روايةاتزوجتك غصب
الفصل السادس
بقلم حوراء الشمري
رسل..مشه بأتجاهي و عيونه حمممر و فاك عيونه على حيلهن فتح باب المقعد مالتي و لزمني من اچتافي و صيح بوجهي........
ابراهيم..ووووييين چنتي ؟!!!
رسل...........
ابراهيم..احجييييي...ويييين چنتي اتدحمين...؟!!
رسل..و الله رحت يم هدى ماا رحت لمكان و اللة
ابراهيم..هدددددى ....هددددى موووووو.....و اتطلعين من السيارة و محد يمج.....هاااااا
رسل..بخوف..اسفة و الله.....ماا ادري
ابراهيم..هييييينه هينه..صارن 3 و ضامهن الج.......بسيطة...بعد ياا كلب ابن كلب يخلصج مني بس خلي نرجع للبيت...(اسفة عالالفاظ بس القصة هيج انطلبت من الأبطال)
رسل..اول ماا حجه هيج بدت ادموعي تجري..و بجيت بهستيرية شوكت اوصل لأمي و ابوي و احجيلهم و اشكيلهم همي ..ملييييت و الله ملييييت...ااااخ يا گلبي..شافني يتيمه و ما ألي أحد.....سد الباب مالتي بقوه و رجع كعد بمكانه ينتضر خالتي.....شويه و اجه رعد يدك الجامه حته ينزلهاا ابراهيم ...نزلهاا و رعد كله اريدك شويه....نزل و راح وراه اني بقيت بس ابجي............
ابراهيم..خيييير
رعد..شبيهاا البنت تبجي ...تدري صياحك ماكو بشر ماا سمعه...
ابراهيم..ررررعد لااااا تدخل اني اعرف شلون اضبهاا لهاي البنت...
رعد..خليهاا ابالك البنت يتيمه و احنه اتكفلنه بيهاا...المفروض انحافظ عليهاا و ماا انحسسهاا انو هيه يتيمه و غريبه بيناتنه...انريدهاا تتعود علينه...مو انصيح عليهاا و انبجيها
ابراهيم..وووولك اني الجبير لو انت
رعد..اهووووو
ابراهيم..و وجعووو...لا اتخليني افلش راسك هسه...هاي مسؤؤليتي محد اله دخل بيناتنه...
رعد..من شوكت صارت مسؤؤليتك يابه..
ابراهيم..من اليوم اللي دخلت رجلها لباب البيت
رعد..لا عمي ماكو هيج حجي....ادري ابن عمهاا و ناهي عليهاا.....
.....ووولك بس لا اللي ابالي يطلع صح و انتــ.......
ابراهيم..قاطعه.....بالك ميخطأ.....امشي روح يله ...امي اجت
رعد..اي.....يله فيمالاه(في امان اللة😂)احنه العراقيين😂
ابراهيم............رجعت كعدت بالسيارة و اشوف هاي بس اتناشغ مثل الطفل...حاولت انو ماا اضعف من اشوف دمعتهاا ...نفخت بعصبيه و ضربت الستيرن...هيه اخترعت و باوعتلي بسرعه من المراية و رجعت تبجي........اجت امي
ام ابراهيم..كعدت و شافت رسل تبجي.......يااااا يمممه شبيج تبجين...
رسل..لا تعليق...😭😭😭
ام ابرهيم..ياااااا..يمه اسم اللة الزهرة....ابراهيم يمه شبيهاا رسل..
ابراهيم..شبيج يمه ..يعني عليمن تبجي مثلا......على اهلهاا اللة يرحمهم..باوعلها بالمرايه حرك السيارة و طلعو....
ام ابراهيم..يااا خاله فدوه اروحلج لا تبجين و الله هديتي حيلي مو عيونج راح تنعمي ..نوصللهم و اشبعي بجي على راحتج يمه....فدوه كافي.....
( انمزجت دموع رسل بين دموع على اهلهاا و دموع من وره ابراهيم ) غفت بحضن خالتهاا و نامت ......
رسل..نمت بحضن خالتي و ادموعي بعيوني
........ماا حسيت غير خاله تنهدني اكعد.....بعدنه نمشي بالسيارة....گعدتني و شفت گبور داير مدايري بديت اصرخ....
ام ابراهيم..ياااا يمه اسم اللة الزهرة....يمه ابراهيم وگف السيارة....
رسل..صراخ....
ابراهيم..وكف السيارة على صفحة و رعد هم وگفهاا...و اجه يركض..
رعد..هااا خيركم شكووو...شبيهاا رسسسسل صراخه مسموع...
