رواية احببتك صدفة
الفصل الخامس والعشرون والسادس والعشرون
من يدخل مدينة الحب
إما يعود طفلا يحب كل الاشياء
إما يخرج منها مسن لا يدرك الي أي منفي ينتمي....
مراد بصدمه : انتي بتقولي ايي انا مش فاهم حاجه حبيبه فين
فريده بتوتر : هي سافرت
مراد بعصبيه : سافرت ازاي وراحت فين
فريده : اهدا ياابني حبيبه كانت تعبانه وسافرت الشرقيه عند عمتها تغير جو
مراد : انا عايز العنوان
فريده : عايز العنوان ليه
مراد : هيكون ليه يعني ياطنط انا قولتلك انا هرجع مراتي ومستحيل اسيبها
فريده : حاضر ياابني العنوان........
مراد : شكرا ياطنط عشان خاطري بلاش حبيبه تعرف ان انا جيت هنا
فريده : طيب ياابني متقلقش
مراد نزل وركب سيارته واتجه للشرقيه
وفريده طلعت التلفون واتصلت علي ليان
فريده : الو يا ليان
ليان : ماما وحشتيني كتير
فريده : انتي اكتر ياحبيبتي قوليلي اختك اخبارها ايي
ليان : علي طول ساكته كدا يا ماما ومش بتتكلم مع حد
فريده : طيب بقولك مراد هيجي عندكم بس اوعي تقولي لاختك حاجه هي جمبك دلوقتي
ليان : لا مش جمبي وبعدين يا ماما هو اللي اسمه مراد دا جاي ليه دا انا مصدقت اقنعت حبيبه ان هي تسافر عشان تنسي مراد دا وكل اللي كان بيعمله فيها
فريده : ياحبيبتي مراد بيحبها ولو اي راجل شاف مراته كدا كان عمل اكتر من كدا
ليان : ماما هو انتي جايه مع مراد علي بنتك
فريده : لا انا جايه مع الحق ويمكن هو كان غلطان ان هو ما صدقهاش بس هو دلوقتي ندمان علي كل اللي عمله
ليان : مش عارفه اقولك ايي يا ماما والله
فريده : ما تقوليش حاجه ياحبيبتي انا عايزاكي بس تحاولي تقنعي اختك ان هي ترجع لجوزها
ليان : حاضر يا ماما انا هقفل دلوقتي عشان حبيبه جايه
فريده : ماشي ياحبيبتي سلام
حبيبه دخلت الغرفه و ليان فصلت الخط ووجهت كلامها لحبيبه
ليان : انتي كنتي فين يابنتي
حبيبه بحزن : كنت بتمشي شويه قوليلي انتي كنتي بتكلمي مين
ليان : كنت بكلم ماما بتطمن علينا
حبيبه : والله وحشتني اوي
ليان : طيب ليه سافرتي
حبيبه : مش انتي اللي فضلتي تقنعي فيا ان انا اجي هنا وبعدين انا كنت بحاول اهرب مش عايزه افكر ف مراد تاني
ليان : يابنتي مش انتي مكنش عندك مانع انك ترجعي لمراد
حبيبه بخوف : انا فعلا قولت ممكن ارجع بس خوفت
خوفت من كل حاجه حاسه ان لو رجعت مراد هيعمل فيا زي زمان مش عارفه ليه خايفه اوي كدا
ليان : يا حبيبه مراد بيحبك واللي عمله دا كان غصب عنه وانتي عارفه كدا كويس اوي
حبيبه : ليان انا مش عايزه اتكلم ف الموضوع دا تاني انا عايزه انام دلوقتي
ليان : طيب يا حبيبه نامي وانا هخرج اقعد مع عمتو شويه
ليان خرجت من الغرفه واتجهت لغرفها عمتها
ليان : عمتو انتي صاحيه
منال : اه صاحيه تعالي ياحبيبتي
ليان : طب كويس انك صاحيه عشان حبيبه نامت وانا زهقانه جدا اصلا
منال : مالك زهقانه من ايي
ليان : لا زهق عادي بقولك ايي يا عمتو هو انتي تفتكري ممكن حبيبه توافق ترجع لمراد
منال : والله يابنتي انا مش عارفه بس كل اللي متاكده منه ان مراد بيحبها واللي عمله دا كان غصب عنه وهو عرف غلطه بس اختك هي اللي دماغها ناشفه وهي كمان مش بتحبه بس اختك بتعشق حاجه اسمها مراد
ليان : اه والله ياعمتو دا مراد بيحبها جدا دا انا كمان عرفت من ماما ان هو جاي علي هنا لما عرف ان حبيبه هنا
منال : طيب كويس ممكن لما يجي يعرف يقنعها ترجع ربنا يهدي سرهم يارب
ليان : يارب يا عمتو يارب
منال : طيب يلا يا لمضه روحي نامي
ليان : هو البيت دا مفيش اي حاجه تتعمل فيه غير النوم
منال بضحك : لا في ممكن لو عايزه تعملي حاجه تقومي تساعدي ف تنضيف البيت
ليان وهي تجري : لا لا لا النوم احسن بكتيير
منال تحدثت بصوت مش مسموع : يارب يا حبيبه ترجعي لمراد وتعرفي تحافظي علي حبك عشان لو معملتيش كدا هتفضلي طول عمرك ندمانه
ليان ذهبت لغرفتها وابدلت ملابسها وذهبت في سباق عميق من النوم
استيقظت حبيبه وظلت تصحي ليان : ليان اصحي بقي كل دا نوم بطلي رخامه بقي واصحي
ليان : ياحبيبه انا عايزه انام بقي شويه بطلي انتي رخامه
.
