رواية حكاياتي
*~الفصل العشرين~*
كانت قاعده علي البحر بس في مكان مفيش فيه ناس منعزل بس مش اوي ده مكانها المفضل ..... للطريق...سرحانه ...فيه في عيونها دموع ... دموع حزن بس المره دي مش زي كل مره... المره دي هي حزينه علي الحاله اللي زصلت ليها مع حبيبها ... هي مش متخايله انو ممكن فعلا يسيبها أو ... او يكون زهق منها
حياه بدموع وصوت مسموع : معقول يكون زهق مني ... معقول هيسيبني.... معقول حب السنين دي يروح في لحظه ... طب... طب لي ... هو انا شكلي وحش للدرجه ... ان .. انو يبطل يحبني
حياه حطت ايديها علي وشها و ابتدا عيطها يزيد و هي بتتخيل سيناريوهات كتير اوي عن انو ممكن يسيبها .... او انو هيحب غيرها
مالك كان واقف ورها وسامع كل كلامها ... زعلان علشان زعلاها ...لما عيطت هو حس ان في نخذه في قلبه من وجعها
راح نزل علي ركبه قدامها ومسك ايديها ونزلها من علي وشها وبص ليها واتوجع لما شاف منظرها و هي معيطه
حضن وشها بين ايديه وبداء يمسح دموعها وهو مركز في عيونها
مالك: انا اسف... انا اسف علي كل حاجه اسف اني زعلتك في يوم اسف اني خليت دموعك تنزل اسف اني سبتك تفضلي زعلانه اسف على كل حاجه عملتهاا انا بحبك بحبك اويي مقدرش اعيش من غيرك حولي تتخيلي حياتي من غيرك كده انا اسف اني خليتك تحسي ان ممكن ازهق منك واسف لو حسيتي اني ممكن ابطل احبك انا اسف يا كل حياتي ♥️
حياه بدموع : انا بحبك اوي ي مالك اوعي تسبني انا مقدرش اعيش من غيرك ثانيه واحده
مالك: وانا بعشق ي قلب مالك و عمري ما اسيبك أبدا
قام وقف وخدها في حضنه
حياه حضنته جامد وكانت مبسوطه اوي انو جنبها ومعها وهيفضل علطول معها ومش هيسيبها بس برده لازم تعلموا الادب علشان مايبعدتش عنها تاني
مالك وهو لسه حضنها: ممكن سؤال
حياه: اممم
مالك: سامحتني خلاص
حياه : لاء
مالك طالعها من حضنه وبصلها: نعم ي ختي
حياه ببرود وسخريه: اي مالك ي فهد بيه
مالك: حياه متجننيش واتكلمي عدل
حياه : مالي منا بتكلم عدل اهو
مالك: بت انتي مش كنتي لسه بتعيطي هنا ومتسبنيش و بحبك و كان جو رومانسي اي اللي حصل ورجع جعفر تاني
حياه بستفزاز: لحظه ضعف وبعدين مالو جعفر وبصراحه انا بطني بتوجعني من المحن الزياده
مالك وهو بيشد في شعرو: لحظه ضعف.... محن ..... مالوا جعفر ... انتي عاوزه تجننيني صح
اخد نفس حاول يهدي نفسوا : طب يله علشان اوصلك
حياه: مرسي ي استاذ مالك انا هروح لوحدي
مالك بعصبيه: حياه اركبي العربيه ومش عاوز عند
حياه: بس .....
