#حافيه_القدمين
الفصل الرابع والخامس
بقلم ياسمين علاء الدين
👑أستغفر الله العظيم واتوب اليه 👑
جاسم رجع البيت بليل . وسال رقيه علي صبا
رقيه : قالتلي هتطلع تغير وتنزل بس منزلتش تاني.
جاسم بقلق: مطلعتيش ليه تشوفيها
رقيه : اصل بصراحه خفت
جاسم ضحك . وحط ايده علي خده : ليكي حق .
رقيه : اجهز لحضرتك العشا
جاسم: مش دلوقتي.
طلع جاسم غرفته وابدل ملابسه. راح لاوضه صبا وخبط علي الباب كذا مره. وهي مردتش. قلق عليها وفتح الباب.
كانت نايمه. ووشها عرقان. قرب من السرير. ولمس جبينها كانت حرارتها عاليه .
جاسم : صبا. صبااا
صبا بتعب : ايه
جاسم : انتي سخنه اوي.
صبا: لا ..اخرج بره
جاسم خرج اتصل بالدكتور. وبعدين رجع اوضتها كانت بتترعش من السخونيه وجسمها بيتنفض... شالها ودخلها
الحمام.
صبا: ابعد بقي
جاسم : ممكن تسكتي شويه. انتي مولعه
صبا: هتعمل ايه
جاسم فتح الدش. ووقف بيها تحت الدش وهو حاضنها عشان متقعش . جسمها اتنفض اول اما المياه جت عليها
صبا بتترعش وسنانها بتخبط في بعض.
جاسم حاضنها : المايه هتنزل الحراره لحد اما الدكتور يجي
نظرت له صبا فلم تعتاد عليه بهذه الطيبه .
جاسم جمع شعرها للخلف. لانه كان ملتصق بوجهها.
صبا: خلاص. بقي
جاسم : خليكي هنا متتحركيش . اقعدي علي البانيو
قعدت صبا علي حرف البانيو وهي بتترعش
خرح جاسم وجاب فوطه كبيره وابتدا يقلعها.
صبا: انت اتجننت.
جاسم : هدومك مبلوله .
صبا: ملكش دعوه
جاسم : صبا سبيني اساعدك
صبا: انت الوحيد اللي مش عايزه منك مساعده
جاسم : انتي ليه مش عايزه تصدقي اني اتغيرت. وندمت ع كل اللي عملته
صبا : وانت ليه مش عايز تصدق اني بكرهك
تركها جاسم وخرج بره . وهي تحاملت علي نفسها وابدلت ملابسها .
بعد وقت وصل الدكتور كان جاسم غير هدومه وطلع معاه. خبط علي الاوضه كانت صبا نايمه. .دخل الاول
جاسم : صبا. صبا
صبا : اووف. عايز ايه
جاسم : الدكتور بره
صبا اتنهدت : مش عايزه دكتور
جاسم تركها . وراح فتح الباب دخل الدكتور وفحص صبا
وكتب علي العلاج . وانتظر حتي ان وصل العلاج ..
الدكتور ماسك الحقنه
الدكتور: عندك نزله شعبيه جامده في صدرك ولو محافظتيش علي نفسك هتقلب بالتهاب حاد
صبا نظرت للدكتور بلا مباله. جاسم : انا هتصرف معاها
دكتور: لازم تخدي حقنه دلوقتي
صبا: حقنه ايه
جاسم : اديها.
صبا: انت مالك
جاسم : بيقولك هتدخلي في التهاب حاد
صبا: ان شاء الله انت
جاسم : شكرا
الدكتور كان متابع الحوار ومش فاهم حاجه : هي دي مراتك
جاسم : اه
صبا: للاسف
جاسم : السخونيه اثرت علي دماغها
صبا: سخونيه اما تلحس نفوخك
الدكتور: الحقنه لازم تاخدها حالا عشان متتعبش اكتر
جاسم : همسكها وانت اديهالها.
صبا : انت عايز تضرب تاني صح
الدكتور بص لوش جاسم. جاسم : انت هتصدق .
جاسم كتف ايديها جامد والدكتور ادها الابره.
وهي حاولت تفك نفسها من ايده . بس عشان تعبانه مقدرتش عليه . وكمان جاسم اقوي منها بكتير.
