رواية حكاياتي
&الفصل الرابع عشر&
حياه : الو...
المجهول: عامله ايه دلوقت
حياه: بقيت احسن
المجهول : انا بتصل علشان اعرفك انك لازم تحضري بكره في اجتماع مع الفريق وانتي اهم عضوه ولازم تحضري
حياه: تمام هكون عندك بكره
المجهول : متنسيش انك هتشتغلي مع الفهد والنمر
حياه: وبرده انا مش اي حد انا الظل
المجهول: تمام اشوفك بكره
حياه : تمام
وقفلت حياه مع المجهول وراحت قعدت علي السرير وهي بتفتكر كل حاجه حصلت معها وازاي هي جت هنا بس قطع تفكرها دخول صفيه
صفيه وهي ماسكه في ايديها صانيه الاكل : عامله ايه دلوقت ي حبيبتي
حياه: الحمدلله ي ماما تعبتي نفسك لي وجايبه الاكل لغيت هنا
صفيه: لو مش هتعبلك هتعب لمين
راحت قعدت وحطط الصنيه قدامها
حياه: ربنا يخليكي ليا وميحرمنيش منك ابدا ي ماما
صفيه : ولاه يحرمني منك ابدا
صفيه كانت بتاكل حياه ودخل اكرم عليهم
اكرم: اي ده انا كده هغير
حياه بضحك : اكيد هتغير عليا انا صح
اكرم: اغير عليكي ده اي انا هغير علي حبيبت قلبي وروحي وعمري كله وراح قعد جنب صفيه وخدها في حضنه وكمل انا لو مش هغير عليها وادلعها هعمل كل ده لمين يعني
وكمل بهزار هعملوا ليكي انتي يعني مش مكافكي الاستاذ اللي وصلت بيه يغير عليكي مني ومن اخوكي (ايو اشباب طلع عندها اخ 🙂)
حياه: هو اه غيرته صعبه بس بعشقه هو وغيرته وكملت بحالميه وخصوصا وهو غيران عليا ومتعصب بيبقي شكله حلو اوي
اكرم بتريقه: بيبقي حلو اوي ده بيبقي زي التور الهائج حضرتك وبعدين مسك ودانها وشدها منها وقالها انتي مش مكسوفه وانتي بتتكلمي عليه قدامي كده
حياه: الله ي حج مهو.......
وقطع كلامها وصول رساله علي الفون
اكرم سابها علشان تعرف تشوف في أي لقت ...
مضمون الرساله هو ( بيتكلم في التليفون دلوقتي وكان بيراقب الجو قبل ما يطلع البلكونه )
حياه قرات الرساله وبعدين خدت اللابتوب بتاعها اللي كان جانبها علي السرير وفتحته وقعدت تفتح في برامج وحاجات ومكاملتش ثواني وكان في صوت حد بيتكلم طلع من الجهاز (زي مراقبه مكالمه بين اتنين فاهمني)
كل ده واكرم وصفيه لسه قعدين
فاجئه سمعوا الصوت
المجهول : المعلومات العمليه هتوصلك بكره او بعده بالكتير
احمد: تمام ي بوص
المجهول: خد بالك كويس دي هتكون الصفقه دي مهمه بالنسبه لي واي غلطه هتكون راقبتك التمن
احمد ببرود : مش اول مره اشتغل معاك ده انا دراعك اليمين ي بوس ومعاك من زمان
البوس: تمام استني المعلومات
احمد: تمام
وقفل احمد والمكلمه خلصت وحياه سابت الجهاز من ايديها وبصت قدامها بتفكر في المكلمه ويترا مين البوص وبعدين بصت لابوها بحزن
حياه: انا عرفه ان الموضوع صعب عليك لان ده صاحب عمرك بس ده شغلي
اكرم بحزن علي صحبه : مش زعلان منك انا زعلان عليه هو بس انا مش بايدي حاجه والصح هو اللي لازم يحصل
حياه راحت حضنت ابوها جامد : اوعدك ان كل حاجه هتكون بخير الظل هيحل كل حاجه
✨✨✨✨✨✨✨✨
صباح يوم جديد
حياه كانت وقفه قدام المرايه وبتجهز نفسها
وكانت بتحط اخر حاجه وهي الكحل الاسود اللي محدد عنيها ومبين مده عيونها قد اي حاده وجميله
دخلت عليها صفيه
صفيه: رايحه فين
حياه:منتي عارفه ي صفصف انا رايحه فين
صفيه : طيب وبعدين بصت علي لابس حياه وتسريحه شعرها
صفيه: انتي مش بتغيري اللون ده كل ما بتروحي هناك
حياه كانت لابسه بنطلون جينز اسود وعليه تيشرت اسود وچاكت جلد اسود وكوتش نفس اللون وعمله شعرها الطويل ديل حصان كان
حياه: منتي عارفه صفصف برده اني بحب اللون ده في الشغل
صفيه : شغل اي ده انتي لو رايحه عزا مش هيبقي في كمية السود دي
حياه: خالص بقي ي صافي انا همشي بقي
صفيه: مش هتفطري الاول
حياه: مينفعش هتاخر كده والظل مينفعش يتاخر
صفيه: طيب خدي بالك من نفسك
حياه: تمام يله سلام
صفيه: سلام
✨✨✨✨✨✨✨✨
دخلت المبني بهبتها لانها مش اي حد دي الظل فضلت تمشي في الطرقات لحد ما وصلت لمكتبها دخلت وقعدت عليه شوايه وجيه واحد وقال: اللواء عز الدين عاوز ساعاتك
✨✨✨✨✨✨✨✨
في مكان تاني
اللواء: اكيد انتم عارفين انا اخترتكم لي دي اصعب مهمه وانا حطط ثقتي فيكم وفي الظل
النمر: سؤال واحد هي لي اسمها الظل ولي الاسم ده بالذات ده حتي اسم غريب ومع انها....
اللواء : تقصد انها تخينه شويه يعني بس خفيفه تخنها مكنش عائق أبدا في طريق نجحها واهي ساعت لحد مابقت الظل بالنسبه للاسم فا هو غريب فعلا بس الاسم انطبق عليها لأنها بتقدر تحول شكلها (يقصد بالميكب والاقناعه وكده) وصوتها وتبقي صوره تبق الاصل من اي شخص تقدر تقول ظله وده ساعدها كتير واغلب المهم اللي طلعتها كانت بنجح بسبب كده علشان كده احنا اطلقنا عليها الظل .....