رواية غرام الزين الفصل الثالث3 والرابع4 بقلم مروه النشار
مجهول: الو ي زين باشا
زين : ايه فى اخبار جديده
مجهول :ايوه سمعت أن في شحنه بس مش عارف المعاد امتى
زين : تمام خلى بالك من الموضوع اوعى حد يشك فيك
مجهول: تمام
_________________________
فى مكان آخر
تجلس بنت على البحر
يأتي شاب وسيم ويجلس بجانبها
عمار : مالك قاعده لوحدك وسرحانه ليه كده
اسراء : وحضرتك تعرفنى علشان تكلمنى وتقعد جنبى كده منغير متستأذن كمان
عمار : استأذن من ايه لقيت مكان فاضى قعد فيه وبعدين انا اسف لو ضايقتك بس يعنى شوفتك قاعده لوحدك قولت اجى اقعد جنبك
اسراء : مفيش واحده قاعده بتفكر شويه عادى
عمار : حسك مضايقه
اسراء : انا فعلا مضايقه
عمار : لو حبه تحكى معنديش مشكله
اسراء بصتله بحب: واحده صحبتى عندها شويه مشاكل شويه
عمار : لو واقعه فى مشكله انا ممكن اساعدها
اسراء : للاسف مش هتقدر
عمار : ليه
اسراء : قصت له ما حدث ل غرام صديقتها منذ وفاه ابيها وأمها ومعامله زوجه خالها وبنتها لها
عمار : يااه هى قلوب الناس بقت كده
اسراء : زعلانه اوى عليها ومش بإيدى حاجه اعملها علشان اساعدها
عمار : طب ليه متسبش البيت
اسراء : حتروح فين عرضت عليها كتير تيجى عندى بس هى مش راضيه وكمان خالها مش هيسبها في حالها وده كله علشان الورث
عمار : طب هى ممكن تسبيله الورث
اسراء : غرام مش مهم عندها الفلوس بس لو سابت الفلوس كده هيقولوا عليها ضعيفه و مقدرتش تحافظ على فلوسها وفلوس مامتها وهى مش عاوزه حد يقول عليها كده
لإن باباها طول عمره يقولها اوعى تخلى حد يقول عليكى ضعيفه
عمار : قصدك تقولى أنها شرسه شويه
اسراء بضحكه خطفت قلبه : ايوه حاجه شبه كده
يلا استأذن انا بقى علشان متأخرش على ماما انا مش عارفه انا حكتلك كل ده ليه بس قلبى ارتحلك الصراحه
عمار بإبتسامه خفيفه : هشوفك تانى
اسراء : إنشاء الله
سلام
عمار : سلام وفى سره سلام ي زوجتى المستقبليه
هقولكوا معلومه
عمار عارف اسراء من زمان بس هى متعرفش وبيراقبها من زمان
عند زين فى البيت
غرام خبطت على اوضته
زين : تعالى ي غرام اتفضلى
غرام : عرفت منين أنه انا
زين : أصل خبطتك على الباب رقيقه اوى وكمان محدش فى البيت غيرنا
غرام: اومال الباقى فين
زين : ماما وهمسه خرجوا من شويه وبابا لسه مجاش
غرام : انت مروحتش الشركه ليه
زين : مضايق شويه مش عاوز اروح انهارده
غرام: مضايق من ايه ده احنا كنا لسه خارجين هو حد يخرج معايا و يضايق
زين : لا ابدا مضايق من اللى ماما وهمسه عملوه فيكى لما رجعنا
غرام : ي عم فكك انا صاحبه الشأن ومش مضايقه ولا حاجه عادى اتعودت
زين : قولتى ايه
غرام: قولت ايه فى اي
زين : فى الموضوع اللى كلمتك عنه الصبح
غرام : انا مش عاوزاك تهرب وتسيب اهلك وتعديهم علشانى انسى الموضوع ده ي زين
زين : اولا متقوليش اهلى بذمتك دول أهل
انتى عارفه بابا بيعاقبنى ازاى بيحرمنى من النزول مع أصحاب وممنوع من الفلوس والأكل وكنت بتحبس فى اوضتى ولما كنت بطلب من أكل
كانوا بيقولوا انزل اشتغل
كنت بنزل اشتغل طول اليوم بابا يتفق مع الراجل اللى بشتغل معاه أنه يديله الفلوس يعنى كنت بشتغل وبتعب وفى الآخر هو اللى بياخد الفلوس
كنت برجع بليل من الشغل تعبان وعاوز اكل وادخل المطبخ ملقيش اكل كانوا بياكلوا ومش بيسبولى حاجه مكنوش بيعملولى حساب اصلا
وكمل بدموع وحتى لما احولنا الماديه اتحسنت واخد الورث واشتغل وبقى عندنا شركات وبقى لينا اسم وشهره بردوا نفس الموضوع راجل عنده ٢٧ سنه بياخد مصروفه من أبوه تخيلى بيحطلى فى الفيزا بتاعتى مبلغ معين كل شهر
أما عن همسه فحسابها مفتوح تصرف براحتها
غرام دموعها نزلت رغماً عنها: بقى زين اللى الضحكه مش مفارقه وشه جوه كل ده
زين : تخيلى
غرام : طب ليه محولتش تعمل مشروع وتبقى لوحدك وتكبر مشروعك واحده واحده
زين : بابا ممكن يخربلى كل حاجه علشان عمى وابنه شغالين معاه وابنه ميشتغلش ازاى لازم اكون معاه زي اى واحد شغال مع أبوه بابا مفيش حاجه بتهمه غير كلام الناس وسمعته وشهرته وفلوسه وبس حتى بنته لأ
هو بيعملها كويس علشان بتسمع كلامه و بتطاوعه فى الغلط
غرام بضحك علشان تغير الموضوع: ي اخى تبا لاحزانك يارتنى مقولتلك اتكلم
زين : ضحك وقالها ماشى ي ستى أنتى كونتى جايه ليه اصلا
غرام: ااه صح نستنى عاوزه موبايلك اعمل مكالمه
زين : اتفضلى وبكره هبقى اجبلك موبيل وانا راجع من الشغل بس خبيه كويس علشان محدش يخده منك قصده على أمه واخته
غرام: عيب عليك ديه لعبتى
غرام طلعت برا تكلم اسراء
اسراء: الو
غرام: وحشتينى اوى
اسراء : وأنتى اكتر والله كنتى لسه فى بالى
عامله ايه والناس اللى عندك عاملين ايه معاكى
غرام: نفس الحال مفيش تغير بس بقولك عاوزه منك خدمه
اسراء : ده انتى تأمرى وانا انفذ
غرام : تسلميلى ي حبيبتى بصى انا عاوزه اطلب منك طلب بس محدش يعرف ...........
