👑عيلة العطارين👑
👑الفصل الرابع والعشرون👑
أمسكت الهاتف سريعا ووضعته على اءدنها وقالت بصوت عالي : لا لا ازاي يعني يا فارس ، لا منا خلاص هقدم على جامعه مفتوحه، هههههههههه خطيبي؟
لا عادي يعني دا هو كام شهر وهنطلق كدا كدا احنا مش بنحب بعض يعني
عمار :اي دا هي بتقول اي دي
قام بفتح الباب سريعا ودخل الغرفه
عمار بغضب :انتي بتكلمي مين في التليفون؟
أسرار :طب سلام دلوقتي،
افندم عاوز اي وبعدين انت ازاي تدخل من غير استئذان؟
عمار :بقولك اي انا سؤالي
واضح ماتغيرش في الموضوع مين اللي كنتي بتكلمي دا؟
أسرار :وانت مالك انت بكلم مين واحده صحبتي
عمار :وهي صاحبتك دي
اسمها فارس وصحبتك دي بتقوللها اننا هنطلق بعد الجواز بشهور، افتحي التليفون دا
أسرار :لا انت ملكش
حق انك تاخدي من التليفون ولا تفتش فيه
عمار :لا ليا حق
أسرار :ليه أن شاء الله انت مين يعني؟
عمار :انا هبقا جوزك يا هانم وانتي هتبقى مراتي بتاعتي انا ومحدش هياخدك مني سامعه ومفيش طلاق ولحد اخو الشهر الخط دا
أسرار :اوعي سيب الخط
عمار :اهو مفيش خط انا هجبلك خط بس واقسم بالله لو فيه رقم راجل واحد بس فيه غيري لكون مكسر راسك يا أسرار سامعه
أسرار :لا لا انت اتجننت بقا انت اهبل يالا انت اي اللي عملته دا، مش مشكله الخط في ستين الف داهيه لكن انا محدش يتحكم فيا سامع والا لا
نظر لها عمار بغضب وعينيه تكاد تخرج منها شرار، ثم اقترب منها ووقف أمامها
أسرار بتوتر:اي.... انت عاوز اي؟
عمار وهو يضغط على يديه ببعضهما قائلا بصوت يشبه فحيح الافاعي:انا بس اللي اتحكم فيكي لأنك بتاعتي انا فاهمه والا لا؟
أسرار وصدرها كان يعلو ويهبط من الخوف قائله:ها....فاهمه
عمار :يلا عشان تنامي
أسرار :مش عاوزه انام
عمار :انا قولت يلا عشان تنامي
اسرار:هو كل حاجه غصب اي دا بقا
عمار :بتقولي حاجه؟
أسرار :مابقولش
عمار :طب يلا على السرير
أسرار :امشي طيب وانا هنام
عمار :اه هنفضل نعاند بقا بسم الله
قام برفع أكمام ملابسه من على ساعديه وقام بحملها
أسرار بدهشه:اي اللي بتعمله دا انت عبيط نزلني بقولك نزلني
نظر في عينها لحظات ثم ابتسم ووضعها على الفراش براحه وقام بوضع الغطاء عليها وقال :انا هقدم معاد الفرح مش هستنا لآخر الشهر تصبحي على خير
ثم قام بتقبيل راسها وخرج من الغرفه
نظرت أسرار الي باب الغرفه بصدمه وقالت:دا مجنون، ههههههه بس بيغير ايوا بيغير هيييييييه
بقلمي منه وائل
*************************
في الصباح في المستشفى
حسام :صباح الفل يا قلبي
داليا :صباح النور يا حبيبي
حسام :يلا بقا قومي عشان تاكلي
داليا :مش جعانه
حسام :لا بقولك اي انتي لازم تاكلي يلا
داليا:اقعد بس يا حسام عاوزه اقولك حاجه
حسام :اي يا حبيبتي في أي
داليا :حسام انا الجرعه اللي في جسمك خلاص، مش قادره استحمل
