#حافيه_القدمين
بقلم ياسمين علاء الدين
👑أستغفر الله العظيم ..عدد ما كان.. وعدد ما يكون ..وعدد الحركات.. وعدد السكون 👑
صحي جاسم الاول كانت هي نايمه علي صدره .. ابتسم وحضنها. واول اما حس انها هتصحي غمض عينه بسرعه
صبا صحيت . وانتبهت للوضع .قامت بسرعه ودخلت الحمام . جاسم ضحك عليها.
وقام خرج من الاوضه دخل المطبخ يجهز الفطار كتغير. او يمكن تحن عليه .
خرجت صبا ودخلت اوضه ادهم حضنته وهو نايم وفضلت ترخم عليه لحد اما صحي
صبا: صباح النور. يا قلبي
ادهم : صباح النور يا مامي
ادهم قام يدخل الحمام وهي خرجت كان جاسم حضر الاكل علي السفره.
صبا: صباح الخير
جاسم فرح : صباح الفل
صبا سكتت. وادهم خرج وباس جاسم وصبا وقاعدو فطرو مع بعض. ..
بعد الفطار.
ادهم : احنا مش هنرجع مصر
صبا بصت لجاسم .. جاسم : انا ومامي كنا بنفكر انك تكمل تعليم هنا
ادهم وقف وهو زعلان : انتم وعدتوني
صبا: حبيبي. انا هقعد معاك.
ادهم : وبابي
جاسم بص لصبا عشان تتراجع عن قرارها.
صبا: بابي عنده شغل في مصر.
ادهم : لا. مش موافق
صبا: ادهم.
ادهم : لا
جاسم : انا مش هسيبك كل فتره هاجي زي اما كنت بعمل وانت في المدرسه
ادهم بدموع: بس انت قولتلي ان اول اما مامي ترجع هنعيش مع بعض
جاسم: ادهم
جري ادهم وهو بيعيط علي اوضته. وصبا وقفت وهي بصه لجاسم بكره
صبا: انت السبب. سودت حياتي. كرهتني فيها. ودلوقتي عايز تقرر ده مع ابني. بس انا مش هسمحالك
جاسم اتعصب : قولتلك انا غلطت وندمان . انتي مش بتحسي . ده ربنا بيغفر الذنوب. كلنا بنغلط
صبا: ربنا غفور رحيم. وانت معملتش اي حسنه ليه تخليني اسامحك.
جاسم : عشان ابنك . انا اتغيرت. مش طالب اكتر من فرصه. ولو حسيتي اني متغيرتش. هننفصل بهدوء
صبا: مفيش فرص. طلقني.
جاسم دخل اوضته لبس ونزل بسرعه وهي كانت قاعده
خبطت علي باب ادهم بس هو كان قافل من جوه ومش راضي يفتح. . صبا نفخت وقعدت. وهي مش عارفه تتصرف ازاي. مش قادره تسامح جاسم. وفي نفس الوقت ابنها بيضغط عليها
بعد وقت جاسم رجع وكان شكله غني عن الكلام تعبان وحزين ومخنوق كذا حاجه مع بعض.
دخل الاوضه من غير كلام. صبا قاعده لوحدها مش عرافه تعمل ايه. الليل ليل وادهم حابس نفسه في الاوضه . وجاسم في اوضه . د
صبا دخلت لجاسم: ادهم مش راضي يخرج
جاسم : هكلمه وهحاول معاه .
صبا: اوك
جاسم : صبا
صبا : نعم .
جاسم : انا موافق اني هطلقك.
صبا : امتي
جاسم : لو عايزه تطلقي حالا معنديش مانع
صبا: اوكي.
جاسم : عايزه تطلقي.
صبا: انت عارف.
جاسم بحزن : انتي
وقبل اما يتكلم كان باب الشقه اتفتح. صبا جريت علي بره
وباب اوضه ادهم مفتوح دخلت
صبا: ادهم .
