CMP: AIE: رواية اتزوجتك غصب الفصل الاول الثاني2بقلم حوراء الشمري
أخر الاخبار

رواية اتزوجتك غصب الفصل الاول الثاني2بقلم حوراء الشمري


 
روايةاتزوجتك غصب

الفصل الاول والثاني

بقلم حوراء الشمري



تعريف الشخصيات والفصل الاول

البطلة...

هلووو..اني رسل عمري 15 سنة..حنطاوية...عيوني بني فاتح ..شعري وسط ...طولي 160 سم...سبورتية احب الضحك و الشقه..😂😂😂😂اي لا اتلوموني من اضحك بلا سبب...هذا خبااال من عندي😂


ادرس صف ثالث متوسط...من بغداد الكاظمية... عايشه وي ماما و بابا و اخوي الصغير فهودي عمره 6 سنين...

... حلمي اصير طبيبة اسنان...

.بابا عنده شركة بره البلد ف ما انشوفه هوايه ..بالشهر مره وحده و بعدين يرجع للشغل...حالتنه الماديه عالي العال و الحمد اللة.......❤


البطل...

هلوو اني ابراهيم 29 سنة من بغداد الرصافة ...اشتغل ك مدير لقاعة حديد ( كمال اجسام ) ف جسمي ضخم كلش....اني الچبير لأخواني اللي همه.......رعد و علي 

و هدى اخر العنگود 18 سنة. .....الوالد متوفي من 10 سنين بسبب مرض اللة يبعد الجميع عنه....


مواصفاتي..طولي 185 سم...عيوني سود....شعري متوسط..عندي شيب قليل بلحيتي و همه بشعري...حالتنه الماديه كلش زينه ....طبعا اني عصبي بس اهدأ بسرعه ...و احياناً مااا اتفاهم.... ......

هااا و نسيت اگللكم اخوي الاصغر مني اللي هوه رعد 26 سنة... متزوج قبل شهرين و ماا عنده اطفال حالياً.........


الفصل الاول 

.......................................

رسل..طبعاً اليوم ماما اتسافر وي بابا للشغل بره البلد..

...ماا اعرف شنو السبب و كل ماا اگللها ماما شنو السبب رايحه ويه ابويه لأول مره لشغله.... اتگولي ..اساعده بألاوراق و هاي السوالف..و هماتين راح ياخذون فهودي وياهم.......بس اني ماا اروح ماا يخلوني...


و گلتلهم اني وين ابقى اذا انتو اتروحون...؟!!

گالو لبيت خالتج بالرصافه......اني خالتي مااا اعرفها ابد..بس اسمها اللي هو رشا

...و ما اعرف حته عمامي لان من وعيت على هاي الدنيا... و اني ماا اعرف كرايبنه ميتين عدلين...

..بس بيت خالتي رشاا اللي راح اروحلها...طبعا هيه الوحيده قريبه على امي..اذا اتروح ماما الهم ابقى اني بالبيت...ميخلوني اطلع ابد...ف ماا شايفه الدنيا زين...مجرد اروح للمدرسة ..و ارجع للبيت ...هاي وجهتي بالحياة😂...خلف اللة عالمدرسة اتخليني اشوف الوادم.....


رسل..گعدت الساعه ب10 ص غسلت و مشطت شعري و نزلت......لگيت ماما دتسوي ريوك.......صيحت بالمطبخ


رسل..صباااحوووو


الأم..خبال.. و سم فززتيني...اكو واحد هيج يصبح....


رسل..اي غير احبج😂😂

الام..مممم كلش


رسل..و الله احبج و داعت جنگال...


الام..انجبي و تعاي ساعديني...


رسل..اوك............. اكول ماما..؟!!! 


الام..همم


رسل..بيش الساعه طيارتكم...؟!!!


الام..ب7 المغرب


رسل..اهاااا....زين و شكد تبقون هنااك ماما فدوه.؟!!! 


الام..شهر...متعرفين شغل ابوج....


رسل..لا اعرف...بس هيج يعني خاف عدكم شي ثاني...


الام..لا ماكو شي...بس شغل...


رسل..اوك.......هاج كملت البيض...


الام..يله هاهيه روحي راجعي دروسج... من اكمل اصيحج...

رسل..اي........صعدت فوك اراجع المواد عالسريع لان ابدل ب11 و نص............جاي اراجع و اني فكري مو يم الدراسه ابد...اول مره اطلع....

