رواية اتزوجتك غصب
الفصل الرابع
بقلم حوراء الشمري
ابراهيم..الوو..سلام عليــ.......جاي يحجي و قاطعه.....و عليكم السلام.........شنووووو......شنووو دليلك على هذااااا الحجي.......ووو هسه........لا اللة الا اللة..........
رسل..بدأ يحجي بصوت عالي هوه كمز من الكرسي و اني و خالتي گمزنه وياه...اني بوكتها گلبي كام يوجعني حيل...لزمت صدري و اني اسمعه...شويه و كال لا اللة الا اللة....اني هنااا عيوني غوشت صار مثل الاسود كدامي....بقيت واكفه انتضره شيكول............
ام ابراهيم..خييير يممممه ...شصاير
ابراهيم...........
ام ابراهيم..احجي يمه ابراهيم...شصااااير
ابراهيم..يمه الجماعه واصلين للمطار و امأجرين تكسي للفندق ...هنااك و صار وياهم حادث من امس..و تونه عرفنه بالخبر..........
ام ابراهيم..دگت على صدرهاا و صاحت...يمممممه سووووده بوجهي..وووو هسه...
ابراهيم..البقيه بحياتج يممه...
ام ابراهيم..يبوووووو يااا يمممه...ضلت اتدك و تلطم على وجههاا و البنات سمعن الصريخ و التمن عليهاا و كامن كلهن يبجن اني هناا ماا ضلت روح بجسمي....اغمى عليه و ماا حسيت على شي...
ابراهيم..على الصريخ التمت النسوان و الجوارين كلهم..هناااا البنت وكعت من طولهاا ..جبت دولكة المي و رشيته عليهاا ماا تكعد...جريت شال من يم الباب و شمرته على راسهاا...شلتهاا خليتها بالسيارة و طلعنه للمستشفى...........طلعت تلفوني اخابر رعد..........
ابراهيم..الووو
رعد..الوات.......خير شكوو
ابراهيم..احجي عدل لا راسك اشگه..
خالتك امسوين حادث و اتوفوا البارحه .....
رعد..صدك....لااااا حول و لا قووووة الاااااا باللة...
....هسه انت وين ؟!!!!
ابراهيم..رسل اول ماا سمعت بالخبر اغمى عليهاا هسه اني رايح للمستشفى ........يسوق و يخابر...
رعد..خطيه..اللة يكون بعونهااا......
ابراهيم..سد القاعه و جيب الولد وياك كلهم...انت بعد تعرف شغلك...
رعد..خوش..
ابراهيم..يله رايح..
رعد..اللة وياك..
ابراهيم..سديت التليفون ...و اني ازيد سرعة بالسياقة....وصلنه شلتهاا و نزلناا ..شافني الدكتور كال خليهاا عالسديه...خليتهاا وره دقايق طلع و كال ما بيهاا شي مجرد صدمة عصبية...هسه شادلهاا مغذي نص ساعه و تطلع...هذاا العلاج جيبه من الصيدلية الجوه.........طلعت جبته و اجيت.......دخلت جوه ...بقيت اباوع بعيونهاا شلون عاگدتهن و هيه نايمه...جريت كرسي و گعدت يمهاا قريب عالسديه...ضليت صافن بيهاا......
ابراهيم..اوووف اوووف.......
.....شفت المغذي مجاي ينگط زين...حركته من فوك رجعت كعدت عالكرسي.......شويه كامت تفتح بعيونهاا.....
رسل..اب..ابراه..يم...
ابراهيم..شفتهاا بدت تفتح بعيونهاا و نطقت بأسمي لأول مره..اجاني شعور غريب.. مااا اعرف شنوو ..كمت وگفت يمهاا....و كلت.......
ابراهيم..عيونه.....كلتهاا لا ارادياً
رسل..ام...امييي..ابو..وي
ابراهيم..........
رسل..لاااا لا ماا ...ما بيهم..شي.... ك كل.شي مااا بيهم موو
ابراهيم..جنت صافن بيهاا و هيه اتجر بالحجايه جر...شويه و كامت تصرخ رجت الغرفة رج
رسل..اميييييييي...ابووووي...يممممممه
ابراهيم..كامت اترافس لزمتهاا كل قوتي...اجه الدكتور ضربهاا ابره مهدئه و نامت........بقينه نص ساعه بالمستشفى شويه و دك رعد...........