حسام :طب اهدي، عمار جاي وهنروح المستشفى، مش انتي عاوزه تكوني طبيعيه؟
داليا:انا عاوزه اكون طبيعيه النهارده قبل بكرا
حسام:طب اهدي ان شاء الله خير
دب دب
حسام :ادخل
سليم :صباح الخير يا بتي عامله اي دلوك؟
داليا :الحمدلله يا بابا انا كويسه
سليم :انتي هتخرچي الليله مش أجده؟
حسام :اه ان شاء الله بس عمار يجي
سليم :ديه اخوك يا ولدي؟
حسام :ايوا اخويا الكبير والبنوته اللي كانت معاه اختي الصغيره
سليم :ماشاء الله الله اكبر، طب يابتي تخرچي من اهنه بالسلامه ونندلوا على البلد امك اتوحشتك جوي
حسام :ترجع فين، وانا ان شاء الله دي مراتي
سليم :عارف يا ولد اني اجصد تجعدوا يومين معانا وبالمره امها تشوفها
حسام:اه والله ياعمي مفيش مشكله بس يعني بلاش الفتره دي عشان انا تعبان وهعمل عمليه ومحتاج مراتي جنبي
سليم :وه عملية اي ديه ياولدي كفالله الشر؟
حسام :لا ماتقلقش عملية بسيطه كدا في ضهري ماتقلقش
دب دب
حسام :ادخل
عمار :صباح الخير
الجميع :صباح النور
عمار :انا خلصت حساب المستشفى والدكتور كتبلها على خروج
حسام :تمم يلا يا حبيبتي عشان نروح
داليا وهي تنظر لحسام وأهمس له :و بابا
حسام قد فهم ماتريد انا تقوله فتظز لعمار وأشار براسه على الحاج سليم
عمار :اه يا حاج انت هتقعد بقا في شقة حسام على ما العملية بتاعة حسام تخلص
سليم :لاه يا ولدي اني مينفعش اجعد في مصر لحد دلوك اني هنندلوا على البلد نطمن امها وبعدين هعود تاني
داليا:ابقا هات ماما معاك يا بابا أصلها وحشتني اوي
سليم :حاضر يا جلبي
عمار :يلا عشان انچي واحمد برا
حسام :ماشي
........................
انچي :تعرف انا مبسوطه اوي حاسه ان كل حاجه هتكون كويسه يعني بغض النظر عن اللي حصل بس حاسه ان مفيش حاجه اتغيرت ابيه عنار لسه زي ماهو، وحسام هيتعالج واتجوز كمان البنت اللي بيحبها واهو ابيه هيتجوز اسرار وكل حاجه هتكون كويسه
احمد :وانا فرحان انك مبسوطه وعاوزك دايما جدا
نظرت له انچي ثم أمسكت يده وقالت :شكرا اوي على كل حاجه عملتها معايا، انا محدش من صحابي وقف جنبي كدا زي ماانت وقفت جنبي
احمد وهو يأخذ يدها ويقبلها قائلا :يمكن عشان ماحبوكيش قد ماانا بحبك
نظرت له انچي بدهشه ثم سحبت يدها ببطء
عمار :اي مالكم وقفين كدا ليه؟
احمد :مستنينكم
عمار :خلاص هما خارجين اهم
بقلمي منه وائل
************************ في منزل عيلة العطارين وبالتحديد في غرفة هبه
هبه :معرفش بقا يا هدى انا خايفه اروح
هدي:يابنتي هو هيعضك
أسرار :استنى بت انتي، انتي عاوزه تروحي والا لا كلمه وخلاص؟
هبه:بصراحه عاوزه اروح
أسرار :تمم حلو اوي
هبه :بس خايفه اروح
أسرار :يادي النيله، انتي مجنونه يابت؟
هدي:مش بقولك دي هبله
هبه :بصوا انا مش خايفه منه، بس خايفه يوسف يشوفني والا رامي
هدى :لا رامي ماتقلقيش رامي هيحرجني النه....