مالك بغضب: قولت اركبييي
حياه : هدي نفسك ي وحش اوعي تتعصب تاني لاحسن يجيلك شوجر ولاه حاجه
وطلعت تجري من قدموا ورحت ركبت العربيه
مالك بضحك : مجنونه انا متجوز مجنونه
وراح ركب هو كمان وبداء يسوق العربيه
بعد فتره صغيره من الصمت وتفكير حياه
حياه: لو سمحت عاوزه الكبل علشان اشغل اغنيه من فوني
مالك : هتلقيه جنبك
حياه اخدته وفضلت تقلب في الفون شويه وبعدين شغلت اغنيه
الاغنيه😹
انا مش مبينالو انا نويالو علي ايه
مالك بيكلم نفسه: احيه ي مالك ي ابن ام مالك شكلك هتتنفخ
سكته ومستحلفالو مش قيلالو ساكته ليه
مالك: احيه تاني دي مستحلفلي شكلي كده هتسوح
خليه يشوف بعنيه ايه اللي ناويه عليه
مالك: منا شايف متخافيش نيه سوده باذن الله
هخليه يخاف من خيالو لما اغيب يوم عن عنيه
مالك: ده انا هربطتك جنبي بس استني قال تغيب عن عيني قال
كتر خيري اني قابلته واستحملتو ياقلبي زمان
مالك بغيظ: مين اللي مستحمل هااا مين
ييجي عليا واعديها ويسوق فيها معايا كمان
مالك: اه يغلبنه انا اللي باجي عليكي وبسوق فيها
من كتر عمايله بقلو كفايه انا وانت بقينا خلاص
مالك: نعم يختي خلاص اي
للناس سيره ع كل لسااااااااان
مالك: اه كده معلش
هيجيني علشان يراضيني هقول ع عيني منستغناش
مالك: طب وحيات امي لاصلحك مفيش احاجه اسمها منستغناش
وهسيبو يجرب مره عشان تاني مره ميعملهاش
مالك: طب وربنا ما هعملها تاني بس سامحني
وبناقص عند بعند وبعد بعد ونيجي ع بعض خلاص
يارجعنا يامرجعنااااااش
مالك: مش هنبعد علشان نرجع اصلا
انا مش مبيناله انا
انا مش مبيناله انااااااااا
خليه يدور عليا كل شويه وميلاقينيش
خليه يتعب شويه ويحلم بيا وميشوفنيش
مالك: والله بحلم من غير حاجه
مش هجري تاني وراه علشان غلبت معاه
وعن نفسي هعود نفسي من دلوقتي ميوحشنيش
كتر خيري اني قابلته واستحملتو ياقلبي زمان
ييجي عليا واعديها ويسوق فيها معايا كمان
من كتر عمايله بقلو كفايه انا وانت بقينا خلاص
للناس سيره ع كل لسااااااااان
هيجيني علشان يراضيني هقول ع عيني منستغناش
وهسيبو يجرب مره عشان تاني مره ميعملهاش
وبناقص عند بعند وبعد ببعد ونيجي ع بعض خلاص
يارجعنا يامرجعنااااااش
( كل ده مالك بيكلم نفسه )
حياه كانت قاعده وسامعه مالك بيقول اي وكتمه الضحك بالعافيه علشان مش عاوزه تفضح نفسها
اخيرا حياه ومالك وصله تحت بيتها
مالك: حياه حبيبتي انا اسف سامحني ي روحي
حياه : نو بيبي مش مسامحك
ونزلت من العربيه ومشيت من غير ما تخليه بيتكلم
مالك فضل مستني لغيت اما طلعت وبعدين شغل العربيه ومشي هو كمان
مالك: انا عارف هصلحك ازي
مسك الفون وهو سايق واتصل علي ............
✨✨✨✨✨✨✨✨
احمد قاعد في مكتبه لسه باله مشغول وعاوز يعرف مين هما الفهد والنمر والظل ومستني مكلمه من العسكري علي احر من الجمر
قطع تفكيروا الباب وهو بيتفتح هو اتوتر
لقي ادم دخل عليه ومبتسم و قعد قدامه
ادم بنظرات متفحصه: اي يبني مالك
احمد بتنهيده: لا ولاه حاجه بفكر بس في حاجه
ادم: بتفكر في اي مالك احكيلي
احمد: ولاه حاجه بس حياه راجعه البيت بكره وانا مش عارف اتصرف
ادم: يبني عادي مهي المفروض ترجع انت قلقان لي
احمد: المشكلة مش انها ترجع المشكلة اني مش طايقها والمفروض انها هتقعد معايه في نفس الاوضه ومينفعش اعترض علشان اهلي
