رواية الادهم
الفصل العاشر والحادي عشر والثاني عشر
بقلم اسماء محمد
الفصل العاشر
في صباح يوم جديد
في شركه الادهم
ادهم قاعد وحاطط أيده علي دماغه من الصداع دخلت لميس عليه
لميس بنظرات ذات معني ولابسه لبس اغراء وقربت من ادهم
لميس : ادهم بيه مالك
ادهم : مافيش اعملي قهوه بسرعه
لميس بخبث : بس كده عنيا
لميس راحت تعمل القهوه
مالك دخل علي ادهم
مالك بغضب : انت مجنون يلا في حد يكون انهارده فرحه ويجي الشغل
ادهم : مالك انا اصلا متجوز فكك مني
مالك : في اي يا ادهم مالك ولسه بيقرب منه
ادهم قام من علي المكتب بغضب
مالك بقلق : ادهم مالك يا ابني
ادهم بصوت عالي : مالك ابعد عني احسن للك في الوقت ده دخلت لميس بالقهوه
لميس : القهوه يا ادهم بيه
ادهم جري علي القهوه وبيشربها بهستريا
مالك واقف مستغرب وقلقان ولميس على وشها ابتسامه نصر
فلاااااااااااش باااااااااااااااااااااك
لميس بتعمل القهوه وفونها رن
لميس : امرك يا حمزه بيه
حمزه السيد بغل : انهارده فرح ادهم عايزك تزودي الجرعه شويه وكمان تديه برشام هلوسه وقولي ليه خد ده لما تحس بصداع خده ومليون في الميه هياخده بليل وبعدها بغل هيقتل مراته بنفسه
لميس ابتسمت بشر
باااااااااااااااااااااك
مالك : ادهم انت كويس دي القهوه مولعه ازاي شربتها كده وبص على لميس بشك
ادهم بعد اما شرب القهوه هدي شويه
ادهم : مالك امشي انت دلوقتي وانا هحصلك
مالك : مش همشي غير لما اعرف في اي وبغضب مسك لميس من ايديها
مالك : في اي اتكلمي
لميس بخوف : والله ما اعرف
ادهم بخنقه : مالك سيبها
مالك : ماشي يا ادهم وسابه وخرج
ادهم : معلش يا لميس مالك بس
قاطعته لميس : مافيش حاجه حضرتك اه صح ده برشام صداع ومفعوله حلو اوي وحضرتك اكيد مش هتلاقي حد يعمل القهوه الي بعملها ليك هناك علشان كده ده بديل ليه
ادهم من غير اهتمام خده وحطه في جيبه
ادهم : الغي اي مواعيد لمده شهر
لميس : حاضر يا فندم
وسابها وخرج
لميس بضحك : مع السلامه ادهم بيه
في الصعيد في فيلا الهواري
سناء خبطت علي اوضه احمد
احمد : اتفضل
سناء : كيفك يا ولدي
احمد : بخير يا اما لسه مش جهزتي حالك
سناء بحزن : حاضر يا ولدي كلها دجايج واكون چهزت
احمد : مالك يا اما في اي
سناء بعياط : ابوك عايز يجتل عمك في فرحك ابوك بجى صعب جوي
احمد بصدمه : بتجولي اي يا اما ابوي عايز يجتل عم سعيد طب ليه
سناء : سمعته بيجول علشان واجف في طريجه وعايز يخلص منيه
احمد : هدي نفسك يا اما وانا هتصرف وبهزار وبعدين انتي عايزه تبوظي فرحتي انهارده ولا اي وكمان هنتاخر علي العروسه
سناء : لا يا ولدي هو انا أجدر ابوظ فرح ضنايا
هو ابوك وخالد چاين
احمد بغموض : ايوه چاين
سناء : ماشي يا ولدي
بقلم اسماء محمد
مساء في القاهره في فيلا الادهم
الجنينه بتاعت الفيلا ملئ بالانوار والاغاني والورد وشكل الفيلا جميل جدا
فوق كل واحد في اوضه وقاعدين ومتوترين
في غرفه رهف
رهف لابسه فستان ابيض ضيق من عند الصدر ونازل علي واسع وبحمالات وفيه فصوص الماس وعامله شعرها ديل حصان ولابسه تاج ورد بالابيض وشكلها قمر
الميك اب ارتسيت : بسم الله يبارك الرحمن قمر يا هانم دا حتي انا محطتش ميك اب كتير
رهف بصوت متوتر : تسلمي هما ملك وسالي خلصوا
الميك اب ارتسيت : اه اكيد طبعا
رهف : طب عايزه اروح ليهم ولسه مش خلصت كلام لقت الباب بيخبط وسالي وملك واقفين قدامها
سالي لابسه فستان ابيض وبحاملات بس الحمالات نازله والفستان قصير ومنفوش من تحت وساده