اسرار:اي اي رامي هيخرجك؟
هدى :ها لا ماقولتش كدا
أسرار وهي تمسك اذناها:انطقي انتوا مخبين عليا حاجات كتير وانا مش بخبي عليكم، انتي في بينك وبين رامي حاجه؟
هدى :اه، انا وهو بنحب بعض
أسرار :وآخرة الحب اي يا ختي
هبه :هيكون اي يعني جواز.،اخرة الحب جواز هيخلص الجامعه ويشتغل ويطلبها بس كدا
أسرار :اه قولتولي، طيب هتلبسي اي انتي دلوقتي
هبه :مش عارفه
هدى :انتي مش عارفه حاجه على طول كدا
أسرار :استنى انا هنقيلك حاجه
هبه :ماقولتلناش صحيح يا أسرار عملتي اي امبارح انتي وعمار؟
أسرار :ها هنكون عملنا اي يعني، هو مدخليش اصلا
هدي:يابت علينا احنا برضو، دا انا شيفاه بعيني وهو داخلك امبارح قولي بقا يلا
هبه :عشان خاطرنا يا أسرار يلا بقا
اسرار:اوف خلاص اسكتوا هقولكم، هو انا عملت اللي احنا اتفقنا عليه وعملت نفسي بتكلم في التليفون واني بكلم زميلي
هدى :زميلك مين يا أسرار هو انتي ليكي زمايل اصلا؟
أسرار :يا متخلفه كدا وكدا، المهم هو سمع دخل متعصب وكان شكله يخوف اوي وسألني بكلم مين وانا بجحت فيه بس هو اتعصب عليا وكسرلي الخط وقالي هجبلك غيره وقالي مفيش راجل يكون في حياتك غيري وكلام من دا يعني
هبه :الله الله هو دا المطلوب
هدى :يس يس
أسرار :ياختي انتي وهي منابنيش من الحوار دا كله الا ان الخط بتاعي اتكسر
هبه :لا ازاي احنا كدا عرفنا انه بيموت عليكي وبيخاف عليكي وبيغير
نظرت لهم أسرار وقالت :بيغير؟
هدى وهبه :بيغير
ههههههههههههههه
ضحكت الفتيات كثيرا، ثم قاموا بالبحث عن فستان لهبه لكي تذهب لرؤية زين، هل ستبدء قصة حب جديده بين زين وهبه ام النصيب له راي اخر
بقلمي منه وائل
*************************
في منزل الحاج وليد
فتحيه وهي تجلس أمام ابنتها وتقول :عاوزه اتكلم معاكي
ندى :اتفضلي يا ماما
فتحيه :انتي ويوسف من امتا مع بعض؟
نظرت لها ندى ولم تفهم ماقالته
ندى :يعني اي؟
فتحيه :اقصد يعني علاقتكم بقالها قد اي؟
ندي بتوتر :ها... يعني سنتين او من ساعة مادخلت الجامعه
فتحيه :ايوا انا قولت كدا انا كنت عارفه مهتم بيكي ورايح وجاي معاكي انا قولت اكيد في حاجه، انتي متأكده ان هو بيحبك؟
ندي :اي اللي بتقولي دا يا ماما
فتحيه :ايوا عشان اللي بيحب حد مايحطهوش في موقف زي دا،اللي بيحب حد عمره مايئذي وهو اذاكي
ندى :لا يا ماما يوسف عمره ما يأذيني، دا اكتر واحد فضل جنبي لما بابا وعماو سبونا، اكتر واحد فضل جنبي في مصايبي وهو اللي جنبي على طول
