رواية عشقت الرعد
الفصل_العاشر والحادي عشر
بقلم اسماء محمد
مساء في المستشفى
عشق بتهلوس من تأثير البينج
عشق :: امممم
رعد اول اما سمع صوتها جري عليها
عشق :: حبيبي احضني ومسكت ايد رعد
رعد برق وأيده تلجت
رعد بتوتر :: ننن نعم
عشق :: انتي مش بتحبني احضني بقا
رعد قرب منها بتوتر وقعد جنبها علي السرير وحضنها وعشق مسكت فيه جامد بعد شويه رعد حاول يبعد وعشق ماسكه في جامد فاضطر ينام جمبها
بقلم اسماء محمد
في صباح يوم جديد
في اوضه اسيل
الممرضه :: صدقيني يا مدام هي كويسه وزمانها هتفوق بعد شويه
اسيل بقلق :: يعني الدكتوره عشق كويسه وفي الوقت ده دخل كمال عليها
الممرضه :: اهو دخل الاستاذ حتي اساليه
كمال باس راس اسيل
كمال بحب :: مالك يا حببتي في اي
اسيل ::كنت بسال علي الدكتوره عشق انا عرفت انها اتسممت
كمال بتوتر :: اه عشق هي كويسه متقلقيش
اسيل بحزن :: عايزه اشوفها
كمال :: حاضر بس هي تفوق وخفي انتي بس
في امريكا
جاءت رساله للشخص المجهول
فتح الفون ولقي صوره لعشق ورعد في المستشفى ورعد نايم جمبها
الشخص المجهول بغضب رمي الفون علي الأرض
وهنا ظهر الشخص المجهول وهو (اميررررررر )
امير بغضب :: ماشي يا عشق استني بس العمليه الي في أيدي تخلص ووقتها ضيق عينه بشر
امير بشر :: وقتها مش هتخلصي من ايدي
في مصر
نور واقفه قدام امها
نور بحده :: اديني رقم بابا
نسرين بخوف :: ليه
نور ببرود :: عايزه اشوفه أظن دا من حقي ولا هتعملي معايا زي عشق وحرمتيها من أهلها
نسرين بعياط:: حرام عليكي ليه بتعملي معايا كده
نور :: لو عايزاني اسامحك تروحي المستشفى وعشق تعرف كل حاجه
نسرين ساكته
نور :: يبقي انا هسيب البيت وهروح لبابا
نسرين بسرعه :: لا خلاص هروح
نور :: دلوقتي
نسرين :: طيب
في المستشفى
في اوضه عشق
عشق بتحاول تفوق ورعد نايم جمبها
عشق لقت حد تقيل علي كتفها عشق بخضه ووجع قامت بسرعه
عشق :: انت بتعمل اي هنا
رعد كان صاحي بس مستني يشوفها هتعمل اي
رعد بغضب:: في حد يصحي حد كده
عشق :: اه انا انتي بتعمل اي هنا
رعد بخبث ::وآلله مش عارف اصل في حد طلب مني امبارح ابوسه واحضنه
عشق غمضت عينها بسرعه علشان عارفه تأثير البينج اي :: بس بس بس بس
رعد قرب منها بخبث :: وانا دلوقتي جاي انفذ الي معرفتش انفذه امبارح وبيقرب منها
عشق بتوتر :: اااانت بتقرب ليه
رعد بخبث وابتسامه ضحك :: هتعرفي دلوقتي وبيقرب منها لحد مبقاش في فاصل بينهم
جميله ماشيه بتكبر وغل وراحت الأوضه الي فيها عشق وفتحت الباب واتصدمت لما لقت عشق قريبه جدا من رعد وضغطت علي الفون جامد
جميله بصوت عالي :: طب علي الاقل مش هنا يا رعد بيه
رعد فضل زي ما هو وعشق وشها احمر من الخجل وبتحاول تبعده عنها لحد اما رعد بعد
رعد بجمود :: اي الي جابك يا جميله هانم