جاسم جري علي تحت وهي معاه . ودورو عليه مش لاقينه
صبا عيطت وجاسم هيتجنن. . جاسم : هبلغ الشرطه
صبا بدموع : انا عايزه ابني يا جاسم .
جاسم خدها وراح علي مركز الشرطه في المانيا
وقدمو بلاغ وعربيات الشرطه ابتدت تدور عليه.
صبا هتموت نفسها من العياط مش متخيله ان بعد ٨سنين ابنها يضيع منها تاني. .جاسم هيتجنن علي ابنه . ومش عارف ايه اللي حصله.
اخيرا الشرطه لقيته قاعد في جنينه وكان بيعيط . جابوه علي القسم. وجاسم وصبا خدوه.
صبا حضنته وهي بتعيط . وجاسم بصصلهم بحزن.
رجعو البيت بعد اما الشرطه اتاكدت انه مهربش بسبب العنف المنزلي.
رجعو البيت من غير كلام كان يوم صعب اوي. .
جاسم : ممكن افهم ايه اللي انت عملتوه
ادهم : انتم مش بتحبوني.
صبا: والله بنحبك. في حد مش بيحب ابنه
ادهم : انتي. انا سمعتك وانتي بتقولي لبابي انك مش عايزه تعيشي معاه . مع انه هو كويس
صبا بصت لجاسم باتهام .
جاسم : انا السبب يا ادهم. انا اذيت مامي. وزعلتها كتير.
ادهم : انت بتقول كده عشان تدافع عنها
جاسم : لا دي الحقيقه. انا مكنتش كويس مع معاها . عشان كده هي مشيت وسبتني
صبا بصتله وجاسم بعد اما قال الكلمتين دخل في اوضته.
صبا : ادهم حبيبي. انا بحبك اوي. وعمري ما هبعد عنك.
ادهم : انا هدخل انام.
صبا : هنام معاك انهارده
ادهم : متخفيش يا مامي انا مش همشي تاني.
دخل اوضته غير . وهي عملتله سندوتشات وعصير ودخلت وراه
ادهم : مليش نفس
صبا: عشان خطري
ادهم : هو انتي مسامحاني. عشان خرجت من غير اما تعرفي
صبا: اه يا حبيبي.
ادهم : طيب سامحي بابي كمان .
صبا اتنهدت : صعب يا ادهم. مش عارفه
ادهم : انا نفسي. اعيش معاكم.
صبا: طيب ممكن دلوقتي تاكل وتنام. لان اليوم انهارده كان رخم اوي
ادهم : اه ... كل سندوتش
صبا خرجت من الاوضه قفلت باب الشقه بالمفتاح ودخلت لجاسم. .
جاسم : نام
صبا : اه نام .بعد اما كل سندوتش
جاسم : وانتي مش جعانه
صبا: لا مليش نفس
جاسم : تصبحي علي خير.
نام جاسم علي طرف السرير . وهي كمان نامت علي الطرف التاني .
صحي جاسم علي تليفون من مصر . .
جاسم : ايه حصل امتي الكلام ده .. دي مصيبه. . انا هشوف طياره وهرجع في اقرب وقت.
قفل جاسم . صبا صحيت علي صوته.
صبا: في ايه
جاسم : قلقتك
صبا : في ايه
جاسم : مشكله في الشركه ولازم ارجع مصر.
صبا افتكرت الورق اللي اديته لعمار.
جاسم بيحاول يشوف اقرب رحله لمصر
صبا: انا هرجع معاك
جاسم : بجد
صبا. : انا السبب
جاسم ساب التليفون وبصلها
صبا: انا خدت ورق الصفقه واديته لعمار. كنت عايزه أنتقم منك.
جاسم كور ايده بغضب .. صبا: انا
جاسم : متكمليش. انتي طالق
صبا سكتت
جاسم : اللي عملتيه اسمه خيانه. انا عمري ما تخيلت انك تخونيني. اه انا كنت بضربك وبهينك. بس عمري ما خنتك.