ملك لابسه فستان قب وطويل وصك ومليان فصوص الماس وعامله شعرها كيرلي وحاطه تاج فضي
رهف : واو اي القمرين دول
سالي وملك مصدومين من جمال رهف
سالي وملك بصوت واحد : انتي مين
الميك اب ارتسيت : هههههههههههه مش قلت لحضرتك انتي فعلا مختلفه جدا
رهف بقلق : مرسي
ملك : مالك يا حببتي
رهف بخوف : مش عارفه يا ملك خايفه أن في حاجه وحشه هتحصل
ملك : رهف متخوفنيش عليكي
سالي : في اي انتو مالكوا
رهف : هههههههههههه مافيش حاجه انا كنت بمثل عليكوا
ملك : والله
سالي : خلاص بقا علشان انا خايفه
رهف : والله مافي اطيب ولا احن من احمد وانا متاكده أنه هيحافظ عليكي
سالي ابتسمت بتوتر
الكل واقف تحت وفرحانين ورهف خايفه من عمها حسين وسعيد
احمد جه ليها ومعاه سعيد وأمه سناء
احمد : رهف
رهف بصت ليه بصدمه
سناء بعياط : يا حببتي يا ضنايا اتوحشتك جوي وحضنتها
رهف حضنتها بحب وخوف
سعيد : كيفك يا بتي
رهف خايفه ومش بترد
سعيد : انا عارف انك زعلانه مني صدجيني انا ندمت وعايزك تسامحيني
احمد : رهف عمي سعيد عايزك تسامحيه وبص ليها نظره ذات معني
رهف بقلب طيب وابتسامه : مسمحاك يا عمو
سعيد حضنها : ربنا يخليكي يا بتي
تم كتب كتاب
احمد &سالي
رهف & ادهم لتاني مره
ملك & مالك
وتعالات الزغاريط
مالك بحب : مبروك يا روحي
ملك بابتسامه وخوف وتوتر: الله يبارك فيك
مالك حضنها بحب
بقلم Asmaa Mohamed
سالي واحمد
سالي : ممكن سؤال
احمد بحنيه : اكيد طبعا
سالي : هو انت اتجوزتني ليه علي الرغم اني مش
احمد قاطعها : علشان بحبك
سالي سكتت ومردتش
بعد اذنك هروح لرهف علشان واقفه لوحدها
في الوقت ده ساره جت
ساره : سالي عايزه اعرف في اي وازاي كل ده حصل
احمد : طب بعد اذنكوا وسابهم
سالي : اهدي يا ماما وانا هقولك كل حاجه
احمد : رهف
رهف بصت ليه بفرحه
رهف : الف مبروك يا حبيبي
احمد : الله يبارك فيكي يا حببتي
احمد بقلق : رهف خلي بالك من نفسك
رهف بابتسامه : وانت كمان خلي بالك من سالي دي طيبه اوي ايوه صح عايزه افهم حاجه انت ليه اتجوزت سالي مع انك قلت ليا انك معجب بملك
احمد بابتسامه : ممكن مجاوبش
رهف : براحتك
ادهم واقف علي جنب ودماغه مصدعه
كان في واحد صعيدي واقف ومعاه مسدس وواقف في مكان بعيد عن الأنظار و طلع المسدس وبيصوبه ناحيه سعيد بس فونه رن
الشخص : ايوه يا كبير
حسين : اوعي تجتله دلوجتي سامع
الشخص : بس ليه
حسين بغضب : اسمع اللي جولتلك عليه
الشخص : حاضر يا بيه
بعد مرور اكتر من ساعتين من فرح ورقص وحب ونظرات شر ونظرات حقد وفي نظرات حسد وحب وتمني
انتهي الفرح و كل واحد خد عروسته وراحوا الفندق
خالد واقف قدام الفندق
خالد بغل : خلاص هانت يا ابن السويدي هانت
في غرفه ادهم و رهف
رهف في الحمام بتغير الفستان وادهم دماغه مصدعه وهو مش قادر يستحمل وطلع البرشام وخد منه وشرب مايه
بعد دقايق خرجت رهف وكان مفعول البرشام ابتدى يشتغل مع ادهم
#الفصل_الحادي_عشر
رهف خرجت من الحمام وكان مفعول البرشام اشتغل
ادهم في حاله لا يثري لها
رهف بخوف : في اي يا ادهم مالك
ادهم عيونه ابتدت تحمر بغضب وبيعرق
رهف بخوف : ادهم انت كويس متخوفنيش عليك
ادهم بهلوسه : بحبك يا لميس
رهف بصدمه : نعم
ادهم بيقرب من رهف
رهف بخوف : ادهم في اي
ادهم بدون وعي شاف رهف حمزه السيد ابوه وبغضب
ادهم : انت اي عايز مني اي وقرب من رهف وابتدى يخنقها
رهف مش عارفه تاخد نفسها
رهف : ا....ا...ا...د...ه....م....