جميله مثلت الحب :: جايه اتطمن علي مرات ابني مش كده يا عشق
عشق بحب :: تسلمي يا طنط انا كويسه وفي الوقت ده دخلت اسيل ومعاها كمال ونورين وأسر وريم
جميله بصدمه:: اسيل
اسيل :: ازيك يا جميله يعني ماجتيش ولا مره تزوريني
جميله بتوتر :: لا ابدا انا حتي جيت ليكي اول اما عرفت ولسه جايه لعشق وقلت اعدي عليكي
اسيل بلامبلاه :: طيب
اسيل بحب :: عامله اي يا دكتوره
عشق :: انتي الي حضرتك عامله اي
اسيل :: انا كويسه الحمدلله
وفي الوقت ده دخل جاسر ومعاه نور ونسرين
جميله بتوتر اكبر :: نهار اسود ومنيل أي الي جابها دلوقتي دي
نسرين قربت من عشق بعياط
نسرين :: حببتي انتي كويسه وبتعيط وتبوس فيها
كمال واقف بيبص لنسرين بغضب
عشق :: متخافيش يا ماما انا كويسه
نسرين لما سمعت كلمه ماما عيطت اكتر
نسرين بعياط:: سامحيني يا بنتي انا اسفه والله كان غصب عني
عشق :: في اي يا ماما انا مش فاهمه حاجه اسفه علي اي
نور واقفه بتعيط
عشق بقلق شديد :: في اي ما تتكلموا
جميله واقفه بخوف
وقطع السكوت كمال
كمال :: في انك مش بنتها ولا حتي تقربي ليها وبغضب في انك بنتي انا وآسيل في انها خطفتنا منك في انها عيشتنا بعيد عن بعض سنين في انها واحده انانيه ومش بتحب غير نفسها في ا
قاطعته عشق
عشق بدموع :: في اي انا مش فاهمه حاجه ماما أي الي هو بيقوله ده
نسرين بتبوس ايديها وبتعيط :: حقك عليا يا بنتي كان غصب عني انا اسفه والله ما كنت اقصد
اسيل واقفه بدموع :: يعني اي مش فاهمه يعني عشق بنتي كمال قولي الله يخليك عشق بنتي وبتعيط
نور واقفه بتعيط
نور بعياط :: شوفتي عملتي فينا اي انا كنت فاكره ليا اخت نهزر ونضحك من بعض عارفه احساس انك مالكيش اخت ده عارفه الاحساس أنها يتبعد عنك مجرد ان ليها اب وام غيرك ليه عملتي كده وبتعيط جامد ليه حرام عليكي
نسرين بعياط:: والله ما اقصد وبصت لجميله هي السبب هي الشيطانه الي لعبت في دماغي
اسيل قامت من حضن كمال واتصدمت لما لقتها بتبص علي جميله
نسرين راحت لاسيل وبعياط :: اختك هي الي قالت ليا علي الفكره دي اختك هي الي خلتني اخونك بعد ما كنا اكتر من اخوات واختك هي وبتعيط
اختك هي الي بدلت عشق بواحده ميته اختك السبب
جميله واقفه بتوتر وخوف
اسيل بصدمه وعياط قربت ناحيه جميله وفجاءه ضربتها بالقلم علي وشها وعشق بتعيط
اسيل بعياط :: اول مره اعرف انك وسخه اوي كده اي يا شيخه كل السودا الي جواكي ده انتي ازاي كده
جميله حطت ايديها علي وشها
اسيل واقفه بتعيط
الكل واقف منهار عياط وفجاءه رعد مسك دراع أمه
رعد بحده :: انتي اي انا سكت لما ضربتي اختك بالنار وقلت امك بلاش تاذيها وسكت وانتي راميانا ورا ضهرك انا ونورين
الداده جت من وراهم وقالت :: وهي الي سممت عشق
