الفصل الثالث
بقلم حوراء الشمّري
رسل..نزلت هدى و اني غسلت و حطيت مسكارة خفيفه كلش و نزلت...فتحت الباب و جان اشوف ابراهيم و رعد دخلو للمطبخ ..بسرعة رجعت للغرفة و سديت الباب....ماا اعرف شبيه..اشو كل واحد منهم بگد الغرفة حيل اضخام بس ماا اعرف منو ابراهيم و منو رعد...؟!!
مرت دقايق و اندگ الباب اني وگفت و فتحته ...........
هدى..خبلة شبيج ليش ماا نزلتي..
رسل..م..ماا..اعرف
هدى..حبيبتي رسوله لتستحين البيت بيتج و انتي وحده منه ..تعاي حطيلج لگمه بحلگج رحمه للعباس..
رسل..ضحكت على حجيهاا....هههه اوك
....نزلت اني وياها بس اشو سنطه محد يحجي عالأكل هاي لو اني اربع و عشرين ساعه شارگه من كد اللغوة......دخلت للمطبخ و اني ورى هدى امنزله راسي هدى ندستني بيدهاا عود اسلم............سلمت و اني امنزله راسي
رسل..سلام عليكم
الكل..و عليكم السلام
هدى..و هيه تهمس بأذن رسل..تعااي هناا...اتأشر عالكرسي..
ام ابراهيم..يمه ابراهيم ..رعد..هاي بنت اختي نسرين..اللي حجيتلكم عنهاا...رسل
رعد..اهاا..اي اهلا و سهلا
ابراهيم.......
رسل..واحد منهم حچه و الثاني ساكت بس يخزر بيه......بديت اكل..مرت دقايق و اني جاي اكل اجت عيني بعين هذا اللي ماا حچه..فاك عيونه على حيلهن و يخزر بيه اني متت من الخوف ..اول مره شخص يخزر بيه هيج...حيييل نرفزني بهذا تصرفه...كمت بسرعه و اترخصت من عدهم و حجت ام ابراهيم ..........
ام ابراهيم..وين يمه ؟!!
رسل..و هيه واكفه..الحمد اللة خالة
ام ابراهيم..على راحتج يمه..
هدى..اني هم خلصت..
علي..هااااا تگابلن الحبايب يمكن هههه
هدى..ماا عليك انت..يمممه حاااچييييه...
رسل..عفتهم يتناگرون و مشيت....حيل استفزرني ذاك بالتصرف هذا
..المهم خلي يولي.. اني شهر و راجعه لبيت اهلي...بس هذا اكيد ابراهيم ..لان رعد متزوج و مرته كاعده يمه..اي اي هذا هوه ابراهيم....صعدت للغرفه ..كل غرفه الها حمام ف غسلت و گعدت عالجربايه اگلب بالتلفون...اندگ الباب و فتحته..لان استحي اكول منو.....جانت هدى.......
هدى..شبيج رسل ليش كمتي بسرعه عن الأكل..
رسل..ماكو شي شبعت و كمت..
هدى..شبعتي شنو ..من الضهر ممخليه لگمه بحلگج..
رسل..و الله شبعت شبيج..
هدى..مممم مع انو ممقتنعه بجوابج بس يله اعديهاا هالمره.....مرت ربع ساعه و اني حجيت
رسل..اكلج هدى...انكوم اني وياج نغسل مواعين...
هدى..هههه يله تعالي
رسل..يله.....نزلنه و جان البيت هدوء و الساعه ب8 و نص...دخلنه للمطبخ و بلشنه نغسل اني وياها ..اني اغسل و هيه تشطف....بقينه نص ساعة نغسل و انسولف...عمري كله ماا حاسه بهيج ونسه من قبل..اربع و عشرين ساعه مدفونه بالبيت..المهم كملنه صارت الساعة ب9 و خمسه...هدى صعدت فوك و اني طلعت برا غسلت و رجعت صعدت ..
..بقينه لازمين تلفوناتنه و انگلب بيها...ضليت صافنه افكر بأمي و ابوي شوو ماكو خبر لحد الان...بصراحة ضل بالي..و كلت اكيد تعبانين من السفر ..باجر احاجي خالتي اتخابرهم و اتطمنني عليهم...بقيت اگلب بتلفوني ..شفت هدى نامت ..اني هماتين نعست و نمت.....بس فزيت من شفت بالحلم چن اني ابجي و ذابحة نفسي من البجي و اخرمش بوجهي يعني بحاله يرثى لها...فزيت و اني ميته خوف..باوعت الساعة ب12...نزلت جوه بالطرمه اتنفس هوى..بقيت دقايق برا و رحت للمغسلة اغسل وجهي ..و اني اغسل وجهي احجي وي نفسي...............
رسل..شبيج رسل شنو هالأحلام هاي............
اشو مرتاحه و ماكو أي شي يبجي...
.....استغفر اللة...استغفر اللة...ضيلت اردد هيج..و اني اغسل بوجهي.....رفعت راسي عالمرايه و جان اشوف................
ابراهيم..اي شنوه اليبجي بله...