ادم في سره: يخربيك مالك لو عرف هينفخ امك اكتر مهو ناوي ينفخك
ادم: طب واللي يديك الحل
احمد: اعملوا اللي عاوزه
ادم: مش عاوز منك حاجه المهم انت تكلم حياه وتقولها انها تقول لاهلك انها هتقعد مع ملك في الاوضه علشان امتحاناتهم قربت ومحتاجين يذكروا كويس وكده يعني
احمد: تصدق فكر شكرا ليك ي ادم مكنتش عارف هعمل اي من غيرك
ادم: ولاه هتعمل حاجه المهم عاوزين نركز احنا بقي في الشغل علشان الصفقه الجايه صعبه وهي اللي هتنقل الشركه وهتخليها تكبر وتتشهر اكتر
احمد: صح ... اقولك تعاله ناخد الملفات ونروح لمكتب بابا ونرجعها معه
ادم: طيب يله
وراحوا مكتب حسين بس احمد نسي ياخد الفون بتاعه
عدت نص ساعه
واحمد بره المكتب
تليفونه رن برقم العسكري اللي كان عاوز يكلموا
العسكري رن كذا مره ملقاش رد
وبطل يرن
بعد ساعه ونص كمان
احمد دخل مكتبه لوحده وقعد علي المكتب وخد فونه يشوف فيه اي لقي ان العسكري رن عليه كتير
احمد اتصل بيه لقي الفون مغلق رن هو كمان كذا مره برده الفون مقفول
واخر ما زهق لم حاجاته وراوح
✨✨✨✨✨✨✨✨
ادم دخل الشقه بتاعته لقيها متنضفه
استغرب لان الست اللي بتيجي تنضف اتصلت بيه الصبح و اعتذارت انها مش هتقدر تيجي انهارده
دخل المطبخ لقيه متنضف برده وفي اكل معمول
فتح الحاله ولما شاف الاكل اللي معمول عيونه دمعت وطلع يجري علي قوضتها
هو متاكد انها هي محدش بيعمل الاكل ده غيرها او بمعني اصح هو ماكلش الاكل ده من ساعت ما سفرت
جري علي الاوضه وفتاحها ملقاش حد حزن تاني وطلع من الاوضه وكان لسه هيفتح بابا قوضته لقه الباب اتفتح وطلعت هي نوره اخده في حضنه وفضل يعيط
ادم بدموع: نوري حبيبتي اخيرا رجعتيلي وحشتني اوي ي قلبي ♥️
نور حزينه علي اخوها : وانت كمان وحشتني اوي ي دومي ادني رجعت وهخليك تزهق مني
ادم: زهقني براحتك بس المهم متسبنيش تاني انتي اللي فاضله لي منهم
نور: مش هسيبك تاني خلاص انا هفضل معاك لاخر العمر
وكملت وهي بتطلع من حضنه يله روح غير عقبال ما احضر الغدا
ادم: عيوني ثواني وهكون عندك
ادم دخل قوضه وهو مبسوط انها رجعتله اخته وبنته وانو مش هيعيش لوحده تاني
بعدين افتكر انو شافها طالعه من قوضه وقال اكيد كانت بتنضفها
دخل اخد شور وطلع علشان يلبس فتح الدولاب وثواني وكان بيضرخ باسمها: نوووووووووووو
نور كانت في المطبخ وسمعت وهو بينادي عليها
نور وهي بتلطم علي وشها: احيه... احيه اكيد عرف انا عملت استخبي فين دلوقتي ده هيحدفني من البلكونه
نور كانت بتجري علي قوضتها علشان تستخبي فيها بس ملحقتش لقت اللي مساكها من قفها
نور بتلف براحه : لو حلفتلك اني مش انا مش هتصدقني صح
نور لفت لقت ادم وقف قدامها ولبس بنطلون اسود بيتي و فانله سوده و متعصب
ادم وهو بيهزها : بقي ي مفتريه من اول ما جيتي تعملي كده اعمل فيكي اي هاااا
نور : بطل تهز بس لاحسن انا دوخت منك وبعدين مكنوش ست سبع عشر تيشرتات اللي اخدهم منك علي خمس بناطيل بيت وخمسه خروج وتلات چواكت چينز واتنين سود بس تصدق زوقك احلو عن الاول
ادم : ي مفتريااا ده انتي واخده الهدوم كلها
نور: خسره فيا
ادم: لاء خسره ليا
نور : طب اوعي ي عم نزلني من هنا علشان برستيجي ضاع
ادم وهو بيهزها تاني ومساكها : برستيج اي ي بنادمه براس بخاخه
نور : يعم يلي عمال تهز انت اي ده انا لو ازازت عصير مش هتهزها كده