روايه غرام الزين
البارت الرابع
اسراء: وانتى ازاى هتعملى كده لو حد عرف ده ممكن يموتوكى فيها ي غرام
غرام: ده على اساس إللى انا فيه ده مش موت
اسراء: طب زين عارف بالموضوع ده
غرام: لا طبعا وانتى لو سألك اوعى تقوليله وانا همسح الرقم من عنده تمام
اسراء: ماشى انا هعمل اللى قولتى عليه
غرام: انا مش عارفه اوفيلك حقك على وقفتك جنبى دي ازاى
اسراء: المهم تبقى كويسه وتاخدى بالك من نفسك مش عاوزه حاجه تانيه
غرام : ماشى ي حبيبتى سلام
وقفلت السكه ومسحت الرقم
دخلت الموبيل لزين
زين : بص فى الموبيل وبعدين ولقى الرقم ممسوح
زين : كنتى بتكلمى مين ي غرام
غرام: واحده صحبتى
زين : اومال مسحتى الرقم ليه
غرام : علشان هى مش بتدى أرقامها لشباب
زين : ااه ماشى وبعدين يعنى انا مكنتش هكلمها ولا حاجه
غرام: عارفه بس ممكن حد من زمايلك يمسك تليفونك كده يعنى
زين : ماشى بكره هبقى اجبلك موبيل خاص بيكى
غرام : هتجيبه ازاى وانت باباك بيديلك مصروفك ويدوب بيكفيك
زين: زعل وحس أنه انحرج شويه فهى حسن بكده
ولحقت نفسها
غرام: زين انا مقصدش انا بس مش عاوزاك تصرف فلوسك عليا
زين: ليه هو مش احنا واحد
اقصد يعنى احنا اخوات عادى متقلقيش بابا اليومين دول بيحطلى فلوس زياده علشان بشتغل معاه متقلقيش
غرام : شكرا ومشيت
________________________
فى شركه الاسيوطى
عدلى : كله تمام امنت على الطرق وعلى المرور
وعرفت أنه مفيش مرور على طريق التسليم
فهد : حلو اوى الكلام ده
وانا سحبت الفلوس من البنك وكله تمام بس شحنه الأعضاء ديه هتكسبنا دهب
عدلى : يعني الدنيا هتحلو اكتر م هى حلوه
فهد : انا لازم اخلص من البت اللى اسمها غرام ديه كل شويه عاوزه ورث امى عاوزه ورث امى
عدلى : بقولك ايه متجوزها لإبنك اللى مفيش منه منفعه ده واهى تعيش تحت ضوعك طول العمر
فهد : لأ مش ديه اللى تبقى مرات ابن فهد الاسيوطي
عدلى: طب ناوى تعمل ايه
فهد بضحكه شر : ناوى تعمل فيها زى معملت فى ابوها الله يرحمه واحرق قلب امها عليها زى ابوها
عدلى : ده انت دماغك سم
__________________
تليفون زين رن
زين : ايه فى اخبار جديده
مجهول : انا لازم اقبلك ضرورى
زين : فى حاجه ولا ايه ي ادم
ادم : فى صدمات هتخدها فوق دماغك
زين : نتقابل فى المكان بتاعنا
ادم : ماشى
____________________
اسراء: بابا انا عاوزه اطلب منك طلب
جاسم :(باباها) نعم ي حبيبتى قولى
اسراء : غرام طلبت منى ..............
جاسم : لو فهد عرف اكيد مش هيسكت على الموضوع اكيد
اسراء: علشان خاطرى ي بابا لازم نساعدها دي ملهاش غيرنا دلوقتى
جاسم : حاضر ي حبيبتى وانا لو حصل حاجه هقدر احميها من فهد
إسراء: بجد شكرا اوى ي بابا
ودخلت اوضتها وهى فرحانه
_________________________
فى البيت
ايمان : بت ي غرام
غرام : نعم
خودى اغسلى هدوم خالك ي بت
همسه : وانا ي ماما عندى هدوم فى اوضتى
ايمان: خودى هدوم همسه معاكى واغسليهم
غرام بقله حيله : حاضر
دخلت اوضه همسه علشان تجيب الهدوم بتمد ايديها تاخد الهدوم لقت فى فلوس واقعه تحت الهدوم اخدتها بسرعه وخبتها وطلعت راحت اوضتها وخبتها كويس علشان لو جات تدور عليها متلقيهاش وفتشت في هدوم فهد لقت فلوس بردوا اخدتها
وحطت الهدوم فى الغساله
وراحت اوضتها تعد الفلوس
و اتصدمت ..........