رواية حكاياتي
الفصل الثالث والعشرون
بقلم عزيزه احمد
قبل خمس شهور
ملك دخلت الكافيه وقعدت علي تربيزه بتطل علي البحر وطلبت القهوه اللي بتحبها وطلعت الكتاب اللي ناويه تقرا ولسه هتفتحوا لقيت الكرسي تحت الترابيزه بتتسحب واحد وراء الثاني بتبص لقيت شابين وبنت شكلهم غريب عليها
ملك: ايه يا اخ منك لها مش واخذين بالكم اني قاعده هنا ونشوف واليكم ترابيزه ثانيه
حياه بصت ليها بنظرات متفحصه وبعدين اتكلمت: احنا عاوزينك في موضوع مهم لازم تفتحي مخك ده معنا علشان تستوعبي اللي هنقوله
ملك: وانتم عاوزين مني اي وانتم مين اصلا
ادم: احنا مين هتعرفي بعدين عاوزين منك ايه دي لازم تقومي معنا علشان تعرفي
ملك: مش هتحرك من مكاني غير ما اعرف انت مين وعاوزين ايه
مالك بهدوء: حاجه تخص احمد اخوكي وما ينفعش نتكلم هنا فاقومي معنا بهدوء كده وبلاش شوشره
ملك: احمد ماله جرى له حاجه
حياه: لاء احمد كويس
ملك: طالما كويس هيكون في اي تاني يخصه
مالك: قولنا ليكي أن الموضوع مهمومينفعش نتكلم هنا ولو يهمك اخوكي بجد تقومي تجي معانا ومش تخافي احنا مش هنأذكي
ملك بتترد: طيب انا هاجي معكم
وام كلهم وطلع بره الكافيه وراحت ملك ركبت معه العربيه زي ما قالوا لها
ملك وحياه لك يا ابو وراء ومالك بيسوق ادم جنبه بدات العربيه بتتحرك في صامت تام من الكل
ملك بتبص للطريق اللي ماشيين منه بتحاول بتعرف وهي رايحه فين من الطريق بس هي ما تعرفش ايه الطريق ده جديد عليها
ملك بتساؤل: هو احنا رايحين فين
ادم: شويه وتعرفي
وبعد شويه وقفت العربيه قدام مبني ضخم ذو مظهر جميلهملك: اي ده احنا فين واي المبني ده
ادم: انزلي وانتي ساكته
ملك بصوت واطي: مالوه ده كتك القرف وانت مز كده
دخلوا المبني وهي مبهوره بيه من جوا ومن العساكر اللي واقفه قدام الباب خدوها ودخلو مكتب ولقت واحد كبير عنده حوالي 50 سنه قاعد علي المكتب
عز الدين:اهلا ي ملك وبعدين وجه كلاموا للكل تعالوا هنقعد في غرفه الاجتماعات
وذهبوا كلهم داخل الغرفه اللي موجوده في مكتب عز الدين وقعدوا وبداء الكلام ملك
ملك: اديني جيت ممكن اعرف انتم مين وانا فين وعاوزين مني اي
عز الدين بهدوء: طيب اهدي كده علشان تستوعبي اللي هنقوله ليكي واحنا مين فا احنا من المخابرات وانتي فين فا انتي في مبني المخابرات
ملك بذهول: مبني المخابرات طيب وعاوزين مني اي انا معملتش حاجه
عز الدين: مش انتي اللي عملتي احمد اللي عمل واحنا عاوزين مساعدتك علشان نقبض عليه
ملك: نعم تقبضوا وعاوزين مساعدتي لي هو عمل اي لده كله
حياه:احمد ارتكب جرايم كتير ومنهم وكملت بالم واضح تهديد وقتل اختي الكبيره حياه لانها كانت بتشتغل صحفيه واكتشفت حقيقة شغل اخوكي في المافيا وكانت عاوزه تفضحه وتنشر كل حاجه في الجرنال اللي بتشتغل فيه وهو هددها ولما لقها مش مهتمه بتهديده ومصممه تفضحه وكملت بالم اكتر من الاول قام ماجر عربيه تضربها اول ما تطلع من الجرنال وقبل ما المقال المكتوب عنه يتنشر بيومين كانت اختي ميته بسببه
ملك: مستحيل كذب اللي قلتيه ده كذب اخويا مستحيل يعمل كده
ادم: لا عمل وعمل اكثر من كده وقت لابويا انا كمان ابويا كان شغال محاسب في شركه بتاعته كان صديق ابوك المهم في يوم كان داخل احمد المكتب والسمع مكالمته مع حد عن صفقه مخدرات كبيره هيدخلوها البلد ابويا دخل وعرفوا انو عرف كل حاجه هيبلغ عنه هددوا هو كمان ولما برده مستجبش لتهديد كمل بالم واضح في صوته اجر ناس تقتلوا وكان يوميها ماما وبابا رايحين مشوار وهم راجعين طلعت ناس عليهم موته وكل ده برده صور احمد وخسرت عالتي بسببب احمد