فتحيه :اخرسي خالص انتي ليكي عين بعد الفضيحه دي، دي فضيحه لولا عمك كان زمانا اتفضحنا
ندى :بس يا ماما بس انتي مش فاهمه حاجه وتعرفي ان يوسف دا اشرف وأطهر انسان هتشوفي في حياتك
تن تن
فتحيه :قومي افتحي الباب
ندى :حاضر
يوسف :وحشتني
ندى :يوسف اي اللي جابك دلوقتي ماما جوا
يوسف :طب و اي يعني انا اصلا جاي عشان عاوز اتكلم معاها
ندى :ما بلاش يا يوسف ماما شكلها مخنوق
يوسف :ماتقلقيش
فتحيه :مين يا ندى
ندى :ها دا.... دا يوسف يا ماما
فتحيه وهي تنظر له باشمئزاز :نعم في حاجه؟
يوسف وهو يذهب إليها َويقبل يدها قائلا :يامرات عمي ارضى عني بقا دا انا هكون جوز بنتك
فتحيه :اوعي كدا اوعي
يوسف :ياأمي اسمعني، انتي امي قبل ماتكوني مرات عمي وقبل ما تكوني ام مراتي ان شاء الله، انتي نسيتي دا انتي اللي مربياني انا وعمار انا ميهونش عليا زعلك
فتحيه بدموع :ماهو علشان انت ابني انا مصدومه، مصدومه فيك بقا انت اللي يطلع منك كل دا، انا لحد دلوقتي مش مصدقه، لا وكمان عملت كدا في اختك صاحبك وعشرة عمرك ليه يا يوسف، دا انا كنت بستنى اليوم اللي تيجي فيه وتطلبها مني، كنت هكون اسعد واحده في الدنيا مكنتش ناويه اديها لخد غيرك
يوسف :وماخدش هياخدها غيري يا أمي، ابوس ايدك سامحني غلطه والله وانا هصلحها
فتحيه :الموضوع مش سهل يا يوسف زي ماانت متخيل، دا شرف يابني ترضاها على اختك
نظر يوسف الي الاسفل ثم رفع راسه وقام بتقبيل راسها وقال :حقك عليا والله، انا عارف اني غلطان حقك عليا بالله عليكي سامحني، وبعدين انتي مش فرحانه اننا هنتجوز، ماتخافيش عليها دي في عينيا
فتحيه :عمري ما خوفت عليها منك يارتني كنت خوفت من زمان على الاقل مكنش حصل اللي حصل
يوسف :يعني انتي برضو مش مسمحاني؟
فتحيه :سيبها بظروفها يا يوسف والايام قادره تصلح كل حاجه
يوسف :البس تشوفي يا أمي ، انا كنت جاي أبلغكم ان عمي قال انه هيعمل فرحي انا وندى مع عمار وطلب مني اجي اخد ندى عشان ننزل نجيب الحاجات بتاعتها
فتحيه :اعملوا اللي انتوا عاوزينوا اهي عندك، امك في البيت؟
يوسف :اه
فتحيه :اوعي اما اروحلها
ندى :انا اسفه اوي انا السبب في كل اللي بيحصل دا، انا لازم اقولهم على الحقيقه
يوسف :ندى بطلي هبل، ماتوقوليش حاجه
ندى :انا مش هينفع اسكت اكتر من كدا انت ملكش ذنب في كل اللي بيحصل دا
يوسف :ممكن تسكتي شويه ويلا عشان تلبسي عشان ماتتاخرش
ندى :بس...