ابراهيم..طلعهاا بره السيارة و جاب بطل مي و غسل وجهاا و هيه بس تصرخ و رعد و ام ابراهيم ويااه و علي هم اجه يركض بعد ماا شاف رسل تصرخ......
هدى..ياااااااه..وووولج سناااء ننزل...
سناء..يبوووو كعدي يمعوده شوفي رعد يأشرلنه مننزل...
.............
ام ابراهيم..يممممه الحگلي البنت راح اتموت...
ابراهيم..يمه فدوه اروحلج اسكتي..
علي..شو انطينياهاا
ابراهيم..شنوو
علي..انطيني رسل
ابراهيم..وخر من يمي لا اجرم بيك هسه..
ام ابراهيم..يممممه انطيه البنت بلكي يعرف يسكتها...
رعد..جر رسل من ابراهيم و انطاها ل علي...
علي..ررررسسسل ...كاااافي...ذولاااك اهلج ..اتسكتين لو ارجعج للبيت هسه...
رسل..هددددددنييييي
رعد..استغفر اللة ياا ربي....يمعودين الناس التمت ..دخلهاا للسيارة بسرعه ...هسه نوصل...
ابراهيم..جر رسل من علي و دخلهاا للسيارة و صاح هدى تجي يمهاا اتهديهاا.....اجت يمهاا و حركت السيارة ...لمن وصلنه و يااا ريتنه مااا وصلنه..........نزلنه كلنه و امي و هدى لازمات رسل و يبجن ...انما رسل مااا تبجي متبسمره ابمكانهااا.....
رسل..اااااع ..هاااااي امييي...هذاا ابوووي...لا لا لا فهودي.. ركضت الهم هزت الگبور هز بصراخهاا.....تبجي و تحجي وياهم ...و ام ابراهيم لازمتهاا و تبجي ....بقينه نص ساعة ماا تقبل اتكوم.........يمممممه ياااااع...باااابا مو كلتلي شهر و اجرعلج اخذج للبيت ...فدوووه اروحلكم كومو..كعدو فدوه اخذوني وياكم....فهووودي حبيبي كوم ي بعد اخيتك خدودك صارن جوه التراب ..عمت عيني .....ليييييش يممممه ليييش..ليييش عفتيني...ليش عفتوني وحدي يتمتوني ....اگعدوووو.......تبجي و اتدك عالگبور
ام ابراهيم..بجي ..يمه ابراهيم ..علي... فدوه كوموهاا ماا بيه حيل...گووومي يمممه كااافي
ابراهيم..رسل كامت ماا تحجي يعني مثل التخورست من وره صراخها و صدمتها و بجيهاا....جريتهاا اني و علي ....
ابراهيم..وخر انت صير هيج...(يقصد علي..ماا يريده يلزمهاا)...علي يدري ب ابراهيم انو اذا عصب الدنيا ماا اتحمله...وخر و بدون أي كلمه....جريتهاا غصباً عنهاا و خليتهاا بالسيارة و امي و هدى وياهااا بقت الطريق كله تبجي و اتناشغ .......لمن وصلنه للأمام علي (ع)...شويه هدأت بس الدموع بعدهاا بعيونهاا و ماا تحجي لان ماا تكدر...هذا الصار وياهاا كله كسرت خاطري بس حرگتي بيهاا بعدها ما رايحه و كلت ارجع للبيت و اني اعلمهاا على طولة لسانهاا وياي.......دخلنه مطعم اكلنه و كملنه بس هيه الوحيده ماا كلت عفتهاا على راحتها و ما غصبتها ادري بيها تعبانه رجعنه للبيت بعد 3 ساعات.....صارت ب9 الصبح احنه بالبيت ...كلمن دخل الغرفته و ارتاح بس بقيت افكر بيهاا.........كعدت ثاني يوم باوعت الساعة ب7 و نص متأخر لان تعبان سبحت و بدلت ملابسي و طلعنه اني و رعد.......
رسل..من بعد ما رحنه للنجف ....انهد حيلي و صوتي راح و ما اكدر احجي أي كلمه...گعدت ثاني يوم الساعه ب10 البيت كله نايم بس خالتي كاعده ....مر اليوم سوالف و شقه وي البنات و علي همه...بس اني ابتسم ماا اكدر احجي أي شي...........چنه الضهر كاعدين بالصاله انسولف فجأه حچه علي......
علي..رسل
رسل..هزيتله براسي بمعنى شتريد..
علي..حاولي اتنطقين حته لو حرف واحد...
