رواية حكاياتي
&الفصل الثامن &
الشهر عدي من غير جديد حياه واحمد مش بيتقبلوا ولاه شافوا بعض من يوم الخطوبه
وكل ما صفيه تسأل حياه تقولها مشغول وتبرر اي حاجه واحمد لسه بيكلم الشخص
المجهول وبيعرفه اي اللي بيحصل في الشركه والكلام اللي بيدور بين حسين واكرم
★٭★٭★٭★٭★٭★٭★٭★٭
عند بطلتنا
كانت حياه قاعده في اوضتها اللي في الفندق وبتبص في المرايه بتتامل نفسها في فستان الفرح اللي كانت في منتهي الجمال فيه كانت شبه الاميرات وبتفكر هل ده هيكون فرح فعلا و يا ترا هتفرح تاني في حياتها ولاه دي هتكون اخر مره تضحك فيها و حاجات كتير بتفكر فيها بس سرحت في كلاموا
#فلاش باك#
قاعده علي الكورنيش في جنب هادي مفيهوش ناس كتير بتتأمل البحر لقت حد قعد جانبها وبيقولها هو انا كل ما اشوفك القيكي سرحانه مفيش مره تكوني مش سرحانه فيها
حياه بصت ليه وقالت: انت تاني هو انت بترقبني ولاه اي
الشخص: ولاه براقبك ولاه حاجه دي صدفه بس اي صدفه جميله اوي
حياه: ما تحترم نفسك ي اخ
الشخص: بصي انا هسكت ليكي المره دي علشان مش عاوز اتخانق معاكي
حياه: لي هو هيكون في مره تانيه يعني دي مجرد صدفه
الشخص: يمكن صدفه بس حاسس ان احنا هنتقابل تاني
حياه: الله اعلم بقي
الشخص قام وقف علشان يمشي بس وقف وقالها كوني قويه واوعي حد يكسرك دي تاني مره اقولها علشان تاخدي بالك
ولف علشان يمشي بس حياه وقفته
حياه: ثانيه واحده
لف ليها الشخص: نعم
حياه: شكرا علي انقاذك لي المره اللي فاتت وشكرا علي نصحتك لي بس ممكن سؤال
الشخص: مش عاوزك تشكرني تاني ......اسألي
حياه: هو انت لي بتقولي خاليكي قويه ومحدش يكسرك
الشخص: هتعرفي بس مش دلوقتي المهم خدي بالك من نفسك
حياه: طب مش هتعرفني اسمك
الشخص: مش دلوقتي برده سلام ي حياه
ومشي وسابها وقفه بتفكر
#اند فلاش باك#
حياه ي حياه ده كان صوت صفيه
حياه: هااا اي ي ماما بتقولي حاجه
صفيه: لاء انتي مش معايا خالص مالك ي بنتي
حياه: ولاه حاجه ي ماما بس متوتره شويه وانتي عارفه ان ده طبيعي عند اي عروسه
صفيه:عندك حق تعالي هنتكلم شويه و افهمك شويه حاجات
حياه: حاضر ي ماما
حياه في سره: ي ترا تبقي مين واي السر اللي هعرفوا ده
وراحت حياه وقعدت مع مامتها واتكلموا وكانوا بيضحكوا وبعد شويه دخلت ملك ووفاء وبقوا قعدين مع بعض بيتكلموا ويضحكوا سوي وبعد شويه دخل اكرم علشان ياخد حياه ويسلمها لعريسها
★٭★٭★٭★٭★٭★٭★٭★٭
عند بطلنا
كان بيلبس ويجهز وجاله اتصال ابتسم وبعدين رد
احمد: ايو
المجهول :.......
احمد: تمام هي دي الخطوه الجايه
المجهول:........
احمد: تمام كل حاجه هتكون تمام
المجهول:.........
احمد: سلام
وقفل احمد وكمل لبس وهو مبسوط ونزل القاعه
★٭★٭★٭★٭★٭★٭★٭★٭
احمد وقف قدام السلم وحياه نزله مع بابها علي السلم وهي بتحاول تبتسم
وصل اكرم بحياه عند احمد وسلمها لي
اكرم: خد بالك منها ي احمد وحطها في عيونك دي اغلي حاجه عندي
احمد: في عيوني يا عمي
وخدها وراحوا قعدوا في الكوشه وبدأوا يستقبلوا التهاني
وبعد فتره طلعوا يرقصوا رقصت العرسان وهما بيرقصوا سمعوا صوت طلقه من مسدس وحياه وقعه في الأرض وغرقنه في دمها والفرح اتقلب و.....
اكرم قاعد جنب حياه علي الارض هو وصفيه وحسين بيتصل بالاسعاف واحمد وقف وساكت
اكرم: حياه قومي ي حبيبتي قومي ومتوجعيش قلبي علكي
صفيه منهاره من العياط ومسكه ايد بنتها
وبعد شويه الاسعاف جم واخدوها المستشفى وكلوا راح وراهم بس مكنوش يعرفوا ان في حد مراقبهم وماشي وراهم
وصلوا المستشفى ودخلوا حياه قوضت العمليات و اكرم وصفيه منهارين دي بنتهم الوحيده