رهف بتحاول تبعد عن ادهم بس مافيش فايده وبتضربه علي أيده بغضب
في غرفه ملك ومالك
ملك بتعيط وحاطه ايديها علي قلبها
مالك بخوف : في اي يا حببتي
ملك بعياط : مش عارفه قلبي وجعني اوي هي رهف كويسه
مالك : يا حببتي رهف دلوقتي من ادهم يعني في امان متخافيش عليها وبعدين بقا هنقضي اليوم كله في رهف وادهم تاني
ملك بصت ليه بخوف و كسوف
مالك ابتسم و بحب قرب منها وقبلها قبله مليئه بالحب والحنان
و....................................................
في غرفه احمد
سالي بخوف وتوتر : ا...احم ..احمد
احمد بتفهم : متخافيش انا مش هعمل حاجه انا عارف انك لسه مش خدتي عليا علشان كده هسيبك براحتك لحد ما تيجي بنفسك وتقولي ليا انا جاهز وابتسم
سالي بابتسامه : انت طيب اوي شكرا
احمد بضحك : لا طيب اي انتي لسه مش عارفاني انا صعيدي وحمش اوي اوي ههههههه
سالي ابتسمت
احمد : اي رايك نصلي وبعدها ننام
سالي بكسوف وحطت راسها في الارض : مش بعرف
احمد بصدمه : مش بتعرفي اي معلش
سالي بدموع : مش بعرف اصلي
احمد حسن بكسره نفس اللي سالي حاسه بيها
احمد حب يخفف عنها
احمد : طب اي رايك اعلمك وبهزار بالمره اكسب فيكي ثواب
يلا
سالي بحب : ربنا يخليك ليا
احمد حس انها ابتدت تحبه وحب يضايقها
احمد : وانتي من أهله
سالي واحمد : هههههههههههه
احمد ابتدى يعلم سالي طريقه الوضوء والصلاه
في اوضه ادهم
رهف مش عارفه تبعت عن ادهم وبسرعه لقت فاظه جمبها وبتحاول تمسكها
ادهم بغضب : هقتلك يا حمزه
رهف وصلت للفاظه وبسرعة ضربته علي رأسه ادهم بعد بوجع
ادهم حط أيده علي رأسه : اه
رهف خرجت من الاوضه بسرعه وبعدها جريت وخرجت من الفندق وهي خارجه بخوف وبتجري ماشافتش العربيه وعملت حادثه
خالد كان قدام الفندق مستتني الخطه تكمل بس لقي رهف نزلت وبتجري وبيحاول يلحقها بخوف عليها
خالد شاف عربيه خبطت رهف وشقلبتها ونزلتها علي بطنها ووشها نزل دم
خالد بصوت عالي وبصدمه : راااااااااااااااااهف
بقلم Asmaa Mohamed
في فيلا الدمنهوري
ساره قاعده بتعيط
حازم قلقان عليها من ساعه الفرح
حازم : في اي مالك يا حببتي انتي من وقت فرح كده
ساره بتعيط بكذب : مافيش حاجه اصل ادهم كان قدامي ونفسي لحظه في حضني وحشني اوي
حازم ضمها الي صدره : كل شي هيتصلح بعد شهر العسل بتاعه اوعدك الا صح سالي مش قالت ليكي اي حاجه عن الجوازه الفجاءه دي
سالي بكذب : قالت إنها بتحبه جدا و احمد طلبها من ادهم وادهم قرر أنهم يتجوزا في نفس اليوم
حازم بعدم اقتناع : ماشي هصدق الي انتي قولتيه
ساره بصت ليه بتوتر
ساره : انا هطلع انام ومشيت بسرعه قبل ما حازم يتكلم
حازم : اووووف يا تري مخبيه عليا اي
في صباح يوم جديد
في المستشفى
خالد واقف رايح جاي قدام اوضه العمليات بخوف وقلق
خالد : لا مستحيل دي بقلها اكتر من 7ساعات ومحدش خرج
في الوقت ده الدكتور خرج
خالد بسرعه : في اي اتاخرت كده ليه ورهف عامله اي طمني
الدكتور : الي حصل ليها ده سبب لها ضرر كتير وأوله لاسف الجنين نزل
خالد بصدمه : هي كانت حامل
الدكتور : اه لاسف وأن هي عايشه دلوقتي دي معجزه كبيره جدا
خالد : ط... احم طب هي كويسه