اول مره ادخل بيت ناس غير بيت اهلي...ناس جدد مشايفتهم...صراحه بالنسبه الي شي كلش غريب...و هماتين شهر مو قليله ابد ..رااااح اشتاقلهم حيييل و بالأخص فهودي حبيبي......جاي اراجع و سمعت ماما......


الام..رسوووله ...رسسسسل


رسل..اجيت اجيت....نزلت جوه ...

..هااا ماما


الام..يله تعاي اتريگي صارلي ساعه اصيح متردين ..شبيج ؟!!


رسل..لا ماما ماكو شي.....


....هلووو هلو هلووو


فهودي..هلواااات


رسل..شلونك ابو كفشه...


فهودي..بحلگج الكفثه..(كفشة)😂


رسل..ههههه كفثه..يممممه فدوه للكفثه ..سمعتي ماما ..


الام..هههه اي


رسل..بعدين تعال ولك شعدك كاعد من وكت ..اشو و اني رايحه و راجعه ..الگاك منخمد

فهودي..بكيفي انتي شدخلج....


رسل..مو صوجك. امداك..


فهودي..و امداج وياي...


الام..ممكن اتعوفون المناگر و تجون تتريگون لا بالچفجير هسه....و انتي شبيج ولج شطولج شعرضج تتعاركين وي واحد بطول زرج....


رسل..بكيفي😂😂


الام..انجبي ولج....تعاي اتزقنبي يله..و انت فهودي كافي ماما يله تعال...


فهودي..اي


رسل..كملنه ....و رحت البس ملابسي ...طبعا ماا اخلي بس واقي شمس من اطلع للمدرسة لان الشهر الرابع شويه الشمس نازله .....لبست و كملت و نزلت جوه انتضر بابا يجي ياخذنه اني و فهود للدوام................


ابو رسل..سلام عليكم


الام..و عليكم السلام..هلا عادل

ابو رسل..هلا بيج ..يله وين الجهال..؟!! 


رسل..هلووو باباتي


ابو رسل..هلااا برسوله...شلونج بابا


رسل..تمام زينه...انت شلونك ؟!؟ 


ابو رسل..تمام بشوفتكم...يله وين اخوج للتتأخرون


رسل..اي بابا...يلللله فهوووودي


فهودي..اجيييت اجيت....هلوو بابا


ابو رسل..هلوات باباتي..يله امشونه..


فهد و رسل..يله


.................


رسل..نفس الروتين اروح و ارجع للمدرسة ماكو أي شي يسلي و يونس...رجعنه ابويه للبيت الساعه بال4 كلش حاره...ف وجهي صاير احمر من الحر....دخلت..........


رسل..هلوو

الام..هلو ماما...هااااي شبيج ليش هيج وجهج احمر...؟!! 

رسل..من الحر ماكو شي....بس ميته من الجوع ..راح اطلع اذب على روحي مي بلكت ارتاح شويه و انزل اكل....

الام..على راحتج ماما..........هلا هلا بفهودي ..انت هم وجهك احمر النوب ...شبيك ضايج؟!!


فهد..ماخذ 9 من 10 بالاملاء...

الام..هههه عادي ماما هاي اخت هاي...المره جايه اريدهه عشرة كامله ...روح غسل وجهك و تعال اتغده ويه اختك


فهد..اي ماما...


ابو رسل..نسرين صبيلي غده بسرعه ميت جوع...


الام..هههه تدلل ..

....................


رسل..كملت غده و غسلت المواعين و صعدت لغرفتي..صعدت و اني بس التفكير ماكل راسي اكل....يعني ماا اعرف حيل متعجبه اول مره افارك اهلي و اول مره اشوف ناس جدد مشايفتهم ......تمددت على الجربايه و بديت اگلب بالتلفون..طلعت اغنية ..گلب..شجااابك لهذا الدرب ..گلب..اموت على هاي الاغنية...


حطيت الهدفون و نمت ماا حسيت على نفسي............گعدت على صوت امي اتنهدني.......


الام..ماما رسل...رسوووله گعدي الساعه ب6...

رسل..😴😴😴

الام..رسسسسسل

رسل..هااا هااا شكووو شنووه

الام..هههه اسم اللة ..شبيج ماما ماكو شي..اكعدي حضري جنطتج حته يوديج ابوج لبيت خالتج.....الساعه ب6 بعد ساعه طيارتنه كوومي..