حبيبه : نامي نامي والله انا غلطانه اني عبرتك اصلا انا هخرج اتمشي شويه
حبيبه اتجهت لغرفت عمتها وكانت منال تنظر من الشباك
حبيبه بابتسامه : صباح الخير ياعمتو
منال : صباح النور ياقلب عمتو تعالي
حبيبه اتجهت عند منال وظلت تنظر من الشباك معها
حبيبه : الله ياعمتو الجو هنا حلو اوي والجنينه شكلها جميله اوي
منال : انتي اللي جميله ياقلب عمتك قوليلي البت اختك فين
حبيبه : نايمه وفضلت اصحي فيها وبردو مصحيتش انا هخرج اتمشي ف الجنينه شويه ياعمتو عشان زهقانه
منال : طيب ياحبيبتي وانا هجهز الفطار بس تعالي بسرعه عشان تفطري
حبيبه : حاضر ياحبيبتي
حبيبه خرجت من الغرفه واتجهت للجنينه
وفضلت تسير في المزرعه بين الزرع و الاشجار ثم وقفت تستنشق الهواء الذي يجعل شعرها يتطاير علي وجهها لاحظت حبيبه مكان هادئ لا يوجد به احد
اقتربت حبيبه من ذلك المكان الهادئ ولكنها فزعت حين وجدت من يسحبها من يدها والصقها بإحدي الشجر ............
...........يتبع
💖 احبيتك صدفه 💖
الجزء - السادس والعشرون
.............................
.نظرت للشخص الذي سحبها لتجده وكان مراد
حبيبة برعب : م .ر مرااد
رفع رأسه ونظر لعينيها : وحشتيني
حبيبة بعصبيه ودموع : انت انت عرفت مكاني ازاي وعايز مني ايي مش كفاية اللي عملتو فيا جاي هنا ليه
مراد بحزن : جاي عايز مراتي
حبيبه بدموع وعصبيه : مراتك مراتك اللي انت قتلتها بإيدك مراتك اللي كنت بتقول عليها خدامة ليك انت اتهمتني بالخيانة ومصدقتنيش راحت فين ثقتك فيا ازاي صدقتهم وكدبتني ..
مراد بندم : انا عارف اني غلطان وجريمتي في حقك ماتتغفرش بس انا طمعان في قلبك الطيب قلبك الطيب اللي هيسامحني
حبيبه بسخرية ودموع : قلبي فين قلبي ده انت قتلت كل حاجة جوايا انت قتلتني يا مراد انا كنت بحاول ارجع بس حقيقي مش قادره خلاص انت قتلتنا خلاص مبقاش فيه حبيبه ومراد مبقاش فيييييه
مراد بسرعه ودموعه بدأت في التجمع : لا متقوليش كدا حبيبه انا بحبك خدي كل الوقت اللي انتي عايزاه انا عارف انك هتسامحيني
حبيبه بحدة : انا قولت كدا قبلك بس خلاص ماقدرتش انا بكرهك انا مبحبكش انا بكرهك بكرهك ابعد عني وطلقني مش عايزه اشوفك تاني
مراد بدموع وندم : ارجوكي ازعلي مني اعملي اللي انتي عايزاه بس طلاق لا انا مقدرش اعيش من غيرك
حبيبه بهدوء: طلقني يا مراد .