الكل بص ليها بصدمه
جميله بتبلع ريقها بصعوبه
الداده :: ايوه انا شوفتها وشكيت فيها لما لقتها خدت مني النسكافيه فضلت واقفه بعيد وشفتها وهي بتحط حاجه في النسكافيه بتاع مدام عشق
رعد بغضب :: باااااااااااااااااااااس
وراح ناحيه جميله بغضب :: عارفه لو مش كنتي امي كنت قتلتك دلوقتي علي كل حاجه بتحصل وكل حاجه عملتيها والافضل ليكي يا جميله هانم انك تلمي هدومك وتغوري في ستين داهيه وبغضب يلاااااا
جميله مشيت من قدامه بخوف
جميله بغضب::. ورحمه امي لهوريكوا واحد واحد ثم رنت علي شخص ما
جميله بغضب :: اعرف ليا كل حاجه عن عشق من يوم ما اتولدت بتاكل اس بتشرب اي حتي وهي في أمريكا كانت بتعمل اي اخلص
ثم خرجت من المستشفى
#الفصل_الحادي_عشر
في صباح يوم جديد
عشق نايمه علي سرير المستشفى وبتعيط اسر ورعد واقفين بره اسيل اغمي عليها من الصدمه وكمال واقف مع رعد و اسر
كمال بفرحه :: رعد انا عايز اعمل اكبر حفله في العالم عايز الناس كلها تعرف انها بنتي وياريت لو تكون بكره
رعد بغموض :: انا مقدر فرحتك بس سيبها هي دلوقتي تعبانه لما تفوق أن شاء الله هنعمل كل الي انت عايزو
كمال بخيبه امل :: طيب هي هتخرج امتي
رعد :: الدكتور قال انهارده هي وسيلا وبعد يومين كده نعمل الحفله الي انت عايزها
كمال :: تمام انا رايح اطمن عليهم
بعد اما كمال مشي
اسر :: هههههههههههه انا مش فاهمك الصراحه انت ماقلتش ليه انك عامل بارتي انهارده
رعد :: انت اهبل يلا اسر اسكت ممكن ويلا قول لريم ونورين يجي وياخدوا عشق معاهم وينفذوا كل الي قلت عليه
اسر :: ماشي يا ريس وغمز ليه وضحك الليله ليتك هههههههههههه
رعد :: امشي يلا من هنا
اسر ::طيب هههههههههههه
رعد سند علي الحيطه وابتسم تلقائي
عند ريم في شقتها
نورين :: اخلصي يا زفته رعد هيقتلنا
ريم :: طيب اهو انا مش فاهمه اخوكي مستعجل علي اي دي لسه حتي مخرجتش من المستشفى
نورين :: طب بطلي رغي ويلا علشان نلحقها في المستشفى قلتي لصاحبتك اننا هنكلمها
ريم وهي بتلم الحاجه :: اه يلا بينا
ونزلوا من الشقه وراحوا علي المستشفى
في المستشفى
اسيل :: انا خلاص جهزت هي عشق مش عايزه تشوفني ليه
كمال :: هي اكيد من الصدمه لسه مش مستوعبه تعالي دلوقتي نكلمها
اسيل :: طيب
الممرضه بتساعد عشق وعشق واقفه بتلبس الطرحه الباب خبط ودخلوا اسيل وكمال
كمال بحب :: ممكن ادخل
عشق بدون كلام سمحت لهم بالدخول
اسيل بحب ودموع :: بصي انت عارفه أنه صعب عليكي انك تعرفي أن في ام ليكي غير الي انتي تعرفيها بس انا ذنبي اي وبتعيط انا نفسي اخدك في حضني نفسي احس بالامومه انا ماليش دعوه بالي حصل هما السبب وبتعيط جامد هما الي خدوكي مني انا كان نفسي تكبري في حضني عارفه يعني اي اكتشف فجاءه انك موتي انا فضلت سنه في المصحه علشان مش مستوعبه وضحكت بوجع ابوكي بقا الله يسامحه طلقني علشان فاكر اني موتك بقا انا اموت ضنايا