يوسف :قولت يلا
ندى :حاضر
بقلمي منه وائل
*************************
في مستشفى علاج الإدمان
عمار: انا عاوزك تهتم بيهم اكتر يا دكتور وياريت مراحل العلاج ماتطولش
الدكتور:لا ماتقلقش المستشفى هنا فيها عنايه فائقه، وبعدين المراحل مش هتطول لأنهم باين عليهم كانوا لسه في الأول مش بقالهم فتره كبيره متعاطين
عمار :تمم يا دكتور انا بشكرك جدا
الدكتور :لا شكر على واجب يا عمار باشا انا تحت امرك
عمار:الأمر لله
الدكتور:عن اءذنك
انچي وهي تحتضنه :هتوحشني اوي يا حسام
احمد :اي هو مهاجر كلها شهرين أو تلاته وهيبقا زي الفل وهيرحع تاني
داليا :طب هو احنا ينفع نقعد مع بعض في نفس الاوضه؟
احمد :بصي هو مينفعش لان كل مريض وله أوضه لوحده بس احنا ممكن نكلم الدكتور ونتصرف
عمار :اي مالكم؟
انچي:عاوزين يقعدوا في اوضه واحده
عمار :ازاي دا مينفعش كل مريض وله أوضه لوحده
حسام وهو يقترب من عمار:ايوا بس دي مراتي يا عمار وانت فاهم بقا
عمار :ااه هههههه، طب بس قولي انت ازاي تتجوز من ورانا انت عارف امك لو عرفت هتعمل فيك اي
حسام :مش هتعمل حاجه عادي انا اتجوزت يعني مااجرمتش
عمار :اه ياولاا يا زعيم دا انا ماعملتهاش لسه، المهم ان هو مش هينفع عشان أثناء لما يجيلك الحاله سواء انت او هي مش هتقدروا تسيطروا على نفسكم وبعدين ماتقلقش يعني في وقت الدكتور هيخرجكم فيه وتشوفوا بعض
حسام :طيب تمم مفيش مشكله
عمار :يلا بينا احنا بقا عشان ورايا حاجات لازم اعملها
احمد :ماشي يلا
انچي:خالي بالكم من نفسكم، هتوحشني اوي
حسام :وانتي كمان يا حبيبتي هتوحشني اوي
انچي:سلام
بقلمي منه وائل
*************************
في كافيه Frozen
زين وهو ينظر في ساعته :هي اتاخرت ليه بس؟
مراد :قولتلك انها مش هتيجي
زين :لا لا بس انا حاسس انها جايه
مراد :يابني احساسك دا غلط هي مش هتيجي والله
زين وهو يستنشق الهواء :انا شامم ريحتها في الجو ومتاكد انها جايه
هبه :انا اسفه اتاخرت عليك
زين وهو يقف مندهشا :كنت متأكد انك جايه
مراد :احم اذيك يا هبه عامله اي
هبه :الحمدلله
مراد :تمم انا هروح بقا اجيب حاجه عن اءذنكم
زين :اتفضلي اقعدي
هبه :انا اسفه والله
زين :مش مهم المهم انك جيتي
هبه بخجل :كنت عاوز تشوفني ليه بقا
زين :اي وحشتني وعاوز اشوفك اي حرام؟
هبه :ههههه، لا بجد في أي؟
زين :بصي بغض النظر عن الضحكه اللي زي القمر دي بس انتي فعلا وحشتني اوي، وبعدين كنت عاوز اقولك اني بقت معرفش اعدي اليوم من غير مااكلمك يعني اليوم بيكون رخم وانتي مش فيه
هدى بخجل شديد وقد احمرت وجنتاها :ها، ايوا بس يعني