رسل..يوووو كمت كمت......كمت اركض بسرعه بسرعه..احضر بالجنطه و شنو اخذ وياي..ملاااابسي كلها خليتها ماكو شي ماا خليته😂😂و اهم شي الحمره و المسكاره و 





الواقي..هذني ماا استغني عنهن ابد😂...لبست بنطرون اسود ...و بدي بيجي بي ورود ناااعمه كلش...و شال اسود...و حطيت حمره و مسكاره بس خفيف...حته ميبين لان ابويه ميقبل ابد....لبست الحذاء الرياضي و نزلت انتضر بابا يكمل....اجت ماما گعدت يمي......

الام..ماما ...سمعيني زين..

رسل..كولي ماما ...شكو

الام..ديربالج على نفسج..و خليج عاقله ..اول مره اتطلعين بيت وادم..ماا اريد نسمع عنج حجايه منا منا...خوش





رسل..اكيد ماما شنو اتوصيني ما اتوصه اني..ترا عمري 15 مو صغيرة...

الام..اعرف...بس خاف تنسين..

رسل..لا ماما لتخافين..ماا انسى

الام..و صدك اوراقج مالت المدرسه ابوج اجه و نقلهن هناك ..اكو مدرسة قريبه يم بيت خالتج....

رسل..اوك

الام..ماا اوصيج يمه..ديربالج على روحج..

رسل..و انتي همه ماما....بسته و 




طلعت.....صعدت وي بابا بالسيارة و اني الدمعه بطرف عيني ماا اكدر ابجي كدامهم ابد..شفت ابوي بالمرايه ..حط جنطتي بجنطة 



السيارة..نزلت ادموعي مسحتها بسرعه....اجه بابا و صعد حرك السيارة و طلعنه للرصافة گبل......


.اريد بس ابجي احس بلعومي كام يوجعني حيل من كد ماا حابسه دعمعتي ماا اكدر اتحمل...حطيت الهتفون




 بأذاني اريد انسى شويه..و بقيت اباوع للطريق..و نمت ماا حسيت على شي...



الفصل الثاني


رسل..گعدت على صوت بابا ينهدني............


ابو رسل..بابا رسل گعدي وصلنه...

رسل..هااا....ا..اي 


ابو رسل..شبيج بابا ؟!!! 


رسل..هااا .....لا ماكو شي...يله خلي ننزل


ابو رسل..يله..


رسل..نزلنه و بابا نزللي الجنطة و خذيتها.....جنطة صغيرة على جتفي و جنطة سفر اسحل بيها 😂😂اول ماا نزلنه شفت البيت كدامي عرفته هوه هذا بيت خالتي رشاا...بس ماا شاء اللة بيت كلش جبير ...طابقين...مدري تلاثة..المهم حلوو......بابا اخذ تليفونه و اتصل....ماا اعرف يمكن يخابرهم حته يفتحولنه الباب.......سمعت صوت ولد يصيح اي اي............

فتحلنه الباب و طلع ولد يمكن بل 20 سنة هيج شي...........


علي..هلااا عمي ابو رسل اهلا وسهلا...


ابو رسل..السلام عليكم


علي..و عليكم السلام ..اتفضلوا


ابو رسل..يزيد فضلك ابني..يله بابا...

علي..انطيني الجنطة عنج خويه...


رسل..انطيته الجنطة ب سكته..ماا حجيت أي شي......دخلنه ليجوه البيت ماا شاء اللة كلش حلوو... گعدنه بالاستقبال..... اجت مرأه چبيرة شايله صينية عصير ..اعتقد هاي خالتي....الولد اخذه من عدها و كعدو.....


ام ابراهيم..هلااا يمه هلا بيكم..زارتنه البركه...


ابو رسل..و بيج خويه تسلمين...احب اعرفكم ...هاي بنتي رسل...


ام ابراهيم..يااا يمه فدوه...هيه هاي رسل..تعالي يمه خلي ابوسج..


رسل..مممم..بستها و رجعت كعدت يم بابا عالسريع....چنه الوضع ماا عاجبني...


ابو رسل..خويه هاي الامانه يمكم..و ان شاء اللة ماا اتقصرون و ماكو ثگل عليكم....


ام ابراهيم..لا خويه افه....امانتك بالحفض و الصون..ان شاء اللة اتروحون و اترجعون بالسلامه بجاه النبي...

ابو رسل..تسلمين ...ماا اتقصرون ام ابراهيم....ان شاء اللة شهر و نرجع للعراق ..و بنتي ديربالكم عليها...بعد ماا تتوصون انتو..اجاويد و ناس معروفه....