رسل..نزلت راسي..بمعنى ماا اكدر
سناء..احجي رسوله أي شي...حته لو اتصيحين...
هدى..يله رسوله...
رسل.................
ام ابراهيم..عوفوهاا يمه على راحتها ...ان شاء اللة ما راح تبقى هيج...خلي يجي ابراهيم و ياخذني اني وياها للطبيب انشوف شبيهاا...
علي..و ليش يمه ابراهيم...اني اخذكم هسه
ام ابراهيم..اااااا
علي..اي و اللة....يله رسوله كومي حضري نفسج حته انروح...
رسل..حيل فرحت من دريت علي ياخذنه...لان ابراهيم ابد ماا اطيقه.......بدلنه و رحنه بسيارة رعد امخليهاا بالبيت... لان بالشغل ابراهيم و رعد يروحون سوه بسيارة ابراهيم...( هسه افتهمتوا😂)...
.......رحنه للمستشفى و طولنه ساعه هناك يله اجه دوري...دخلنه اني و خالتي و علي بقه برا...فحصني و حاول وياي انو انطق كلمه بس ماا كدرت...كل اللي عرفته منه انو اني متعرضه لصدمه و الصراخ همه اله دور بأنو الصوت يختفي..و كال لازم تنسى الضوجه و حاولو قدر الأمكان انو اتضحكوهاا و ماا اتضوجوهاا ابد و اذا ضاجت او بجت من الممكن انو تخسر صوتهاا للأبد😧😧😧😧.....هو يحجي و اني اسمع منه بس من كال هيج انو اني من الممكن انو اخسر صوتي هناا روحي راحت بس اللة دائما وياي و ابو الحسن كافل الأيتام....نزلت دمعتي و خاله مسحتهاا اليه و كالت......
ام ابراهيم..لا يمه حبيبتي لا تبجين.... احنه يمج و ابني الشفيه 😂اللي واكف برا هم سوالفه اتونس الواحد و يكدر يضحكج و اذا ماا اتضحكين اخلي ابراهيم يضحكج غصبا عنج..😂😂
رسل..هيه كالت ابراهيم..اني اختنگت حته اسمه بديت اخاف منه.......رجعنه للبيت الروتين كالعاده ماكو شي سوالف و ضحك وي علاوي و البنات ..نسوني الدنيا كلهه و لا حسسوني اني يتيمه چنهم همه اهلي و سندي بهاي الدنيا ..حيل حبيتهم و تعلقت بيهم.......چنه مجتمعين جوه بالصاله الساعه ب9 بالليل حته ابراهيم ويانه كاعد......جان تحجي خالتي......
ام ابراهيم..يمه اني رايحه لجيرانه ام سعد خطيه مريضه و مسويه عمليه .....
ابراهيم..على راحتج يوم...روحي....
ام ابراهيم..هدى يمه كومي بدلي اتروحين وياي انتي..
هدى..اهووو يمه اني شعليه اروح اخيطلهاا عمليتهاا مثلا...
الكل..ههههههه😂😂😂😂😂
رعد..روحي وي امج و انجبي...
علي..اي منو يروح وياهاا مثلا...اني
هدى..فدوه سناء روحي انتي..
سناء..اني معليه عمتي كالت انتي اتروحين...اذا رادتني اروح وياها ما عندي مشكله..
رعد..عفيه بمريتي المعدله😂
ام ابراهيم..لا يمه انتي حامل اكعدي مو زين عليج....كومي ولج انتي لا بالماسحه على ضهرج
ابراهيم..روحي وياها ولج لا اكوملج...
هدى..تكابلتو كلكم عليه مووو...رااايحه رايحه
ابراهيم..سدي حلگج و انجبي السانج ديري بالج عليه...
رسل..خفت من حجيه...اني بس اباوعلهم و اضحك.........خالتي و هدى راحن و البقيه صعدو لغرفهم اني بقيت بالصاله اتفرج عالتلفزيون الساعه ب10.....شويه و اجاني صوت هذا.......
ابراهيم..شسوين هنااا
رسل..اشرلته عالتلفزيون عود اتفرج...
ابراهيم..ماكو تلفزيون امشي كومي نامي..
رسل..أشرلته براسي بمعنى لا ماا اريد..
ابراهيم..مممم الضاهر ميفيد وياج هذا النوع من الحجي....تعاي وراي للغرفه....
رسل..أشرلته ب لا وخر من يمي..
ابراهيم..بهمس..راح اصعد هسه... اذا ماا صعدتي وراي اندمج و حق اللي اسمه محمد..