
داليا :طب اغسل وشي طيب
حسام :لا دي ماانتي كدا يلا افتحي بوقك يلا،شاطره
داليا وهي تمسك يده :توعدني انك هتكون كويس وهتكمل حياتك حتى لو انا مش موجوده
حسام:اي الكلام اللي انتي بتقولي دا؟
داليا :اوعدني بس
حسام :لا مش هوعدك وبطلي الكلام دا هو في اي؟
داليا :انا ممكن اموت في أي وقت ياحسام مش ضامنه اني ممكن اقعد لليوم التاني والا لا، انا مهدده بالقتل وفي أي وقت ممكن يلاقوني ويقتلوني
حسام وقد شحب وجه وقال بخوف :بس اي اللي انتي بتقولي دا محدش هيقرب منك ولا يعملك حاجه طول منا جنبك صدقيني، متخافيش طول منا جنبك مفهوم؟
داليا :ربنا يستر
بقلمي منه وائل
*************************
في منزل عمار
باكينام :ومن بعدها معرفش راح فين يا عمار
عمار :ماتخافيش يا ماما انا عارف ممكن يكون موجود فين
باكينام :ونبي يا عمار تجيبه وتيجي وحشني اوي
عمار :ماتخافيش يا ماما
انچي :صباح الخير
عمار :صباح النور يا حبيبتي
انچي :ابيه هو انت هتروح لحسام النهارده؟
عمار :اه، اشمعنا؟
انچي :اصل كنت عاوزه اجي معاك
عمار :تيجي معايا ليه؟
انچي :اي يا ابيه انت نسيت والا اي؟
عمار :اه صح طيب انتي جاهزه؟
انچي :اه جاهزه بس لازم نعدي على أحمد الأول
عمار :هو بغض النظر عن اني كدا كدا رايح عشان اجيب أسرار بس اناي عاوزه اي من احمد؟
انچي :اا اا اي يا ابيه ماهو عارف الحاجات دي
عمار :طب يلا يا انچي يلا
باكينام :انتوا بتقولوا اي انا مش فاهمه حاجه
عمار :مفيش ياأمي موضوع كدا المهم عاوزه حاجه يا حبيبتي؟
باكينام :لا يا حبيبي خالي بالكم من نفسكم
عمار :ماشي يا ماما سلام
بقلمي منه وائل
*************************
في دكان الحاج وليد
صبرين :واد يا سعيد
سعيد :نعم يا معلمه
صبرين :هو الحاج حسين فتح الدكان بتاعه والا لسه؟
سعيد :مش عارف يا معلمه بيتهيألي لسه
صبرين :طب اول ما يفتحه يا ولاا تيجي تقولي اوام
سعيد :حاضر يا معلمه
صبرين :امتا بقا كل حاجه هتكون تحت ضرسي
بقلمي منه وائل
*************************
في محطة القطار
سعد :ياعمي اني عاوز اعرف احنا نزلنا مصر ليه انت عرفت مكانها
سليم :لاه يا ولدي لساتني معرفتش مكانها
سعد :طب وانت عرفت منين انها اهنه ما يمكن تكون في بلد تانيه
سليم :لاه يا ولدي هي اهنه وهتشوف
سعد :اني معاك يا عمي في أي حاچه بس نلاجوها
بقلمي منه وائل
*************************
في منزل زين
زين:ياعم انت قوم بقا انت هتفضل نايم انا ابويا مستنين
مراد :روح وانا مستنيك
زين :هو اي اللي مستنيني قوم يالا انت هتيجي معايا
مراد :نعم وانا اجي معاك ليه أن شاء الله هو ابوك والا ابويا انا
زين :مراد ماتستهبلش انت عارف كويس ابويا عاوزني ليه وعامل نفسك مش فاهم
مراد :وانا هعرف منين يعني ماانا زي زيك
زين :لا يا مراد انت على طول عند بابا في الشركه واكيد عارف هو عاوزني ليه
مراد :زين انا اه عند ابوك في الشركه على طول بس انت صاحبي واكيد مش هتفق معاه عليك
زين :ماشي يا مراد يلا قوم خد دش والبس
مراد :حاضر
بقلمي منه وائل
*************************
في منزل عيلة العطارين
جليله :يابنتي بقا ماتتعبنيش معاكي كولي اي لقمه
أسرار:يا ماما خلاص انا شبعت
هدى :خلاص يا ماما ماتضغطيش عليها
جليله :اي الصوت اللي تحت دا؟
هدى :استنوا هشوف، اي دا دا عمار وانچي
أسرار بغيظ :طب وهي اي اللي جابها معاه دي وبعدين ماخلاص هي مش عرفت كل حاجه