عشق مدياها ظهرها وبتعيط
اسيل بعياط :: بالله عليكي متحرمنيش من حضن الام الي نفس فيه من زمان وبتعيط
عشق مش قدرت تمسك نفسها وجريت في حضنها وماسكه فيها جامد وبتعيط وآسيل حضنتها جامد وبتعيط
عشق في حضنها وبعياط :: انا اول مره احس الاحساس ده عمري ما حسيته مع نسرين ابدا كنت بكدب نفسي انا شوفت حاجات كتير اوي في حياتي كنت محتجاجي فيها
اسيل بعياط:: اسفه يا حببتي عمري ما هسيبك تاني ابدا
كمال بغيره :: وانا اي شفاف
ضحكوا الاتنين وكمال انضم لحضنهم وحضنوا بعض هما التلاته والممرضه واقفه بتعيط
ما هي إلا لحظات ودخلوا نورين وريم
الاتنين في صوت واحد :: بتعملوا اي مش وقت حنيه خالص
اسيل وهي بتمسح دموعها:: اي يا بت انتي وهي مالكوا
نورين :: احنا واقعين في مشكله ومافيش حد هيحلها غير عشق وبعدين بصت لعشق ممكن تساعدينا
عشق بحب :: لو اعرف طبعا مش هتاخر
ريم :: بصي في. وحده صاحبتي في طولك كده ونفس حجمك وكل حاجه ومحجبه كمان وهي مسافره واحنا لازم نساعدها علشان نشتري ليها فستان الفرح
عشق :: طب وانا اعمل ايه
نورين :: المفروض انك تقيسي الفستان ده وطبعا بالميك اي وكده وهنصورك ونبعته ليها ها قلتي اي
عشق :: طيب ماشي بس امتي
ريم وهي بتشدها :: حالا يلا
نورين وهي خارجه وراهم كمال مسك دراعها
كمال :: كل ده مش داخل دماغي ببصله
نورين :: انا مستعجله كلم اسر وهو هيقولك يلا باي ومشيت
بعد مرور ساعتين
في البيوتي سنتر
عشق لبست الفستان وكان تحفه جدا عليها الفستان كان بأكمام واسعه وضيق عند الصدر ونازل علي واسع وفيه فصوص الماس بلمعه تحفه جدا جدا ولفت الطرحه جميله جدا
عشق :: انا مش فاهمه بقالي ساعتين هنا وبعد دا كله المفروض اقلعه وشغلانه بقا
وبعدين انتو لابسين كدا ليه
نورين :: استحملي كلها 3ثواني تعرفي كل حاجه يلا عدي معايا
1.2.3
واذا دخل رعد بهيبته والبدله السوداء بدله العريس ويبتسم ليها
رعد بابتسامه:: مبروك يا حرم رعد الحناوي
عشق بمتاها ::ها هو في اي
رعد وهو ماسك ايديها هتعرفي كمان شويه يلا بينا
ريم ونورين واقفين بيضحكوا
عشق ::همشي كده
رعد في سره :: يخربيت الغباء
رعد خد نفسه :: اه تعالي بس
عشق ماشيه معاه وهي تايهة
وما هي إلا دقائق ووصلوا الي فيلا رعد لأنها كانت قريبه من البيوتي سنتر
عشق نزلت من العربيه ودخلت الفيلا ولقت الجنينه مليانه ناس ومتزينه بطريقه تحفه وهي داخله في ورد علي الأرض
عشق ماشيه بفرحه واول اما وصلت عند البوابه في ورد نزل من السماء عليها هي ورعد عشق فرحانه بالورد اوي
الناس كلها بتسقف وعشق ورعد داخلين
وأسر ونورين وريم ماشين وراهم وبيضحكوا