مراد بعصبيه من بين دموعه: مش هطلقك يا حبيبه حطي نفسك مكاني كنتي عايزاني اعمل ايه لما شوفت الصور كنتي عايزاني اعمل ايه لما اشوفك نايمة في بيت راجل تاني وعلي سريره ردي عليا كان المفروض اخدك في حضني واقلك حصل خير نبدأ من جديد
حبيبه بدموع : كان المفروض تصدقني بس عموماً انت كمان عايز مني ايي بعد اللي عملتو اخدك في حضني واقولك نبدأ من جديد
مراد بحزن ودموع : عايزك تسمحيني يا حبيبه
حبيبه بدموع : صعب صعب جداً ياريت تطلقني وكل واحد يروح في حالة الي اتكسر جوايا عمره ما هيتصلح انا حقيقي حاولت بس فشلت ان اللي جوايا يتصلح
مراد بندم : اديني فرصة وانا هصلحه انا مش هطلقك يا حبيبه بس مش هضغط عليكي انا هستني وعندي استعداد استني لحد ما اموت وعارف انك هتسامحيني وهترجعيلي في يوم من الايام مش هتشوفيني تاني هسيبك عشان تفكري وتاخدي وقتك بس لازم تعرفي اني مليش ذنب في اللي حصل واني ندمان علي اللي عملتو ثم تحدث بدموع هتوحشيني
و تركها وغادر وهي واقفة متسمرة مكانها وبعد ما فاقت من شرودها حتي جلست علي ركبتيها تبكي وتحدث بصوت عالي : لا انا مستحيل ارجع يامراد انت كسرتني انا بحبك اه بس مش قادره مش قادره ارجعلك كل لما اشوفك افتكر كل اللي حصلي يارب يااااارب انا تعبت ساعدني يارب
وقامت دخلت البيت ولم تجد ليان طلعت غرفتها ودخلت وكانت ليان علي السرير
ليان بضحك : يعني انا اسيب بيتنا عشان مش بعرف انام من ماما تيجي انتي كمان تفضلي تصحيني.
حبيبه بحزن : انا شوفت مراد.
ليان :شوفتيه ازاي وفين
حكت حبيبه كل شي ل ليان بين دموعها
ليان وهي تاخذها بحضنها :
بصراحه يا بيبا هو كمان معذور محدش يشوف مراته كدا ويسكت
حبيبه بدموع : كان لازم يصدقني
ليان : بس ف الاول والاخر دي كانت مؤامرة وانتو الاتنين ضحيتها المهم دلوقتي هتعملي ايي
حبيبه ببكاء : مش عارفه
ليان بهدوء : لازم تفكري كويس وافتكري الحب اللي بينكم
كانت حبييه ستتحدث ولكن قاطعها دق الباب ودخلت عليهم منال وهي تحمل باقه ذهور باللون الاحمر
منال بابتسامه : الورد دا جالك ياجميل انت شكل جوزك مش متحمل غيابك عنه
ليان بضحك : نياااااالو يا عم
حبيبه بعصبيه : ابتدينا بقي
منال بهدوء : حبيبه انا مش هقولك غير كلمتين بس فكري عشان ماتندميش ف الاخر
ليان تعالي جهزي معايا الفطار
خرجت منال وليان
اما حبيبه امسكت بالباقه الورد وتفقدتها ووجدت بطاقه عليها ففتحتها لتقراها
"احبك يا ايتها النجمه التي تنير قلبي سامحيني"""
نزلت دمعه من عينيها وفجاء الباب خبط وكانت ليان
حبيبه وهي تمسح دموعها : في ايي يا ليان
ليان :مفيش حاجه انا جايه عشان اقولك الفطار جهز
حبيبه : لا انا مش عايزه اكل
ليان بعدم تصديق : نعم بتقولي اي انا مش مصدقه مستحيل
حبيبه : هو ايي اللي مستحيل
ليان : ان انتي مش عايزه تاكلي دا انتي يابنتي 24 ساعه بتاكلي زعلانه بتاكلي فرحانه بتاكلي مكتئبه بتاكلي
حبيبه بضحك مابين دموعها : بس بس حرام عليكي وانا اقول مش عايزه اكل ليه ويطلع ف الاخر مش عايزا اكل عشان حضرتك بتحسديني
ليان : انا بحسدك طيب ياسيدي شكرا كفايه يلا بقي تعالي عشان ننزل بدل ماعمتو تطلع تقتلنا انا وانتي هنا
حبيبه وليان خرجو من الغرفه واتجه للسفره وكانت منال ف انتظارهم
منال : اتاخرتو كدا ليه دا انا كنت لسه هطلع اشوفكم
ليان بضحك : اصل حبيبه كانت مش عايزه تنزل تخيلي ياعمتو بتقولي ان هي مش عايزه تاكل تصدقي انتي الكلام دا
منال بضحك : هي مين دي اللي مش عايزه تاكل ما تقولي يابنتي حبيبه مالها
ليان بضحك : شوفتي ياحبيبه حتي عمتك مش مصدقه ان انتي مش عايزه تاكلي
حبيبه بضحك : هو في ايي ياجماعه بجد هو انا للدرجاتي سمعتي وحشه
منال : لا طبعا حد يقدر يقول كدا دا انتي قمر
حبيبه : حبيبتي ياعمتو والله ربنا يخليكي ليا يارب
منال : ربنا مايحرمني منك ياحبيبتي
وبدات منال وليان وحبيبه ف تناول الطعام
وفجاء ال.......