الانتقام من الاب
البارت ال 22 و23
بقلم اسماء زيدان
شهد قلبها حن لمراد ولحالته اللى وصل إليها و
شهد:هسامحك لو ولادك سامحوك وانت اعترفت بيهم
مراد بدهشه:ولادى انتى منزلتيش الجنين
شهد:مقدرتش انزله
مراد بحسره:طب هما فين
شهد شاورت بأيدها ورا مراد:واحد منهم وراك
مراد نظر مكان ماهى شاورت وبصدمه:دا ابنى
شهد بدموع:وليك بنت كمان تؤامه
مراد:كانو تؤام
شهد: ايوا دا معاذ وميار ف المانيا قررت تكمل حياتها هناك
مراد بينظر لمعاذ بصدمه وشر:دا مستحيل يكون ابنى مفيش ابن بيعمل ف أبوه كدا
شهد بعصبيه:بطل افترى وظلم بقا عملك اى هو مستخسر حتى بعد ماولادك كبرو ومتعبتش ف تربيتهم مستخسر تعترف بيهم
هنا اتكلم معاذ وقال ببرود: والله إحنا اللى ميشرفناش اب زى دا
مراد بغضب:واما انا مشرفكش مالك ببسنت بتقرب منها عشان تقرب منى و تعتدى عليها ليه وتجيبها فيا
معاذ ببرود: مراتى وانا حر فيها
مراد بغضب اكبر:ودى بنتى ومش هسمحلك تأذيها
معاذ باستفزاز:بنت مين دا جدها لاقك فالشارع والراجل من اصله وكرمه اخدك ورباك يعني احنا منعرفش لك عيله واصل من فصل
مراد:لا ليا يابن شهد
معاذ:انا راجل متنادليش باسمى امى فاهم
مراد:هههههه لا شاطر
معاذ بصوت جهورى:غصب عنك وحاسب على كلامك احسن ارجعك مكان ماجبتك واسيبك تقضى عمرك هناك
مراد:وتفتكر بسنت هتصدق انى اعمل فيها كدا
معاذ بسخريه:لا هى مش لسه هتفتكر هى صدقت خلاص
مراد بصدمه وهجم على معاذ:انت طلعتلى منين سيب بنتى ف حالها ملهاش زنب وخليك انت جنب امك
معاذ بعد مراد عنه:امممممم ماهو لازم اخليها تسامحك حتى لو وصلتك لحبل المشنقه
شهد قلبها دق لحب عمرها وقالت بصوت عالى: معاااااذ عيب تكلم ابوك بالطريقه دى وتمشى حالا تتنازل عن المحضر وتسيب بنته وسيبه ف حاله
معاذ:انتى بتقولى اى ياماما
شهد بغضب:اللى سمعته
معاذ:انتى اكيد مش ف وعيك دلوقتى انا مستحيل اتنازل عن المحضر وبعدين متقوليش ابوك انا مليش اب
شهد بغضب قربت من معاذ وضربته بالقلم:انت بتتهمنى بالجنون يامحترم وكمان بتقول ملكش اب امال حضرتك واقف كدا وموجود فالدنيا دى ازاى ياخسارة تربيتى فيك وتعبى
معاذ بغضب وصوت يهز ارجاء الفيلا:ايوا مليش اب ومتقوليش ابوك دى تانى الاب مش اللى بيخلف ويكون سبب انى موجود الاب هو اللى بيعلم ويربى وينصح ويشاركك حزنك وفرحك يروح معاك المدرسه ويهتم بيك وبمظهرك يكون صديقك الاول ومعلمك الاول مش سبب انى موجود وبس يا امى
شهد بغضب:غصب عنك هيفضل ابوك
معاذ:ابويا وابويا كان فين لما احتاجه فالمدرسه كان يبقا كل الولاد معاها ابهاتهم وانا يأما لوحدى يأما انتى معايا وبعد ماتمشى يستهزأو بيا فين ابويا لما اصحابى يسألونى انت ابوك فين وانا معرفش حاجه عنه فين ابويا لما احتاج اشترى لبس والاقى كل ولد معاه ابوه وانا معايا امى ارجوكى متقوليش ابوك