رعد وعشق وصلوا نص الجنينه ورعد سابها ومشي وعشق واقفه وعينها بتدور علي حد معين وهي (نورررررررررر)
عشق كانت هتعيط بس سمعت صوت ميكرفون ولفت ولقت نور واقفه علي الاستديج
نور في المايك :: انتي عارفه يا عشق اني بحبك صح وبتمسح دموعها حتي لو طلعنا مش اخوات هفضل احبك وانتي اكيد هتحبني ولا معاملتك هتتغير وبتمسح دموعها وبتضحك
عشق بدموع جريت عليها وطلعت علي الاستديج وحضنتها
عشق :: انا عمري ما هسيبك وهفضل احبك علي طول مش لازم تكوني اختي بالدم انتي الي عيني فتحت عليها
نور بعياط :: اوعي تسبيني يا عشق انا من غيرك اموت
الناس كلها متاثره وفي الي بيعيط
نور :: انا مش قادره أتخيل انك
قاطعتها عشق
عشق :: شششش وبتمسح دموعها ودموع اختها انتي عايزه تبوظي فرحتي ولا اي
نور بضحك :: لا طبعا الف مبروك يا حببتي
رعد مسك المايك :: احم احم احنا هنقضيها أحضان ولا اي
رعد مسك ايد عشق وقعد علي الأرض ومعاه المايك
رعد بحب :: مدام عشق الحناوي انا رعد الحناوي اعترف قدام العالم اني حبيتك يوم ما شوفتك اول لحظه واول دقيقه شوفتك فيها حبيتك عمري ما حسيت معني الحب الا معاكي انا كنت رعد الي ديما رافض اي تعامل مع واحده من نظره منك اتغيرت خالص وانا بقول قدام الناس كلها بحبك بحبك وهعمل اي حاجه علشان تكوني مبسوطه ومستعد أضحي بروحي وضحك هي جايه متاخره بس ملحوقه
رعد بحب :: تقبلي تتجوزيني
عشق بدموع هزت راسها بنعم
رعد قام من علي الأرض ولبسها الخاتم وحضنها وداخ بيها
رعد بصوت عالي وسط تسقيف الناس :: بحباااااااااااااااااك
ونزلها ورقصوا مع بعض سلو
بعد مرور ساعات
الحفله خلصت ورعد وعشق راحوا اوتيل
عشق بتوتر :: انا حابه اشكرك علي الي عملته معايا انهارده
رعد حضنها من ظهرها وبحب:: انا مش عايز شكر كافيه بس انك تحبيني
عشق :: انا مش بحبك انا عشقتك يا رعد انا فعلا في الاول كنت بكرهك بس معرفش حبيتك امتي وازاي
رعد بحب :: وانا مش عايز غير انك تحبيني
عشق حضنته ورعد بادلها الحضن
(نسيبهم بقا ونروح الشر 😂😂)
في مصر
في مكان آخر بيتفقوا عصابات الشر
(عمر -امير-جميله)
عمر خرج من السجن بنفوذ امير
امير :: كل واحد فهم هيعمل اي
جميله بغل :: اه
عمر :: انا بردو مش فاهم اعمل اي
امير :: انت غبي يلا انت هتروح لريم وتتمسكن عليها شويه لحد اما تصدقك وتروحي مكان تشربوا فيها حاجه وانا هكون مضبط ليك الدنيا وعيش بقا
عمر بطمع :: انا مش عايز ريم بس واخت رعد علشان اندمه علي الي عمله معايا
امير بص لجميله
جميله بدون رحمه وغل :: انا كل ده ميهمنيش كل الي يهمني موت رعد وفلوسه بس
عمر بشر:: يبقي اتفاقنا
جميله :: انت هتجيب عشق البيت عند عمر ازاي
امير :: مالكيش دعوه انا ماشي ومش عايز اي مكالمه غير لما العمليه تخلص مفهوم
جميله :: طيب