رعد..الوو
ابراهيم..خير
رعد..يمعود تعال انكلبت الدنياا كلابه ماا اتكلي وين صرت...
ابراهيم..ليش شصاير ؟!!
رعد..يمعود صريخهن هز گاع بغداد ..و كلساع طالعه مره مشگگه ملابسهاا و النسوان يدخلنهاا...و هذا ابو الچادر من يمته حاچيته و لهسه ماا اجه ابن ال......استغفر اللة ياا ربي
ابراهيم..دنجب و اسكت..هسه يجي دائماا يتأخر هذا المطي...............علي وين ؟!!!
رعد..هذا وياي جاي ينزلون بالصواني......اگلك ؟! هاي شلون انجيب جثثهم مناك...
ابراهيم..موو وكتهاا هسه ..من اجي عود نحجي...يله باي
رعد..خوش.....اللة وياك......
..سديته من يمي ..و هاي بدت تفتح بعيونهاا مره ثانية و اتباوع للسكف و عيونه تجري نهر مو دموع كااامت تشهگ بعلوو صوتهاا ...تسكت و ترجع تشهك....سندتهاا و كومتهاا و جريت علاگة العلاج عالسريع... طلعنه من المستشفى و خليتهاا بالصدر كوه...اترافس و ترجع تهدأ....حركت السيارة و طلعنه جانت تبجي بعلوو صوتهاا و اترافس برجليهاا ..كوه وصلنه للبيت...
...صحت بنيه صغيرة جانت بالطرمه ..كلتلهاا صيحيلي هدى.....اجت هدى و وجهاا احمر و صدرهاا كله دگ.....كلتلهاا اخذيهاا ..أشرت على رسل.....اول ماا شافن بعض انفجرن من البجي...دخلت رسل تركض ليجوه ملخت روحهاا اتملخ ...النسوان التمن عليهاا يلزمنهاا ماا تنلزم.....اجن هدى و سناء يتراكضن و يكولن الحگلنه راح تكتل روحهاا.....
ركضت عليهاا دخلت بين النسوان لزمتهاااا من ايدهاا بقوه بحيث زادت بالبجي...كامت تصرخ و اتصيح........
رسل..عووووفني ......عووووفني.... يممممممه...
ابراهيم..عطت بيهاا بصوت رج البيت كله... النسوان كلهاا سكتت...ررررررسسسسل
رسل..وووولك عوووفني....ولج يمممممه...
ابراهيم..حرگت گلبي كوه لازمهاا ماا جاي اسيطر عليهاا من كد ماا اترافس...ماا كدرت اسوي شي كدام النسوان صعدتهاا ليفوك...دخلتهاا لغرفة هدى ضربتهاا راجدي فر وجههاا فرر...ضربة واحد ابن قاعه و بعد يمكم الحساب...
وكعت بالكاع و زادت بالبجي.. ماا حجت أي شي مجرد لازمه خدهها.......اجت هدى و سناء .....
هدى..عوفهاا ابراهيم..شجااااك..ليش تضربهاا
سناء..ليش هيج..محروك گلبهاا على اهلهاا ....شتريد منهاا عوفهاا تبجي و تصرخ
ابراهيم..عطت بيهن...مااااااا علييييجن افتهمتن لو لا....هاي البنت صارت مسؤؤليتي اللي تدخل السانهاا اكصه...
..سناء انتي مرة اخوي و مو من حقي اتجاوز عليج بس انتي اللي جبرتي نفسج....
......هددددى ديرباااااالج عليهاا اذا سمعت أو لمحت بس... صار عليهاا شي انتي أول واحد ازلغج زلغ........هزتلي براسهاا......عفتهن و طلعت
هدى..حسبي اللة و نعم الوكيل بيك يا ابراهيم....كومي رسل كومي...جااانت كاتله روحهاا من البجي..
سناء..كووومي حبيبتي...سندناهاا اني و هدى..بدلناا ملابسهاا و لبسناها دشداشة سوده...و هيه بس تبجي بصمت....يا تبجي بعلوو صوتها و اتهز البيت و تصرخ ياا تسكت و تبجي بهدوء....