ملك بذهول من اللي بتسمعه : مستحيل ازاي لا لا احمد مش بيشتغل الشغل ده ولاه لي في القتل
مالك: لا عمل وبيعمل اخوكي بقى مساعد اكبر راس في المافيا
عز الدين: في حاجه كمان يا ملك لازم تعرفيها
ملك: هو لسه في حاجه تاني بعد اللي عرفته ده
عز الدين: اه في اهم حاجتين
ملك: هما اي
عز الدين:احمد مش اخوكي
ملك: نعم ازاي مش اخويا
عز الدين: زي ما بقولك كده هو مش اخوكي هو يبقي ابن خالتك اللي ماتت
ملك: ازي مش فاهمه ازي ابن خالتي وازاي شهادة الميلاد مكتوب فيها اسم بابا
عز الدين: ازي دي هتعرفيها بس مش دلوقتي هتعرفي في الوقت المناسب
ملك: لاء انا عاوزه اعرف دلوقتي فهموني كل حاجه
ادم: زي ما قالك اللواء مش وقته كل حاجه وليها وقتها
عز الدين: الموضوع التاني اللي متعرفيهوش ان مالك يبقي ابن عمتك روقيه
ملك: ازي وهي آخر مره كانت فيها عندنا من ٧ سنين مكنش معها حد ولا قالت ان ليها ابن
مالك: انا اللي طلبت منها متعرفش حد عليا خالص
حياه: المهم دلوقتي هتساعدينا ناخد حقنا وندمره
عز الدين: ونحمي البلاد من شره هو والمافيا
اتنهدت ملك: هساعدكم تخدوا حقكم بس ازي
ادم : هنعرفك الخطه كلها وتمشي معانا فيها بس اهم حاجه السريه التامه
عز الدين: اولا حيا هتتجوز احمد بس مش جواز حقيقي هنجيب حد من رجلتنا ونلبسه لبس ماذون ونعمل كتب كتاب مزور وحياه كمان هكر وهتهكر فون احمد علشان نعرف معاد الشحنه امتا
ملك: طيب ازاي واحمد ميعرفش حياه
حياه: هنا هيجي دور بابا يبقي صاحب بابكي وهو هيتكلم معه عن جوازي انا واحمد
عز الدين مكملا: وادم هيتصاحب علي احمد وهيقرب منو وهيكون اقرب حد لي بحيث ان احمد يقولوا عي كل حاجه
ملك: بس احمد مش بيثق في اي حد بسهولة
ادم: دي شغلتي بقي وانا هتصرف
عز الدين : مالك هيبقي متابع كل تحركته وهيكون زي ضله وهيظهر في الاخر علي انو ابن عمتك بس في اخر ايام قبل تسليم الشحنه الكبيره اللي هتكون بعد 5 شهور من دلوقتي
ملك: طيب انا دوري اي
عز الدين: احنا عاوزين نحاصر احمد من كل لاتجاهات وهنا دورك هيكون في البيت هترقبي تحركته وخصوصا لو جاله مكلمه تبعتي ساعتها رسال لاحياه و هي هتتعامل ومتخافيش يوم الخطوبه روقيه هتكون معاكي وهتساعدك وبعدين حياه هتكون معاكي من بعد الفرح وتساعدوا بعض
ملك: تمام وانا معاكم
عز الدين: تمام كلكم هتبداؤ تنفيذ من دلوقتي معادا حياه هتبداء بعد 3 شهور
الكل: تمام يا فندم ومشيوا
كل واحد راح ينفذ اللي عليه ملك اخذت رقم حياه ومالك بس بدات تنفيذ اللي قالوا عليه
وبعد 3 شهور جيه معاد تنفيذ حياه
في الشركه بتاعه حسين و اكرم
اكرم حسين بيشتغلوا في مكتب حسين
اكرم بهزار :متيجي نجوز العيال ونطور علاقتنا
حسين بفرح: والله كنت عاوز اكلمك في الموضوع
اكرم: انت صدقت انا كنت بهزر وقولت نفصل شويه من الشغل
حسين: وانا بتكلم جد نجوز حياه لاحمد اي رايك
اكرم: هاخد راي حياه وصفيه وارد عليك
حسين: طيب وحاول تقنعها
اكرم: طيب
وحصلت المقابله والخطه كلها تمت وجيه اخر اسبوع
end flashback💞
فاقت ملك من ذاكريتها علي صوت حياه
حياه: بقولك ي ملك معلش هنستني صاحبتي نور اخت ادم
ملك : ي بنتي عادي
حياه: حبيبتي ♥️
✨✨✨✨✨✨✨✨✨
في ڤله حسين
كان قاعد هو و روقيه ومالك ووفاء واحمد دخل واستغرب من مالك لان هو اول مره يشوفوا
احمد: مين ده ي بابا
حسين: ده مالك ابن عمتك