زين وهو يمسك يدها :مابسش انا بحبك يا هبه معرفش امتا وازاي بس انا بحبك واللي شايف انه صح اني مااسبكيش لاني فعلا حبيتك
نظرت له هبه بدهشه شديده ثم سحبت يدها سريعا
زين :اهدي انا عارف اني فجئتك بس َمقدرتش اسكت انا مجرد مع. قعدت معاكي في الرحله وانا حسيت براحه، حكتلك حاجات محدش يعرفها في الدنيا دي غيرك انتي ومراد حسيت انك فعلا قريبه مني اوي
هبه :ايوا بس... ليه انا؟
زين :ليه انتي ازاي يعني مش فاهم؟
هبه :ايوا ليه انا دوناً عن البنات اللي عرفتها في حياتك واللي حرليك، يعني انت لبسي عادي ومحتشم وهما لبسهم حلو وبشعرهم ليه تسبهم هما وتجيلي انا؟
زين :لاني حبيتك انتي، لأن عيني ماشافتش غيرك، لاني مش عاوز حد غيرك، فهمتي؟
هبه :ها.... مش عارفه انا متلغبطه اوي
زين :فكري براحتك وانا مش عاوز حاجه منك كل اللي عاوزوا انك تفكري وبس
مراد :يا نهار اسود دي اي اللي جابها دي دلوقتي، چيچي چيچي استنى بس انتي رايحه فين؟
چيچي:سبني بقولك بقا كدا انا يرفضني عشان دي، دي الجديده صح، هيقعد معاها كام يوم بقا ها؟ والا هو خلاص ساب المودرن وقلب على أسرة نور الحق، اوعي من وشي يا مراد احسنلك
مراد :تعالي بس انا هفهمك
چيچي:هتفهمني اي ها
مراد :دي بنت صاحب ابو زين شريكه في المصانع والشريكات هو بابا زبن طلب منه يوقعها فيه لحد اما نضمن النسبه وبعدين خلاص يعني مش هتفضل معاه
چيچي:انت متأكد من اللي انت بتقوله دا؟
مراد :الا متأكد، ومتأكد اوي كمان، الا قوليلي، صحيح اناي عرفتي ازاي؟
چيچي :انا ليا عين في كل حته يا حبيبي وعرفت بس اقسم بالله لو طلع الكلام غير اللي انت قولته هطربقها على دماغكم بس
مراد :ههههه ربنا يستر
بقلمي منه وائل
*************************
في منزل الحاج حسين
جليله :بت يا أسرار انتي لسه مجهزتيش؟
أسرار :ليه أن شاء الله هروح فين؟
جليله :الله انتي نسيتي والا اي؟ مش عمار جاي عشان ياخدك انتي ويوسف وندى عشان
تجيبوا حاجة الفرح اصل عمار طلب من ابوكي انه يقدم الفرح
يعني هيكون بعد اسبوع كدا هههههه اصل الواد مش قادر يستنا اسبوع كمان هههههههههههه
أسرار :انتي بتضحكي على أي؟ انتوا بتقدموا وتاخروا بمزاجكم وانا اي ماليش راي؟
جليله :وبعدين معاكي بقا ابوكي وافق وخلاص ويلا قومي البسي واخلصي والا هنده على ابوكي يشوفلوا صرفه معاكي بس انا قولت اهو
أسرار :انا تعبت بقا، ماشي انا بقا هعرف اتصرف.
بقلمي منه وائل
*************************
في سياره عمار
انچي :بس تفتكر ياابيه حساك هيستحمل العلاج هو وداليا.