رسل..جان واكف وراي بس بعيد شويه...
انداريت عليه و گمزت من الخوف.........مم ممااا...كوو شي..
ابراهيم..شبيج خايفه...مو ابليس كدامج ترا...
رسل..لل..لاااا..مااا خايفه بس ضهورك مم..مفااجئ يعني..عالأقل حمحم..
ابراهيم..ههههههه
رسل..ضليت صافنه شنوه اليضحك....احم..ممكن اعرف شنو اليضحك..
ابراهيم..شعليج انتي..و بعدين شعدج كاعده بنص الليل..؟!!
رسل..هيج فزيت و كعدت......جان حديثنة اني يم المغسلة و هوه شويه بعيد عني...
ابراهيم..امشي روحي نامي...و ملابسج هااي من اتنزلين جوه بدليهاا..خو مو هيته هيه..البيت بي زلم افتهمتي لو لا..جان يحجي بعصبيه...
رسل.. باوعت لروحي...لابسة اتراكسوت و نسيت اني شلابسة............
رسل..اني اسفة ..بديت انزل بالاتراك على رجليه ..يعني خجلت من كلامه .....مشيت ..جاي اطلع و هو خله ايده عالحايط ماا خلاني اطلع و حچه..........
ابراهيم..اشو ماا عاجبج الحجي..
رسل..وخر ايدك رجاءاً...اريد اروح..
ابراهيم..احجي عدل لا ضهرج اكسره..
رسل..ماا حاجيه شبيك وخر عني....اريييد ارووح..جنت احجي بهمس لان الكل نايم........تقرب يم اذاني و همس بيهاا...
ابراهيم..و هو يهمس..ملابسج هااي تنلبس فوك..جوه ماا اريدها تنلبس لا اشگكها عليج............خوش
رسل..من كد الخوف دمعت عيني ..هزيت راسي اله بمعنى اي.. دفعته عني بس ماا يندفع حيل ضخم...هوه حس على نفسه و وخر من يمي...عفته و ركضت صعدت فوك ابجي.....
.....دخلت للغرفة دفنت وجهي بالمخده بس ابجي....هوه منو و يتحكم بيه هيج...اكره هيج تصرف...بعمري محد امعلق على لبسي ....و بالأخير يجي واحد مثل هذا و يهددني هيج...ضليت بس اشهگ من الخوف..مااا اعرف شصار بيه...غفيت و ماا حسيت على نفسي ..........
گعدت الصبح ..اباوع الساعة ب9 و هدى نايمه....عفتها و كمت غسلت و مشطت شعري..و اني امشط ..باوعت على الاتراكسوت و اتذكرت موقف البارحه..اجتني لحضة عصبيه على خوف..و كمت بدلته و بديت ادور بملابس هدى..لان اني ملابسي اللي جايبتها كلها اتراكسودات..
...دورت بالخانه لكيت دشداشة لا بأس بيها ..شويه احلى من الباقيات و على گدي...لونهاا نيلي...عدلت نفسي و لفيت الشال على راسي و نزلت....شفت خاله اتسوي ريوك ......
رسل..مم صبااح الخير
ام ابراهيم..صباح النور يمه..هلا بهالصبااح...
رسل..ههه اجي اساعدج خاله..
ام ابراهيم..لا يمه ميحتاج خلصت...
رسل..اجيت يمهاا ..اساعدهاا شويه....و كلت ليش ماا احاجيها.........اكول خاله...؟!!
ام ابراهيم..كولي يمه
رسل..خاله اشو اهلي لا دگو لا طمنونا عليهم...فدوه خاله اذا ماا عليج امر...خابريهم طمنيني عليهم ..ضل بالي و اللة..
ام ابراهيم..لا يمه شبيج..ليضل بالج ..هسه خلي يكعد واحد من الولد يخابرهم
رسل..ماشي.....كملنه و كعدنه اني وياها عالطاوله و بدنيه نتريك...و هيه اتسولف على ايام قبل ..شلون جانت هيه و امي...صراحه اتونست بسوالفهاا........شويه و كعد هذا اختلست من صوته..............
ابراهيم..صباح الخير..
ام ابراهيم..صبااح النور يمه...غسل و تعال اتريك ويانه...
ابراهيم..و هوه يخزر ب رسل........اي
رسل..غسل و اجه كعد گبال الكرسي اللي اني كاعده عليه.......اجت عيني بعينه ..يخزر بيه و يبستم ابتسامه خبيثة ..رجعت نزلت عيني.........بقينه دقايق و خاله حچت.......
ام ابراهيم..يمه ليش متخابر عمك ابو رسل اتشوفهم وين...اتطمننه عليهم......
ابراهيم..اي.... ..رايح اجيب التليفون.........
رسل..راح صعد جاب تليفونه و نزل...كعد عالكرسي و هو يتصل بيهم.........بقه شويه يرن ...ياكل و لازم التليفون بعدين فتح.......
ابراهيم..الوو...سلام علــ ....جاي يحجي و قاطعه .....و عليكم السلام.......شنووووو.....شنووو دليييلك على هذاااا الحجي.....و هسه..