احمد: ازاي واحنا مش سمعنا عنه قبل كده ولاه شوفنا
مالك: اصلي كنت قاعد مع بابا برت مصر ومكنتش بنزل خالص واهو لسه نازل انهارده
احمد: اه حمد الله على سلامتك
مالك: الله يسلمك
احمد وجه كلاموا لحسين : بابا هي حياه جت
حسين: اه جت وراحت مع ملك الكليه
احمد: طيب لما تيجي ابقي ابعتها الاوضه او ابعت حد يعرفني علشان عاوزها في موضوع مهم
حسين: طيب ... اه صح هي هتقعد عند ملك في الاوضه
احمد: لي ي بابا
حسين: ملك بتقول ان هما عندهم مذاكره كتير وهي عاوزه حياه معها علشان يلحقوا يخلصوا المذاكره المتراكمة عليهم اصل الامتحانات قربت
احمد: طيب
كل ده ومالك قاعد بيشيط وعلي اخره من الغيره والغضب وبيفكر يا ترا هيكون عاوزها في أي
✨✨✨✨✨✨✨✨
في الكافيه
كانت حياه وملك قاعدين منتظرين نور
دخلت نور من باب الكافيه وبتدور بعينها عليهم
حياه يتساوى لها فا ملك بتشوفها وبتشاور هي كمان وبتروح عندهم
نور: كلب البحر وحشتني
حياه: انتي اكتر ي جزمه بقي تنزلي مصر من غير ما تقوليلي اجي اخدك من المطار
نور: طب اصبري اسلم علي العسل دي الاول
ملك وهي بتسلم علي نور : انا ملك
نور: ملك حياه حكتلي عنك كتير انا بقي نور بست حياه او نورين واخت ادم
ملك: تشرفت بمعرفتك
نور: لاء فكي كده وعملني علي اني اختك انتي خلاص من النهارده صحبتي
حياه: ي شيخه بطلي كلامك ده اشحال بقالك اربع سنين قاعده في لندن
نور: لندن اي يامه اللي اطبع بطبعها انا لسه بطبعي وكلامي والمصري
حياه : طيب ي ختي خلانه ليكي انتي المصري وبعدين تعالي هنا مش هتهربي مقولتيش ليه انك جايه
نور: كنت عمله ليكم مفاجاه
حياه: طيب ياختي قولتي لامجد وعرفتيه انك هنا
نور: لاء ومش هعرفوا دلوقتي
حياه: بس ده خطيبك ومكتوب كتابكم يعني في حكم جوزك يعني المفروض يعرف
نور: متقوليش جوزي بس
صوت من ورها : امال انا ابقي اي
نور برقت : حياه قوليلي انو مش ورايه وأن مش ده صوته واني بحلم
حياه: لاء وراكي وده صوته ومش بتحلمي وادي قرصه كمان علشان تصدقي
نور: اااه يخربيتك ايدي هتورم
وبعدين لفت وبصت لامجد واتكلمت يهزار: حبيب قلبي وقره عيني وحشتني ي حبيبي
امجد: اه وحشتك بأمرت مش هقوله دلوقتي
نور: مين قال كده بس اكيد حياه هي اللي قالت كده بس انا كنت عمله ليكي مفاجاه ي حبيبي
امجد: اه مفاجاه طيب قومي اوصلك البيت
نور: انا لسه وصله وكنت عاوزه اقعد مع حياه وملك شويه
حياه بتبص في الساعه : مينفعش انا لازم امشي انا وملك دلوقتي
ومشيت حياه وملك
✨✨✨✨✨✨✨✨✨✨✨
في فيلا حسين
دخلت وفاء المطبخ وبصت شويه للخدم وبعدين نادت علي واحده منهم
الخدامه: نعم ي هانم
وفاء: عاوزكي تعمليلي حاجه وتاخدي مبلغ محترم يعيشك ملكه بس مش عاوزه حد يعرف باللي عملتيه
التمعت عيون الخدامه بالطمع: تحت امرك ي هانم
وفاء وهي بتخرج البرشام والفلوس من جيبها: خدي الفلوس دي وهديكي الباقي لما المهمه تتم واعطتها البرشام خدي ده هتحطي منو لحياه برشامتين كل يوم الاكل والشرب وخدي بالك حد يشوفك او يعرف حاجه هقطع رقبتك
الخدامه: متخافيش ي هانم كل هيبقي تمام
وخرجت وفاء من المطبخ واحمد كان مستنيها علي السلم
احمد: اشمعنا دي اللي اخترتيها يعني
وفاء: اولا دي جديده هنا ومتعرفش حاجه مش زي القدام ممكن يقولوا كل جاجه في ثانيه وكمان شكلها طمعه
احمد: طيب اعملي اللي تعمليه المهم حق امي يرجع
وفاء: اكيد هيرجع
وطلعوا علي فوق
دخلت المطبخ ونادت علي الخدامه
...: ها كل حاجه تمام
الخدامه ..........