عمار :هيستحملوا طلما هما عاوزين كدا
احمد :ايوا فعلا اهم حاجه الاراده في الموضوع دا
عمار وهو ينظر لأحمد في مرأة السياره:وانت عارف بقا كل حاجه عن الموضوع دا، دا
حتى المستشفى عارفها والدكتور عارفك، اي النظام انت كنت ثوابئ والا اي
احمد :هههههههه يااخي بلاش ظنك الوحش دا، كل الحكايه ان كان فيه واحد زميلنا
حصلت معاه المشكله دي وبس عالجنا وبقا زي الفل وبعدين الدكتور عرفني لاني كنت بروح أزور صاحبس دا كتير
عمار :ااه صاحبك قولتلي ماشي
ترن ترن
عمار :الو، اي انت بتقول اي
:زي ماسمعت اجده ان مابعدتش عن حج ولاد اخوي وعن ولاد اخوي اني هخلص عليك
وعلى عيلتك كليتها سامعني يا عمار
عمار :اه قول كدا بقا، طب اسمع بقا الكلام اللي هقولوا دا وسمع اللي حوليك كويس
، مش عمار العطار اللي يتهدد والفلوس ملكمش فلوس
عندي وولاد اخوك، اخواتي ومش عاوزين يعرفوا عنكم حاجه تاني، انا بقا بالنسبه للفلوس اللي لاوين دراع اخويا بيها فدى
حق اخوكم اللي انتوا ضحكتوا عليه ونزلتوا مصر من غير ولا مليم وانا بقا عارف كويس انتوا بتفكروا في أي، واللي
هيقرب من عيلة العطار او من انچي وحسام هيبقا اخر يوم في عمره وصلت بالسلامه
انچي :في أي يا ابيه
عمار :عنك بيهددني فاكرني عسل صغير هخاف واقوم اديهم الفلوس بسهوله، عنا مايعرفوش هما بيلعبوا مع مين، يلا انزلوا احنا وصلنا
بقلمي منه وائل
*************************
في غرفة أسرار
أسرار :ماشي انا بقا هخليك تندم يا عمار طلما بقا كل حاجه تحكم كدا
دب دب
أسرار :ادخل
هدى :اف اي الريحه دي، هو في فأر مات في الاوضه يا أسرار والا اي
أسرار :معرفش هي ريحتها كدا من الصبح
هدى :لا لا مكنتش كدا اف لا مش قادره هرجع
أسرار :هو برا
هدي وهي تضع يدها على انفها :اه وصل وقاعد مع بابا برا كح كح، يانهار اسود انتي قاعده ازاي ببرود كدا دا انا هفطس
اسرار:اطلعي برا يلا اطلعي، استعنا على الشقا بالله
عمار :هي كل دا بتلبس
حسين :هنعمل اي البنات كلها كدا
عمار :البنات كلها اه لكن أسرار لا دي بتدخل في البنطلون والقميص وخلاص
هدى :هههههههه لا دا كان زمان دلوقتي لا
عمار :لا والله يعني عاوزه تفهمني انها مش لابسه قميص وبنطلون دلوقتي
هدى :ايوا وهتشوف
أسرار :انا جهزت
حسين :يا ساتر يارب اي يابنتي دا كح كح اي الريحه دي
أسرار :في أي يا بابا مالها الريحه
عمار:مالهاش يااسرار، ريحه قمر ريحه عسل، ريحة مايتين
أسرار :والله اذا كان عاجب
عمار وهو يكاد يختنق :كح كح كح، انتي بتحبي العناد اوي، في حد يعمل الجنان دا، ادخلي شيلي القرف اللي انتي حتاه دا والا رشاه انتي مش شما والا اي
أسرار :لا مش شما ومش مهم المهم اللي في دماغي يتخنق
حسين :يابنتي الله يهديكي ادخلي شيلي القرف دا من على جتتك يلا
أسرار وهي تنظر لعمار بتحدي :كفايا عليك كدا مش عاوزاك تموت دلوقتي لسه في أيام جايه كتير
عمار :عليا النعمه بنتك دي مجنونه
حسين :معلش يابني استحملها
عمار :كح كح كح منا مستحمل اه مستحمل اوي، مستحمل خالص
ترن ترن
عمار :طب عن اءذنكم هدخل اتكلم في التليفون في البلكونه
حسين :اه طبعا اتفضل، اختك دي عجيبه
هدى :ربنا يهديها
.............. في البلكونه
عمار :الو، اي اذيك عامله اي؟، وحشتك؟، وانتي كمان َوحشتني، لا انا هنا عند أسرار
عشان رايحين نجيب حاجة الفرح، لا طبعا انتي اللي في القلب بس هو يعني عشان الورث وكدا زي ماقولتلك وعشان
كاتب كل حاجه باسمها، لا مينفعش النهارده خليها يوم تاني معلش، يوم تاني من أوله ان شاء الله ليكي انتي وبس ماشي يا حبيبتي مع السلامه
أسرار :حبيبتك!
عمار بصدمه :اسرار