وسابهم وجرى على اوضته
شهد نظرت لمراد بحسره وغضب:ارتحت كدا يامرااااد عملتلك اى عشان من 20 سنه تكسرنى وتدبحنى ودلوقتي جاى تضيع ابنى منى من فضلك أمشى من هنا مش عايزه اشوف وشك خالص اختفى من حياتى بقا
مراد:قبل ما امشى احب اتكلم مع معتز بيه ووسطكم هنا
معتز باستغراب:فى اى تانى مش كفايه لحد كدا
مراد بصوت جهورى:لا مش كفايه فاكر الطفل اللى اخدته من حضن امه عشان كان بيصرخ ويعيط وعملك ازعاج فاكر اخدته من حضن امه ازاى ورميته فالشارع
معتز بهروب:انت بتقول اى
مراد:بقول اللى سمعته الطفل دا هو انا بعدتنى عن حضن امى وبسببك اختى انتحرت وبسببك امى عاشت وحيده فالدنيا دى والحزن والقهر وجع قلبها
معتز بتذكر: مستحيل يعني انت ابن ا ا ابن نج
مراد قطع كلامه:ايوووا بالظبط كدا ابن نجيه الداده بتاعت حضرتك
رعد جحظت عيونه بصدمه وفهم ليه نجيه عايزه تقتله
معتز بغضب:وعايز اى يعنى حقك وحق اختك اظن انك اخدته من اختى وزى مانا بعدتك عن امك بعدت اختى عنى برضوا وزى ماختك انتحرت بسببى اختى انا كمان بتموت بالبطيئ بسببك يعني خلصنا بقا
مراد:لا مخلصناش يابن الدمنهوري لازم الكل يعرف اختى انتحرت ليه اللى كانت بتشتغل سكرتيره عندك انتحرت عشان حضرتك اعتديت عليها ومكفكش كدا لا صورتها وهددتها لو اتكلمت فديوهاتها تنزل ف كل المواقع طول عمرك حيوان وشهوتك مسيطره عليك حتى لما اكتشفت حقيقة مراتك مقدرتش تبعد عنها
معتز بغضب: اطلع بره احسنلك يابن نجيه احسن اخليهم يطلعوك على ضهرك بررره
مراد ببرود:قبل ماطلع خلى ابن اختك يبعد عن بسنت ويطلقها سامعين ابعدو ابنكم عن بسنت بسنت دى خط احمر وانا بغلتكم ومن غير سلام
وتركهم وغادر الفيلا
مراد خرج ومعتز دخل اوضة المكتب وقفل الباب بغضب اهتزت الفيلا على صوته وشهد وقعت على الأرض من كثرة البكاء ومروه ومايا حضنوها وكل وحده بتبكى برضوا وباقى البنات كل واحده دخلت اوضتها ورعد وسيف راحو الجنينه
سيف قاعد جنب رعد:مالك يارعد
رعد بخنقه والم: مفيش ياسيف مالى هو
سيف:حاسس انك زعلان ومضايق من حاجه
رعد: والدنيا دى فيها اى يفرح
سيف:اى يابنى الحزن دا كبر دماغك كدا واضحك وفك واعمل للدنيا بلوك مفيش حاجه تستاهل زعلك بالطريقه دى وكل الامور هتتحل بس انت استعين بالله وادعى يبقى جنبك وسندك وانك متبعدش عن طريقه
رعد:ياااااه ياسيف كلامك جميل
سيف:دا مش كلامى دا كلام ربنا وماما قالتهولى الدنيا دى اهون من ان الواحد يزعل على حاجه فيها عارف ليه لان ربنا قال انك ميت وانهم ميتون وكمان قال كل من عليها فان عارف يعني اى يعنى اللى انت زعلان بسببه وعشانه دا هيروح مش هيفضل وانت كمان هتروح مفيش حد هيخلد فالارض الدنيا دى من اسمها كدا دنيئه يوم عليك ويوم معاك مبتقدركش وتسلب منك الفرح اهدى كدا وقوم صلى