ام ابراهيم..تسلم خويه..و بنتك رسوله احطها بعيوني....


ابو رسل..اللة يسلمج خويه...هيه بعد منا و غاد عطلة نصف السنة...اني الاوراق مالت رسل راح ارجعها وياي للبيت..اعتقد ماا الها لزوم بعد...


ام ابراهيم..اي هاهيه خويه..كل الهلا بيها....

..يمه رسوله ماا تحجين ليش ساكته..


ابو رسل..هههه هيه ماا متعوده ..اتعرفينها اول مره ف خجوله شويه...


رسل..بيني و بين نفسي...اشو ذوله كلهم كامو يضحكون...اباوع للولد يباوعلي و يبتسم...صراحه منا و بديت اخاف..مدري لان اول مره ...


ابو رسل..يله خويه اني اترخص..و الامانه عدكم بعد..


ام ابراهيم..اللة وياك خويه..و رسوله بعيوني احطها..ليضل بالك بعد.....


رسل..حضنت بابا و بلعومي يموتني اريد ابجي ماا اكدر ابجي كدامه.........بابا سلملي على ماما فدوه ...

ابو رسل..يوصل حبيبتي انتي.... ماا امطولين شهر و نرجع...ماشي بنيتي


رسل..اوك...ان شاء اللة


ابو رسل..ان شاء اللة....يله في امان اللة


الكل..اللة وياك ابو رسل..توصلون بالسلامه.......سدو الباب وراه...هناا اني گلبي نغزني حيييل


ام ابراهيم..يمه رسل حبيبتي...اعتبري البيت بيتج و اني خالتج و ماا اقصر وياج..ماشي يمه


رسل..ماشي خاله

ام ابراهيم..يمممه فدوه شكد حلوه من حلگج خاله ....اتفضلي يمه ليجوه...يمه علاوي جيب جنطة بنت خالتك وياك...

علي..و هو يباوع على رسل.....اي اجيبها ليش ماا اجيبها..

رسل..دخلنه للصاله اجن بنات اثنين سلمن عليه و بوسني و كعدنه...

ام ابراهيم..بنات..هاي بنت اختي رسوله الي حجيتلجن عنها...


البنات..اهلا و سهلا

ام ابراهيم..يمه رسووله...هاي بنتي هدى و هاي چنتي سناء زوجت رعد ابني ... هدى بنتي الوحيدة..و ابراهيم ابني الجبير بالشغل هوه و اخوه رعد....انما هذا الكاعد يمي علاوي مرحلة اولىـ........جاي تحجي و هو قاطعها....

علي..ميحتاج اتعبين نفسج يمه اني اعرف عن نفسي....اني علي عمري 21 سنة..كلية طب مرحلة اولى قسم تحليلات مرضية..

هدى..و اني هدى 18 سنة سادس علمي..

سناء..و اني سناء زوجة رعد 23 سنة

رسل..اهلا و سهلا..اتشرفت..


الكل..النه الشرف..


ام ابراهيم..يله يمه هدى اخذي بنت خالتج رسوله لغرفتج..خليها ترتاح..و بعدها سولفن ع راحتجن...و انتي يمه سناء تعاي ساعديني بالدولمه بمناسبة جية بنت اختي النه ...


سناء..ههههه اي اي عمه اجيت..


رسل..صعدنه للغرفة اني و هدى ..صراحه كلهم حبابين.....كعدت عالجربايه و بدت هدى تحجي......


هدى..هلا بيج بنت خالتي...شنو هالجمال ..وين جنتي عنه هاي السنين كلها..


رسل..هههه تسلمين حبيبتي....اي هيج اني ماا احب اطلع هوايه يعني..


هدى..هههه يله حبيبتي سوسه اخذي راحتج بدلي و كملي ...اني شويه و اجيج...


رسل..اوك..........بدلت و نزعت الشال احسه حيل خانگني.....بعدها وره ربع ساعه دخلت عليه هدى...

هدى..هاا حبيبتي كملتي .....

حته انرتب ملابسج بالكنتور

رسل..اي كملت

هدى..يله....

رسل..اجيت فتحت جنطتي و بدينه انعلگ ملابسي بالخانه.....و هنااااا بدت السوااالف بينه😂😂

هدى..اي رسل..عرفينه عن نفسج...

رسل..ههههه اي اوك....اني رسل 15 سنة صف ثالث متوسط...