اظن انك انتقمتي مني. دمرتي كل حاجه. الشركه يعتبر وقعت . مبرووك يا صبا.
لبس ونزل .. صبا قاعده زعلانه وحزينه. مفروض تفرح هي عملت اللي هي عايزاه. دمرته وانتقمت منه. . وكمان جرحته . ليه مش حاسه بانتصار . فين الفرحه اللي كانت منتظره تحس بيها .
جاسم كان نسي التليفون والتليفون رن تاني ومكتوب المحامي . هي ردت
صبا: الو . انا مرات جاسم. ..
المحامي: ايوه يا مدام. استاذ جاسم فين في مصيبه
صبا : في ايه
المحامي: صفقه الادويه اللي كان متفق عليه اتبدلت بادويه منتهيه الصلاحيه والمستشفيات اللي بنوزع عليها قدمت بلاغ. ضده والدنيا مقلوبه غير الصحافه والاعلان اللي نشر خبر انه مختلس ومسافر بره البلد .
صبا: احنا هنرجع. قريب . انا عايزاك تقنع اصحاب المستشفيات يتنزلو عن المحاضر. وانا عندي حل للمشكله
المحامي: هحاول. .توصلو بالسلامه
صبا قفلت وهي ناويه تحل مشكله جاسم عشان خاطر ابنها ميبقاش ابوه مسجون.
دخلت لادهم وقالتله يجهز الشنط عشان هيرجعو مصر كلهم وادهم كان فرحان. .
جهزت الشنط وقفلتها حتي شنط جاسم . وعملت فطار
ادهم : فين بابي
صبا: نزل. هنفطر. واما يجي. هننزل علي المطار
ادهم : ماشي
فطرت صبا مع ابنها . جاسم وصل البيت عشان ياخد شنطته
ادهم جري عليه وحضنه : بابي اتاخرت ليه. يلا
جاسم : يلا فين
ادهم : هنسافر مصر. انا جهزت ومامي كمان.
جاسم : مش فاهم .
صبا: اتاخرت ليه . يلا عشان ميعاد الطياره . انا حجزت
جاسم : حجزتي ازاي
صبا: المحامي كلمني. وقولتله يحجز ٣ تزاكر عن طريق النت وحجزهم. وبعتلك علي الواتساب ميعاد الرحله والتايكت
جاسم بصلها ومش فاهم ايه سر التحول. هو طلقها
نزلو التلاته للمطار. . .
ادهم كان فرحان انه مع جاسم وصبا.
صبا قررت تصلح اللي عملته عشان ابنها .
جاسم بيفكر هيعمل ايه في المشكله اللي عنده
#حافيه_القدمين
البارت ١١
👑 الحمد لله عدد ما كان وعدد ما يكون وعدد الحركات وعدد السكون 👑
وصلت الطياره لمصر .. ونزل جاسم ومعاه صبا وابنهم ادهم واستقلو سياره اجراه ورجعو الفيلا
جاسم : رقيه ... رقيه
رقيه: حمد لله علي السلامه
جاسم : الله يسلمك . ادهم ابني
رقيه : نعم .
صبا: ايه اللي نعم. روحي نضفي اوضته
رقيه. بخوف: حاضر.
طلعت جري علي السلم. . جاسم : انا رايح للمحامي.
صبا: استني. انا جايه معاك
جاسم : مفيش داعي
صبا: استني يا جاسم .
طلعت جابت نسخه من ملف الصفقه. ونزلت.
جاسم بصص للورق: ايه ده
صبا: ملف الصفقه
جاسم بص لادهم : اطلع يا حبيبي. اوضتي ارتاح
ادهم : اوكي. خلي بالكم من نفسكم
صبا خرجت وركبت عربيتها . وجاسم ركب جنبها
جاسم : مش فاهم . انتي مش اديتي الورق لعمار
صبا: معايا نسخه تانيه . خببت النسخه معايا لاي ظروف.