هو بيسبها تمرمط فيه عشان هو غلط فيها كتير ودمرها
خلص الدكتور و جاسم سبها. وهي فضلت تشتم فيه.
خرج الدكتور من عندها : ربنا يكون في عونك.
اما جاسم فكان قاعد مع صبا وهي بتشتم فيه
جاسم : خلاص . ايه بلاعه واتفتحت
صبا: امشي من وشي يا جاسم ..
جاسم : همشي. بس اشربي عصير عشان الدوا
صبا: ملكش دعوه .
جاسم :ليا يا صبا.
صبا بتعب : اخرج بره .. مسكت صدرها. من الالم والمجهود اللي عملته
جاسم : ارتاحي وانا هخرج حاضر.
خرج جاسم وهي نامت من التعب. ومحستش بنفسها غير تاني يوم. كان جاسم نايم علي الكرسي اللي جنب السرير .
مسكت كوبايه المياه اللي جنبها وحدفتها في وشه 😠
قام جاسم بعصبيه و بصلها بغضب. وهي ابتسمت ببرود
جاسم : في حد يصحي حد كده
صبا: انا.
جاسم بصلها بغضب. وخرج من الاوضه وقفل الباب بقوه
دخل الي غرفته وابدل ملابسه ...
جاسم : رقيه . رقيه
رقيه : نعم
جاسم : اعملي شوربه لصبا وطلعيها وخليها تاخد الدوا
رقيه: هحاول
جاسم : رقيه
رقيه: والله انت عارفها كويس. وانا مش مستغنيه عن عمري
جاسم : اسمعي الكلام وخلاص
رقيه : حاضر.
خرج جاسم الي الشركه . ورقيه عملت الشوربه وطلعت لصبا. اللي كانت قامت من علي السرير وبتلبس
رقيه : يا لهووي. انتي بتعملي ايه
صبا: انتي مش شايفه
رقيه: يامدام انتي لسه تعبانه . استريحي حتي انهارده
صبا: لا
رقيه: اشربي الشوربه .وخدي العلاج.
صبا: سبيها هنا
خرجت رقيه بعد ان تركت الشوربه.
خالد اتصل بصبا .. صبا : الو
خالد : صبا . عامله ايه
صبا : الحمد لله. وانت
خالد : الحمد لله. ايه اخبارك مع جاسم
صبا: مفيش بطلع عينه والغريبه انه ساكت
خالد : يمكن يكون ندمان. اطلبي الطلاق وارجعي يا صبا
صبا: مش دلوقتي.
خالد : انا خايف عليكي
صبا: متخفش انا كويسه
خالد : صوتك تعبان
صبا: عندي نزله
خالد : صبا. حرام عليكي. نفسك
صبا: انا كويسه يا خالد متقلقش
خالد : مفيش فايده فيكي
صبا: اخبار الجيم ايه
خالد : ماشي تمام . وكابتن هبه متابعه معايا
صبا: هبه. قولتي بقي
خالد : ه في ايه
صبا: مش عارف في ايه بجد
خالد : لا مش عارف. انا شايف انها كويسه.
صبا: انا عارفه انها كويسه . بس انت مش ملاحظ حاجه تاني
خالد : حاجه زي ايه
صبا: اووف. انتم الرجاله اغبيه اوي
خالد : عايزه تقولي ايه
صبا: هبه بتحبك
خالد : لا
صبا:انا واثقه في كده
خالد : بس انتي عارفه انا بحب مين
صبا: هقفل انا دلوقتي يا خالد
خالد : طيب.. خلي بالك من نفسك
قفلت صبا مع خالد . ونزلت علي المكتب تدور علي ورق الصفقه. وملقتش الملف
صبا: اكيد في الشركه.
صبا كانت هتخرج. بس حاست بتعب جامد طلعت تاني وخدت الدوا. وقعدت علي اللاب. . لحد اما نامت
#حافيه_القدمين
بارت٥
👑أستغفر الله العظيم واتوب اليه 👑
جاسم دخل غرفه صبا يطمن عليها كانت نايمه. جلس بجانبها وهو يتاملها.