رعد:بجد كلامك ريحنى اوى يا سيف بس هصلى اى دلوقتى
سيف: ركعتين لله كدا عادى اسمهم ركعتين الضحى تعالى نصلى سوى
رعد:يلا
#بقلم_اسماء_زيدان
وجاء الليل بدون احداث تذكر
فى اوضة معاذ فاتح احدى البرامج على اللاب توب وبيشتغل بتركيز جامد جدا وبعد وقت من شغله ابتسم ومسك فونه واتصل على بسنت وانتظر الرد
بسنت: الووو يامعاذ
معاذ:ايوا ياحبيبتى عامله اى
بسنت:بموت وتعبانه اوى
معاذ: متقوليش كدا انا جنبك ومش هسيبك
بسنت: خلاص انا ضعت ومفيش حاجه فالدنيا دى تفرحنى ولا تريحنى
معاذ بملل:اخص عليك امال انا لازمتى اى اياك تقولى كدا طول مانا موجود فاهمه
بسنت: ربنا ميحرمنيش منك ياحبيبى المهم عامل اى
معاذ: كويس كنت عايز اشوفك بكره اى رأيك تيجى الكليه بكره
بسنت: لا لا انا مش عايزه اخرج من البيت بعد اللى حصل دا
معاذ: والله ازعل منك انا من ساعة ماتجوزنا وسبتك نايمه فالشقه مشوفتكيش ووحشتينى اوى بجد
بسنت بدموع:ياريتك ماسبتنى نايمه ياريتك
معاذ:مانا عايزك تيجى بكره الكليه عشان اوريكى حاجه وحقك يرجعلك
بسنت:هتورينى اى
معاذ:هتعرفى بكره مستنيك يلا تصبحى على خير
بسنت:ماشى وانت من اهله
__________________
فوق سطح الفيلا واقف ارسلان مع ايام و
ايام:سمعت اللى قاله مراد
ارسلان:ايوا سمعت وكمان اتسجل بالحرف
ايام:تمام كدا هانت اوى وهيعرف مصيره اى
ارسلان:ان شاء الله ربنا معانا
ايام:يارب يلا بقا هنزل انام تصبح على خير
ولسه هتمشى وارسلان مسك ايدها:استنى عايزك ف موضوع
ايام:اى تانى
ارسلان:عايز اتجوز
ايام:افندم
ارسلان:بجد زهقت عايز اتجوز
ايام برفع حاجب:وانا مالى متتجوز حد مانعك
ارسلان بغيظ:وحياة امك
ايام بضحك:هههه تصبح على خير ياسوسو
وطلعت تجرى على اوضتها
ارسلان بيجرى وراها:خدى يابت هنا سوسو اى افتحى الباب
ايام من ورا الباب:اششششش يلا على اوضتك
ارسلان:ماااشى مصيرك تقعى
ومشى على اوضته
-------------------------------
واشرقت الأرض بنور ربها
واستيقظ معاذ ونزل لاقى الجميع موجود عالسفره ومن غير اى كلمه خرج وقفه صوت شهد :تعالى افطر يامعاذ
معاذ بسخريه:متشكر يامدام شهد
وسابهم وخرج ركب عربيته وانطلق عالجامعه وانتظر وصول بسنت وبعد وقت وصلت
معاذ وهو بيحضنها:عامله اى ياقلبى
بسنت بدموع:بموت انا بفكر انتحر يامعاذ
معاذ:اياك تعملى كدا عايزه تموتينى بالحياه
بسنت:مانا خلاص معدتش حاجه تفرق معايا هعيش ليه
معاذ:لو مسكتيش هزعل منك وتعالى نقعد ف مكان عشان عايز اوريكى حاجه مهمه
بسنت:ماشى
وقعدو فى احدى الاماكن داخل الجامعه
بسنت:هاا فى اى بقا
معاذ خرج فونه وادهوله وقالها:شوفى كدا
بسنت فتحت الفون وكادت عيناها تخرج من مكانها من شدة الصدمه و......