الدكتور : حاليا مقدرش اقولك لان معرفش لما تفوق هيكون في مضاعفات ولا
خالد : طب هي هتفوق امتي
الدكتور : بعد ساعتين أن شاء الله
خالد : شكرا ليك جدا
في الفندق
ادهم نائم علي الأرض والاوضه مدربكه
ادهم بيحاول يقوم وحاطط أيده علي دماغه
ادهم بص حوله واتصدم وخاف جدا علي رهف
ادهم : رهف رهف انتي فين ودخل الحمام
رهف انتي هنا وحط أيده علي رأسه بوجع
ادهم : رهف وبص علي الكرسي الي رهف كانت عليه امبارح وهو بيخنقها
ادهم بيحاول يستجمع الي حصل معاه
ابتدي يفتكر شويه حاجات وأنه حاول يقتل رهف
ادهم بخوف وصدمه : لا مستحيل... رهف ....ايه الي انا عملته ده وبغضب
ادهم : عااااااااااااااا
في اوضه مالك
ملك نايمه علي السرير ومالك نايم جمبها وسمعوا صوت حد بيخبط علي الباب بقوه
مالك قام بقلق وملك هي كمان
ملك دخلت الحمام ومالك فتح الباب
مالك باستغراب : ادهم في اي وانت عامل كده ليه
ادهم بقلق : رهف عندك
مالك : واي الي هيجبها عندي في اي
ادهم سابه وخرج وراح اوضه احمد
احمد كان صاحي وبيبص علي سالي وهي نايمه وسمع صوت الباب بيخبط بقوه
احمد : مين الغبي الي بخبط كده
احمد بقلق : ادهم في اي رهف كويسه
ادهم : هي رهف مش عندك
احمد بص ليه بخوف وقلق
احمد : لا مش عندي وبغضب رهف فين
ادهم بتوهان : معرفش معرفش
(ادهم بقا مدمن مخدرات بسبب المخدر الي بتحطه لميس )
#الفصل_الثاني_عشر
ادهم بتوهان : معرفش معرفش
احمد بغضب اكتر مسكه من باقه قميصه
احمد : يعني اي متعرفش ادهم قسما بالله لو ما قلت رهف فين هقتلك
ادهم مش في وعيه والوقت ده كان مالك جه بقلق ومعاه ملك
ادهم بتوهان ومش عارف هو بيقول اي
ادهم : مش عارف انا لما جيت اقتلها معرفش اي اللي حصل بعدها
مالك وأحمد بصدمه : نعم
احمد بغضب وقلق : نعم يا روح امك تقتل مين
ادهم مش سامع حاجه وحاسس بدوخه وفجاءه اغمي عليه.
مالك : ادهااااااااااااااام
في المستشفى
رهف علي السرير وجهاز القلب بيزيد
خالد كان واقف قدام رهف ولقى الجهاز بيزيد بسرعه
خالد بقلق : رهف رهف
الدكتور جه
الدكتور : بعد اذنك يا استاذ اتفضل بره
خالد بيبص علي رهف بخوف
خالد : هي كويسه
الدكتور : أن شاء الله اتفضل بره
خالد خرج والدكتور ابتدى عمله
في مكان ما
الشخص بغضب : يعني اي اختفت
فارس : والله يا دكتور معرفش هي المفروض تكون مع جوزها بس اللي حصل أن لقيت حد شايل ادهم ونازل بيه وهو مغمي عليه وسالت وعرفت أن مراته اختفت
الدكتور بقلق : انت بتقول اي ادهم مغمى عليه ليه
فارس : معرفش والله يا دكتور
فارس سكت شويه وبعدها اتكلم
فارس : دكتور هو ممكن سؤال
الدكتور : اتفضل
فارس : هو ليه حضرتك عايز تحمي رهف وفي نفس الوقت خايف علي ادهم
الدكتور : خلي الاجابه بتاعت رهف دي شويه لكن ليه خايف علي ادهم اتنهد وقال
الدكتور : علشان ادهم اخويا بالتبني
فارس بصدمه : نعم ادهم اخوك
الدكتور علي : ايوه يا فارس بعد اذنك انا همشي
فارس : تمام يا دوك
في المستشفى
الدكتور خرج
خالد : في اي
الدكتور : ده اثر المضاعفات سبب الحادثه وانا قلت لحضرتك كده ولما تفوق هنعرف اي هي المضاعفات ومع أن شاكك في حاجه بس هستنى لما تفوق احسن