ادم : يختي يريتك ازازه عصير كنا استفادنه منك حاجه وكمل انا عاوز هدوم ي بت انتي هخرج ازي كده
نور: هو مش انا كرمتك وسبت ليك البدل وكام بيجامه تقعد بيهم عقبال ما تشتري هدوم وبعدين ده غلطك علشان مشترتش ليا هدوم معاك
ادم: تكرمتي عليا في هدومي لاء وكمان ده غلطي وكمل بعد ما سابها امشي من وشي دلوقتي ي نور بدل ما العب في وشك البخت
نور : اهدا ي دومي مش كده ي اخي اعصبك مينفعش
ادم سابها ودخل قوضته وقفل الباب وراه
نور من وره الباب: انت ي اخ انا عاوزه اتغدي مش هتيجي تتغدي معايا ولاه اخلص علي الاكل كله لوحدي
ادم كان في الاوضه بيضحك عليها هو مكنش متعصب للدرجه بس كان وحشه الخناق معها علشان كده راح واتخانق معها
ادم: ياه وحشتني ي نور اوي فداكي هدومي كلها بس تفضلي معايه
وبعدين طلع وخدها في حضنه وراحوا علشان يتغدوا وهما بيضحكوا
✨✨✨✨✨✨✨✨
حياه كانت قاعده بتتكلم مع امجد لغيت ما جتلها مكلمه من مالك
حياه رادت وفتحت الاسبيكر وامجد مازل قاعد
حياه ببرود : عاوز ي استاذ مالك
مالك: انزلي عاوزك انا تحت البيت
حياه : لاء
وقفلت في وشه من غير ما تسمع منو رد
مالك رجع واتصل علي امجد
امجد: بيتصل بيا
حياه : رد وافتح الاسبيكر
امجد فتح عليه
امجد: عاوز اي ي عم
مالك: خالي اختك تنزل وانا عارف انها جنبك وسامعني
حياه : مش عاوزه انزل ي بن......
ولسه مكملتش كلمها لقت صوت واحده بتكلم مالك وبتقول: ملوكي حبيبي عامل اي وحشتني اوي
مالك في باله : احيه اي اللي جابها دي دلوقتي هي كده مش هتسمحني بالتلاته
مالك : الحمدلله ي چيهان انتي عامله ايه
چيهان : الحمدلله اي محدش بيشوفك يعني
مالك: عادي مشغول بقي
چيهان : اه ربنا يعينك وانت هنا بقي بتعمل اي
جت حياه من وراه مالك وراحت بسته من خده : حبيبي معلشي اني اتاخرت عليك
مالك بتوتر: لاء ي حياتي متاخرتيش
حياه ببرود ظاهري عكس النار اللي بتغلي جواها : مش تعرفني علي طنط ولاه اقولك سبني انا اتعرف عليها
ووجهت كلامها لچيهان اللي وقفه في قمت غضبها : ازيك ي طنط احب اعرفك بنفسي انا حياه مرات مالك انتي بقي تبقي مين ي طنط
چيهان مشيت من غير ما ترد عليها لانها كانت متعصبه منها ومحبتش تظهر بصوره وحشه قدام مالك
حياه التفتت لمالك: هااا ي حبيبي كنت عاوزني في اي
مالك مش مصدق انها مش هتكلموا علي چيهان وبداء يقلق منها ومن هدوءها ده: كنت جايبك الشكولات والورده ده و عاوزك نخرج سوي علشان محضرلك مفجأه
حياه اخدت منو الورد والشكولاته
حياه: ثواني ي حبيبي هطلع دول فوق و هغير هدوم واجيلك حالا
مالك : تمام
حياه: اه عاوزك تقف تحت الشباك بتاعي
مالك بشك : لي
حياه : من غير لي اقف ثانيه
مالك: طيب
وراح وقف وحياه خدت الحاجه وطلعت وراحت قوضتها لقت امجد مستنيها
حياه: جهزت اللي قولتلك عليه
امجد: اه هناك في البلكونه
حياه طلعت البلكونه
ولقت امجد محضرلها اللي هي طلبته لفت وقالتله : ده جردل مياه صغير فين الكبير
امجد: حرام الواد هياخد برد كده وبعدين دي مياه ساقعه مش كفايه
حياه: ماشي علشان خطرك هكب عليه الجردل ده بس
وراحت شايله الجردل وبصت لقت مالك وقف وبيبص في الارض راحت دلقه عليه المايه
مالك كان وقف مكان ما قلتله وبيلعب برجليه في حجر في الارض فاجئه لقه مياه ساقعه نزله عليه و........