الانتقام من الاب
البارت ال 23
بسنت فتحت فون معاذ وشافت فيديو ليها ومراد بيعتدى عليها ودموعها عارفه طريقها وبتهز رأسها بصدمه
بسنت بختناق من الدموع:لا لا مستحيل
معاذ بابتسامة اخفائها بجداره:اى اللى لا ومستحيل ماهو قدامك اهو انا المفروض اقتله
بسنت سابت الفون وطلعت تجرى خبطت ف صديقتها
ايمان:اى بسنت فى اى مالك
بسنت اترمت ف حضنها وبتعيط بصوت عالى:انا بموت يا ايمان
ايمان وهى بتمرر ايدها على ظهرها:اهدى ياحبيبتى بعد الشر عليكى مالك
بسنت طلعت من حضنها ومسحت دموعها بعنف وبجمود: انا لازم اقتله الواطى الندل اللى مطمرش فيه الجميل
ايمان بعدم فهم:مين دا
بسنت سابتها ومشيت وايمان بتنادى عليها:بسنت بسنت استنى فهمينى فيه اى
بسنت مردتش عليها ووقفت تاكسى وطلعت على شقتهم وايمان وقفت تاكسى تانى ومشيت وراها
وصلت بسنت الشقه وفتحتها لاقت رحمه فالصاله بتذاكر
رحمه باستغراب:مالك يابسنت فى اى ورجعتى بدرى ليه
بسنت بجمود:ملكيش دعوه فين ابوكى
رحمه:بابا فالمستشفى مالك فى اى
بسنت قربت منها بشر:قولتلك ملكيش دعوه واتصلى بابوكى دلوقتى حالا خليه يجى
رحمه:طب فى اى فهمينى
بسنت مسكتها من دراعها جامد:قولتلك اتصلى ولما يجى هتعرفى
رحمه بألم:اااه اااه حاضر
بسنت:يلا اخلصى
اتصلت رحمه على مراد و
مراد:ايوا يارحمه ياحبيبتى فى حاجه
رحمه:مش عارفه يابابا بسنت رجعت من الكليه وبتعيط وعايزه حضرتك
مراد:حاضر انا جاى اهو
(روح لقضاك ياشملول 😒😂)
رحمه قفلت الفون وقالت:اهو هو جاى علطول
بسنت:تمام عايزاك بقا زى الشاطره كدا تروحى تجبيلى برشام صداع من الصيدليه اللى جنب كليتى
رحمه باستغراب:واشمعنى الصيدليه دى اجبلك من تحت وخلاص
بسنت:لا الصيدليه دى علاجها نضيف والبرشام دا بيعمل مفعول بس قولى للصيدلى البرشام اللى بسنت بتاخدى يلا روحى الصداع هيموتنى
رحمه: حاضر هغير هدومى
بسنت:ماشى بسرعه
بعد دقائق جهزت رحمه ونزلت اخدت تاكسى وايمان نزلت من التاكسى وطلعت شقة بسنت ورنت الجرس وبسنت فتحت بسرعه اعتقادا انه مراد لكن لاقت ايمان
بسنت:اى يا ايمان فى اى
ايمان:انا مش هسيبك لوحدى لازم تفهمينى مالك
بسنت بجمود:انا كويسه مفيش حاجه
ايمان:وكنتى بتعيطى ليه اما هو كويسه ارجوكى قوليلى مالك
بسنت:بعد اذنك يا ايمان امشى دلوقتى عايزه انام
ايمان حست بالاحراج:طيب ماشى انا اسفه
لم تهتم بسنت وايمان مشيت وهى خارجه من العماره قابلت مراد
ايمان:ازى حضرتك يا انكل
مراد: الحمدلله يابنتى وانتى
ايمان:انا كويسه بس ارجوك خلى بالك من بسنت واعرف هى مالها واتكلم معاها
مراد بدا يقلق:حاضر ياحبيبتى عن اذنك هطلعلها
ايمان: اتفضل حضرتك وارجوك تطمنى
مراد:ماشى
مراد طلع الشقه و ايمان رجعت الجامعه تانى وقابلت معاذ و
معاذ:مشوفتيش بسنت
ايمان:رجعت البيت
معاذ: متعرفيش ليه طيب
ايمان:هى كانت منهاره جدا وبتقول لازم اقتله الواطى الندل مش عارفه بقا هى تقصد مين
معاذ فتح عيونه بصدمه:ايه كانت بتقول كدا
ايمان:ايوا
معاذ:طب ممكن تدينى عنوان بيتهم
ايمان: بمناسبة اى
معاذ بملل:انا وبسنت مرتبطين ولازم اهديها هى محتجانى فالوقت دا
ايمان:اه ماشى العنوان.......