خالد بقلق : هو حضرتك شاكك في اي
الدكتور بطمئنان : الاحسن لما تفوق بعد اذنك
في المستشفى الي فيها ادهم
علي بقلق : في اي وايه الي حصل وادهم ماله
مالك : مش عارف انا مش فاهم حاجه ادهم بيقول أنه حاول يقتل رهف وبعدها اغمى عليه
علي كان لسه هيتكلم الدكتور خرج
علي : خير يا دكتور
الدكتور : المريض الي جوه بيتعاطى مخدرات ومن بدري كمان لدرجه انه بقا إدمان كامل من جميع الجهات يعني ممكن يقتل حد يضرب حد لمجرد بس أنه عايز يتعاطي والي زود ده اكتر التحاليل الي معايا بتقول أنه واخد جرعه كبيره جدا من برشام هلوسه
مالك بشك :طب هو ممكن يعمل ده كله بمزاجه
الدكتور : جايز وممكن لا بس انا لازم أبلغ البوليس لان لو فضل كده هيكون خطر علي الكل
علي : طيب يا دكتور اكيد حضرتك عارفني
الدكتور : عيب عليك ي دكتور علي اكيد طبعا
علي : بتمني بلاش تبلغ البوليس ولو حصل حاجه علي مسئوليتي
الدكتور سكت شويه
الدكتور بابتسامه: تمام يا دوك هو شويه وهيفوق
مالك بخوف : لو حصل حاجه لرهف احمد مش بعيد يقتل ادهم
علي سرحان
مالك : علي ....علي
علي : ها نعم ....بقلك يا مالك هي مين السكرتيرة الي عند ادهم لسه القديمه صح
مالك : لا جبنا واحده تانيه
علي : بجد امتي ده
مالك : من بدري ادهم كان مضايق لأن السكرتيرة الأولي كانت بتخونه وغيرناها بواحده اسمها لميس
علي بغضب : الله يحرقك انت وادهم وسابه و مشي
بقلم Asmaa Mohamed
مر يومان وادهم بلغ البوليس عن اختفاء رهف و احمد مستحلف لادهم وقلقان جدا علي رهف
سالي حاسه بقبضه في قلبها بتروح وتيجي
ملك قاعده منهاره من العياط وخايفه علي رهف
علي شغال علي موضوع لميس الي اختفت فجاءه
الكل متجمع في بيت ادهم والباب خبط
ادهم جري بسرعه علي الباب يفتحه وكان فاكر أنها رهف
ادهم :رهف
بس خاب ظنه وطلع البوليس
احمد قام بسرعه
ادهم : في اي لقتوها
البوليس : ده حضرتك هتحدده كنت بستاذن حضرتك تيجي معانا علشان تتعرف علي الجثه
احمد وادهم بصوت واحد
: نعم جثه مين
البوليس : في جثه لقيناها من اربع ايام وكان السبب حادثه عربيه ويعتبر نفس السن بتاع مدام رهف لو سمحت تعالى معانا
ملك بعياط : مستحيل مستحيل ...رهف كويسه انا متاكده
احمد في توهان هو وادهم
وسالي بتعيط وعلي واقف لا حول ليه ولا قوه
علي في نفسه : لا يا رهف لسه بدري لسه متعرفيش حاجه يارب يارب
البوليس : ادهم بيه سامعني
احمد بغضب وقلق وخوف وتوتر
احمد : انا الي هاجي انا اخوها
ملك بعياط : انا هاجي ومستحيل اقعد ثانيه واحده
وانتهي الحال علي أن الكل يروح حتي سالي
في المستشفى امام غرفه المشرحه
البوليس : ادهم بيه وأستاذ احمد انتو الاتنين اتفضلوا معانا
احمد وادهم ماشين و مش قادرين يمشوا
البوليس : رفع الغطا من علي البنت دي
ادهم كان مدي ظهر ليها بس احمد لا
البوليس : هي دي
في اللحظه دي ادهم حس أن روحه بتطلع
احمد باصص علي البنت و ساكت
ادهم لف وبص علي البنت وساكت بصدمه
البوليس : مالكوا هي ولا مش هي
احمد ماشي بوجع ناحيه الجثه اللي وشها كان فيها جروح مكان الحادث
احمد بدموع وتوتر : ر.....رهف