جليله :وانتي زعلانه ليه؟
أسرار :ها وانا هزعل ليه يعني، انا بقول يعني هو اي حك وخلاص هي عرفت انه مش اخوها يبقا خلاص كل واحد مع نفسه ماتفضلش لازقه فيه كدا
هدى :دي لابسه طقم حكايه هههه، تحسي ان عمار لايق عليها
، اي دا دي هبه جايه
هبه :صباح الخير يا هدى، صباح الخير يا مرات عمي، صباح الخير يا اسرار
جليله:صباح الخير يا بنتي
هبه :اسرار انتي لسه مالبستيش دا عمار مستعجل وعاوزك
أسرار :ههه مستعجل قوليلي مش رايحه في حته انا داخله انام
جليله :يوه اي اللي انتي بتعملي دا يابت مينفعش ازاي يعني
أسرار :هو كدا مش رايحه في حته. نظر هبه وهدى لبعضهما ثم قانا بالغمز لبعضهما
هبه :براحتك انا بس يعني كان قصدي انك تنزلي معاهم بدل ما يركب هو وانچي لوحدهم
هدى :اه واحتمال ينسوا موضوع انهم زي الأخوات دا ويرتبطوا
هبه :اه وبصراحه انچي زي القمر يعني
أسرار بغيره :انا بقول اروح معاهم اصل هو قالي انه مشوار مهم انا داخله البس
جليله :هههههههه ونبي انتوا عيال سوسه اقنعتوها في ثانيه
هبه :اومال اي يا مرات عمي دا احنا الفرقه ١٦ إجرام
ثم ضربا الاثنان كفهما ببعض
بقلمي منه وائل
*************************
في مضيفة المنزل
حسين :المهم يابني انك تعقلها بدل اللي هي بتعمله دا
عمار :ماتقلقش يا عمي أسرار هترجع زي الاول واحسن كمان
احمد :هو انتوا رايحين فين؟
عمار :هي انچي ما قالتلكش
احمد :لا.
انچي :اي يااحمد انت نسيت والا اي حسام
احمد :اه اه افتكرت
عمار :واستئذنك ياعمي هناخد احمد معانا
حسين :مفيش مشكله يابني بس هو هيعمل اي؟
عمار :محتاجينه في المشوار دا
يوسف :صباح الخير
عمار :صباح الفل يا اخويا اي قتيل نايم عمال ارن عليك من صباحية ربنا ومفيش
يوسف :معلش اصل كنت تعبان من السفر
نظر له حسين يحثه على التحدث
يوسف :اا.. انا كنت عاوز اقول حاجه يعني بخصوص انك موجود يا عمار وعمي معاك
عمار :خير يا يوسف؟
يوسف :انا كنت عاوز اطلب ايد ندى
عمار :ندى اختي انا؟
يوسف :ايوا
عمار :والله انا لو عليا ادهالك وفوقيها بوسه وانا هلاقي أعز منك فين اديهالوا بس خد رأي عمي ورايها هي كمان
حسين :انا موافق وهي هبقا اخد رأيها
عمار :تمم مفيش مشاكل اول ماتقولك رأيها يا عمي بلغني
حسين :ماشي.
دب دب
رامي :انتوا مستنين حد؟
حسين :لا قوم شوف مين
صبرين :يا صباح الهنا ويا صباح الفل متجمعين عند النبي ان شاء الله، اي دا عمار ونبي كبرت يا ولاا وبقيت زي القمر جيت امتا
حسين :اي اللي جابك يا صبرين على الصبح
صبرين :الله بدل ماتقولي اتفضلي اقعدي او اشربي حاجه
أسرار :ملكيش قعاد عندنا ولا شرب واظن ان هنا مش مرحب بيكي انتي ازاي طايقه نفسك مش فاهمه بصراحه
صبرين :شايف يا حاج شايف بنتك مقصوفه الرقبه بتقولي اي؟
أسرار :هي مين دي اللي مقصوفة الرقبه يا وليه انتي انتي اتجننتي
صبرين :وليه، لا لا دا انتي عاوزه تتربى من اول وجديد بقا
أسرار :دا انا اللي هربيكي تعالي يا وليه
عااااااااا، اوعي ايدك دي اااااااه
عمار بصوت عالي :اسراااار
نظرت له أسرار
عمار :اطلعي على فوق
أسرار :نعم؟
عمار :زي ما سمعتي اطلعي على فوق وبعد كدا لما نكون قاعدين ماتفتحيش بوقك
نظرت أسرار لوالدها
هز حسين راسه لها يحثها على سماع الحديث
أسرار :انت بتزعقلي عشان دي، تمم اوي، اي حاجه وقلتهالك تنساها وانا مش هتجوزك يا عمار