معاذ: تمام شكراً
واخد عربيته وانطلق على شقة بسنت
#بقلم_اسماء_زيدان
مراد وصل الشقه وفتح الباب و
مراد: بسنت ياحبيبتى فينك
خرجت بسنت من المطبخ و
بسنت:اهلا وسهلا بيك يامراد بيه جيت ف وقتك مظبوط
مراد بعدم فهم قرب منها:مالك ياحبيبتى فى اى
بسنت دفعته بعيد عنها وبغضب وصوت عالى:فى اى عايز تعرف فى اى فى انك واحد واطى وزباله ومطمرش فيك جدى اللى جابك من الشارع ورباك وعلمك وخلاك دكتور وانت عملت اى فالاخر اعتديت على حفيدته واعتديت على بنت اللى كان معتبرك اخوه ياحقير
مراد بصدمه:بسنت انا معملتش كدا انتى بنتى فى اب يعمل كدا
بسنت بغضب:انا مش بنتك لو كنت بنتك مكنتش قربتلى
مراد:صدقينى انا مقربتش ليكى معاذ هو اللى عامل كل دا عايز ينتقم منى
بسنت بصوت عالى:بطل كدب بقا معاذ ميعرفكش اصلا عشان ينتقم منك
مراد:صدقى كلامى انا مستحيل اعمل معاك كدا ولا حتى دخلت الاوضه اللى كنتى نايمه فيها وسبتك براحتك
بسنت:اه عشان لما اصحى تكون انت بعيد ومشكش فيك بس انت غلطان وانا عرفت انك انت السبب وانا لازم اقتلك ياكلب
وطلعت سكينه من ورا ضهرها ورفعتها ف وش مراد
مراد بصدمه وتحذير:بسنت اهدى انتى فاهمه غلط والله ماقربتلك دانا اللى مربيكى مستحيل اعمل كدا
بسنت: خلاص معدتش فى هدوء ومش هرتاح غير لما اقتلك
ورفعت السكينه ونزلت على صدر مراد بس مراد رجع لورا ومجتش فيه لكن للاسف الكنبه كانت ورا مراد وقع عليها وف لحظها كانت بسنت نزلت بالسكينه ف صدره
مراد بألم حط ايده مكان الضربه:بكره تعرفى الحقيقه وتعرفى معاذ على حقيقته ووقتها متمناش انك تحسى بالندم
بسنت اتعصبت من كلام مراد ضربته كمان بالسكينه ف بطنه:موت بقا مش عايزه اسمع صوتك
مراد صرخ بألم:ااااه هتندمى يابسنت بس وقتها الندم مش هينفعك
وغمض عيونه والسكينه وقعت من بسنت وهى اتحركت ببطئ وفتحت الباب ونزلت تجرى وهى بتجرى خبطت ف شخص لاقته معاذ حضنته جامد وعيطت
معاذ:اهدى ياحبيبتى فى اى
بسنت بتعيط بصوت عالى:قتلته قتلته يامعاذ انا قتلته
معاذ بصدمه:قتلتى مين
بسنت بتصرخ:مراااد انا قتلته
معاذ:ليه عملتى كدا ليه
وسابها ولسه هيطلع يشوف مراد هى مسكت ايده اوعى تطلعى احسن البوليس يجى ويخدوك انت يلا نمشى من هنا بسرعه وشدت ايده وخرجو بره العماره ومعاذ متأثر لكن مش زعلان علي ابوه
بعد دقائق رجعت رحمه وفتحت الباب واول ماوقعت عينها وقعت على مراد
رحمه بصريخ:بابااااا