جاسم: انتي بتساعديني ليه
صبا: عشان انت ابو ابني
جاسم : وجوزك كمان
صبا: طليقي
جاسم : هي طلقه واحده. وانا ممكن اردك .. لو انتي عايزه نبتدي مع بعض من اول وجديد عشان ادهم . قبل ما يكون عشاني.
صبا غيرت الموضوع
صبا : ليه عمران بعد اما كان صاحبك بقي عدوك
جاسم : انا وعمران كنا اصحاب . وسري كان معاه وهو كمان. كنا بنشتغل واكتشفت انه بيعمل صفقات مشبوها
صبا: ازاي
جاسم : صفقات ادويه منتهيه الصلاحيه. او فاضل علي انتهاءها شهر. وبيضرب تاريخ جديد. المكسب بيكون ميه في الميه. اما عرفت وجهته. وهو ما انكرش وبعدين انا رفضت واديته نصيبه من الشركه واشتغلت لوحدي من وقتها وهو عدوي.
صبا: اممم. انت فاكر اسم الشركه من اللي كان بيتعامل معاهم
جاسم : ليه
صبا: هو ايه اللي ليه.
جاسم : ملكيش دعوه بالموضوع ده.
صبا: انا اما كلمته واتفقت معاه مكنتش اعرف ان ابني عايش. انا اللي عملت كده.
جاسم : هلاقي حل. ابعدي انتي
صبا سكتت بس هي ناويه. تصلح غلطتها عشان ابنها الاول. وكمان حست انها زودتها اوي.
وصلو للمحامي وصبا اديته الاوراق.
المحامي : ممتاز . بالورق ده هنقنع النيابه ان الادويه اللي اتفقت عليها كانت صالحه للاستخدام . وان حد بدل الادويه الجديده بالقديمه .
جاسم : اكيد حد بيساعد عمران من الشركه.
صبا: انت كلمت الشركه الدنماركيه. وشوفت الموضوع
المحامي: كلمتهم وقالولي ان فعلا عمران اتواصل معاها عشان ياخد الصفقه. بس هما كانو مضين عقد مع جاسم بيه. واكدو انهم باعتو شحنه الادويه السليمه
جاسم : معني الكلام ان الشحنه اتبدلت هنا في مصر.
المحامي : اه .
صبا: الكاميرات. مفيش كاميرات في المخازن
جاسم بصلها : في
صبا: فرغ الكاميرات هتعرف مين اللي دخل وخرج. شوف مين المسؤال
المحامي : راحت عن بالي الفكره دي فين. اهانيكي لذكائك
جاسم ابتسم ليها. . وهي بصتله بغرور
جاسم : انا هكلم المهندس المسؤال. وهعرف الكاميرات فيها ايه هي اللي هتبين مين مع عمران
صبا: خليه يجيلك البيت واشتغل في المكتب . بعيد عن الشركه. عشان محدش يعرف حاجه.
جاسم : تمام .
المحامي : وانا هقدم الورق للنيابه.
جاسم وقف : شكرا.
خرج هو وصبا. .. و قفت قدام العربيه.
جاسم : مش هتروحي.
صبا: هروح النادي لان المدرب اتصل بيا كتير. وهرجع.
جاسم : اجليها لبكره انتي اكيد تعبانه.
صبا : لا. خليكي في حالك.
ركبت العربيه ومشيت وهو واقف مكانه. . كلم المهندس وقاله يجيبله الكاميرات مراقبه المخازن.
وركب تاكسي ورجع البيت ..
صبا كلمت عمران وقابلته في المطعم.
عمران : كنتي مختفيه فين
صبا: ملكش دعوه. انت ليه بدلت الادويه الصالحه للاستخدام بادويه تانيه منتهيه الصالحيه.
عمران : كده هدمره اكتر. انا كلمت الشركه الدنماركيه عشان اخد صفقه الادوايه منه. بس المتخلفين رفضو . بحجه انه بيشتغل معاهم من فتره. فقررت اني ابدل الادويه
صبا: بس انت جبت منين الادويه الفاسده.