كانت رقيقه زي النسمه . وهو بايده وبعنفه اللي حولها لانسانه معندهاش مشاعر و بتتعامل بعنف
صبا تملمت في الفراش وفتحت عينيها. لتجده امامها.
صبا: انت بتعمل ايه هنا
جاسم : بطمن عليكي . عامله ايه
صبا: احسن منك ومن اهلك
جاسم : اكيد
صبا: ها
جاسم : صبا. مفيش امل نصلح علاقتنا
صبا: هه . مستحيل
جاسم: حتي المستحيل مع الوقت بيكون ممكن
صبا: انسي يا جاسم
جاسم : انا بحبك
صبا: انا بكرهك
خرج من اوضتها ومن البيت كله. وهو مش طايق نفسه الكلمه دي بتخليه يكره نفسه
رجع البيت متاخر .. وطلع علي اوضته .
مر اسبوع وجاسم طول الوقت بيعتذر لصبا.
صبا صحتها اتحسنت. نزلت تلعب في النادي ملاكمه .
والمدرب نظم ماتش بينها وبين بنت تاني. وصبا اتغلبت عليها. .
المدرب: تدخلي بطوله مصر
صبا : هدخل البطوله الدوليه
المدرب : لازم تكسبي الاول وتكوني اول جمهوريه
صبا: هكسب
المدرب : البطوله هتبتدي اخر الاسبوع. وانا هسجل اسمك
صبا: تمام . المسابقه هتقعد قد ايه
المدرب : شهر
صبا: اوك .
خرجت صبا من النادي . وجاسم جاله تليفون انها كانت في النادي . . طبعا متابع اخباره لانه مخلي واحد بيرقبها 😒
رجعت البيت ودخلت خدت شاور. وجابت مرهم الكادمات وبتحاول تدهن كتفها .
جاسم وصل وفتح الباب عليها كانت لابسه
بادي كب وشورت وواقفه حافيه .. بصلها واتصدم من منظرها. كانت مثيره
صبا: متحلمش كتير
جاسم بتوتر : ااحلم بايه
صبا: باللي فكرت فيه
جاسم بصلها اوي. وبعدين بص علي كتفها.
جاسم : كتفك ازرق كده ليه
صبا: وانت مالك
نفخ جاسم وقرب منها خد المرهم من ايديها.
صبا: عايز ايه . انا مليش مزاج اتخانق
جاسم: انتي كنتي فين
حط المرهم علي كتفها وتاوهت بالم .
صبا: وانت مالك
جاسم: انا جوزك.
صبا: هه .
جاسم: عارف انك كنتي بعيد وبتعملي اللي انتي عايزاه ومحدش بيسالك ع حاجه .. بس انا واثق في اخلاقك انك مش بتعملي غلط
صبا: ده لانك . انت كرهتني في صنف الرجاله كلهم
جاسم عينه علي ضهرها و ايده بتلامس بشرتها ومش مركز في كلامها.
صبا لفت ليه وزقته : فوق لنفسك
مسك ايديها وقرب عليها وبهمس : فوقيني انتي .
صبا: بكرهك . ومش هخليك تلمسني.
جاسر نفخ بضيق وخرج من البيت. كله وهو هيتجنن منها .
صبا: في داهيه.
البطوله ابتدت وصبا طول الوقت بتتمرن في النادي.
واي ماتش بتلعبه بتكسب فيه وابتدي اسمها يتشهر.
عد الشهر وكسبت البطوله للملاكمه ..
المدرب : في بطوله دوليه في فرنسا . كمان شهر
صبا: سجل اسمي. هلعب باسم مصر
المدرب : تمام .
لسه هتخرج من النادي كان جاسم قدمها واقف ع العربيه وساند جسمه عليها .
صبا وقفت شويه وكملت طريقها لعربيتها . بس رجعت تاني ومسك المفتاح وجرحت عربيته. .
وهو واقف باصصلها وايده في جيبه
صبا بصتله بتحدي .
جاسم : تسلم ايدك .
صبا: تحب اكمل في وشك
جاسم : احب اوي
رفعت حاجبها . . ولسه هتتكلم كان في صوت واحد بينادي عليها .
لفت باستغراب. كان خالد
خالد : صبااا.