جريت جنبه ومسكت ايده:ب بابا رد عليا باباااااا ارجوك متسبنيش لوحدى بابااااا
وقامت تانى تدور وتصرخ على بسنت:بسنت انتى فين تعالى شوفى بابا حد ضربه بسنت انتى فييييين
وصرخت:بسنت
رجعت تانى جنب مراد وبدموع وصريخ: يابابا فوق عشان خاطرى متسبنيش لوحدى يا بابااااااا حرام عليك هتسبنى لمين اصحى
وتصرخ:باباااااا
وبعدها اتحسست نبض مراد لاقت فيه نبض ضعيف اوى مسحت دموعها بفرحه وقامت مسكت الفون وطلبت الاسعاف ورجعت جنب مراد
رحمه: عشان خاطرى يابابا اتمسك بالدنيا شوى عشانى انا مليش حد غيرك
وبعد وقت جات الاسعاف واخدو مراد على المستشفى ورحمه ركبت معاه
#بقلم_اسماء_زيدان
معاذ اخد بسنت وراح الفيلا عندهم ودخل كان موجود العيله كلها ماعدا معتز وسليم و
معاذ: ادخلى يابسنت
بسنت دخلت بإحراج وشهد قامت وقفت و
شهد:مين دى يامعاذ
معاذ:مراتى يامدام شهد
شهد:بنت مراد
معاذ:مسمهاش بنت مراد اسمها مراتى
مروه ادخلت: طب ماهى كدا يعتبر اختك وكدا حرام
معاذ ضحك:لا ياطنط مش اختى مراد بس رباها لكن هو مش ابوها
شهد ضحكت بأستهزاء:اممممم شكل نسيت كلامك يامعاااااذ
معاذ:كلام اى
شهد:ان الاب مش هو اللى بيخلف هو اللى بيعلم ويربى
معاذ بذكاء:عندك حق وانا لسه عندى كلام ومراد ولا ربانى ولا علمنى يعنى مش ابويا برضوا ودى مراتى
ومسك ايد بسنت وطلع اوضته
ايام نظرت لارسلان نظرات هو فهمها وباقى العيله مستغربين
_______________________
عند مراد وصل المستشفى بس للاسف كانت روحه فارقت الحياة دخلوه المستشفى بسرعه ورحمه ماسكه ايده ودخل غرفة العمليات وهى هتدخل معاه لكن الدكتور وقفها
الدكتور:مش هينفع تدخلى اقفى هنا
رحمه بدموع:ارجوك يادكتور انا معرفش حد غير بابا انقذه ونبى
الدكتور: حاضر خليكى بقا هنا عشان انقذه
رحمه مسحت دموعها:حاضر اهو
الدكتور دخل وقفل باب العمليات
________________________
عند ايام وأرسلان وجنى قاعدين فالجنينه
جنى:هو احنا هنخلص امتى
ارسلان:اى زهقتى مننا
ايام بغيظ خبطت ارسلان فى دراعه وجنى ابتسمت جامد
جنى:لا بس صحابى وحشونى
ايام بتفهم: خلاص ياحبيبتى هانت انتى هتظهرى النهارده لمعتز وتاخديه وراك على المكان اللى اتفقنا عليه
جنى: حاضر عن اذنكم هنام بقا شوى
ارسلان بابتسامة: نوم الهنا يا جون
جنى ابتسم ومشيت و
ايام بغيظ:ماتروح تنيمها احسن
ارسلان بيكتم الضحك:تصدقى فكره عن اذنك بقا
ولسه هيقوم ايام مسكته من دراعه بقوه