هدى..نزلناهاا ليجوه و عفناهاا يم امي و النسوان....گمنه اني و سناء شدينه عبينه على خصرنه ..و البنات هم كلهن كامن ويانه للمطبخ...شويه و اجه علي و كال....دخلن جوه بسرعه راح يطببون الجدوره و العلاليك..
..سوينالهم درب و دخلنه ليجوه...شويه شفنه راح صوت الزلم رجعنه للمطبخ و بدينه بالشغل.......وره ساعات كالو اجت الملايه..........بقينه على هذا الحال 3 ايام و الولد بدلو ملابسهم و لبسو دشاديش سود و شماغ .........
رسل..جان اسوء خبر اسمعه بحياتي..ماا اعرف وين اروح... صرت يتيمه و بعمر الورد تيتمت...ضليت اسبوع كامل لا اكل و لا شرب عالمغذيات اللي يجيبهاا ابراهيم و العلاج و المي...بحيث صرت جلد على عضم....و حته ماا اتفوه بأي كلمه..مرات تدخل عليه خالتي لو هدى لو سناء..يجيبن اليه اكل...بس ماا احط بحلگي أي لكمه مالي نفس بكلشي...
.و لا الي خلك اباوع بوجه احد ...
...من شافنني اسبوع كامل ماا اكل و لا اشرب يجي ابراهيم يلزمني من اديه بقوه و يدخل اللكمه بحلگي غصباً عني....و حته العلاج هم غصب اخذه...شالو الچادر و النسوان تجي و اتروح بس قليلات...رجع كلشي طبيعي...حته جثثهم قبل ليموتون ماا شفتهم و لا ودعتهم و اشتميت ريحتهم لأخر مره بعمري....
....كرهت نفسي و كرهت حياتي كلهاا....و الأكل اللي اكله مو شي...لكمتين تلاثة يغصبني عليهن ابراهيم و هاهيه....مر شهر على وفاتهم...و اني شويه حالتي بيهاا تحسن بحيث تقبلت الفكره و هاي ارادة رب العالمين..و بعد بعمري ماا اشوفهم...هاهيه خلص انتهى كلشي.............جنت حابسه نفسي بالغرفه و ماا اطلع ابد...و مره حسيت انوو حته لو حبست نفسي و كتلت روحي مراح يرجعون ضليت متممدده عالجربايه و دخلت عليه خالتي..........
ام ابراهيم..يمه رسل فدوه اروحلج كومي ..يعني حبستي نفسج شهر بالغرفة لا اكل و لا شرب و ادموعج ماا توكف و حالتج جاي اتسوء يوم عن يوم..
....راح يرجعون مثلا ي يمه...كومي وياي يمه هديتي حيلي ....
رسل..اني صافنه بالكاع و هيه كاعده يمي و تحجي.....
ام ابراهيم..يمه فدوه كومي وياي ...شوفي شصاير بيج وجهج اصفر جنج كركم...صرتي عضام....وينهاا ذيج رسل التخبل اللي اجتنه امتفحه و خدوده يخبلن....
رسل..جانت تحجي و تمسح على راسي...اني هناا طفرت دمعتي و ضليت ابجي...........خاله راحت ذيج رسل من راحو اهلهاا و اخوهاا.....روحي راحت خاله احس نفسي مخنوكه بدونهم...فدوه اروحلج خاله اخذيني الهم......
ام ابراهيم..يروح خالتج و عمرهاا...مو هسه يمه اتمر الاربعينيه مالتهم و ناخذج الهم شتردين بعد......
رسل..خاله ليش ماا جابوهم لهناا اشوفهم لأخر مره بعمري...احجي و ابجي
ام ابراهيم..يمه غير جانو بره البلد..صعبه انجيبهم لمن وصلولنه جثثهم للعراق يم مطار بغداد ...خذوهم للمغيسل مناك و راحوو للنجف....بعد وين انجيبهم لهناا يمه...
رسل..توعديني خاله تاخذيني الهم..
ام ابراهيم..لعد شلون ياا يمه غير اهلج و ابرعينيتهم قربت بعد جم يوم و انروح.....كومي وياي يمه اسبحي و بدلي و عدلي نفسج و نزلي وياي فدوه رحتلج...
رسل..ماشي خاله...
ام ابراهيم..يمه اطلب منج طلب....
رسل..اي خاله كولي