صبا : خالد.
خالد : مبروك.
صبا: الله يبارك فيك
خالد : عرفت ان انهارده النهائي واتفرجت ع الماتش كنتي جامده
جاسم : والله العظيم كانت جامده
خالد : مين ده
صبا: متشغلش بالك . تعال نحتفل
خالد : تمام . بس انا اللي عازمك
جاسم مسك ايدها وعينه احمرت وعروقه بارزت .
جاسم : انتي رايحه فين
خالد : ايدك لتوحشك
جاسم ضربه بوكس في وشه .. وخالد وقع في الارض.
صبا:خالد .. انت مجنون
جاسم : مين ده يا هانم
صبا: ده صديقي يا غبي
جاسم : صديقي. ليلتك سودا. انتي كده زودتيها اوي. انتي كنتي بتصحبي رجاله ..
صبا لسه هتتكلم بس كان خالد ضرب جاسم مره ورا مره في وشه وهو مش واخد باله وبيكلم صبا
صبا بعدت خالد وهي بتصوت والناس اتلمت
صبا: خالد بس.(شاورت علي العربيه) اركب العربيه وانا جايه.
خالد بصله بغضب. صبا: خالد. امشي
فتح العربيه وركب فيها منتظر صبا .
جاسم قام من ع الارض.: والله لاقتله
صبا: جاسم. خالد ده اللي بيدير الجيم بتاعي . ويكون
صديقي مش اكتر من كده . وانت الاول اللي ابتديت وضربته
جاسم : مش هنتكلم هنا. لينا بيت . قدامي
صبا : ارجع البيت. وانا اما اخلص هرجع .
جاسم مسك ايديها وهي بصت علي ايده وكشرت
نزل ايده من عليها. جاسم : صبا انا بحاول اتحكم في اعصابي معاكي . متزودهاش
مشيت بلا مبالاه وركبت مع خالد وسابته واقف هيتجنن.
جاسم اتصل بالراجل اللي بيراقب صبا وقاله يفضل وراها
وصلو لمطعم ودخلت مع خالد قعدت علي ترابيزه
خالد بصلها كتير : جاسم بيحبك
صبا: اشمعانه
خالد : بيغير عليكي وباين عليه الغيره.
صبا: انت كنت عارف انه جاسم
خالد : اه كنت عارف انه جوزك . بس ضربته عشان اللي عمله فيكي
صبا ضحكت .. خالد : يستاهل. وكنت هعمل اكتر من كده. بس انتي اللي وقفتيني
صبا: سيبك منه. قولي ايه اخبار الجيم.
خالد : كل حاجه تمام . و بحط المكسب في حسابك
صبا: مش بتكلم عن كده وانت عارف
خالد : بتتكلمي عن ايه
صبا: هبه
خالد : طلع عندك حق .
صبا: قالتلك انها بتحبك
خالد : اه.
صبا: وانت
خالد سكت : انتي عارفه
صبا: خالد بجد انت صديقي . واقرب واحد ليا . انا حاسه اني مش هعرف ادخل في علاقه تاني.
خالد : انا هستناكي
صبا: هكون انانيه لو واقفتك علي اللي انت بتعمله. ادي نفسك فرصه وقرب من هبه. يمكن تحبها
خالد : صبا . انتي بتقولي ايه
صبا: خالد انا لا اصلح للحب .
خالد : بس انا بحبك
صبا: ادي لنفسك فرصه وعيش حياتك .
خالد سكت.
صبا طلبت الاكل . وكلت هي وخالد واتكلمو وبعدين مشي
اما هي فرجعت البيت كان جاسم قاعد في اوضتها منتظرها والدنيا ضلمه فتحت النور واتفاجات بيه
صبا :انت قاعد كده ليه
جاسم : صاحبك مشي
صبا: انت شايف ايه
جاسم : شايف انك مبقتيش زي الاول. حتي اخلاقك
صبا رزعته قلم علي وشه. . وهو كان لسه هيمد ايده عليها.
رفع ايده وهي وقفت قدامه بتحدي . . نزل ايده تاني وخرج من البيت لانه قرر مايتعملش معاها بعنف تاني.
سمعت صوت العربيه بتتحرك بسرعه.