هدى..هلووو بيج

رسل..و بيج اكثر

هدى..اكلج بنت خالتي ..ترا اني ماا احب الرسميات...اذا سبورتيه نبديها من اولها راجديات و دفرات😂هااا شنو رأيج....

رسل..هههههه اي اكيد اني حييل سبورتيه.....نبدي

هدى..يله...اكلي تبن و علگي الملابس عدل..

رسل..انجبي و مرض ماا اتشوفين دا اعلگهن عدل ..لا اتخليني الزكج براجدي هسه..

هدى..هاااا ولج اتلزكيني براجدي اكبر منج ام الوصخ..

رسل..انجبي و اذا...و بعدين انتي طلبتي الميانه هههههه

هدى..هههه ااخ منج ام لسان..طلع عندج لسان شطوله ي رسووله..

رسل..هههه شعبالج هداوي.......و منااا بقينه بس سوالف لا شغل و لا عمل..اربع و عشرين شاعه امناگر اني وياها بقينه بالساعتين انرتب و انسولف...و ألي عرفته من خلال سوالفنه سناء حامل بشهرها الثالث...و اخوهاا الجبير الي اسمه ابراهيم مديد لقاعة حديد..و اتكول ماا يتحاجه ابد و كلمته هناا مسموعه عبالك ماخذ دور الاب.....و الثاني اللي هوه رعد يشتغل وياا بنفس القاعه..و علي هذا بله..مساعه عرف عن نفسه...طلعنه التلفونات و خذينه الارقام.. بدينه نتراسل اني وياها مع انو قريبات عن بعض..بس هذا من ضمن الخبال😂😂😂نسولف و نضحك بقينه نص ساعه...ماا حسيت اله على صوت زلم اثنين يسلمون على ام ابراهيم....ممممم الضاهر ابراهيم و رعد...نزلت هدى كالت شويه و اجيج...اني بقيت فوك ماا اطلع ابد...بس حيييل خايفه ماا اعرف ليش.............بقيت منتضره هدى تجي شويه و دخلت عليه خالتي ..............


ام ابراهيم..يمه تجين اتسلمين على ولد خالتج ؟!!! 

رسل..لا خاله شويه تعبانه من الطريق....... شويه و انزل اني..

ام ابراهيم..على راحتج يمه...

رسل..بقيت منتضره هدى تجي و بعدها شرفت ست الحسن...

رسل..شرفتي عيني هدى خاتون وين رحتي صارلي ساعه منتضرتج و ميته خوف..

هدى..ههههه ليش عيني ميته خوف اتخافين يدخلون عليج اخواني مثلا ههههه

رسل..انجبي هدى احسلج..شسوين نزلتي ..خليتيني وحدي..

هدى..يختي هذاا اخويه ابراهيم اذا اجه لازم انطگله تحيه ..احضرلها العشة عالطاوله و اخذ ملابسه هوه و رعد اخليهن بالغساله همه

رسل..اهااا اوك..فهمت

هدى..اي اتنزلين تتعشين لا ؟!! 

رسل..بيني وبين نفسي..ميييته جوووع ...الساعه ب8 و ماا امخليه لگمه ابحلكي ...من ال4 العصر..بس حيييل مستحيه ماا اكدر..

هدى..هااا هييييو وين صفنتي..

رسل..اا..ا هااا لا ماكو شي..ماا مشتهيه...

هدى..لا حبيبتي مشتهيه و ميته جوع بس مستحيه...اعرف هاي السوالف..

رسل..لااا مو هيـ....جاي احجي و قاطعتني

هدى..لا هيج و لا هيج..كومي خلي لكمه ابحلكج لا اتصرف وياج وي امي...

رسل..مااا مشتهيه شبيييج

هدى..كومي رسل بسرعه كدامي...البيت بيتج لا تستحين شبيج....

رسل..ممم

هدى..لا اممم و لا بطيخ كومي حطي شال ع راسج و نزلي كعدي بصفي عالطاوله و ما عليج

رسل..ممم

هدى..ترا خبلتيني بالأمم مالتج..كومي حبيبتي لا اتعبيني وياج..

رسل..اوك...اني اغسل و اجي وراج..

هدى..اوك على راحتج

رسل..راحت هدى و اني غسلت و حطيت مسكاره خفيييفه كلش ...حطيت الشال على راسي و طلعت ..فتحت الباب             

                       الفصل الثالث من هنا

لقراة باقي الفصول اضغط هنا


تعليقات



حجم الخط
+
16
-
تباعد السطور
+
2
-