عمران : ليه مصادر بتعامل معاها من فتره. انتي مش فرحانه. كده جاسم انتهي.
صبا: مش جاسم اللي انتهي.. انت اللي. انتهيت .
عمران وقف بغضب : بتقولي ايه
وهنا دخل (العقيد ياسين سليم 😘) مع رجاله البوليس وقبضو علي عمران. وخدو التسجيل صوتي اللي عليه اعتراف بجريمه عمران.
عمران : انتي مش كنتي عايزه تدمريه
صبا: احنا متفقنش علي كده. وبعدين الادويه دي هتموت ناس. انا اتفقت معاك علي آذيه جاسم بس.
عمران : هتندمي
صبا ابتسمت باحتقار: هه.
ياسين : خدوه علي البوكس
صبا: شكرا يا ياسين بيه
ياسين : انتي زوجه صالحه وقويه. وقفه جنب جوزك في شدته . ودي حاجه تخليني انا اللي اشكرك علي شجاعتك.
صبا ابتسمت : طيب هي كده قضيه جاسم اتقفلت
ياسين : لا لسه. بس هو يعتبر خد براءه
صبا: شكرا. جدا ليك. انك ساعدتني
ياسين : العفو علي ايه ده شغلي.
مشيت صبا وهي ضميرها مرتاح .. رجعت البيت. كان جاسم قاعد مع المهندس في المكتب.
صبا: رقيه.
رقيه : ايوه يا مدام.
صبا: انا هطلع انام. ادهم اتعشي
رقيه : مرديش. قالي انه واكل في الطياره ومحتاج ينام.
صبا: تمام .
طلعت صبا اوضتها خدت دش ونامت من التعب والارهاق .
جاسم عرف مين اللي ساعد عمران . وخد المحامي وراح النيابه قدم الشرايط والبلاغ. وهنا قابل العقيد ياسين وقاله علي الصبا عملته . وانهم قبضو علي عمران وكمان هيقبضو علي اللي ساعد في دخول الادويه المخازن .
جاسم خد. براءه. اشتري بوكيه ورد كبير لصبا ومعاه هديه خاتم شيك واسوره. . رجع البيت.
اول اما دخل سمع صوت ضحكات قرب كانت صبا بتجري ورا ادهم وبيلعبو في الجنينه وكالعاده بتجري وهي حافيه القدمين. قلبه دق. هو في حد بيقع في حب مراته من اول وجديد. جاسم وقع في حب صبا الجديد . .
دخل وهو مبتسم : بتلعبو من غيري
ادهم جري عليه وحضنو. وصبا وقفت مكانها.
ادهم : بابي حلو الورد.. ده لمامي
جاسم : اه.
ادهم : واوو.
جاسم قرب وقدملها الورد. وهي خدته منه
جاسم : دي هديه ليكي. شكرا علي تعبك معاكي . وبحد انا فخور بيكي جدا.
صبا: شكرا. ذوقك حلو.
جاسم : ممكن تعتبريها شبكتك .
صبا ضيقت عينيه..
جاسم : ممكن اخطبك من اول وجديد واعرفك اكتر وانتي تعرفيني
ادهم كان طلع جاب الكاميرا وبيصوىهم وهو واقفين قدام بعض.
ادهم : بابي قدم الخاتم بطريقه حلوه.
جاسم بصله وضحك .. ادهم : بابي زي الافلام. يعني
جاسم قلع جاكت البدله. وكان لبس قميص لبني رفع اكمام القميص وقعد علي ركبته .
ومسك ايديها. ولبسها الخاتم والاسوره.
جاسم : بحبك.
باس ايديها. وهي كل ده واقفه مش بتعمل رد فعل.
ادهم جري علي جاسم وحضنه والاتنين بيهزرو ويضحكو مع بعض. وبيجرو ورا بعض.