ايام:اترزع هنا نامت عليك حيطه احترم نفسك
ارسلان: والله انا محترم بس اعمل اى بقا مش قادر وانتى مش مديانى فرصه اتف حتى ف وشك
ايام: ارسلاااااااان اتلم
ارسلان:طب هاتى بوسه
ايام:نعم ياخويا
ارسلان:كتك خوت انا همشى احسن اشوف القمر اللى فوق دا
وقام وايام بغيظ مسكت تراب من الجنينه ورمت على شعره ووشه وطلعت تجرى
ارسلان بغضب:يابنت المجنونه والله ليكى يوم لاوريكى فيه
ودخل الفيلا
#بقلم_اسماء_زيدان
فالمستشفى خرج الدكتور من اوضة مراد بعد ربع ساعة وعلى وجه علامات الاسف والحزن على صديقه ومعلمه رحمه شافته جريت عنده و
رحمه:هااا يادكتور بابا كويس صح بدام خرجت بسرعه يبقا هو كويس صح شكرا يادكتور بجد بشكرك عايزه اشوفه بقا
وسابت الدكتور وهتدخل الاوضه لكن الدكتور مسك ايدها و
الدكتور:اهدى للاسف الدكتور مراد جه متأخر وكان م وكان مفهوش نفس يعنى م مات للاسف
رحمه بصريخ ودموع:لااااا انت كداب بابا مش هيسبنى اوعى سبنى اشوفه
الدكتور ماسك رحمه جامد وهى بتصرخ:باباااا متسبنيش لوحدى مليش غيرك يابابااااا فوق ونبى انا بخاف اقعد فالشقه لوحدى اصحى ونبى سبنى اخلى يفوق سبونى بابااااا متسبنيش ارجوك مليش حد هنا بابااااا هعمل اى من غيرك يابابااااااا
كل دا والدكتور ماسكها او بمعنى اصح حاضنها وهى بتصرخ لحد ما فقدت وعيها والدكتور شالها ودخلها اوضه
وبدأو ف تجهيز الدفنه وبعد مده فاقت رحمه وحضرت الدفنه ودفنو مراد وهى رجعت الشقه لوحدها ودخلت اوضة مراد ونامت مكانه عالسرير وبدأت تعيط وتصرخ
رحمه بعياط:ليه ليه سبتنى ليه هعمل اى من غيرك هعيش مع مين دانا بخاف انام لوحدى ليه يابابا متمسكتش بالدنيا عشانى ليه حتى بسنت معرفش راحت فين
وبدأت تعيط جامد
خلص اليوم وبسنت بتعيط ف اوضة معاذ ومعاذ بيحاول يهديها لحد مانامت ونزل للعشا والعيله اكلت بصمت كل شخص بيفكر فاللى هيحصل اى
قبل الفجر بساعتين دخل شخص اوضة معتز ووقف بجانب السرير وبدأ يعمل اى حركه عشان معتز يصحى بدأ يفتح الدرج ويقفله لحد ما معتز صحى فعلاً وهه بدأ يمشى خارج الاوضه ومعتز لمحه و
معتز:مايا انتى رايحه فين دلوقتي
مفيش رد والشخص مكمل ف طريقه معتز نظر بجانبه وجد مايا نايمه
معتز:طب مايا نايمه اهى امال مين كان هنا وخرج
قام بسرعه ومشى ورا الشخص دا وشافه خارج من الفيلا خرج وراه والشخص ركب عربيه ومشى معتز ركب هو كمان عربيته ومشى وراه و.....